رواية جوازة صالونات الفصل السادس عشر والسابع عشر والثامن عشر والتاسع عشر والعشرين بقلم الكاتبه ندي علي حبيب (حصريه وجديده في مدونة قصر الروايات)
رواية جوازة صالونات الفصل السادس عشر والسابع عشر والثامن عشر والتاسع عشر والعشرين بقلم الكاتبه ندي علي حبيب (حصريه وجديده في مدونة قصر الروايات)
" جوازة صالونات "
" البارت السادس عشر "
" الكاتبه ندي علي حبيب "
ادهم بعد عنها وقال بنرفزه : كل ما بحاول اوصل معاكي لنقطه كويسه في علاقتنا سبحان الله بكلمه منك بتوصليني لمرحله بكون عايز افرمك وماسك نفسي بالعافيه
نهال اضايقت من كلامه : علي فكره دا اتفقنا ليه بترجع في كلامك ولا كنت بتسكتني وخلاص وقتها ودلوقتي طبعا مينفعش ارفضك
ادهم مسك دراعها بقوه : ترفضيني ! انتي مفكره نفسك ايييه فوووقي دا انتي حتت عيله لسه متتغريش في نفسك كدااا
نهال حاولت تبعد ايده عنها لكن معرفتش ف عيطت : ابعد ايدك عني يحيوان انت
ادهم اتجنن لما سمع شتمتها ازاي تشتمه اصلا : انتي عيله قليلة الادب متربتيش عليا الحلال من ديني ما انتي بايته فيها قووووومي لمي هدومك هغورك علي بيت اهلك لما تتربي وتتعلمي تتكلمي مع جوزك ازاي ابقي تعالي يلااااااا
" نهال اتخضت من صوته وبصتله وعيونها كلها دموع وسابته وراحت لبست اسدال وفتحت باب الاوضه بقوه خليت ادهم يتجنن اكتر من تصرفاتها اللي كل يوم بيتأكد انها لسه عيله ميعتمدش عليها "
ادهم مسكها من شعرها بغضب : اظبطي نفسك في الدقيقه اللي هتفضليها هنا علشان مظبطكيش مدام الاحترام والادب مش جايين سكه معاكي انا بقا متربتش
نهال دموعها نزلت اكتر ومسكت ايده اللي مسكه شعرها وبصتله بتوسل : سيب شعري البنسه دخلت راسي
" ادهم بص في عيونها حس انه هيضعف بص علي شعرها كانت فعلا البنسه داخله في راسها وعورتها فساب شعرها ، نهال عدلت شعرها والطرحه "
نهال بدموع : انا هخلي بابا سالم يوصلني مش عايزاك انت
ادهم وقف قدامها بضيق من منها : انا اللي اقرر مش انتي ودلوقتي الاوضه دي لو لمحت طيفك براها وديني ليكون اخر يوم في عمرك
نهال بزعيق : انا مش جاريه عندك تطردني وترجع ترجعني انا مش عايزه افضل هنااا
ادهم بصوت عالي : لو صوتك علي تاااني متلوميش غير نفسكك واللي قولته يتنفذ يلاااا
نهال وقفت قصاده بعند : وانا ولا هوطي صوتي ولا هدخل الاوضه انا عايزه اروح بيت اهلي
ادهم غمض عينه وحاول يصبر : يابنت الناس اتقي شري وادخلي جوا لانك بصراحه وصلتيني لدرجه من الغضب انتي مش متخيلاها
نهال وقفت قدامه وقالت بكل عِند : لما تقول كلمه يا تبقي قدها يا متقولش .. تمام
ادهم غمض عينه وحاول علي قد ما يقدر يكون صابر اتنهد بقوه وقال : انا مش غلبان فيكي صدقيني ديتك معايا علقه تفوقك بس المشكله ان انا مش كدا ولا طبعي كدا ببساطه انا مش همجي ومس حابب ابقا كدا ف بلاش توصليني لمرحله تزعلك وتزعلني
" نهال بصتله بكل غيظ ودخلت الاوضه قعدت علي السرير بنرفزه ودموعها بتنزل مسحت عيونها بضيق وبعدت وشها عنه ، هي اتعودت علي حنانه ورقته معاها لكن متعودتش علي زعيقه ولا قسوته عليها "
ادهم بصلها وبص لدموعها وقلبه واجعه عليها جدا لكن جوا اضايق منها انها بتعيط: استغفر الله العظيم يابنتي يعني انتي اللي غلطانه ولسانك طويل ودماغك ناشفه وبتردي الكلمه بسبعتلاف كلمه وفوق كل دا بتعيطي كمان !
نهال بصتله وعيونها حمرا من عياطها : ايوا بعيط ملكش دعوه بيا بقا انشالله اولع يعم واريحك مني خالص
ادهم ابتسم علي كلامها وراح قعد جنبها وقال بهدوء : بس بصراحه انا مش عايزك تولعي مقدرش اعيش من غيرك
نهال بصتله ومقدرتش تمسك دموعها حطت ايدها علي وشها وعيطت جدا : انت زعقتلي جامد وكمان ضربتني وانا معملتلكش حاجه
ادهم ضمها لحضنه وقال بغلب : حصل انتي مبتعمليش حاجه انا اللي قادر ومفتري وظالمك
نهال حاولت تبعد عنه بس معرفتش فقالت بزهق : ابعد مكلبش فيا كدا ليه انا اصلا قولتلك ايه غلط يخليك تزعق فيا كدا مش دا كان اتفقنا من البدايه وانت وافقت عليه ؟
ادهم مسح دموعها وباس خدها وقال بحنان : وافقت عليه علشان مش عايز ازعلك لكن لو عليا انا عايز اخلف منك النهارده قبل بكرا
نهال بصتله بدهشه : والكليه هعمل فيها ايه وانت هتسافر وتسيبني هبقا لوحدي تفتكر هعرف اتصرف مع بيبي لوحدي دا انا لسه لحد دلوقتي بحتاج حد يسرحلي شعري حد يفهمني كل كبيره وصغيره
ادهم حاول يفهمها بعقل : نهال الكليه مش سنه واحده هنستناها ولا انا مسافر فتره وراجع حبيبتي انتي لسه قدامك ٣ سنين كليه واكيد مش كل اجازه هنزلها هنأجل الحمل وانا مقري الاساسي السعوديه مش هنا يعني دا الواقع بتاعنا خلينا نعيش حياتنا عادي حملتي خير محملتيش خير برضو مش حابب حوار انك تاخدي موانع حمل اضرارها مش حلوه
" نهال سكتت لأنها عارفه ومدركه ان ادهم معاه حق هي عادي ممكن تحمل وتكمل دراستها لكن هي نفسها متعرفش سبب لكل الرفض اللي جواها دا "
ادهم اتنهد بقلة حيله وجيه يقوم من جنبها مسكت ايده وقالت بتردد : انا موافقه .. مش هاخد منع حمل
ادهم ابتسم اوي وباس دماغها : لو حملتي تبقي اكرمتيني بهديه انتي متعرفيش تمنها هيبقا غالي ازاي عليا ولو محملتيش كفايه عندي انك سمعتي كلامي ومأخدتيش موانع حمل " وقرب منها اكتر حط ايده علي وسطها ودفن راسه في رقابتها يبوسها برومانسيه تلقائي نهال غمضت عيونها وحطت ايدها علي راسه تطلب قربه اكتر "
ادهم بعد شويه عنها وقال ببتسامه : مبسوطه ؟
نهال هزت راسها بخجل : بحب ان اكون معاك يا ادهم بحس وقتها الدنيا كلها فاصله مفيش غير انا وانت بس اللي فيها
" كلام بريئ منها وقالتله بتلقائيه لكن بنسبه لأدهم كانت بداية انه يكمل اللي بدء فيه بكل حُب وسعاده "
ادهم شالها وحطها علي السرير بكل رقه وقال ببتسامه وهو بيقلع تيشيرته : كدا انتي رضيتي حسه السمع جيه دور حسه اللمس بقا " نهال ضحكت بخجل وهو ابتسم جدا عليها "
..........................................
" نوال نزلت من العربيه وفي حضنها بنتها اللي نايمه بصت حواليها ، هي متعرفش اي حاجه هنا ولا تعرف هي راحه فين ولا تعرف هي جايا ليه كل اللي تعرفه انها مش عايزه تفضل في البلد وخلاص "
غزل اتكلمت بنوم : ماما احنا جينا هنا ليه انا عايزه انام
نوال : انا خايفه ابهدلك معايا يغزل قولي يارب قولي يازب يغزل
غزل ببراءة : يارب بس انا جعانه
" نوال فتحت شنطتها وطلعت بسكوته ، غزل اخدتها منها ونوال مشيت في شوارع المنصوره وهي متعرفش اي حاجه فيها ، فضلت ماشيه لحد ما وقفت قدام حضانه مكتوب يافته ( مطلوب انسه للعمل ) ابتسمت ودخلت علي جوا
الحارس بتاع الحضانه وقفها بستغراب : معلش يا فندم مينفعش تدخلي بنتك الحضانه دلوقتي اتأخرت جدا وانتي اكيد عارفه التعليمات بتاعت المدير
نوال : انا جايا علشان عرض الشغل اللي متعلق علي اليافته برا يا استاذ ممكن اقابل حد علشان استلمه
الحارس : ااه طيب اقعدي هنا علي ما ادي خبر للمدير وهخليكي تقابليه " ومشي راح علي مكتب المدير ونوال قعدت علي الكرسي "
غزل بصت علي المراجيح بتاعت الحضانه بسعاده : مامااا بصي في ملاهي هناا " وقالت برجاء " عايزه العب فيهم
نوال ابتسمت وقالت بهمس : مينفعش لما تكبري وتيجي الحضانه العبي فيهم براحتك لكن لو لعبتي دلوقتي عمو هيزعق لينا
" غزل سكتت وفضلت باصه للمراجيح بحزن وهي بتاكل في البسكوته "
غزل : لما اكبر هفتح حضانه وهجيب فيها اللعاب زي دي علشان العب فيهم براحتي ومحدش يزعقلي
" نوال ابتسمت علي كلامها ، نفسها كانت تقولها الاحسن انك متكبريش وتفضلي صغيره بس اتنهدت و سكتت "
الحارس جيه عليها : تعالي يا استاذه الاستاذ امجد المدير في انتظارك قدامك ١٠ دقايق علشان مشغول جدا
نوال قامت واقفت وقالت ببتسامه : ربنا يخليك شكرا " وراحت علي اوضة المدير خبطت ودخلت "
امجد كان باصص في الورق اللي قدامه بنشغال قال بعمليه من غير ما يبصلها : اسمعي يا حجه لو جايا وناويه شغل لازم تكوني ملتزمه بالمواعيد جدا دا اهم جاحه بنسبالي تما.. " ورفع وشه ليها تخيلها واحده كليره في السن لابسه عبايه سودا زي اللي شغالين هنا ، لكن نوال كانت لابسه بنطالون بيج وفوقه بلوزه زيتي وكوتش ابيض رغم الارهاق اللي عليها الا انها جميله "
نوال بصتله وقالت بطاعه : اوعدك ان هلتزم بالمواعيد ومش هتأخر بس لو ممكن تخليني ابات هنا في اي فصل لفتره بس اكون دورت علي شقه
امجد بصلها بستغراب : انتي عندك كام سنه واسمك ايه ؟
نوال : اسمي نوال عندي ٢٢ سنه معايا كلية اداب بس مكملتهاش لظروف خاصه
امجد استغربها اكتر : انتي منين يا نوال ؟
نوال بتردد : انا من دكرنس
" امجد فضل ساكت شويه محتاج يعرف وحده في سنها ليه تشتغل ومين الطفله اللي معاها دي وليه حاسس ان في حاجه غريبه "
امجد بص علي غزل : اختك ولا مين ؟
نوال بهدوء : بنتي
امجد بدهشه : انتي متجوزه وكمان مخلفه ؟
نوال حست انها بدأت تتخنق فقالت بصبر : ايوا بس هطلق وانا فعلا محتاجه الشغل دا جدا
امجد بتنهيده : تمام يا نوال تقدري تبدأي شغل من النهارده في اوضه هنا في الحضانه علي القد كدا تقدري تقعدي فيها لحد ما ترتبي امورك
نوال ببتسامه : متشكره جدا لحضرتك انا بإذن الله مش هقصر في شغلي ابدا
امجد ببتسامه : اتمني بصراحه يلا روحي الدور التاني وانتي هتفهمي كل حاجه
غزل راحت وقفت قدامه : ينفع اللعب في الالعاب اللي برا دي مش هكسر حاجه والله
امجد ابتسم ليها ورجع شعرها علي كتفها : طبعا الالعاب والحضانه كلها تحت امرك " وبص لنوال " روحي انتي شوفي شغلك ومتقلقيش عليها
" نوال كانت في البدايه خايفه لكن جواها حاجه طمنتها وخرجت برا الاوضه راحت علي الدور التاني "
امجد شال غزل علي رجله : وانتي اسمك ايه بقا ؟
غزل : اسمي غزل صلاح سالم
امجد بفضول لأول مره يحس بيه : وبابا فين يا غزل
غزل هزت كتافها : احنا كنا قاعدين في البرنده عند تيتا بعدين ماما نزلت وكان معاها الشنطه السودا اللي انت شوفتها دي وقالتلي يلا يغزل تيتا مكنتش راضيه تخليني اروح معاها بس جدو زعقلها وقالها سيبيها وروحت معاها بعدين ماما اخدتني ورحنا عند تيتا امها بقا قالتلها امشي من هنا ومشينا
امجد حس ان نوال تعبانه في حياتها فقال بفضول اكتر : وماما سابت البيت ليه ؟
غزل : علشان بابا بيعيطها كل يوم وبيزعلها وكل شويه يقولها امشي عارف مره قصت كل شعرها " وقالت بملل " انا عايزه اطلع اللعب في الالعاب اللي برا بقا
امجد فهم الموضوع كله فقال في نفسه : يعني جوزها صعب معاها ف علشان كدا هتطلق ولما راحت لأهلها طردوها يولاد الكلب حد يبقا عنده بنت زيها ويرميها بشكل دا ؟
........................................
" صلاح روح من عند اهل نوال وهو في حاله صدمه كان عنده امل هيلاقيها وابوها هيجبرها تروح معاه لكن مكنتش موجوده ولا هو يعرف فينها ولا اهلها ، وصل بيتهم وهو في حالة صدمه تامه "
سالم كان قاعد في البرنده مستنيه : مردتش تيجي صح ؟
صلاح قعد جنبه : نوال مش هناك اصلا امها متعرفش راحت فين ولا ابوها
سلوي دخلت عليهم البرنده ومعاها صنية شاي قالت بستغراب : هربت يعني ولا ايه ولا هي هتروح فين هي تعرف حاجه في الدنيا علشان تمشي دي بتوه في البلد
صلاح بصلها : ارحمي شويه يماا مراتي اخدت بنتي ومشيت معرفش فينهم و الواحد مش مستحمل كلام من حد
سلوي وهي بتشرب الشاي قالت بمراوغه : وانا قولت حاجه انت لو كنت عارف تمشي بيتك ومراتك مكنتش جالها الجرأه تاخد بعضها وتمشي بس انت اللي زي قلتك وهي استهترت فيك يا مايل يحزين
سالم بلوية بوز : هي اللي استهترت فيه ولا انتي اللي كرهتي البت في حياتها لدرجة انها سابت الجمل بما حمل وقالت الدنيا تولع بس اطلع من البيت دا
سلوي بغضب : لاء بقاا دا انت كبرت وخرفت بصحيح انا هكرها في حياتها ليه ولا انا مالي بيها من اساسه
نزل ادهم علي كلامهم اللي استغربه جدا ووراه نهال : السلام عليكم خير يارب صوتكم عالي ليه
سلوي : مرات اخوك سابته ومشيت ومنعرفش راحت فين وانا معرفش هي مشيت ليه اصلا الله اعلم اللي بيدور بينها هي وجوزها يقوم ابوك يقولي انتي اللي كرهتيها في حياتها والنبي دا كلام يرضيك يا ادهم
ادهم بص لصلاح : يعم سيبها عند اهلها تروق بالها يومين وهتيجي من نفسها نوال اعقل من كدا روق بالك يعم " وراح قعد جنب ابوه "
صلاح بضيق : يمعلم روحت بيت اهلها ارجعها وارضيها بكلمتين امها قالتلي هي جت وقعدت شويه بعدين قالتلها انا راجعه بيت جوزي واخدت غزل ومشيت
ادهم بدهشه : يعني هي سايبه البيت وناويه انها مش راجعه ولا ايه اللي حصل ؟
صلاح نفخ نفس السجاره بقوه : محصلش هي بقالها فتره حالها مش مظبوط ولا عاجبني وناويه انها تمشي بس راحت فين بقا معرفش
نهال قاعده ماسكه فونها بتقلب فيه لكن مركزه مع كلامه فقالت في نفسها : الراجل عملها عقده نفسيه وبيقولك بقالها فتره مش مظبوطه والله العظيم جدعه يابت يا نوال شابوو ليكي فعلا
ادهم بصوت عالي نسبيا : نهاااال
نهال بنتباه : هاا نعم معلش كنت سرحانه شويه مسمعتكش
ادهم ببتسامه : ولا يهمك يقمر عايز كوبايه قهوه من ايدك الحلوه دي بقا
" نهال اتكسفت من كلامه قدام اهله وراحت علي المطبخ تعمل القهوه وهي مبتسمه "
سلوي بلوية بوز : اهو تدلعو في النسوان والاخر يسيبو الدار ويمشو نسوان اخر زمن بصحيح
ادهم ببتسامه : الحلو يستاهل الدلع يما بعدين نهال غير نهال في مكانه لوحدها ثم الكون في مكانه تانيه
سالم ببتسامه : ربنا يفرحكم ويسعدكم ويرزقكم بالذريه الصالحه اللي ترضيك يابني
" الصمت سيطر علي القعده كلها كل واحد بيفكر في ملكوته الخاص ، نهال قاعده تكلم العيله في شات العيله ، ادهم قاعد بيتابع شغله علي الفون ، صلاح بيفكر مراته راحت فين "
.........................................
" نوال اخيرا بعد تعب طول اليوم جيه وقت انصراف الطلاب اللي اتهدت معاهم حرفيا ، نزلت تحت وخبطت علي مكتب امجد اللي امرها بالدخول دخلت و اندهشت لما لقت امجد شايل غزل اللي نايمه علي كتفه وهو بيطبطب علي ضهرها بحنان واضح "
امجد بهمس : اقعدي بس متعمليش صوت علشان مصدقت انها نامت
نوال اتحرجت وفي نفس الوقت ابتسمت : معلش اكيد تعبتك النهارده انا عارفه انها شاقيه بس فعلا مفيش حد ليا هنا تفضل معاه
امجد ببتسامه : بالعكس غزل ممتعه ودماغها نضيفه بصراحه حبيتها جدا رغم ان مش من مفضلين الاطفال خالص
نوال بتلقائيه : حضرتك صغير في السن اديك ٣٣ سنه بالكتير اكيد عندك اولاد بتتعامل معاهم ازاي لما انت مش من مفضلنهم ؟
امجد ببتسامه : عندي ليلي وزينه بس ولاد اختي بس معانا في البيت ابوهم مسافر واختي قاعده عندنا لحد ما جوزها يرجع لكن انا عازب
نوال بإحراج من سؤالها : ربنا يبارك فيهم يارب وبإذن الله ربنا يوفقك مع بنت حلال تفرح قلبك هاخد انا غزل انيمها وبإذن الله الساعه ٧ ونص الصبح هكون بدأت دوامي
" امجد ناولها غزل بكل حنان هي نفسها استغربته شالت بنتها وخرجت راحت علي الاوضه اللي امجد خصصها ليها "
امجد اول ما هي طلعت ابتسم اوي عليها وقال بهمس : نوال وغزل '
"" انتظرو القادم ""
لعل القادم كله جَبر من الله 🤎'
" جوازة صالونات "
" البارت السابع عشر "
" الكاتبه ندي علي حبيب "
" بدأت الايام تمر صلاح بيدور علي نوال في كل مكان ومش بيمل ، وفي يوم راجع البيت الساعه ٢ الظهر في يوم ممطر وشديد البروده دخل البيت كان ابوه وامه قاعدين في الصاله وقدامهم راكية نار تدفيهم "
سالم بلهفه : هااا معرفتش اي حاجه عنهم خالص ؟
صلاح بخيبة امل : معرفش عنهم حاجه دورت في كل مكان اتخيل انها ممكن تروحه واهلها زي ما يكونو مصدقو انها تمشي اعمل ايه قولي
سالم طبطب علي ضهر ابنه بزعل : نوال جدعه وبتحبك وعمرها ما هتسيبك تلاقيها بس بتربيك يومين ولا حاجه وهترجع اصل هتروح فين ولا ليها حد غيرنا
صلاح بصله بحزن : معملتلهاش اي ذكره حلوه تخليها ترجعلي يباا لو واحده غيرها كانت سابتني من تاني يوم جواز لكن نوال استحملت معايا كتير وانا شبهه الاعمي ماشي ورا اي صوت الا صوتها
سالم : الحياه الزوجيه دي لو مفيهاش راحة بال وامان وحُب تبقي فاشله وملهاش لازمه الست بتحتاج حضن في كل وقت مزعلها احضنها عملت حاجه غلط احضنها هي بطبعها كائن حساس محتاجه تحس بالحب محتاجه تحس انها ست طيب لما هي متلقيش الحجات دي من جوزها تبقي تفضل معاه ليه من الاساس
" صلاح ادرك كل كلمه ابوه قالها بس ادركها بعد ما فات الاوان هو ندمان علي كل حاجه عملها بس يفيد بإيه ندمه دلوقتي في النهايه نوال مبقتش موجوده علشان يعتذرلها حتي "
................................................
" نوال بدأت تشتغل في الحضانه داده لطلاب بتتعب جدا معاهم بس هي محتاجه الشغل دا ضروري ، الفتره الاخيره حست بِ اهتمام مبالغ من امجد ودا ضايقها هي اه ناويه علي الطلاق بس برضو لسه في حكم راجل مينفعش تسمع لأي حاجه غلط تحصل ف بطلت تروح عند امجد المكتب لأي ظرف ولا حتي تتعدي الحدود في الكلام معاه "
" امجد مضايق من بعدها هو عارف ومدرك انها متجوزه لسه بس مش عارف ليه مشدود ليها بشكل الغريب دا ، بعدها عنه مخليه كل دقيقه بيدي قرارات صعبه في الحضانه بحيث هي تيجي تقوله الشغل كتير عليها لكن مبتملش "
' في مكتب امجد كان قاعد بيمضي علي حضور المدرسين لكن عقله مش معاه '
امجد ساب القلم بضيق وقال بنرفزه : فيي ايه مااالك مضايق انها مبتجيش ايه المشكله ليه شاغل بالك بيها ما هي حره
" في وسط دوشة دماغها الباب خبط ونوال دخلت "
نوال بحترام : السلام عليكم جايا بس استأذن حضرتك اخرج برا ربع ساعه واجي تسمحلي ؟
امجد بصلها من فوق لتحت بغيظ واضح علي وشه وقال بعدم تردد : السبب
نوال بتوتر : غزل حرارتها مرتفعه من بليل عملتلها كمدات مايه ساقعه بس برضو لسه زي ما هي هطلع اجبلها اي حاجه تنزل الحراره واجي
امجد بقلق : وهي غزل فين دلوقتي سيباها مع مين ؟
نوال : مع صفاء الداده اللي في فصل تالته اول قولتلها تخليها معاها علي ما ارجع
امجد : روحي هاتي غزل وتعالي بسرعه متتأخريش
" نوال خرجت من غير كلام علشان هي فعلا مفيش معاها اي فلوس تجيب علاج ليها راحت جابت غزل اللي مش قادره تتكلم حتي وراحت عند مكتب امجد اللي كان مستنيها قدامه "
امجد بص لغزل وشالها بحنان : حبيب قلبي التعبان الف سلامه عليك يا بيضه
غزل بتكح جامد ومش قادره تتكلم : مش عايزه اخد حقنه علشان خاطري
امجد مشي بيها ونوال وراه : مفيش اي حقنه الدكتور بس هيشوف سبب التعب دا ايه ونرجع علطول " وقابل الحارس " عم ربيع خد بالك من المكتب انا ساعه بالكتير وجاي
الحارس قام نفض ايده من الشيبسي اللي كان بياكل فيه وقال : في عنيا متقلقش يا باشا
امجد طلع فتح الباب لكل تلقائيه لنوال : اركبي يلا
نوال بصتله بستغراب انه فتحلها الباب عمر ما حد عملها الحركه دي ف ركبت وقالت : هات غزل اشيلها علي ما تركب
امجد دخل العربيه وغزل في حضنه : سهله خلاص المهم هنروح عند دكتور نكشف عليها الاول وبعدين نجيب العلاج " ومشي بالعربيه "
غزل بصتله بخوف : الدكتور هيكتب حقن ؟
امجد باس خدها بحب : لاء طبعا مفيش حقن هو بس هيكشف عليكي ويشوفك تعبانه ليه ونرجع علطول
" نوال رجعت راسها علي الكرسي ولفتت وشها لطريق الممطر ، الاهتمام اللي احنا بنتمناه ديما بيجي من الشخص الغلط ديما بيجي من الشخص اللي مستحيل تتجمعو مع بعض ولو صدفه حتي "
امجد بصلها بستغراب : سرحانه في ايه كداا يا ام غزل ؟
نوال بصتله بنتباه واتنهدت بقوه وردت : ولا حاجه بس بفكر في اللي جاي المفروض اعمل ايه وانا مفيش في ايدي اي حاجه اعملها
امجد وهو باصص لطريق : امشي ورا سعادتك الجنب اللي هيريحك افضلي فيه متجيش علي نفسك لسعادة حد هل المشاكل اللي بينك وبين جوزك تستدعي الطلاق ولا انتي مع اول ضربه رميتي كله ورا ضهرك ومشيتي ؟
نوال بسخريه : الشخص لما بيحس انه متقدر بيدي اكتر ما تتوقع منه تخيل بقا انت عايش مع واحد معندوش تقدير لنفسه حتي هيقدرك انت ؟... و انا مشيت لما ضهري مبقاش فيه مكان لضربات تانيه يا استاذ امجد ... تخيل انت تكون عايش مع واحد مبحسش بأي حاجه في الدنيا ولا بتعبك ولا بزعلك ولا بشكلك حتي قدام الناس مفيش عنده تقدير ولا هو ولا اهله بيعتبرو الانسان الفقير دا متسول عندهم المفروض لو تعب ميقولش انه تعب يموت وخلاص علي ايه ي قوم انا ليا تار عندكم وبتخدوه مني ؟
امجد بصلها شويه بعدين بص لطريق : علشان كدا قصيتي شعرك كله ؟
نوال اندهشت : انت عرفت منين ان انا قصيت شعري " ابتسم وسكت وباس دماغ غزل " غزل مبتسترش حد فعلا
امجد : اللي فهمته من كلامك انك عايش مع جماد لا يشعر ولا يتكلم طيب معقول الحجات دي كلها ملفتش نظرك اي حاجه منهم في الحظوبه
نوال غمضت عيونها بحزن : اهتمام مفيش بعده حب كأني اول واخر ست في العالم هدايه وخروجات ودهب وكل اللي اي ست تتمناه عمله لدرجة ان انا لوهله فكرته عوضي اللي ربنا عوضني بيه من الدنيا مكنتش اعرف ان داخله علي حرب انا مش قدها اهتمامه اتحول لسكوت رأيه امه اللي تقوله بداله بنتي تعبانه عايزه اكشف عليها قولي لأمي عايزه ازور اهلي قولي لأمي طيب انت فين من كل دا فين شخصيتك من كل دا لحد ما حسيت ان انا رفضه فكرة انه جوزي مبقتش عيزاه ومبقتش عايزه انه يقرب مني بدأت اهمل شكلي اصل هغري في مين في واحد ميت مبحسش اصلا
امجد بيسمع لكلامها وهو مصدوم معقول في انسان بالانحطاط دا : طيب محاولتيش تتكلمي معاه يمكن يتغير
نوال مسحت دموعها اللي هي اندهشت انهم نزلو اصلا وقالت بسخريه : من كتر ما اتكلمت ومن كتر ما حاولت اغيره جوايا انا اللي اتغير للأوحش ودا زعلني اوي بقيت بغير من واحده جوزها ماسك ايدها تخيل
امجد بشفقه علي اللي كانت فيه : اهلك فين دورهم في الموضوع يا نوال ؟
نوال : اهلي ناس غلابه اوي ابويا شغال عامل في ارض ناس بيزرعها امي بتربي في اخواتي حالنا علي قدنا واقل كمان اللي خلاني امشي ان الكل فعلا قفل بابه في وشي مشيت وقولت ارض الله واسعه المهم امشي وابعد وخلاص
امجد سكت شويه وبصلها وقال بمغزي : لو عايزه ترفعي قضية خلع انا هقف معاكي لحد اخر نفس فيا اوعدك هشيلك انتي وبنتك في عيني يا نوال بس انتي قولي اه
نوال بصتله شويه ومعرفتش تقول ايه : معني كلامك ايه مش فاهمه ؟
امجد بصلها : انا مستعد اتكفل بيكي انتي وعزل يا نوال
نوال : تتكفل بينا ازاي تشفق علينا لاء شكرا انا هشتغل وهعرف اصرف علي بنتي ربنا يخليك متشكره علي عرضك دا يا استاذ امجد
امجد بغيظ : يشيخه اخبطك بالطفايه في وشك بقولك اتكفل بيكم وانتي مراااتي في ايه مالك
نوال فضلت ساكته شويه وهي بصاله وحاسه ان مفيهاش عقل تفهم : يعني ايه وضح كلامك اكتر
امجد بدهشه : اوضح ايه اكتر من كدا دا قولتلها صريحه بقولك عايز اتجوزك لما تطلقي يا نوال مالك
نوال بعدم فهم : هتتجوزني ازاي وانا متجوزه
امجد وقف العربيه : اصلا ! لاء دا انتي محتاجه قاعده علي رواقه انزلي وصلنا عند الدكتور لما نرجع نبقا نتكلم يلا " ونزل وهو شايل غزل اللي نامت "
" نوال نزلت وحست بالبرد ف ربعت ايدها تدفي نفسها ودخلت وراه العماره اللي فيها الدكتور ، امجد دفع حساب الكشف وقعدو يستنو الدور "
...................................…
" نهال واقفه في المطبخ قدام البوتجاز بتحاول تسوي صنية الفراخ بالبطاطس بس مش عارفه "
نهال بحيره : طب اعمل ايه الفراخ مش راضيه تستوي والبطاطس اتهرت يمكن محتاجه شويه مايه " وراحت جابت كاتل المايه وحطت شوية مايه في الصنيه "
ادهم دخلها المطبخ : نهال اعمليلي فنجان قهوه وهاتيه البلكونه معلش
نهال بصتله وهي مضايقه اووي وقالت : بالله يا ادهم تعالي اعمل انت علي ما اشوف بس المشكله من الفراخ ولا مني
ادهم راح عندها وبص علي الصنيه وقال بستفسار : مالها الصنيه دي شكلها تحفه علي فكره " واخد المعلقه منها واكل حته من البطاطس وقال بنبهار " امم ودايبه كمان دا ايه العسل والشطاره دي كلها
نهال بحذر : دوق بقا الفراخ كدا ؟
ادهم اخد الشوكه وغرزها في الفراخ مبتدخلش اصلا بصلها وعض شفته اللي تحت وقال : هي كدا الفرحه مبتكملش يعني الفراخ نايه بمعني الكلمه والبطاطس دايبه بمعني الكلمه استحلفك بالله عملتيها ازاي
نهال بحيره : معرفش الست في الفديو قالت شوحي البطاطس مع الخضار علي البوتجاز قبل ما تدخلي الصنيه بالفراخ الفرن وانا عملت كدا بالملي والله بس طلعت كدا
ادهم : الست قالت شوحيهم علي البوتجاز مقالتش سويهم علي البوتجاز انتي طبختي البطاطس مع الخضار علي البوتجاز بعدين دخلتيهم الفرن مع الفراخ ف الفراخ طلعت نايه خالص والخضار مستوي
نهال : طب اعمل ايه اطلع الفرخه اطبخها بعدين ارجعها الفرن تتحمر ؟
ادهم بتنهيده : لاء يحبيبتي هاتي الصنيه دي هنزلها لأمي تتصرف فيها وانتي حمري بانيه ومكرونه يلا
نهال بصويت : لااااء امك مييين اللي تنزلها الصنيه كله الاا امك والنبي
ادهم بضحك : ياستي ليييه متقلقيش دا امي ست متفهمه جدا احتمال تاخد الصنيه دي وتروح لأهلك تفرجهم عليها
نهال مسكت ايده برجاء : بالله لاء يا ادهم علشان خاطري بلاش انا دلوقتي هعملك احلي طبق مكرونه واحلي طبق بانيه تاكل ايدك وراه
ادهم قفل الفرن وقال : من يوم ما اتجوزت وانا عمال اكل مكرونه وبانيه ياااابت دا انا عررريس ياااابت محتاج اكل فيه فسفور وبط والحجات دي
نهال ببراءة : والله يا ادهم انا بحاول اتعلم اهو بس زي ما انت شايف النتيجه مبهره كالعاده المكرونه البشاميل البشاميل كتل مني ومرضاش يدوب ورميته اكتر من ٣ مرات وادي صنية الفراخ البطاطس استوت والفراخ مستوتش اعمل ايه بقا
ادهم حضنها وباس دماغها : معلش يحبيبتي اكيد العيب من البوتجاز المره الجايا نغيره
نهال ضربت بضيق : انت بتتريق عليا يا ادهم مش انت اللي قولتلي حاولي مره واتنين ولازم تغلطي علشان تتعلمي اهوو مع اول غلطه اتريقت عليا
ادهم بضحك : ايييه ينهال انا ولا هاكل ولا هتريق
نهال بعدت عنه : يعم ماشي اتريق اتريق المهم هنعمل ايه في الفراخ دي
ادهم : هنزلها لأمي علي اساس انك عملتيها وانا مش طالبه معايا فراخ
نهال باست خده بحماس : يعم عليا النعمه انت حبيب قلبي ايوا انا معاك في الكلمتين دول نزلها بقا قبل ما تبرد
ادهم ضحك عليها اوي : مصلحجيه اووي انتي يحبيبتي بس انا مش راضي بالبوسه دي كل حاجه بتمنها
نهال ابتسامتها اختفت من علي وشها وقالت : يعني ايه الكلام دا ؟
ادهم قرب وشه منها وشاور علي شفايفه : بوسه من هنا وبوسه لحد ما انا اقولك بس
" نهال قربت من شفايفه وفضلت تبوسه كتير وادهم مستمتع جدا بالبوسه "
نهال بعدت اخدت نفس كبير : يلا انزل ودي الصنيه
ادهم برفع حاجب : انتي بعدتي ليه انا امرتك بالبعد دا مش منزل صواني
نهال مثلت الزعل : متنزلش حاجه يا ادهم هنزل انزلها انا واستحمل الكلمتين اللي هاخدهم
ادهم شال الصنيه : صعبتي علي الصراحه بس تمثيلك نيله بصراحه يلا هنزل الصنيه وهقعد مع ابويا شويه وهاجي تكوني خلصتي الاكل " واخد الصنيه ونزل علي تحت "
" نهال بدأت تعمل الاكل وهي مندمجه فونها رن "
نهال : الووو .....!
"" انتظرو القادم ""
" جوازة صالونات "
" البارت الثامن عشر "
" الكاتبه ندي علي حبيب "
نوال : الوو نهال لو حد جنبك ابعدي متعرفيش حد ان بكلمك ولا حتي ادهم
نهال : لالا متقلقيش محدش جنبي انا في الشقه لوحدي انتي اللي فين وعامله ايه انتي وغزل وازاي تسيبي البلد وتمشي يا نوال
نوال : كنتي عيزاني اعمل ايه افضل قاعده لحد ما اموت نفسي واخلص من العيشه دي ولا هتقوليلي لاء استحملي انا استحملت اللي مفيش حد يستحمله يا نهال
نهال بشفقه : عارفه والله بس برضو يا نوال هتتبهدلي انتي وغزل لوحدكم انتي فين اصلا
نوال بتحذير : هقولك بس اوعي حد يعرف مهما كان مين انا اخدت غزل وروحنا المنصوره بشتغل في حضانه كبيره لغات المهم انا عايزه منك خدمه
نهال : قولي يحبيبتي لو في ايدي مش هتأخر عليكي عايزه ايه ؟
نوال : هتدخلي شقتي بعدين تدخلي اوضة النوم تفتحي الدولاب الرف التاني تحت هدومي في البطاقه بتاعتي صوريها ليا وابعتهالي علي الواتس علي الرقم اللي بكلمك منه دا محتجاها ضروري ونسيت اخدها
نهال بتردد : عادي مفيش مشكله بس هدخل شقتك ازاي افرض صلاح شافني هيقول عليا ايه ؟
نوال : صلاح بينزل الشغل الصبح بدري مبيرجعش غير بعد العصر في الوقت دا تعرفي تدخلي الشقه بالله عليكي يا نهال ساعديني في الموضوع دا
نهال : حاضر هحاول علي قد ما اقدر اساعدك بس انتي محتاجه البطاقه في ايه
" نوال كانت هتقولها الحقيقه امجد قرصها علشان تسكت "
نوال بتردد : علشان اتعين في الحضانه محتاجين البطاقه الشخصيه بتاعتي هستناكي بكرا تبعتيلي البطاقه اوعي تنسي علشان خاطري " وقفلت معاها وبصت لأمجد " مخلتنيش اقولها ليه ان محتاجه البطاقه علشان قضية الخلع
امجد : ملهاش زلامه تقولي دلوقتي خليها مفاجأه لصلاح باشا المهم خليكي مع غزل هنا في العربيه هنزل اجيب العلاج ونطلع علي شقتي
نوال بستغراب : نطلع علي شقتك ليه معلش ؟
امجد : اكيد مش هسيبكم تنامو في الاوضه اللي في المدرسه في البرد دا تاني يعني ومتقلقيش انا كدا كدا مبفضلش فيها علشان بروح ابات في بيت العيله
نوال بصتله : شكرا بجد يا امجد متشكره جدا علي كل اللي بتعمله عشاني لو فضلت عمري كله احاول اردلك جميلك دا مش هعرف
امجد ابتسملها اوي : مش محتاج شكر منك كفايه عليا ان اشوفك مرتاحه ومبسوطه ويارب يقدرني واعرف اعوضك علي كل حاجه شوفتيها قي حياتك
غزل بصتله : خدني معاك وانت بتجيب العلاج بالله
امجد شالها ونزل من العربيه : طلباتك اوامر يا ست غزل " وبص لنوال " انزلي يا نوله تعالي معانا
نوال ابتسمت اوي علي دلعها ونزلت : مقدرش ارفض بصراحه هاجي معاكم " ووقفت جنب امجد اللي ابتسم بقوه وراحو علي الصيدليه "
الدكتور بص لامجد : اؤمرني يا فندم
امجد مد ايده بروشته : محتاج كل اللي في الروشته " وشاور علي الحقن المكتوبه في الروشته " بس خبي دي لو سمحت
الدكتور ابتسم : الظاهر ان بنت حضرتك عندها فوبيا
امجد باس راسها : دوشاني من الصبح الدكتور هيكتب حقن الدكتور هيكتب حقن
غزل بصتله بخضه : كتب حقن ؟
امجد ضحك ونوال ضحكت معاه : يروحي مكتبش احنا بس بنتكلم عادي متخافيش
" الدكتور جاب العلاج وامجد دفع حقه ونوال محرجه جدا هي مش عايزه تكلفه بس في نفس الوقت مفيش معاها فلوس تدفع ف سكتت "
............................................
" ادهم طلع لأبوه اللي قاعد في البرنده وجنبه صلاح "
ادهم قعد جنب صلاح : ايه يعم طلاح شايل طاجن ستك وقاعد ليه كدا
صلاح بضيق : والنبي يا ادهم سيبني بالي انا فيه الوحد مش طايق نفسه ولا طايق حد
ادهم : وانت مش طايق نفسك ولا طايق حد ليه ؟
صلاح بصله بدهشه : انت مش حاسس بالي انا فيه ولا ايه مراتي اخدتي بنتي ومشيت يجدع
ادهم : وانت ايه دورك مبتهدش الدنيا ليه لحد ما تلاقيها وتفهم منها ازاي تمشي كدا وهي مسؤله من راجل ؟
" صلاح سكت معرفش يرد علي ادهم ولا عرف يجاوب علي نفسه "
ادهم بهدوء : علشان انت عارف ومدرك ان مراتك مشيت بعد ما طفحت الدم معاك الله اعلم ايه بينك وبينها بس صمتك دا مش حزن دا خوف خايف لتسيبك بس اطمن هي كدا كدا سابتك شوف بقا هي عانت معاك في ايه وحاول تغيره من نفسك وانت لو عايز مراتك اتعب وحاول علشانها قوم دور عليها وشوفها فين قبل ما تندم تاني علي الاقل هتقول حاول
صلاح بحيره : اعمل ايه ادور فين كل مكان كنت اتخيل انها تكون فيه دورت فيه وملقتهاش مش عارف ادور فين او اسأل مين انا حاسس ان تايهه ومش عارف اعمل ايه
ادهم بص لصلاح : انت عملت ايه في مراتك يا صلاح خليك صريح علي الاقل قدام نفسك
صلاح بصله والدموع في عينه : كنت ضامن وجودها يا ادهم كنت ضامن ان مهما اعمل ومهما اسوي فيها هي مستحيل تسيبني الكلمه الحلوه كنت بستكترها عليها اكمل ولا كفايه ؟
ادهم بصله بغضب : لسه في كمان وزعلان انها سابتك ومشيت مراتك اللي واخده بالها من بيتك وبتحمي عرضك وبتصونك مستكتر فيها الكلمه الحلوه يجدع دا انت قاسي اوي ايه دا هي الست اييه غير شوية مشاعر وهي مستنيه منك ايه من اساسه غير مشاعر حب و اهتمام و دلع وانت تقولي ضامنها بقولك ايه متدورش عليها وجودها معاك هيقتلها اكتر ما انت قتلتها
صلاح بلهفه : هتغير والله هتغير علشانها
ادهم : بعد ايييه بعد ما خلاص سابتك ومشيت الله اعلم راحت علي فين الواحده لما الدنيا بتضيق بيها اول حد بتروحله جوزها تترمي في حضنه تتحامي فيه تخيل انت واهلها والدنيا كلها مضيقين عليها عايزينها تعمل ايه
سلوي قعد جنبهم وجابت صنية الشاي : ولا تزعل نفسك يقلب امك هي هتروح فين يعني المكان اللي هيشيلها يوم مش هيشيلها التاني واخرتها هتجيلك
ادهم اخد كوباية الساي وشرب منها شويه : مشكلتكم انكم فاهمين الست غلط الست بتستحمل مره واتنين والف وبتحاول معاك علي قد ما بتقدر بس لو ملت منك خلاص انت بنسبالها تجربه فاشله وعدت
سلوي : الا ايه صنية الفراخ اللي جوا دي ليكون منزلها اطبخها لسلطانه هُيام بتاعتك يباا
ادهم ضحك بخفه : لاء متقلقيش السلطانه هيام طبختها بس انا مليش نفس ليها ولا هي فنزلتها ليكي بدل ما تترمي
سلوي بلوية بوز : تترمي ااه بتاكل انت وهي في اتايه محلوله ولما هي مش جايلها نفس تاكل منها عملتها ليه
ادهم بملل : امااا امااا اللي اتعمل اتعمل في ايه مالك " وقام وقف " انا طالع اتغدي علشان المغرب رايح عند نسايبي زياره
سالم : ابقي سلملي علي جدك راشد والعيله هناك
ادهم : يوصل يا كبير " وبص لصلاح " مش عارف اقولك ايه بس ربنا يهدي حالك ويهديها ليك " وطلع علي شقته "
نهال حطه الفون علي ودنها وبتقلي البانيه : يعني انتي مرتاحه للعريس دا ولا زي كل مره ؟
تغريد بتردد : معرفش يا نهال انا لما قعدت معاه حسيت ان اعرفه من زمان كلامه حلو وشيك بس انا خايفه
نهال : ايواا خايفه من ايه بقا احكيلي " وسط ما هي بتتكلم معاها جيه ادهم حضنها من ضهرها ودفن وشه في رقابتها ، نهال حاولت تبعد من غير ما تغريد تاخد بالها لكن معرفتش فَ سابته "
تغريد : معرفش يا نهال انا مش عايزه اتجوز واحد لمجرد انه عايز يتجوز وخلاص لاء انا عايزه واحد يحب فكرة الجواز علشان هيتجوزني انا عايزه واحد يحسسني ان انا الست الوحيده اللي قدرت تغير حياته للأحسن انا عايزه احب واتحب مش عايزه اتجوز صالونات انا
نهال بتوتر من قرب ادهم : احم بصي مفيش حاجه اسمها جواز صالونات وجواز حب اول عن اخر الاتنين النتيجه النهائيه بتاعتهم الجواز في ناس حبت واتجوزت واطلقت وفي ناس اتجوزت بعدين حبت وكملت الموضوع عايد علي الشخصين اللي هيعيشو مع بعض
تغريد بحيره : يعني انتي شايفه اعمل ايه طب انتي اتجوزتي ادهم صالونات حسيتي ازاي ان دا الشخص اللي عايزه تكملي حياتك معاه
نهال اتوترت جدا من نظرات ادهم اللي مستنيه ردها : حسيت احساس ان حابه اكمل معاه بعد ما اتجوزنا لما اغلط بياخدني في حضنه يطمني لما ازعله ويجي هو يراضيني حنيته عليا حتي وقت خصامنا متفهم معايا لأبعد حدود بيحسسني ان كل حاجه هتبقي تمام طول ما احنا مع بعض خلاني اصدق ان الانسان يقدر يملك قلب انسان بافعاله
تغريد ببتسامه : ياسيدي ياسيدي اييه الكلام القمر دا " وسمعت صوت زينب " اييه ينجوي بكلم نهال
زينب بلهفه : حبيبة قلبي هاتي اكلمها " واخدت الفون " الواطيه اللي وحشاني
نهال بضحك : روحي روحي يا زوبااا وحشتيني اكتر والله
زينب : ربنا يسعدك ويفرحك واشوفك احلي البنات يا نهال يابنت قلبي بتعملي ايه كدا
نهال : بطبخ يغاليه هخلص كدا وارنلكم نتكلم " وقفلت معاهم وبصت لأدهم بغضب " بالله دا ايييه اللي انت بتعمله دا شتت انتباهي وخليتني واقفه مش علي بعضي
ادهم بغمزه : مش علي بعضك ليه بس يا مزه انا عملت ايه دا انا حضنتك حضن حلمت بيه مكنتش متخيل ان اعمله في الحقيقه
نهال اتغاظت منه وقالت : وملقتش وقت مناسب تحقق حلمك وغير وانا بتكلم في الفون صح ؟
ادهم بضحك : يا نهال دا الوقت المناسب اصلا المهم وحشتينييي " وقرب منها علي غفله باسها برقه "
نهال اتكسفت : انت مش كنت جعان الاكل خلص اهو
ادهم شد ايدها : بقولك وحشتيني خلي عندك احساس ونظر شويه تعالي بس نطمن علي اوضتنا ونرجع ناكل براحتنا
نهال قربت منه وقالت : شيلني
ادهم برفع حاجب : ايه الاغراء الجديد دا " وشالها بخفه ومشي بيها علي الاوضه ، نهال حست انها بتحب ادهم من كل قلبها فعلا ، ادهم قال من بين بوساته الرقيقه " النهارده هنروح زياره لاهلك بعد صلاة المغرب
" نهال مركزتش مع كلامه كل اللي شاغل بالها انها في حضن حبيبه اللي بتحاول علي قد ما بتقدر تشبع منه ودا شعور اول مره من يوم ما اتجوزته تحسه "
.................................
" امجد دخل الشقه بتاعته وهو شايل غزل ووراه نوال "
امجد بصلها وابتسم : الشقه شقتك خدي راحتك يا نوله
" نوال دخلت الشقه اتفرجت عليها عجبها ترتيبها وذوقها جدا "
نوال ببتسامه : ذوقك حلو الشقه شكلها تحفه اوي وترتيبها شيك جدا اختيار مين دي ؟
" امجد لسه هيرد الجرس رن فتح الباب واتفاجئ بالي واقف علي الباب "
"" انتظرو القادم ""
" جوازة صالونات "
" البارت التاسع عشر "
" الكاتبه ندي علي حبيب "
امجد فتح الباب واخر شخص توقع انه يشوفه شافه فتح الباب وفضل ساكت شويه بعدين ابتسم بإحراج : تعالي يا امي ازيك يغاليه
"هاله بصت لأمجد ودورت نظرها لنوال اللي واقفه صامته مش قادره تعبر عن الموقف اللي هي فيه "
هاله بصت لأمجد وقالت بمغزي : مش تعرفنا علي ضيوفك يا استاذ امجد
امجد حط ايده علي رقابته دليل علي توتره : دي نوال يا امي مدرسه في الحضانه عندي
هاله بهجوم : اديك قوولت مدرسه في الحضانه بتعمل اييه في شقتك ولوحدكم يا امجد انا ربيتك علي كدااا
امجد مسك ايد امه وقال بهدوء : اهدي انتي مش فاهمه حاجه استاذه نوال شقتها اتحرقت ومفيش مكان تروحه ف جبتها هنا لحد ما شقتها تتصلح بس
هاله بستغراب : اهلها فين جوزها فين اي حد تعرفه من صحابه تروحله انمااا تلجئ ليك ليه من اساسه امجد متستغبنيش عييب
نوال فضلت تبص عليه وعليها تسمع كدب امجد وتسمع تبرير هاله وقالت بندفاع : مقبلش افضل مع واحد مش صريح في كلامه من البدايه يا امجد " وبصت لهاله " طنط انا متجوزه وعندي بنت بس في مشاكل كبيره بيني وبين جوزي وهطلق جيت اشتغل في الحضانه بتاعتكم علشان محتاجه الشغل ضروري ابنك عرض عليا يساعدني ان اطلق واتجوزه بعد ما اطلق وانا جيت الشقه هنا لما قالي انه مش هيبقي فيها دا كل الموضوع ودلوقتي اسمحوالي امشي من هنا
" هاله من صدمتها من كلام نوال معرفتش تنطق كلمه "
امجد مسك ايد نوال بلهفه : اصبري انتي مش هتمشي انا لسه عند قراري مرجعتش فيه انا عايز اتجوزك فعلا
هاله بصدمه : انت بتقول اييه هتتجوز واحده متجوزه ومعاها بنت وكمان مطلقتش من جوزها انت كويس يا امجد عقلك لسه فيييك ؟
نوال شدت ايدها من امجد وقالت بإرهاق : صدقني انا مشيت علشان كنت بحارب ونفسي في حياه هاديه ولو ليوم واحد معنديش اي استعداد ارجع احارب من جديد ف سيبني لو سمحت
" هاله دخلت قعدت علي اول كنبه قابلتها في الشقه وهي حسه بدوخه من كل اللي بيحصل ، بنتها علاقتها مع جوزها منيله وهو شبه مغادر مبيجيش ليها نهائي ، وابنها اللي عايز يتجوز واحده متجوزه ومخلفه "
امجد مسك ايد نوال جامد : انا فعلا مش هسيبك تمشي انا قولتلك كلمه اخيره انا هتجوزك يعني هتجوزك حتي لو العالم كله وقف في وشي
" نوال لسه هتبتسم شافت هاله اللي اخدت بعضها ومشيت من غير حتي ما ترد علي الكلام "
نوال بصت لأمجد : انزل وراها يا امجد متسبهاش تمشي زعلانه
امجد : حاليا لو اتكلمت معاها هنتخانق وهنعِند مع بعض لكن لو سبتها شويه تروق مع نفسها هتبقي تمام وهعرف اكلمها المهم متشغليش بالك انتي
نوال برفض : لاء يا امجد انزل كلمها متحسسهاش ان في واحده داخله حياتك تاخدك منها انا مش عايزه اعاديها انا سايبه حياتي اللي فاتت ومشيت علشان حماتي كانت مطلعه عين اهلي معنديش استعداد اعمل عداوه مع التانيه كمان
امجد بغمزه : مع التانيه !... معني كدا انك وافقتي علي علاقتنا
موال بصتله ومعرفتش ترد اتنهدت بقوه : معرفش يا امجد جزء موافق وجزء رافض اكيد ابو غزل هيقلب الدنيا علينا تخيل بقا لما يلاقينا هنعمل ايه ؟
امجد : احنا من بكرا هنروح عند محامي حبيبي ومعرفه وشاطر يبدء يمشي في ورق قضية الخلع وبالف سلامه تطلقي ونتجوز بعد شهور العده علطول روقي بالك انتي بس
نوال بتردد : مش شايف انك متسرع يعني ما يمكن لما تعرفني اكتر تحس ان مش انا اللي كنت تتمناها زوجه ليك انت راجل متجوزتش قبل كدا مش غريبه ان اول جوازتك تبقي واحده متجوزه ومخلفه كمان
امجد ببتسامه : الواحد ملوش سلطه علي قلبه وانا مرتاحلك وشاري وجودك الباقي كله ميهمنيش المهم هنزل اجيبلكم اكل علشان علاج غزل وانتي خدي بالك منها وتابعي الحراره معاها علي ما اجي
نوال بصتله ببتسامه : شكرا ممتنه لوجودك فعلا يا امجد
" امجد ابتسملها بحب واضح في عيونه وسابها ونزل بعد ما قفل الشقه عليهم "
..............................................
" امجد قاعد علي السرير مريح وماسك الفون بيقلب فيه ، نهال واقفه قدام المرايه بتحاول تعدل الطرحه "
ادهم بضيق وملل : نهااال بالله العظيم احلف ما احنا ريحين بقالك ساعه ونص بتعدلي في ميتين ام الطرحه
نهال بزهق : يا ادهم اصبر مش كل ٣ ثواني هتقول نفس الكلمه ايييه مش لازم اعدلها كويس
" ادهم رمي الفون علي السرير وقام وقف قدامها فضل يحاول يظبط في طرحتها "
نهال بصت في المرايه كانت الطرحه شكلها بسع قالت بضيق : دا اييه يا ادهم دا كانت الاول وهي مش مظبوطه احلي ابعد ان عرفت هلفها ازاي " وبعد محاولات عدلتها اخيرا "
ادهم بلهفه : يا فرج الله اخيرا يلا ننزل قبل ما تبوظ من تاني
نهال بصت علي نفسها في المرايه وهي مبتسمه : شوف مراتك قمر ازاي انا لو منك كنت كل يوم اقوم اصلي ركعتين شكر لله بس هقول ايه البعيد مبحسش
ادهم شد ايدها ومشي بيها : من بكرا هقوم كل يوم اصلي ركعتين شكر بس انجزي يلا ابوس ايدك خلينا نلحق نيجي بدري
" نزل ادهم ومراته وراه ، كان سالم وسلوي قاعدين في الصاله بيتفرجو علي التلفزيون لكن سالم نايم علي رجل سلوي "
ادهم دخل وهما مش واخدين بالهم وقال بمرح : دا انا معملتهاش لسه قوووم يا سالم من علي رجل امي
سالم قام وبصله ورفع حاجبها : سكتك خضره يلااا انت ومراتك
ادهم بغمزه : اااه بتحاول تفضي الجو ليك علشان تغرغر ب الوليه امي وانتي يا سلوي سكتاله نايم علي رجلك عادي كدا وسكتاله
نهال شدت ادهم بالعافيه وطلعو برا : بقالك ساعه بتستعجلني ودلوقتي انت اللي مأخرني بعدين انت مالك هما حرين متبقاش عزول وكمان بايخ
ادهم ضحك وهو نازل من علي السلم : حقيقي مهما الراجل كبر بيجي عند مراته ويبقي عيل ويدلع عليها
نهال ابتسمت : تعرف ان حبهم دلوقتي اصدق واقوي من حبهم وهما شباب
ادهم ركب وهي ركبت جنبه وقال بتأكيد : لما الشخصين يكبرو مع بعض حتي لو مفيش حب بينهم غصب عنهم بيتولد حب وموده واحترام من العشره الطيبه اللي بينهم لدرجة انهم بيكونو مراية بعض شفافين قدام بعض الحب دا حلو اوي بس لما يكون صادق من الطرفين
نهال بصتله وقالت : حبيت قبل كدا يا ادهم " ادهم بصلها وابتسم وهي قالت بإلحاح " بجد لو اتكلمت مش هزعل ولا اي حاجه احكي احكي
ادهم ببتسامه : كنت متكلم علي واحده بس محصلش نصيب بس والله انا متكلمت ابويا اللي اتكلم ودبسني فيها
نهال بستغراب : كانت اسمها ايه ومكملتش ليه ؟
ادهم بصلها وضحك ورجع بص لطريق : كانت جميله بنت خالتي كنت انا في السعوديه وابويا كلم ابوها واتحجزت ليا المهم لما شوفتها لقيتها عيله صغيره مراهقه لسه رفضت الموضوع بس بشياكه
نهال بفضول : رفضته بشياكه ازاي ؟
ادهم : كلمت ابوها وقولتله انا كبير جدا علي جميله بس انا فعلا مكنتش عايزها اصل انا اللي مربي جميله دي ف مش شايفها غير بنتي مشوفتهاش مراتي ابدا ف ابوها اتفهم وانتهي الكلام واتقدمتلك بعدها يجميل " وقرب باس خدها برقه "
نهال بصتله بشر : وجميله جت شقتنا حضنتك يوم ما كانت جايا تبارك
ادهم بصلها : بدأناا بقا انتي لسه قايله مش هزعل ولا هضايق ولا اي حاجه وجرجرتي اهلي بالكلام استحملي بقا
نهال ضربته في دراعه خبطات ورا بعض مع كل كلمه بتقولها : لاء يا بابا هزعل وهضايق علشان دي مش واحده من برا دا بنت خالتك يا محترم
ادهم وقف قدام محل حلويات : انزلي انزلي خلينا نجيب علبة جاتوه
" نهال نزلت معاه من العربيه راحو علي محل الحلاويات ادهم اختار علبة جاتوه شيك ، ونهال فضلت تتفرج علي شكل الحلاويات لحد ما عينها وقعت علي البسبوسه راحت جنب ادهم ومسكت دراعه "
نهال بهمس وقالت بشتهاء : هات حتت بسبوسه بالمكسرات من دي
ادهم بص علي البسبوسه وبص لصحاب المحل : وهات طبق بسبوسه بالمكسرات كمان يا ريس " وبص لنهال " حاجه تانيه ؟
" نهال هزت راسها برفض وعيونها علي البسبوسه منزلتش ، ادهم دفع حسابهم واخدهم وراحو علي العربيه "
نهال ركبت واخدت البسبوسه فتحتها واكلت منها بستمتاع : يا الله طعمهااا تحفه اول مره اكل منها واكون مستمتعه كدا " ومدت حته لادهم " دوق كدا
ادهم شد ايدها عند شفايفه واكلها : متغرقه عسل مخلي طعمها حلو اكتر سبيها بقاا هنوديها لناس متاكل منها واحنا راحعين نشتري غيرها ليكي
نهال برفض : لاء احنا هنديهم الجاتوه بس لكن البسبوسه ليا انا هنسيبها هنا في العربيه علشان لما اروح اكل هناك براحتي
ادهم ببتسامه : انتي بتحبي الحلاويات ؟
نهال بضحك : عمري ما حبيت اي حلو والاخص البسبوسه مستحيل كنت اكل منها مش عارفه حباها اوي كدا ليه
ادهم : عادي انا مش من محبين الجمبري بس احيانا بيهف عليا بطريقه غريبه " ووقف بالعربيه قدام بيت نهال اللي ابتسمت اوي اول ما شافت منطقتهم المبهجه وحست انها غريبه بقالها كتير اوي عليهم "
راشد كان قاعد علي كرسي قدام السوبر ماركت بتاعهم اول ما شافهم راح عليهم ببتسامه : وانا اقول دكرنس منوره ليه النهارده لو اعرف انكم جايين كنت فرشت البلد ورد
نهال باست ايده وحضنته بشتياق : وحشتني يا راشد
راشد ببتسامه : يا بكاشه ما ادهم اخدك مننا وانتهي الموضوع
ادهم باس ايده بحترام : محدش يقدر ياخدها منكم يحج والله
نهال طلعت علي بيتهم جري : مامااااا يا اهاااالي المنزل انا بجلالة قدري نورت بيتكم بعد غياب طال شهرين
نجوي فتحت الباب ببتسامه ولهفه : اييه يا كلبه صوتك عالي ليه جوزك يقول عليكي ايه " وراحت حضنتها بقوه " وحشتيني يا بقره
نهال حضنتها بشتياق : وحشتيني يا ماما مفتقداكي مفتقده البيت واوضتي وكل حاجه " وبصت وراها " ادهم فين استني هنزل اجيبه واجي " ونزلت جري علي تحت كان قاعد مع راشد " ادهم
ادهم بصلها وراح عندها : في ايه ؟
نهال بصت علي ايده بستغراب : فين الجاتوه انت جايبه وطمعان فيه يبني
ادهم ضحك : نسيته خالص والله العظيم الجاتوه في العربيه تعالي خديه واطلعي
نهال راحت اخدته من العربيه وبصتله : اعملك شاي معانا وناكل معاه الجاتوه ؟
ادهم جاب طاقيه الجاكت اللي هي لابساه وغطي راسها بيه بحنان : بالف هنا علي قلب اللي ياكل اطلعي يلا علشان البرد وانا هقعد مع جدك شويه واجيلك
نهال ببتسامه : ماما عامله محشي وبط هجهز الاكل علي ما تطلع اغذيك بدل المكرونه والبانيه اللي قطعت قلبك دول
ادهم بضحك : اخاف اخد علي كدا ومتعرفيش تلميني بعد كدا ويلااا اطلعي متفرجيش علينا الناس وانا جاي وراكي
" نهال طلعت وهي مبتسمه لكن وقفت في نص السلم وحست بدوخه بسيطه لكن وجعت راسها فضلت واقفه لحد ما الدوخه راحت كملت طريقها لشقة امها ، امها كانت بتسخن الاكل في المطبخ "
نهال راحت قعدت علي رخامة المطبخ زي عادتها قبل الجواز وقالت بمشاكسه : شوفتيني قاعده علي الرخامه ومزعقتيش يعني ولا قولتي هتكسري الرخامه يا عجله ايه الحنيه دي بقااا
نجوي بصتلها ببتسامه : لو اعرف ان بعد جوازك هبقي وحيده اوي كدا مكنتش وافقت علي جوازك يا نهال الكل معايا وجنبي بس انا نصي الاساسي ناقص اللي هو انتي
نهال ابتسم علي كلام امها وقامت حضنتها : طلع الجواز مسؤليه زي ما كنتي بتقولي مطلعش لما يجوع هرقصله يا نوجا
نجوي ضحكت : انتي عامله ايه انتي وادهم وامه عامله معاكي ايه
نهال بتنهيده : ادهم كويس جدا معايا مبزعلنيش ابدا ولا اهله كلهم كويسين وشايلني من علي الارض انا مش عيزاكي تشيلي همي انا كويسه والله " وغمضت عيونها بقوه وحست بنفس الدوخه " يمكن علشان اكلت مسكر كتير
نجوي بستغراب : مالك دايخه ولا ايه خدي كُلي حتت المخلل دي كدا " وجابتلها حتت زتونه " انتي مبتاكليش ولا ايه
نهال ببتسامه : باكل والله بس بعمل مجهود كبير الفتره دي
نجوي بغمزه : احب انا المجهود دا ربنا يعينكم انتو الاتنين
نهال بصرخه مكسوفه : لااااء انتي فهمتي غلط انا اقصد ان نضفت الشقه وشيلت السيجاد وكنست تحته والشقه كبير ف اتهديت
نجوي بغمزه : والمجهود التاني اخباره ايه
نهال اتكسفت جدا : تصدقي انا غلطانه ان بتكلم معاكي والله بجد
نجوي بهمس : يابت مش بطمن عليكي ليكون الراجل مخلوع مش تطمنيني كدا
نهال بضحك : لاء يا اختي اطمني جوزي زي الفل الله يحميه واسكتي بقاا علي ما اروح انادي تغريد علشان عيزاها
" ادهم طلع ونهال قابلته وراحو وقفو في البلكونه ، ابتسامة نهال مراحتش من علي وشها بتحكي كل حاجه بحماس وفرحه عكس ما هي في البلد طول الوقت ساكته تايهه وقتها عرف ان نهال تنتمي لهنا مش لهناك ودا خلي ادهم يغير غصب عنه "
ادهم بندفاع : ليه حبه كل حاجه هنا وليه مبتسمه وفرحانه كأنك في الجنه اشمعنا انتي مش في البلد كدا ؟
نهال سكتت شويه وقالت : علشان ببتسامه انا فعلا حسه هنا كأني في الجنه كل واحده شايفه بيت اهلها قصر رغم بساطه ومهما ارتاحت في بيت جوزها هتفضل مفتقده الدفا والحنان اللي في بيت اهلها
نجوي جت من وراهم : يلاا يا ادهم انت ونهال الاكل جهز يا حبايبي
ادهم ببتسامه : تسلم ايدك يا ست الكل كلفتي نفسك والله نهال مروقه عليا كل يوم مكرونه وبانيه وحاجه تفتح النفس يعني
نهال بغيظ : علي فكره في بنات مبتعرفش تعمل المكرونه والبانيه دول
ادهم قعد علي السفره : حصل يحبيبتي حصل اقعدي بقا كُلي علشان الاكله دي مش هتتقرر غير كل فين وفين اتغذي كويس
" نهال قعدت وفضلت هي وادهم ياكلو وادهم يأكل نهال في بوقها بحنان ، نجوي متابعه حنان ادهم وحبه لبنتها ابتسمت عليهم واتمنت حياه سعيده ليهم "
نهال كانت بتاكل ومستمتعه بالاكل لكن فجأه قرفت جدا : ادهم انا مش قادره بجد اكل لقمة زياده
ادهم مد معلقته ليها : افتحي بوقك كُلي دي اخر لقمه ريحيني ياستي وقومي
" نهال قامت فعلا بس قامت علي الحمام وكل الاكل اللي اكلته رجعته من تاني ، ادهم اتخض عليها جدا وقام وراها هو امها "
نجوي بصت لأدهم اللي واقف قلقان : يارب احساسي يطلع صح ونقولكم مبروك يا ادهم
ادهم بصلها بغباء : تقصدي انها ممكن تكون حامل !
نهال طلعت وبصتلهم بتعب : مستحيل اكون حامل انا عارفه
ادهم بص لنهال بغضب ولنجوي بإحراج وقال :
"" انتظرو القادم ""
لعلّ القادمُ حَنون ، يشِبه قلبه 🤎'
" جوازة صالونات "
" البارت العشرين "
" الكاتبه ندي علي حبيب "
ادهم بص لحماته وحاول يبرر كلام نهال : هي تقصد يعني انها مستحيل تكون حامل مش مصدقه نفسها يعني
نهال طلعت وبصتلهم الاتنين وقالت : البط بتاعك دا زفر هو اللي قلب معدتي بشكل دا لكن انا مش حامل ولا حاجه لو حامل كنت حسيت
نجوي بسخريه : حسيتي ايه اكتر من كدا هو في احساس امر من كدا بيتحس وانا معرفش
نهال بصت لأدهم وبلعت ريقها : انا اكلت مسكر كتير يمكن تعبت منه لكن مش حامل اكيد انا لسه متجوزه من شهرين الا ايام يا جماعه
نجوي بسخريه وهي بطبطب علي ضهرها : شهرين الا ايام !.. دا انا حملت فيكي في من الليله الاولي بعدين انتي مضايقه ليه هو حد طايل يكونله حتت قشطه صغيره كدا
نوال قعدت علي الكنبه بضيق وقالت : يا ماما الكليه هعمل فيها ايه وادهم هيسيبني ويسافر وهبقي لوحدي وقتها هعمل ايه لوحدي مع طفل
نجوي قعدت جنبها وقالت بستغراب لتفكير بنتها : وهو احنا كنا نعرف ايه عن تربية العيال ما كلنا اتجوزنا وحملنا وخلفنا وكل مرحله بتعدي كنا بنتعلم منها وبنقول هي دي الحياه بلاش دلع اعملي تحليل دم وشوفي لو حامل احمدي ربنا علي ليكي متعترضيش علي مجايب ربنا وخليكي عاقله
" ادهم بصلها وجواه زعلان جدا منها عمره ما تخيل ان مراته تبقي رافضه حملها منه بالشكل دا ، اكتفي بإنه قام قعد في البلكونه من غير ما ينطق حرف واحده "
نجوي بصت علي ادهم واتأكدت انه مش شايفها ومسكت دراع بنتها جامد وقالت بهمس غاضب : ايه اللي انتي بتعمليه دا يابت بتتكلمي بزعل انك حامل من جوزك ولا هامك زعله ولا ضيقه تحرجيه قدامي كدا
نهال حست بوجع في ايدها من مسكه امها ليها وقالت بوجع واضح : سيبي دراعي بس ... وبعدين هو مزعلش ولا حاجه انتي بتتكلمي بنيابه عنه ليه
نجوي : يابنتي انا خايفه عليكي الراجل ليه طاقه علي افعال مراته ومهما كان بيحبها ممكن بسبب تصرفاتها يكرهاا
نهال بحيره : اعمل ايه يعني يا ماما انصحيني بحاجه ؟
نجوي بهدوء : علشان علاقتك تكون ناجحه بجوزك حاولي تنظمي وقتك علي حسب وقت جوزك شوفي جوزك بيصحي امتي اصحي معاه اعملي فطار رايق كدا وروحي صحيه وافطرو سوا مع كلمتين حلوين
نهال بلوية بوز : ايه المحن دا بالله بفضل جعانه علشان مكسله اقوم اعمل اكل وانتي تقوليلي اصحي بدري جهزي فطار مع كلمتين حلوين
نجوي خبطتها في ايدها : ما هو المحن دا مبيحبوش قده وبعدين هو انتي بتعملي لحد غريب دا جوزك ما موكوسه حسسيه انه ملك في بيته كل شويه غيري لبسك متلبسيش حاجه واحده في اليوم جننيه العبي معاه اشوقك ولا ادوقك خليه ديما يفكر فيكي
نهال بتفكير : نجوي افرض طلعت حامل هعمل ايه الكليه
نجوي : عادي انتي كليتك ٣ ايام في الاسبوع روحيهم وعندك ٤ ايام ترتاحي فيهم وكدا كدا جوزك مسافر يعني هتبقي براحتك
نهال : ماما انا مش مقتنعه لحد دلوقتي ان ادهم هيسيبني ويسافر قوليلي هتعامل ازاي مع اهله لوحدي " وقالت بصوت واطي " وبالاخص امه
نجوي قرصتها بحيث تسكت وقالت بهمس : انا هقوم اعملكم كوبايتين شاي وانتي روحي صالحي جوزك قووومي اخلصي
" نهال فعلا قامت راحت علي البلكونه كان ادهم طلع سجاره وبيدخن فيها نهال فضلت تبصله كتير "
ادهم بصلها برفع حاجب : هتفضلي بصالي كتير ؟
نهال وقفت جنبه بستغراب : من امتي وانت بتدخن تقريبا دي اول مره اشوفك بتدخن فيها
ادهم دخن اخر نفس في السجاره : عادي كل فتره بشرب بعض واحده كدا .... حلوه البلكونه عندكم
نهال ببتسامه : في الصيف اجمل كمان كنت اقوم من النوم افتحها تدخل شمس الاوضه تحس بنشاط حتي لو انت كسلان
ادهم بصلها شويه بعدين اتنهد بقوه : نهال انتي عارفه ان كل راعي هيتسأل علي الراعيه بتاعته يوم القيامه بمعني الأم هتتسأل علي اولادها لو واحد مربي شوية فراخ هيتسأل عليهم علشان كدا لازم نراعي ربنا في الحاجه اللي احنا مسؤلين بيها
نهال بعدم فهم : مش فاهمه تقصد ايه بكلامك دا يا ادهم ؟
ادهم : لو ربنا كرمك بحمل راعي ربنا فيه واعملي كل اللي تقدري عليه علشان يجي الدنيا علشان هتتسألي عليه يا نهال
نهال بصدمه : انت متخيل ان لو انا حامل ممكن اعمل حاجه تخليني اجهض ؟ ... بجد مش مصدقه انت لدرجادي مش واثق فيا
ادهم برفض : الحكايه مش حكاية ثقه رفضك لموضوع الحمل مخليني مقلق
نهال هزت راسها بعدم تصديق : لالاء انت مش واثق فيا في ابسط امر امال لما تسيبني وتسافر هتعمل ايه وانا هبقا مسؤله عن بيتك وعن فلوسك وعن شرفك مفكرني هحاول اسقط نفسي واقتل روح وهي جزء مني
ادهم : مين اللي وصلني لكدا هاااا مين مش انتي ؟ كل ما نجيب سيرة الحمل تتكهربي لدرجة انك بتحاولي علي قد ما تقدري مقربش منك حتي لو بتعملي دا من غير ما تحسسيني انا حاسس وفاهم وبعدي بمزاجي لكن في جزء من الثقه فيكي مهزوز وبسببك انتي
نهال دموعها نزلت من كلامه فضلت بصاله كتير بعدين مسحت دموعها : وليه تعيش مع واحده مش واثق فيها دا انا طلعت وحشه في نظرك اوي
ادهم بسخريه : يلا طلعي نفسك الضحيه وطلعيني ابن ستين كلب قاسي وجاحد وغلطانلك
نهال : ولا غلطانلي ولا غلطنالك يا ادهم ولا انا اول ولا اخر واحده في الدنيا غيري كتير يتمنوك يعم مش واثق فيا يبقا كل واحد يروح لجنب اللي يريحه
ادهم : في واحده تقول لجوزها في غيري كتير يتمنوك اييه بتطلبي الطلاق بس بطريقه شيك ؟
نهال بزعيق : انت عايز اييييه ليه كل ما بحاول اقرب منك تعمل حاجه ترجعني لنقطة الصفر من تاني انا فعلا بكامل عقلي بقولك انا مبحبكش ولا بحب لمستك ولا نظرتك ليا ولا بحب بلدكم حقيقي انت الغلطه الوحيده اللي في حياتي يا ادهم
" ادهم من شدة صدمته فيها من كلامها مبقاش عارف ينطق فضل باصص ليها وحس ان دموعه عايزه تنزل ، هو محتاج حد يحتويه خد يحسسه انه اهم شهص في حياته ومحتاج كل دا من مراته ، لكن هو عملها ايه وحش يخليها تقوله كدا "
ادهم بهدوء : وانا من الدقيقه دي بقولك يا نهال بو روحي فيكي مش عايزك خليكي بقا في بيت اهلك اللي بتحبيه وعيشي الحياه اللي تعجبك " وقام سايها وفتح باب شقتهم وقفه صوت نجوي "
نجوي : رايح فين يا ادهم تعالي اشرب الشاي الاول يحبيبي بعدين انزل براحتك
ادهم ابتسملها : بالف هنا علي قلبك يا ست الكل همشي انا وبإذن الله مره تانيه هشرب الشاي من ايدك " ونزل علي تحت ركب عربيته ومشي بيها "
" نجوي استغربت هو مشي وساب نهال ليه ولا ايه اللي حصل دخلت علي بنتها البلكونه كانت قاعده علي الكرسي باصه لشارع وبس "
نهال من غير ما تبص لأمها : لو هتقولي كلمه تتعب فيا اسكتي علشان والله العظيم انا مكتفيه
نجوي حطت الشاي قدامها : اتخانقتي انتي وجوزك ؟
نهال بدموع : دا حيوان معندوش احساس بيقولي انتي تعرفي ان كل راعي هيتسأل علي راعيته يوم القيامه
نجوي بستغراب : طيب الراجل قال ايه غلط ؟
نهال بضيق ودموعها نازله : هو ميقصدش يعرفني كَ معلومه هو مفكر ان ممكن احاول اسقط نفسي متخيله تفكيره واصل لفين بقولي بتحاولي تتهربي مني علشان مقربش منك وانا والله العظيم ما في مره جيه يقرب مني رفضته ولو في عز تعبي دا يرضيكي
نجوي سكتت معرفتش تقول ايه بعدين قالت :اللي بينك انتي وجوزك انتي اللي تعرفيه لوحدك انا مليش غير ان انصحك واقولك جوزك ابن ناس وشاريكي بلاش تضيعيه من ايدك الواحده تستحمل الهم مع جوزها ولا يتقال عليها انها مطلقه واحنا في عيله مبتغلطش الراجل يا نهال وانتي عارفه
نهال بعياط : يعني ايه استحملي هم جوزك ولا يوم ياقالك مطلقه افرض جوزي مدمن ولا مبيفهمش ولا بيمد ايده عليا استحمله لحد ما اموت !
نجوي : انتي عماله تفرضي ليه جوزك ولا مدمن ولا بيمد ايده عليكي ليه بقا تفضلي تبني اوهام في دماغك
نهال بضيق وهي بتمسح دموعها : لاء مد ايده عليا مين قالك انه ممدش شدني من شعري لحد ما البنسه اتغرزت في راسي عورتني حتي بصي " وقلعت الطرحه وفكت شعرها توريها التعويره " التعويره في راسي اهي شيفاها
نجوي بصت في راس نهال شافت الخبطه قالت بتكشيره : ليه كدا ليه يعورك بشكل دا ؟
نهال عدلت شعرها وبصتلها : ابقي اسأليه بقا ايه اللي خلاك تضرب مراتك لدرجة انك تعور راسها كدا
نجوي زعلت جدا من ادهم انه ضرب بنتها : ادخلي خدي اي قميص من عندي وغيري هدومك لما نشوف ايه حوار الضرب دا كمان
نهال بصت لشارع : لاء مش داخله عايزه اقعد لوحدي هنا شويه وعايزه اشرب سحلب بالمكسرات " وخطت ايدها بصدمه وعيطت اووي " علبة البسبوسه بتاعتي اخدها ومشييييي
نجوي بصدمه : في اييه يا بت بتعيطي علي علبة بسبوسه ؟
نهال مسحت دموعها وقالت بشهقات : معرفش بس انا تعبانه نفسيا انا مش حابه هناك يا ماما مبحبش الشقه ولا بحب البيت تحت ولا بحب الناس ولا البلد كلها انا عايزه ارجع اوضتي تاني علشان خاطري مش عايزه ارجع هناك تاني
نجوي حضنت بنتها بقوه وقالت : بس اهدي اهدي انا معاكي اهو وانتي في شقتنا واوضتك وكل حاجه موجوده بس عيب اللي انتي بتقوليه دا عيب يا نهال
نهال : محدش حاسس بيا انا منتميش لهناك والله بلد قديمه مفيش هناك سوبر ماركت مفيش مكان تتمشي فيه مفيش قهوه حتي تشمي فيها هوا الهوا كل اللي هناك اراضي وبقر وفرن قش وحياه انا عمري ما تخيلت ان اعيشها
نجوي وهي بتحسس علي شعر نهال : مش هتتعودي علي هناك في يوم وليله هتفضلي شويه لحد ما تتأقلمي وتحبي هناك وبكرا اقولك تعاليلي شويه ينهال تقوليلي لاء مبرتحش غير في بيتي
نهال بعدت عن امها وهي بتهز راسها : مستحيل الحياه هناك وحشه وصعبه دا كفايه الريحه اللي بتهف عليكي من الزريبه وانتي نايمه كفيله تصحيكي ترجعي علي اللي في بطنك مستحيل ارجع هناك حتي لو هموت " وقامت دخلت علي اوضتها اللي وحشتها جدا رميت جسمها علي السرير وهي مش مصدقه انها علي سريرها اللي وحشها جدا ، غصب عنها دخلت في غيبوبه من النوم وهي مش حاسه اصلا "
.............................................
" ادهم قاعد في عربيته في مكان قريب من بيت نهال مضايق جدا منها لكن برضو مغلط نفسه ، هو بيحبها واتعود علي وجودها في حياته مش متخيل يروح البيت ميلاقيهاش موجوده ، تلقائي شغل عربيته وراح علي بيتها "
" ادهم نزل من عربيته طلع علي بيتهم علطول ورن الجرس "
نجوي قامت فتحت وقالت بترحاب : تعالي يا ادهم ادخل
ادهم ببتسامه : عارف ان داخل طالع كتير بس اعذريني انا عشمي فيكي زي ولدتي والله
نجوي بزعل : والله عيب الكلام اللي انت بتقوله دا يا ادهم البيت بيتك يا حبيبي ادخل تعالي من البرد
ادهم دخل وقفل الباب : نهال فين ؟
نجوي بتنهيده : موتت نفسها من العياط في البلكونه بعدين دخلت اوضتها روحت ابص عليها لقيتها غرقانه في النوم " ادهم لسه هيدخلها اوضتها وقفه صوت نجوي " براحه عليها يا ادهم نهال احن خلق الله هي عنيده شويه بس قلبها طيب والله
ادهم ببتسامه : الطيبات لطيبين يا ام نهال وانا طيب وقلبي صافي وكنت عارف ان ربنا هيوقعني في وحده بنت حلال وطيبه زيي لكن العِند اللي فيها دا مش عارف اعمل معاها ايه
نجوي ببتسامه : ربنا يهدي سركم يابني ويهديها ليك ادخلها هي في الاوضه جوا
" ادهم دخل اوضتها وهو مبتسم ولكن جواه زعلان انه زعلها ، كانت نهال نايمه بلبس الخروج ونايمه بعمق وراحه علي سريرها ، قرب من السرير وحط ايده علي خدها فقامت مفزوعه "
نهال بنوم : ايه الهزار البايخ دا يا ادهم حد يصحي حد كدا " ورجعت شعرها لورا وقالت بإدراك " انت جااااي تعمل ايه هااا لسه في كلام مقولتوش جاي تقوله وتمشي هااا ردد ساكت ليه
ادهم حط ايده علي بوقها جامد وقال بغيظ : اكتمي طيببب واديني فرصه علشان ارد " وبص في عينها " انا جيت علشان مش متخيل حياتب من غيرك حقيقي لو دخلت البيت ومكنتيش فيه مش هعرف اقعد دقيقه ولما تخيلت ان هبقي لوحدي لما اروح لقيتني غصب عني جاي عندك هنا
نهال شالت ايده من علي بوقها : اااه يعني انت جاي علشان انا ونس بنسبالك مش جاي علشان تصالحني مثلا
ادهم بحب : اطلبي عيوني مش هتغلي عليكي هشيلها واديهالك ينهال انتي مش بس ونس انتي ونسي وونس البيت وحبيبتي اللي بحبها من كل قلبي مش بقولك الكلام دا علشان اصالحك بس انا فعلا بحبك
نهال جواها اتأثر بكلامه وحست انها بدأت تميل ليه فقالت بعتاب : هتقوم تقولي ان جواك جزء فاقد الثقه فيا يا ادهم ازاي بتحبني وانت مش واثق فيا ؟
ادهم رجع شعرها لورا بحنان : انا مكنتش اقصد ان فاقد الثقه فيكي بالعكس انتي الوحيده اللي في الدنيا بثق فيها انتي مرايتي بكون قدام مش مكسوف لكن ممكن يكون خاني التعبير في كلامي يا نهال لكن عمري ما افقد ثقتي فيكي دا انا ثقتي تكبر اكتر لما الاقي جواكي حته مني ومنك
نهال بعتاب : وانت تفتكر لو انا حامل ممكن افرط في اللي في بطني يا ادهم ؟
ادهم مسح دموعها وقال بحب : مستحيل افكر فيكي كدا بس انا فعلا خاني تعبيري حقك علي قلبي يا نور عيني " وباس راسها بكل حب " بتحبيني يا نهال جاوبي عليا لو اه هتبقي سلطانة قلبي لو لاء هيبقا اختيارك وهسيلك تعيشي الحياه اللي تريحك
نهال حضنته وعيطت اكتر : بحبك وبموت فيك ومقدرش اعيش من غيرك
ادهم حضنها وفضل يطبطب عليها بحب : قومي يلا نروح بيتنا نتعاتب في اوضتنا علي سريرنا براحتنا قومي " وقرصها من وسطها "
نهال مسك ياقة قميصه بدلع : لاء مش عايزه اروح عايزه ابات هنا عند ماما بس مش لوحدي انا وانت " وشديته عليها من ياقته "
ادهم برفع حاجب : انا وانتي ونبات هنا في جمله واحده ؟
نهال هزت راسها : ايوا هنبات هنا ونمشي بكرا " وقالت برجاء " بالله عليك مترفضش علشان خاطري
ادهم بإحراج : يابنتي بطلي هزار نبات هنا ازاي ومامتك قومي يا نهال الله يرضي عنك خلينا نروح يلاا
نهال برفض : ابدا والله هنقضي اليوم هنا وبكرا نروح ودا قرار مفيش فيه نقاش يلاا هجيبلك حاجه تنفعك من عند ماما
ادهم بدهشه : حاجه تنفعك من عند ماما انتي عبيطه يابت انتي " ومسك ايدها " تعالي هنا حاجة ايه اللي هتجبيها انا لو فضلت هفضل بلبسي كدا
نهال ابتسمت : في الحالتين انت قمر " وقالت بتردد ممزوج بتوتر " ايه رأيك تنزل تشتوي اختبار حمل ونشوف
ادهم جواه ابتسم اوي وفرحته دي بانت علي وشه : اللي يريحك هنزل حالا اجيبه واجي
نهال بلهفه : وهات البسبوسه معاك اوعا تنساها وهات كمان اي حاجه بطعم بالخل والملح المهم هات حاجه حامضه و هات كمان " وقالت بتفكير " بص استني البس الطرحه وانزل معاك
ادهم برفع حاجب : هتنزلي معايا ليه قوليلي اللي انتي عيزاه وانا هجيبه السوبر ماركت في وش القهوه عندكم هنا مش حابب انا حد يشوفك
نهال بغمزه : بتغير عليت يا دوووومي ؟
ادهم : ايه يابت التناحه دي مااالك كدا النهارده اسمتي انا جيباك علي ذوقي واجي " ونزل علي تحت "
........................................
" نوال فاقت من النوم وهي متعرفش نامت بالعمق دا ازاي بصت جنبها ملقتش غزل قامت بخضه وطلعت علي برا "
نوال بصوت عالي : غزل غزل فين.. " كان امجد قاعد وغزل علي رجله بيتفرجو علي الفون " بتعملو ايه ؟
" امجد بص عليها كانت لابسه بجامه نوعا ما مجسمه جسمها وشعرها مقصوص ومش متظبط لكن محليها وشيك جدا عليها "
غزل بصتلها : انا وعمو امجد بنتفرج علي فونه هو جيه من شوية وانت فتحت الباب ليه وانتي كنتي نايمه
نوال بإحراج : نمت من الارهاق محستش بنفسي نهائي
امجد بص للأرض وقال : ولا يهمك المهم تكوني ارتاحي ولو شويه في اكل جوا في المطبخ كُلي واشبعي
" نوال هرشت في شعرها وهنا ادركت انها بالبجامه وشعرها اتمنت الارض تنشق وتبلعها بمعني الكلمه ودخلت علي الاوضه في لمح البصر "
نوال بهمس : غبيه غبيه الراجل عمال يبص في الارض والسقف علشان تفهمي وانتي بقره واقفه مش فاهمه حاجه " ولبست اسدال وطلعت علي برا " احم امجد بكرا بإذن الله بكرا في المدرسه ..
امجد بمقاطعه : بصي خلاص انسي انك هتروحي المدرسه تاني انتي وغزل مسؤلين مني من دلوقتي
نوال برفض : لاء طبعا يا امجد انا هاجي المدرسه وهشتغل وقصاد شغلي هتدينب مرتب والمرتب هتاخد منه ايجار الشقه دي يا كدا يا همشي وحياة بنتي
امجد اتنرفز انها حلفت بحياة غزل : بعد كدا لو حصل بينا نقاش وحلفتي بحياة غزل والله لزعلك مني تمام
نوال ابتسمت وقالت : تمام بعدين انا بحب الحضانه والاطفال بكون مستمتعه وانا معاهم
امجد فضل باصص علي ملامح وشها الهاديه وركز علي النمش الخفيف اللي في وشها قال بكل تلقائيه : انا ليه مقابلتكيش من البدايه ليه تقابليه هو ؟
نوال ببتسامه : يجوز لو كنت قابلتك قبله مرتحش معاك لكن لكل شيئ اوان
امجد ببتسامه : بيقولك الطيور علي اشكالها تقع بقااا
نوال : الطيور علي اشكالها تقع وانا مكنتش شكله
امجد : هتبقي شكلي ومحور حياتي هطلع منك برنسيسه بس الصبر المهم دلوقتي ادخلي كُلي وانا لازم امشي دلوقتي والصبح هعدي عليكم اتفقنا يا غزول " وباس خد غزل "
غزل ببتسامه : اتفقنا هشوفك في الحضانه زي كل يوم
" امجد مشي من عندهم ونوال فضلت قاعده شويه تفكر في اللي جاي لحد ما زهقت قامت راحت علي المطبخ والجرس رن وقتها نوال اترعبت مين اللي ممكن يجي دلوقتي "
نوال حطت ايدها علي قلبها وفتحت الباب :
"" انتظرو القادم ""
اللهم اني وكلتك امري كله 💗
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا