رواية زهره لا تدبل الفصل الثالث 3 بقلم امانى سيد (حصريه وجديده في مدونة قصر الروايات)

رواية زهره لا تدبل الفصل الثالث 3 بقلم امانى سيد (حصريه وجديده في مدونة قصر الروايات)

رواية زهره لا تدبل الفصل الثالث 3 بقلم امانى سيد (حصريه وجديده في مدونة قصر الروايات)

الفصل التالت

بصراحه يا زهره أنا مش عارفه إنتى استحملتى كل ده ازاي وليه أصلا جوزك مخليكى خدامه عنده وياريت بيصرف عليكى لا وكمان بياخد فلوسك يصرفها على حبيبته وبنتها وابنك بيقلدوا 

طيب معلش عندى سؤال لو إنتى مكنتيش اشتغلتى كان حصل ايه 

ـ ظروفنا كانت هتبقى وحشه ومكناش هنلاقى اكل

ولما انتى اشتغلتى ظروفكم بقت حلوه 😏

بالعكس بقت اوحش لو مكنتيش اشتغلتى كان نزل هو ودور على شغل وبهدل نفسه ومكنش هيبقى عنده وقت أصلا يبص بره إنما انتى شلتى كل المسئولية وخلتيه فاضى وهو استغل ده 

اهملتى نفسك اهتم هو بنفسه سنك بيكبر وشكلك كبر قبل اوانه من الهم راح هو دور على واحده حلوه تدلعه وابنك شاف فيكى صوره الست الخ*اضعة الضعيفة فكر*هك وبقى يتحرج يقول إنك أمه 

ـ طيب كنت اعمل ايه اساعده ازاى 

ـ تساعديه بكلمه حلوه بأكله حلوه بأنك تخففيله المصاريف لكن مش انك تاخدى دوره أبدا  

وفى الآخر كانت النتيجة اخدك لحم ورماكى عضم 

ـ عندك حق انا خسرت كل الناس عشانه حتى اخويا رافض يقعدنى معاه 

تحدثت هدير تذكرها بالماضى قصص وروايات أمانى سيد 

انتى ناسيه يا هدير وقت مابعتى الشقه واخوكى قالك اصبرى لما نلاقى شارى بسعر كويس واصريتى تبعيها للى جوزك جايبه وقتها رأفت خيرك بينه وبين اخوكى انتى اختارتى جوزك وضغطتى على اخوكى  وبعتى الشقه بخسارة ممكن حسن يكون زعلان منك وعنده حق على فكره ياريتك كنت سمعتى كلامه لكن انا واثقة لو روحتيله تانى اكيد مش هيرميكى فى الشارع زى جوزك 

حاولى تعتذريله وتقربى منه وتراضيه 

 تحدثت حنان محاولة إيجاد حل

ـ بصر يا زهره انا جوزى بيشتغل فى مدرسة انترناشونال وكان بيدور على مدرسه عربى لعيله غنيه لأن بنتهم عندها مشكله فى اللغه العربيه ممكن اخليه يكلمهملك لو لسه ملاقوش حد وتقيمى عندهم تعلمى بنتهم العربى وتساعديها فى بقيت المواد التانيه شهر كده ولا حاجه لحد ماتجيبى شقه وتظبطى دنيتك 

ـ خلاص انا موافقه كلميهم وشوفيهم 

ـ وروحى انهارده عند اخوكى عدى اليومين دول لحد مانلاقيلك مكان تقعدى فيه وكل واحدة تشوف عندها حاجه مش محتاجاها تجبهالك 

انتهى اليوم وعادت زهره لمنزل اخيها وتجر حقيبتها خلفها فتحت لها زوجته الباب ببرود 

ـ معلش يا وفاء هبات انهارده عندكم 

فسحت لها وفاء المجال لتدخل 

ـ دخلت زهره وجلست كما فعلت امس 

ودخلت وفاء لتجهيز العشاء كما تفعل وقامت بوضع الطعام وارسلت لابنائها ليبلغوا زهره 

رفضت زهره فى البداية لكن الح عليها أبناء اخيها فوافقت وجلست معهم وبداؤ فى الطعام 

تحدث مروان ابن أخيها الأكبر 

ـ وحشتينا أوى يا عمتو ليه بطلتى تزورينا زى زمان 

ـ معلش يا حبيبي ظروف ، انت دلوقتي بقيت في ٣ اعدادى صح 

ـ اه 

ـ وعامل ايه فى العربى 

ـ كويس بس النحو صعب اوى 

ـ هاتلى الكتاب وانا هزاكلك بعد الغداء 

انتهت من الطعام وكان الحديث بينها وبين وفاء يكاد يكون معدوم 

ساعدتها فى نقل الطعام وجلست مع ابن اخيها تراجع معه دروسه وجاءت ابنه اخيها حتى تشرح لها هى الأخرى 

وبعدها قامت وفاء بصنع الحلوى ووضعها امامها هى وأبناؤها دون حديث 

اتى حسن فى الليل بعد أن خلدوا للنوم وقصت له زوجته جميع ما حدث 

ـ بس يا حسن ده اللى حصل اكلت وزاكرت للعيال ونامت 

ـ سبيها مش عايزها تعرف انى عارف انها هنا ساعديها من غير ماتعرف انى عارف 

ـ طيب ليه كده ماتقف جمبها وتنسا الماضى انت طول الوقت كان نفسك تشوفها وتطمن عليها 

ـ لو عملت كده هتعتمد عليا وهتفضل ضعيفه والله اعلم هفضل عايشلها لحد أمته ، هى اكلتها ونومتها هتأثر معايا في شئ لا والله لكن سبيها تواجهه عشان تتعلم وساعديها من تحت لتحت كده من غير ما تحس 

ـ حاضر 

   🍂🍂🍂🍂🍂🍂🍂🍂🍂🍂🍂🍂

فى اليوم التالى فى مكان اخر فى احد المدارس المشهوره كانت مى تجلس مع زميلتها 

ـ انتى روحتى وقولتى لساجد إنك بتحبيه فعلاً 

ـ اه روحت اعترفتله وهو رفض 

ـ انتى جريئه اوى يا مى وبعدين مستر ساجد شخص جاد اوى فى شغله وعمره ما لمحلك بحاجة 

ـ وهو كان لمح لغيرى ولا لمح لحد خالص

ـ طيب انتى ليه عملتى كده واضح أنه رافض فكره الارتباط بعد مراته الله يرحمها ومكتفى ببنته 

ـ انا قولت اجرب ماتنسيش إن انا كمان مش صغيره ومنفصله عن جوزى يعنى لا انا ولا هو مرتبطين فيها ايه لو ارتبطنا ؟؟

ـ طيب مانتى ممكن ترجعى لطليقك تانى وتعيشى حياتك ؟ 

ـ أنا عارفة، بس في حاجة في ساجد مختلفة. هو شخص جدّي ومسؤول، وده اللي أنا بدور عليه .

ـ طيب واهو رفضك هتعملى ايه 

ـ مش انا اللى اترفض وهردله القلم ده 

ـ ازاى بقى 

ـ الترم التانى بعد ما يعدى اسبوع من الدراسة هسيب المدرسه 

ـ انتى بتهزرى طيب ماتقولى من دلوقتي يجيبوا حد تانى 

ـ لا انا قاصده كده عشان يكون حط الجدول ورتب كل حاجه ووقتها بقى يورينى هيعمل ايه 

ـ انتى فاكره بكده انك بتتغطى عليه يرتبط بيكى 

ـ لو مرتبطش بيا يبقى على الاقل ردتله القلم 

ـ انتى غريبه بجد ترديهالوا ده لو كان لمحلك بحاجة وخلى بيكى إنما كده انتى عايزه توقعى المدرسه كلها 

 ـ انا عارفه انا بعمل ايه كويس ماتقوليش حاجه انتى لحد بس 

ـ انتى حره براحتك بس انتى اللى هتخسرى صعب تلاقى مدرسه بتدى مرتبات زى هنا المدرسه هنا من اعلى المرتبات 

ـ انا عارفه انا بعمل ايه كويس ويمكن يعيد تفكير الفتره الجايه دى ويجيى هو يتقدملى 

ـ انتى حره بس افتكرى أنى قلتلك كده غلط 

    ****&****&*****&******

فى المدرسه عند زهره بدأت الامتحانات وفى منتصف اليوم اتت لها صديقتها حنان تجلس معها هى وهدير 

ـ زهره انا كلمتلك جوزى امبارح وهو كلم الناس اللى قالك عليهم دول 

ـ بجد 

ـ اه والله وهما كمان وافقوا 

ـ طيب هبدأ من امته 

ـ من بكره وهتقعدى معاهم فتره الامتحانات بس 

ـ انا رأيى يا زهره تخليكى عند اخوكى وتشتغلى دروس 

ـ معلش على الاقل هتفضلى محافظة على كرامتك وفى الاول والآخر اخوكى لحمك ود*مك وماتعرفيش الناس دول هيعاملوكى إزاى 

ـ عندك حق يا هدير خلاص يا حنان انا ممكن اروحلهم كل يوم ساعتين وافضل عند حسن لحد ما الاقى مكان تانى اقعد فيه 

ـ خلاص براحتك خدى رقمهم وظبطى معاهم 

بالفعل اتصلت زهره عليهم وقامت بتحديد موعد معهم أن تذهب لهم كل يوم لتراجع مع ابنائهم وتم تحديد المبلغ الذى ستأخذه منهم زهره 

تحدثت هدير يعد ذلك 

ـ كده يا زهره احنا ساعدناكى وانتى بدأتى تقفى على رجلك الجاى بقى بتاعك انتى ويارب ماتبصيش وراكى تانى 

ـ لا ماتقلقيش يا هدير انا محتاجه اجازه اقعد فيها مع نفسى واراجع القديم واول حاجه لازم اقعد مع حسن واعتذرله ومش بس كده حتى لو سامحنى وقبل أنى اعيش معاه تانى انا هرفض اعدى الفتره دى بس عشان الامتحانات وبعدها هتشوفى واحده تانيه 

ـ ولو رأفت واحمد جولك هتسامحيهم 

ـ لا مش هسامحهم طول عمرى بسمع عن عقوق الوالدين لكن مكنتش أتخيل أن ممكن ابنى اللى من دمى وحملت فيه ٩ شهور هيعمل معايا كده 

ـ هنشوف يا زهره 

    🍂🍂🍂🍂🍂🍂🍂🍂🍂🍂

فى الجهه الاخرى عند رأفت وابنه 

ـ كان عيد ميلاد حلو أوى امبارح 

ـ شوفت سعاد كانت حلوه إزاى 

ـ بنتها أحلى 

ـ لجل الورد يتسقى العليق 

ـ بابا كنت عايز ٢٠٠ جنيه 

ـ ليه ؟ 

ـ درس العربى 

ـ مش معايا انا كل فلوسى راحت على العيد ميلاد استنى بقى كام يوم اكون قبضت واديك فلوس الدروس .

ـ طيب واللى هيفوتنى ده اعمل فيه ايه 

ـ خده من أى حد زاكره 

وأثناء حديثهم أتصلت عليه سعاد وترك رأفت ابنه وذهب لغرفته ليجيب عليها 

ـ ازيك يا روح رأفت 

ـ وحشتنى اوى 

ـ وانتى كمان انا طلقت خلاص زهره وسابت البيت ومشيت 

ـ اوعى يكون بسببى هزعل أوى احنا ولايا برضوا 

ـ لا طبعا يا حبيبتي إحنا كده كده منا هنطلق 

ـ إذا كان كده خلاص وضب بقى الشقه وانا احيب العفش بتاعى الجديد وانت تغير شويه من العفش بتاعك ونقعد فيها

ـ تعالى واشرى بس واللى عايزاه اعتبريه تم 

ـ خلاص بكره ابقى اجى ابص عليها كده 

، بقولك كنت عايزه طلب صغنن كده

ـ قولى يا روحى 

ـ عايزه ٥٠٠ ج انت عارف احنا اخر الشهر والبت محتاجه دروس والبيت بقى فاضى فعايزه قرشين امشى نفسى بيهم 

ـ طيب ادينى ساعه كده هجيلك واجبلك الفلوس واللى محتاجاه 

ـ تسلملي يا حبيبي مستنياك 

خرج رأفت من المنزل ليسحب فلوس ويعطيها لسعاد فوجد ابنه امامه 

ـ رايح فين يا بابا 

ـ انت هتحاسبنى ولا ايه عندى درس تحب اخدك معايا 

ـ لا بس انا جعان 

ـ شوف ايه فى التلاجه واعمل أكل على ما اجى امك هتلاقيها كانت ساؤبه تكل جاهز على السوا دور كده انت بقيت شحط مش عيل هأكله ثم تركه وذهب لسعاد ليعطيها ما تريد 

   🍂🍂🍂🍂🍂🍂🍂🍂🍂🍂🍂

عند زهره ظلت جالسه منتظره عوده اخيها حتى تتحدث معه 

ـ هل اخوها هيساعدها ؟؟

ـ هل هتقدر ترجع حقها من جوزها وابنها ؟؟ 

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا