رواية حب تخطى كل الظروف الفصل الاول والثاني والثالث والرابع والخامس بقلم مارينا عبود حصريه وكامله

رواية حب تخطى كل الظروف الفصل الاول والثاني والثالث والرابع والخامس بقلم مارينا عبود حصريه وكامله 

رواية حب تخطى كل الظروف الفصل الاول والثاني والثالث والرابع والخامس بقلم مارينا عبود حصريه 

- إلياس باشا بيحب يا فرحة قلبي ودعواتكِ ياما

- بس يخرب بيتك فضحتنا 

- ده أنا ابغي أوزع شربات دلوقتي 

إلياس مسك المخده وحدفها عليه:

- الله يخرب بيت إللى يقولك حاجه تاني يا سيف اطلع بره روح على أوضتك عندك مدتيرم بكره يالااا سيبني فى حالي

- مدتيرم إيه بس!  أنا عاوزك تقولي الموضوع بالتفصيل المُمل أمتى حبيتها؟ وإسمها إيه وكل التفاصيل 

رجع بضهري لوراء وهو متخيلها قدامه بكل تفاصيلها، ضحكتها إللى بتخطف قلبه لما يشوفها، وعنيها العسلي إللى قدرت تسحره من اول نظره، كلامها وحنينها وكل حاجه فيها قدرت توقعه فى حبها وتخطف قلبه إللى كان رافض الحب تمامًا  كان شارد وعلى وشه ابتسامة وهو متخيلها بتضحك قدامه

فاق من شروده على صوت ضحك سيف اخوه الصغير وصديقهً المقرب بصله وأردف بغيظ:

- ممكن افهم حضرتك بتضحك على إيه

بصله وهو مكمل ضحك:

- شكلك واقع اووي 

ابتسامة هاديه أترسمت على شفايفه وقام وقف  فى البلكونة وأردف بحب:

- هي جميلة اووى يا سيف، وتخطف القلب

بص لفوق ورفع عنيه للسماء وتابع:

هي تستاهل كل حب العالم،  جميله بشكل مش قادر اوصفه قلبها جواه حنيت العالم، بنت كبيره بس بقلب طفلة بس مش عارف هتكون من نصيبي ولا لا.

اتنهد ورجع بص لسيف إللى كان قاعد وحاطط كف أيده تحت دقنه وبيتاملهُ وعلى وشه إبتسامة خبيثه وبيحاول يكتم ضحكته 

ألياس اتنهد بيأس اما سيف فأردف بمشاكسه:

- يا واد يا عاشق يا ولهان بقاا كل ده يحصل وتخبى عليا ولله عيب عليك 

- اخرس يا زفت وسبني واطلع بقاا عاوز  انام

ضحك وغمزله:

- تنام برضوا ولا تكمل تفكير فيها؟

مسك المخده التانيه وحدفها عليه:

- اطلع يا حيوان من هناا 

ضحك:

- ماشي أنا هطلع بس مش هسيبك غير لما اشوف الاميره إللى خطفت قلبك بالشكل ده تصبح على خير بروو.

سيف طلع وإلياس قفل الباب ودخل غير هدومه وطلع نام على السرير وكل تفكيره فيها.

                             ********

- ماااامااا، يا نبع الحنان أنتِ فين؟

- نعم 

- نعم الله عليكِ يا قلبي 

- سيف يابني أنتَ مش كنت داخل تتكلم مع إلياس علشان حضرتك مخنوق ومش طايق نفسك شايفاك طالع فرحان وبتغني كمان هو اخوك عملك ايه بالظبط 

"ضحك وقرب مسك ايدها وفضل يرقص معاها:

- لا مفيش بس عندي ليكِ خبر جامد 

زينه بصتله بغيظ وضربته على كتفه:

- مش عاوزه أعرف حاجه اخبارك كلها تسد النفس زيك 

ضحك وشدها من خدودها بخفه: 

- ونعم الأمهات ولله 

- المهم اقول الخبر ولا اروح أنام

- خلاص قول 

- ماشي ايدك على 200 جنيه 

- ياريتني ما اتكلمت روح نام احسن 

ضحك وباس رأسها:

- خلاص علشان أنتِ حبيبتى هقولكِ بصراحه كده أبنك الكبير بيحب

- أنتَ قصدك مين يا ولااا 

- فى ايه يا زوزا أنتِ عندك غير ولدين أنا وإلياس

- ايوه منا بقول كده بس إلياس ده قلبه مقفول ومش أى بنت تعجبه تحسه كده حالف ما يتجوز لحد ما هيجبلي سكته قلبيه.

غمزلها ومسك ايدها وقعدها جنبه: 

- لا  ابنكِ المرادي واقع خاالص وشكلنا هنشرب شربات قريب 

بصتله بحزن:

- ياريت يابني ده من يوم وفاة والدك ومن وقت ما قرر يتحمل مسئوليتي أنا وأنتَ والبيت وهو قافل موضوع الحب والجواز خاالص وكل ما أكلمه يرفض لحد ما تعبت 

ابتسم وباس ايدها: 

- متقلقيش يا ست الكل انا مش هسيبه بس ادعيله البنت إللى بيحبها تكون من نصيبه 

- يارب يابني يارب 

- طيب يلاه ادخلي ارتاحي دلوقتي ومتجبيش سيره لإلياس باشا او تقوليله إني قولتلك حاجه لحسن يخلص عليا 

ضحكت: ماشي يلاه قوم نام علشان عندك كلية الصبح 

- عيوني تصبحي على خير 

- وأنتَ بخير يا حبيبي 

سيف قام بأس جبينها ودخل نام اما زينه فقامت تخلص باقي شغل البيت

                       **********

- الجميل سرحان فى إيه؟

- ولا حاجه بس أنتِ عارفه إني بحب الجو ده اووي 

- اممم يعني مش سرحانه فى إلياس باشا 

بصتلها بتوتر:

- إلياس! لا طبعنا وأنا أفكر فى إلياس ليه إحنا مجرد زمايل شغل 

 - حبيبة أنتِ بتكدبي عليا ولا على نفسكِ

اتنهدت:

- مش عارفة او يمكن خايفه من الموضوع

- خايفه من ايه أنتِ بتحبيه مش كده؟

اخدِت نفس عميق واردفت بحيره: 

- برضوا مش عارفه 

- بيبوا مينفعش كده لازم تبقي عارفه أنتِ عاوزه أيه الحيره ديه مش هتفيدكِ

- يا رانيا أنا حتى مش عارفة هو بيحبني ولا لا 

- بيحبكِ ولا لا!!!.... أنتِ لسه مستوعبتيش لحد دلوقتي أنه بيحبكِ نظراته ليكِ وإحنا مع بعض  وغيرته عليكِ من الموظفين واللى بقت واضحة جدا فى آخر فترة ولهفته وخوفه عليكِ لما بتغيبي كل ده ولسه بتسألي نفسكِ بيحبكِ ولا لا أنتِ مجنونه يا حبيبة 

حبيبة بصتلها بحزن:

- بس أنا خايفه أهلي يرفضوا موضوعنا ووقتها مش بس قلبي إللى هيتكسر قلبه كمان وأنا مش عاوزه ده 

- متقلقيش انشالله كله هيتحل وبإذن الله يكون من نصيبكِ وربنا يجمعكم سوا 

- هو مين ده يا هانم 

رانيا وحبيبة وقفوا وحبيبة بصتله بصدمة وو...

#رواية 

🦋البارت الثاني🦋

                                                                                .♧المشهد الأول♧

-انتَ ايه جابك هناا يا بنادم أنتَ

- مامتكِ طلبت مني ارجعكِ البيت وبعدين متحاوليش تهربي من السؤال مين اللى انتوا كنتوا بتتكلموا عليه ده 

حبيبة اتنهدت بغضب: 

- وماما كمان طلبت منك تتصنت عليا ولا ايه

- ما تتكلمي كويس يا يابت ولا  خالتي نسيت تعلمكِ الأحترام 

حبيبة كانت هتتكلم بس قاطعته رانيا اللى مسكت دراعها واردفت بتوتر: 

- خلاص يا قاسم هي مش قصدها ومعلش أنا اللى هوصلها النهاردة 

قاسم بص لحبيبة واردف بضيق:

- لا يا رانيا انا اللى هوصلها 

حبيبة اردفت بغضب:

-بس انا مش عاوزه اروح معاك أنا هروح مع رانيا وياريت تسبني في حالي 

قاسم اتعصب وكان هيتكلم بس رانيا أخدت حبيبة وطلعوا من الكافيه قبل ما يعمل مشكلة

قاسم بوعيد: 

-ماشي يا حبيبة الصبر بس لحد ما اتجوزك وبعدين هندمكِ على كل تصرفاتكِ ديه

عدل لياقة بدلته وطلع من الكافيه وهو متعصب 

                  .♧المشهد الثاني♧

- يا بنتي يعني كان لازم تتخانقي معاه ما أنتِ عارفة قاسم 

- يووه بقااا أنا زهقت قاسم قاسم ديه مبقتش عيشه 

- اهدي يا حبيبة مضايقيش نفسكِ الموضوع مش مستاهل 

- مش مستاهل أيه يا بنتي ده بقاا بيراقبني الأيام ديه وبجد فاكر أني ممكن اتجوزه 

- بس طنط شيرين هي اللى وعدته أنها هتجوزكِ ليه يعني....

حبيبة قاطعته بتعب:

- خلاص يا رانيا اقفلي الموضوع ده بجد علشان اتخنقت 

- طيب يا ستي تحبي نروح اى مكان تاني علشان تهدي 

اردفت بتعب: 

- لا وصليني البيت عاوزه أنام ومتنسيش اننا عندنا اجتماع مهم بكره فى الشركة 

- خلاص اوك 

حبيبة اتنهدت وسندت رأسها على شباك العربية وفضلت تفكر في إلياس وبعد وقت رانيا وصلتها البيت 

                                                                               .♧ المشهد الثالث ♤

- بيبوا واخيرًا جيتي كنتِ فين؟

حبيبة قعدت قدامه بتعب: 

-كنت مع رانيا يا بابا 

- مالكِ يا حبيبتي مضايقه ليه 

اردفت بغضب مكتوم: 

- هيكون مين غير الأستاذ قاسم إللي مش ناوي يسبني في حالي 

والدتها نزلت من فوق وقعدت قدامها:

- يا بنتي قاسم بيخاف عليكِ وبعدين لما اتاخرتي أنا اللي طلبت منه يرجعكِ البيت 

حبيبة بصتلها بابتسامة: 

- يا ست الكل أنا مقدره خوفكِ عليا بس أنا مش صغيره واقدر اعتمد علي نفسي وعلشان خاطري اطلبي من ابن اختكِ يبعد عني 

- يا حبيبتي أنتِ وقاسم لازم تقربوا من بعض شوية 

حبيبة اردفت بضحك:

- ماما من فضلكِ موضوع جوازي من قاسم ابن اختكِ ده انسيه خاالص لإني مستحيل اوافق على البنادم ده مهما حصل بعد إذنكم أنا طالعه انام

♤حبيبة طلعت اوضتها وشيرين والدتها اتنهدت بيأس وبصت لجوزها:

- عاجبك تصرفات بنتكَ 

- أنا قولتلكِ مِيَت مره يا شيرين أنا مش هجبر بنتي على اى حاجه وياريت فعلا تطلبي من قاسم يبعد عن بيبوا علشان الولد ده أنا مش برتحله بصراحه 

شيرين بصتله بغيظ:

-ولله محدش مضيع بنتك غير دلعك ليها ده

ضحك بحب:

- وماله حبيبة ابوها تدلع براحتها يلاه كفاية كلام ويلاه ننام علشان عندي شغل كتيررر اووى بكره 

اتنهدت بيأس:

- ماشي يلاه بينا 

ابتسم وأخدها وطلعوا اوضتهم اما حبيبة فكانت واقفة في البلكونة وكل تفكيرها فى إلياس وحياتها الأيام الجاية هتكون أزاى وبعد تفكير كتيررر دخلت وحضنت المخده بتاعتها ونامت 

                       " المشهد الرابع" 

فى صباح يوم جديد 

حبيبة كانت قاعده بتفطر مع اهلها لكن قاطعهم صوت اكتر حد بتكره 

- صباح الخير يا خالتو 

شيرين بحب:

- صباح الخير يا حبيبى اقعد أفطر 

- لا انا فطرت انا جيت علشان أخد حبيبة و اوصلها الشركة فى طريقي 

حبيبة بصتله بضيق:

- شكرا أنا بعرف اروح لوحدي

شيرين بغيظ: 

- حبيبة عيب كده وبعدين قاسم جاى مخصوص علشان ياخدكِ معاه

غانم والد حبيبة بص لقاسم بابتسامة:

- معلش يابني حبيبة رايحة معايا النهاردة يلاه يا بيبوا علشان منتاخرش 

- يلاه يا بابا علشان الجو بقاا يخنق 

غانم اخد حبيبة وطلعوا وقاسم اتنهد بغضب:

- عاجبك كده يا خالتي 

شيرين بصتله بأحراج:

- معلش يابني حقك عليا حبيبة مش قصدها تزعلك وبعدين أنا قولتلك أكتر من مره سيبها على راحتها 

قاسم بصلها بغضب وطلع من الفيلا

بعد وقت حبيبة وصلت الشركة وكانت رايحه مكتبها بس اتصدمت اول ما شافت.....

#رواية

🦋البارت الثالث🦋 

اتصدمت أول ما شافت بنت من الموظفين بتضحك مع إلياس وقريبة منه 

¤ حبيبة اتعصبت وقربت وقفت قدامهم وهي بتبص لإلياس بغضب:

- ممكن أفهم حضراتكم سايبين شغلكم وواقفين تضحكوا فى إيه؟

البنت بعدت عن إلياس إللى كان واقف مستمتع بغيرت حبيبة عليه 

- أنا اسفه يا فندم بس....

حبيبة قاطعتها بغضب:

- مش عاوزه اسمع مبررات اتفضلي على مكتبكِ وأنتَ يا أستاذ إلياس تعال على مكتبي وهات معاك ورق الصفقة الجديدة 

إلياس كتم ضحكته وهز رأسه بالموافقة.

حبيبة طلعت مكتبها وهى متعصبه والموظفه رجعت شغلها اما إلياس التفت لقه آدم ابن عم حبيبة وصديقه المقرب واقف وراه وبيضحك قرب ووقف جنبه وأردف بضحك:

- بقولك إيه يا صاحبي أنا هروح أشوف بنت عمك ولو سمعت صوت كسر جاي من مكتبها اطلبلي الإسعاف 

¤ آدم ضحك وحط ايده على كتفه:

- ربنا يكون فى عونك روح وأنا بعد شويه هطلع اطمن عليك 

¤ إلياس بصله بغيظ:

- انتَ كده بتبث الطمأنينة فى قلبي يعني

¤ آدم كان هيرد بس قاطعه دخول موظفه من الموظفين:

- إلياس انسه حبيبة عاوزك في مكتبها دلوقتي حالًا ومتعصبه جدًا 

¤إلياس أخد نفس عميق وأردف بهدوء:

- توكلنا على الله 

¤إلياس أخد الملف وسابهم وطلع الدور التاني للشركة والموظفه قربت ووقفت جنب آدم:

- أستاذ آدم هو إيه اللي حصل أنا أول مره أشوف انسه حبيبة متعصبه بالشكل ده 

آدم بصلها وضحك:

- كل خيرررر حصل كل خيررر روحي كملي شغلكِ دلوقتي قبل ما تنزل تهزقكِ أنتِ كمان 

¤ ابتسمت:

- حاضر يا فندم بعد إذنك

- اتفضلي 

                          ~~~~~~~~

إلياس كان واقف قدام حبيبة وبيحاول يكتم ضحكته على شكلها وعصبيتها أخد نفس وأردف بهدوء:

- ممكن افهم حضرتكِ متعصبه عليا ليه دلوقتي أنا عاوز أفهم أنا عملت إيه

¤أخدِت نفس عميق علشان تحاول تهدي غضبها وغيرتها إللى واضحه جدًا عليه...قربت ووقفت قدامه وربعت ايديها قدامها كعادتها:

- ممكن أفهم حضرتكَ سايب شغلك وواقف بتضحك مع الموظفة ليه؟

¤ ابتسم وعقد حواجبه وأردف ببراءة محببه لقلبها:

- صدقيني إحنا كنا بنتكلم فى الشغل وآدم قال حاجه ضحكتنا وأنتِ دخلتي فى الوقت ده 

- اممم وكمان آدم هو إللى سمح للموظفة أنها تكون قريبة منك بالشكل ده 

- احم هي مكانتش قريبة اووى يعني 

¤خبطِت بأيدها على المكتب واردفت بغضب:

- احنا هنهزر يا إلياس 

ضحك وقعد قدامها على حافة المكتب:

- سيبكِ بس حد قلكِ قبل كده إنكِ بتبقي زى القمرر وأنتِ متعصبة كده 

¤ اتكسفت ووشها احمر واردفت بتوتر:

- لو سمحت متحاولش تغير الموضوع 

ضحك وقرب وقف قدامها:

- هو اونكل غانم جه الشركة النهاردة 

- اه فى مكتبه ليه؟

غمزلها: هتعرفي بعدين المهم ورق الصفقة جاهز شوفيه وأمضى عليه 

¤حبيبة كانت هتتكلم بس قاطعها دخول قاسم إللى الدم جري فى عروقه أول ما شاف إلياس واقف قريب منها وبيضحكوا

¤إلياس بصله بضيق وحبيبة بصتله بغضب:

- أنتَ أزاى تدخل مكتبي بالشكل ده هو حضرتك  مبتعرفش الإحترام والخصوصية خاالص

¤قاسم أتجاهل كلامها وقرب وقف قدام إلياس وأردف بغضب:

- أنتَ إيه إللى مقعدك هنا؟ ياريت تعرف حدودك كويس و متنساش نفسك يا إلياس وتبص لفوق اووى لأنك هتقع فى النهاية ومش هتطول حاجة وأنتَ أكيد فاهم قصدي إيه 

¤ إلياس بصله ببرود وأردف باستفزاز:

- أنا عارف حدودي كويس يا استاذ قاسم الدور والباقي على إللي كرامته رايحه خاالص وبيحاول يفرض نفسه على ناس مش عاوزه 

قاسم اتعصب ومسك إلياس من قميصه وبصله بشر وحبيبة قربت وبعدت قاسم عن إلياس وبصتله بغضب:

- قاسم متنساش أنك فى مكتبي وإياك تفكر تتخطى حدودك مع إلياس مره تأنى

قاسم زقها وقعها على الكرسى وده خلى إلياس يتعصب والأتنين اشتبكوا مع بعض 

                           ~~~~~~~~

آدم وعمه كانوا قاعدين بيتكلموا فى الصفقة الجديدة والموظفه زقت الباب ودخلت وهى بتحاول تاخد نفسها:

- غانم باشا الحقنا الأستاذ قاسم والأستاذ إلياس اشتبكوا مع بعض فى مكتب انسه حبيبة 

¤غانم طلع وآدم والموظفه طلعوا وراه 

¤الموظفين كانوا بيحاولوا يبعدوا إلياس عن قاسم ولكن قاسم مِسك الفازة وضرب إلياس بيها 

فى اللحظه ديه غانم و وآدم دخلوا وحبيبة صرخت أول ما شافته بينزف:

- إلياااااااااس

🦋البارت الرابع 🦋

قاسم مِسك الفازة وضرب إلياس بيها 

فى اللحظه ديه غانم و وآدم دخلوا وحبيبة صرخت أول ما شافته بينزف:

- إلياااااااااس

¤إلياس وقع على  الارض وهو حاسس الدنيا بتدور بيه وسحابه سوداء قدامه 

¤ حبيبة قعدت جنبه وحطت رأسه على رجلها وهي بتعيط وايدها بتترجف من الخوف:

- إلياس فوق فووق رد عليا 

¤ رفعت وشها وبصت للموظفين اللي واقفين مصدومين وصرخت فيهم:

-  اطلبوا الإسعاف او الدكتور بسررعه انتوا واقفين تتفرجوا عليه 

¤ غانم قرب وضرب قاسم بالقلم وأردف بغضب:

- اللي حصل النهاردة ده مش هعديه بالساهل وحسابك معايا بعدين اتفضل اطلع بررره الشركة ومش عاوز أشوف وشك بررره 

¤ قاسم اتعصب وطلع بره الشركة وآدم والموظفين سندوا إلياس ونوموه على الأريكة وطلبوا الدكتور وآدم طلب من الموظفين يروحوا يكملوا شغلهم  أما حبيبة فا جابت علبت الإسعافات وحاولت توقف النزيف  وفضلت هي و والدها وآدم جنب إلياس 

¤وبعد وقت إلياس استعاد وعيه وقام وهو بيبص حوليه بتعب.

¤حبيبة قربت وقعدت جنبه وبصتله بخوف ولهفه:

- إلياس واخيرا فوقت طمني أنتَ كويس

إلياس اتنهد ومسك دماغه بتعب:

- أنا كويس متقلقيش

غانم قرب وبصله بإحراج وأسف:

- أنا اسف يابني على إللي حصل ومش عارف اقولك إيه 

إلياس ابتسم وأردف باحترام:

- لا يا فندم حضرتك معملتش حاجه علشان تعتذر أنا اللي آسف على إللي حصل فى الشركة.

- يعني كان لازم تتخانق مع المجنون ده افرض حصلك حاجه بسبب جنانه.

- لا ولله يعني حضرتكِ عاوزني اشوفه بيمد ايدهُ عليكِ واقف اتفرج عليه يعني.

- بس أنتَ عارف انه هو مجنون واهو شوفت إللي حصلك بسببه.

إلياس اتعصب وعلىَ صوته :

- لا هو مجنون على نفسة وهو عارف إنكِ خط أحمر بالنسبالي ولو فكر يأذيكِ مش هيكفيني فيه حياته 

¤غانم كان بيبص لإلياس بأعجاب وحب وحس أنه محدش هيقدر يحافظ على بنته زي إلياس أما آدم كان واقف بيحاول يكتم ضحكته عليهم لأنهم  بيتخانقوا وناسيين أنه غانم واقف قدامهم.

¤أخد نفس وأردف بضحكة مكتومة:

- احم احم أحنا هنااا

¤حبيبة بصتلهم بتوتر وكسوف ووشها احمر اما إلياس فبلع ريقه وبص لآدم بغيظ:

- احم أنا بقول نروح نكمل شغل ولا إيه يا آدم؟

¤غانم قرب وحط ايده على كتفه:

- لا يابني أنتً لازم تروح البيت ترتاح علشان الجرح 

- لا يا فندم أنا كويس صدقني الموضوع مش مستاهل

¤حبيبة بصتله بغيظ:

- لا بابا عنده حق أنتَ لازم تروح ترتاح 

¤غانم ضحك وبصله:

- شوفت حتى بيبوا بتقول نفس الكلام حقيقي أنا متشكر جدا على إللي عملته النهاردة ودلوقتي هخلي آدم وحبيبة كمان يوصلوكِ لحد البيت 

¤إلياس كان هيتكلم بس قاطعه آدم:

- بلاش عناد يا إلياس عمي عنده حق 

¤إلياس اتنهد بيأس منهم:

- طيب إللى تشوفه حضرتك 

¤غانم ابتسم وبص لإدم:

-تمام، آدم وصله لحد البيت واطمن عليه ولو احتاج اي حاجه قولي وخد حبيبة معاك 

~ آدم هز رأسه بالموافقة وقرب سند إلياس إللى اللي كان حاسس بدوخة برغم عناده وإصراره إنه يكمل شغل.

¤نزلوا وآدم سنده لحد العربية وطلب من حبيبة تقعد معاه في الكرسي الخلفي عمدًا علشان يتكلموا مع بعض 

إلياس كان قاعد مضايق وحبيبة ملاحظه ده أخدت نفس وبصتله:

- أنتَ لسه مضايق من إللي حصل؟

- لا 

- احم بس أنا ملاحظة أنك مضايق.

¤ابتسم ومسك ايدها وده خلاها تتوتر:

- متقلقيش أنا كويس

¤سحبت ايدها منه وبصتله بخجل وتوتر محبب لقلبه:

- ماشي هحاول أصدقك 

¤ ضحك وكان هيتكلم بس قاطعه آدم:

- وصلنا يا إلياس باشا استعد لمواجهة حبيبة القلب 

حبيبة بصتلهم بصدمة وغيره:

- نعمممم حبيبة قلب مين؟ إلياس أنتَ متجوز؟

آدم ضحك وأردف بمشاكسه:

- لا يا بيبوا متفهميش غلط حبيبة القلب ديه زينة والدة إلياس او زي ما بيسميها زينة البيت 

إلياس بص لحبيبة وضحك:

- ياعم سيبكِ منه ويلاه ننزل ده مجنون.

¤آدم ضحك ونزل فتحله العربية وسنده ودخلوا العمارة وكانت معاهم حبيبة إللي متوتره لانها هتشوف والدته لأول مره وإلياس ملاحظ ده 

آدم ضرب الجرس وإلياس قرب ووقف جنب حبيبة وأردف بحب:

- متخفيش هتحبيها اووى أنا متاكد 

بصتله بدهشة:

- أنتَ أزاى بتعرف أنا بفكر في إيه 

 غمزلها: بعدين هقولكِ

ضحكِت وبصت الناحية التانية فى اللحظه ديه زينه والدة إلياس فتحت الباب وأول ما شافت إلياس صرخت:

- يالهوووى إلياس ايه اللي حصل يابني مين عمل فيك كده؟

¤ سيف طلع على صوتهم واتصدم أول ما شاف إلياس 

¤إلياس ابتسم وضمها لحضنه:

- يا حبيبتي متخفيش أنا كويس ولله اهدي  

سيف أردف بعصبيه:

-  تهدأ إيه مين إللى اتجراء وعمل فيك كده 

¤إلياس بهدوء:

- طيب ممكن ندخل الأول  وبعدين نتكلم علشان عيب الضيوف يقفوا كده 

¤زينه بعدت عنه وبصت لحبيبة وآدم بأسف:

- معلش يا ولاد اتفضلوا 

¤سيف بص لحبيبة ورجع بص لإلياس وأردف بصوت عالي وبدون وعي:

- إلياس هي ديه الاميره إللي خطفت قلبك وكنت بتحكيلي عنها امبارح 

كلهم بصوا لسيف وتنحوا وإلياس بصله بغيظ وو...

🦋البارت الخامس🦋

-إلياس بصله بغيظ ونظره ارعبته وأردف بتوتر:

- احم أنا أسف يا جماعه سيف بيحب يهزر 

ادم غمزله وضحك: 

- بيهزر برضوا ولا بيقول الحقيقة

إلياس بصله بتوعد وأردف وهو بيجز على سنانه:

- أنا بقول ندخل الاول يا ادم باشا علشان وقفتنا ديه متنفعش ولا إيه يا زوزا

زينة بابتسامة:

- اكيد طبعنا اتفضلوا يا ولاد البيت بيتكم 

¤ زينة أخدِت حبيبة ودخلوا وإلياس بص لسيف وآدم وأردف بتوعد:

- حسابكم معايا بعدين 

 ¤إلياس دخل وسيف وآدم دخلوا وهما بيضحكوا عليه 

¤زينة بهدوء: 

- مش هتقولي برضوا مين اللي عمل فيكَ كده 

¤ادم بحماس: 

- أنا هقولكِ يا زوزا ايه اللي حصل 

إلياس بصله بتحذير: 

- خناقه يا ماما مجرد خناقه مش ده اللي كنت هتقوله برضوا يا إدم 

¤آدم تجاهل كلامه وبص لزينة:

- سيبكِ من ابنكِ أنا هقولكِ اللي حصل إنه.............. 

¤آدم قال لِزينة كُل اللي حصل بين قاسم وإلياس وحبيبة كانِت قاعدة خايفه من ردة فعل زينة والدة إلياس 

¤زينه قامت ووقفت قدامها، وحبيبة قامت وهي بتبص في الارض وخايفه منها ثواني وكانت زينه وخداها في حضنها وبطبطب عليها بحب وخوف:

- يا حبيبتي يا بنتي أنتِ لازم تقدمي في الولد ده بلاغ علشان ميفكرش يقرب منكِ مره تاني

♤حبيبة بصت لإلياس بصدمة وهو هز رأسه وطمنها بنظراته.

♧ آدم بمرح:

- خالتي سيبكِ منهم أنا جعان 

زينه بصتله وضحكِت: 

- عيون خالتك ثواني والأكل يكون جاهز 

سيف بخبث:

- اه ياريت يا ماما وأنا وادم هندخل نساعدكِ

♧ سيف غمز لآدم وتابع:

- مش كده يا ادم 

¤ادم ضحك وبص لإلياس واردف بمشاكسه:

- وماله موافق وأنتَ يا إلياس اقعد واتناقش أنتَ وحبيبة في الصفقة الجديده وابقا قولي وصلتوا لاِيه 

¤سيف أخد زينه وآدم ودخلوا وسابوا إلياس وحبيبة في الصالون لوحدهم 

¤زينه بشك:

- ممكن افهم أنتَ وهو بتعملوا كده ليه قدامهم 

آدم اتنهد وبصلها:

- بصي يا خالتي ابنكِ إلياس وحبيبة بنت عمي اللي بره ديه  بيحبوا بعض وللاسف لا هو راضي يعترف بمشاعره ولا هى قادره تتكلم،  كمان  في واحد رخم كده ما بينهم بيحاول بكل الطرق يبعدهم عن بعض وهو نفس الشخص اللي اتخانق مع إلياس ابنكِ النهاردة وضربوا وعلشان كده أنا عاوزكِ تقنعي ابنكِ انه يتحرك ويتقدملها قبل فوات الاوان لأنه مرات عمي بتفكر تجوز حبيبة لقاسم ولو ده حصل الاتنين حياتهم هتدمر.

¤زينه بحزن:

- بس يابني البنت من طبقة غنيه وممكن اهلها يرفضوا على طلبنا وده هيبقاا وجع اكبر لإبني وأنا خايفه ده يحصل 

♤آدم ابتسم وحاوطها بذراعه:

- عمي غانم بيحب إلياس جدًا ومش هيلاقي احسن من إلياس لحبيبة صدقيني لو إلياس اتكلم مع عمي في الموضوع اكيد هيوافق وعلى مسئوليتي أنا بس اقنعيه يتحرك.

¤زينه بصتلهم بتفكير واردفت بخبث:

- خلاص سيبولي الموضوع ده وأنا هتصرف.

سيف بصلهم وهو ماسك بطنه:

- طيب أنا جعاااان حد يحس بيااا 

زينه ضربته على كتفه وضحكِت وبدأت تجهزلهم الأكل 

                           ~~~~~~~~~                                  

¤إلياس أخد حبيبة وطلعوا يقفوا في البلكونة

- مامتك جميلة اووي يا إلياس باين عليها طيبة اووى، ملامحها هاديه وقلبها حنين و....

¤قاطعها بهدوء:

- أنتِ كمان جميلة اووي يا بيبوا 

¤حبيبة بصتله وثواني وعيونهم اتلاقت في نظره دأمِت لدقيقة نظراتهم لبعض كانت بتحكي حاجات كتيرر الكلام صعب يوصفه، كلام جوه القلب رافض الخروج وكل واحد فيهم خايف يصارح التاني بمشاعره، 

¤حبيبة اتوترت وبصت الناحية التانية وهي بتحاول تاخد نفسها من دقات قلبها العالية واللي تكاد مسموعه بالنسبة ليه. 

¤إلياس ابتسم و وحب يغير الموضوع:

- قوليلي هو قاسم بيضايقكِ ليه عاوز إيه منكِ؟

- يتجوزنى 

- نعمممم ياختي؟ 

- حبيبة بصتله بخبث:

- بصراحة ماما بتفكر تجوزني ليه وهو طلب ايدي منها 

إلياس بتفكير:

- اممم قولتيلي طلب ايدكِ منها 

- طيب وأنتِ إيه رإيكِ فى الموضوع موافقة؟

حبيبة ابتسمت وحبت تستفزه:

- ولله بفكر أوافق يعني قاسم رغم إنه عصبي بس قلبه طيب و....

¤حبيبة سكتت لما لقته متعصب وعروقه بارزه من شدة الغضب والغيره 

إلياس بصلها بضيق:

- سكتِ ليه ما تكملي وإيه كمان؟

¤حبيبة ابتسمت واستعدت للهروب قبل العاصفه:

- احم آدم بينادي ياااا  آدم 

¤حبيبة طلعت وخبطت فى آدم اللي بصلها بخبث:

- إيه بتجري كده ليه 

حبيبة اتوترت واردفت بتلعثم:

- احم أنا بقول يلاه بينا علشان اتأخرنا 

آدم اردف بهدوء:

- طيب ثواني هدخل أشوف إلياس ونمشي 

- اه روح شوفه روح 

¤آدم بصلها بشك ودخل البلكونة لقه إلياس رأيح جاى وبيكلم نفسه 

- في إيه يابني أنتَ متعصب كده ليه؟

¤إلياس بصله بغضب وقرب مسكه من لياقة قميصه:

- أنتَ مقولتليش ليه إنه الزفت قاسم طلب ايد حبيبة

آدم اتنهد وبصله بجمود وو...

تكملة الرواية من هناااااااااا