رواية جوازة صالونات الفصل الواحد والثلاثون والثانى والثلاثون والثالث والثلاثون بقلم الكاتبه ندي علي حبيب (حصريه وجديده في مدونة قصر الروايات)

رواية جوازة صالونات الفصل الواحد والثلاثون والثانى والثلاثون والثالث والثلاثون   بقلم الكاتبه ندي علي حبيب (حصريه وجديده في مدونة قصر الروايات)

رواية جوازة صالونات الفصل الواحد والثلاثون والثانى والثلاثون والثالث والثلاثون   بقلم الكاتبه ندي علي حبيب (حصريه وجديده في مدونة قصر الروايات)

" جوازة صالونات "

" البارت الواحد والثلاثون "

" الكاتبه ندي علي حبيب " 

" نوال واقفه شايلة صنية اكل وواقفه قدام سلوي اللي عماله تزعق فيها " 

سلوي لنوال : منزله اكل ليا ليه مفكراني كبرت ومش هعرف اخدم نفسي دا انتي عليكي تسميني يابت انتي واحده ملهاش امان سيبتي جوزك اللي لمك ومشيتي والله اعلم روحتي فين وابني الاهبل مأمن ليكي ورجعك تاني 

نوال بصتلها وهي كلها غيظ منها : أنا متربيه كويس وعارفه الأصول ويشهد عليا ربنا أن من يوم ما طلعت من البيت هنا وكان بسببك اوعي تنسي دا انا طالعه شريفه وبكرامتي رجعته برضو شريفه وبكرامتي محدش لمس شعره مني وانا عملتلك الاكل من ذوقي..

ادهم نزل و بصلهم وزعق : لاء بقولكم ايه شغل نسوان وقرف أنا مش ناقص مش هسمح أن اهلي بيتي صوتهم يطلع برا لأي سبب من الأسباب أيه اللي حصل مخليكم واقفين تردحو قصاد بعض كداا  " في الوقت دا نزلت نهال وقفت جنب جوزها بعد ما لبست إسدال ، وجيه صلاح علي صوتهم العالي "

نوال حطت صنية الاكل علي الكنبه وقالت بهدوء : اسمع يا ادهم أنا كنت قاعده في شقتي جميله جت رنت الجرس قالتلي انزلي اعملي اكل لخالتي قولتلها يجميله أنا عامله حسابها معايا في الغدا ونزلتلها الغدا تقوم تقولي اخاف اكل من ايدك لتكوني عامله عمل فيه ولا حطالي سم دا يرضيك ؟ 

سلوي بصت لها بغيظ : شوف البت زي الحربايه ازاي بتتلون علي كل مكان شويه 

صلاح شد مراته وراه ووقف قدام أمه : اسمعي يما أنا علشان امنع المشاكل والحوارات بينك انتي ومراتي كل دقيقه قولتلك أنا هاكل في شقتي وملكيش دعوه بيا مراتي نزلتلك اكل تستاهل ضرب الجزم أنها نزلته وانا حسابي معاها بعدين " وبص لنوال " خدي بنتك واطلعي شقتك ورجلك متعتبش بيت امي تاني 

" نوال اخدت بنتها وطلعت علي شقتها وهي كلها غيظ من حماتها بس جوالها فرحان من واقفة جوزها معاها ، ونهال ابتسمت لها وهي طالعه من تحت لتحت  " 

سلوي بندب : يا ميلة بختك في عيالك يا سلوي قال هاتي رجاله تسندك قال جبت جوووز رجاله وتربيتهم وبقوة قد الشُحوطه وجوزتهم نسوانهم ناقص تضربني 

صلاح قعد جنبها : يعني علشان نرضيكي يما كل واحد فينا يطلق مراته ويقعد جنبك كدا هتبقي مبسوطه وكدا جيبتي الرجاله اللي هتسندك ؟ 

ادهم قعد جنبها من الجنب التاني وقال بهدوء : بعدين نسوان مين اللي تضربك تلاته بالله العظيم اقطعلك رقابتهم " وبص لنوال " نوله فنجان قهوه من ايدك يظبط دماغي علشان متبرجله 

نهال ابتسمت وبصت لصلاح : اعملك معاه يا ابو غزل ؟ 

صلاح بشكر : مفيش مشكله بس ساده ياريت " دخلت نهال المطبخ تعمل القهوه ، وادهم وصلاح فضلو يتكلمو وسلوي ساكته بتسمعلهم "

صلاح ركز علي رجل ادهم وقال بستغراب : هو انت لابس البنطالون مقلوب ليه ؟ 

ادهم بص علي بنطالونه وقال بضيق : يعم تصدق بالله أنا متهنيت بجوازتي كل ما استفرد بالبت حاجه تحصل لما بدأت اتشائم من الموضوع كله بالله العظيم 

صلاح ضحك بصوت عالي : لاء دا انت حالتك صعبه 

ادهم بقهر : دا انا حالتي تصعب علي الكافر يابني اقسم بالله 

نهال جابت قهوه ادهم وصلاح وقدمتها ليهم وبصت لسلوي: محتاجه حاجه يا ماما اعملهالك قبل ما اطلع فوق؟ 

سلوي بحنك : ربنا ميحوجني لحد في الدنيا وافضل بصحتي محدش يخدمني ابدا 

نهال بابتسامه : اللهم امين طيب أنا طالعه يا ادهم " ادهم هز رأسه وهي طلعت علي شقتها تاخد شاور وعيون ادهم عليها لحد ما اختفت من قدامه ، نهال اخدت بالها من نظراته اللي مش بريئه ابدا واتحرجت جدا  "

ادهم بص لصلاح : بقولك ايه يا ابو غزل هطلع اغير هدومي وننزل نقعد في أي قهوه في دكرنس عايزك في كلمتين كدا 

صلاح استغرب طلبه لكن وافق وقال : عادي مفيش مشكله بس خليها المغرب اكون خلصت شوية المصالح اللي ورايا في الأرض مع ابوك

ادهم وافقه قام وقف : اعملي حسابك يما تيجي معانا نروق دماغنا شويه ونرجع عليا الطلاق هعشيكي عشوايه يابت يا سلوي ابوكي نفسه مكلهاش 

سلوي برفض : لاء يا اخويا مش قادره دماغي وجعاني مش قادره أصلب طولي ومبكلش اكل من برا روحو انتو ربنا يسلك طريقكم 

" ادهم حاول يقنعها كذا مره لكن رفضت هز رأسه بيأس وطلع علي شقته علشان ياخد شاور كانت مراته بتاخد شاور في الحمام ابتسم بمكر وفتح باب الحمام ودخل "

نهال بصتله وهي مش قادره تدي ردة فعل من الصدمه وقالت بوهن : انت ازاي تدخل عليا وانا باخد شاور ؟ 

ادهم خلع التيشيرت بتاعه ونزل تحت الدش معاها وقال بغمزه : عادي يا نوله محلل يقلبي متخافيش كدا " وقرص خدها وشدها لحضنه "

نهال لسه تحت تأثير الصدمه : محلل ايه ومش محلل ايه عيييب اللي انت عملته دا يعني يرضيك تكون في الحمام وادخل عليك بعدين شيل ايدك من عليا كداا " وحاولت تبعد عنه "

ادهم شدها اكتر وعينه علي شفايفها : بيني وبينك مفيش عيب انتي مراتي الكلمه دي ليها اكتر من مليون مصطلح اول واحد ان مفيش كسوف بينا علشان احنا مراية بعض فاهمه يعني ايه 

نهال هزت راسها بتوتر وخجل وقلق : فاهمه بس الكسوف دا شيئ خارج إرادة الشخص شعور مقدرش اخبيه لما اكون حاسه بيه 

" ادهم فاهم توترها وكسوفها بس هو فعلا عايزها تاخد عليه شاركها الشاور وخرجوا مع بعض ادهم بيتعامل عادي جدا لكن نهال ساكته بكسوف رهيب وحاسه أنها مبقتش قادره تبصله " 

 ادهم قاعد علي السرير بيشرب كوباية شاي بعد الغدا فَ علق بإعجاب : بس احيكي علي كباب الحله طلع اجمل ما كنت متخيل تسلم ايدك " وشد أيدها باسها بحب "

نهال ابتسمت بفرحه : بجد مبسوطه انها عجبتك بعد كدا هبهرك بطبخي 

ادهم بصلها شويه وهو مبتسم وقال : الوحمه بتاعتك كمان عجبتني اول مره اخد بالي منها 

نهال بعدت عيونها عنه ورجعت شعرها لورا ودنها بتوتر: مامتي اتوحمت عليا في كبده وهرشت في ضهرها عملتلي الحته السودا اللي في ضهري دي " نهال سكتت شويه بعدين قالت " ادهم هو فعلا الرجاله عاطفيتها اقل من الست ؟ 

ادهم ضم بين حواجبه بستغراب وقال : طبعا لاء الرجاله احيانا عاطفيتهم بتكون اقوي من الست بس العاطفه بتفرق يعني مثلا لو حب ف الراجل محب جدا لكن كتوم مبيقولش 

نهال اخدت نفس وقالت بعدم فهم : يعني مبيقولش ليه مثلا يعني أنا لما بكون مبسوطه بقول أن مبسوطه لما اكون زعلانه بقول أن زعلانه لما اكون بحب بقول أن بحب ليه الراجل ميكونش واضح كدا 

ادهم بصلها شويه وقال : انتي سهل جدا تعيطي علي أي موقف تافه حصل لكن الراجل دموعه عزيزه مبتنزلش بسهوله دي مثلا ابسط صوره 

نهال بجراءه : بحس الراجل كل اللي يهمه السرير لكن الست دا اخر همها الست بتحتاج تحس بالحب الاول بتحتاج تمهيد لكل حاجه حتي الموضوع دا 

ادهم متخيلش أنها تقوله كدا فقال بابتسامه بسيطه : هو انا مش عارف اقولك ايه بصراحه انتي بكلامك دا مطلعه الرجاله منظرهم وحش اوي واولهم أنا لأن تجربتك معايا أنا هل انتي شايفه اني راجل شهواني مثلا ؟

نهال برفض : لاء والله ابدا بالعكس انت متفهم جدا أنا بس بدردش معاك عادي لو مش عايزني اسألك عادي 

ادهم مسك ايدها باسها بحنان : بحب النقاش معاكي اوي مبحسش أن بتناقش مع مراتي بحس أن بتناقش مع بنتي والمفروض افهمها كل حاجه 

نهال ابتسمت وحطت دماغها علي كتفه وغمضت عيونها : ادهم أنا حسه أن عايزه اكل فسيخ معصور عليه فدان لمون " وبلغت ريقها بشتهاء "

ادهم شدها من ايدها حضنها برومانسية وهو بسبوسه كتفها : يعني مثلا مفيش مره تقوليلي نفسي تبوسني مره يا ادهم نفسي تحضني حاجه كدا من الحجات السكر دي 

نهال رفعت وشها عند وشه وقالت بجراءه : بوسني يا ادهم بس بوسه بعدها شفايف متلمسش حاجه تانيه 

ادهم استغرب وقال : طب ما انا فعلا شفايفي مبتلمسش حاجه بعدك 

نهال ابتسمت باست شفايفه وبعدين بعدت ومشت ايدها علي شفايفه برقه : لاء بتلمس السيجاره وانا مش عايزه حاجه المسك بعدي مهما كانت ايه...طلبي صعب ؟ 

ادهم قرب من شفايفها وباسها بكل حب وشغف : اوعدك أن مفيش حاجه هتلمس شفايفي بعدك " وباسها بحب اكبر " بس انا ليا طلب 

نهال بعدت عنه وقالت بستفسار : طلب ايه ؟ 

ادهم مسك شعرها ورجعه علي كتفها وقال برومانسية وهو عينه في عينها : بليل عايزك تلبسيلي حاجه شيك " دفن وشه في رقابتها وباسها وقال بهمس " بمعني اصح أنا عايز اتفاجئ منك مفاجأة منسهاش 

نهال اتوترت لكن دارت توترها وقالت : ااااه طبعا ممكن حاضر مفيش مشكله...

ادهم قاطعها بابتسامه : بس بس ايه التوتر دا كله اهدي خالص أنا بطلب عادي لو انتي مش مقبله علي دا خلاص مفيش مشكله " وباس راسها بحنيه " 

نهال حضنته وقالت بدون سبب : ادهم تعرف أنا عمري ما حبيت الواقع 

ادهم بستغراب : ازاي مش فاهم ؟ 

نهال غمضت عيونها : ديما بهرب من الواقع اللي انا عيشاه من وانا صغيره يعني أنا عمري ما حلمت بِ بابا وكنت هموت واحلم بيه والمره الأولي اللي حلمت بيه فيها صحيت اصرخ واعيط لما لقيته مش موجود في الحقيقه فَ حبيت الخيال لأنه بيعجبني لكن الواقع ديما عكس ما انا عايزه 

ادهم ضمها اكتر ليه وهو فرحان أنها بتحكيله : كملي عايز اسمعك 

نهال اخدت نفس وقالت : ديما كنت حاسه ان فكرة الجواز مش منسباني وكنت ديما اهرب من اي حد يحاول يقرب مني كنت بخاف ومش عارفه السبب لكن لما عرفتك لأول مره مخافش لأول مره متوترش لأول مره اكون مسالمه بالشكل دا 

ادهم بأس رأسها وقال بهدوء : في كل مره بنتخانق فيها بقول هل ممكن تخسرها طيب ولو خسرتها هحب حد زي ما حبيتك هل هيكون عندي القدره اللي تخليني اعيد قصتنا من تاني مع بنت تانيه غيرك واحب ملامح حد غيرك هل ممكن قلبي يموت وحد يجي يحييه من تاني زي ما انتي عملتي ؟ 

نهال فرحت بكلام ادهم اووي وفجأة بصت لأدهم بحماس وقالت : ايه رأيك كل واحد فينا يقول عاده وحشه فيه هبدء أنا " غمضت عيونها وقالت " أنا لما بزعل بنطفئ بمعني الكلمه بخس وشي بيبهت شفايفي بتقشر ببطل اضحك من قلبي وكمان ببطل اعيط بكون عصبيه جداا علشان كدا بحبس نفسي وببطل اكلم مع حد علشان مجرحش حد بكلامي وارجع اندم بعدين " وفتحت عيونها بابتسامه وقالت " وانت ؟

ادهم بصلها شويه وقال : بضعف قدامك مبعرفش ايه بيحصلي لما بشوفك بشتاقلك وانتي في حضني كل ما بقرب منك بقول ممكن الشوق اللي جوايا دا هيروح مع الوقت لكن مبروحش دا بزيد ⁦" فون نهال قطع حديثهم الجميل وكان الرقم متسجل بدكتور مروان "

ادهم بص علي الفون بستغراب : مين دكتور مروان اللي بيرنلك دا ؟

" نهال الدم هرب من جسمها وحست بالرعب وعيونها متثبته علي الفون وبس ، ادهم لاحظ حالتها دي وفتح الخط ومتكلمش "

مروان بتنهيده : اخيرا عرفت اوصلك يابنتي نشفتي دمي اقسم بالله....مبترديش ليه اتمني متكونيش نايمه زي عادتك وفتحتي الفون بالغلط اصلا..استنيتك كتيررر اوي تيجي النهارده الكليه لكن مجاتيش ممكن اعرف ليه ؟ 

                           "" انتظرو القادم ""

لماذا هو ؟

لأنه ترك في حياتي ابتسامات لا تنسي فاقت اثر الفراشات حباً ⁦♡⁩

" جوازة صالونات "

" البارت الثاني والثلاثون "

" الكاتبه ندي علي حبيب " 

" ادهم نظراته كلها علي نهال فعلا لو النظرات بتحرق كانت نهال رماد من بدري ، نهال من كتر التوتر مبقتش عارفه هي المفروض تعمل ايه في الموقف دا " 

ادهم مسك الفون ورد : معلش بقا يا دكتور لو هقاطع حديثك التحفه دا بس انت تعرف مراتي منين ؟ 

مروان حس أن لسانه اتلجم : مراتك ؟ مراتك ازاي هي نهال اتجوزت امتي ؟ 

ادهم ابتسم وحس أنه من كتر ضغطه علي الفون هيتكسر في ايده : سوري بقا شكلها نسيت تعرفك النقطه دي 

مروان مبقاش عارف يرد من الاحراج والصدمه : واكيد حضرتك جوزها صح ولا انا غلطان ؟ 

ادهم بص علي نهال بشر وقال : بإذن الله 

مروان بهدوء : صدقني اوعي تفكر فيها ظن مش حلو يشهد ربنا علي اللي انا بقوله أنها عمرها ما اديتني وش رغم أن يعني لو مكنتش متجوزه كنت ناوي اتقدم لأهلها بس حصل خير اتمني مكالمتي متكونش ازعجت حضرتك 

ادهم من شدة غيرته قفل الخط من غير ما يرد عليه وبص لنهال اللي رجعت بضهرها لورا برعب : كان ناوي يتقدم هااااا لاء والانيل أنه بيشركلي فيكي قدامييييي 

نهال برعب : والله يا ادهم عمري ما كلمته هو دكتور ماده عندي حاول يحكهاااا معايا بس وقفته عند حده ومحصلش بينا موقف يسمح أن اعرفه اني متجوزه 

ادهم مسك أيدها وشدها عليه علشان متقعش من علي السرير : اثبتي بس الاول كدا علشان نعرف نتكلم ميتين ام الكلمتين 

نهال اتعدلت علي السرير وبصتله : والله هو دا اللي حصل حتي معرفش جاب رقمي منين اقسم بالله أنا كنت مسجله رقمه عندي علشان لو حاجه فاتتني في المحاضرات اسأله فيها بس عمري ما رنيت عليه والله العظيم 

ادهم بغيره وجنون : الراجل جااااي يقولي كنت ناوي اتقدم لمرااااتك انتي فاهمه معني الجمله انتي فاهمه يعني ايه راجل يروح لراجل يقوله كنت ناوي اتقدم لمرااتك فاهمه معنااااها 

نهال ببساطه : ما هو ميعرفش أن مراتك اكيد علشان لو كان عارف مكنش قال كدا يعني 

ادهم بغيره وجنون اكبر : ايواااا لو كان عارف مكنش قال كدا ومين بقا السبب أنه ميعرفش ؟ 

نهال هزت راسها بسرعه : مش انااا ومعرفش مين السبب أنه ميعرفش اكيد مش هروح اقول لكل واحد ودكتور في الكليه أن اتجوزت 

ادهم عارف انها معاها حق لكن غيرته ورجولته مش سامحين ليه بالسكوت فقال بغضب : بقولك ايه تلاشي الكلام معايا نهائي.....فللللللل ؟ 

نهال بخوف : حاضر فل 

" ادهم يصلها بغل أنها حتي محاولتش تحتوي غضبه شد علبة السجاير من علي الكمود وخرج البلكونه وهو في اعلي قمه من غضبه وغيرته " 

نهال قاعده في الاوضه كل شويه تبص عليه فقالت بحيره : طب اعمل ايه اروح أكلمه...بس هو قالي تلاشيني اعمل ايه دلوقتي....اقوم اكل " فكرت شويه وملقاش حاجه تعملها انسب من أنها تقوم تاكل وتتجاهله لحد ما يهدي لوحده " 

...................................

" صلاح دخل شقته كانت نوال قاعده قدام الشاشه مستمتعه بالمسلسل اللي بتسمعه " 

صلاح راح قعد جنبها وبعد صمت دام لدقايق قال : بتشدي في الكلام مع امي ليه يا نوال مهما كانت قالتلك أو مهما كانت عملتلك أنا مش هسمحلك تطاولي عليها بالكلام علشان يكون في علمك 

نوال اتعدلت وبصتله ومسكت ايده وقالت بهدوء : طيب هتكلم معاك بالعقل قبل ما امشي من هنا كانت بتعاملني معاملة الخدامين ومش هي بس لاء وانت كمان وكنت بستحمل وبعدي وعمري ما تطاولت عليها بالكلام معقول هاجي دلوقتي اقل ادبي عليها ؟ 

صلاح دماغه اتشتت بعد ما سمع كلام كفايه من أمه تحت : ما هي قالت انك بتقوليلها جوزي بقي في صفي وبكرا معرفش هعمل فيكي واسوي وكلام ملوش لازمه 

نوال عارفه انها هتملي دماغه كلام فقالت بهدوء : وحياة بنتي وغلاوتك في قلبي أنا ما رديت عليها ولا لساني اتكلم كلمه غير لما ادهم اخوك نزل وانا حكيتله اللي حصل عيب عليك يا صلاح تقولي الكلام دا مهما امك بتعمل فيا أنا مستحيل اكسر بخاطرها واللي مبقبلوش علي امي مبقبلوش عليها 

صلاح بصلها وغمض عينه وفرد ضهره علي الكنبه وحط رأسه علي رجليها وقال بتنهيده : أنا تعبان يا نوال مش عارف اعمل ايه ولا اراضيها ازاي ولا فاهم هي عاوزه ايه ملطشه معايا من كل اتجاه 

نوال ضميته بحنان وقالت : ما ضاقت الا ما فرجت يا ابو غزل ربنا بيختبر قوة صبرك وتحملك لو علي امك متشلش همها أنا متعوده علي كلامها ومبقاش بزعل منها " وقالت بحب وصدق " لو امك بتحط طين علي دماغي وانت بتمسحه وتقولي معلش هتراضي وهبقي مبسوطه بكلمه منك أنا قلبي بيصحي من اول وجديد والله العظيم 

صلاح مسك أيدها وباس كفها: انتي عوض ربنا ليا اللي مكنتش حاسس بقيمته يا نوال ربنا يديمك " وقال بستغراب " الشقه هاديه كدا ليه غزل فين ؟ 

نوال : غديتها وعلي ما غسلت المواعين طلعت لقيتها نايمه علي الكنبه مكاني دخلتها الاوضه تنام براحتها 

صلاح اتعدل ورفع حاجبه : يعني البت نايمه واحنا قاعدين عادي كدا ؟ 

نوال بعدم فهم : امال المفروض نقعد ازاي يا صلاح ! 

صلاح وقف ومسك أيدها يشدها : تعالي هقولك في اوضتنا علشان لو فضلنا هنا هتصحي وتعكنن علينا 

نوال شدة ايدها منه وقالت بإحراج بعد ما فهمت كلامه : صلاح اتلم وخليك محترم ايه داا 

صلاح شدها اوي عليه وقال بهمس وهو بيقلعها بجامتها : وحشتيني يابت قدري أن جوزك بعيد عنك بقالو مده وتعبااان " وشدها علي الاوضه وهي ضحكت بإحراج واضح "

صلاح بيأس : معانا عيله داخله في ٦ سنين ومراتي بتتحرج مني يا ميلة بختك يا صلاااح يابن سلوي وسالم 

.............................................

" ادهم قاعد في الصالون ماسك اللاب بيشتغل فيه وحاسس أنه هيولع من تجاهل نهال ليه ، نهال قاعده جنبه بتاكل بلح وبتتفرج علي الشاشه بصمت " 

ادهم بضيق : معلش لو مش هقطع عليكي وقتك الممتع دا ممكن تعملي فنجان قهوه ؟ 

نهال بصتله بندهاش : تاني !!! عايز فنجان قهوه هتتعب دي تالت فنجان لحد دلوقتي 

ادهم بنرفزه : ملكيش فيه اعملي اللي بقولك عليه وخلاص قومي اعملي فنجان قهوه تقيل وساااده 

" نهال قامت دخلت المطبخ بصمت جنن ادهم اكتر وعملت فنجان القهوه وجابته قدامه علي الطربيزه وقعدت مكانها مسكت فونها تقلب فيه "

ادهم يصلها بجنون : سيبي ام الزفت اللي في ايدك دا ليل نهار عليه ارحمي نفسك شويه 

نهال بزهول : لا اله الا الله في ليه يا ادهم مش طايقني ليه ولا طايق تشوفني ! 

ادهم حس أنه لو متكلمش هيفرقت فقال بندفاع : أنا متغاظ ومضايق ومخنوق وانتي السبب في اللي انا فيه انتي وابن ال.. استغفر الله العظيم يارب ايه البرووود اللي انتي فيه دا ؟ 

نهال بصتله : أنا فهمتك اللي حصل وفهمتك موقفي اعمل ايه تاني بقاا أو المفروض اعمل ايه قولي وانا هعمل 

ادهم بهدوء يحسد عليه : اعتذري ويا اقبل اعتذارك يا ارفضه 

نهال سكتت شويه وفضلت بصاله وقالت : معنديش مشكله اعتذر بس دا لما اكون غلطانه لكن اعتذر وانا معملتش حاجه بتاع ايه ؟ 

ادهم غمض عينه وابتسم بغل : هو دا الرد اللي كنت متأكد أن هسمعه رجعنا تاني لنفس الموضوع اللي بسببه كنا هنخسر بعض لو مش واخده بالك 

نهال قامت وقفت وقالت بغضب وصوت عالي : موضوع ايه ورد ايه اللي بتتكلم عنه أنا هعتذر وانا مغلطش بتاع ايه قولي أنا غلط في ايه وانا هعتذر عادي 

ادهم قام وقف وشدها من ايدها وضغط عليها وقال بتحذير : صوتك ميعلاش علشان مدفنكيش مكانك انا شايف انك غلطانه وهتعتذري 

نهال حاولت تشد أيدها منه لكن ضغط اكتر فصوتت : سيببب ايدي هتتخلع في ايدك 

ادهم بعند : تتخلع عادي اعتذري هسيبك كلامك مش هيمشي عليا لو حصل ايه اللي قولته يتنفذ اعتذري 

نهال حاولت تشد ايدها بغباء منه شدها اكتر نهال بصتله وعيونها دمعت : سيب ايدي يا ادهم أنا مش متعوده عليك قاسي كدا معنديش مشكله اعتذر بس اكون غلطانه لكن اعتذر وانا مش غلطانه علشان ارضيك وبس دا اسمه ايه ؟ 

" ادهم كلامها ضايقه وغيرته مضيقاه عندها مضايقه عدم اعتذارها مضايقه كل حاجه مضيقاه وحاسس أنه مغلول ، بصلها وهو بيضغط علي سنانه وباسها بعنف وجعها فضل يبوس فيها بقوه وهي بتحاول تبعده بس مش مديها فرصه "

نهال بضيق من طريقة بوسُه ليها وطريقة ايده اللي بتتحرك علي جسمها بغباء : ادهم ابعد ايه اللي انت بتعمله دا ؟ 

ادهم ثبتها اكتر وهو بينهج وبص في عيونها : انااا غيراان من الكلب دا يعني ايه واحد بيفكر في مراتي وهي ملكي سواء عرف انك متجوزه أو لاء ميهمنيش المهم أنه فكر فيكي تخيلك معاه وفي حضنه الفكره مجننه اهلييي انتي مش حاسه بيااا " باسها تاني بغل وقال " ابعديني عنك تاني وانا هبعد وهسيبك يا نهال ومش هلمسك 

" ادهم جواه بيتمني أنها متبعدوش بيتمني أنها تضمه وتحتوي غضبه وغيرته تقدرها اتمني تمسك فيه وتترمي في حضنه وهو هيغرقها في حنيته " 

                            "" انتظرو القادم ""

" جوازة صالونات "

" البارت الثالث وثلاثون "

" الكاتبه ندي علي حبيب " 

" نهال لأول مره متستخدمش عقلها استخدمت عواطفها وحطت نفسها مكانه وتخيلت لو العكس واحده مثلا جت كلمت ادهم وعجبها حست فعلا بضيق وغيره تلقائي رميت نفسها في حضنه حضنته بكل حب " 

نهال ايدها حوالينا رقابته بتشده عليها اكتر : مقدرش ابعدك انا محتجاك اكتر ما انت محتاجني بمراحل 

ادهم من كتر ما هو مش مصدق انها حققت امنيته ورميت نفسها في حضنه قالها : بوسيني يا نهال حسسيني انك عايزاني زي ما انا عايزك 

" نهال بصتله وعيونها ركزت علي شفايفه وباسته بكل رقه وحب جت تبعد ادهم شدها وباسها بشغف وعنف بسيط بِعد عنها بعد ما الاتنين نفسهم اتقطع " 

ادهم اخد نفس كبير وشالها ودخل اوضتهم وقال بهمس وهو بيخلع هدومه : أنا مشتاقلك بطريقه مخوفاني عليكي انا فعلا بتهزم قدامك 

" نهال معرفتش امتي هو قلعها هدومها ولا تعرف امتي استحوذ علي كل المشاعر اللي جواها دي ، هو بيعتذر منها كل شويه ليه مفهمتش غير بعد شويه بما ولقت جسمها كله بيوجعها " 

ادهم ضمها لصدره وفضل يبوس كتفها بعتذار : حبيب قلبي حقك عليا أنا عارف ان تعبتك 

" نهال ضهرها ليه لكن بتفكر هي ازاي بعد اللي بيحصل بينهم دا بتتعامل معاه عادي او مثلا هو ازاي بيتعامل معاها عادي حست انها بتتمني الأرض تنشق وتبلعها من كتر كسوفها واحراجها"

ادهم قلق لما ملقاش رد منها ف اتعدل علي السرير وشدها ليه : مالك بتخبي وشك مني ليه ؟ 

نهال بتبص في كل حته في الأوضه الا وشه وقالت : مستغربه بس شويه 

ادهم بصلها بعدم فهم : مش فاهم وضحيلي اكتر مستغربه من ايه ؟ 

نهال اتعدلت وبصتله بتركيز : بستغرب ازاي ممكن يحصل كدا بين اي اتنين وبعدين يرجعو يتعاملو مع بعض تاني وكأن محصلش حاجه  

ادهم سكت شويه بعدين قال : بصي ربنا قال في قوله تعالي" وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ" فاهمه معني الآيه دي ايه ؟ 

نهال هزت راسها برفض : لاء معناها ايه ؟ 

ادهم اتنهد : يعني ربنا خلق لكل ذكر انثي من جنسه يتجوزها علشان أنا اطمن بيكي وانتي تطمني بيا ربنا حللنا لبعض أنا مبتكسفش منك وانتي المفروض متتكسفيش مني دا المفروض يعني " وابتسم " لو العلاقه اللي بينا دي فيها مكروه لينا مكنش ربنا حللها فهمتي حاجه ؟

نهال بتردد : فهمت بس...طيب ما لازم يكون في حب علشان الحاجه دي تحصل يعني معقول واحده متحبش واحد تعمل معاه كدا؟ 

ادهم سكت شويه بعدين قال : ربنا ذكر الموده قبل الحب علشان الموده و الرحمه هما اللي بيجيبو الحب بس كدا ياستي 

نهال سندت راسها علي صدره وقالت بقلق : ادهم انت ممكن كنت تعمل كدا مع واحده غيري ؟ 

ادهم ضحك بغلب وضمها لحضنه : اتسألت السؤال دا قبل كدا واتخنقنا بسببه خدي بالك 

نهال ضربته بغيظ وقالت : بجد عايزه اجابه ليه محتاجه اسمع اجابتك علي السؤال دا هتكون ازاي ؟ 

ادهم اتنهد : ما أنا ليه افترض حاجه مش هتحصل انتي دلوقتي مراتي ومبعملش كدا غير معاكي ليه بقا المراوغه في الاسئله 

نهال بعند : معرفش بس انت لازم تجاوب اجابه ترضيني معرفش بقا هتعملها ازاي 

ادهم سكت شويه وبعدين بصلها بتركيز وقال : أنا مش متخيل حياتي مع حد غيرك أو أن اكون في حضن حد غيرك هحس بغربه فعلا من الاخر انا بنتمي ليكي وانتي نفس الشيئ بتنتمي ليا برضو 

نهال حضنته وقالت برضي : اليوم اللي سألتك فيه السؤال دا كنت منتظره منك الاجابه دي منك علي فكره 

" ادهم لسه هيرد عليها فونه رن وكان شريكه في المصنع في السعوديه في البدايه كان هيكنسل ومش هيرد لكن رن اكتر من مره "

ادهم استغرب وقام اتعدل ومسك فونه : غريبه يعني نازل رن ليه ؟ 

نهال بصت علي الفون : ممكن يكون في مشكله في الشغل رد عليه علي ما اخد شاور 

ادهم شدها بحضنه ودفن وشه في رقبتها يتنفس ريحتها وقال بصوت مبحوح : خليكي في حضني شويه مش حابب اقوم أو اضيع وقت بتكوني فيه في حضني 

" نهال ابتسمت علي كلامها وضمته لكن جسمها كله بيوجعها وبتحاول تتغاضي عن الوجع دا ومش عارف تبعد ادهم أو تقوله أنها تعبان ف قررت تسكت وتسيبه في حضنها " 

......................................….………….

" نوال واقفه قدام المرايا بتسرح شعرها وسرحانه جدا ، معقول هو دا الجواز هو دا الروتين الطبيعي في حياة اي ست متجوزه ولا هي بس اللي كدا " 

صلاح طلع من الحمام وقف وراها وباس كتفها برومانسية لاول مره في حياته : هو الجميل سرحان في ايه كدا ؟ 

نوال بصوله في المرايا وهي بتمشي المشط في شعرها وقالت : مش سرحانه في حاجه معينه بس مستغربه ازاي شعري طول كدا مع أن اخر مره دمرته بالمقص فكرت أنه مش هطول مره تانيه 

صلاح مسك شعرها بين ايده وباسه وهو مغمض عينه : ليه يومها قصتيه ؟ 

نوال ابتسمت وهي بتفتكر : علشان تخليك تكرهه شكلي وتبطل تقرب مني 

صلاح ضحك بخفه وهو بيلف أيدها حوالينا وسطها : ورغم كدا كان شكلك خاطف قلبي انا مقدرش اكرهك يا نوال مهما عملتي 

نوال بصتله بلهفه : يعني انت بتحبني يا صلاح ؟ 

صلاح استغرب سواحلها وقال : بعشقك مش بحبك بس 

نوال ابتسمت بفرحه صلاح استغربها جدا : عمرك ما قولتلي انك بتحبني يا صلاح 

صلاح بدهشه : هو علشان أنا مبقولش كل شويه أن بحبك ابقي مبحبكيش يا نوال ! 

نوال : وايه يمنعك تقول يا صلاح خايف تعشمني بالجواز مثلا وانت مش جاهز ؟ ما تقول كل ثانيه انك بتحبني يا صلاح أنا مراااتك يعني الكلمه مش هتوجعك بالعكس دا هتحل كل مشاكلنا 

صلاح ضحك علي طريقة كلامها واتعدل وقعد يبوس في وسطها بمشاكسه : ولا تزعلي نفسك يا ستي بحبك بحبك بحبك بحبك 

غزل خبطت علي الباب : يا ماما انتي فين ؟ 

صلاح بعد عن نوال وبصلها بحسره : الغوله قامت يا نوال وملحقتش اقولك بحبك بضمير 

نوال بعودته عنها : تستاهل علشان بعد كدا تبقي تكتم جواك حلووو وبضمير " وفتحت الباب لغزل اللي دخلت وبصت لأبوها بدهشه " 

غزل بصتله شويه وبعدين بصت لأمها : هو هنا بيعمل ايه ؟ 

صلاح اتصدم من السؤال وقال : أنا هنا بعمل ايه ؟ يعني لو مش هضايق حضرتك يعني يا غزل هانم أنا في اوضتي ومع مراتي المفروض اسألك انتي السؤال دا انتي هنا بتعملي ايه ؟ 

غزل : علي فكره أنا جايا لماما علشان اخدها تنام معايا في اوضتي وانت نام براحتك " ومسكت ايد امها تشهدها برا " يلااا تعالي 

نوال ضحكت علي أسلوبها وراحت معاها : بنوتي كبرت يولاد وبترد علي ابوها الكلمه بعشره يخليكي ليا 

صلاح بندهاش : دا مبسوطه انها بترد عليا يومكم اسود النهارده..

...............................................

" نهال وافقه في البلكونه علي كتفها شال تقيل وفي ايدها كوباية نسكافيه بتشربها ومش هاممها البرد اللي في الجو ، وفي ايدها فونها بتقلب فيه جابها رساله من تغريد دغدغت مشاعرها نهال جواز الصالونات حلو؟ "

نهال سابت المج من ايدها وسجلت ريكورد : اولا مفيش حاجه اسمها جواز صالونات في حاجه اسمها واحد شاري ودخل البيت من بابه ملفش ودار  بس اوك هتكلم عن تجربتي الحقيقه انك في الاول بتكوني مرعوبه من الشخص اللي هتعاشريه مش عارفه عنه أي حاجه بمعني اصح بتكوني شبه الطالب اللي داخل امتحان مش عارف حاجه عن الماده غير اسمها لكن لازم ينجح والا هيعيد السنه ف بيضطر بيغش وينجح دا بالظبط جواز الصالونات انتي بتكوني داخله مش فاهمه انتي رايحه فين ولا جايا منين الشخص اللي اتجوزتيه دا متعرفيش عنه أي حاجه ولا عن أهله ف لازم تعيشي وعلشان تعيشي معاهم لازم تطبعي بطبعهم وعلشان دا يحصل لازم تتكلمي مع الكل وتفهمي دا طريقة تفكيره ايه ودا بيحب ايه وبيكره ايه وتحاولي تعرفي عن جوزك كل كبيره وصغيره " وابتسمت لما افتكرت ادهم " لكن الجواز جميل وادهم بصراحه مبهر قدر يخطف قلبي قدر ينسيني اهلي قدر يحببني في الحياه الزوجيه 

ادهم واقف وسامع كلامها من البدايه ومبسوط اوي جيه حضنها من ضهرها ودفن وشه في رقابتها باسها بوسه رقيقه وقال : الحقيقه ان مش عارف هحبك اكتر من كدا ايه أنا نسيت شغلي نسيت الدنيا وما فيها معاكي مش عايز اسيبك دقيقه واحده قوليلي اعمل ايه 

نهال لفت وشها ولفت أيدها علي رقابتها وبصتله بعشق : متعمليش حاجه حبني اكتر ديما خليك مشتاق ليا زي ما أنا مشتاق واكتر " ودفنت وشها في رقابته وقالت بابتسامه " هتعمل ايه لو عملت علامه في رقابتك ؟ 

ادهم استغرب شويه بعدين ضحك : مش هعمل حاجه بس اشمعنا يعني ؟ 

نهال : مش عارفه بس حاسه ان عايزه اعملها " وقربت لرقابته باسته برقه بعدين عضيته وادهم متكلمش نهائي كل اللي عمله أنه شد ستارة البلكونه تداريهم " 

نهال بعدت بصت علي رقبته بتركيز : ادهم مفيش علامه 

ادهم ضحك وحط ايده علي رقبته وقال : العلامه مبتظهرش علطول شويه كدا وهتبان بس برضو مش فاهم هتستفادي ايه لما حد ياخد باله من حاجه زي كدا 

نهال ضحكت وقالت بحب : مش عارفه بس حبيت اعملها ليك " بعدين ردت بخضه " هو ممكن حد ياخد باله منها ؟ 

ادهم : اه طبعا عادي جدا " وطلع سيجاره وولعها واخد نفس كبير منها " 

نهال مسكت ايده وقالت بصدمه : بتهزر ولا بتتكلم جد بقولك ايه تعالي احطلك عليها فونديشن ولا حاجه تداريها " وبتشده لجوا وادهم بيضحك علي شكلها " 

ادهم مسكها وثبتها وهو بيرجع شعرها لورا : لما انتي مش قد عواقب الحاجه اللي بتعمليها ليه بتعمليها من الأساس 

نهال سكتت معرفتش ترد لكن قالت بتحدي : ولما انت عارف ان الحاجه اللي بعملها هتعملي احراج ليه وافقت من البدايه عليها ؟ 

ادهم ضحك : افهم من كلامك انتي بترديلي كلامي بطريقه شيك 

نهال مسكت ايده وقالت بضيق : ادهم أنا مبردش كلام لحد بس فعلا مش عايزه اتخطب في موقف محرج مع مامتك خصوصا انها بتاخد بالها من حجات أنا نفسي بتفاجئ بيها 

ادهم قرب لخدها وبأسعار برقه : وانتي تفتكري أن ممكن أقبل أن احطك في موقف وحش مع أي مخلوق خلقه ربنا ؟ 

نهال بصت علي رقابته : عارفه أن لاء بس برضو رقابتك هتبان 

ادهم ضمها لصدره وقال بهزار : ولا هتبان ولا اي حاجه ولو بانت ياستي عقولهم مراتي مجنونه بحبي 

نهال ضربته في كتفه بغيظ : قليل الادب.." فونها رن وكانت امها " 

نهال بصت لادهم ببتسامه : دي ماما " وردت " الو ايوا يا نجوي

نجوي بعياط : الحقيني ينهااال...

                              "" انتظرو القادم ""

تكملة الرواية من هناااااا