رواية جوازة صالونات الفصل الخامس والثلاثون 35بقلم الكاتبه ندي علي حبيب (حصريه وجديده في مدونة قصر الروايات)
رواية جوازة صالونات الفصل الخامس والثلاثون 35بقلم الكاتبه ندي علي حبيب (حصريه وجديده في مدونة قصر الروايات)
" جوازة صالونات "
" البارت الخامس والثلاثون "
" الكاتبه ندي حبيب "
نهال قامت قعدت واتعدلت وبصتله : لاء مش فاهمه معلش ممكن تفهمني اكتر
ادهم استغرب عدم فهمها وقال : مش فاهمه ايه ينهال بقولك لازم احجز واسافر في خلال يومين بتلكتير الشغل مدمر هناك ولازم اتواجد هناك " ادهم ملقاش رد منها فقال برجاء " قدري ظروفي لو سمحتي انا اول مره اسافر وانا حاسس بالعجز اللي انا فيه دا مش قادر اسيبك وفي نفس الوقت مش عارف اخدك فقدري كل اللي انا فيه ينهال
نهال بصتله والدموع لمعت في عيونها : ادهم انا معرفش افضل هنا من غيرك انت وجودك مطمني علشان خاطري بلاش تسافر
ادهم شدها لحضنه وباس دماغها بزعل : والله العظيم غصب عني فعلا مفيش قدامي اي حل غير ان اسافر لو عليا هاخدك معايا بس برضو مش هقعد معاكي انا هناك بشتغل طول النهار وبرجع السكن انام واقوم بدري اروح الشغل حتي لو اخدتك وسبتك في السكن همشي وانا قلقان ولا هعرف اشتغل ولا هعرف ادير مصنعي خليكي هنا وانا اوعدك مش هتأخر
نعال دفنت وشها في رقابته وعيطت جامد : لاء يا ادهم متسبنيش وتمشي انا فعلا مش هعرف اكمل من غيرك انا اتعودت انك موجود ديما متجيش بقا في النص تقولي لازم اسافر
ادهم حضنها اوي وباس خدها : حبيبة روح ادهم حقك عليا بس فعلا غصب عني والله العظيم لو عليا عمري ما اسيبك دقيقه وامشي بس مضطر والله
" نهال رافضه تتقبل فكرة سفره عمرها ما هتقدر تواجهه الكل من غيره ، ادهم مش عارف يعمل ايه او يرضيها ازاي وبيحاول علي قد ما يقدر يحتوي حزنها علشان تقدر تتقبل الفكره "
" بعدوقت من محايلة ادهم لنهال نوعا ما هديت وفضلت متشعلقه في حضنه "
ادهم مشي ايده علي شعرها : هاا هدينا ولا لسه ؟
نهال اتنهدت بصوت عالي وسألت بفضول : لو لسه مهدتش هتعمل ايه ؟
ادهم ابتسم لأنه كان متوقع سؤالها دا ضمها لصدره بقوه : هفضل قاعد مكاني واخدك في حضني لحد ما تقوليلي خلاص يا ادهم قوم سافر بقا زهقتني
نهال ضميته اكتر وغمضت عيونها براحه : بِما ان هفضل في حضنك يبقي انا لسه مهدتش ومش ههدي يا ادهم
" وفعلا ادهم فضل ضاممها لحضنه لحد ما حس انها بتتنفس بنتظام عرف انها نامت باس راسها وضم الغطا عليها كويس وضمها بحنان "
...........................
" في دكرنس وتحديدا غرفة تغريد "
" تغريد فتحت عيونها بتعب اثر المنوم اللي اخدته فضلت عيونها متثبته علي السقف بدون اي ردة فعل غير انها الدموع اتجمعت في عيونها وبس "
تغريد حركت ايدها مسحت دموعها من علي خدها : يارب انا مقدرش استحمل دا كله لوحدي ساعدني يارب
" دخلت عليها زينب وهي معاها صنيه عليها اكل بصت عليها وعلي دموعها بحسره وقعدت جنبها "
زينب بهدوء عكس اللي جواها : قومي كُلي حاجه يا تغريد علشان تخدي علاجك
" تغريد غمضت عيونها لكن دموعها بتنزل ومش بتتكلم ولا بترد ولا بتدي اي ردة فعل لأي حد "
زينب بصتلها بضيق : قوومي يا تغريد كُلي علشان تخدي علاجك
تغريد ببساطه : هاتي العلاج اخده انا مش جعانه دلوقتي
زينب اتنهدت بضيق : مينفعش العلاج علي معدة فاضيه لازم تاكلي الاول بعدين خُديه
تغريد برفض : مش واكله خدي الاكل واقفلي الباب وراكي لما اجوع هبقي اعرفك
زينب بصت علي شكل بنتها البهتان والخاسس بنتها مطفيه تلقائي دموعها نزلت : مالك يا تغريد ايه اللي فيكي دا انتي كُنتي زينة البنات كلها ايه اللي صابك يبنتي ؟
تغريد ابتسمت لكن ابتسامتها مطفيه ابتسامة حزن : انا كويسه يمكن محدش فاهمني وانا مش عايزه حد يفهمني انا مرتاحه كدا ارجوكي كفايه كلام....ارجوكي
" زينب مسحت عيونها وسابت الصنيه جنبها وقامت طلعت علي برا واخدت قرار انها لازم توديها لدكتور نفسي "
" تغريد اتعدلت علي سريرها وفضلت قاعده مبتعملش حاجه غير انها قاعده وحطه ايدها علي ودنها وبتعيط بصمت "
تغريد بوجع : كفايه بقا كفايه الدوشه اللي في دماغي دي هتموتني...اخلص منها ازاي
.......................
" في شقة نهال "
" نهال فاقت من النوم كانت الدنيا ليلت ملقتش ادهم جنبها نادت عليه اكتر من مره لكن مردش عليها ف عرفت انه مش في الشقه "
نهال مسكت فونها ورنت عليه ، كان ادهم قاعد في مكتب الحجز قام طلع برا ورد بعد شويه : ادهم انت فين صحيت ملقتكش جنبي
ادهم : حبيبي انا برا البيت في مشوار كدا مردتش اصحيكي وانا نازل..محتاجه حاجه ولا ايه ؟
نهال اتنفست بقوه : لاء كنت بس بشوفك فين..هتتأخر برا
ادهم ابتسم وقال بهزار : لاء متقوليش ان وحشتك
نهال ضحكت بخفه علي طريقة كلامه وقالت بحب : فعلا وحشتني وفعلا هتوحشني يا ادهم
ادهم ابتسم بحب وكان لسه هيرد عليها لكن السكرتيره جت تنادي عليه فقال : طيب شويه واكلمك يسطاا " وقفل "
نهال نزلت الفون من علي ودنها وبصت عليه بصدمه : هكلمك..ويسطاااا ! بيكلمني علي اساس راجل ! " ورنت تاني عليه لكن ادهم كنسل عليها وهي شاطط من الغضب "
ادهم : لاء كمان اسبوعين ايه انا عايز حجز بالكتير اوي بعد بكرا ولو موجود بكرا يبقي اكرمتني اوي
صاحب المكتب بصله وقال بعمليه : هو موجود بعد بكرا بس هيبقي غالي عليك شويه يا فندم احجز ولا هتستني ؟
ادهم : مفيش مشكله احجزلي " وفعلا ادهم حجز علي بعد بكرا ودفع حق التذكره واخدها وركب عربيته ومشي ، في طريقه للبيت قابل واحده بتبيع ورد بين العربيات ست غلبانه لكن الورد اللي معاها فعلا يخطف العين "
ادهم وقف عربيته عند الست وبصلها ببتسامه : بكام باقة الورد يا ست الكل ؟
الست ابتسمت وشاورت علي بوكيه ورد كبير لونه احمر ملفوف لفه شيك اوي : الحمرا دي ب ٢٥٠
ادهم طلع ٣٠٠ واخد الباقه وقالها بالطُف : حلال عليكي الباقي " ومشي بعربيته " هتفرح بالورد اوي انا حاسس
" بعد شويه نزل ادهم من عربيته وفي ايده بوكيه الورد ، دخل البيت وهو محروج حد يشوفه دخل ومن حظه البيت كله كان نايم اتنهد براحه وطلع علي شقته فتح ودخل "
نهال طلعت من الاوضه علي فتح باب الشقه وهي مضايقه اووي : انت كنت بتكلمني علي اني راجل ليه يا ادهم والورد دا لمين " وشاورت علي باقة الورد "
ادهم ابتسم وقال برومانسيه : الورد للورد ياست نهال " وباس خدها "
نهال شمت الورد وابتسمت وبصتله بتأثير : ادهم انا بحبك اوي بجد بحبك " وحضنته اوي "
ادهم بادلها الحضن بحب وغمض عيونه : انا عديت مرحله الحب يا نوله بقيت مُدمنك الوقت من غيرك هيبقي بايخ وممل مش عايز اتخيل ان بليل هنام بعيد عن حضنك
ضميته اكتر وقالت : طب قولي لما توحشني هعمل ايه هتصرف ازاي ؟
ادهم شالها وراح قعد علي كنبة الصالون وقعدها علي رجله ورجع شعرها ورا ضهرها : انا وعدتك ان مش هتأخر وعد عليا ان مش هخليكي تحسي بغيابي هنتكلم بليل لحد ما تنامي مني والصبح هرنلك اكلمك قبل الشغل
نهال ابتسمتله وقالت : وهتبعتلي كاجو من السعوديه ؟
ادهم ضحك بخفه وقال : وعين الجمل ولوز كمان عيني نفسها لو عيزاها متغلاش عليكي محتاج منك تخدي بالك من نفسك عايز راجل في ضهري
نهال خبطت علي صدرها وقالت : وراك راجل قد الدنيا اوعي تقلق يا ادهوووم
ادهم شد شعرها بخفه : لاء مدام فيها ادهووم يبقي انا اطمنت يحبيبة ادهوووم " وغمزلها " طيب ايه مفيش حاجه كدا ولا كدا لأدهووم
نهال بغباء : حاجه زي ايه يعني حدد يحبيبي ؟
ادهم مشي ايده علي طول ضهرها : يعني جوزك مسافر والله اعلم هيرجع امتي اي حاجه تصبره علي حريق الغُربه
نهال لسه الغباء مسيطر عليها فقالت بستفسار : طب ايه اقوم اجهزلك الشنطه يعني ولا ايه
ادهم بصلها وهو مش عارف ياخد ردة فعل خبطها بضهر ايده علي كتفها : قومي قووومي يخربيت فصلانك
نهال ضحكت ومسكت ايده : استني يا ادهم متبقاش قفوش كدا الله " وحاوطت رقابته " هتوحشني
ادهم بص في عيونها وقال بحب : ولو قولتلك انك وحشاني من دلوقتي
نهال وهي بتفك ازراره : وعمال تضيع في الوقت ليه لما انا وحشاك....
.........................
"" في غرفة تغريد ""
" تغريد واقفه في بلكونة اوضتها وعلي كتفها شال وباصه لشارع بكل برود "
تغريد بصت لرتفاع البلكونه لشارع : هيحصل ايه لو رميت نفسي من هنا يعني " فونها رن راحت اخدته وبصت للمتصل " دلوقتي افتكرتني " وردت "
سكوت شويه من المتصل بعدين اتنهد بقوه وقال بأسف : انا مش هعرف ابرر نفسي ولا موقفي بس انا اسف علي غيابي يا تغريد
"" انتظرو القادم ""
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
 رواية جوازة صالونات الفصل الخ…){kind=link}
تعليقات
إرسال تعليق
فضلا اترك تعليق من هنا