رواية زهره لا تدبل الفصل التاسع 9 بقلم امانى سيد (حصريه وجديده في مدونة قصر الروايات)

 رواية زهره لا تدبل الفصل التاسع 9 بقلم امانى سيد (حصريه وجديده في مدونة قصر الروايات)

رواية زهره لا تدبل الفصل التاسع 9 بقلم امانى سيد (حصريه وجديده في مدونة قصر الروايات)

تنهدت غزل واغمضت عينيها فى محاوله لتمالك واستجماع طاقتها لتتحدث عن ذلك الماضى حتى تختبر نفسها هل ما زالت تتأثر من زكر الماضى أم أنها داخليا استطاعت أن تتخطى ذلك الماضى 

فتحت عينيها مره اخرى ونظرت لزهره التى يتأكلها الفضول لمعرفه ماضى غزل 

Flash back 

من ٢٥ سنه ماما اتوفت وبابا اتجوز واحده تانيه كانت حلوه وصغيره كانت اصغر من بابا بعشر سنين وقتها كان عندى عشر سنين وبابا ٣٥ سنه وهى ٢٥ سنه 

المهم من أول يوم دخلت البيت وهى اعتبرتنى الخدامه بتاعتها ولما يجيى بابا تفضل تدلع عليه وتلبسله اللى تخليه يبقى مغيب حاجات كان محروم منها مع ماما الله

بابا كان عاجبه الجو اللى هى بتعمله فمكنش بيسأل على حاجه تانيه قدرت تخليه زى الخاتم فى صبعها الصغير وكانت اى حاجه تقولها بتتنفذ 

كانت مرات اب بمعنى الكلمه اقوم اروق وانضف الشقه واعمل الأكل وهى مش وراها حاجه غير انها تهتم بنفسها طبعاً كنت ممنوعه من الخروج ومن أنى اعيش زى أى بنت 

فلوس بابا كلها كانت بتروح عليها كريمات ماسكات لبس واللذى منه كنت بلاقى تسليتى الوحيده في أنى اذاكر وشغل البيت بقى تسليه فمبقاش فارق معايا طلبتها طول اليوم قاعده فى البيت ازاكر وبقيت منى لنفسى اروق الشقه واغير نظامها كل شويه من غير ماحتى مرات ابويا تطلب منى 

لحدٍما ده كان عملى توازن انها افتكرت أنى بعمل كده عشان اراضيها وبقت حرفيا تعاملنى زى الخدامه ولو اعترضت تهددنى انها هاتخلينى اقعد من المدرسة مر ست سنين على الوضع ده

فلوس بابا معاها خروجات عزايم فى البيت وبره البيت وبابا لو فكر يعترض تهدده إنها هتسيبله الشقه وتمشى وكان بابا بيعوض ضعفه قدامها بأنه يستقوى عليا 

كانت هى تشوف ضعف بابا قدامها تقوى شخصيتها اكتر 

حكمت عليه أنها مش هتخلف عشان مش ضامنه لو شكلها اتغير وتخنت بابا هتفضل مسيطره على بابا ولا لا 

وبابا كمان مكنش فارق معاه خلفه مزاجه وكيفه هما اللى يفرقوا معاه 

فضلت كده لحد ما خلصت الثانويه العامه 

مكنش ليا صحاب كنت أخاف اصاحب حد يعايرنى بعد كده بوضعى وحتى لو صاحبت حد انا مش هعرف اتواصل معاهم بره المدرسه 

فكنت مكتفيه بعلاقاتى السطحيه مع زمايلى فى المدرسة 

لحد هنا انا شايفه أنى كنت بحارب بطريقتى

كنت بحاول أعتمد على نفسى عشان فى أول فرصه أعرف ابعد ابعد عنهم 

خلصت ثانويه عامه كان عندى ١٦ سنه وكنت فرحانه وقررت أنى اشتغل وطبعا شغلى كان على مزاج مرات ابويا وشرطت عليه عشان توافق وبابا يوافق تاخد نص مرتبى وانا وافقت عايزه اخرج عايزه اى أمل اتعلق بيه يخلينى اعيش 

فضلت اشتغل سنه كامله وهى تاخد نص مرتبى عشان تصرفه على نفسها ولو تعبت كانت تنزلنى الشغل غصب عنى عشان مايتخصمش حاجه من مرتبى ولو صممت أنى منزلش تقزلى خلاص انا هاخد نسبتى كامله واخصمى بقى اجازتك من فلوسك كنت اوافق عشان تسبنى فى حالى 

لحد مافيوم كانت قاعده مع واحده قريبتها  انا كنت نايمه تعبانه وبالصدفه وانا معديه من قدام الاوضه اللى هما قاعدين فيها سمعتهم 

ـ اه يا مرفت جوزيها وخدى من وراها قرشين مش هى عايزه تشتغل 

ـ اه هى بتشتغل ولو جوزتها مش هاخد من وراها حاجه 

ـ لا بصى بقى انا جوزى يعرف ناس مش مصريين بيجوا يفضلوا فتره فى مصر هنا وبيكونوا عايزين يتجوزوا فتره كده لحد ما شغلهم يخلص ويسافروا ايه رأيك تجوزيها واحد من دول وتاخدى من وراها قرشين خلوين ولما يطلقها ويرميها ترجع شغلها ولما نلاقى غيروا ارجعى جوزيها تانى 

ـ والناس دى بتدفع يعنى ممكن يدفعوا فلوس حلوه تستاهل 

ـ أقل حاجه ٥٠ الف جنيه عشان البت صغيره وكل أما تكبر وتتشطر الفلوس تزيد 

عارفه اتصدمت من تفكيرهم ازاى وصلت أنهم يفكروا كده يبيعونى كانهم قوادين لا انا استحاله اوافق ده حرام انا مش موافقه وهتكلم معاها واعرفها برفضى 

انتهت زياره ابنه خالتها  وقررت انها سوف تزوج مروه ( الاسم القديم لغزل ) 

لرجل ثرى وتأخذ فلوس من زواجها وعندما ينتهى الزواج ستزوجها مره أخرى 

خرجت عليها مروه وقطعت تفكيرها 

ـ انا سمعتك وانتى بتكلمى قربتك ومش موافقه 

ـ وقفت امامها مرفت وقامت بلط*مها بقوه 

ـ انتى فاكره نفسك ليكى رأى هنا إنتى ولا ابوكى 

لا يا حلوه انا يوم ماجيت البيت ده ابوكى كان هيطردك وانا اللى قولتله خليها خدامه ليه وخليتك تكملى تعليم عشان تفضلى تحت طوعى يوم ماتخرجى منه اهددك بيه انما انا اللى اقول تعملى ايه وماتعمليش ايه حياتك دى ملكى انا وابوكى نفسه بكلمه منى اقوله يعمل ايه وما يعملش ايه 

انا هدورلك على عريس وهاخد قرشين من وراكى وانتى وشطارتك بقى لو عرفتى تقلبيه فى قرشين تانين، واهو احسن ليكى برضو من شغلك فى المحلات والمولات 

ـ كده حرام أنا مش هعمل كده

ـ حرام ايه يا خايبه ده جواز على سنه الله ورسوله ولو انتى جدعه وشاطره كده ممكن تخليه مايطلقكيش تانى وتكملى حياتك معاه

ـ يا مرات ابويا ابوس ايدك بلاش انا خايفه ومش هعرف اعمل حاجه وغير كده لسه سنى صغير مش هستحمل

ـ لا هتستحملى ومش عايزه رغى كتير مايمكن الراجل انتى ماتعجبهوش وقتها تبقى ضيعتى وقتى فى الرغى معاكى على الفاضي 

غورى اعملى الغدا لحد ما نشوف اخرتها ايه 

مر اسبوع وقامت إبنه خالتها بالاتصال بها مره اخرى

ـ مرفت جبتلك عريس انما ايه متريش وعايز يتجوز بسرعه وممكن كمان ياخدها ويسافر 

ـ بجد طيب هاتيه وتعالى انهارده بليل 

ـ ابوها هيوافق وهى كمان هتوافقة، انا مش عايزه اطلع عيله قدامه 

ـ ماتقلقيش تعالى بليل اكون كلمته واقنعتهم 

اتصلت مرفت على زوجها وقصت له عن العريس وزواجه من مروه 

ـ بس البت صغيره دى لسه هتم ال ١٧ سنه 

ـ خلاص قربت تتمهم وبعدين ١٦ سنه كبيره تقدر تتجوز وتخلف كمان 

وبعدين البت هتتجوز جوازه حلوه وتعيش عيشه حلوه واحنا كمان نستفاد من وراها الراجل هيدفع مبلغ كبير نوضب منه الشقه واجبلى حته صيغه كده 

ـ طيب البت هتقنعيها ازاى 

ـ انا هتصرف المهم ادخل جهز نفسك كده عشان هيجوا بليل قصص وروايات أمانى سيد 

دخلت مرفت لمروه وظلت تقنعها ان توافق وأن الزواج سيكون دائم ليست كما تظن وانه سيأخذها لبلده وستكمل دراستها أيضا وظلت تقنعها بأحاديث وهميه واعطتها ملابس جديده من عندها وقامت بتزينها حتى تبدوا فى شكل اكبر 

حاولت مروه إقناع نفسها أن ذلك الرجل فرصه للهروب من أبيها وزوجته وإذا كان اكبر منها سنا ويعاملها بلطف إذن لا بأس فأبيها أكبر من زوجته بعشرة اعوام ويدللها كأنها ابنته ليت ذلك الرجل يعاملها كما يعامل ابيها زوجته 

وافقت أن تقابله وارتدت الملابس التى اعطتها لها زوجه ابيها وتركتها تفعل بها ما تشاء 

اتى الرجل واعجب بها وقرر أن يتزوجها خلال اسبوع وقرر أن يعطى مهرها ٥٥.٠٠٠ الف جنيه 

كان عمر الرجل ٤٠ عاماً مقاربا لابيها فى العمر

تم الزواج خلال اسبوع واخذها لشقته التى استأجرها ليجلس بها فتره اقامته فى مصر 

كان يتعامل معها مروه ببرود وتعالى فأبيها باع وهو اشترى ولا يحق لأحد أن يسأله ماذا يفعل وأخذ منها البطاقة وقرر أن يستخرج لها زواج سفر لتسافر معه فهو سيحتاجها كثيرا 

ـ بقولك يا مروه جواز سفرك طلع واعملى حسابك هنسافر كمان أسبوع وبحذرك مش عايز اسمع منك سيره اهلك دى تانى فاهمه 

End flash back 

نظرت زهره بصدمه من حديث غزل او مروه وبدأت تسالها

ـ طيب انتى مفكرتيش إن الراجل ده ممكن يكون متجوز 

ـ انا كنت طفله ومكنتش اعرف حاجه عنه بس كنت بقول لنفسى اكيد مافيش راجل متجوز هيتجوز مره تانيه 

ـ طيب رضيتى بالأمر الواقع ليه

ـ مكنش قدامى غيره وقلت خلاص اعامله حلو واعتبره ابويا يمكن يعتبرنى بنته وفعلا الفترة اللى قاعدناها هنا فى مصر كنت بهتم بيه وبعمله كل حاجه يطلبها مكنتش بقوله لا كنت بحاول أشوف ايه يرضيه واعملهوله وهو خد طريقه تعاملى معاه بشكل غلط فافتكر أنى بعمل كده لزوم الشغل 

ـ وهو فعلاً كان بيعاملك كويس 

ـ عارفه يا زهره اللى فات والاذ*ى اللى شوفته في حياتي كلها كوم وجوازى منه والع*ذاب اللى شفته معاه كوم تاني 

عارفه انا عرفت إن مرات ابويا ملاك جمبهم 

ـ جمب مين 

يتبع 

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا