رواية شظايا العشق الفصل الثامن وعشرون 28بقلم ميفو السلطان (حصريه وجديده في مدونة قصر الروايات)

رواية شظايا العشق الفصل الثامن وعشرون 28بقلم ميفو السلطان (حصريه وجديده في مدونة قصر الروايات)

رواية شظايا العشق الفصل الثامن وعشرون 28بقلم ميفو السلطان (حصريه وجديده في مدونة قصر الروايات)

#شظايا_العشق

#حكايات_mevo

خرج الطبيب ورائف وأمه يقفان وقلوبهم يأكلهم ليهتف الطبيب.. مبروك يا رائف بيه ديمه هانم حامل .. وقف رائف يشعر بأن قلبه يخفق بشده وتملكته سعاده كاغيه ..دمعت عيناه فحبيبته تحمل جزء منه اخر ...همس بسعاده ...ديمتي انا حامل.

هتف الطبيب ....اه الف مبروك ابقي هاتها بقي نطمن عليها وطبعا ماوصيكش عليها وعلي حالتها .. ليتركهم ويخرج لتقف امه.. الف مبروك يا حبيبي ربك كرمه واسع ..ومن هنا ورايح اهدي كده مهما عملت ماتنطقش ماشي..

ابتسم ...انكق ايه ..دا لو جابت رقبتي ماهنطقش ..دا حبيبي هيجبلي نونو ...واندفع ليجدها جالسه محنيه الراس ...اقترب منها ومسك يدها يقبلها.. مبروك يا قلب رائف هنجيب نونو..

نظرت اليه بغضب وشدت يدها ..... مالك انت.. انا اللي هجيب.

تراجع قليلا .. ليتنهد..... طب ماشي يا قلبي جيبي براحتك.

صرخت.. انت بتاخدني علي اد عقلي.

تنهد بغلب ...ماهو السواد هيبتدي. 

صرخت ...بتبرطم بتقول ايه انت ..

ابتسم  وهتف..مابقولش والله بريحك.

قالت بغضب....من امتي بتريحني ولا ريحتني من امتي.

قال بمهادنه.... طب اهدي انت ماينفعش تتعصبي.

لتهتف.. مالك انت اتعصب والا اتهبب مالك بيا الله خلصنا خلاص خليك في حالك..

جلس ينظر اليها بغلب وحب شديدين وعيونه تشع عشقا...فقالت متزمره... بطل تبصلي كده بقولك.

ابتسم بحنان ... طب ابصلك ازاي طيب.

صرخت..... بطل مش عايزه احس بحبك انا الله.

ابتسم واقترب ...رجف قلبها ..ابعد بتقرب ليه ..

نزل بالقرب من وجهها .. طب ماهو غصب عني ماعرفش مابصلكيش مانا بعشق حبيبي.

قالت بسماجه.. حبيبي اه فعلا.

قال بهدوء .. طب ممكن تهدي ونتكلم بالعقل.

قالت غاضبه..... حد كان قالك اني مجنونه... 

قال حانقا ....ماتهمدي بقه نتكلم..

صرخت.... انت كمان ليك عين تتخلق عليا نهارك اسود انت ايه..

كتم نفسه ..كتير عليا واللله يا رب الصبر ....تنهد .. لا يا قلبي اسف اعملي مابالك سودي عيشتي براحتك بس حبيبي يعقل كده فيه نونو جاي.

قالت بطفوليه ..... بتاعي النونو ده مالكش دعوه بيه.

ابتسم ... واهون عليكي تبعديه عني دانا غلبان ولوحدي ماليش حد الا انتو.

قالت بتعالي .. اه غلبان رائف الصباغ غلبان قوي دانت جبروت ويتفاتلك بلاد.

نظر اليها ولم ينطق... لتصمت قليلا ليطول الصمت وهو ينظر اليها بهيام ... لتصرخ... انت ساكت ليه انت دلوقتي.

نظر اليها بذهول.. ايه مانت اللي زعلانه اني بتكلم قلت انخرس عايزاني اعمل ايه.

لتقوم وتنزع الغطاء ليقف امامها.. عايزاك مالكش دعوه بيا..

تنهد.... يعني ايه يا قلبي انت مراتي وأم عيالي

رفعت يدها محذره ... عالورق بس بقولك اهوه هاه خلاص جبنا عيال واتزفتنا هنقعد نربيهم فاهم.

قال بمهادنه ... فاهم حاضر..

اكلمت بغضب ... واه هكمل شغل في الشركه.

قال بتذمر ... ازاي هتتعبي..

قالت بعناد ... مالكش دعوه قلت انا حره نفسي. واه مش هتنازل عن نصيبي في الشركه فاهم بتاعي وبتاع عيالي.

تنهد.... حاضر نصيب ايه بس الشركه كلها بتاعتك انت والعيال.

لتنظر اليه.. واه اخرج براحتي وارجع براحتي وعمر هيوصلني ماطرح ماروح.

تصاعد غضبه.... نعم ياختي هو مين اللي هيوصلك انت اتخبلتي.

لتهتف.. مالك انت مش قولنا تخليك في حالك.

اقترب ومسك يدها.. انا اه اخليني في حالي انما حد يقرب منك افلقه نصين.

لتشد يده وتهتف.... اوعي ايدي.

قال بجديه .... ديمه انا اعملك كل اللي انت عايزاه انما حد يقرب منك دي بروحي وروحك.

لتشيح بوجهها.. لتهتف ومالكش قعاد في القوضه معايا هه يلا.

انتفض..... لا بقه كلو الا ده انت اعملي فيا مابدالك انما ابات بعيد عنك مش هيحصل.

قالت غاضبه.. مالك بيا انا هبقي ام ولادك وبس وروح اتجوز بنت عمك الزرقه تاكلك انا مش عايزاك خلاص. يلا من هنا بقه روح بقلك. مش عايزاك وخرجتك من قلبي كلك كلك 

قطب لوهله ...ابتسم ونظر اليها قليلا... لتهتف ...انت بتصلي ليه انت 

اقترب وعيونه تتحول الي رغبه فادحه لترتبك وتهتف.. ايه ليه بتقرب ليه قولتلك ماتقربش وتبعد عني وخلاص مش مراتك انا فاهم..

ظل يقترب وقلبها يرجف خبطت في الحائط ليلتصق بها لتحاول ان تدفعه ...همس بالقرب من وجهها.. حبيبي خلاص هيسيبني يعني خلاص وماعتش عايزني.

لتبتلع ريقها لتجده ينظر لشفتيها ويهمس.. اروح لغيرو خلاص حبيبي مش عايز.

همس وقلبها يأن شوقا اليه ..... اه خلاص مش عايزه.

اقترب اكثر لتضع يدها علي صدره وتهمس... ابعد.

لم يبالي باعتراضها وكانت يدها علي صدره تاجج لهيب قلبه ...وضع راسه بشعرها وظل يحرك راسه بهيام تسمع تنيهداته تاجج نيران عشقها ...ملس عليها بحنان .. طب ماتبعديني يا قلبي اللي انت عايزاه هعمله ليكي من ايدك دي لايدك دي ...تشاوري ...حبيبي عايز ايه اعمله ..قول يا قلب رائف ..كانت يدها علي صدره وضع يده ...والله قلبه كله كله ....لتلين هيا من لمساته ...فهيا تعشقه لتتنهد وتغمض عينيها وهو يتلمسها بحنان ومشاعر ولا يتجاوز لعلها تحس به ...سكون للحظات سكون تصاعد العشق من قلب الوجع سكون ترتاح الجميله بقرب الحبيب ..حبيب اوجعها وعاد راكعا يطلب ودها ...حبيب له طباع خاصه جنح بطباعه غصبا وعاد وكسر تلك الطباع تحت قدميها ...لتستكين من قربه ..فهيا تريد ذلك القرب ولكن انات القلب مفطوره ....

همس... بحبك ومابحبش غيرك ولا هحب وهموت عليك وانت قمر وسايح كد ه...ليبتعد بهدوء ويقبل شفتيها بحنان.. حبيبي والله لتظل ساهمه ...رفع عيونها وظل يتاملها بحنان تلعب باناملها علي صدره الذي يصرخ من قربها يريد ان ينقض عليها يسقيها من عشقه ولكن مهلا فهيا ليست مستعده ليكبت نفسه ويزيد من حنانه لها لعله يداوي قلبها الذي طعن منهو...لامس خدها وهمس ...عيونك بتقول مش عايزه تبعد وانا عايز حبيبي ...وضع وجهه علي وجهها وركن لبرهه وانفاسهم تتعالي .

لتنتفض وتبعد وهيا تنهج وتسيطر علي نفسها ..... انت ايه قله أدبك دي مش قولتلك مش مراتك خلاص الله هو عافيه اوعي كده سيبالك الحته كل روحك واندفعت للخارج هاره من مشاعرها ..

 ليبتسم.. هاكل روحي واكلك يا مز يا عسليه بحب جزمه يا ناس هتسود عيشتي ليتنهد ويستدير ينزل ورائها.

كانت هيا غاضبه لتنزل تجلس بجوار ملك ...ابتسمت ملك .... مبروك يا قلبي يتربي في عزك.

لتتنهد وتملس علي بطنها وتبتسم.. هجيب لسولي اخ عشان مايبقاش لوحده.

قالت ملك.... بكره تجيبي دسته انا عايزه عيال رائف يملو الدنيا هو لوحده وغلبان.

قطبت ديمه.. مين ده اللي غلبان رائف ومين اللي هتجيب قورطه بس بس خلاص انا اصلا مش عايزاه بعد عمايله السوده.

لتضحك ملك.. يا بت عيب عليا دانا ملك فقساكي كنت هتموتي عليه لما كان تعبان.

قالت ديمه غاضبه.. اه لما كان بيكدب عليا صح.

ضحكت ملك ....اعقلي عندك عيل وفيه نونو جاي في السكه الراجل اه تلوعيه انما تسيبيه لا.

لتهتف غاضبه.. اه طبعا مش ابنك تقفي جنبه.

لتتنهد ملك.. كده يا ديمه انا برضه يا حبيبتي.

لتقوم ديمه وتحتضنها ...اسفه يا طنط والله ماكنش قصدي بس هو وجعني قوي والله انا اتبهدلت كتير.

لتهتف ملك... بس بتحبيه يا حبيبتي الحب وانت قلبك كبير.

قالت بوجع ..... مقهوره يا طنط عايزه اموته وبعدين اقعد احب فيه.

لتحس بيدين حولها.. يا لهوي حبيبي هيحب فيا وانا ههريك حب يا مز انت.

لتنتفض وتشعر بالخجل .... ايه ده انت عامل زي الديب بتتسحب مافيش فايده.

تنهد.. يا حبيبي مش عايز تحبني مانا اهه هموت وتحبني.

قالت كاذبه..... بطل بلا احب بلا اتزفت انا كت كنت.. اه كنت بريح طنط عشان ماتزعلش بس احنا علي اتفاقنا فاهم.. انا بقه طالعه راحه الشغل عايز تقعد اقعد كل روحك ا دي.

لتصعد وتعلم انه سيأتي ورائها لتفتح تليفونها بالكذب .. ما ان احست انه خلفها.. ايوه يا عمر خلاص انت عارف خلصت بقه واه سيبنا بعض رائف خلاص يعيش حياته ورتبنا كل حاجه.

لتضحك.. ممكن اشوف نفسي برضه انا ايه اللي هيمنعني يعني اهو جوز وراح لحاله... يللا مستنياك توصلني مش هفارقك انت.. قفلت واستدارت لتجد رائف عيونه الغضب يشع منها ..شعرت بالخوف ..اقترب ومسكها.. هو مين اللي ساب بعضه ويشوف حياته هتشوفي حياتك فين انت بتاعتي مش عشان براضيكي تفكري اني سيبتك اصلا.

لتدفعه.. لا سيبنا بعض يا رائف ايه رايك وروح شوف حالك بقه عندك فيلتك اقعد فيها دا بيتي فاهم.

نظر اليها بغضب .. بتطرديتي للدرجادي وانت فاكره اني هسيبك.

قالت بغضب .. وانت فاكر اني هرجعلك لا يا بابا عايز تقعد اقعد انا مش شايفاك اصلا فاكر لما قولتلي انت مش في عيني.. انت كمان مش في عيني يا رائف وزي ماعملت فيا هعمل فيك انا مش هقعد تراضيني وأتراضي بعد الذل اللي عملته فيه لا انت عملت وخلصنا اتحمل نتيجه عمايلك انت كبير وواعي انت كان غرورك عاميك عن حبي لتقترب انا بقولها لك وانا قدامك وعيني في عينك اهه.. لتدمع عيونها. انا بحبك يا رئف ومش بس لا بعشقك وحاسه اني في بعدك بموت .

ليمسكها ويحتضنها... طب ايه والله وانا كمان يا قلب رائف لتتنهد وتغمض عينها تحس به لتهمس... جوايا مانعني وجعي مانعني.

رفع وجهها ...هداويكي يا قلب رائف والله. 

لتهتف وهيا تنظر اليه بعشق كوي قلبه.... فصرخ ماتبصليش كده تحرقيلي قلبي وتقولي هبعد ماقدرش.

قالت بوجع ..... مادي نظراتي ليك من زمان ليه ماحرقتكش قبل كده نفس نظراتي يا رائف هيا هيا بس جوايا وجع ماقدرش أقرب منك تاني انت وجودك جنبي بيعذبني سيبني  انا بكدب عليك ولا هشوف حياتي ولا زفت.

تنهد بغلب .... طب يا قلبي هنشوف حل هنشوف بس سيبيني في حياتك.

قالت بقهر ..... هنشوف ازاي.. عارف نفسي ارجع قبل ماتصحي أرضي بوجودك جنبي زي ماكان والوجع مايبقاش كده.. نظرات حبك بتكويني بس الاهانه كبيره والجرح عالي. لتسيل دموعها.. نفسي ابقي في حضنك نفسي بس هموت يا رائف مش قدر ده. عارف عزابي اني عايزاك عايزاك يا اخي بس وجعي عالي مش عايزه اشوفك بتوجع ...

ليقترب ويهتف.. وانا بتمني اني ارجع تاني راقد وراضي انك جنبي في اي صوره احس بيكي حتي لو مش هعيش معاكي بتمني ارقد الف مره بتمني اتلقح مشلول بس غايب عن الدنيا وحاسس بيكي يا قلبي انام عمري كله ولا اني ابعد عنك. انا كنت بحس بيكي وانا راقد ..يا ريتها دامت يا ريتني ماقومت ولا وجعت ..او يا ريتني مت وريحتك ....بس مش قادر ابعد ..

.قالت بوجع ...بطل تقول كده حرام بقه تعبت تعبت ...ارجوك يا رائف انساني ابعد انا مش هقدر والله بموت في قربك ...

لتنظر اليه وتسيل دموعها ... اقترب ونظر اليها وصدره يتمزق من وجعه عليها ....عارف اني وجعتك وكنت جاحد ومش عارف اداويكي ازاي بس عهد عليا اصبر شالله الشيب يخش والعمر يروح بس استني حبيبي عمري كله ولا ليا حبيب غيره.. لينظر اليها ويقترب وينحني امامها يقبل يديها....عايزاتي ابعد ابعد واموت تصدقي نفسي اموت والله ...بس لحد مايحصل . مستنيكي يا قلبي وبدعي من جوايا ان يجي يوم تقدري تسامحي ولحد اليوم ده رائف ميت مش عايش رائف مستني حبيبه يخليه يتنفس ...ماعتش هضغط عليكي لاني فعلا ماتستحقيش الوجع ده انا اتوجع الف مره لحد ماتحسي ان ينفع اخش تاني حياتك ...ليقوم ويقبل يديها ويرحل وقلبه يتمزق أشلاء

جلست هيا منهاره عايزه اسامح عايزه حبك بس موجوعه منك مش سهل عليا اسامح مش سهل هموت يا رب حلها من عندك يا رب خفف وجعي وخليني اسامح اخده في حضني وحشني من دلوقتي مش قادره اتنفس. لتجلس حزينه تنعي حظها.

غادر رائف البيت مقهورا ...مرت ايام ولم يأتي رائف وديمه تشعر بالقهر لبعده كان يكلم سليم فقط وانزوي في فيلته يشعر بسواد ايامه .يعلم انه لا يستحقها يعلم مصابه وما فعله .ولكن ماذا يفعل ..ترك عمله وانزوي محبوسا في مكتبه اعتزل الحياه تماما كل مايشغله ويفكر فيه حبيبته وفقط .

دخل سامر صديقه .. ديمه ممكن اتكلم معاكي رائف حالته صعبه لا بياكل ولا بيشرب ولا بينام انتو بتحبو بعض ليه كده هو قاعد لوحده في فيلته ماعهوش حد زي اليتامي قلبي وجعني عليه ليه تعملو كده.

لتتنهد وتهتف.... يا سامر انا قولتله مش قادره دلوقتي ليه يعمل في روحه كده مايعيش ويجي يشوف ابنه.

ليهتف سامر ..مش قادر هو انت مش عارفه حالته وشه اصفر هيقع من قله الاكل.ايام مابياكلش وقافل مابيروحش الشغل ده مش رائف الجبروت انت كسرتيه ببعدك عنه ..ديمه انت روحه هو مش عايش لو تشوفيه ماعتش قادر يصلب طوله .

لتشعر بأن قلبها يأكلها عليه لتقوم وتهتف.. طب انا جايه معاك بس عشان اخرجة من حالته انما رجوع دي مش هنرجع لتقوم وقلبها ياكلها عليه فهيا علمت انه لم ينم ولم ياكل منذ أن رحل وعلمت من الخادمه ان حالته بشعه وكانت تقاوم ان تذهب اليه لياخذها سامر ليقف لها امام الفيلا لتهتف.... ايه مش هتدخل.

تنهد ...... لا هستني بره هلف شويه كده وارجعلك تكوني رجعتيه لعقله.

دخلت الفيلا كانت بلا صوت ليس بها احد لتفتح لها الخادمه دخلت تبحث عنه ...دخلت المكتب وجدته مظلم الا من نور بسيط ...وجدته في المكتب يجلس بجوار الحائط عالارض خفق قلبها بعنف كان مغمض عينه ويركن براسه عالحائط وممسكا بوشاحها محتضنه وهناك آثار دموع باديه علي وجهه .

كان شاحب الوجه وشعره مشعث وذقنه قد انبتت بشده لتحس به يضع يده علي قلبه ويبتسم فهو احس بها فتح عينه وجدها تنظر اليه بحب لينتفض ويندفع اليها يحتضنها بقوه كان يشعر بالجنون وانهار من البكاء ....

 لتتنهد وتظل مستكينه وهو لا يفلتها .كان يبكي بحرقه من فكره فقدها ......ظل فتره يحس بها تعيد له روحه ... ليبتعد ويدير وجهه ويمسح دموعه لتتنهد وتقترب.. وبعدين اخرتها انت عامل في نفسك كده ليه مش هنموت يعني.

قال بقهر..... مين قالك اني مش ميت.

ملست عليه بحنان... رائف انت عندك ابن محتاجك وجاي بيبي تاني ماينفعش نكمل كده لازم ترجع لحياتك وتراعي شركاتك انت رائف اللي مايهزوش حاجه.

احني راسه ..... رائف خلاص انتهي من يوم ماقلبه بطل يعيش انا مش عايش.. روحي ديري الشركات انا مش عايزها هيا السبب هيا السبب في اللي انا فيه الفلوس والسلطه .. روحي هكتبهولك والله ماعايزهم يمين بالله.ماعتش عايز حاجه نفسي ارجع متلقح ماليش لازمه تاني .

لتحس بكسرته .. بطل بقه انت ايه ده مش عشان واحده تعمل في نفسك كده.

تنهد وظل محني الراس ليستدير ويبتسم بعشق.. واحده انت شايفه كده... اقترب ومسك يدها وضعها علي قلبه.. عارفه ده حبك انغرز جوايا ومش عارف اعيش انت عارفه بقالي اسبوع بدعي ربنا اني ماكنتش فوقت من الغيبوبه وتفضلي جنبي حاسس بيكي. انت دخلتي القوضه انا حسيت بيكي ..غصب عني انا زهدت الدنيا ورايد اموت عارفه ليه عشان لو دخلت الجنه هتبقي مراتي والله ماهاممني اني اعيش لحظه من غيرك ماتزعليش عليا انا هعيش عادي المهم انت ماتتوجعيش.

لتقترب منه... مش بعد اللي مرينا بيه ده كله تعمل كده هيجي يوم وتفرح وتعيش.

قال بعشق ..... مش هفرح الا معاكي ومش عايز اعيش الا معاكي..

ليسمعا صوتا مغلولا ...... يبقي تموت احسن.....

ليستدير وينصدما عندما ......

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا