رواية جوازة صالونات الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم الكاتبه ندي علي حبيب (حصريه وجديده في مدونة قصر الروايات)

رواية جوازة صالونات الفصل السادس وعشرون والسابع وعشرون والثامن وعشرون والتاسع وعشرون والثلاثون  بقلم الكاتبه ندي علي حبيب (حصريه وجديده في مدونة قصر الروايات)

رواية جوازة صالونات الفصل السادس وعشرون والسابع وعشرون والثامن وعشرون والتاسع وعشرون والثلاثون  بقلم الكاتبه ندي علي حبيب (حصريه وجديده في مدونة قصر الروايات)

" جوازة صالونات" 

" البارت السادس والعشرون "

" الكاتبه ندي حبيب" 

" ادهم بعد مناهده معاها أنها ترتب الاوضه وهي عندت أنها مش هتعملها واتحججت أنها تعبانه هو معرفش ينام والفوضي ماليه المكان كدا ف رتب هو الاوضه ، ادهم واقف قدام الدولاب بيطبق الهدوم وهو جواه غضب وغيظ يحرقو نهال نفسها ، ونهال نايمه علي السرير بتمثل ان بطنها بتوجعها " 

ادهم مسك تيشيرت ابيض ليه في دولابها بصلها بعدم فهم : سؤال معلش يا دكتوره نهال هي هدومي بتعمل ايه في دولابك ؟ 

نهال بصت علي التيشيرت اللي في ايده : معنديش تيشيرت ابيض البسه تحت الجاكت ف اخدت بتاعك 

ادهم بدهشه : ف اخدت بتاعك ؟ عادي كدا مش تيشيرت بلسبه دا وسألتك عليه خمستلاف مره وقولتي معرفش 

نهال قامت من علي السرير وهي ماسكه بطنها بتمثيل ووقفت قدامه واخدت التيشيرت من ايده وقالت بتحدي : اقلع الشراب بتاعي هاته وخد التيشيرت بتاعك 

" ادهم مسك راسه وقعد علي السرير بتعب من كتر المناهده والتحدي والعند اللي هي فيه "

ادهم رفع وشه وبصلها وقال : نهال خدي بالك أنا خلقي ضيق جدا معنديش طاقه افضل اناهد وافضل ابرر أنا ساكتلك لسبب واحد بقول عيله ومع الوقت هتفهم أن العند والرجوليه اللي بتتعامل بيهم دي حجات مفيش راجل بيستحملها لكن أنا شايف انك بتزيدي مبتعقليش 

نهال اتصدمت من كلامه وقالت : انت شايفني مسترجله ؟ 

ادهم بهدوء : لما تردي عليا الكلمه بعشره يبقي اه مسترجله ولما لسانك يطول عليا يبقي اه مسترجله ودا مينفعش خاالص وخصوصا معايا 

نهال زعلت من كلامه جدا وقالت بإندفاع : ولما أنا في نظرك مسترجله ايه اللي مخليك مكمل معايا يا ادهم باشا ؟

ادهم اتنهد بقوه وقال : لأن الطلاق مش حاجه سهله ولا حاجه هينه دي مصيبه دلوقتي احنا في مركب واحده انتي بتشوفي سلبياتي وايجابياتي وانا كذالك بشوف سلبياتك وايجابياتك ومفيش انسان كامل كلنا عيوب لكن احنا بنحاول نتغير علشان الحياه تمشي وتكون حياه ناجحه وانا يشهد عليا ربنا انك من يوم ما دخلتي بيتي وانا بعاملك بما يرضي الله لكن أنا شايف أن أنا الوحيد اللي بقدم يا نهال انتي مبتقدمقش حاجه غير عِند واستفزاز ليا " استني منها رد لكن كان ساكته ومواقفه تسمعله وبس فقال " انا هعرض عليكي حاجه 

نهال بستفسار وهدوء : ايه الحاجه دي ؟ 

ادهم بهدوء : لو عايزه ندي علاقتنا فرصه اخيره علشان خاطر اللي في بطنك علي الاقل أنا هبقا اكتر من مُرحب وشاري...ولو مش عايزه اوعدك أن زي ما دخلتي البيت دا معززه مكرمه هتخرجي منه معززه مكرمه برضو خدي وقتك في التفكير ولما تحسي انك جاهزه ردي عليا " وسابلها الاوضه وخرج البلكونه يشرب سيجاره اللي مؤخراً بقا مدمن عليها "

" نهال قعدت علي السرير وحطت أيدها علي وشها ونزلت راسها وعيطت وشعرها كله نزل علي وشها ، صوت عياطها وصل لأدهم اللي اخد اخر نفس في السيجاره بغيظ وهو مضايق أنها بتعيط رمي السيجاره ودخل ليها " 

نهال رفعت عيونها وبصت ليه وهي بتعيط وراحت وقفت قدامه ورفعت اديها لرقابته وحضنته وعيطت اكتر : علي فكره مش هبطل عند وعلي فكره مش هبطل ازعلك انت جوزي وانا حره فيك اعمل اللي يعجبني 

ادهم ابتسم بغلب وحضنها : طب اعمل ايه اكسر دماغك الحلوه دي واخلص منك 

نهال بعدت عنه ومسكت دموعها وقالت بشهقات : انت عايز تطلقني ؟ 

ادهم مسك أيدها ومسح دموعها بحب : مش عايز اطلعك من حضني عايز اخبيكي عن العالم كله مش عايز من الدنيا غيرك

نهال قلبها فرح بكلامه بس رجعت كشرت وقالت : امبارح قولتلي مبحبكيش 

ادهم عض شفايفه وقال بعتاب : يعني بالله عليكي كان دا سؤال يتسأل يعني قبلها بدقائق كنتي في حضني وهموت عليكي ومكنتش راضي افتح الباب من البدايه وتيجي تقوليلي جميله معرفش ايه 

نهال بتردد : كنت عايزاك تقولي لاء يا نهال انا مقدرش المس حد غيرك وانتي متتشبهيش بحد كنت عايزاك تعرفني أن عندك في مكانه محدش يقدر يوصلها يا ادهم 

ادهم حط ايده علي وسطها وشدها عليه وقال : طب ما انا فعلا مقدرش المس حد غيرك ومش متخيل أن واحده غيرك تكون مراتي " وباس رأسها بحب "

نهال ابتسمت اوووي علي كلامه ورفعت وشه ليه وقالت : دقنك طولت " ومشت أيدها علي دقنه برقه وقربت شفايفها من دقنه وباسته " 

ادهم رفع دقنها ليه وبص علي شفايفها : أنا ليه بحبك كدا وليه مشدود ليكي كدا وليه ضعيف قدامك بشكل دا كدا " وباس شفايفها ولسه هيندمج معاها سمع صوت أمه من تحت " 

ادهم بعد عنها بضيق : لا اله الا الله اكيد هي مبترقبناش مبتناديش عليا الا لو احنا في حضن بعض مستحيل تكون صدفه 

نهال ضحكت وقالت : بصراحه يا ادهم اشك انها تكون بتراقبنا عادي 

ادهم ابتسم وشدها عليه وأيده بترجع شعرها لورا : بقولك ايه اللي ينادي ينادي ان شالله يكسرو الباب 

نهال ضحكت وحضنته : عايزه اعيش باقي حياتي هنا " وشاورت علي حضنه " 

ادهم مسك أيدها وحطها علي قلبها : بس انتي موجوده هنا يا نهال " وسمعة صوت دوشه تحت مصاحبه بصويت جامد " في أيه انا سامع صويت 

نهال بقلق : تعالي ننزل نشوف في ايه دا صوت مامتك تعالي ليكون ابوك بيضربها " وجابت عبايه ولبستها ونزلت وراه " 

ادهم بزعيق وهو نازل من علي السلم : فيييي ايه صوتكم عاااالي ليه " واتفاجئ بغزل اللي جربت عليه تحضنه تلقائي رفع عينه وبص لنوال اللي واقفه علي باب البيت وفي أيدها شنطه ومنزله وشها للأرض " 

سلوي بغضب : ليكي عين تيجي هنا تاني تهربي من جوزك اللي لمك وسترك ووو

ادهم بضيق : اماااااا لو سمحتي اسكتي لو هتقولي كلمه حلوه قولي لو مش بتقولي بلاش تتكلمي ادخلي يا ام غزل نورتي بيتك 

نوال دخلت وهي متردده قعدت علي أول كنبه قابلتها وقالت : فين صلاح ؟

سلوي بعصبيه : صلااااح ؟؟ انتي مصدقه نفسك هربتي من جوزك بعد ما اهلك طردوكي والله اعلم قاعده بقالك شهرين فين ادهيه وجايا تقولي فين صلاااح 

نوال بصت لها وقالت بكل غضب : صدقيني السبب الأساسي اللي خلاني اسيب البيت وامشي هو انتي كفااايه بقا هتدمري عيالك اكتر ما انتي دمرتيهم بتدخلك في حياتهم 

ادهم : ام غزل ملوش لازمه الغلط أنا مليش اقولك ادخلي البيت أو اخرجي منه ولا حد فينا ليه حُكم عليكي جوزك هو المسؤول عايزك تفضلي هتفضلي غصب عن الكل عايزك تمشي هتمشي غصب عن الكل برضو 

صلاح دخل البيت واتفاجئ بمراته وبنته والكل متجمع حواليهم بص عليها بكل تركيز وقال بهدوء : اهلا وسهلا يا نوال نورتي 

نوال رفعت عيونها ليه واتقابلت عيونهم في نظره طويله ، دقنه طولت وشعره طول جسمه رفع اكتر ، هي لسه زي ما هي عيونها الواسعه جسمها زي ما هو متغيرش لكن دبلانه " 

نوال بصوت مبحوح : اهلا بيك 

سلوي بصتله بغضب : اهلا وسهلا بيها فين انت هترجعها عادي كدا واحده هدت بعضها ومشيت ومنعرفش راحت فين ولا مع مين وانت عادي كداااا 

صلاح بص لأمه وقال لاول مره في حياته : اماااا مراتي خط احمر ارجعها أطلقها أنا حرر متدخليش في حياتي ولا في قراراتي 

" نوال جواها فرح بكلامه ونهال كمان اتفاجئت من كلامه بس ابتسمت علي فرحة نوال الواضحه ، أما سلوي سكتت بصدمه وزعل كبير جواها " 

صلاح مد ايده لنوال : بعد اذنكم هطلع شقتي عايز اتكلم معاها لوحدي " وشال شنطتها واخد بنته وطلع شقته وهي في ايده " 

نهال بهمس لادهم : وفي آخر المسلسل انتصر الخير علي الشر وعاشو الابطال في تبات ونبات 

" ادهم وكزها في كتفها أنها تسكت وهي ضحكت بخفوت ، سلوي بصت علي ادهم بغضب ودخلت علي اوضتنا وقفلت الباب " 

نهال بصت لادهم : ادهم أنا طالعه الشقه هتيجي معايا ولا هتعمل ايه 

ادهم اتنهد وقال : اسبقيني وانا جاي وراكي علطول 

نهال مسكت ايده بدلع وقالت : هتتأخر عليا ؟

ادهم اتفاجئ من دلعها واتفاجئ من سؤالها وقال : طالع وراكي علطول 

" نهال سألته وطلعت علي شقتها وهي فرحانه جدا دخلت اوضة نومها وهي في بالها لازم تفاجئ جوزها ، فتحت الدولاب وفتحت رف لبسها الخاص وفضل تدور بينهم ولأول مره تكتشف أنهم حلوين بالشكل دا ، لفت نظرها فستان ستان نبيتي طويل بحمالات مفتوح من تحت لحد بعد الركبه ابتسمت اووي "

نهال مسكت القميص في ايدها بابتسامه : هوو دا " وبصت في المرايا وهي حطه القميص عليه وسابته علي السرير وراحت اخدت شور وبعد شويه طلعت لبست القميص وعملت استشوار لشعرها وميكب بسيط "

نهال اتنفست بتوتر : في ايييه متوتره ليه عاااادي اهدي " والجرس رن ، طلعت جري تفتح والدم هرب من جسمها من الصدمه " 

" ادهم واقف بيبصلها بصدمه واحراج وسلوي واقفه جنبه رافعه حواجبها الاتنين بدهشه " 

                        "" انتظرو القااااادم ""

" جوازة صالونات"

" البارت السابع والعشرون "

" الكاتبه ندي حبيب" 

" نهال من شده الاحراج طلعت تجري علي اوضة النوم وقفلت الباب ووقفت وراه ولسه تحت تأثير الصدمه " 

سلوي لأول مره تتحرج من ابنها فقالت : بقولك ايه ابوك بينادي عليا أنا هنزله الصبح اشوفك

ادهم مسك ايديها وقال : أنا قولتلك هنتعشي سوا يعني هنتعشي سوا ابويا زمانه قال النهار طلع يلا ادخلي 

سلوي شدة أيدها وقالت برفض قاطع : تلاته بالله العظيم ما داخله ادخل انت والله يعينك ابعد سيب ايدي " ونزلت جري علي السلم  " 

" ادهم دخل شفته وقفل الباب وشكل نهال مجننه دخل علي الاوضه وهو خايف لتكون قلعت ، لكن نهال من شدة صدمتها فضلا واقفه ورا الباب متتحركش "

ادهم بص عليها من فوق لتحت بإعجاب رهيب وقال : ايه الجمال دا انا مراتي جميله كدا ومخبيه عليا جمالها دا كله !

نهال مسكت ايده وقالت بتوتر : ادهم أنا كنت عايزه اعملك مفاجأه معرفش أن مامتك جايه معاك زمانها قالت عليا ايييه أنا مش هعرف اوريها وشي تاني 

ادهم رفع وشها لفوق وباس شفايفها بكل رقه : هشش أنا مش عايز دماغك دي تفكر في اي حاجه دلوقتي عايز كل تركيزك معايا وبس " وضمها لصدره وقال بهمس " جننتيتي يا نهال 

نهال ضميته وغمضت عيونها وبعدين عن ادهم وقالت بتوتر : ادهم مامتك زمانها قالت عليا ايه بس قوول بجد 

ادهم رجع شعرها لورا ونزل حمالة القميص وباس كتفها وقال بهمس : زمانها قالت نهال مرات ابني مدلعه ابني لدرجة أنه ناسي الدنيا وبما فيها دايب في حضنها " ورفع وشها ليه وقال " تسمحيلي بقاا ادوب في حضنك بجد 

نهال بصتله وابتسمت وضميته من رقابته وقالت بهمس : انت ليه اصلا مش دايب في حضني وعمال ترغي يا ادهم 

.............................................

                           " في شقة صلاح " 

نوال غيرت لبنتها اللي نامت بسرعه من شدة الارهاق فضلت جنبها شويه تبصلها وهي مبتسمه وقالت بهمس : مستعده استحملت علشان اللي مفيش حد يستحمله يا غزل " وباست خدها وقامت طلع برا الاوضه " 

" كان صلاح قاعد علي السرير فارد ضهره وبيقلب في فونه شافها داخله الاوضه معبرهاش " 

نوال راحت وقفت قدامه بتردد : صلاح انت مبتتكلمش معايا ليه ؟ 

صلاح قفل الفون واتنهد : هتكلم معاكي في ايه يا نوال " نزلت راسها في الأرض وسكتت " كنتي فين طول الشهرين اللي فاتو ؟ 

نوال بتردد كبير : كنت قاعده عند واحده صحبتي بريح بالي شويه ولما حسيت أن كويسه رجعت البيت تاني 

صلاح ابتسم بسخرية : صحبتك مين اللي كنتي قاعده عندها يا نوال اسمها ايه صحبتك دي وتعرفيها منين 

نوال بصتله وقالت : اعرفها من علي النت يا صلاح 

صلاح قام وقف قدامها وقال : طول الشهرين وانا عامل شبهه المجنوون لا بنام ولا باكل ولا مركز في حاجه في الدنيا معرفش عنك حاجه وقلبت الدنيا عليكي وانتي فص ملح وداب... انااا كنت بقعد اعيط من قلة الحيله اللي انا فيهاا " وعيونه دمعت " 

نوال بصتله ودموعها نزلت : وانت اللي عملته فيا مكنش قليل يا صلاح كنت عايشه معاك ومتجوزاك بس امك هي اللي تقول ايه ينفع وايه مينفعش عايشه معاك ومفيش قرار واحد اخدته في حياتنا من دماغك كل قراراتك كانت بدماغ امك وانا تعبت من كلامها ومن معاملتها ومن أسلوبها معايا أنا معملتش حاجه وحشه بحد فيكم بالعكس أنا شيلتكم علي راسي 

صلاح مسح عينه و شدها لحضنه وبدون اي كلام : أنا آسف حقك عليا بس ارجوكي متسبنيش تاني أنا من غيرك ميت يا نوال 

نوال بادلته الحضن وهي مش مصدقه أن دا صلاح اللي بيقولوا الكلام دا وقالت بعدم تصديق : انت بتقولي الكلام دا بجدد 

صلاح مسح دموعها وبص في عيونها : مكنتش اعرف ان بحبك اوي كدا مكنتش اعرف ان من غيرك هبقى تايهه ووحيد كدا أنا يتيم من غيرك يومي مكنش بيخلص كل دقيقه كانت بتعدي عليا كنت بموت فيها الف مره " مسك أيدها وباسها " اوعدك أن اللي هيدوسلك علي طرف بعد كدا هدوسلك علي دماغه نفسها

نوال حضنته وعيطت في حضنه : كنت مستنيه كلامك دا من زمااااان اووي يا صلاح كنت محتاجه احس أن ليا سند وضهر وحد يحامي عني ارجوووك أنت متتغيرش تاني 

صلاح وهو بيمشي ايده علي ضهرها : كل اللي فات هعوضك فيه خير اوعدك يا نوال..

..................................…..………….

" نهال نايمه في حضن ادهم بتمشي أيدها علي دقنه شدت مفرش السرير عليها كويس وبصت لأدهم اللي يصلها بتركيز "

نهال : ادهم انت لمست حد غيري قبل كدا...يعني كان ليك علاقات سابقه مثلا ؟ 

ادهم اتعدل وصلها ورجع شرها لورا : لاء مليش علاقات سابقه انتي اول بنت لمستها واول بنت بوستها انت الاول في كل حاجه في نهال 

نهال : مكنش ليك تجارب سابقه ليه ؟ 

ادهم بدهشه : لاء مش فاهمك يعني مثلا كنتي هتفرحي لو ليا تجارب قبلك 

نهال بلوية بوز : يا ادهم اكيد لاء بس يعني ديما بسمع ان الرجاله بتكون ليها علاقات بستات قبل الجواز 

ادهم بدهشه : الا من رحم ربي طبعا  بعدين أنا ليه يبقي ليا علاقه في الحرام بعدين اللي فهمك كدا انسان غبي لأن زي ما البنت المحترمه مبتتشبهش بالبنت اللي مش محترمه الراجل برضو نفس المعادله في راجل بيحترم نفسه وفي برضو راجل الله يسهله " وجاب علبة السجاير يشرب واحده "

نهال اخدتها منه وباست شفايفه برقه : كل ما تحس أنك عايز تشرب سيجاره قولي وانا هديك قصادها بوسه بس ارجوووك بلاش سجاير مضره ليك وليا وللي في بطني 

ادهم شدها من رقابتها وباسها اووي وحط ايده علي بطنها : بتحسي بيه ؟ 

نهال بابتسامه : لسه مش دلوقتي علشان هو يدووب نقطه لما يكبر شويه ويبدء يتحرك في بطني هحس بيه

ادهم بتركيز : طيب ايه مثلا اللي متغير فيكي من وقت ما حملتي ؟

نهال بتفكير : يعني مثلا نفسي مفتوحه لأغلب الاكل اللي كنت مبحبوش وبكون عايزه اكله زي الكوارع اسمها نفسه قبل الحمل كان بيقرفني دلوقتي هموووت عليها 

ادهم برفع حاجب : كوارع ؟ بتهزري ولا بتتكلمي جد 

نهال بضحك : والله بتكلم جد عايزه اكل كوارع وأكل سمين ودهون وحجات من دي 

ادهم ضحك وباس خدها : بكرا لما ترجعي من الكليه هعزمك علي احلي واجمل أكلة كوارع أنا عيوني لنهال واللي في بطن نهال 

نهال بصدمه : الكليه دا انا نسييييت أن عندي اول يوم بكرا ادهم هو انا هروح ازاي ؟ 

ادهم بأس شفايفها برومانسيه : هوصلك الصبح ولما تخلصي هاجي اخدك مش عايز دماغك الحلوه دي تنشغل بحاجه ولا تشيلي هم حاجه طول ما أنا موجود

نهال حضنته وهي حسه براحه وفرحه : هو ينفع نفضل كدا منقومش ابدا 

ادهم ابتسم وشد البطانيه عليهم الاتنين وحضنها كويس : ينفع اوووي اهبل مين اللي يفكر يسيب الدفاا اللي في حضنك ويمشي 

نهال اتكلمت وهي في حضنه : ادهم هو لو انت مكنتش شوقتني كنت ممكن تتجوز تغريد بنت عمي ؟ 

ادهم مغمض عينه ثرثها في جنبها : نامي يا نهال بدل ما اقوم اطلقك نامي يحبيبتي ربنا يهديكي نامي 

" نهال غمضت عيونها وهي حسه بإرهاق ، لكن جواها سعاده كبيره نوعا ما الحياه اخيرااا بدأت تتعدل معاها " 

..............................................

" صباح يوم جديد واحداث جديده المنبه بتاع فون نهال مش مبطل رن وهي نايمه في سابع نومه ، ادهم قام علي صوت المنبه المزعج بص علي نهال " 

ادهم بنوم : نهال قومي الساعه ٨ الا تلت قومي البسي هتروحي الجامعه أمتي....نهال " وهزها علشان تفوق "

نهال بنوم : في ايه بتصحيني ليه 

ادهم اتنهد بنوم : الكليه....هتتأخري قووومي يلاا 

نهال شدت الغطاء عليها كويس وقال بلا مبالاه : اول اسبوع في الكليه ملوش لازمه نام هروح من اول بكرا 

ادهم شد البنطايه من عليها وقال : يلااا يابت قومي البسي علي ما اعملك تفطري اخلصي " وقام وهو كله نوم دخل المطبخ وبدء يعمل فطار وهو مفكر أن نهال بتلبس ، ونهال عدلت الغطاء عليها ونامت بكل هدوء وعمق " 

ادهم دخل ومعاه كوبايتين شاي وسندوتشات بص علي نهال النائمه بدهشه : نهاااااال 

نهال قامت وبصتله بكسل : ايييه يا ادهم مش مهميني بشوية النوم ليييه 

ادهم : يعني أنا داخل اعملك الفطار علشان تلبسي ومنتأخرش وانتي اصلا مقومتيش من السرير 

نهال نزلت من علي السرير ودخلت الحمام غسلت وشها وطلعت : صحيت اهوو وهلبس في ثواني متقلقش " واخدت كوباية شاي وسندوتش وبدأت تاكل " دا سندوتش بطاطس علي ايه ؟ 

ادهم وهو بياكل: بطاطس وسيحت عليها جبنه عامله طعم خطير 

نهال : كل حتت سندوتش واشرب معاها شاي كدا هتحس بطعم اخطر 

ادهم : هتفضل نجرب في ام الطعم وننسي ام الكليه قومي يا نهال البسي يلا 

" نهال قامت وطلعت الطقم اللي هي هتلبسه وكان عباره عن بنطالون جلد اسود وفوقه جاكت فرو بيج وطرحه بيج وجزمه سودا " 

نهال وقفت قدام ادهم : هاا ايه رأيك الطقم ماشي مع بعضه 

ادهم اتفحصها كويس وقال : هو ماشي مع بعضه بس مش ماشي معايا أنا مبحبش البناطيل الجلد بعدين الجاكت دا قصير لو عندك جاكت بيج اطول هيبقي مقبول شويه 

نهال بصتله : بس انا عايزه دا الجاكت البيج اللي عندي بالطو مش هينفع علي البنطالون 

ادهم : طب البسيه ونشوف أن كان هينفع أو لاء ويلاااا انجزي علشان علي ما نوصل المنصوره فيها ساعه الا تلت 

نهال دخلت جابت الجاكت ولبسته وطلعت : هااا ايه رأيك 

ادهم بإعجاب : اااه شوفي الجمال والاحترام حلو ازاي جميل ومخليكي شيك " وقام وقف واخد محفظته وشرب اخر شوية شاي في الكوبايه ومسك أيدها " يلااا 

نهال وقفته وبصت علي شكلها في المرايا : مكياجي حلو ؟ 

ادهم بتنهيده : جميل تحفهه مشوفتش في جماله قبل كدا يلااا بقاا " ونزلو الاتنين علي تحت "

نهال افتكرت أن حماتها شافتها امبارح وقفت علي السلم وقالت بهمس : ادهم أنا مكسوفه ابص لمامتك 

ادهم ضحك : لاء متتكسفيش ويلااا علشان والله لسه قدامنا ساعه في الطريق " ونزلو علي تحت كانت سلوي قاعده علي الكنبه قدام التلفزيون "

سلوي بصت عليهم وقالت بمغزي : 

                            "" انتظروا القادم ""

" جوازة صالونات"

" البارت الثامن والعشرون "

" الكاتبه ندي حبيب " 

سلوي بصت علي نهال وقالت بمغزي : صاحيه بدري يعني ونازله دا انا قولت بعد ليلة امبارح دي مش هنشوفهم ولا اسبوع " وغمزت لأدهم اللي ضحك بقوه " 

ادهم بص لنهال اللي هتموت من الاحراج وقال : دعواتك يماا معانا بقا " نهال وكزته في جنبه ف هو اتألم " ايييه يابنتي مالك 

سلوي بصتلهم بتركيز : انتو لابسين ونازلين بدري كدا علي فين ؟ 

ادهم : نهال عندها كليه ويدوبك نمشي علشان متأخرين اصلا " ومسك ايد نهال وطلع علي برا " خليكي هجيب العربيه من الجراش 

" نهال وقفت وفتحت فونها وفضلت تتصور ، ادهم جاب العربيه وراح عندها "

ادهم بصلها : مش نقفل الاستديو دا بقااا ولا نفرج الناس علينا كمان شويه 

نهال فتحت الباب وركبت جنبه بغيظ : فيها ايه يعني لما اقف اخد صوره ؟ 

ادهم مشي بالعربيه وقال : الناس هنا مش هيقولو براحتها لاء هيقفو يتفرجو عليكي وهمز ولمز وشغل قلة قيمه واحنا في غني عن الكلام دا كله المهم هتقابلي مين في الكليه من صحابك ؟ 

نهال بصتله وقالت : هقابل مين أنا معنديش صحاب في الكليه بروح علي المحاضره بخلصها وبروح علطول معرفش حد هناك 

ادهم بستغراب : بتهزري يعني انتي مفيش ليكي اي صحاب في الكليه خالص ! 

نهال اتاوبت وقالت : لاء معنديش اي صحاب في الكليه خالص ليه يعني السؤال دا 

ادهم : يعني سألت من غير سبب فكرت ليكي صحاب هناك وهتخلصو المحاضرات وتخرجو وترجعيلي المغرب ارنلك العلقه المحترمه والكلام دا يعني 

نهال ضحكت وقالت : لاء متقلقش معنديش حد هناك أخرج معاه بعدين استني استني هو ايه اللي ارنك العلقه المحترمه انت ممكن تفكر تمد ايدك عليا يا ادهم ؟ 

ادهم مسك أيدها وباسها وقال برقه : انشك في أيدي يقلب ادهم يوم ما افكر أمدها عليكي احكيلي طيب يومك في الكليه دا شكله ايه 

نهال بملل : عادي لو المحاضرات بدري زي النهارده بروح بدري بخلص المحاضره واطلع اقعد في الكافتيريا اطلع فطار علشان بكون خارجه مش فاطره علي ما اكل بيكون معاد المحاضره التانيه جيه أحضرها وهكذا لحد ما اخلص وأقوم جايا خارجه من المدرج علي الموقف عدل اركب واروح بس كدا دا كان يومي 

ادهم بيسمعها بتركيز : طيب ما في محاضره الفرق بينها وبين المحاضره التانيه ساعه وساعه ونص كنتي بتعملي ايه فيهم 

نهال ابتسمت وهي بتفتكر : كنت بفتح فوني وافضل اقرء روايه كنت حرفيا بنسي الدنيا....ادهم هو انت ليه مجبتش ليا طقم الماظ حلو كدة ولبسته ليا وانا اتفاجئ وتقولك ايه دا دا الماظ حقيقي ف انت تقولي طبعا واتعملك مخصوص ليه الحجات دي مش في الحقيقه 

ادهم ضحك بدهشه : هو حد ضحك عليكي وقالك أنا مليونير وانا مش واخد بالي بعدين ايه احلام العصر اللي انتي فيها دي 

نهال بفقدان امل : يعني ايه الحجات اللي بقرأها دي مش حقيقيه ولا هعيشها طيب

ادهم : حجات ايه دي بقا اللي مش هتعشيها عرفيني عليها كدا 

نهال : يعني مثلا تسفرني جزر المالديف في جزيره لوحدنا الا ما سفرتني راس البر حتي يا اخي 

ادهم ضحك بخفه وطلع سيجاره شربها : لاء دا انتي القصص اللي بتقرئي فيها دي مأثره عليكي علي الاخر الا جزر المالديف دي فين علي الخريطه 

نهال بصتله : يعني فهد الفهود قال لازم تسافر بطياره يبقا اكيد بعيده 

" ادهم ضحك وقرب علي نهال يبوسها ، لكن نهال بعدت بضيق "

نهال بضيق : ادهم ابعد ريحتك سجاير صعبه ايه داا أنا معرفش انت بتشرب سجاير ليه اصلا 

ادهم بعد بستغراب : في الطبيعي ريحة السجائر مكنتش بتتعبك اشمعنا دلوقتي مش طايقه ريحتها ؟ 

نهال حطت أيدها علي بوقها وهي حسه أنها هترجع : معرفش بس ريحة السجاير مضيقاني " وحست أنها خلاص هترجع مسكت ايد ادهم وغمضت عيونها " ادهم وقف العربيه 

ادهم وقف العربيه علطول وبصلها بقلق : مالك في ايه عايزه ترجعي " نهال هزت راسها وادهم جابلها كيس ونهال رجعت " يلعن ميتين اهلها سيجاره يشيخه اللي تعمل فيكي كل دا 

نهال اخدت مناديل ومسحت بوقها وقالت بتعب : ادهم أنا مش قادره اروح الجامعه روحني 

ادهم ضمها لصدره وقال بحنان : مش مشكله يقلبي تعالي هنروح نقعد علي البحر في المنصوره تشمي هوا شويه " وشغل العربيه ومشي علي المنصوره وهو حضنها لسه "

...................................

" صلاح نايم ومراته جنبه سمعو صوت الجرس بيرن نوال فتحت عينها بضيق بصت علي صلاح اللي بدء يصحي "

سلوي من برا : ايييه مش كفايه نوووم هتعفنو 

صلاح بص لنوال وقال بابتسامه : صباح العسل 

نوال ابتسمت اوي وقالت : صباح الخير انا هقوم انولها وبلاش مشاكل معاها من اول يوم 

صلاح مسك ايدها : ولا في مشاكل اول يوم ولا اي يوم تاني محدش ليه كلمه عليكي غيري انا بس اللي امشي كلامي عليكي يا نوله 

نوال بدون كلام قربت منه وحضنته : ربنا يخليك ليا وتفضل ديما سندي وحمايتي 

صلاح باس راسها : اوعي يابت بقا خليني اقوم ارد علي الدوليه اللي هتكسر الباب دي " وقام فتح الباب لأمه " صباح الخير يما 

سلوي : صلاح الفل يقلب امك صحيتك ولا ايه ؟ 

صلاح بضحكه خفيفه : صحتي بس دا انتي صحيتي البيوت المجاوره كمان 

سلوي : اعمل ايه نايمين وحاطين في بطونكم بطيخه صيفي واحده راحت علي الكليه من الصبح و التانيه لسه نايمه وانا صاحيه من النجمه بعلف البط وبعلف البهايم زي الخدامه 

صلاح بابتسامه : وانتي عامله في نفسك كدا ليه ريحي نفسك وابويا قالك ميت مره هو اللي هيغلف البط والبهايم بس انتي مبتحبيش تريحي نفسك وان كان علي لقمتي أنا ومراتي احنا من النهارده هناك هنا في شقتي يغاليه 

سلوي من صدمتها معرفتش ترد علي ابنها فضلت بصاله شويه وبعدين نزلت علي السلم : علي رأي المثل ربي يا خايبه للغايبه يا فرحتك في رجالتك يا سلوي 

" صلاح فضل ينادي عليها ولكن هي مردتش عليه ولا عبرته ف قفل شقته ودخل علي جوه اتقابل في نوال اللي واقفه علي باب اوضة النوم " 

صلاح بضحك : واقفه كدا ليه يابت خضتيني 

" نوال بكل تلقائيه راحت حضنته وهي فرحانه أن وقف في وش امه عشانها ، صلاح حضنها بحب كان مفتقده وحس بيه لما بعدت عنه " 

........................................

" ادهم ونهال قاعدين في كافيه علي البحر نهال بتشرب عصير مانجا وعماله تتكلم وادهم بيشرب كوباية قهوه وبيسمعلها "

ادهم بستغراب : مش فاهم يعني انتي بتحبي الطبخ بس مبتعرفش تطبخي ؟! 

نهال ببساطه : مره حد قالي مش شرط تكون بتعرف تغني وصوتك حلو علشان تغني انت بتحب تغني يبقي غني وكذالك برضو الطبخ مش لازم تكون بتعرف تطبخ علشان تطبخ انت بتحب تطبخ يبقي اطبخ واغلط مره واتنين والتالته هتتعلم " وابتسمت " 

ادهم ابتسم وشرب شويه من فنجان القهوه وقال : ومين الحد اللي دماغه متكلفه دي ؟ 

نهال بصتله وابتسمت : جوووزي...تعرف احيانا بستغربه هو راجل عظيم جدا بنسبالي بيجي من برا يعلق هدومه مش بيرمي كل فردة شراب في مكان مثلا بيحضرلي الفطار " وضحكت بخفه وادهم ضحك بحب " مبيعلقش ليا علي حاجه حنين جدا فووق ما تتخيل بيستحملني وبيستحمل هبلي وعبطي بيطمني ديما 

ادهم مد ايده مسك أيدها وباسها وقال : مراتي بقا مطلعه عيني ومجنناني وبتخليني عايز أشد في شعري بس رغم كل دا هي رقيقه وجميله ومثيره جدا " وغمزلها وهي اتكسفت جدا " أنا من الاخر مُغرم بيها 

نهال بصتله وهي فرحانه اووي من جواها والفرحه دي واضحه علي ملامحها فقالت بكسوف : يا الله احرجتني والله يا ادهم 

ادهم ابتسم وقال : ايه هواياتك المفضله او مثلا ايه الحجات اللي بتحبيها ؟ 

نهال بدون تفكير : النوم " وضحكت وهو ضحك " بحب البحر بس مبعرفش اعوم 

ادهم ضحك : انتي غريبه اووي يعني بتحبي الطبخ بس مبتعرفش تطبخي وبتحبي البحر بس مبتعرفش تعومي كل حاجه علي نقيض حاجه تانيه 

نهال لسه هترد قالت شافت مولتن كيك علي الطربيزه اللي قدامها بصت لأدهم اللي مستغرب رأكشنات وشها : ادهم انا عايزه مولتن كيك ومعاه ايس كريم 

ادهم ابتسم وطلب مولتن كيك وايس كريم : بتحبي الحلاويات  ؟

نهال مسكت فونه وفتحت الكاميرا علشان يتصورو وقالت : جدااا يلا نتصور مع بعض " واتصورو صور جميله اوي " 

ادهم قام وقف وطلب الشيك ودفع حقه : ايه رأيك نتمشي شويه مع بعض 

نهال وقفت ومسكت ايده بابتسامه : موافقه جداا هتمشيني فين ؟ 

ادهم مسك أيدها ومشيو : يعني نتمشي في أي مكان ناقصك حاجه نجيبها كدا يعني 

نهال بابتسامه : عايزه مناكير وعايزه روج احمر علشان معنديش 

ادهم همسلها : أنا سمعت أن في روج بالاطعمه ما تيجي نجيبه نجربه 

نهال قرصته بغيظ وقالت : اتلم بعدين انت قولت حجات ليكي ودا ليك انت أنا بس يدوب هحطه في البيت لكن أنا عايزه روج خروج 

ادهم بضحك : أنا وانتي واحد يقلبي " ودخلوا علي محل مستحضرات تجميل " شوفي انتي عايزه ايه ومتنسيش الروج اللي بالاطعمه أنا بحب البطيخ 

" نهال ابتسمت وفضلت تختار حجات هي عايزاه وطبعا جابت الروج اللي بالاطعمه " 

ادهم واقف علي الكاشير بيحاسب مال علي نهال وقال بهمس : مش كان صباع روج وعلبة مناكير امال أنا شايف عطور وحجات غريبه ليه ؟ 

نهال بلطف : ادهم دي حجات نقصاني وانا عايزاها والله " وقالت بهمس " وجبتلك روج بالاطعمه 

" ادهم دفع الحساب واتفاجئ بالسعر وخرج هو ونهال اللي مبسوطه بالحجات اوي " 

ادهم : بقا شوية الحجات دي ادفع فيهم ٩٠٠ جنيه ؟

نهال مسكت ايده : مركات بقا يقلبي بعدين ربنا يخليك ليا وتجيبلي كمان وكمان 

ادهم بقلة حيله وهو بيفتح العربيه : هقول ايه كله علي الله المهم مش جيبتي روج بالأطعمة اهم حاجه 

نهال ركبت : جبته جبته متقلقش 

ادهم بفرحه : نروح بقا علشان نلحق ندوق الاطعمه كلها 

.....................……………………...……

نوال كانت بتغير هدوم بنتها لقت فونها بيرن برقم غريب استغربت في البدايه لكن ردت : الوو سلام عليكم 

                         "" انتظرو القادم ""

" جوازة صالونات"

" البارت التاسع والعشرون "

" الكاتبه ندي علي حبيب"

نوال استنت اللي علي الفون يرد لكن مفيش رد فقالت بستغراب : الووو " برضو مفيش رد فقفلت الفون وكملت لبس غزل " امسكي الكم اللي تحت يلا 

غزل مسكت كمها وامها لبستها البجامه اللي فوق : ماما هو احنا مش هنرجع عند عمو امجد تاني 

نوال بصت لبنتها بصدمه وكذا حكايه اتصورت في عقلها لو صلاح عرف أنها كانت قاعده عند امجد في بيته وهي مصدقت أن علاقتها اتصلحت معاه وقالت : غزل سيرة عمو امجد دي متجيش هنا خالص علشان نفضل قاعدين عند بابا علطول ولا انتي عيزانا نمشي 

غزل برفض : لاء نفضل هنا منمشيش تاني 

نوال بابتسامه : يبقي متقولش أننا عرفنا عمو امجد ولا شوفناه ابدا تمام 

" غزل هزت راسها بموافقه وسكتت ونوال سرحتلها شعرها لكن دماغها مشغوله ولسه متعرفش امجد هيعمل ايه لما يعرف أنها مشيت بس الاكيد انها منتظره أي ردة فعل ، ولسه متعرفش ادهم ناوي يعمل معاها ايه او هيواجهها  ازاي " 

نوال باستها وقالت : الجميل بقا جميل وريحته قمر يلا العبي علي ما اجهز الغدا 

غزل بستغراب : فين الغدا هنا ولا تحت عند تيتا ؟ 

نوال ابتسمت علي استغراب بنتها : لاء هناكل هنا علطول مفيش اكل عند تيتا تاني 

" غزل هزت راسها و قعدت تلعب ونوال دخلت المطبخ تجهز الغدا وهي قلقانه من امجد وخايفه صلاح يعرف حاجه " 

.......................................

" ادهم رجع من المنصوره هو ومراته ووقف العربيه قدام البيت وبص لنوال علشان تنزل لكن هي بصاله بتركيز استغربه "

ادهم ضم بين حواجبه : مالك بتبصيلي كدا ليه انزلي يلا 

نهال : ادهم انت ممكن تطلقني بسبب خناقه من اللي احنا بنتخانقهم دي ؟ 

ادهم مسح وشه وقال بتعب : يالله... أنا ايه اللي عملته في نفسي دا بس جواز ايه اللي أنا كنت رايح اتجوزه ما أنا كنت عايش حياتي مبسوط ليه عكننت علي نفسي 

نهال طبطبت علي صدره بتأثير : معلش يا ادهم هو كدا المومن ديما مصاب....بس رد علي سؤالي وكمل عكننه 

ادهم بصلها كتير بغيظ وقال : أنا راجل مش بتاع طلاق " ومسك أيدها " ام الدبله دي انتي مش هتقلعيها مهما حصل هتفضلي علي ذمتي لحد يا اموت يا انتي تموتي يلااااا انزلي بقا 

نهال ابتسمت اوي وهي فرحانه بكلامه ونزلت من العربيه وقالت بهمس : ياااربي والله طلع كلامه شبهه الروايات " وطلعت علي البيت وهي فرحانه " 

ادهم قاعد في العربيه يبصلها بذهول : اقسم بالله العظيم متخلفه عقلياً " وقال بابتسامه " كان ايه هيحصل لو الواحد اتجوز واحده خرسه وطرشه يقول اللي يقوله وهي تبتسمله وبس ياااااه دا الواحد انبسط من مجرد التخيل " ونزل من عربيته " 

"سلوي كانت قاعده في الصاله ورابطه دماغها وواضح عليها انها معيطه ، نهال دخلت اتفجأت بشكلها "

نهال بستفسار : استر يارب مالك رابطه دماغك ليه كدا 

سلوي بصتلها من فوق لتحت وقالت : يلااااا جُري جوزك وراكي واطلعي شقتك واقفلي عليه بسبع ترابيس انتي كمان 

نهال قلعت شنطتها وراحت قعدت جنبها : صلِ على النبي في قلبك بس كدا وفهميني ايه اللي حصل عايزاني اجره ورايا واقفا عليه بترباس ليه 

سلوي بنواح : الواحده تحبل وتولد وتربي لحد ما حباية عينها تطلع برا علشان تقول أنا أم الرجاله اول ما يتجوز مراته تقويه علي أمه 

نهال طبطبت عليها وقالت بمرح : يشيخه قولي كلام غير دا انتي حد يعرف يستقوي عليكي انتييي 

سلوي بصتلها بغضب : قصدك ايه بكلام دا ليكون معلقلكم المشنقه يابت وانا مش واخده بالي 

نهال حاولت تبرر كلمتها فقالت : لاء اكيد مقصدش انك وليه قادره يعني انتي بس شديده شويه عايزه واحده تكون صحتها حلوه تحت ايدك طول النهار واحنا مفيناش صحه والله يعني انتو زمان كنتو بتفطرو فطير مشلتت بالسمنه البلدي ف الواحده فيكم كانت تهد جبل إنما احنا جيل الاندومي والانيميا الحاده......المهم يعني بتقولي الكلام دا ليه ايه اللي حصل ؟ 

سلوي بضيق : الحيه مرات صلاح طول الليل بتسمع الواد كلام من نحيتي لحد ما خليته مش شاهيني قدام عينه طلعت الصبح علشان اصحيهم يفطرو يقولي أنا ومراتي هنالك من هنا ورايح في شقتي قولت علي رأي المثل ربي يا خايبه للغايبه 

نهال بدهشه وابتسامه : بالله العظيم قالك كدا اقسم بالله راااجل 

سلوي بغضب : انتي عماله ترمي كلام من تحت لتحت كدا ليه يما انتي كمان مضايقه خدي بعضك واطلعي علي شقتك واتقسمي وانا أن كان علي سالم هأكله واشربه وهنعيش مبسوطين بلا وجع دماغ 

نهال بابتسامه : جدعه بلا وجع دماغ سيبي اللي ينام ينام واللي ياكل ياكل متتعبيش نفسك وانتي هتعوزي ايه غير سعادة عيالك يا ام ادهم 

ادهم دخل قعد جنب أمه بإرهاق وبصلهم الاتنين بستغراب : في ايه مالكم ؟

نهال قامت وقفت : طيب هسيبكم تحلو شوية المشاكل العائليه دي علي ما اطلع اخد شاور " وطلعت علي شقتها جري "

ادهم بزعيق : متجريش علي السلم يابت اللي في بطنك هينزل " وبص لأمه اللي لويت بوقها وهو ضحك وفضلت تشكيله " 

..........................................

" نهال طلعت شقتها قلعت الكوتش كل فرده في مكان وقلعت الجاكت بحماس وفتحت شنطتها طلعت كيس الميكب ودخلت علي اوضة النوم " 

نهال بحماس : انا جبت روج بطعم الفلفل الحرااااااااااق اديلووو ادي يابت يا نهووووول " وراحت وقفت قدام المرايا وفتحت الروج وبصتله بحماس وبدأت تحط علي شفايفها " 

" نهال حست بحرقان في شفايفها بسيط بس كل شويه بيزيد جابت منديل ومسحت شفايفها بسرعه لكن الحرقان زاد "

نهال غسلت شفايفها بس اول ما المايه جت علي شفايفها صوتت : لاااء مش المفروض أنا اللي اتوجع المفروض هوووو 

ادهم فتح باب الحمام وشاف شفايفها حمرا جدا : ايييه دا عملتي ايه في بوقك ؟ 

نهال دموعها نزلت وهي ماسكه شفايفها : الروووج اللي عمل فيها كدا بتحرقني يا ادهم 

ادهم جاب مايه وفضل يمسح فيها وقال بعدم فهم  : رووج ايه اللي عمل في شفايفك كدا ؟ 

نهال بوجع : اللي بالأطعمة اول ما حطيته علي شفايفي حرقني جدا " وخبطته في دراعه" كله بسببك انت اللي خليتني اجيبه 

ادهم مسك صباع الروج وقرء اللي عليه وقال بذهول : بالفلفل الحار ! انتي جايبه من دا ليه انا اقصد بطعم البطيخ الفراوله الحجات اللذيذه دي جايبه دا ليه ؟ 

نهال بصتله وايدها علي شفايفها : أنا ايه عرفني أنه بيحرق اوي كدا فكرته اسم علي الفاضي 

ادهم يصلها بغلب : اااه منك اااه ومن حركاتك إدهني اي كريم مرطب علي شفايفك دي علشان هتورم " وبص علي صباع الروج واتصدم من سعره " صباع الروج دا ب ٢١٠ ؟ 

نهال بصتله بخوف وقالت بهمس : فدايااااا...

ادهم بصلها بذهول : فداكي دا انا هطلع روحك في ايدي ما دي غلطتي ان مشيت وراكي أنا استاهل ضرب الجزمه 

نهال بصتله : انت مستخسر فيااا ٢٠٠ جنيه ؟ 

ادهم راح عندها ومسكها من شعرها بخفه : انتي جايا عليا بخساره اقسم بالله بتعملي ايه انتي في حياتي غير انك بترازي فيااا طبيخ ومبتعرفش تطبخي تنضيف وأبسط حاجه راميه الكوتش بتاعك فرده في مكان شكل فيكي ايييه مميز يخليني ميت فيكي كدا فهميني 

نهال رفعت عيونها لعيونه وايدها علي صدره وقالت بدلال : بعرف ادلعك يبيبي 

ادهم ضحك غصب عنه وقال : حتي نيله في دي لازم اقولك اعملي كذا وكذا.....

نهال حطت ايدها علي بوقها وقالت بصدمه وكسوف : انت بتقوووول ايه اتلم يا ادهم " وفونها رن وكانت تغريد فردت " الووو ايوا يا غروده 

تغريد : يعني لو أنا متصلتش متعبرناش يا استاذه ولا حبيب القلب اكل عقلك خلاص 

نهال ضحكت بمرقعه خلت ادهم يصلها بحده فقالت : والله ابدا انتي عارفه أن أنا ميشغلنيش عنكم غير الشديد القوي المهم انتي اخبارك ايه 

تغريد : احنا تمام بقولك ادهم سامعني ولا اتكلم عادي ؟ 

نهال بستغراب : لاء اتكلمي في حاجه ولا ايه 

تغريد بمغزي : دكتور مروان بعتلي النهارده قالي نهال مجتش الكليه ليه نهال انتي مقولتيش ليه انك متجوزه ؟ 

نهال بصت علي ادهم اللي كان في البلكونه بيشرب سيجاره وقالت بضيق : وانا هقوله فين ولا شوفته فين انا وبعدين مهزقتيش أهله ليه 

تغريد بجديه : ههزقه ازاي اناا معرفش هو قالي مجتش ليه قولتله معرفش يمكن راحت عليها نومه 

نهال غمضت عينها بضيق وقالت بهمس : بني ادم بارد أنا عمري ما عشمته بحاجه بالعكس كنت بتعامل معاه علي اساس دكتور ماده عندي في الكليه وخلاص معرفش بقا انه هيبرهن معملتي ليه أن بحبه 

تغريد : أنا عرفتك اللي حصل حاولي تروحي بكرا تعرفيه انك متجوزه بدل ما يعملك مشاكل مع ادهم 

نهال بتنهيده : تمام يا تغريد حاضر " وقفلت وبصت علي ادهم " كُل ما هو صادق يستمر فعلا طيب اعمل ايه في الورطه دي دلوقتي " وطلعت لأدهم البلكونه حضنته من ضهره وسكتت "

ادهم اخد اخر نفس من السيجاره ورماها ولفونهال ليه وحط ايده علي خدها بحنان : مالك ؟ 

نهال بصتله : هو لازم يكون في حاجه علشان احضنك  يعني 

ادهم رجع شعرها لورا وقال : اكيد لاء بس شكلك مخطوف في حاجه ولا ايه ؟ 

نهال هربت من عينه وضحكت بتوتر : مفيش حاجه ليه مُصر تخلي شكلي مخطوف وفي حاجه المهم انا جعانه عايز تاكل ايه النهارده 

ادهم ضحك بخفه : اللي انا عايز اكله انتي مبتعرفش تطبخين يا نهال 

نهال بغيظ : ليه يعني انت طلبت اي قبل كدا وانا معملتوش تحفه رغم انها بتكون اول مره اعمله 

ادهم : عايز اكل كباب حله وطحينه ورز بشعريه وسلطه لو عملتيلي الاكله دي اطلبي مني اي حاجه انتي نفسك فيها 

نهال بحماس : موافقه وهتتفاجئ مني هدخل اغير هدومي بس وهبدء علطول " ودخلت علي جوا " 

ادهم بقلق : اكيد المستشفيات هتقطع نفسها علينا النهارده....

                              "" انتظرو القادم ""

 والقلبُ لا يميلُ إلا لك ♥️✨

" جوازة صالونات"

" البارت الثلاثون"

" الكاتبه ندي حبيب"

" نهال واقفه في المطبخ فاتحه الفون بتحاول تفهم طريقة عمل كباب الحله وهي حسه أنها تايهه مش فاهمه حاجه " 

نهال بتقرء الوصفه بتركيز : نضع معلقتين كبار من السمن وزيت... لازم الاتنين علشان الوصفه تطلع صح لو زيت بس مينفعش يحبايب قلبي أنا قولتلكم اهو 

ادهم دخل المطبخ وهو نوعا ما أدرك أنها لازم تتكلم وهي بتطبخ فقال وهو بياخد ازازة مائه من الثلاجه : طبعا مفيش كلام من دا يحبايب قلبها زيت سمنه اي دهن وارميها في الحله وانتهي الكلام 

نهال بصتله وقالت بتريقه : بس يا بابا انت ايه اللي فهمك في فن الطبخ بعدين اهووو المقادير مكتوبه بالورقه والقلم دي ارواااح ناس يعني مستحيل يكتبو حاجه غلط 

ادهم شد الفون من أيدها وحطه قدام وشها علطول : زيتت اووو سمن يا جحشه اتأكدي من معلوماتك الاول 

نهال ركزت في الوصفه وقال بدهشه : ااااه تصدق انت صح زيت اووو سمن مش زيت وو سمن..."رجعت بصت للبتوجاز وهي يتحط اللحمه في الحله" سوري يحبايبي الحمل مبهدلني وتفكيري متشتت المفروض نحط زيت او سمنه مش الاتنين 

ادهم ربع ايده وبصلها : لاء ولا يهمك كملي الوصفه يفنانه احنا معاكي متقلقيش " وسقف علي ايده " اقسم بالله العظيم هتهبليني انتي بتكلمي مين يابنتي 

نهال بصتله بطرف عينها : بكلم نفسي متشغلش بالك...المهم البنات اللي سألومي علي روتين شعري " ورجعت شعرها لورا بغرور " بروووتين يروحي قبل الجواز كنت كارته 

ادهم شرب مايه: بت أنا ورايا مكالمة شغل مهمه صوتك لو ظهر فيهاا هاجي احطك في الحله مكان اللحمه " وطلع الصالون فتح فيديو مع شريكة في السعوديه واندمجو في الكلام عن الشغل " 

نهال فضلت تطبخ لحد ما الكباب استوي وداقته وقالت بفرحه : يلاهوي عليكي وعلي شطارتك يابت يا نهال بالله لو الشيف بوراك داقها ليشغلني في مطعمه بدولار " ومليت معلقه وطلعت عن ادهم اللي بصلها متتكلمش لكن مفهمتش من نظرته " ادهم دوووق بقا وقولي اكلي ولا اكل امك " وحطت المعلقه في بوقه " 

ادهم اكلها بإحراج وبص في اللاب : ابو معاذ نتقابل في مكالمه تانيه أن شاء الله مضطر اقفل يغالي 

ابو معاذ : أنا هستني اقابلك في البلد هنا غيبتك طولت يا رَجُل " وقفل المكالمه " 

ادهم بص لنهال يتوعد وقام وقف وبصلها وهو بيفك حزام بنطالونه : أكلك ولا اكل امي معايا مكالمة شغل مهمه وانتي جايااا تقارني بين أكلك وأكل امك دا هطلع تلاته ميتين اهلك 

نهال رجعت ورا بخوف وقالت بتردد : ايه يحبيبي متنرفز ليه بس انا كنت عايزه ادوقك اول اكله من ايدي غلطانه يعني نزل الحزام يا ادهم السلاح يطول 

ادهم عينه نزلت لبطنها تلقائي ابتسم : بطنك كبرت شويه علي فكره 

نهال حطت أيدها علي بطنها وقالت بسعاده : انت متخيل كمان كام شهر هنبقي مسؤولين عن بيبي عن اكله وشربه ونومه ولبسه ميسكتش غير في حضنك وميحسش بالأمان غير معاك ادهم أنا متحمسه لحياة الامومه اووي 

ادهم من شدة فرحته بكلامها ملقاش رد غير أنه شدها لحضنه وحضنها بقوه : هتبقي اجمل واحن ام في الدنيا كلها عيلتي  هتكبر بيكي " وباس راسها بحب "

............................................

" نوال قاعده هي وجوزها وبنتها بياكلو كيكه وبيتفرجو علي التلفزيون في جو هادئ ومريح ، الجرس رن وقام صلاح يفتح " 

صلاح بابتسامه : تعالي يجميله ادخلي 

جميله : شكرا....خلي بس نوال تنزل لخالتي علشان معملتش اكل ومش قادره تقوم تعمل خليها تنزل تعملها الرز وتحمر البطاطس 

نوال قامت وبصتلها بابتسامه : قوليها متقلقيش يا جميله أنا عملتلها غدا معايا هلبس وانزلهولها اهو " جميله نزلت ونوال قفلت الباب " 

صلاح بص لمراته : انتي فعلا عامله حساب امي في الغدا ولا بتقولي كدا وخلاص 

نوال بابتسامه : لاء عملت حسابها بجد بعدين مامتك مش هتسكت ولا علي رجوعي ولا علي القسمه دي ف أنا هحاول علي قد ما اقدر الم الدنيا معاها هي امك اه بس محدش فاهمها قدي المهم انا محتاجه خضار للبيت لأن البيت فاضي علي الاخر 

صلاح ابتسم بإحراج : بصي أنا مش هخبي عليكي احنا اتقسمنا وانا مفيش في جيبي غير ٢٠٠ جنيه خديها اشتري بيهم خضار مشي نفسك بيه لحد بس ما أنزل الشغل بكرا " ومد ايده ب ٢٠٠ جنيه "

نوال اخدتها بابتسامه وفرحه : تصدق يا صلاح رغم أنه مبلغ قليل بس فرحتي بيه متتوصفش اول مره اخد فلوس من ايدك انت اول مره امسك مصروف من جوزي 

صلاح ابتسم علي فرحتها وحضنها وباس راسها بمتنان : انتي بنت اصول يا نوال أنا حقيقي محظوظ بيكي معرفتش قيمتك غير في غيابك في النهايه طلعت أن من غير ميت 

نوال ابتسمت بفرحه لكلامه : ربنا يخليك ليا ولبنتك يا صلاح يلا هقوم اجهز غدا لأمك وانزله وانت شوف وراك ايه " ودخلت علي المطبخ "

غزل مدت أيدها لأبوها : مصروفي فين يا بابا أنا مصرفتش ابدا 

نوال سمعتها : غزل تعالي بابا ادني مصروفك معايا اهو 

غزل راحتلها المطبخ ونوال اديتها خمسه جنيه غزل بصتلها بعدم رضا : دا ايه فين الباقي اجيب بخمسه ايييه مبتجبش حاجه 

نوال بمهاوده : بكرا بابا هيجيب فلوس كتير وخديكي اللي انتي عايزاه هاتي النهارده مصاصه بس 

غزل بضيق : واللبان مين هيجيبه ! 

نوال بأسرتها : بكرا اجيبلك علبه كامله يلا انزلي اشتري من عند عمو سعد واطلعي علطول 

" غزل فتحت الباب بضيق وطلعت علي شقة ادهم فضلت تخبط علي الباب لحد ما نهال فتحت " 

نهال بابتسامه : غزولة قلبي اللي نورت الدنيا تعالي 

غزل بعبوس : عمو ادهم فين ؟ 

نهال : عمو ادهم نايم بس لو الموضوع مهم لدرجة أنك طالعه بنفسك نصحيه عادي 

غزل : عايزه مصروف كمان علشان اجيب لبان ماما اديتني مصروف واحد اجيب مصاصه وقالتلي بكرا بابا هيجيب فلوس " وقالت بستعطاف " معاكي مصروف تديني وانا هجيبه ليكي بكرا 

نهال ابتسمت وشالتها وقفلت الباب : ايه رأيك اجيبلك شيبسي ولبان وبسكوت ومصروف كمان 

غزل بفرحه : الله مين جابلك كل الحجات دي ؟ 

نهال دخلت جابتهم ليها وغزل اخدتهم بسعاده : عمو ادهم جابهم بليل وقالي دول بتوع غزل 

غزل فرحت اوي واخدتهم : أنا هنزل اوريهم لماما " ونزلت جري علي تحت تنادي علي مامتها ، ونهال ابتسمت عليها وقفلت الباب وراها " 

" ادهم حاول ينام لكن معرفش فقرر يدخل ياخد شاور وبالفعل دخل ، نهال دخلت الاوضه تصحيه لكن لقيته في الحمام "

نهال وهي بتخبط علي الباب : ادهم انت خلصت ولا لسه ؟ 

ادهم وهو بيغسل جسمه من الصابون : ثواني وخارج....انتي خلصي طبيخ ولا اطلب دليفري واروق دماغي انا ميت من الجوع 

نهال بغيظ : الرز بيتردد بس " وقالت بتوتر " المهم انا عايزه اكلمك في موضوع كدا بس لازم تكون رايق 

ادهم قفل الدش بعد ما نشف ولف الفوطه علي وسطه : أنا خارج اهو وقولي اللي نفسك فيه " وفتح الباب اتفاجئ بيها وقعت في حضنه علشان كانت لازقه في باب الحمام " 

" نهال سندا بإيدها علي صدره وعيونها علي عضلاته البارزه تلقائي عضت شفايفها اللي تحت "

ادهم رفع وشها ليه وقال بهمس مبحوح : كنتي عايزه تقولي ايه أنا سمعك ؟ 

نهال بصتله بتوهان : اناا مكنتش عايزه اقول حاجه 

ادهم وهو بيمشي صوابعه علي شفايفها : امال عايزاني رايق ليه ؟ 

نهال حست انها مشتقاله وبدون سبب رفعت أيدها لرقابته وباسته من شفايفه بحب وقالت بهمس : ادهم انت واحشني حساك بعيد عني من زمان 

ادهم برفع حاجب : انتي بتهزري احنا يوميا مع بعض..

نهال منعته من الكلام بشفايفها : بتكون مع بعض بس مش بحس بنفس الشوق اللي انا حساه دلوقتي 

" ادهم رفعها من وسطها وغرق في حضنها وفعلا حس أنهم مشتاقين لبعض من غير سبب ، قطع حبهم صويت سلوي ونوال " 

ادهم بعد عن نهال وهو بينهج : دا صوت امي ؟ 

نهال غطت نفسها بمفرش السرير واتكلمت بصوت يكاد يكون مسموع : وصوت نوال كمان انزل قبل ما يموتو بعض 

" ادهم فضل يدور علي هدومه اللي حطها علي السرير قبل ما يدخل الشاور كانو مرمين علي الارض اخد البنطالون ولبسه مقلوب وهو مش واخد باله ولبس التيشيرت ونزل جري علي السلم وهو بيمسح عرقه وبيرجع شعره وبيحاول يكون طبيعي " 

                         "" انتظروا القادم ""

تكملة الرواية من هناااااااا