رواية شظايا العشق الفصل الرابع وعشرون 24بقلم ميفو السلطان (حصريه وجديده في مدونة قصر الروايات)

رواية شظايا العشق الفصل الرابع وعشرون 24بقلم ميفو السلطان (حصريه وجديده في مدونة قصر الروايات)

رواية شظايا العشق الفصل الرابع وعشرون 24بقلم ميفو السلطان (حصريه وجديده في مدونة قصر الروايات)

#حكايات_mevo 

#شظايا_العشق 

استيقظ رائف في الصباح وتلك الجميله تفترش صدره ..خفق قلبه وزادت دقاته وتعالت حراره جسده ابتسم بسعاده مد يده ازاح شعرها بهدوء وظل يتاملها ويستعيد جمال ليلتهم 

ادرك رائف انه يعشقها ويريدها زوجته يريدها رغم اي شيى قرر ان يزيل اي عواقب من اجلها قرر ان يمنحها ماتريد وقت ماتريد قرر ان يقفل الماضي ويبدا معها صفحه جديده وينسي اي شيء ..فجميع الاثباتات تشير الي انها فعلت ذلك والمستندات التي اظهرها مدير المستشفي والتلاعب وانه علي استعداد لسجنها اكدو كل ذلك ولكنه قرر ان ينسي رغم انه شخص شكاك ويمتلك من القسوه الكثير ولكن من اجلها سيتنازل عن اي شيء فقط لتكون معه لتنظر اليه كما كانت تنظر اليه ..سيضرب بكل شيء عرض الحائط فقط لتكون له كما كانت بالامس ..ابتسم وارتاح وقرر ان يلين معها ولا يتلفظ باي شيء يغضبها رغم انها تغضبه وتتعالي عليه. لم يفهمها لماذا مازالت تصر ..

خلاص يا رائف انت بتحبها انت مش بس بتحبها انت بتتجنن عليها ..خلاص انسي اي حاجه مهما عملت خلاص انسي وعيش وافرح وفرحها وسامح ايه مشكلتك كل حد بيغلط وهيا ظروفها كانت صعبه جابتلك احلي هديه ابنك وهيا احلي هديه في حياتك اجمل حاجه حصلتلك ..بعد امبارح مستعد اكون ليها زي ماتحب لو طلبت عيني هديهالها .،طبع الشك والغرور والجحود اياك تعمله معاها انت عايزها لين يا رائف وسامح .

جلس سعيدا بعد ذلك القرار يريدها رغم مافعلته به . فكر قليلا وابتسم وقام اخذ حمامه ولبس وخرج .

استيقظت ديمه في الصباح لتجد نفسها وحيده... شعرت بالوجع والخزي من استلامها له فهو صب عليها حنانا لم تألفه منه من قبل .شعرت بأنها دخلت لعنه عشق لن تخرج منها فهو يقدر ان يقربها متي شاء لأنها تعشقه رغم طعنه لها واهانته لها لتقوم تدخل حمامها تحاول ان تلملم كرامتها الضائعة مع ذلك العاشق القاسي. خرجت هيا من الحمام كانت ترتدي برنسها ووجها احمر من البكاء فهيا كانت تنتحب بالداخل تتحسر علي حالها وكيف استسلمت بخزي لمشاعره ..لتتجه بهدوء الي الشرفه وتقف تتأمل السماء .

عاد رائف محملا بباقه كبيره من الورود واحضر لها هديه كبيره ...دخل ينظر اليها يتوقع ان تكون في فراشه ...فلم يجدها ...احس بها هب مرتعبا يبحث عنها تنهد بارتياح عندما علم انها بالشرفه ... ليرتاح قليلا فهو لا يعلم رد فعلها بعد ان امتلكها بكم المشاعر التي خرجت منه وقضا معا ليله ولا في الاحلام ..رجف قلبه من محياها تنهد وقام يتقدم منها عندما وجدها تقف في الشرفه حزينه تحتضن نفسها ...تشعر بالتخبط  .. 

ليقترب بهدوء ويحتضنها من الخلف لتنتفض وتبتعد ...تنهد وتحكم في نفسه ليعود ويقترب .

لتهتف بقوه ....ماتقربش من فضلك كفايه قوي كده.

تنهد وهتف بلين ...ماقربش ليه مش مراتي . استدار ومسك الورود ونظر اليها بعشق ...مراتي اللي جننتني وماعتش قادر ابعد عنها ..

لتستدير بقهر نظرت الي باقه الورد ..دمعت عيونها وقالت ..... الجربوعه صح اللي ضحكت عليك وجبتلك عيل وانت نايم.

تنهد بانفعال وازاح الورد جانبا .. ... ماخلاص بقه نقفل عالسيره الزفت دي ونعيش انا عايزك وخلاص هنعيش ونكمل وهرضي ومش هعمل مشاكل وحتي فلوس الشركه لو عايزاها خليها. والله خلاص اي حاجه مقابل انك تكوني معايا هعملها ونعيش يا ديمه .

نظرت اليه بذهول... لا والله لا بجد كتر خيرك ايه التنازل ده هترضي.

تنهد ببعض الغضب ..... عايزه ايه مش ده اللي كتي عايزاه  اهوه انا هموت عليكي وعايزك محروق ابو الفلوس نكمل ونخلص مراتي وأم ابني.

نظرت اليه بحسره ..... عايزاه...هو انت يا رائف مابتحسش خالص ...ما بيجيش في دماغك خالص اني صادقه مابيمرش حتي لمحه اني ممكن اكون ماضحكتش عليك.

قال بحرقه... ازاي قوليلي هاه قولي انت مش عارفه انا حوشت عنك ايه مدير اكبر مستشفيات مصر جايبلي مستندات رسميه بتلاعب وعايز يقدم فيكي بلاغ وانا رفضت وقولتلهم بروح اي حد يقرب منك ..الدكاتره الكبار اللي كانو بيعالجوني قومتي عند عمي ومعارفنا كلهم اللي جم وقالو كل ده كدب .،بلاش عمتي اللي استحاله تكتب لحد قرش حتي ابن اخوها برضه كدب ومع ذلك طظ في كل ده قولت هنسي واسامح ...كل الادله دي قولت هرميها تحت رجليكي ونعيش .

صرخت .... يا اخي انت ايه دماغك دي ايه.. بس لا.. انت فاكر اما تقولي كده هعمل ايه.

قال ببعض الغضب ... هترضي طبعا ماخلصنا بقه وانا مش هعمل مشاكل عايزه ايه تاني انا اهوه اللي عملتيه لاقيه.

لتضحك... هرضي..واللي عملته لقيته ..يا مصيبتي .. ليه حد قالك اني كسر ووقيع .حد قالك يا رائف بيه اني مجبوره اكون ليك.

اقترب وشدها يحاوطها ...انت عايزاني ماتكدبيش. عايزاني زي مانا عايزك ..ديمه خلاص نعيش وننسي ونبتدي من جديد .انت بتحبيني واللي حصل بينا دليل علي ده . استدار واحضر علبه من القطيفه ..شوف حبيبي عالصبح نزلت بدري وجبتله ايه ينور صدره ..وفتح العلب نظرت اليه بحسره فكان هناك طاقم الماظ يبدو باهظ الثمن ...احست بالوجع فهو سيقغدقها بالمال حتي ترضي مثبتا فكره انها فعلت كل ذلك ..دمعت عيونها ..

نظرت اليه بوجع ..دا تمن ليله امبارح يا رائف بيه ..

تجمد مكانه فهو لم يقصد ذلك ....نظرت اليه ...هو كل اما ننام مع بعض هتجبلي كده ..هتخلص فلوسك علي نومك معايا .

صرخ ...انت بتقولي ايه ارحميني بقه انا عايز اعيش .

صرخت وانا مش عايزه عيشتك اللي كلها غدر ووجع وظن سؤ مش عايزه 

اكملت  بوجع .... عارف.. قلبي ده استكفي منك وبجد نفسي اموته بايدي نفسي انزع قلبي اللي خلاني امبارح استسلم لواحد مايستحق حتي ابصله. واستحاله اكون ليه وانا بقولك انا اللي مش عايزاك .

قال بغضب ..... لا انت بقه اللي تعرفي اني جوزك ووقت ماعوزك هتكوني ليا انت مراتي رضا غصب هتكوني ليا وماحدش هيقرب منك غيري.

قالت بغضب .... وايه اللي هيغصبني يا رائف بيه.

اقترب وشدها.. قلبك اللي انا مالكه في ايدي زي مانت مالكه قلبي في ايدك وطلباتك اللي تطلبيه هجيبه.

لتدفعه وتصرخ.. اسكت بقه ماتخلنيش اكرهك اكتر اسكت اسكت حرام عليك ..فلوس كل حاجه فلوس الوحله اللي انا فيها عشان الفلوس بس مش عشاني عشان فلوسك واطيانك بس ارحموني بقه ارحموني انتو ايه مابتحسوش خالص مفيش دم ولا مشاعر هتديني فلوس اقعدلك بالفلوس. 

صرخ...اعمل ايه انت هتجننيني عايزه ايه وتقعدي قلت هنسي واللي عايزاه هتخديه ونعيش بطلي بقه انا هتجنن نفسي ارتاح .

لتسيل دموعها وتقترب منه.. دا تمامي في نظرك صحيح. صحيح هعوز ايه تاني الجربوعه حته الممرضه هتعوز ايه تحمد ربنا ان رائف بيه بجلاله قدره حن عليها ودخلها حياته وهيرضي .هيرضي بيها عشان هيا قليله في نظره يرمليها قرشين وتقعدله ينام براحته ويعمل فيها مابداله بس يديها فلوس ويوم ما يزهد فيها خلاص مالهاش عازه اهي كلبه خدت شويه فلوس وراحت.

لتمسح دموعها بقوه وتهتف.. عارف لو هتديني فلوس الكون ماعايزاك ولا عايزه قربك.

اقترب ومسكها بقوه .طب عايزه ايه قولي هعمله ..انا براضيكي اخوه حاوطها بقوه حاولت ان تبتعد ..شدد عليها ..عايزه ايه وتبصيلي زي زمان ..تبقي معايا بمشاعرك زي امبارح ..انا ابيع عمري قدام بس نظره منك .

دفعته بعيدا ...بيع عمرك بعيد عني انا مش عايزاك .

تصاعد غضبه.. ...اسمعي بقه انا جبت اخري انت ده بيتك وابنك وانا جوزك ومفيش حاجه تانيه تعملي... رائف مش سهل ولا قليل .انا خلاص عليا كده اعقلي هاه هتلاقي حياتك سهله ليتركها غاضبا حتي لا يتهور فهو يراضيها بكل السبل وهيا مازالت ترفضه.. 

وقفت هيا محصوره..... يا حسره قلبي علي عيشتي السوده.. بس لا هيا مين اللي هتعيش ... طيب يا رائف ان ماكت اعلمك يعني ايه بني آدم وقيمته وازاي غيرك يقدرني ماشي انا هعرفك لتستدير وتتصل بعمر وتتفق معه علي موعد الايفنت .

نزلت فلم تجد رائف جلست مع ملك لتهتف ملك.. ايه يا حبيبتي برضه مفيش فايده فيه لسه ماحسش بيكي.

قالت بقهر .... يحس دا يحس دا طور يا طنط انت بتقولي ايه عايز يديني فلوس واقعد له مراته شفيتش القهر اللي انا فيه.

تنهدت ملك.. اصبري يا حبيبتي بكره يعرف الحقيقه.

لتصرخ.. وانا بقه ايه خدامه عبده عنده وقت ما يعرف يلاقيني لا يا طنط هو اختار طريقه وانا ماعملتش له إلا كل الخير الحمد لله انه صدق ان سليم ابنه واللا كان الواد موتوه والا عملو فيه حاجه انا خلاص ماعتش عايزه حاجه يغور.

ابتسمت ملك.. بتكدبي ليه طيب دانتي بتبصيله وكل نظراتك عشق ليه طيب.

صرخت..... يعني هو قدر ده والا حس .

قالت ملك.. ...حبيبتي قدري طيب فكري بعقلك مش بقلبك ..انا ما بدافعش عنه والله بس ابني اتربي غلط شكاك يا بنتي عيشته وتربيته هم في هم وشوكت تعبان مش سهل ورقدته وانه يصحي يلاقي كل المصايب دي كتير عليه.

قالت ديمه ودموعها تسيل .... وانا ايه مش كتير عليا هاه مش كتير اتاخد واتجوز وأخلف واربي واخلي بالي من راجل وابنه واصرف عليهم سنين واخرتها يتقال عليا جربوعه ونصابه والبيه جاي يتجبي عليا انه هيوافق ويدخلني حياته اكون ليه واسمع واقطم طالما هبقي تحت طوعه مانا كلبه فلوس.

تنهدت ملك ...يا حبيبتي هو بيحبك وبيعشقك كمان لدرجه الجنون واحد زي شخصيه رائف كان اتصرف معاكي بوحشيه بس هو قلبه مركعه ليكي ..اه في الاول غلط وقال كلام وحش بس راجع رغم كل حاجه يراضي..والنبي ما مصدقه ان ابني يشتري ورد لواحده دا كان بيعضهم ..عايزك بجنون .. دي لوحدها تحسب ليه انه اتنازل عن غروره وشكه .

قالت ديمه ..اتنازل ايه مانا لسه نصابه في عينه .

قالت ملك ..اسمعي يا ديمه مدير المستشفي ده ينتقم منه ربنا راجل سمعته تهز وانت عارفه بيتقال عليه ايه لما يجي ويجيب مستندات انك زورتي واتفقتي وعملتي مع بتوع المعمل يبقي مش سهل يصدق .. وجوده عند عمه واللي جابهم من العيله يشهدو مش سهل ،.سميه منها لله لما كتبت الورث ليكي في حد ذاته اذيه ..سميه كت جاحده زي رائف القرش سيدها ماكانتش بتتهاون حتي مع رائف انها تكتب ليكي كل ده مايتصدقش .

صرخت ديمه ..اهو من غلبي وحظي الطين..اه كلو مصايب عليا بس ذنبي ايه . .بس لا انا مش هقعد ولا هسكت .

اسمعي يا طنط عقلي ابنك وقوليله يطلقني ويعيش حياته مع بنت عمه اهي شكله ويسيبني بهمي وقهرتي لتتركها وترحل غاضبه.

جلست ملك حزينه..... طب ايه افوقه ازاي منك لله يا شوكت اشوفك والع يا رب قادر يا كريم.

دخل رائف لتنظر اليه قاطبه ... ايه الهانم اشتكتلك طبعا .

لتقوم غاضبه.. ....ماتحترم نفسك بقه مالك طايح كده الله انا عماله اداديها عشان تهدي وانت مفيش فيك فايده طور مابتحسش اعمل ايه يا رب منه لله شوكت قلبك اكتر مانت مقلوب لتقترب اسمع بقه انا لو البت طفشت همشي واسيبها ماهقعدها وابقي اقعد بقه كل روحك عشان تتربي من اول وجديد.

صرخ.... انت ام انت عايزاها تسيبني وتروحي انت كمان.

صرخت... مانا نفسي ابقالك ام نفسي تحس وتشيل الغشاوه اللي علي قلبك وعينك نفسي تفهم ان شوكت تعبان هو وعيلته. نفسي اخدك في حضني انت ايه يا اخي عيشت سنين اترجي فيك وانت جاحد ومش راضي تسمع هموت من الحسرة لحد امتي طب انا غلطت وتبت البت دي ماغلطتش حرام عليك بقه انا تعبت تعبت. لتشعر بوجع في قلبها لتترنح .

شعر بالخوف ليندفع ....ايه فيه ايه..كانت لهفته عليها حقيقيه فمهما كان جاحدا الا ان ذكراها محفور بقلبه لتنزل دموعها .. فيه كتير وانا تعبت والله تعبت.. لتنظر اليه برجاء ...ممكن اخدك في حضني مره..

نظر اليها مترددا لتفتح ذراعيها اقترب لتشده اليها تعتصره وتجهش بالبكاء احس بنفسه يحاوطها غصبا ويشدد عليها .شعر براحه غير عاديه لاول مره يقربها ..

ظلا هكذا لتبتعد اخيرا.. سامحني يا حبيبي غصب عني والله اللي حصل.

تنهد.. خلاص يا أمي خلاص.

لتبتسم وتحتضنه فهيا اول مره تسمعها منه.. لتبتعد .. طب خلاص بقه انت هتتعبي

قالت بلين ... تعبانه عشانك خلي بالك لتطفش البت هتطفش والله.

قال بغضب..... ليه هو انا اهبل عشان اسيبها ديمه بتاعتي.

تنهدت .... طب صدقها يابني هيا هتكدب ليه.

تنهد بغلب .... طب ماقالتش ليا ليه لما اتجوزنا هاه لو كانت صادقه كانت قالت لما اعترفت بحبي ليه انما هيا كانت بتلعب عليا يا أمي. وكلو جايب دليل ايه دليلها انا تعبت وحاسس اني هتجنن .

لتتنهد وتصمت لتهتف انا تعبت. اعمل ايه في دماغك بس..

ليقوم ماتعملش كلو هيتضبط ماتقلقيش. ليقوم هيا فين.

قالت.... راحت الايفنت اللي انتو عاملينو.

قطب جبينه.. راحت لوحدها مش زفت جوزها ابقي معاها انا. ليستدير ويصعد مسرعا يرتدي ملابسه ويذهب اليها..

كانت هيا تشعر بالغيظ الشديد من تعاليه عليها وانها ستبقي معه من أجل المال لتذهب وتختار ملابسها بعنايه وتذهب الي صالون التجميل وترافق عمر الي الايفنت كان الكل حاضرا ورائف ينتظر علي نار فهيا تأخرت وداليا تلتصق به ومعه شوكت .

كانت داليا واقفه لتهتف.. ايه يا رائف انت مالك وافق متخشب كده تعالي يا حبيبي نرقص.

قال بتافف.. معلش يا داليا مش وقته انا بس مستني حد.

قالت باعتراض ... لا بقه انت ماعتش بتفرحني خالص يلا لتشده وتذهب به امام الجميع لينصاع اليها .

دخلت ديمه لتجد داليا في احضانه لتشعر بنار في جوفها 

... شفت يا عمر البيه اللي بيقولي هتبقي بتاعتي وهعمل وعايزك وزفت محضن ومكلبش في الهانم ازاي قدام الناس الكذاب.

قال عمر ... اهدي بلاش فضايح.

اشتعلت من الغيره .... ودا بيهمه فضايح طب يا رائف ان ماكت اعرفك ديمه ازاي مايتهاونش بيها. لاحظ رائف وجودها كانت قريبه من عمر لمحها لتنظر اليه بتعاملي وتستدير لتخلع وشاحها .

بهت عمر.. نهارك اسود ايه ده انت لابسه ايه.

لتهتف ديمه ببرود ..... ايه يا عمر عادي زي اي حد.

قال برهبه .... انت عايزه تتقتلي انهارده رائف هيقتلك.

قالت بغضب .. شالله يفطس يخليه في السحليه اللي محضن فيها تعالي لتذهب الي جمع رجال أعمال وتقف في وسطهم كان رائف يدور بداليا ليهتف.. خلاص بقه كفايه كده 

تركها وانصرف لمح ديمه وسط جمع من الرجال اقترب ليحس بانفاسه ستنفجر من داخله فديمه تقف بفستان عاري الصدر والضهر وترفع شعرها وذو فتحه كبيره علي القدم ليحس انه سيقتلها اندفع يذهب اليها لتبتسم هيا من منظره .

اقترب وهتف.. ....مدام ديمه عايزك.

نظرت اليه بتعالي.. شويه كده مستر رائف الناس ماينفعش اسيبهم.

ضحك احد الرجال..... لا واحنا مانقدرش الجمال ده يسيبنا.

ليشتعل رائف.. لتهتف هيا.. مستر فادي كنت عايزه اسئلك بس هو إجراءات الخلع بتاخد وقت.

بهت رائف وشعر بالنار ليهمس عمر.... نهار اسود البت هتتقتل الواد بيطلع نار.

قال فادي..... لا بسيطه مش قوي توكيل بس بسيط ونخلص مين اللي عايزه تخلع جوزها عندك.

ضحكت..... اختي التوام ... جوزها ماعتش يلزمها اصله مش شايفاه كويسه ف عينه. وهو بالنسبالها ماعتش الراجل اللي تعوزه .

اشتعل رائف واقترب.. مدام ديمه من فضلك دقيقه مسك يدها.

لتشد يدها بهدوء ....استني بس اخلص واجي معاك.. اديني كارتك مستر فادي بصراحه هيا عايزه تخلص تصدق كل اللي يهمه الفلوس وبس .

انما هيا لا .

قال فادي وهو ينظر اليها باعجاب ...فلوس ايه مش توامك ايه مابيشوفش اعمي دا اكيد بونبونايه تتلف في حرير .

صرخ رائف ..ماتبطلو بقه .

ضحكت ديمه ..ايه مش بضبط اختي تخلص من جوزها اللي قارفها 

وهيا بصراحه قرفت منه.. ونفسها في حد ياخد باله منها لتقترب من عمر مش كده يا عمر.. 

ارتبك عمر وهتف.... هاه اه طبعا.

لتهتف بدلع.. مش هياخد باله منها يا عمر مش كده.

اقترب وهمس ....لمي نفسك عشان انا مش عايز اتقتل لتصدح. ضحكتها .

احس رائف انه سيقتلهم جميعا ليقترب رائف ويشدها غصبا بعيدا لتهتف بعلو صوتها وتدفع يده ...... مستر رائف يا جماعه حابب بس يقلكو علي معلومه كانت غايبه عنكو ....لينصدم ويشعر بالخوف عندما ....

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا