رواية طفلة في عصمة صعيدي الفصل الرابع عشر 14 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الرابع عشر 14 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الرابع عشر 14 بقلم رحمه حوالــــه (حصريه وجديده في مدونة قصر الروايات)

الفصل 14 اتفاعلوا جامد علي الفصل يا سكاكر الحلقه نار🔥♥

حمزة قرب من الدكتور وعيونه كلها خوف علي بتول

حمزة: طمني يا دكتور مرتي مالها، اللي حصولها ديه بسبب التعب ولا ايه؟! 

الدكتور:  مبروك مرتك حامل

قال الدكتور كلامه لحمزة وسابه وخرج، حمزه بص لبتول بفرحة كبيرة ومكنش مصدق نفسه من الفرحة 

عصام وفريده باركولهم وخرجوا مع بعض وسابوهم لوحدهم

بتول:اني هبجي ام يا حمزة، بطني فيها طفل صغير وانت هتبجي اب، واحلي اب كمان، اني فرحانه جوي ومش جادرة اصدج

حمزة: اني مش مصدج كمان ان اني هبجي اب ديه احلي خبر سمعته النهارده يا بتول، اني مش عارف اجولك ايه عاد 

بتول: لو طلع واد اني هسميه ادم ولو كانت بت هسميها فجر

حمزة ضحك وبصلها بحاجب مرفوع: واني ايه لازمتي عاد يا بتول المفروض اختار وياكي، وبعدين ايه اسم فجر ديه لاه مش عاچبني اني اللي هسميهم لو واد لطفي ولو بت سوسن 

بتول بصتله برافعة حاجب وحطيت ايديها في وسطها باعتراض: لطفي وسوسن!! انت اكيد بتهزر يا حمزة؟! رچعني البيت علشان لو فضلت اهنيه هتخانج وياك 

حمزة بصلها وضحك وضمها لحضنه بحنيه، وبتول غمضت عيونها بارتياح ومكنتش مصدقة انها حامل وهتبقي ام. 

حمزة: مش مهم اي اسم يا بتول سميه كيف ما انتِ رايده، المهم انه يبچي بصحة كويسه ويبجي معافي، ديه بس اللي اني رايده 

وعند فريده وعصام                             

_ انتِ موافجه يا فريده عليَّ؟! تجبلي تتجوزيني، احنا مجدرناش نسمع اچابتك هناك في البيت

فريده ابتسمت بخجل وهزت راسها بالايجاب وقالتله

_طبعا موافجة يا عصام، هو في بنت عاجله ترفضك برضو

عصام ابتسم  لكنه في لحظات بدل ابتسامته لابتسامه كلها قلق بصلها بتفكير وقالها بارتباك: 

_ بس اني لازمن اجولك علي حاچه جبل ما نتزوچ ووجتها هسيبك تفكري لو رايده ترفضي الچوازه اني هتفهم ديه، بس اوعديني لاول انك مش هتكرهيني بعد اللي هجولك عليه

فريده: رايد تجولي ايه يا عصام انت جلجتني، جول اتكلم ، في حاچه حصولت ولا ايه؟! 

عصام بصلها بقلق ومقالش اي حاجه،واخدها وطلعوا من المستشفي وبعد شوية كانوا في كافيه

عصام اتنهد بارتباك وهو بيفكر باللي هيقوله،حاول ميتوترش وميخافش من ردة فعلها لكن بالرغم من كده اتكلم بنبرة مهزوزة وكلها قلق. 

_ اني السبب في موت نانسي مرت حمزة يا فريده، اني اللي جتلتها، ماتت بسببي ومحاولتش حتي انجذها. 

فريده بصتله بصدمه وفكرت انه بيهزر معاها لكن تعبيرات وشه المتوترة وضغطته علي ايده تبين ان اللي قالع حقيقه

فريده: لاه مستحيل تكون عملت اكده، ايه اللي عرفك ان هي ماتت بسببك انت، اكيد انت غلطان

عصام: بجولك يا فريده اني السبب ليه مش فهماني، نانسي ماتت بسببي

عصام اتنهد واتكلم بنبرة هادية لما بص حواليه ولقي الناس بتبص عليه وسمعت اللي قاله بسبب صوته العالي

_ اني هتفهم لو هترفضي الچوازه علشان السبب ديه، بس اني كان لازمن اجولك، من وجت اللي حصول واني مبعرفش انام والذنب بياكل فيا وديه اللي خلاني أچوز بتول لحمزة علشان تهتم بيه هو ويوسف

فريدة: بس مش انت اللي عملت اكده، اني عارفه مين اللي عمل اكده واني متأكده انه مش انت

فريده بصتله واتنهدت وافتكرت اليوم اللي ماتت فيه نانسي

Flash back 

فريده كانت قاعده في الريسييشن وبتتفرج علي فيلم وفي لحظات اتفتح باب الفيلا ودخل منه محمد وهو خايف وقلقان دخل اوضته وهو بيرتعش من الخوف، فريده قربت من اوضة محمد بفضول ووقفت تراقبه وتشوف ايه السبب اللي خلاه ييجي يالشكل ديه 

محمد: اتخلص يا محمود من العربية وابعدها تماما عن اللي مكان اللي جتلناها فيها ، عارف لو حد عرف باللي عملناه هجتلك يامحمود 

محمد قفل مع محمود وقعد علي السرير واتنهدت بقلق

محمد: انتِ اللي اضطريتيني اعمل اكده يا نانسي، كنتِ رايده تجولي كل حاچه لحمزة وكان لازمن اتخلص منيكي، مينفعش حمزة يعرف حاچه، اكده هيجتلني. 

فريده اتصمرت في مكانها بصدمه وحطيت ايديها علي قلبها من اللي سمعته، مكنتش مصدقه ان ابوها يقتل نانسي 

back

 عصام: فيكي ايه يا فريده سرحانه في ايه، بجالي خمس دجايج بنادي عليكي

فريده قامت من علي الكرسي وقالتله وهي بتمشي

_اني لازمن ارچع البيت، لازمن اتأكد من حاچه، خليك انت ومتچيش ويايا 

فريده قالتله كده ومشت ورفضت انه  يبجي يوصلها وبعد فترة كانت في اوضتها، قربت من الابتوب وابتسمت بخبث

فريده: لازمن اتأكد يابا انك اللي جتلت نانسي لازمن اطمن عصام 

ولما اتأكد هعرف حمزة كل حاچه وهبعتله بقيت تسجيلات صوت نانسي اللي تفضحك قدامه، كتبت علي الابتوب «اني عارف انك اللي جتلت نانسي وهجول لحمزة كل حاچه» 

كتبت كده وطبعت الورقه، مسكت الورقه في ايديها واتملت عيونها بالدموع وهي بتفتكر كل حاجه شافتها من وهي صغيرة لما دخلت اوضة محمد واتفاجإت بنانسي وهي معاه علي الس-رير المشهد اللي خلاها تكره ابوها وتقرف منه وتحاول تبعت رسايل لحمزة علشان تقوله علي اللي ابوها عمله 

فريده مسحت دموعها وخدت الورقه واتظاهرت انها اخدتها من علي باب الشقه وقربت من اوضة محمد وادتله الورقه 

_ يا ابا اني لاجيت الورجه ديه علي باب الشقه، في حد چبهالنا،يمكن لحمزة مثلا 

محمد اخد من بنته الورقه وفتحها وعلامة الصدمه ظهرت علي وشه، ايده ارتعشت بخوف وطلب من بنته تطلع من الأوضة وتسيبه لوحده، ووقتها فريده اتأكدت انه هو اللي عمل كده وانه مش عصام، ابتسمت بارتياح ورجعت اوضتها وهي مقررة ان ده اليوم اللي هتبعت لحمزة فيه التسجيلات الباقيه اللي اخدتها من موبايل نانسي. 

............                               

عصام: جوليلي يا فريده ايه اللي خلاكي ترچعي البيت وتسيبيني اهنيه في الكافيه، اني هچيلك دلوك

فريده:  لا متچيش دلوك اني هعمل حاچه وهكلمك، اني رچعت علشان اتأكد من حاچه، عصام اني اتأكدت انك مش انت اللي جتلت نانسي انت مشيت من نفس الطريق في الوقت اللي كان القاتل قتلها فيه وانت فكرت انك اللي خبطها بس ديه مش صوح

عصام:  حتي لو ديه اللي حصول اني غلطت لما مشيت كان لازمن اوديها المستشفي حتي لو كانت ماتت في الوجت اللي چييت فيه بس انتِ عرفتي منين! ومين اللي جتلها؟! 

فريده اتنهدت واتردت في انها تقول لكن في النهاية اتكلمت بحزن

_محمد اللي جتلها ابوي يا عصام هو اللي عمل اكده 

  عصام اتفاجإ من كلامها ومقالش اي حاجه وفريده قفلت معاه علشان تجهز رساله لحمزة 

  ..............                              

وعند محمد ساب الورقه علي طربيزة اوضته وطلع فتح باب الفيلا علشان يشوف مين اللي بيبعت الرسايل في الوقت ده دخلت فاتن الاوضة وبصت علي الورقه ومسكتها وقراتها والشك اتملي في قلبها نحية محمد، فضلت تدور علي اي حاجه علي محمد في الاوضة لحد لما لقيت الفلاشه اللي مخبيها اللي تكشف خيانته ولقيت موبايل نانسي وسمعت تسجيلات نانسي ومحمد اللي فيه 

فاتن حطيت ايديها علي قلبها ووقع الموبايل من ايديها بصدمة في الوقت ده دخل محمد واستغرب من صدمتها 

فاتن وقفت قدامه وبصتله بغضب كبير وقربت منه وزقته بعصبية علي الحيطه. 

وعند حمزة دخل وهو شايل بتول علي كتفه، نازلها من علي كتفه في الريسيبشن وابتسم

حمزة: احنا لازم نحتفل بالخبر ديه يا بتول، اني لسه مش مصدج انك حامل

بتول:  اني مبسوطة جوي يا حمزة ومستنيه اليوم اللي هييچي فيه ادم او فجر، حياتنا هتتملي سعاده 

حمزة بصلها وضحك: بردو ادم وفجر، اني مش رايد الاسامي ديه يا بتول كيف ما جولتلك، هسميهم الاسامي اللي اخترتها

بتول ضحكت وبصتله بحاجب مرفوع: مستحيل ولادي يتسموا لطفي وسوسن انت اتچننت يا حمزة، بجولك اهو هيتسموا ادم لو واد وفجر لو بت وبعدين انت لسه جايلي ان الاسامي مش هماك

ضحك حمزة وبص حواليه واستغرب ان البيت هادي. 

حمزه: امال البيت هادي اكده ليه، فين فريده وعصام ليه مش سامع اي حس

بتول: يمكن فريده فوج في غرفتها هطلع اشوفها وروح جول لعمك وفاتن خبر حملي خلينا نفرحهم

حمزة هز راسه بموافقه واخد بتول وطلعوا علي اوضة فريده الاول

.........                               

فريده كانت قاعده في اوضتها وقدامها الابتوب وبتطبع ورقه لحمزة،فتحت موبايلها علي التسجيل اللي بيثبت خيانة محمد ونانسي وبيثبت ان يوسف ابن محمد وكانت بتسمعه، وفجأة  اتفاجئت بخبط علي باب اوضتها، كانت لسه هتقفل الابتوب وتقفل الفويس نوت بس حمزة وبتول دخلوا وسمعوا كل حاجة 

 ..............                                

فاتن مسكت شعره بغضب ومكنتش مصدقه اللي هي عرفته 

_انت يا واطي خونتي، اني عملتلك ايه علشان تعمل اكده، ديه اني كنت مستحملاك ومستحمله بلاويك مش كفاية مكنتش بتشتغل وكان حمزة بيصرف عليك 

محمد بصلها وابتسم باستفزاز: ايوه كنت بخونك مع نانسي مش واحده كيفك في الراحه والچاية تكرهني في العيشه، اني كنت بلاجي نفسي مع نانسي، ولو مكنتش متچوزة كنت اتچوزتها،بت حلوة وصغيرة مش واحده كيفك  

فاتن اتعصبت من كلامه وضربته بالقلم علشان بسكت لكنه فضل مكمل باستفزاز 

_واجولك علي حاچه كمان يوسف يبجي ابني مش ابن حمزه واني اكده اكده كنت هطلجك، انتِ طالج يا فاتن

..............                                

فريده حاولت تقفل الفويس نوت وتقفل الابتوب لكن كان الوقت فات وحمزة وبتول عرفوا كل حاجه 

حمزة وقع علي الكرسي من صدمته وبتول قربت من فريده 

بتول: انتِ؟! انتِ اللي كنتي بتبعتي تسچيلات صوت نانسي لحمزة يا فريده؟!! 

فريده حطت راسها في الارض وهزت راسها بالايجاب وحمزة اتملت عيونه بالدموع لما عرف ان عمه ومراته نانسي عملوا فيه كده 

فريده: اني اسفه يا حمزة بس اني كنت رايداك تعرف كل حاچه، اني كنت خايفه اجولك علشان اكده كنت ببعتلك رسايل علشان تعرف من غير ما اجولك بنفسي، اني كنت بشوفهم بعيوني وكرهته، كرهت ابويا بسبب اللي عمله وعلي فكره هو اللي جتلها علشان كانت رايداك تعرف كل حاچه وكانت هتجولك ان يوسف مش ولدك 

حمزة مكنش قادر يستحمل كل حاجه هو سمعها، كل الكلام ده نزل عليه بصدمه ومكنش قادر يصلب طوله، بتول كانت مصدومه وزعلانه علي اللي حصله، قربت منه وحاولت تمسكه قبل ما يقع 

حمزة: كيف نانسي تعمل فيا اني اكده يا بتول، ديه اني عمري ما عملتلها اي حاچه عفشة، وحتي عمي كان اي حاچه بيطلبها بچيبهاله وشيلته علي كتافي وخليته يجعد في بيتي وفي لاخر يعملوا فيني اكده، اني مش جادر اصدج 

بتول: اهدي يا حمزة علشان خاطري متعملش في نفسيك اكده اهدي

حمزة حاول يتماسك وطلع من اوضته في اتجاه اوضة محمد، كان بيجري نحية اوضته بكل غضب، وبتول وفريده خافوا من نظرات حمزة وعرفوا ان مش هيحصل خير من نظراته وحمزة ممكن يقتله في ايده وميسكتش. 

.........                             

وعند فاتن اللي ضربت محمد مرة تانيه بالقلم ومن عصبيتها قربت علي طبق الفاكهه واخدت اداه حا-ده من علي الطبق و قربت منه حاولت انها تعو-ره بيها لكن محمد كان اسرع منها ومسك الاداه من ايديها ونزل ببها عليها وفاتن صرخت صرخه عاليه ووقعت علي الارض ساي-حة في دم-ها.

يتبع..... 

🔺كنتوا متوقعين ان فريده تكون هي اللي بتبعت التسجيلات لحمزة؟! 

🔺فريده طلعت متعقده جدا من اهلها ومن الجواز فهل هتقدر تتجوز عصام

🔺وياتري ايه ردة فعلهم لما يشوفوا فاتن كده

🔺ويا تري حمزة هيقدر يتقبل يوسف بعد لما عرف انه مش ابنه 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا