رواية طفلة في عصمة صعيدي الفصل السابع عشر 17 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل السابع عشر 17 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل السابع عشر 17 بقلم رحمه حوالــــه (حصريه وجديده في مدونة قصر الروايات)

كانت بتتنفس بقلق وهي بتقرأ الرساله اللي وصلتلها واللي كان مبعوت فيها صورة احمد وهو مضروب وراسه مجروحه وتحت الصوره مكتوب ايلغ دلوقتي يا فريده ولا لسه ايه رأيك؟! 

حطيت ايديها علي قلبها برعب واتصلت علي الرقم 

_ انت رايد ايه يا احمد وبعدين انا مالي تبلغ ولا لا هو اني اللي ضربتك 

_ما اني عارفه انك مضربتنيش يا فريده بس الظباط ميعرفوش ديه وهيصدجوا اللي هجوله اني والرجاله اللي هتشهد ويايا 

_يعني ايه اللي انت بتجوله ديه

احمد ضحك علي كلامها باستهزاء... هه لسه مفهمتيش يا فريده، لو مسجنتش حمزة وقهرت بتول عليه مبجاش اني احمد 

_ انت مريض يا احمد، اعلي ما في خيلك اركبه، اعمل اللي انت رايده اني مبخافش منيك. 

قفلت المكالمه في وشه، ورمت الموبايل جمبها،وكانت لسه هتقوم  سمعت خبط علي الباب قبل ما يتفتح ودخل منه عصام 

فريده رجعت خطوتين لورا واتنهدت بحزن وعصام قرب منها

_ممكن نتكلم شوية يا فريده؟! 

فريده هزت راسها بالنفي وحاولت تتجنب التواصل معاه بالعين، اما عصام مد ايده لدقنها علشان تبصله 

_مش رايد اخسرك، اني مش هجدر اخونك، اخونك كيف وانتِ فريده، فريده اللي قلبي دق ليها اول لما شوفتها 

فريده بدموع... بس انت بتخوني يا عصام، طلعت كيف ابويا 

عصام بصلها ونفخ بضيق، وحاول يفضل علي نبرته الهادية ومينفعلش لانه مش عايز يخسرها. 

عصام...كل اللي في الحوار اني شوفت بنت كانت محتاجه مساعده وساعدتها ووصلتها للمستشفي بعربيتي علشام تعالج اخوها وهي نست الشنطه في عربيتي

فريده بصتله بتردد مكنتش قادرة تصدق كانت شايفه كل الرجاله زي ابوها،اما عصام كان شايف في عيونها عدم التصديق، مسك ايديها ومشي بيها لحد العربية 

_اركبي يا فريده وانا هثثبلك دلوك ان كلامي صوح، ولما اثبتلك ديه هناقش موضوع انك مش مصدقاني ديه علشان ده موضوع مش هجفله ومش هنساه واصل

فريده ركبت من غير ما تتكلم وعصام ركب وبدأ يسوق وكل شوية يبص علي فريده من وقت للتاني بخيبة امل، اما هي كانت باصه للسما وبتتمني اللي قاله عصام يبقي حقيقي، لحد لما وصلوا عند بيت سلمي وخبطوا باب بيتها واستنوها تفتح فقال عصام لفريده 

_چبتك اهنيه  علشان تسمعي كل حاجه بنفسيكي، سلمي هتجولك علي اللي حصول وهتجولك ان هي متعرفنيش

سكت عصام لما الباب اتفتح ووقفت سلمي قدامهم بابتسامه واسعه 

سلمي: انت چيت يا حبيبي اني استنيتك وجت طويل، اصل انت وحشتني جوي يا عصام، تعالي يا حبيبي ادخل 

عصام فضل واقف يبص علي سلمي بصدمه وفريده اتأكدت من شكوكها واتملت عيونها باادموع لما اتأكدت ان عصام بيخونها. 

.......... 

في قسم الشرطه كان قاعد محمد باصص قدامه للراجل اللي كلمه في الحمام كان الراجل بيبصله ومركز معاه وبيبص لمعصم ايده كإنه بيلمح علي الساعه 

فهم محمد انه بيأكد عليه ياخد قرار قبل ما يترحل محمد للنيابة 

في الوقت ده اتفتحت الزنزانه ودخل ظابط علشان ياخد محمد ويوديه للبوكس اللي هيرحله للنيابه، بص محمد للراجل وغمزله وهز راسه بموافقه قبل ما يطلع برا القسم وركب البوكس مع كذا مسجون. 

قعد وفضل يفكر بالعرض اللي قالهوله عليه الراجل 

فلاش باك

_ جولت ايه يا محمد، الللي رايدينه منيك مش صعب بالأخص مش صعب علي واحد عمل كل المصايب ديه، رايدينك تجتل حمزة وتخلص عليه، جولت ايه؟  

_ اني هستفاد ايه، ايه المجابل؟! 

_ المجابل هز حياتك يا محمد، تجتل حمزة هتفوز بحياتك وهنطلعك من جضية جتل مرتك، بدل ما انت هتتعدم هنخليك تعيش، المهم تفكر جبل ما تروح للنيابه واحنا هنساعدك ولو اجابتك كانت بالموافجه تبجي اغمزلي واني هفهم انك موافج

....... 

باك

فاق محمد من شروده لما حس بالبوكس بيتهز بقوة، لما اوتوبيس كبير حاول يخبطه لكن البوكس لف بسرعه وفقد السيطرة واتقلب

وكل المسجونين فيما منهم محمد والظباط وقعوا من  البوكس

محمد حاول يمسك في العربية علشان ميقعش منها لكن مقدرش والعربية اتقلبت بيهم

........ 

وعند عصام اللي قرب من سلمي وبصلها بغضب

_ايه اللي انتِ بتجوليه ده يا بت انتِ، اتكلمي جولي الحجيجه، حولي انك متعرفنيش

_بتجول ايه يا عصام ليه بتكذب ليه رايدني اكذب واخبي حبنا، وبعدين مين البت ديه اللي انت جايبها اهنيه

عصام بص لفريده واتمني انها تقدر تصدقه، اما فريده كانت بتبصله بصدمه

عصام... صدجيني يا فريده، والله البت ديه بتكذب اني مبحبهاش ومعرفعاش غير النهارده 

فريده... كفاية يا عصام سمعت كل حاجه بطل كذب بجا عاد 

وقربت من سلمي ومسكتها من هدومها بغضب...يا حرامية سرجتي مني حبيبي، تتهني بيه اني مش رايده واحد خاين كيف عصام 

قالت فريده كلامها وجرت ونزلت من الشقه وعصام بص لسلمي بغضب وجري ورا فريده 

_فريده اجفي علشان نتكلم

فريده وقفت وبصتله بدموع.... نتكلم في ايه يا عصام، كل حاجه اتكشفت اني معدش رايده اتكلم وياك، انت خاين، خاين كيف ابويا

عصام قرب منها ومعدش قادر يستحمل كلامها وقالها بنبرة غضب... متعجده من ابوكي وچاية تطلعي عجدي عليا، مش رايده حتي تفهمي، اني مش خاين، اني مش هبجي كيف ابوكي وعيلتك، انتِ لازم تتعالچي يا فريده روحي اتعالچي

_اني دلوك محتاچه علاچ، بعد ما اكتشفت خيانتك مش اكده؟! 

فريده بصتله اوي في عيونه واتنهدت بحزن من كلامه وسابته ومشت. 

حصرية علي صفحة رحمه حواله 

....... 

_يلا يا حبيبي جوم كل الوكل اتحضر هو احنا هنام دلوك؟!  ده احنا لسه المغرب 

قام حمزة من علي السرير وبص لبتول اللي كانت واقفه عند باب الاوضة وابتسملها وقرب منها

_طب يلا يا حبيبتي نروح ناكل، الوكل هيبرد

قامت بتول ومعاها حمزة وقعدوا علي السفرة وبدأوا ياكلوا وبعد شوية سمعوا صوت باب الفيلا بيتفتح وبتدخل منه فريده وعي بتبكي وجرت علي اوضتها، بتول بصت لحمزة باستغراب، وفي الوقت ده دخل عصام وقعد علي الكرسي جمب حمزة وبتول واتنهد بضيق

بتول... في ايه يا عصام، فريده اچت اكده تچري وهي بتبكي ليه ايه اللي حصول 

عصام... اسأليها يا بتول، فريده مش مصدجاني والمفروض ان احنا هنتخطب جريب وهي مش مصدجاني وبتجول عليا خاين 

بصتله بتول وشهقت بصدمه... خيانة يا عصام هي وصلت للخيانه؟! خونت بتنا فريده يا عصام؟! 

عصام.. ايه اللي بتجوليه ده يا بتول، خيانة ايه انتِ هتعملي كيف فريده 

حمزة... جوم يا عصام اتكلم ويا فريده متسبهاش اكده جاعده

 لوحديها قام عصام واتوجه ناحية اوضة فريده،في الوقت ده رن جرس الفيلا قامت بتول تفتح واتفاجئت بتول بأحمد اللي متعور وراسه ملفوفه بشاش ومعاه ظباط 

دخل احمد وهو بيشاور علي حمزة... اهو ديه يا بيه اللي عمل فيا اكده 

بصله حمزة وبتول بصدمه 

حمزة... ايه الكلام الفارغ ديه؟!  

بصله الظابط وقاله.. استاذ حمزة، فيه بلاغ ضدك بالاعتداء بالضرب 

بتول... ديه محصولش، احمد بيكذب، حمزة مضربهوش

احمد... ديه اللي حصول يا باشا كيف ما جولتلك وويايا شهود

حمزة بص لاحمد لغضب وكان لسه هيقرب من احمد علشان بتخانق معاه لكن الظابط وقفه وقال... ياريت نهدى، حضرتك مطلوب تيجي معانا الجسم

بتول اتملت عيونها بالقلق وقربت من حمزة... لاه حمزة مش هيروح وياكوا، حمزة معملش اي حاجه، احمد بيفتري عليه 

الظابط... اتفضل يا حمزة ويانا

قرب حمزة من بتول وحط ايده علي شعرها... متجلجيش يا بتول هروح وياهم اشوف هيجوله ايه ومش هيحصول اي حاجه

قال حمزة كلامه ومشي مع الظباط واحمد بص لبتول بشماته وغمزلها قبل ما يمشي. 

.............. 

وفي نص الشارع كان البوكس مقلوب والمساجين والظباط واقعين بعشوائية، وعند محمد فتح عينه بصعوبة وحط ايده علي راسه لما حس بدم بينزل منها، بص قدامه ولقي واحد بيحاول يفوقه، وفك الكلبش اللي في ايد محمد بالمفتاح اللي اخده من جيب الظابط. 

_جوم يا محمد جوم بسرعه لازمن نروح

قام محمد وجري معاه ووهو بيلتفت وراه وبيتأكد ان مفيش حد من الظباط شايفه لحد لما ركب عربية مع الراجل اللي ساعده

_ انت مين؟! 

بصله الراجل وضحك... انا لؤي بعتوني اساعدك وهوصلك دلوك لبيت تعيش فيه بعيدا عن الحكومه وهييجي دلوك اشرف هييجي يشرحلك هتعمل ايه 

وبعد شوية وصلوا لبيت متوسط ودخل راجل تاني معاهم البيت 

اشرف....مبروك يا محمد طلعناك اهي منيها، ومحدش هيجدر يلاجيك اهنيه 

محمد... ايه اللي انت رايده منيا دلوك

_تجتل حمزة كيف ما انت عارف، وانت عارف يا محمد لو فكرت تلعب بديلك ايه اللي ممكن نعمله هنرچعك مرة تانيه للسچن

محمد... اني هعمل كل اللي انت رايده جولي هجتله كيف

اشرف... استني منينا خبر يا محمد وهنجولك هتعمل ايه 

قال اشرف كلامه واخد لؤي وطلعوا برا البيت 

..... 

لؤي... احنا ليه يا خدنا رأيه ان احنا نطلعه من السچن بمجابل جتل حمزة ليه مچبرناهوش علي اللي احنا رايدينه

بصله اشرف وضحك... هه اللي كيف محمد ميتچبرش اللي كيف محمد نغريه بالفلوس او الحياه والنعيم يا لؤي، استني الباشا بيتصل علينا 

فتح اشرف المكالمه وكلم اللي مخطط لكل حاجه والشخص اللي عايز حمزة يتقتل 

اشرف... ايه يا باشا انت فين، انت ورايا؟! 

بص اشرف وراه وشافه والشخص ده كان..... 

يتبع

طفلة في عصمت صعيدي 

بقلمي رحمه حواله

🔺 مين اللي طلع محمد من السجن وعايز حمزة يتقتل تفتكره مين؟! 

🔺احمد هيعمل ايه لحمزة؟! 

🔺وايه اللي هيحصل مع فريده وعصام؟! 

🔺هنعرف قريب ليه سلمي عملت كده ومين سلمي ديه؟! 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا