رواية طفلة في عصمة صعيدي الفصل الثالث عشر 13 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الثالث  عشر 13 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الثالث  عشر 13 بقلم رحمه حوالــــه (حصريه وجديده في مدونة قصر الروايات)

قبل ما نبدأ ياريت تبعتوا لينك الصفحه لاصحابكم وتتفاعلوا علي البارت، البارت اللي فات الكومنتات قليلة 

......... 

كان واقف حمزة ومعاه بتول قدام فريده وهو بيبصلها بغضب

حمزة: انتِ كيف تعملي اكده يا فريده، مفكراني مش هعرف اي حاچه 

فريده بصتله بارتباك وتوتر، ومقدرتش تنطق باي حاجه 

فريده: اني والله كنت هجولك بس خفت منيك، اني كنت هعرفك كل حاچه، بس خفت تكرهني وتطردني من الييت

حمزة: كيف تنزلي تروحي تجابلي احمد، كنتوا بتتكلموا في ايه، انتِ متعرفيش انه خطف يوسف 

فريده بصتله باستغراب بعد ما كانت مفكراه عرف عن خطفها ليوسف وفرحت بينها وبين نفسها وارتاحت ان حمزة ميعرفش حاجه

فريدة بتوتر.. اني كنت رايحه علشان اعرف منيه من اللي ساعده وخطف ولدك،اصل اني لجيته مش موافج يجول فجولت اني لما اروحله واتكلم وياه بهدوء هيوافج يجولي بس للاسف مجالبش حاچة. 

حمزة برافعة حاجب.. احمد ديه خطر يا فريده متفكريش مرة تانيه تكلميه او تشوفيه انتِ فاهمة؟! حتي لو علشان يوسف دي مشاكلي اني متدخليش فيها؟! 

فريده هزت راسها بتفهم واتنهدت بضيق من زعيق حمزة ليها

فريدة.. بس انتوا عرفتوا كيف اني كنت عند احمد 

بتول... هو اتصل عليا وجالي، جالي بالحرف فريده بتلعب من وراكوا وخلوا بالكوا منيها 

فريده بصتلها بصدمه اضايقت من احمد ومقالتش حاجه وسابتهم ودخلت اوضتها،مسكت موبايلها واتصلت عليه 

فريده بغضب... ليه مجولتلهومش بالمرة ان اني اللي ساعدتك علي فكرة انت بجالك كام يوم غريب وكل يوم بتلمحلهم علي اني ساعدتك

احمد... اني بلعب شوية يا فريدة وياهم ووياكي،رايد اعرف لو هيجدروا يعرفوا بسهولة ان اللي عامله فيها بريئه هي اللي خطفت ابنهم

فريده.... يعني ايه يا احمد؟! انت تجصد ايه؟!! لو كنت بتحبني كنت خفت انهم يعرفوا 

احمد ضحك باستهزاء ومقلش حاجة فكملت فريده بغضب 

فريدة.... يعني انت بتضحك عليَّ، انت مبتحبنيش يا احمد، ورايدهم يعرفوا ان اني اللي خطفت يوسف؟!! 

احمد: ايه الشطاره ديه، اخيرا يا فريده فهمتي، ده اني كنت كل يوم بجول امتي الغبية ديه تحس لكن طول عمرك غبية ومش فاهمه حاچه

فريده نزل الموبايل من علي وشها بصدمه وحاولت تستوعب اللي قاله

فريده....يعني ايه؟!!انت عامل فيا مجلب مش اكده اوعي تجولي انك كنت بتضحك عليَّ

ضحك احمد باستهزاء وقال.. لسه مش مصدجة اني كنت بتسلي بيكي، انتِ يا فريده من ضمن بنات كتير كنت بكلمها يا روحي،كل حاجه جولتهالك كانت كذبة،حتي اللي اني جولته علي بتول كانت كذب وعلي فكرة اللعبة جربت تنتهي لو اتجبض عليَّ، هنطج اسمك وهجولهم علي كل حاچه، اني اصلا وافجت اخطف يوسف وياكي علشان العب واتسلي شويه

فريده قفلت السكه في وشه بصدمة وبدإت عيونها تتملي بالدموع،مكنتش مصدقة ان احمد يكون بيتسلي بيها، وعرفت دلوقتي ان بتول كانت صح لما قالتلها تبعد عن احمد. 

   .............                               

كانت قاعده جمب حمزة اللي نايم، بصتله بهيام وفضلت سرحانه في ملامحه 

_اني مش مصدجة اني حبيتك بالسرعه ديه، بس انت يا حمزة تتحب، امتي بجي نخلص من كل المشاكل ديه ونعيش من غير مشاكل

بتول قالت كده وطبعت بوسه علي خده وراحت لاوضة يوسف اللي كان بيلعب، قربت منه وضمته لحضنها بحنان

بتول: ايه رأيك يا حبيبي نفاجئ ابوك ونعمله حاچه بيحبها، انت عارف انه مضايج جوي الفترة ديه

يوسف هز راسه بموافقه وابتسم، مسك ايد بتول ودخلوا المطبخ 

قعد قدام بتول اللي ابتدت تعمل حلويات اللي حمزه بيحبها

فريده كانت قاعده في الريسيبشن بتعيط،بصت علي المطبخ وابتسمت لما لقيت بتول ويوسف بيتكلموا وبيضحكوا مع بعض، دموعها نزلت اكتر واتمنت لو كانت تعيش طفولتها زي ما يوسف عايشها دلوقتي 

«طفلة في عصمت صعيدي حصرية علي صفحة رحمه حواله» 

Flash back

فريده كانت واقفه قدام اوضة فاتن ومحمد وهي عندها ٨ سنين 

فاتن كانت واقفه قدام جوزها بتزعق وملامحها كلها غضب، محمد قرب منها وضربها قلم علي وشها 

_انت كيف تضربني والله لو استچرأت تضربني مرة تانيه والله لأندمك العمر كله انت فاهم؟!! 

محمد ضحك باستهزاء وضربها تاني فيها

محمد.. اني زهجت من العيشه وياكي، لو فريده مكنتش موجوده كنت طلجتك علي طول 

 فضلوا يتخانقوا قدام عيون بنتهم ومكنوش اخدين بالهم ان فريده شيفاهم 

back

فريده فاقت من شرودها بعد ما افتكرت حياتها مع اهلها وخناقهم المستمره مع بعض قدامها، وده اللي ملاها بالكره من نحيتهم مسحت دموعها ومشت للمطبخ، قربت من بتول وقالت بابتسامة

_ اني ممكن ابجي اهنيه وياكوا ، واعمل حلويات وياكوا لو حابه يعني ومكنش عنديكي مانع

بتول ابتسمت بحنيه وهزت راسها بموافقه

_ وديه سؤال يا فريده؟! اكيد يا فريدة تعالي اعملي ويانا، ديه حتي الحلويات مش هتطلع حلوة غير من يدك 

فرحت فريده وابتدوا يعملوا الحلويات وهما بيتكلموا مع بعض 

فريده: انتِ طيبه جوي يا بتول، كيف مكنتش شايفه ديه فكرتك طول الوجت بتضحكي عليَّ، بس طلع انا اللي مضحوك عليا وانتِ طيبه جوي 

ضمتها بتول لحضنها وابتسمت: وانتِ طيبه بردو يا حبيبتي بس المشكلة انك بتصدجي الناس بسرعه ولما بتحبي مبتشوفيش ابدا ان الشخص ديه ببضحك عليكِ 

فريده: عنديكي حج، ممكن اطلب منيكي طلب، ممكن تنسي اللي فات واللي اني عملته وجولتهولك ونبجي كيف الاصحاب

بتول ابتسمت وهزت راسها بموافقه وضمت فريده لحضنها

وبعد فترة بتول كانت في اوضتها،لابسه فستان جميل، وفارده شعرها علي ضهرها، قربت من حمزة وحاولت تصحيه 

_ جوم يا حمزة، كل ديه نوم، بجالي ساعه بصحيك اني محضرالك مفاجأة هتعجبك جوي

حمزة فتح عيونه وصحي وابتسم لما شاف بتول قدامه، قام قعد وبص علي الاوضه اللي كانت مليانه ورد وشموع وعلي الطربيزة كان عليها تورته

حمزة بصلها وابتسم وسرح في شكلها بالفستان وفي الاوضة اللي متزينة

_ايه ديه يا بتول هو اني صحيت في غرفة غلط ولا ايه 

بتول قربت منه وضحكت

_لاه يا حبيبي ديه غرفتنا ايه رأيك بالمفاچأة ديه، اني جولت ان انت مضايج الفترة ديه وعملنا حلويات اني ويوسف وفريده علشانك

حمزة: انتِ جولتيلي دلوك يا حبيبي ولا اني سمعت غلط 

بتول هزت راسها بالايجاب وابتسمتله بخجل

_طب جوليها مرة تانيه،جوليها مرة واتنين وتلاتة وعشرة، اني اول مرة اسمعها منيكي 

بتول بصتله برافعة حاجب: اول مرة تسمعها منيا؟! بدل ما تجولي اول مرة تسمعها في حياتك؟! سمعتها فين جبل اكده؟!! اكيد السكرتيرات اللي عنديك في الشركه بينادوك بيها مش اكده؟!!! 

حمزة ضحك علي كلامها وحط ايده علي وشه: استغفر الله العظيم، بدأنا النكد، ايه الهرومانات ديه يا بتول، ما انتِ كنتِ مبسوطه دلوك وبتضحكي

بتول ضحكت وضربته علي كتفه بخفة:تبجي ركز المرة الچاية علي اللي بتجوله، انت اه كنت متچوز جبل اكده بس الكامة ديه منيا حاجه تانيه

حمزة ابتسم وضمها لحضنه بحنان

_ربنا يخليكي ليا يا بتول ويا رب حياتنا تتملي كلها سعاده،كان احلي يوم، اليوم اللي فكرنا فيه نتچوز

_واني مبسوطه جوي وياك يا حمزة 

قربت بتول من التورتة وبدأوا يقطعوها سوا، وياكلوها وهما مبسوطين

........                                         

وبعد فترة حمزة كان لسه هينام، لكن قالتله بتول 

_ ممكن اروح لفريدة انام چارها النهارده، لانها مضايجه جوي وكل شوية المحها بتعيط بس مش راضية تجول مالها 

حمزة هز راسه بموافقه وابتسم 

حمزة: مع اني كنت رايدك چاري بس ماشي روحي النهارده شوفيها مضايجة ليه 

بتول هزت راسها ودخلت اوضة فريده اللي ابتسمت اول لما شافتها 

_ اني جولت انام چارك النهارده، لاني شايفه انك مضايجة وجوي، جوليلي يا فريده لو في اي حاچه مضايجاكي 

اتنهد فريده بحزن واتملت عيونها بالدموع: احمد يا بتول طلع بيتسلي بيا وبيضحك عليَّ

بتول بصتلها بحزن وضمتها لحضنها وطبطبت عليها 

_ متبكيش عليه ديه ميستهلش تبكي عليه، اني كنت عارفة من لاول انه بيتسلي وحاولت احذرك

فريده: بالله عليكِ يا بتول مجوليليش الكلام ديه هتفضلي تجوليلي اني حذرتك واني جولتلك من لاول ابعظي عنه 

بتول: لاه يا فريده مش هجول اكده، وانتِ مضايجيش نفسك بسبب واحد كييف ديه

بتول طبطبت عليها وبعد شوية نامت وسابت فريده قاعده تفكر بحزن، وفقامت فريده وطلعت من الاوضة وراحت تشرب في الوقت اللي نط واحد من من الشباك وكان مخبي وشه، دخل اوضة فريده وقرب من بتول وحاول يشيلها لكنه سمع صراخ من وراه

فريده: انت مين وبتعمل ايه اهنيه، سيب بتول وابعد عنيها 

شال الراجل القناع اللي علي وشه وابتسم بخبث لفريده 

_ اني كنت مفكرها انتِ يا فريده يا حبيبة جلبي، بس حلو لاني هجدر استغل وجودها اهنيه

فريده رجعت خطوه لورا بصدمه لما لقيته سيف 

_ سيف! انت يا سيف ابعد عننا بدل ما والله هجول لحنزة وهصحيه

سيف ضحك باستهزاء، في الوقت اللي صحت فيه بتول واتفاجإت بسيف، سيف قرب من بتول وحط اداة علي رقبتها

_ دلوج حالا تيچي ويايا يا فريده وهنتچوز بكره لإلا هجتلها حالا جدام عنيكي

بتول بصتله برعب وحاولت تصوت لكن سيف حط ايديها علي بؤها ومنعها

سيق: هجولك للمرة الاخيرة، هتيچي ويايا ونتچوز ولا عايزاها مجتولة جدامك يا فريد؟!!! 

فريده بصتله برعب وهزت راسها بالموافقه

فريده: اني هاچي وياك بس متعملش اي حاچه لبتول، متإذيهاش وهعمل كل اللي انت رايده

سيف ابتسم بخبث وقرب منها ومسك ايديها وساب بتول 

فريده شاورت لبتول بعنيها والاتنين زقوا سيف ووقعوه علي الارض وفضلوا يضربوا فيه وفضلت بتول تنادي علي حمزة 

حمزة جري للاوضة بعد ما صحي علي صوتهم في الوقت اللي كان فيه محمد وفاتن لسه نايمين 

حمزة اتفاجئ من وجود سيف وبتول فهمته اللي حصل، قرب منه ومسكه من قميصه بغضب 

_ بتتهچم علي بيتي وبتحاول تجتل مرتي؟!! انت اتچننت 

سيف: اني رايد اتچوز فريده،دلوك اني هاخدها ويايا وهتچوزها

حمزة: انت اتچننت، دلوك تطلع من بيتي بدل ما اطلبلك الحكومه تيچي تاخدك وهوديك في ستين داهية بعد اللي انت عملته ديه 

سيف: اني اللي هودي فريده في داهيه، انت لسه متعرفش ولا ايه ان فريده اللي خطفت ولدك يوسف 

فريده وقفت تبصلهم بخوف وعيونها اتملت بالدموع اما حمزة وبتول بصوا لسيف بصدمه وعدم تصديق 

سيف باستفزاز.. فريده عنديك اهي اسألها لو مش مصدجني، فريده هي اللي خطفت ولدك بمساعدة احمد 

سيف قال كلامه وهو بيضحك باستفزاز وخد بعضه ومشي، اما حمزة سابوا يمشي من صدمته في فريده 

بتول قربت منها وبصتلها بصدمه

_ انتِ يا فريده؟!! ده اني شكيت في كل الناس الا انتِ ولا فكرت لحظه انك تكوني عملتي اكده 

فريده عيطت بندم وحطيت وشها في الارض ومقدرتش تتكمل 

فكمل حمزة بغضب وحزن: ليه!! ليه تعملي اكده، كيف جدرتي تعملي فينا اكده؟ كيف خطفتي ولدي!  

فريده بصتلهم بندم 

فريدة: اني ندمت والله اني عملت اكده علشان خاطري سامحوني والله اني مأذتهوش اني بعترف اني حاولت ابعدكوا عن بعض بس والله ندمت

فاتكلمت بتول بغضب:  نسامحك!! متعرفيش جد ايه قلبنا كان بيتحرق عليه كل دقيقة  

حمزة وبتول قالوا كلامهم وسابوها ورجعوا اوضهم، فريده قعدت علي الارض تعيط بندم 

بعد مرور اسبوع 

____________

كانوا الكل مجتمعين علي السفرة يفطروا، فريده نزلت وقاعدة جمب بتول، بصتلها بتول بضيق ورجعت تاكل 

وبعد شوية سمعوا خبط علي باب الفيلا ودخل عصام اللي ابتسم لما شاف اخته، بتول جرت عليه وضمته وابتسمتله

عصام: اتأخرت جوي يا حمزة علي الشغل فجولت اما اچيلك ونروح الشركه ويا بعض

حمزة وهو بيشاورله علي الاكل: طب اجعد يا عصام كل ويانا وشوية وهنروح الشركه 

عصام هز راسه بالموافقه وقعد في الكرسي الوحيد اللي فاضي جمب فريده، وايده لمست ايديها بالغلط، فريده بعدت ايدها عنه وابتسمتله بخجل لما اتأسف 

بدأ يفطر لكن كانت عنيه بتروح لفريده كل شوية 

عصام لنفسه: اهدي يا عصام، البت جميلة جوي بس مينفعش اكده،

حمزة اخد باله من نظرات عصان وضحك بينه وبين نفسه،وهمس لبتول 

_ اخوكي شكله وجع يا بتول، ديه بجي حب من اول نظرة ولا ايه، مع اني مضايج جوي منيها بس فريده ندمت ورايدانا نسامحها

بتول: عنديك حج، فريدة ندمت والحجيجة اني متعصبة كتير منيها بس هحاول اسامحها 

خلصوا فطار وشالت فريدة الاطباق توديها للمطبخ

عصام: متتعبيش نفسيكي يا بتول اني هساعد فريده وهحط الاطباق وياها 

بتول هزت راسها بموافقه وهي بتضحك واستغل عصام الفرصه ودخل لفريدة المطبخ 

عصام بهدوء وهو بيحط الأطباق على الرخامة: تحبي أساعدك في حاچه،اغسل وياكي لو حابة، اسمك فريده مش اكده؟ 

فريدة وهي بتنشف إيدها وتبصله بخجل: لا شكرًا، مش محتاجة مساعدة، خلصت خلاص واه اسمي فريده، انت چبت المطبخ علشان حاچه؟! 

عصام: لاه مش علشان حاچه بس ممكن تجولي اكده علشان الچو اهنيه مختلف ومريح

فريده بصتله باستغراب فكمل عصام وهو بيبص في عينيها بثبات: مريح بطريقة مش سهلة ولا جادر أوصفهالك يا فريده 

فريدة حطت وشها في الارض بخجل وحاولت تغير الموضوع طيب تحب تشرب شاي جبل ما تروح للشغل اني كنت هعمل لنفسي اعملك ويايا؟ 

عصام: لو مش هتعبك، يبقى أشرب وياكي، هو اني هجدر اجولك للشاب من يدك لاه

- فريدة ابتسمتله بخجل وبدأت تحضر الشاي وعصام قاعد يتابعها بنظراته، وكل شوية يحاول يخفي ابتسامته، لكن واضح عليه الإعجاب.  

- فريدة تبصله بخجل وهو يبصلها باعجاب، وفي اللحظة دي، بتول تدخل المطبخ فجأة.  

بتول ضحكت وهي بتغمز لعصام: الشاي خلص ولا أنتوا لسه مشغولين بالكلام! 

ضحكت فريده بخجل وبصت لعصام بارتباك وبتول بصت لفريدة بابتسامة وخرجت وسابتهم لوحدهم. 

....... 

وبعد شوية كان قاعد عصام في الشركه بيفكؤ بينه وبين نفسه 

_جد ايه فريده جميلة جوي، هو ده بجي اعجاب من اول نظرة 

قطع تفكيره دخول حمزة اللي قرب منه وهو بيضحك 

_وجعت ولا ايه يا عضام، شكلك واقع من الدور العاشر 

عصام ابتسم وهو بيتنهد.. مش عارف ايه اللي حصولي، حسيت بحاجه عمري ما حسيت بيها جبل اكده 

حمزة ضحك وحط ايده علي ضهره.. ما ده اللي اني حسيت بيه مع بتول، حاجه عمري ما حسيت بيها كإني كنت تايه وجاعد في الضلمه وهي اللي ارشدتني للمكان الصوح ونورتلي حياتي 

عصام.. هو اني يعني مثلا لو اتجدمت لفريده هتجبلوا؟! 

حمزة وهو بيضحك... اكيد طبعا هو ده سؤال يا عصام، هو احنا هنلاجي احسن منيك

عصام ابتسم وهو بيتخيل فرحه من فريده. 

.......... 

بعد مرور تلات شهور، عصام بدأ يحب فريده وفريده بدإت تبادله نفس الشعور بسبب كلامه الحلو وطريقته معاها

حمزة: هو احنا هنلاجي راچل چدع واحسن منيك فين، استني اني هناديلك فريده 

فريده ابتسمت وهي واقفه عند باب اوضتها، باصه علي عصام اللي جاي يطلب ايديها، كانت مبسوطه وبصه لعنيه بهيام، طلعت من الاوضة وكانت لسه هتقعد جمب عصام فجأة سمعوا صوت صريخ فاتن

فاتن: الحج يا حمزة، مرتك مغمي عليها، كانت واجفه وجت طويل من غير راحه 

حمزة جري علي بتول بخوف وشالها وحاول يفوقها وجري عليها للمستشفي وعصام وفريده راحوا معاه

حمزة: طمني يا دكتور مرتي مالها، اللي حصولها ديه بسبب التعب ولا ايه؟! 

الدكتور:  مبروك مرتك حامل. 

يتبع...... 

بقلمي/رحمه حواله 

طفلة في عصمت صعيدي 

🔺بتول حامل وحياه جديده هيعيشوها

🔺يا تري كده المشاكل خلصت مع حمزة وبتول ولا الطفل اللي هييجي هيفتح مشاكل من تاني

🔺هنعرف في الحلقه الجاية مين اللي بيعت التسجيلات لحمزة وهيستفاد ايه

🔺ويا تري عصام وفريده هيتجوزوا؟! 

🔺ايه ردة فعل فريده لما تعرف ان عصام السبب في موت نانسي، يا تري هتبعد عنه؟! 

🔺امتي حمزة هيعرف اللي محمد ونانسي عملوه

🔺وهيعمل ايه مع يوسف لما يعرف انه مش ابنه يا تري هيقدر يتقبل ده؟! 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا