رواية متمردة وقعت في عشق مغرور الفصل التاسع 9 بقلم حبيبة مجدى (حصريه في مدونة قصر الروايات)

 رواية متمردة وقعت في عشق مغرور الفصل التاسع 9 بقلم حبيبة مجدى (حصريه في مدونة قصر الروايات)

رواية متمردة وقعت في عشق مغرور الفصل التاسع 9 بقلم حبيبة مجدى (حصريه في مدونة قصر الروايات)

" الفصل التاسع "

عند حبيبة فى المنزل كانت العائلة جميعها تجلس لتناول الطعام وكانوا الجميع يأكل فى صمت تام وسهير استغربت من الصمت الذى دار بينهم هذا وقررت أن تتحدث لتقطع هذا الصمت

سهير : إيه يا ولاد مالكم فى إيه محدش بيتكلم ليه؟ 

فارس : مفيش حاجة يا ماما إحنا كويسين بس إحنا بس تعبانين شوية من الحاجات اللى علينا متشغليش بالك أنتى بس يا ست الكل

سهير : ربنا يوفقكم فى حياتكم يا حبيبى *** ثم  نظرت إلى هنا *** وأنتى يا أم نص لسان عامله إيه فى جامعتك

هنا بتنهيده : تمام يا ماما مفيش حاجة جديدة عادى يعنى

سهير استغربت نبرة هنا الشبيهه بالحزن بعد شوية 

هنا : الحمد لله شبعت هقوم أنا نهضت وأتجهت لغرفتها

حبيبة بسرعة : أنا كمان شبعت عن إذنكم

و ذهبت خلف هنا سريعا ونهض أيضا فارس وأتجه إلى غرفته و تمدد على فراشه وظل يفكر بدينا أما عند حبيبة دلفت إلى غرفتها وجدت هنا تجلس ويبدو عليها الحزن الشديد جلست بجانبها على الفراش وقالت بتساؤل

حبيبة : مالك يا هنا فيكى إيه؟ 

هنا : مفيش حاجة يا حبيبة أنا بس تعبانه شويه من هم الجامعة والمحاضرات الكتيره اللى عليا بس كده

حبيبه بشك : يعنى مفيش حاجه تانى مضيقاكى ومش عاوزة تقوليهالى 

هنا : ل لأ مفيش حاجة يا حبيبة متشغليش بالك أنتى بس

حبيبة: ماشى يا حبيبتى بس وقت ما تعوذى تتكلمي قوليلى

هنا : ماشى يا حبيبتى ربنا يخليكى ليا يا رب 

حبيبة بحنان : ويخليكى ليا يا هنون

نهضت وخرجت من الغرفة أخذت الأطباق وقامت بغسلهم وأعطت أمها الدواء الخاص بها ثم عادت إلى غرفتها وجدت هنا نائمة أستلقت بجانبها وهى تفكر فى الذى حدث وكانت تفكر بأنها يجب أن تبحث على عمل أخر لأنها أكيد سوف تطرد من الشركة بعد الذى حدث لذلك يجب أن تبحث عن عمل أخر فى أسرع وقت ظلت إلى أن أستمعت لصوت رنين هاتفها و وجدتها روان قامت بالرد عليها فورا

روان : إيه يا بنتى عامله إيه أنا للأسف معرفتش أكلمك بسبب ضغط الشغل وأول ما خلصت روحت ونمت ولما صحيت علاطول قولت أكلمك أنتى كويسة ولا إيه ها

حبيبة : إيه يا روان أهدى مفيش حاجة حصلت لكل ده

روان : هو إيه اللى مفيش حاجة يا بت أنتى يعنى هو طبيعى لما أنتى تضربى مدير الشركة بالقلم مرة واحده قدام كل الموظفين دنا لحد دلوقتى مش مصدقة اللى حصل ده ودلوقتي أنا عاوزة أعرف كل حاجة منك بالتفصيل 

حبيبة بتنهيده : حاضر يا ستى هقولك *** و قصت لها كل شئ حدث *** وبس يا ستى ده اللى حصل

روان : بصى هو أنتى الصراحه غلطانه لأن أنتى عارفه أنها مش أول مره تعمليها معاه وأخر مره كنتى مهزقاه لكن لما كملتى كلامك لقيت أن اللى عملتى كان رد فعل طبيعى منك على محاولة إجبارك إنك تركعيله وتمسحى جزمته فخلاص أنسى بس أنا خايفة ليسلط حد عليكى أو يحاول يعمل معاكى حاجة وحشة يا بنتى ده شكله مش سهل ويخوف أحذرى منه

حبيبة بغضب : يولع ولا يعمل أنا مبيهمنيش ولا بخاف غير من اللى خالقنى وميقدرش يعمل معايا حاجة ولا يفكر حتى

روان : خلاص متشغليش بالك بس أنتى هتعملى إيه لأنه أكيد مش هترجعى الشركة تانى بعد اللى حصل

حبيبة : هحاول أدور على أى شغل تانى وأمرى لله بقى 

روان : أنا كمان من بكره هسيب الشركه معاكى أنا معاكى دايما ومش هسيبك مهما يكن 

حبيبة : لأ طبعا إيه اللى أنتى بتقولى ده مستحيل تسيبى الشركه أنتى ماصدقتى لاقيتى شغل هتسبيه علشان حاجه متستهلش قسما بالله يا روان لو سبتيه منا عارفاكى تانى

روان : يا حبيبة أنتى أختى مش صحبتى أنتى عارفة كويس أنا بحبك قد إيه وإحنا إتعاهدنا نبقى على الحلوه والمره سوا

حبيبة : أنا فاهمه كويس إنك بتعملى كده علشانى بس أنا مش هقبل إنك تضحى بشغلك ومصلحتك عشانى وزى ما قولتلك أوعى تسيبى شغلك مهما حصل تمام يا روان

روان : ماشى يا حبيبتى خدى بالك من نفسك 

حبيبة : حاضر وأنتى كمان يلا باى

أغلقت الهاتف معها و هى شارده فى اللتى ستفعله غدا ومحاولة بحثها عن عمل لكنها قبل كل هذا يجب أن تذهب إلى الشركه لتأخذ ملفها الشخصى وتقديم إستقالتها قبل أن يقوموا هم بطردها وعرفت أنها ستقابله لا محاله لكنها ستحاول عدم الاختلاط به ثم تمددت على الفراش وأغلقت عيناها وهى تحاول وبعد شوية راحت فى نوم عميق

_________________________ 

عند فارس فى غرفته كان يجلس على الفراش وهو يمسك بهاتفه وهو يقرر أنه سوف يرسل رساله لدينا لأنه رأى أنها كانت منزعجة قليلا عندما غادرت وأرسل رساله فيها

فارس : دينا أنتى عامله إيه أنا بطمن عليكى علشان كنت حاسك إنك متضايقة شوية لما مشيتى فقولت أطمن عليكى أنتى كويسة ولا فى حاجة

انتظر قليلا حتى جاءته رساله تقول له بها

دينا : الحمد لله أنا كويسه مفيش حاجة أنا بس كنت مرهقة شوية من الشغل وأرتحت شوية متشغلش بالك أنت بس

فارس : إيه مشغلش بالى دى أنتى عارفه كويس إنك غاليه عليا وأمرك يهمنى لوهله دينا شعرت بسعادة غامرة على الرغم من كلماته البسيطه إلا أنها جعلوا قلبها يرفرف من السعاده لكنها تعرفت أنها تهمه مثل أخته ليس أكثر من ذلك 

دينا : أه شكرا يا فارس ربنا يخليك يارب أنا هنام بقى تصبح على خير 

فارس : و أنتى من أهله

 و ترك الهاتف و تمدد ثم ذهب فى نوم عميق 

تمددت دينا على الفراش هى أيضا لكنها كانت حزينه قليلا بأنه يعتبرها مثل أخته لكنها قررت أنها ستجعله يعترف بحبه لها

دينا بتحدى :  إن مخلتكش تيجى وتقولى بحبك مبقاش أنا يا فارس يا ابن ام فارس وأبتسمت قليلا ثم ذهبت فى نوم عميق

____________________________

فى صباح يوم جديد 

فى قصر السيوفى استيقظ عمر من نومه على صوت الخادمه وهى تطرق الباب لينزل للإفطار نهض من على الفراش ودلف إلى المرحاض أخذ حمام دافئ وخرج أرتدى ملابسه اللتى جعلته أكثر وسامه وبخ عطره الرجالى وخرج من الغرفة أتجه إلى الصالون وجد أباه وأمه يجلسان للإفطار جلس هو الأخر وبدأ فى تناول الإفطار والكل كان مستغرب أفعاله هذه 

محمود : غريبه يعنى صاحى بدرى ولابس بدله مع إنك نادرا لما تلبس بدله وبتفطر معانا ورايح الشركه من نفسك غريبه يعنى

عمر بجمود : لأ عادى مفيش حاجه غريبه ولا حاجه هو حضرتك أصلا بتعرف أنا بعمل إيه ولا بقرر لأيه علشان تعرف إذا كان فى حاجه غريبه ولا لأ يعنى

دولت : فى إيه مالك طايح فى الكل كده ليه أبوك عاوز مصلحتك ويبقى ده ردك عليه أنت بجد بقيت فظيع أوى

عمر : و حضرتك من أمتى بتعرفي اللى فى مصلحتى ولا لأ ما حضرتك طول عمرك ما بتفكريش غير فى النوادى و المجتمع اللى حضرتك بتمثليه جايه دلوقتى و شايفه مصلحتى هاااأ لأ بجد جديدة  ***ومره واحده وقف وقال *** أنا ماشى رايح الشركه سلام غادر القصر و هو غاضب ركب سيارته

و اتجه إلى الشركه

دولت بغضب منه : عيل قليل الأدب بجد

محمود نظر لها بغضب : مهى دى تربيتك يا ست هانم تستحقى بقى اللى بيتقالك اشربى بقى

وقف و غادر القصر وأتجه للشركه

_________________________

فى منزل الجرحى

استيقظت حبيبة من نومها خرجت وأتجهت للمرحاض توضئت و أدت فردها وأتجهت للمطبخ وبدأت فى تحضير الإفطار وبعد وقت أنتهت من تحضيره و وضعته على المائده وذهبت إلى غرفة فارس وجدته مازال نائما أبتسمت وقررت أنها ستعمل به مقلب أخذت هاتفه وأشغلت المنبه و وضعته بجانب أذنه ومره واحده المنبه ضرب فى أذنه ونهض بخضه 

فارس بفزع : إيه إيه البيت بيولع ولا متنا ولا إييييه 

قهقهت حبيبة عليه عندما رأت هيئته و لم تستطع التوقف 

حبيبة بضحك : لأ بجد مش قادرة دنتا مسخره بقى معقوله أبو الفوارس يتخض كده لأ فظيع بجد 

فارس بغضب مصطنع : أه يا بنت الكلب يا حبيبه وربنا منا سيبك انهارده

نهض من فراشه سريعا وظل يركض خلفها فى جميع أنحاء المنزل حتى حاصرها فارس وأتجه إليها وعلى وجهه علامات الشر 

حبيبة بخوف : أااه جالك الموت يا تارك الصله 

فارس وهو يُمسك بها من ملابسها : أنتى مش هتعقلى يا بت فى حياتك أبدا مخلفين واحده هبله فى البيت بجد

حبيبه : بقى كده يا فاروسى أتضايقت عشان بس خضيتك حبه خلاص أنا أسفه أنا كنت بصحيك علشان تفطر علشان أنا عارفه إنك تعبان وشقيان مش صح ولا إيه

فارس : أه وأنتى لازم علشان تصحيني تقطعيلى الخلف أنا هسيبك المرادى بس لكن قسما بالله لو عملتيها تانى لخليها ليله سوده عليكى فاهمه

حبيبة : ف فاهمه أحنا أسفين يا صلاح 

فارس وهو يرحل : يلعن أبو شكلك

حبيبة بهمس : ضربه فى مصارينك 

فارس : بتقولى حاجة يا أختى

حبيبة: هاااا لأ دنا كنت بقول ربنا يخليك ليا

تركها وأتجهت حبيبة لتيقظ هنا وتجمعوا جميعا على الطاولة 

هنا : أنا مش رايحه الكليه انهارده

سهير : ليه يا حبيبتى مالك فيكى حاجه

هنا : لأ يا ماما بس مش قادره وتعبانه شويه و كمان أصلا مش عندى غير محاضرتين و مش مشكله أوى هبقى أخلى صاحبتى تصورهملى

سهير : ماشى يا حبيبتى براحتك

نهض فارس من على الطاوله

فارس : أنا كمان شبعت

و اتجه إلى الغرفه أرتدى ملابسه وخرج من المنزل وذهب لعمله و هنا نهضت هي أيضا وأتجهت لغرفتها وسهير نهضت أيضا و أخذت حبيبه الأطباق وقامت بغسلهم و اتجهت للغرفه أرتدت ملابسها وخرجت للمنزل متجها للشركه 

_________________________

فى شركة السيوفى

وصل عمر الشركه نزل من سيارته ودلف إلى الشركه متجها مكتبه جلس على الكرسى ثم أتصل بالسكرتيره وطلب منها

عمر : أبعتيلى أسر فورا 

السكرتيرة:  أمرك يا أفندم

وبعد وقت دلف أسر إلى مكتب عمر وكان خائفا قليلا 

أسر : إيه يا عم قالولى إنك عاوزنى

عمر : أه كنت عاوز منك حاجه

أسر : خير فى إيه

عمر : البنت اللى أخانقت معاها إمبارح 

أسر بأرتباك : م مالها 

عمر بجمود : عاوز الملف بتاعها يجيلى حالا

أسر : طب ليه عاوز الملف بتاعها يعنى

عمر: ملكش فيه خليك فى حالك وروح هاته زى ما قولتلك

أسر : ح حاضر

 و نهض ثم خرج من المكتب ليحضره

عمر لنفسه بتوعد : أنا هعرفك مين هو عمر السيوفى

وبعد وقت دلفت السكرتيرة ومعها الملف الخاص بحبيبه أخذه منها ثم خرجت وهو كان يطلع على الملف ويفكر فى الذى سيفعله معها ... وبعد وقت وصلت حبيبة إلى الشركه وأتجهت لمكتب السكرتيره وطلبت منها أن تقابل أسر والسكرتيره ذهبت لأسر لتخبره وهو وافق ودلفت إلى مكتبه 

أسر : أتفضلى يا أنسة حبيبة أقعدى

جلست حبيبه و قامت بإخراج ورقه من حقيبتها

حبيبة وهى تعطيها له : أتفضل حضرتك 

أسر باستغراب : إيه دى؟ 

حبيبة : أستقالتى يا فندم أنا مش هقبل أشتغل فى شركه أنا أتهنت فيها بالطريقه دى

أسر : يالهوى عليكى يا بنتى يعنى أنتى فوق مانتى ضربتى المدير كمان أنتى اللى عاوزه تستقيلى ده أنتى قادره

حبيبة : حضرتك أنا أولا معملتش كده من فراغ الأستاذ المدير اللى حضرتكم فخورين بيه أهانى وكان عاوزني أركع عند جزمته و أمسحها تفتكر ردى ده هيبقى طبيعى ولا لأ

أسر بتفكير : الصراحة لأ 

حبيبة : شوفت حضرتك زى ما قولت عامة أنا جايه هنا علشان أقدم أستقالتى وأخد الملف بتاعى وأمشى من هنا

أسر بأرتباك : الص صراحة أ أنتى ملفك عنده هو مش عندى

حبيبة وهى تغمض عينها بغضب : مينفعش أنت تجيبه منه

أسر : الصراحة لأ مقدرش أنتى ممكن أنتى تدخليله 

حبيبة بغضب : ماشى هروحله ونهضت ثم خرجت من المكتب

أسر لنفسه : يارب أسترها يارب

بعد أن خرجت حبيبة أتجهت للسكرتيره وطلبت منها أن تقابل عمر أتصلت السكرتيرة بعمر وبعد وقت قم بالرد

عمر : فى إيه يا ناهد؟ 

السكرتيرة : أستاذ عمر الأنسة حبيبة طالبه تشوفك

عمر بابتسامة خبث : خليها تدخل

السكرتيرة : أتفضلى يا أنسه

دلفت حبيبه إلى المكتب و وقفت أمام عمر وأعطته الورقه 

عمر : إيه ده؟ 

حبيبة : دى أستقالتى أنا مستحيل أشتغل هنا تانى وأتمنى حضرتك تقبلها وتديني الملف بتاعى عشان أمشى 

لكن الصدمه هى !!!!!؟

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا