رواية أحببت طفلا" الفصل الخامس 5 بقلم الكاتب حازم الباشا (حصريه وجديده على مدونة قصر الروايات)

رواية أحببت طفلا" الفصل الخامس 5 بقلم الكاتب حازم الباشا (حصريه وجديده على مدونة قصر الروايات)

رواية أحببت طفلا" الفصل الخامس 5 بقلم الكاتب حازم الباشا (حصريه وجديده على مدونة قصر الروايات)

رواية { أحببت طفلا" }  - الحلقه الخامسه

صحيت سماح الصبح بدري 

ولاول مره في حياتها ، ما تصحاش على صوت جمال الزفت ، وهو بيزغودها في جنابها ، ويقولها ...《قومي يا بقره》

ونزلت تستكفش المكان الراقي اللي هو حي الزمالك العريق 

ولاول مره في حياتها ، تكتشف ان في مكان واحد بيبيع كل حاجه تخص البيت 

بالنسبه لسماح ، كان الميجا ماركت ده اختراع !!!

اشترت منظفات وخضار وبقاله ولحوم ، وطلعت بسرعه اتصلت بمعتز تصحيه وطلبت منه ما يتغداش ، عشان هي هتعمله غدا !!!

ولاول مره برضوا ... سماح حست انها بتطبخ بكل حب وسعاده

لان معتز بقى بالنسبالها هو العيله والاخ والسند 

وجه معاد الغدا ، ونزلت سماح للبنك ومعاها حلة محشي صغيره ، اديتها لمعتز ، وطلعت تكمل تنظيف في الاوضه 

وكانت حلة المحشي دي ، هي وش السعد على سماح 

وده لان معتز استنى لحد معاد انصراف العملا من البنك 

وفتح الحله وعزم على راندا وباقي الزملا

اللي عجبهم اكل سماح بشكل غير طبيعي ، وطلبوا من معتز ان سماح تعملهم اكل ياخدوه معاهم البيت 

واولهم كانت العقربه ... مدام وفاء ، اللي طلبت ان سماح تعملها اكل كل يوم 

وترحمها من عذاب الطبيخ ، هي وابنها اللي عايش على الاكل الجاهز 

خصوصا وان وفاء بعد الطلاق ، كان مطلوب منها تمارس دور الاب والام مع ابنها المسكين 

وبالفعل ...

قدر معتز يقنع سماح بفكرة مشروع تجهيز الاكل المنزلي 

واشترطت سماح عليه انه يساعدها ويشاركها في المكسب ، ومعتز وافق 

وبدأت سماح ومعتز مشروع الاكل المنزلي 

وفي اقل من اسبوع ...

كان نصيب معتز من مكاسب مشروع الاكل ، بقا اكبر من مرتبه في البنك !!!

وحس معتز ان ربنا بيكافئه على جدعنته مع الست المسكينه دي 

وانه قدر يحقق اول نجاح حقيقي له ، وبقى مشروع الاكل شاغله عن الروايات القذره اللي كان بيحس ان نجاحه فيها ، كان مجرد وهم 

وكان كل ما بيحقق نجاح اكبر في الروايات دي ، كان قصاده بيحس انه بيسحقر نفسه اكتر واكتر !!!

حتى حبه لراندا ، ووجعه وقهرته انها فضلت عليه "هيثم" ، المهندس الوسيم الغني ، برضوا اقل جدا 

لانه وجد احساس الامان مع سماح ، واللي دايما كان بشوف نفسه كبير وعظيم في عنيها 

---------------------ء

كان الاسبوع ماشي زي الفل 

الكل كان مبسوط والدنيا وردي مع الكل ... ماعدا المنحوس مجدي !!!

ونرجع لمجدي اللي من بدايه الاسبوع فضل مستضيف معتز 

وتقريبا اتفقوا ان معتز خلاص هيسكن معاه للابد ، طالما بيدفع الخمسين جنيه حق البيات عنده

وفضل مجدي يراقب الباشمهندس هيثم ، عشان يعرف اهتماماته ايه ، ويعرف اذا كان بيحب واحده او مرتبط !!!

وكان هيثم ساكن في فيلا طويله عريضه مع ابوه وامه واخته الصغيره 

وهما ناس ملتزمين كلهم ، بتوع ربنا ، وهيثم طلع مش مرتبط والحمد لله 

وطبعا راندا طارت من الفرحه لما عرفت ان حبيب القلب سكته سالكه 

الا ان الفرحه دي اتقلبت بغم ، بسبب المصيبه اللي عملها مجدي !!!

واللي بدات في ليله ما كان مجدي سهران كالعاده ، بيراقب الفيلا بتاعت هيثم من ورا سور الجنينه 

ولمح بت شكلها مش مظبوط وهي داخله تتسحب جوا الفيلا !!!

الفار لعب في عب مجدي ، وقرر ينط من فوق السور ، ويعرف البت دي جايه لمين وجايه تهبب ايه !!!

وعشان مجدي حظه هباب ، الغفير بتاع الفيلا شافه  وقفشه من قفاه ، وجرجره لحد " هيثم " 

ودار بينهم الحوار ده ...

هيثم باندهاش :

انت مين ؟؟

وكنت بتهبب ايه جوا الفيلا ؟؟

مجدي وهو مذعوور :

يا باشا انا مش حرامي 

انا دخلت الفيلا بالغلط

انا كنت اتلخبطت بين فيلتكم 

وفيلا واحد صاحبي 

رد هيثم وهو ماسك تليفونه :

طالما كده 

يبقى احنا نتصل بالبوليس

وهو اللي يتصرف 

جري مجدي ومسك ايد هيثم وقال :

انا في عرضك يا هيثم بيه

بلاش البوليس 

انا هاحكيلك كل حاجه 

انا واخد فلوس من الاستاذه راندا 

اللي بتشتغل في البنك 

عشان اراقبك 

فصدي اراقب حضرتك 

هيثم كشر ورد وهو بيزعق :

انت بتستهل يا بني ادام انت 

والبنك هيراقبني ليه !!!

رد مجدي وهو بيطلع من جيبه ١٠٠٠ جنيه ، وبيديهم لهيثم : 

لا يا باشا 

الموضوع مالوش علاقه بالبنك

البت بتحبك يا باشا

وقصدتني اراقبك واجيبلها اخبارك

اذا كنت مرتبط يعني مرتبط ولا لا 

وبتحب ايه وبتكره ايه 

وادتني ١٠٠٠ جنيه 

حلال عليك يا باشمهندس

انا مش عاوزهم 

قعد هيثم وبدا يضحك وقال :

حط فلوسك في جيبك 

واتصلي بالبنت دي

وافتح الاسبيكر 

عشان اسمع المكالمه  

ولو طلعت بتكدب

يبقى هاتصل بالبوليس زي ما اتفقنا 

تمام يا حاج ؟؟

بسرعه البرق اتصل مجدي براندا ، واول ما فتحت الخط ، راح فاتح الصوت وقال :

مساء الفل يا استاذه راندا 

ردت راندا بفرح :

مساء الخير يا مجدي

طالما اتصلت بالليل كده

يبقى عندك اخبار حلوه

عن هيثومي حبيبي 

رد مجدي بكل ثقه :

انا كنت براقب هيثم باشا 

زي كل يوم 

واتقفشت 

ايوه اتقفشت 

وهيثم باشا مش عاوز يحلني 

ردت راندا وهي بتلطم على وشها :

اوعى يا مجدي تكون قلتله 

اي حاجه عن موضوعنا 

انا عارفه انك جدع 

ومش هاتبيعني 

وقبل ما يرد مجدي ، دخل هيثم في الحوار وقال بصوت هادي جدا :

مساء الخير استاذه راندا

راندا اتنفضت من سريرها ووقعت على الارض ، وقالت بصوت كله رعب :

ايه ده !!!

مين معايا ؟؟؟

رد هيثم وهو بيضحك : 

انا هيثوومي يا افندم !!!

في اللحظه دي ، راندا كانت بتتمنى الارض تتشق وتبلعها ، فتنحت زي التمثال الجبس وفضلت ساكته شويه 

هيثم قعد يعلي صوته :

الوووو

استاذه راندا

انتي سمعاني 

الوووووو

الووووووو

وفجأه الخط اتقطع !!!

مجدي قعد يهلل :

الله اكبر

الله اكبر

ظهر الحق 

عرفت يا باشا اني مش حرامي 

وان غرضي شريف

وحاولت اوفق راسين في الحلال 

هيثم قعد يضحك ، وقال لمجدي يمشي وما يقربش من الفيلا دي تاني ابدا 

ومجدي اخد الطريق من فيلا هيثم لبيتهم جري 

------------------------ء 

تاني يوم الصبح ...

راحت راندا الشغل ، وعنيها منفوخه من كتر العياط ، وحكيت لمعتز على المصيبه اللي عملها مجدي 

ومعتز فطس على روحه من الضحك ، وقعد يواسي راندا 

لحد ما فجأه ... معتز صرخ بصوت عالي : 

الحقي يا دودو 

حبيب القلب هنا 

وشكله جاي علينا 

بصت راندا من الازاز ، ولمحت هيثم فراحت راقعه بالصوت :

يا انهار اسود

يا نهار اسوووود 

وراحت مستخبيه تحت المكتب !!!

هيثم دخل المكتب وقال بكل هدوء :

صباح الخير

استاذه راندا فين لو سمحت ؟

رد معتز بقرف :

صباح النور 

استاذه راندا .....

وقبل ما معتز يكمل جملته ، كان هيثم لف من ورا مكتب راندا ، وقعد يبصلها ويضحك ، وهي متكومه ومستخبيه ومدياله ضهرها 

وطى هيثم ، وقال بكل هدوء :

صباح الخير يا استاذه راندا 

حضرتك بتدوري على 

حاجه معينه تحت المكتب ؟؟

تحبي اساعدك ؟؟؟

اتنفضت راندا ، وجت تقوم فجأه ، فراسها اتخبطت جامد في قعر المكتب !!!

وقامت وهي بتدعك راسها ، وقالت بارتباك :

اه القلم مشي 

قصدي القلم وقع 

انا اسفه واللهي

هيثم حس بالحاله الهباب اللي راندا فيها ، فقال بسرعه :

هل ممكن اعزم حضرتك 

على فنجان قهوه 

في الكافيه اللي قصاد البنك ؟

ردت راندا وهي متنحه :

بتتكلم بجد ؟؟؟

طب قول واللهي !!!

اسفه ....

قصدي ...

ايوه طبعا 

وراحت واخده شنطتها وماشيه مع هيثم 

معتز باندهاش :

انت رايحه فين يا راندا !!!

والشغل ؟؟؟

ومدام وفاء ؟؟؟

ردت راندا بكل هدوء :

يتحرق الشغل

على مدام وفاء

على البنك كله 

وخرجت راندا وهيثم وقعدوا على الكافيه ، وبداوا يتعرفوا على بعض 

ودار بينهم الحوار ده ...

راندا وهي موطيه وشها في الارض من الكسوف :

انا مكسوفه جدا من حضرتك

ومش عارفه اقول ايه

طبعا انت دلوقتي 

بتقول عليا اني بت مجنونه 

وما عندهاش دم

واني واحده .....

قاطعها هيثم وهو بيمسك ايدها وبيبتسم :

ممكن لو سمحتي 

ما نتكلمش في موضوع امبارح ده 

موقف وعدا خلاص

ردت راندا وهي بنفخ من الغيظ :

عدا ازاي بس 

انا طول الليل قاعده اعيط

وكله بسبب الزفت اللي اسمه مجدي

الله يخرب بيته 

بس لما اشوفه 

انا هانفخوا

ضحك هيثم بصوت عالي ، وقال :

حرااام عليكي

ده احنا المفروض نشكره

لانه كان سبب اننا نقعد دلوقتي

تنحت راندا شويه ، وقالت بضحك :

برضوا لازم انفخوا

وبعد كده اشكره 

ههههههههه

رد هيثم بصوت كله حنان ودفء :

اقولك على سر 

زمان اول ما شفتك في البنك

سألت وفاء عليكي

وقالتلي انك مرتبطه 

بزميلك اللي اسمه معتز !!

اتعفرتت راندا وقالت بغيظ :

الجذمه 

الواطيه 

الحيوانه

انا هانفخها هي كمان

معتز ده زي اخويا بالظبط 

رد هيثم بصوت حاسم وهو مكشر :

مفيش حاجه اسمها زي اخويا 

ده استعباط 

وانا ما بحبش كده 

وما بحبش الاختلاط اصلا بين الراجل والست

خصوصا لو الست دي 

هتبقى مراتي في يوم من الايام 

ردت راندا بدلع :

انت معاك حق 

وانا لو ارتبطت 

اكيد هاراعي مشاعر خطيبي 

وهاعمل كل اللي يريحه

هيثم رجع تانب ابتسم وقال :

طب يا ستي 

اعتبري نفسك مرتبطه 

واعتبري قعدتنا دي وكأنها بدايه

نعرف بعض اكتر 

ونشوف لو مناسبين لبعض

يبقى هنكمل باذن الله 

واجي اطلبك من اهلك 

ده لو انتي موافقه عليا طبعا 

ردت راندا بكل لهفه :

طبعا موافقه يا هيثم 

وهاعمل كل اللي يريحك 

وهاتغير عشانك 

لاني بجد ... بحبك 

رد هيثم وهو بيعصر ايد راندا بقوه جوا ايده :

انا في قمة سعادتي يا راندا 

وباذن الله ربنا هيجمعنا ببعض

في بيت واحد 

كانت راندا هاتطير من الفرحه !!!

وبعد ما قضت ليله كلها غم امبارح

فجأه ... لقت حلمها بيتحقق

واخيرا خطفت قلب هيثومي !!!

وقعدوا الاتنين يرغوا كتير اوووي ، كان هيثم بيعرف راندا كل الحاجات اللي بيتمناها في شريكه حياته

وكانت راندا طول الوقت بتقنع هيثم انها بتحبه ، ومستعده تعمل اي حاجه عشان ترضيه !!!

------------------------ء

جه معاد الانصراف من البنك ، ومعتز خرج وبص من بعيد على الكافيه اللي كانت راندا لسه قاعده فيه هب وهيثم 

وعينه اتحجرت فيها الدموع ، لما شافهم قاعدين يضحكوا ، وهما ماسكيين ايدين بعض !!!

وعرف خلاص ان حب حياته خلاص ضاع من ايده ، ولقى نفسه مخنوق وقلبه خلاص هيقف 

فقرر يطلع لسماح ويفضفض معاها ، بدل ما يموت من القهره 

----------------------ء

في الوقت ده ...

سماح كانت خلصت تجهيز الاكل ، وسلمته للولد بتاع الديلفري 

ودخلت الحمام تستحمى ، وفجأه سمعت صوت رنه الجرس ، فقالت بصوت عالي :

مين ؟؟؟

مين اللي عالباب ؟؟؟

رد معتز بصوت عالي :

انا معتز يا سماح

ردت سماح :

معلش يا معتز 

انا في الحمام

افتح بالمفتاح اللي معاك 

ثواني واطلعلك

دخل معتز وهو كان خلاص على اخره ، فبدا يعيط 

سماح سمعته ، قلبها وقع في رجليها ، وقالت وهي مذعوره :

معتز 

انت فيك ايه 

انت بتعيط 

معتز مكنش قادر يرد ، سماح لفت البشكير على جسمها ، وحطت فوطه على شعرها ، وجسمها مبلول ، وطلعت جري تشوف معتز ماله 

واول ما معتز شافها قالها :

انا هاموت يا سماح 

قلبي هيقف من الوجع 

سماح بدون اي تفكير ، راحت حضناه ودموعها نزلت وهي بتقول :

سلامتك يا قلب اختك

سلامة قلبك يا حبيب امك 

ان شاله انا بدالك

انا افديك بقلبي وعمري يا ابني

معتز دفس راسه في صدر سماح وقعد يعيط زي الاطفال 

وسماح فضلت تطبطب على ضهره ، وتبوس راسه وهي بتعيط بحرقه ، وتضمه بكل حنان

وطبعا لا الفوطه ولا حتى البشكير ، قدروا يتحملوا الموقف العاطفي ده 

وفجأه وقعت الفوطه ووراها البشكير من فوق جسم سماح ، وهي ومعتز في حضن بعض 

حضن بريء بين ام وابنها !!!

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا