رواية شظايا العشق الفصل السابع وعشرون 27بقلم ميفو السلطان (حصريه وجديده في مدونة قصر الروايات)

 رواية شظايا العشق الفصل السابع وعشرون 27بقلم ميفو السلطان (حصريه وجديده في مدونة قصر الروايات)

رواية شظايا العشق الفصل السابع وعشرون 27بقلم ميفو السلطان (حصريه وجديده في مدونة قصر الروايات)

#حكايات_mevo 

#شظايا_العشق

ما ان قال سامر صديق رائف انه بخير وليس به شئ حتي تجمدت ديمه للحظه و تحولت ديمه الي غضب جارف ..

فصرخ رائف ... الله يخربيتك انت جاي ليه منك لله..

لتندفع ديمه وتمسك احد الفازات و تصرخ ...انت كنت بتضحك عليا هاه..

قال بمهادنه .. ... لا يا قلبي انا عيان هضحك ليه بس..

صرخت... لا انت كداب صاحبك اهوه بيقول.. نظر هو الي سامر غاضبا.

فقال سامر متلبكا ..... هو فيه ايه انا انا ماقولتش حاجه.

صرخت هيا ...مش قولت انه زي القرد والدكتور.

قال سامر بخوف ...انا ماقولتش دا الدكتور والله ..

نظر اليه رائف... الله يخربيتك.

هتف سامر.. لا ماقلش ماقلش انا انا... انا همشي..

صرخت ...تمشي فين استني هنا اقف الدكتور قالك ايه لاما يمين بالله ابطحك بالبتاعه دي.

اتجه لرائف.. انت يا طين مراتك انهبلت فيه ايه.

قال بغلب ... منك لله اشوف فيك يوم جاي ليه يا بومه.. لتقترب وتصرخ انطقو الدكتور قال ايه والله اموتك يا رائف لو طلعت سليم هاه..

هتف.. لا تعبان اهوه ماقدرش اتحرك ..خبط صديقه.. مش كده يا بوز الأخص.

ليقول سامر.. اه اه تعبان ...دا  دا حتي حالته ميئوس منها.

صرخت... انتو اتنين كدابين لتحدف الفازه لتسقط بجوار سامر.

 فاندفع مسرعا ..... لا يا عم انا ماشي. 

صرخ رائف ...منك لله ليتركه صديقه ويخرج مسرعا لتقف ديمه تبحث حولها لتلتقط فازة اخري.

رفع يده بمهادنه .... اعقلي يا قلبي دا واد نتاش وكذاب وبومه.

صرخت... لا مش كذاب انت اللي كداب ومابتشبعش كدب ونايملي ومستموتلي.

دخلت ملك ...  اهدي يا حبيبتي يعني بيحاول يقرب منك.

لتصرخ... انت كنتي عارفه.

قال  رائف ...هو فيه ايه انتو مستأجرين عليا اسمعي يا قلبي شوفي انا ضهري فيه شويه وجع.

صرخت... انت كدااااب انا هعرفك انك زي القرد لتحدف فيه الفازه ليتفاداها بسرعه لتبحث عن اخري .

هب مبتعدا لتصرخ ...شفت شفت انا هعرفك تكدب عليا ازاي يا بتاع السحليه اللي كنت هتحضنها .

وقف امامها ...طب اهدي طيب مش سامحتيني وحبينا بعض وخدتك في حضني .

لتصرخ... سامحتك سامحتك لما كنت مشلول وتعبان عشان انا اصيله وانت جاحد وتخلعلي قلبي ايام مابنامش من خوفي عليك ونازله دلع ومداديه في البيه التعبان.

اقترب وقال بوجع ...والله تعبان في بعدك عالاخر.. لتلتفت حولها لتلتقط اخري وتحدفها فيه ليتفاداها ماتعقلي بقه..

قالت ملك ...اهدي  حبيبتي عشان سليم .

دخل سليم علي الصوت ليهتف.. فيه ايه يا ماما بتزعقي ليندفع رائف ويحتضن دينه لا يا حبيبتي دا ماما بتهزر .

قالت بغضب ..... شيل ايدك لاقطعهالك.

كلبش فيها ....الواد واقف عيب اهدي..لتهمس شيل ايدك يا رائف احسنلك. 

شدها وجلس  ليقفز سليم عليهم ويحاوطها رائف بيديه ليهتف سليم.. ايه بتزعقو ليه بقه ازعل منكو كده. 

قبل رائف خد ديمه لتنظر اليه مشتعله .. .. لا زعل ايه داحنا السعاده هتفرتك وشنا يابني والله. 

 سليم.. طب بوسها كتير .

نظرت اليه ديمه غاضبه تنهد رائف اقترب سليم وقرب راسيهما يلا ماحدش يزعل من التاني عشان هخاصمكو والله. 

قبل رائف خد ديمه وظل يتلمسها بشفتيه ..لتقرصه في يده ليتاوه فقال  سليم.... ايه يا بابا انت تعبان. 

نظر الي ديمه بهيام.. عالاخر والله 

لتدفعه وتنظر اليه بغضب وتصعد الي غرفتها صارخه وانا مش قعدالك فيها بقه يللا غور انا كفايه عليا كدب كده لتصعد تتركهم 

اقترب سليم.... فيه ايه يا بابا.

تنهد.. فيه غلب يابني فيه غلب علي دماغ ابوك الطين امك غضبانه.

 اقترب منه.. سليم يا حبيبي لو ماما فكرت تمشي والنبي قولها انا مش همشي وهقعد مع بابا. 

قال سليم.. ماتخافش يا بابا ماما بتحبك مش هتسيبك ..

ليحتضنه ...والله يابني انت صغير بس عقلك ماشاء الله كبير.

قال سليم.. ماتخافش انا مش هخليها تمشي ماما مش بتفارقني خالص.. 

صعد الي والدته وجلست ملك مبتسمة ليهتف انت بتضحكي علي ايه مبسوطه بمرمطتي انا رائف يتعمل فيا كده.

قالت بسخريه .... خلاص مش عاجبك سيبها تمشي يا سي رائف.

صرخ... اسيب مين تمشي دانا اموت.. اعمل ايه دلوقتي لو طلعتها هتبطحني مانا ماكنش ينفع ماقولش كده كانت هتسيبي انا عارف دماغها غضبانه وهتسود عيشتي كان لازم  اعمل عيان واللي منه لله بوظلي كل حاجه اعمل ايه دلوقتي.

لتتنهد.. يعني انت عبيط كت هتقعد مشلول علي طول .

قال بصدق ...والله لو حكمت كنت هفضل عمري كله .

تنهدت ...يعيني عالحب ... اقعد استسمحها لحد ماتتراضي ديمه طيبه وبتحبك وزي ماوجعتها كتير اقعد بقه راضي كتير.

تنهد وصعد يبحث عن زوجته.

وقفت ديمه تغلي.. الكداب نازل صلبته وتعبان ومشلول وهو زي القرد وانا كنت هسود عيشته يديني فرصتي طيب مش يخليني اتراضي. ايه كلبه ماليش قيمه صحيح ماللبيه مغرور ويقولي بصي لنفسك كل شويه .ماشي يا رائف انا هوريك تضحك عليا ازاي متغاظه يا جزمه اخد حقي منه ازاي.

دخل سليم وهتف ...ليه يا ماما زعلانه من بابا ليه.

تنهدت..... مفيش يا حبيبي دي حاجات كبار احنا ممكن نمشي اصلا.

قال ..... لا يا ماما والنبي ما تقولي كده انا عايز بابا ومش عايز اسيبه.

 قالت بغلب ...يعني ايه انا همشي.

قال بجرأه..... لا انا هقعد مع بابا .

لتصدم ....ايه هتسيبي يا سولي.

اقترب.. لا انا مش هسيبك ومش هسيب بابا انا بحبك وبحب بابا انت زعلانه هو عمل حاجات وحشه خلاص هخليه يصالحك كتير .

لتسمع صوت رائف حانيا.. قولها يابني اني هصالحها والله يا قلبي انا اسف غصب عني.

قالت بغضب .... سولي انزل تحت.

ليشير لابنه بأن لا يفعل اقترب من أمه .... بس مش هتمشي ماشي ليقبلها وينزل .

قال رائف ....ايه بتبصيلي كده ليه دانا بحبك .

قالت غاضبه.. عايزني اعملك ايه اليفك بالمره.

ابتسم .... يا لهوي دا يوم المني.

صرخت... انت بارد ليه انت ماشبعتش وجع بتضحك عليا وانا هبله وتوجعلى قلبي وكت هموت عليك انت ايه انت.

قال بهيام ..... بحبك انا بحبك.

لتقول ...واه اقعد انا بقه لسيادتكم تحب وتسبسب بعد ماعذبتني وهنتني الجربوعه اللي طمعانه في فلوسك عادي خلصت كده .

تنهد... طيب ماهو غصب عني وانا بعتذر اهوه.

لتهتف.. ايه الجديد اللي جد هاه مانا زي مانا بس ازاي طالما حد غيري عرفك اني مظلومه يبقي خلاص بقه رائف ينبسط انه مانضحكش عليه من الجربوعه. كنت هتمثل لامتي هاه .

نظر اليها بحب ...اقسم بالله عمري كله راضي ماكت هتحرك غشانك عشان تفضلي جنبي..

اقترب لتصرخ ....ماتقربش بقولك اهوه فاهم.

تنهد... خايفه أقرب عشان ماتلينيش ليا.

صرخت..... اه خايفه تقرب ماقدرش ابعد عنك. انا قربك بيخليني ابقي عايزه ابقي معاك .

ابتسم بحب... وانا هاخدكزفي حضني وهداويكي بس سامحيني والله بحبك ..

صرخت ...اعملها ازاي اعملها ازاي قولي وجعك بيموتني .عايزه قربك وعايزه ابعد .

قال وقلبه ينغزه ... طب ليه بتعذبينا مانا بقولك اهوه انا اسف. 

نظرت اليه دامعه.. اسف علي ايه يا رائف والا ايه.. تعالي كده اجيبك وانيمك واخدرك واخيلك تجيب عيل غصب عنك وحصلك فعلا شوف كميه الغضب اللي كانت جواك انت حسيت بيا بغضبي بس انا استسلمت وقولت ابني وخلاص وجه وعشت.. عشت مع واحد ماعرفش لوحدي بطولي والست اللي عملت عملتها ماتت وسابني.. عشت مبسوطه وسعيده كنا اسره جميله ورضيت بقضاء ربنا كنت روحي كنت كل حاجه اخدك في حضني وانام ماليش غيرك بدل ماكت خايفه علي ابني بقيت اخاف عليك زي ابني.. كنت اجي من الشغل احكيلك كل حاجه كنت اتخيل لما تقوم هتحميني وتاخدني في حضنك كنت متخيله اني لما اقولك عشت عشانك هتصدقتي بس التخيل حاجه والواقع مرير واحده بطولها في الدنيا مسئوله عن عيله انت كنت زي سليم لا حول ولا قوه .

لما قمت وخدوك مني قلبي انخلع خلع ماكتش عارفه انام ولا اعيش كت هموت زي المجنونه خفت يموتوك شوكت مسكني وبهدلني بس انا طفشت .. ابنك حافظت عليه شوكت ضربني عشان امضي علي فلوسك مارضيتش عشان دي امانه .انا اتهانت وانضربت لما اتبهدل عشانك وجاي تقول اسف. عمي مصطفي قالي اروحلك بس عرفت ان شوكت مككن يقتل ابني فضلت ان ابني مايشوفش ابوه يعيش يتيم وكنت هعيش ماطلبتش منكم جنيه. ماطلبتش ومش هطلب الجربوعه مش جربوعه والله ماجربوعه ولا بصيت لفلوس في ايد غيري ولا بتاعه فلوس . الذل اللي شفته كل ده عشان فلوسكو اللي عمري ما طلبتها .

لما شفتك خفت منك سميه قالتلي انك صعب لقيتك زي المجنون مرتبط بيا من غير ماتحس حاولت ابعد من خطفتني ماسيبتنيش انا كان اهون عليا اعيش عمري كله لوحدي ولا انك توجعني بعد ماقولتي بحبك.. بعد نمت اخيرا حاسه اني هعيش من غير خوف قولت هقولك كل حاجه يوم ماعترفتلي بحبك قولت هقولك واعيش وافرح.. بس ازاي ديمه لازم تكمل عيشتها سواد عارف لو كان حبك ده صادق كنت عرفت اني حبك مكلبش في قلبي يا رائف انا الفرق بينا انا حبيتك وانت ماتعرفنيش وانت حبتني بعد ماعرفتني ده الفرق. نتشتك لقلبي وخدت ابني من حضني دي لوحدها غرزه عمري ماهنسي ابني وهو بيستنجد بابوه.. لو ماكنتش قولتلك تعالي قربلي كان ابني هيترمي لمجدي يعمله حرامي والا خدام يوم ما بقيت مراتك ده دبحه ليا الجربوعه اللي بتدفع حق مش بتاعها بدفعلك حق اني بقيت مراتك وانت مش عايز مانا كمان ماكتش عايزه... عرضت نفسي عليك عشان تصدق اني شريفه وماحدش لمسني لازم  يحس بالدليل بتبصلي وموجوع ماحسبتش يوميها احساسي ايه اللي بحبه فاكرني نصابه وحراميه ولازم اخليه يصدق انه ينام معايا انت ماكتش هتصدق من غير كده لو ما كت بنت ماكت هتصدق كانت تنتحب بقهر.

اقترب وقال بوجع وعيونه تسيل منها الدموع ... حقك عليا اعمل ايه..اسف والله مالاقي حاجه اقولها بس بحبك .

لتصرخ... حقي عليك انهي حق بالضبط انهي حق لما اسمع كلمه طلاقي قبل ماتلمسني اليوم اللي كل بنت بتتمناه حبيبها يتهني بيه كان يوم دبحي. تطلقني قبل ماتلمسني بس عشان اثبتلك اني شريفه وماكتش بثبتلك اني شريفه عشانك انا ماكتش ساعتها عايزاك انا كت بثبتلك عشان تسيبني اروح انجد ابني اللي في ايد الزباله اللي انت صدقتهم وجبتهم.. مش متخيله كان ايه هيحصل.. عارف الحسنه الوحيده اللي سميه عملتها انها سابتني بنت عارف ليه عشان عارفاك وعارفه كبرك وغرورك جاي تقول ايه انت ..

فين حقي يا رائف فين جاي تقولي اسف.. ووجعي منك فين انت بتقول ايه ومفكر ان خلاص عادي كده هقعد واسامح.. اسامح مين حبيبي اللي نعتني ابشع الألفاظ حبيبي اللي هاني وضربني وخدني غصب كأني ماليش قيمه.

كانت دموعه تسيل ليهتف بقهر ... والله بحبك

صرخت... مانا كمان بحبك بس اشيل وجعي ازاي وجاي تكمل وتلعب عليا انك تعبان انت ايه مابتشبعش.

تنهد ....طب اهدي ونحلها احنا بنحب بعض وسولي بينا.

قالت بقهر ..... يا ريته ماكان كنت طفشت منك ورحت اعالج نفسي بعيد... 

ليهتف.. انت ماينفعش تفارقيني انت روحي يا ديمتي.

صرخت ..انا عايزه اسيبك دلوقتي قولي اعملها ازاي انا عايزاك ومش عايزاك مقسومه نصين ..انت دبحتني .عايزه اعذبك جوايا نار منك .

تنهد ...طب اقعدي وعذبيني انا اصلا متعذب لوحدي من غير متعذب انك موجوعه ومش عارف اعمل حاجه عذابك عذابين ليا اقسم بالله انا بحبك والله بحبك يا عمري .

 اقترب منها وشدها ...انا ماقدرش اسيبك ماقدرش والله اسيب روحي .

لتضربه بعنف ....اوعي انا عايزه اموتك مقهوره منك يا اخي بحبك ومقهوره منك انت حبك هيموتني لتظل تضربه وهو يحاوطها وهيا تبكي اوعي سيبني سيبني انا عايزه حق وجعي عايز اموتك أنا هسيبك هسيبك.. كانت تخبطه بعنف وقوه وهو يتلقف ضرباتها مستسلما يتركها تفعل ماتفعل وهيا مهتاجه تصفعه علي وجهه وتضربه في صدره بعنف  لا تكف الي ان اصبح وجهه كلون الدماء من احمراره من تلقف ضرباتها وهو متقبل ذلك بصدر رحب رغم انه شخص لا يجرؤ احد علي ضربه او صفعه ..الي ان انهكت من ضربه  ثم اغشي عليها في حضنه ...حملها فورا وذهب بها الي الفراش وظل يحتضنها بقوه ويبكي بقهر دموعه لا تتوقف لا يعلم ماذا يفعل ...

قام واستدعي الطبيب لتاتي ملك وتقف حزينه عليهم .. اعمل ايه والنبي خليها تسامحني يا أمي أنا هموت..

اقتربت امه تحتضنه ليحاوطها بشده وكان اول مره يكون عناقا بمشاعر جياشه انفحر في البكاء لتمسد علي جسده وتهمس خلاص يا حبيبي ان شاء الله خير.

قال بوجع ... انا تعبت من نفسي . انا حد جاحد ووحش ووجعتها بس غصب عني طول عمري لوحدي ماحدش حن عليا كنت عايش زي الديب مفتح عين ومقفل عين ماليش حد انا ماليش الا انتو في الدنيا من غيرك ما تسيبونيش.يا امي انا ماعرفش اعيش من غيرها انا بحبها.عايزها يا رب اعمل ايه في وجعها .

لتربت عليه خرج الطبيب ومعه الممرضه   ليقترب رائف مسرعا .. ايه يا دكتور خير. 

ابتسم الطبيب وقال........

💃💃💃💃💃💃💃💃💃💃

...

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا