رواية غرام الادهم الفصل الثالث عشر 13بقلم الكاتبة حبيبه الشاهد (حصريه وجديده في مدونة قصر الروايات)

رواية غرام الادهم الفصل الثالث عشر 13بقلم الكاتبة حبيبه الشاهد (حصريه وجديده في مدونة قصر الروايات)

رواية غرام الادهم الفصل الثالث عشر 13بقلم الكاتبة حبيبه الشاهد (حصريه وجديده في مدونة قصر الروايات)

الفصل الثالث عشر 

بعد ما أدهم مشي على طول  ، باب الغرفة أتفتح جامد و حد دخل بندفاع  ، غرام شالت الحاف من على وشها بضيق و هي مفكره أدهم رجع و اتكلمت بزهق

: أنت رجعت تاني ليه.. أنته مين 

لاقيت تلت ستات واقفين قدامها لبسين عبيات من اللون الأسود لفين على وشهم الطرح مش ظاهر منهم غير عيونهم الحاده المتكحله 

اتكلمت واحده منهم بصوت حاد

: قدرك الأسود يا حبيبتي يلا يا نسوان شوفه شغلكه 

قربه عليها و غرام رجعت للخلف برعب شديد  ، راحه عليها مسكها من ايديها جامد  ، حاولة تبعدهم عنها بس كانه مسكين أيديها و رجليها الاتنين بقوة عشان متعرفش تتحرح  ، فضلت تصرخ برعب و بكاء صوت صرخها كان مسمع المنزل كله  ، كتمت بؤها بايديها و هي بتفرق بين ايديهم برعب شديد 

دخل أدهم برعب الغرفة وقف لحظه مصدوم يستوعب الموقف  ، قرب عليهم برعب مسك الست و شدها من ايديها بقوة وقعت على الارض

قامه يجريه على تحت.. قرب أدهم عليها كانت بتصرخ برعب و ضمه رجليها

سحبها لحضنه بخوف شديد عليها  ، و هي بتترعش بقوة و غصبن عنه عينيه دمعت.. اتكلم بخوف شديد 

: اهدي محصلش حاجه أنتي كويسه

مسمعتش اي حاجه من اللي هوا بيقولها  ، و فضلت تصرخ و تبكي بصوت مرتفع و عقلها مش مستوعب اللي كان هيحصل لحد أما فقدة الوعي.. اتصدم ادهم من شكلها حملها بخوف و رعب حقيقي  ، و نزل قابل فريال و عزه دخلين من باب المنزل 

فريال بصتله بخضه و جريت عليه بخوف 

: غرام بنتي مالها 

عزه بقلق و خوف شديد

: مالها يا أدهم حصلها ايه مراتك

أدهم بخوف و هو خارج من المنزل 

: مافيش وقت فارس جهز العربيه بسرعه لازم نروح المستشفى 

فارس رجع بسرعه على العربيه فتحله الباب  ، أدهم حطها في الكنيه الخلفيه و قعد جنبها هو و فريال.. و قدام قعد حمدان و انطلق فارس باقوة سرعه عنده

: متقلقش يا أدهم هتكون كويسه إن شاءلله

فريال بصوت مكتوم و هي بتحاول تفوقها 

: غرام فتحي عنيكي طمنيني عليكي يا بنتي هو إيه اللي حصل يا أدهم بنتي إيه اللي حصلها

حمدان حاول يهدي الموقف

: مش وقته دلوقتي لما نطمن الأول على غرام نبقي نشوف إيه اللي حصل 

وصله المستشفى في رقم قياسي  ، دخل أدهم و وراه بقيت العيله.. اتكلم ادهم بصوت جمهوري

: دكتور بسرعه 

جريت الدكتوره عليه بسرعه  ، و اتكلمت

: دخلها الأوضه دي بسرعه 

دخل أدهم الغرفها و حطها على السرير و خرج بخوف شديد.. و هوا مستني الدكتوره تخرج من عندها بفارغ الصبر

خرجت الدكتوره بعد فترة و قرب عليها أدهم بسرعه

: متقلقش عليها كدا مافيش داعي للقلق هي بس ضغطها واطي فجأه لازم تبعده عنها إي توتر او ضغط لأنه غلط عليها و على الجنين 

بعد فتره غرام بدات تفوق تدرجيًا.. فتحت عينيها بتعب  ، قرب عليها أدهم بلهفه و حب 

: حمدالله على سلامتك يا حبيبي كدا تقلقيني عليكي 

اتكلمت بصوت ضعيف و هي بتتلفت حوليها بخوف 

: الله يسلمك 

فريال راحت عليها بحنيه

: بقي كدا يا غرام توقعي قلبي عليكي كدا

غرام بصوت ضعيف و دموع بتلمع في عينيها 

: سلامة قلبك يا ماما 

حمدان شاف ادهم واقف متردد  ، حب يسيبه معاها فتره اتكلم بهدوء

: تعالي يا فريال اروحك أنتي واقفه على رجلك من الصبح مقعدتيش و ادهم مع غرام 

بصيت غرام على أدهم بتعب  ، و اتكلمت بخوف 

: أدهم أنا عايزه أمشي من هنا مبحبش اقعد في المستشفى 

ادهم بحنيه 

: الدكتوره قالت لما تفوقي هتمشي هشوفها و اجي

فارس كان متابعهم قام من على الكرسي  ، و اتكلم

: خليك أنت أنا هخرج اشوفها هتقول ايه 

أدهم مسك ايديها و ميل عليها و قبلها.. بحب 

: عمري ما فكرة أني هخاف على حد بالشكل ده بس صدقيني هعرف مين اللي ورا الموضوع ده و هندمه على اليوم اللي اتولد فيه 

غرام بصتله بدموع  ، و جسمها اترعش بخوف و اتكلمت برعب

: أنا بقيت خايفه أوي 

مرر ايديه على شعرها بحنيه

: متخافيش طول ما أنتي معايا أنا افديكي بروحي 

فارس خبط و دخل 

: يلا عشان نمشي الدكتوره قالت تقدر تمشي دلوقتي 

مسكها من ايديها سندها قامت من على السرير  ، و خرجه من المستشفى.. بعد فتره وصله المنزل دخلت غرام و هي سنده على أدهم قربت عليها عزه بلهفه

: مالك يا حبيبتي طمنيني عليكي بقيتي احسن 

غرام بابتسامة رقيقه

: اه الحمدلله بقيت احسن 

عزه 

: حمدالله على سلامتك إيه اللي حصل 

قرب أدهم على الكنبه هو و غرام قعدت عليها بتعب و أدهم جنبها.. بصلهم و اتكلم 

: لما رجعت البيت اتلقيت ستات مسكين غرام و بيحاوله يسقـ طوها 

عزه بصدمه كبيره

: عايزين يسقـ طوها.. و هما دخله هنا أزاي 

ادهم

: دا اللي هيجنني إزاي دخله البيت من وسط الغفر دول كلهم بس هعرف هما مين و هجبهم أنا مش هعدي الموضوع دا على خير 

غرام بهمس 

: أدهم أنا عايزه أطلع ارتاح فوق 

قام أدهم مسك أيد غرام بقلق

: هطلع عشان غرام ترتاح شويه و شويه و هنزل نشوف الموضوع ده 

طلعت معاه الغرفع و دخلت بتعب.. بصيت على السرير و هي بتفتكر اللي حصل  ، خبت وشها فيه و بداءة في البكاء برعب.. ملس على دمغها بحنيه و اتكلم بحنان

: مش قولتلك متخافيش طول ما أنتي معايا حولي تنسي اللي حصل الصبح و متفكريش فيه خالص

اتكلمت من وسط بكائها

: مش قادره كل أما افتكر اللي حصل بخاف فكرة أن ابني كان هيتاخد مني بتموتني 

ادهم بحنيه 

: بعد الشر عليكي يا حبيبي محدش هيقدر يقرب منك تاني أمي و مرات عمي مش هيبعده عنك طول ما أنا في الشغل 

بصتله في عنيه  ، و اتكلمت بدموع 

: أنا خايفه أوي يا ادهم

ادهم

: مراتي متخفش أبداً عايزك تطمني طول ما أنتي معايا

غرام هزيت راسها من وسط بكائها و اتكلمت 

: أنا عمري ما اطمنت غير و أنا معاك 

في غرفة فارس.. دخل الغرفة  ، كانت قاعده على السرير و باين عليها انها متوتره  ، بصلها بطرف عينه و راح على الدولاب أخد هدومه و دخل الحمام 

خرج بعد فتره لاقها قاعده مكانها و تبكي بقوى قرب عليها بقلق.. و خوف قعد جنبها و اتكلم بقلق

: مالك بتعيطي ليه 

بصتله بخوف و أخذت نفاسها بالعفيه بسبب البكاء  ، و اتكلمت بخوف 

: أنا أسفه مكنتش اعرف أن ممكن يحصل دا كله أنا كنت خايفة مرات عمي تخليك تتجوز عليا 

فارس بصلها بستغراب  ، و اتكلم بحنيه و هوا بيهديها

: أهدى و انتي بتتكلمي علشان افهمك 

إيه اللي حصل امي ضيقتك في حاجه 

اتكلمت مروه من وسط شهقتها

: خليني اخلص كلامي الأول

فارس أنا عمري ما حبيت غيرك و لا حد هيحبك الحب اللي بحبهولك أنا خوفت تتجوز عليا علشان تجيب الحفيد لأنك أنت الكبير و أدهم الصغير و مراته حامل و انا لسه محملتش 

فارس اتصدم فيها.. اتكلم بعدم تصديق و هوا بياكد شقوقه

: هوا سؤال واحد و عايز اجبته من غير لف و دوران مروه أنتي اللي ورا اللي حصل انهارده لغرام 

مروه بشهقات

: سمحني ونبي أنا كنت خايفة تضيع مني

أتعدل في قعدته بصدمه اكبر  ، اتحولت ملامحه للغضب و عروقه ظهرت من فرط غضبه و ضربها.. قلم قوي على وشها و...

يتبع......... 

تكملة الرواية من هناااااااا