رواية طفلة في عصمة صعيدي الفصل الثامن عشر 18 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الثامن عشر 18 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الثامن عشر 18 بقلم رحمه حوالــــه (حصريه وجديده في مدونة قصر الروايات)

الفصل 18.. قبل ما نبدأ اتمني تشوفوا اللي كتبته في اخر الفصل لما تخلصوا وتقرأوا الكومنتات 

قرب منهم الراجل اللي مخطط لهروب محمد واللي عايز يقتل حمزة وكان امجد. 

امجد بصلهم وابتسم... عفارم عليكوا يا رچاله جدرتوا تهربوه، المهم دلوك الحكومه ميبجاش عنديها اي خبر بمكان محمد لانهم هيدوروا عليه في كل مكان. 

اشرف.. متجلجش يا بيه ولا الچن الازرج هيجدر يعرف مكانه 

ابتسم امجد وهز راسه وسابهم ومشي. 

....... 

وعند عصام كان واقف قدام اوضة فريده وبيخبط علي الاوضة لكنها كانت رافضه تفتح 

_جومي افتحي يا فريده متبجيش عنيده ليه جافله الباب بالمفتاح، افتحي علشان نتكلم 

فريده بصت للباب بدموع وهي قاعده علي السرير... امشي يا عصام اني مش رايده اسمع اي كلام منيك، لسه عنديك عين تكلمني بعد اللي انت عملته ديه؟! 

_اني زهجت، زهجت يا فريده هو الموضوع ديه مش هتجفل، زهجت من عدم تصديجك ليا. 

قال عصام كلامه وسابها ونزل للريسيبن وشاف بتول وهي قاعده تعيط بوجع، قرب منها وعيونه اتملت بقلق

_مالك في ايه يا خايتي، ايه اللي حصول؟! 

بتول بدموع...الحكومه اچت واخدت حمزة من اهنيه بعد ما احمد عمل محضر ان حمزة ضربه ومعاه شهود هيشهدوا زور، حمزة هيتسجن يا عصام

عصام بصلها بحزن واتنهد... احمد والاعيبه الشاذجه، متجلجيش يا بتول حمزة هيطلع منيها واني هجيبله محامي وهروح اتكلم مع احمد

_لاه متتكلمش وياه، اني خايفه يعمل حاجه جديده فيك المرادي 

_يلا يا بتول تعالي نروح لحمزة، اني هطلع اجول لفريده تيچي ويانا 

بتول هزت راسها بدموع وعصام طلع عند اوضة فريده وخبط عليها 

_افتحي يا فريده، احمد عمل محضر في حمزة انه ضربه والحكومه اخدته

فريده فتحت الباب بسرعه وبصت لعصام وحطيت ايديها علي راسها بحزن

_اني السبب، اتي اللي دخلت احمد حياتنا ومش هنوخلص من خططه الجذرة 

_ حمزة هيخرج منيها متجلجيش يا فريده،متشيليش نفسيكي الذنب، يلا تعالي هنروحله 

هزت فريده راسها بموافقه وراحوا هما التلاته للقسم 

وبعد فترة دخلوا القسم ومعاهم المحامي، وعيون بتول كانت  بتدور علي حمزة لحد لما شافته واقف وفي ايده الكلبشات 

قربت منه واتملت عيونها بالدموع 

_حسبي الله ونعم الوكيل، ليه احمد مُصر يجهرنا اكده يا حمزة

_احمد مريض نفسي يا بتول، رايد بس يجهرنا 

بصتله بتول وقالت بتنهيده مليانه حزن.. والله لندفعه ثمن اللي عمله، كيف ما جهرني عليك يا حمزة، احنا متي سنتخلص من المشاكل اني زهجت يا حمزة. 

حمزة بصلها واتمني انه كان يقدر يحضنها ويطمنها 

_متجلجيش يا بتول، علشان يوسف وابننا اللي في بطنك، اني هطلع منيها متجلجيش 

...... 

كانت واقفه تبص علي حمزة بحزن، مسك موبايلها وبعدت عن عصام واتصلت علي احمد واتكلمت بنبرة كلها غضب

_هو احما مش هنوخلص من حجارتك يا زباله، اني زهجت منيك 

احمد وهو بيضحك باستهزاء... تعاليلي يا فريده هستناكي چمب الجسم تعالي نتكلم

فكرت فريده بتردد وبصت لعصام ولقيته مشغول مع حمزة فسابتهم ومشت وقربت من المكان اللي قالها عليه احمد وشافته واقف ساند علي سور ومستنيها

_ انت اكتر شخص حجير شوفته في حياتي يا احمد، انت مريض نفسي، ذنب ايه حمزة وذنب ايه بتول تتجهر عليه وهي حامل

بصلها احمد وضحك... حامل، كويس انك جولتيلي معلومه حلوة اكده، بس ايه رأيك باللي اني عملته، ضربت نفسيا ورميت بلايا علي حمزة وهسچنه وهجهرك انتِ وبتول 

_اتنازل عن المحضر يا احمد 

_ ماشي يا فريده هعمل اللي انتِ رايداه! 

كمل احمد وهت بيضحك علي كلامها باستهزاء...مفكراني لما تجولي اكده هوافج؟! المحضر مش هتنازل عليه 

فريده قربت منه وبصتله بترجي.. علشان خاطري يا احمد اتنازل عن المحضر، حمزة مليهوش اي ذنب في اللي انت بتعمله ديه 

_خلاص يا فريده اني موافج هعمل اكده بس كيف ما انتِ خابرة زين مفيش اي حاجه دلوك من غير مجابل

حطت فريده ايدها في وسطها وبصتله برافعة حاجب... اني متأكده انك هتستغل ديه لمصلحتك، جول ايه اللي انت رايده

احمد بخبث... اللي اني رايده مش هجولك عليه دلوك، انتِ هتوافجي عليه وهجولك عليه بعد ما اتنازل عن المحضر وعلشان اتأكد انك مش هترچعي في الاتفاج هتمضي علي شيك علي بياض هحط فيه اي مبلغ اني رايده، جولتي ايه بجي يا حبيبة جلبي؟! 

فريده بصتله بصدمه وهزت راسها بالرفض... لاه مستحيل، مستحيل اوافج علي حاجه اني مش عارفاها، افرض وافجت وانت اجبرتني علي حاجه مستحيلة

احمد وهو بيضحك... الجرار جرارك يا جمر، فكري وشوفي هتعملي ايه

_مش هوافج اللي انت بتجول عليه ديه مستحيل، اني ماشيه يا احمد 

_سلام يا جمر خليني اشوفك مرة تانيه. 

قالت فريده كلامها واحمد سند مرة تانيه علب السور وضحك... هه اني متأكد انك هترجعي مرة تانيه يا فريده وهتشوفي. 

...... 

وفي القسم كان حمزة مع المحامي في مكتب و كيل النيابة وبيحققوا معاه  بيقول اقواله بعد ، واحمد كان واقف برا المكتب مع الشهود وبيبص لبتول بنظرات كلها شماته

قرب عصام من بتول وقالها وهو بيبص علي كل ركن في القسم... فين فريده يا بتول

_مخابرش فريده فين يا عصام، المهم دلوك احنا هنتصرف كيف، حمزة دلوك بيحججوا مع حمزة واني خايفه يسچنوه انت شايف احمد وياه شهود كتير

بص عصام بتفكير وبعدين قالها

_چمب الفيلا المكان اللي اتشاكل فيه حمزة مع احمد وجت ما فاتن ماتت في سوبر ماركت وفيه كاميرة مراجبه، للاسف الفيلا مفيهاش بس احنا ممكن نروح للسوبر ماركت ونجيب تشچيل الكاميرا ونثبت ان حمزة مضربهوش هو بس مسكه من جميصه وسابه

بصتله بتول بأمل وطلعوا من القسم وشافوا فريده قاعده علي رصيف وبتعيط بقهر، قربت منها بتول وضمتها لحضنها

_متجلجيش با فريده، انتِ مش السبب في اللي حصول، احنا عرفنا دلوك ان في سوبر ماركت چار الفيلا وفيه كاميرة مراجبه، تعالي ويانا. 

ركبت فريده جمب عصام في العربية وبتول في الكرسي اللي ورا كانت بتول بتفرك في ايديها بتوتر، وبتتمني انهم يقدروا يوصلوا لتسجيلات كاميرة المراقبة ويثبتوا ان حمزة معملش حاجه 

وبعد فترة وقفوا بالعربية عند السوبر ماركت اللي جمب الفيلا 

نزلوا كلهم من العربية ودخلوه وقرب من صاحب السوبر ماركت كان شاب في اواخر العشرينات من عمره

عصام... السلام عليكم، في حاجه حصولت من كام يوم اهنيه چارك واني رايد اشوف تسچيلات الكاميرا 

........ 

وفي مكتب وكيل النيابة كان قاعد حمزة وهو بيتنهد بضيق.، ط

_ايه اجوالك بعد ما احمد اتهمك انك ضربته وكنت باحاوى تجتله

_محصولش اكده يا باشا، احمد اكده بيحاول يإذينا بأي طريجه 

_عنديك اي دليل يا حمزة؟! 

حمزة هز راسه بالنفي واتنهد بقلة حيلة. 

........... 

وفي بيت متوسط كان قاعد محمد وبيبص للبيت بتفحص، اتنهد وقال بابتسامة... هرجعلك يا حمزة، مكنتش خابر ان حياتي هتكلفك حياتك، بس ديه مش ههممني المهم اني اعيش 

قطع تفكيره صوت رنة موبايل ارضي، قرب للموبايل وحطه علي ودانه وسمع صوت ضحكات امجد

_ ايه رأيك بجي دلوك في البيت اللي احنا چيبناهولك اكيد انت مبسوط انك هتعيش صوح؟ المهم دلوك تسمع تعليماتي  ومتروحش لحمزة ابدا، لان الحكومه ممكن يدوروا عليك عند دار حمزة

محمد هز راسه بموافقه وفصل يسمع كلامه. 

..... 

بصله الشاب وهز راسه.. للاسف البوم اللي انت بتجول عليه ديه الكاميرا كانت بايظه وجتها، ولسه لحد دلوك بايظه، والله ياريت كنت جادر اساعدك بس للاسف 

عصام اتنهد باحباط وبتول قعدت علي تابلو العربية واتملت عيونها بالدموع.... نعمل ايه دلوك يا عصام حمزة هيتسجن واحنا جاعدين اكده مش جادرين نعمل حاچه. 

فريده ضمت بتول لحضنها وفضلت تفكر في كلام احمد وسابت عصام وبتول ومشت من غير ما تلتفت ليهم. 

ركب عصام العربية وجمبه بتول وكانوا مستغربين من فريده لكنهم معلقوش، واول لما مشوا طلع الشاب من السوبر ماركت واتصل علي رقم

_ايوه يا استاذ احمد، اني جولتلهم اللي انت جولتهولي، جولتلهم ان مفيش تسچيلات وهما صدجوني ومشوا. 

......... 

وبوبعد فترة في القسم كانت واقفه فريده قدام احمد 

_اني موافجه يا احمد بس علشان خاطري اتنازل عن المحضر دلوك جبل ما حمزة يتسجن 

_طب وانتِ موافجه علي اللي جولتلك عليه يا فريده؟! 

هزت فريده راسها بقيلة حيلة، واحمد ابنسم بخبث وطلع من جيبه شيك 

_ امضي عليه يا فريده يا حبيبة جلبي وكيف ما جولتلك هو شيك علي بياض هكتب يه اي مبلغ احبه، علشان متلعبيش بديلك بعد ما اتنازل عن المحضر وتجولي مش لاعبة، لو كش هتعملي اللي هجولك عليه والله لهسلم الشيك ده للبوليس وبدل ما حمزة هو اللي هيتسجن انتِ اللي هتتسجني

فريده بصتله بخوف لكن بالرغم من كده مسكت الشيك ومضيت عليه. واحمد ابتسم وهو بيعين الشيك في جيبه

_زين يا فريده، اني دلوك هروح اتنازل عن المحضر واستنيني بليل هجولك ايه الاتفاق. 

قعدت فريده علي الكرسي وكانت بتفرك في ايديها بتوتر، وفي لحظات دخلت بتول وغصام الفسم وقربوا منها

_ليه يا فريده مشيتي اكده 

_ احمد هيتنازل عن المحضر يا بتول، حمزة مش هيتسچن

بتول وعصام بصولها بفرحه كبيرة واستنوا خروج حمزة اللي قرب من بتول وضمها لحضنه

بتول... الحمد لله يا حمزة، مفيش اي حاجه حصولتلك

_ الكلام مع احمد لسه مخلص، بس يلا دلوك يا چماعه تعالوا يلا نروح الييت

.......... 

كانت قاعده بتول مع حمزة وعصام في الريسيبشن، بتول كانت قاعده جمبه ومش قادرة تسيبه بعد االي حصل، مكنتش مصدقه انه كان ممكن يتسجن، اما حمزة كان حاسس بقلقها قرب منها وضمها لحضنه

_متفكريش في حاجه يا بتول، مفيش حاجه حصولت اني زين

بتول بدموع... بس كنت هتتسچن يا حمزة مش بعيد كان احمد لبسك جضية شروع في الجتل، احمد حجير ويجدر يعمل اكده 

اتنهد حمزة بحزن ومسح دموعها... اهدي بجي يا بتول عاد، مفيش حاجه عفشة حصولت انا جدامك اهو، بس كيف احمد اتنازل عم المحضر بسهولة اكده

بتول حركت راسها بجهل، وبصتله باستغراب كانت عارفه ان احمد مش سهل علشان يتنازل عن المحضر بسهولة. 

........ 

في اوضة فريده مانت قاعده علي السرير بتفرك ايديها بتوتر وبتبص لموبايلها ومستنيه احمد يرن عليها، لحد لما سمعت صوت همس عند بلكونتها،دخلت البلكونة واتفاجئت بأحمد اللي قرب منها وخرج من البلكونه 

_مساء الخير يا حبيبة جلبي اكيد منتظراني مش اكده؟! 

_اخلص يا احمد جول انت رايد منيا ايه

احمد بمكر... هجولك بس رايدك تفتكري انك لو رفضتي لقسماً بالله لأسچنك بالشيك ديع واكتب فيه مبلغ اكبر متيكي ومن حمزة كمان 

_مش هرفض يلا جول ايه اللي رايده 

احمد بصلها بخبث وقعد علي السرير وحط رجل علي رجل 

........ 

كان قاعد عصام في الريسيبشن وبيبص حواليه وملاقاش فريده فقام علشان يطلع اوضتها ويطمن عليها 

..... 

فريده قربت من احمد ووقفت قدامه وحطت ايدها في وسطها 

فقال احمد بخبث.... رايدك يا فريده تحطي يدك في يدي ونسجط بتول، رايد نتخلص من طفلها اللي قي بطنها. 

فريده رفعت حواجبها بصدمه وفي لحظات اتفتح باب اوضتها ودخل منه عصام وفضل واقف يبصلهم بصدمه 

يتبع..... 

طفلة في عصمت صعيدي 

بقلمي رحمه حواله

🔺فريده في موقف صعب واحمد قدر يوقعها ويجبرها علي اللي هو عايزه

🔺عصام شاف احمد في اوضة فريده يا تري ايه اللي هيحصل ويا تري سمع كلام احمد اللي عايز يجهض اخته؟! 

🔺امجد ناوي علي ايه ومحمد هيعمل ايه

اتفاعلوا جامد يا سكاكر، اللايكات قليلة جدا علي البارتين اللي فاتوا 

⚠️وعايزة اقولكم علي حاجه مهمه بإذن الله هحاول انزل في العيد بس مش عارفه هعرف ولا لا ولو نزلت إن شاؤ الله ممكن يبقي في ميعاد مختلف  

دمتم بخير وكل سنه وانتم طيبين وعيد مبارك عليكم يا سكاكر 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا