رواية النصيب الفصل التاسع 9 بقلم نورمحمد( حصريه وجديده في مدونة قصر الروايات)

رواية النصيب الفصل التاسع 9 بقلم نورمحمد( حصريه وجديده في مدونة قصر الروايات)

رواية النصيب الفصل التاسع 9 بقلم نورمحمد( حصريه وجديده في مدونة قصر الروايات)

البارت التاسع کامل من روایه النصیب

#البارت_التاسع(النـصـیـب)

كانت سارحه في افكارها العميقه دي لغايه مااخترق تفكيرها صوت شخص تاني وهو بيقول:ممكن اقعد هنا ياانسه

يارا بصتله بلامبالاه والشخص ده قعد جنبها وطلع سجاره وولعها وقال:يااه على الدنيا صحيح مش كل شئ الانسان بيتمناه بيكمل معاه زي ماهو مخططله في خياله ابدا

يارا حاولت تتجاهل وجوده جنبها بس هو بصلها بأعجاب وقال:إلا صحيح الجميل سرحان في ايه اصل بصراحه انا من مده شايفك سرحانه كده في ملكوت تاني ايه حب جديد ده والا ايه؟

خلص جملته الاخيره بغمزه وخبث ويارا ابتسمت بخفوت وقالت:والا جديد والا قديم والله ياكابتن احنا اصلا مش مكتوب علينا نشوف حب في حياتنا الظاهر كده

رد عليها وهو بيلوي فمه زي النسوان وقال:والله عندك حق ياختي دي الدنيا بقت صعبه بشكل لكن قوليلي هو القمر اسمه ايه؟!

يارا بصتله ببسمه وقالت: اسمي يارا المدام يارا ياخويا

ضحك بأحراج وقال:طب وبتقوليها كده ليه دنا حتي كنت قاصد خير ياطنط

يارا وقفت بضيق من كلمته الاخيره وقالت وهي ماشيه:ياخي جاك قطر لما ينط عليك قادر ياكريم ولد ثقيل بجد

ضحك بقوه على كلامها وقال:ماشي ياطنط بكره نشوف بقى هيحصل معانا ايه ياجميل؟!

يارا ابتسمت من جواها على طريقه كلامه وطلعت علشان تركب عربيتها لانها اتأخرت على المعاد اللي قاله لها حازم

اما الشاب ده فتغيرت ملامحه كلها لغضب بمجرد ما اختفي اثر يارا من قدامه وطلع فونه بسرعه ورن على شخص تاني وقال بسرعه وستعجال:نفذ دلوقتي حالها هي طلعت من نادي لازم تخبطها قبل ماتصل لعربيتها انت فاهم

خلص كلامه ببسمه شريره وتخطيط مدبر لما هو قادم؟!

اما يارا فبصت تجاه عربيتها وهي بتمر من الطريق لقت عربيه قربت منها بسرعه كبيره وخبطتها بقوه لدرجه انها طارت في الهواء وبعدها وقعت على الارض بعنف وهي سايحه في دمها..

وبعد وقت يارا فتحت عنيها بتعب وألم كبير في رأسها وبصت قدامها بتوهان وقالت:اااه انا فين وحصل ايه معايا؟!

خلصت جملتها بوجع وفجأه اخترق سمعها صوته وهو بيقول بلهفه وقلق:انتي كويسه يامدام يارا ردي عليا انتي سمعاني مش كده؟

يارا وجهت نظرها تجاهه بصدمه وستغراب وقالت:انت..انت بتعمل ايه هنا وانا حصل معايا ايه انا مش فاكره حصل ايه بعد ماسبتك في النادي ورايا

ابتسم لهاوقرب وجهه منها بخبث وقال:مفيش ياقمر بس الظاهر ان جمالك سحر السواق اللي كان معدي قدامك ودخل فيكي بالغلط بس الحمد لله اني لحقتك بسرعه قبل ماكان خطفك حد تاني غيري

غمز لها في نهايه كلامه بمشاكشه خلت يارا ابتسمت له بكسوف وهو قرب منها اكتر وقال:ممكن اسئلك سؤال هو الجدع جوزك ده ازاي سايبك تخرجي كده لوحدك وانتي بسم الله قمر وتقدري تسرقي قلب أي حد كده بسهوله ايه مش خايف حد يخطفك منه والا ايه؟

يارا سمعته وابتسامتها اختفت بحزن وقالت بهمس وحسرة:هه وحازم هيخاف عليا ليه وهو اصلا نايم في العسل دلوقتي مع حبيبه قلبه

قالت كلامها بهمس بس هو قدر يسمعه بوضوح فبعد عنها وقال ببسمه:على العموم اعرفك بنفسي الاول انا اسمي احمد الشيمي ابن عصام الشيمي الله يرحمه صاحب مصنع ملابس الشيمي للملابس المتنوعه تسمعي عنه

ردت عليه يارا بمعرفه وقالت:طبعا اسمع عنه ده بابا كان بيستورد الملابس من عنده للمحلات بتاعتنا اتشرفت اوي بمعرفتك يا..

قاطع كلامها دخول حازم الغرفه وعلامات القلق كان مرسومه على وجهه وقرب من يارا بسرعه وقال بقلق :يارا انتي كويسه حصل معاكي ايه ومين ده اللي خبطك بعربيته؟!

يارا بصتله بصدمه وستغراب واحمد بصله بضيق غريب وقال:اهدي ياستاذ مراتك كويسه الحمد لله واللي خبطها بعربيته سواق تاكسي وانا بلغت عنه

حازم سمعه وقرب منه بشك وضيق وقال:وحضرتك تبقى مين اصلا وبتعمل ايه هنا جنب مراتي لوحدكم؟

احمد توتر اوي من كلام حازم الموجه له بشك وتهام بس يارا لحقت الموضوع بسرعه وهي بتقول:حازم اهدى ده هو اللي انقذني بعد ماالعربيه خبطتني في نص الشارع ولولا وجوده وقتها انا كنت مت هناك و

قاطعها صوت احمد اللي سبق حازم في الرد وهو بيقول:بعد الشر عنك متقوليش على نفسك كده تاني

يارا اتحرجت اوي منه وحازم بصله بضيق وغيره وقال:شكرا ياستاذ على وقفتك مع مراتي نردها لك قريب ان شاء الله تقدر تتفضل دلوقتي من هنا انا موجود اخد بالي منها

احمد فهم ان حازم ادايق من وجوده فوقف بأحراج من الموقف ده وقال:العفو يافندم ده كان واجبي بس والمدام بقت احسن دلوقتي الحمد لله وانا اطمنت عليها عن ازنكم

خلص جملته وهو عنيه متعلقه على يارا وكأنه مش عاوز يخرج ويسيبها وهي بالحاله دي قدامه بس هو مجبور يمشي دلوقتي بسبب وجود حازم معاها فخرج من الغرفه

وسابهم لوحدهم وهنا حازم قرب من يارا بغضب وقال:ممكن افهم مين ده وكان قاعد معاكي هنا لوحدكم ازاي ها ردي عليا؟!!

يارا خافت من شكله قدامها فبلعت ريقها بخوف وتعب وقالت:مانا قولتلك انه اللي انقذني ياحازم وكان قاعد هنا علشان يطمن عليا بس

حازم بصلها بضيق بس تهند بعمق وقعد جنبها وقال:تمام المهم بقيتي احسن دلوقتي ولا انادي للدكتور يطمني اكتر عليكي

يارا بصتله بستغراب وتعجب وقالت بحده:وانت مهتم بيا ليه اصلا انت مش ضحكت عليا واخدت اللي عاوزه مني وبعدت عني دلوقتي خالص يبقى بتمثل الاهتمام قدامي ليه عاوز مني ايه تاني ياحازم بيه؟!

حازم بصلها بضيق ووقف وقال بحده وغضب:انا اللي غلطان علشان جيت اطمن عليكي وكل ده مجرد شفقه بس لانك بقيتي يتيمه ومش ليكي حد تاني غيري بس الظاهر ان الشفقه كمان خساره فيكي يابنت العز خلاص انا همشي وابقى ابعت بابا ياجي ياخدك هو من هنا سلام

خلص كلامه وسابها وخرج من الغرفه بغضب وضيق ويارا بصت اثره بدموع مقدرتش تمنعها بسبب وجعها منه وغمضت عنيها بألم ومشاعر مجروحه وهي بتقول بصوت باكي: الله يرحمك يابابا انت الوحيد اللي كنت بتحبني بجد في الدنيا دي و

سكتت فجأه على صوته القريب منها وهو بيقول بحنان وحب: وانا كمان بحبك

يارا سمعته وفتحت عنيها بصدمه وزهول لما لقت احمد قاعد جنبها وهو بيبتسم لها بحنيه وقال بمشاكسه: وحشتك مش كده بصراحه انا مهنش عليا امشي قبل مااطمن عليكي اكتر ولما شوفت جوزك خارج من المستشفي لوحده قولت ارجع اطمن عليكي تاني ها ايه الاخبار دلوقتي بقيتي احسن لما شوفيني هنا جنبك مش كده؟!!

خلص كلمته الاخير بغمزه خلت يارا غصب عنها ابتسمت له بسعاده لان وجوده بجد فرحها وكلامه ديما بيرسم البسمه على وجهها بدون اراده منها وقالت براحه وسعاده: تصدق اول مره تقول حاجه صح شكرا لانك رجعت تاني علشاني

احمد ابتسم لها وقرب منها بخبث وقال بهمس: اقولك على حاجه سر بس اوعى تقولي لحد تاني عليها انا بجد من اول مره شوفتك فيها قدامي وانتي بقيتي شاغله دماغي معرفش ليه بس بحس براحه كبيره لما بقعد جنبك رغم اني شوفتك النهاردا بس

يارا قلبها دق بشده لاول مره في حياتها تحس بالشعور ده رغم ان حازم كان ديما يكلمها برومانسيه وحب بس اول مره تحس ان كلام احمد لها دخل قلبها بجد في اللحظه دي

فبتسمت له بكسوف ووجهها بقى لونه احمر بشده واحمد بعد عنها وفضل يهزر معاها وهي كانت بتضحك معاه من جوه قلبها بسعاده كبيره

…روایـه الـنـصـیـب حـصـریـه بـقـلـم نـور مـحـمـد

اما حازم فرجع البيت ودخل شقه جمال ابوه وبص قدامه لقى حبيبه اللي جرت عليه بقلق وهي بتقول: طمني ياحازم يارا كويسه مش كده هي فين دلوقتي انت مش جبتها معاك ليه؟!

حازم بصلها بضيق مرسوم على وجهه وقال:متقلقيش بقت احسن دلوقتي وهي في المستشفي لسه..

سكت دقيقه بعدها ووجه نظره لجمال وكمل: بابا لو سمحت روح انت جيبها من هناك علشان انا تعبان اوي من الشغل وعاوز ارتاح دلوقتي تمام عن ازنكم

مشي حازم تجاه غرفه حبيبه قدامهم وجمال بصله بستغراب وقال بتعجب وعدم فهم: لا حول والا قوه الا بالله هو فيه ايه انا بقيت مش فاهم الولد ده  عاوز ايه؟ بقى تاعبني معاه بجد

حنان قربت منه بشفقه على يارا وقالت بحزن: معلش ياجمال روح جيبها انت ياحبيبي علشان باين على حازم انه مدايق منها وهي اكيد تعبانه دلوقتي ولوحدها كمان هناك معلش ياحبيبي

جمال هز رأسه بتفهم وقال: حاضر ياحنان هروح اجيبها طبعا مش هسيبها لوحدها هناك دي مرات ابني برضو وبقت يتيمه ومش لها غيرنا دلوقتي وكمان حازم قلب عليها معرفش ليه كده بس ربنا يهديك يابني عليها يارب

مسك مفاتيح العربيه وتوجه للباب علشان يخرج بس حبيبه جرت عليه بلهفه وقالت: انا هاجي معاك يابابا نجيبها سوى ممكن و

قاطعها صوت حازم اللي قال بغضب: حبيبه تعالي هنا انا عاوزك

حبيبه تهندت بضيق وقالت: هروح اشوفه وامري لله معلش ابقى جيبها لوحدك يابابا وخلي بالك منها ومن نفسك كمان ياحبيبي

جمال ابتسم لها بحنيه وقال: حاضر ياقلبي وانتي كمان خلي بالك من نفسك كويس ياله سلام

حبيبه هزت رأسها بطاعه وجمال خرج من البيت وهي توجهت لغرفتها بضيق وفتحت الباب الغرفه وقالت بحده: افندم ياحازم بيه فيه ايه عاوز مني ايه؟!

حازم بصلها بحب وقرب منها واخدها في حضنه بحتياج وقال بهمس وشوق: انا مش عاوز من الدنيا غير وجودك بس ياحبيبه مش محتاج غير قربك مني بس ياحبيبه قلبي

حبيبه دق قلبها بقوه وضعفت قدامه زي كل مره بسبب كلامه اللي بيأثر اوي عليها بس تمالكت نفسها بصعوبه وقالت بضعف وهمس: حازم لو سمحت ابعد ماما بره وممكن تدخل دلوقتي علينا و

قاطعها حازم اللي قرب من شفايفها بحتياج خلاها بلعت باقي كلامها جوه بقها وبعد دقايق بعد عنها بصعوبه وبص في عنيها بتركيز وحب وقال بأنفاس عاليه: هشش انا كام مره قولتلك انك دلوقتي مراتي وحبيبتي وبنت قلبي كمان يعني مفيش أي مخلوق يقدر يبعدني عنك او يبعدك عني غير الموت بس ياحبيبه قلبي

حبيبه تاهت في نظرته العاشقه لها وحازم حملها على ايده ووضعها على السرير الموجود جنبهم واخدها في عالم تاني من الحب والرومانسيه

وبعد ساعه حبيبه بصتله بكسوف وضربته بخفه في صدره وقال بكسوف وضيق مزيف: علفكره انت واحد  غشاش اوي علشان كل مره بتستغل ضعفي قدامك باشكل ده و

سكتت لما حازم قرب منها وقبلها بعمق في خدها وقال بحب وخبث: بس ياقلبي عيب الكلام ده انا جوزك ومفيش اسغلال بينا ده شئ طبيبعي وبعدين انتي مش هتضعفي كده قدامي غير لانك بتحبيني زي ماانا بحبك اوي كمان ياحبيبه قلبي مش كده

حبيبه دفنت  وجهها في حضنه بكسوف ووجه احمر وحازم بصلها بحب ولسه هيقرب منها تاني سمع صوت جرس الباب فبعد عنها بنزعاج وحبيبه ضحكت بخفه وقالت: اكيد ده بابا ومعاه طنط يارا كمان هقوم اشوفهم انا بقى و

قاطعها حازم اللي شدها عليه بقوه وقال بغيره وغضب: تقومي فين بشكلك ده انتي عبيطه يابت والا ايه خليكي هنا واقفلي الباب عليكي كمان وانا طالع اشوفه

حبيبه هزت رأسها بطاعه وكسوف وحازم قرب قبل جبينها بحنان ولبس هدومه بستعجال وقال:انا هطلع اشوفه ومش هتأخر عليكي ماشي ياقلبي

حبيبه بكسوف وهمس: ماشي

حازم بصلها اخر نظره وطلع من الغرفه وتوجه للباب وحبيبه فضلت مكانها في انتظاره بس انتفضت فجأه من مكانها على صوت حازم اللي هز اركان البيت كله وهو بيشتم حد تاني بصوت عالي وغضب رهيب

فبلعت ريقها بتوتر وقلق ولبست هدومها بسرعه وهي بتقول:  ياستار حصل ايه بس استرها يارب؟!

خلصت لبس وفتحت الباب الغرفه وجرت على حازم لقته ماسك في شاب تاني ونازل فيه ضرب لدرجه انه كان هيموته في ايده فجرت عليه حبيبه برعب لما اخدت بالها انه نفسه الشاب اللي ضربه  حازم اخر مره قدام المدرسه بتاعتها لما قرب وحضنها وقتها قدام حازم

ومسكت في ايده وهي بتقول برعب: يالهووي سيبه ياحازم الولد ما*ت في ايدك فوووق بقى وسيبه كفايه كده ابوس ايدك وووو

یتبع… بقلم نور محمد

تتوقعوا دخول احمد للقصه هیکون خیر لبطلتنا یارا او لا 🫣وحازم هتکون نهایه قصته مع مین فیهم😏 ومین الشخص اللی مصر علی حبیبه ده 🤔 

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا