رواية ضالتي الفصل الثالث 3 بقلم حبيبة محمود (حصرية في مدونة قصر الروايات )

 رواية ضالتي الفصل الثالث 3 بقلم حبيبة محمود (حصرية في مدونة قصر الروايات )

رواية ضالتي الفصل الثالث 3 بقلم حبيبة محمود (حصرية في مدونة قصر الروايات )

-ايه النتيجة طلعت 

-اه بس

-بس ايه 

-المريضه طلع عندها آنيميا حادة مش لوكيمياء وحصل عندنا لبس بس عشان الأعراض متشابهة والكدمات ديه طلعت ناتجة عن ضرب ازاي حضرتك متقولناش من الأول أنها استعرضت لضرب عنيف 

-انتوا ايه الي دخلكوا طب انتوا بس مننكوا لله افرد ابوها راح فيها بعد كدا تت.زفتوا تتأكدوا قبل منقولوا توقعاتكم للناس 

-يا فندم 

-بلا فندم بلا ز.فت هي مش بتفوق ليه طيب 

-عشان فقدت دم كتير مع سوء حالتها النفسية هي رافضة أنها تصحى 

-انتوا مستشفى زب.الة أنا هنقلها مستشفى تاني

-احنا بنعمل الي علينا انتوا بس ادعولها واحنا حاليا بنديها محاليل عشان الانيمية ويفضل تتكلموا معاها وتطمنوها عشان تصحى 

-أنا هجيب لها بكرة دكتور تاني يشوفها يا عمي بردك عشان نطمن 

-ماشي يا محمد وانا هدخل اشوفها دلوقتي 

ــــــــــــــــــــــــــــــــــــ

في اوضة نرمين

دخل باباها وقعد على الكرسي ومسك لديها باسها 

-يرضيكي كدا قلبي الي وجعني أنا ليا مين غيرك انتي وامك فوقي عشان خاطري وعشان خاطر مامتك قومي عشان حاسس اني هموت عليكي مش قادر اشوفك كدا بدل مأنتي الي تداويني في مرضي انتي الي تعبانه طب قومي عارفة محمد هيموت عليكي عارفة هو بيحبك كان مكلمني عليكي وانه عايزك من قبل ما تقولي أنه عمار متقدملك وانتي جيتي قولتي قدامي وهو عندنا أنه عمار متقدم

فلاش باك 

-السلام عليكم ورحمه الله وبركاته عامل ايه يا عمار ؟

بصلها بحنية وقال :الحمد لله وانتي عاملة طمنيني عنك ؟

-بخير يا عمار الحمد لله 

-بابا هو في واحد زميلي في الجامعة متقدملي وقالي قولي لباباكي اني جاي يوم الجمعة 

وقتها عمار كشر حس أنه قلبه هيتخلع منه وقام هو وباباها فجاة وباباها قال :بس انتي متقدملك عريس وكويس وانا شايف أنه هيشيلك في عنيه

-لا يابابا مش حضرتك معودني على الصراحة وأننا صحاب هو كويس وزميلي وانا حقيقي بحترمه وصراحة أنا معجبه بيه 

بص بابها لمحمد بحزن وهو شايفه بيتقطع وساكت وحاطط رأسه في الأرض وكملت هي عليه وقالت: وخلي يا بابا محمد يسأل عليه مش محمد أخويا أكيد هيخاف عليا وهو عشان ضابط يطمن اكتر ويعمل تحرياته 

محمد بصلها بحزن وفي سره اخوكي ده أنا عمري ما اتمنيت غيرك وراح قالها وهو بيحاول يمسك نفسه:اه طبعا أنا همشي دلوقتي وابقي ابعتيلي اسمه في رسالة

باك

-عارفة يا نرمين ده هيقع من طوله من كتر خوفه عليكي عمري ما شوفته خايف كدا غير يوم موت رؤوف أبوه ولما تعبتي كدا فوقي عشان خاطري واحنا هنجيبلك حقق من عمار المني.ل ده 

ــــــــــــــــــــــــــــــــــــ

طلع باباها برا اوضتها ولقى محمد قاعد برا ومستقبل القبلة وبيصلي استناه لحد مخلص وقاله :انت مش يا ابني لسا كنت في الجامع بتصلي ايه دلوقتي 

-ركعتين لله يا عمي 

-طيب أنا هروح لصباح اطمن عليها دلوقتي 

-ثواني يا عمي انت ليه متصلتش بيا لما الزف.ت ده عمل كدا هو أنا مت يعني سايب واحد عر.ة كدا يعمل فيكوا كدا

-خفت على مشاعرك يا ابني هكلمك بأنه وش أنا كلمت المحامي وكنت هرفع عليه قاضية لما قبلتك في السكة كنت جاي من عنده وحصل الي حصل

-بردك يا عمي كان زمان كل ده محصلش لو قولتلي ومشاعري ايه بس اهم حاجة عندي راحتها 

-خالص الي حصل حصل أنا دلوقتي داخل لصباح بدل متقلق اكتر من كدا وتقوم 

ــــــــــــــــــــــــــــــــــــ

في غرفة صباح 

دخل سيد لقى صباح قاعدة بتتوجع جامد فقالها :في ايه مالك حاسه بإيه

-دماغي بتوجعني خالص ولما قلت للمرضة عطتني مسكن بس الوجع مش بيروح 

- بدل كدا يبقى شوية وهيعمل مفعول 

ردت عليه بخوف وقالت :نرمين عاملة ايه أنا عايزة اشوفها واطمن عليها خليني اروح

-انتي مش قادرة تصلبي طولك استني ترتاحي شوية وهنروح لها 

-طيب هي كويسة 

-اه متخافيش

دخل عليهم في الوقت ده محمد وفي ايدو كياس وقال :مالك يا صبوحة مش عيب عليكي تقلقينا عليكي كدا خد يلا يا عمي اكلها عشان تشد حيلها وتعملي المحشي الي بحبه 

-بس يا واد اقول ايه بس منه لله الي كان السبب وعمل في نرمين وفيا كدا 

حشى ليها سيد سندويتش ومسك باكو عصير تفاح وبدأ يأكلها تحت اعتراضها وقالها:لازم تاكلي عشان الدوا يا حبيبتي وعشان الجرح يلم بسرعة يلا اقطمي 

-عمي أنا رايح مشوار وجاي ولو حصل اي حاجة طمني وخلي التليفون مفتوح عشا هتصل اطمن عليكوا 

-طيب يا حبيبي تروح وترجع بالسلامه 

ــــــــــــــــــــــــــــــــــــفي القسم

دخل محمد القسم واول ما شافه العسكري وهو داخل مكتبه قام وقف حياه

-مدحت هاتلي عمار من جوا 

-تمام يا فندم 

دخل مدحت وجاب عمار من قفاه وزقه على الأرض قرب محمد من عمار وقال ببرود:بقى أنا تعمل في عيلتي كدا وكمان تتهجم عليهم ده أنا هخليك تعفن هنا 

رد عمار بإستفزاز:هو حرق.ك اوي كدا الي عملته ليه ولا عشان حبيبة القلب 

ضربه محمد بقوة راح رد عمار عليه وقاله :فاكرني مش عارف انك بتحبها ولا فاهم نظراتك ليها لكن هي حبتني أنا 

نزل عليه محمد ضرب لحد ما وشه بقى كله دم وقاله :لو مطلقتهاش حالا هتعفن هنا والله ما هتطلع منه هلبسلك قضية محاولة قتل بتقارير نرمين ومرات عمي 

رد عليه عمار بإرتباك :خلاص خلاص هطلقها ابقى وديني ليها وهرمي يمين الطلاق 

-لا يا حدق أنا هطلعك دلوقتي معايا وهطلقها غيابي من المحكمة وكمان هتدفع لها كل حقوقها 

-بس أنا مش معايا فلوس تكفي المؤخر ده اتنين مليون 

-لا معاك وأنا وأنت عارفين 

أخده محمد وراحوا المحكمة وفعلا تم الطلاق والي سهل ده علاقات محمد ورجع عمار بيته 

ــــــــــــــــــــــــــــــــــــ

في بيت عمار 

الباب بيدق جامد فتحت مامته الباب لقته متبهدل خالص فاتفجعت وقالت:أي ده ايه الي حصلك ادخل ادخل 

-اه يا عضمي الزف.ت ده دغدغني

-حصل ايه بس احكيلي 

حكالها كل الي حصل وهي شهقت وقالت :ايه دفعت اتنين مليون جنيه وطلقتها يا خايب بدل ما كنت متجوزها عشان تصرف عليك وتساعدك وتعمل مشروعك دفعت كل ده اترزع يا خايب

-طيب وانا كنت اعمل ايه اضيع عمري ده كل في السجن 

-بلا سجن بلا نيله اقعد عقبال ما أبص على الاكل 

ــــــــــــــــــــــــــــــــــــ راح محمد المستشفى واخد تقارير صباح ونرمين واخد معاه عمه وراحوا القسم قدموا بلاغ في عمار وسيد قال الي حصل بالتفصيل وراح عمار بيت عمه جاب شهود وقالوا الي حصل واتكتب في المحضر وأخد محمد العساكر وراح بيت عمار 

في بيت عمار

الباب بيخبط جامد أمه اتفجعت وقالتله :افتح شوف في ايه يا مد.هول

فتح الباب ولقى محمد جابه من قفاه وآخد أنه وقفته وقالت :في ايه بس يا بني حصل ايه 

-أنا مش ابنك وعمري ماهكون زي العر.ة ده وهو مطلوب القبض عليه بتهمة محاولة قتل مراته وامها وابقوا بعد كدا ربوا عيالكم متطلقوهمش على الناس 

ــــــــــــــــــــــــــــــــــــ

في المستشفى 

قامت صباح لما لقت سيد ومحمد اتأخروا عشان تشوف نرمين راحت اتكعبلت في المحلول و.........يتبع

تكملة الرواية من هناااااا