رواية النصيب الفصل الواحد وعشرون 21بقلم نورمحمد( حصريه وجديده في مدونة قصر الروايات)

 رواية النصيب الفصل الواحد وعشرون 21بقلم نورمحمد( حصريه وجديده في مدونة قصر الروايات)

رواية النصيب الفصل الواحد وعشرون 21بقلم نورمحمد( حصريه وجديده في مدونة قصر الروايات)

البارت الواحد وعشرون النصيب

#البارت_الواحد_وعشرون(الـنـصـيـب)

وصل احمد عند غرفه العمليات ووقتها شاف الدكتور خارج منها فجرى عليه بقلق والخوف بياكل فيه حرفيا ومسكه وقال:طمني يادكتور ارجوك مراتي كويسه مش كده

الدكتور بصله بحزن وقال:للاسف يافندم الحادث كان صعب اوي والمريضه انصابت في قلبها والقلب خلاص هيقف و

قاطعه احمد اللي قال بصدمه وزهول:اييه انت بتقول ايه انت مش دكتور اتصرف المهم مراتي تعيش ابوس ايدك اعمل أي حاجه

الدكتور قال بحزن عليه:لو سمحت يافندم اهدي وافهمني المريضه انصابت في قلبها والقلب حصل فيه تلف وصعب نصلحه تاني ده قضاء ربنا و

قال احمد بسرعه:طب شوف لها قلب غيره هي مش ممكن تعيش بقلب تاني غيره يادكتور

رد الدكتور:ممكن يافندم بس ده شبه مستحيل والاول كمان محتاج تلاقي حد قلبه مطابق لقلبها كمان

وهنا احمد كان الخوف الرعـ،ـب على يارا مسيطر عليه فقال بسرعه:انا مستعد اتبرع لها بقلبي اعمل ليا انا التحاليل دي بسرعه وانا موافق اتبرع لها بقلبي

الدكتور انصد..م بشده من كلام احمد له وحور كانت واقفه قدامهم وهي حرافيا في عالم تاني

بس الدكتور قال برفض واعتراض:انت بتقول ايه ده مستحيل اعمله حتي لو كان فيه تطابق بيكم انا مستحيل اقتل شخص علشان انقذ حيات شخص تاني انا شغلي انقذ حيات الناس مش اموتهم

احمد مكنش مهتم بكلام الدكتور كله وطلع من جيبه ورقتين وكتب فيهم بسرعه وبعدها عطى الدكتور ورقه وعطى حور الورقه التانيه وقرب منها وقال:خلي الورقه دي امانه عندك اول ما امك تفوق ابقى سلميها لها مني تمام

حور اخدتها منه وهي شبه واعيه وبعدها قرب من الدكتور وهمس له بكلام خلي الدكتور عنيه وسعت بصدمه وزهول كبير منه وبعدها سابهم احمد وخرج من المستشفي كله وهو ناوي يعمل شئ غير متوقع ابدا

والدكتور بص في اثره وبعدها جرى خلفه برعب تحت نظرات حور اللي كانت في دنيا تاني من صدمتها في حاله امها

اما احمد فخرج من المستشفي وبعدها وقف قدامه الدكتور بخوف وهو بيقول: ياستاذ اهدي ارجوك اللي ناوي تعمله ده حرام وكفر كمان صدقني

احمد بصله وهو حرفيا الرعب كان بياكل فيه وقال بتهور وخوف: انا هعمل اللي في دماغي يعني هعمله وربنا وحده عالم بحالي لاني كده كده مش هعيش دقيقه وحده من بعد موتها لانها اصلا قلبي وروحي يادكتور وانا كتب لك اقرار مني اني متبرع بقلبي لمراتي في حاله حصل ليا حاجه وكمان لو أي شخص تاني محتاج عضو مني علشان يعيش ياخده وانا مسامح فيه

الدكتور كان بيبصله بصدمه وزهول بس اللي صدمه بجد ان احمد فعلا اخرج المسدس من جيبه وحطه على دماغه وبص في السماء وقال: يارب سامحني انا عارف اللي هعمله ده حرام وزنب في حق نفسي كمان بس انت وحدك عالم بحالي هيكون ايه من بعدها وانا كده هبقى مرتاح اوي لو قلبي عاش معاها لغايه مافرقنا الموت لا الله الا الله محمد رسول الله

خلص كلامه من هنا وفعلا ضرب نفسه طلقه في الدماغ ووقع على الارض بعدها فورا والدكتور جرى عليه بصدمه وهو بيصرخ:هاااتوا الترولي هنا بسرعه لازم نلحق القلب قبل مايقف بسرعه

وفعلا اخدوه بسرعه على غرفه العمليات تحت نظرات حور اللي وقعت عليا الصدمه دي زي الصاعقه وجرت خلفهم وهي بتقول: بابا استنوا انتو واخدينه فين بابا حصله اييه ردوا عليا

رد الدكتور وقال: شدي حيلك يابنتي البقاء الله ابوكي توفي

حور سمعته من هنا وحست الدنيا بتلف بيها ووقعت على الارض اغمي عليا فورا

وبعد ساعات الدكتور عمل العمليه ولحسن الحظ كان فيه تطابق بين قلب احمد وقلب يايارا والعمليه نجحت بفضل الله

وعند حور فتحت عنيها بتعب على صوت شخص تاني وهو بيقول بقلق وخوف: حور حبيبتي انتي كويسه؟!

حور بصتله بتعب وقال: يوسف انت جيت.. بابا فين هو مش موجود بره دلوقتي ناديلي عليه ارجوك

يوسف سمعها وعنيه دمعت عليها بس تمالك نفسه قدامها وقال:ابوكي بخير ياحور وامك كمان بقت بخير بس اهدي انتي تعبانه دلوقتي ومحتاجه الراحه

حور بصت في عنيه وعرفت انه بيكذب عليها فوقفت بسرعه وقالت:انت بتكذب عليا يايوسف انا بعرف من عنيك الحقيقه والكذب رد عليا بابا حصله حاجه مش كده متخبيش عليا

يوسف قرب منها بقلق وخوف عليها وقال وهو مركز نظره معاها:ابوكي بقى في مكان احسن من هنا بكتير ياحور بس هيفضل معاكي ديما هنا جوه قلبك ياقلبي وانا كمان هفضل ديما جنبك ومعاكي

حور سمعته ودموعها نزلت بقوه ويوسف حضنها بشفقه وحزن وحور قالت:بابا ضحى بحياته كلها علشان ماما يايوسف بابا مفكرش دقيقه قبل مايضحي بروحه علشانها بس سابها وسابني لوحدنا من بعده هعيش ازاي من غيره دلوقتي

يوسف نزلت دموعه على حالتها وفضل يطمن فيها وهو بيقول بدموع وحزن:متقوليش كده ياحور انا معاكي وهفضل ديما جنبك ياقلبي ومستعد اضحي بعمري كله فداء دموعك دي بس اهدي ارجوكي

فضلت حور تعيط في حضنه بدون وعي لغايه ما رن فون يوسف فبعد عنها بهدووء ورد عليه وقال:ايوه يابابا انت كويس

رد عليه حازم بضيق وقال:لا ياخويا وهكون كويس ازاي وابني الوحيد سايبني هنا طالع عيني في الشغل لوحدي انت فين يايوسف انا محتاجك دلوقتي حالا

يوسف سمعه وبص على حور قدامه وقال:حاضر يابابا انا بس حاليا في مشوار مهم هخلصه وهاجي لك فورا والله تمام

حازم رد عليه ويوسف قفل معاه وحور بصتله بدموع وقالت:خليك معايا دلوقتي والنبي يايوسف انا مش هعرف اعمل أي حاجه هنا لوحدي

يوسف ابتسم لها بحب وقال:حاضر ياقلب يوسف بس امسحي دموعك دي ومتقلقيش من حاجه هنا ابدا

وبعدها مرت اسبوع كامل وحالت يارا اتحسنت عن الاول ووقتها دخلت لها حور وهي في ايدها الاكل ببتسامه كبيره وهي بتقول:ياصباح العسل على قلبي انا

يارا ابتسمت لها وقالت:صباح الخير ياحبيبتي تعالي هنا عاوزاكي

حور قربت منها ووضعت الاكل جنبها ويارا مسك ايدها بحنان وقالت:ردي عليا بصراحه ياحور ابوكي احمد فينه انا من يومين بسئلك عنه وانتي بتقولي انه في الشغل ازاي وسايبني انا بالحاله دي لوحدي هنا

حور توترت اوي بس تمالك اعصابها بصعوبه قدامها وطلعت الورقه اللي سابها احمد معاها ومدتها لها وقالت:خدي ياماما بابا ساب لك الامانه دي معايا

يارا اخدتها منها وهي مش فاهمه حاجه بس بمجرد ماتفتحها ودموعها نزلت وهي بتقرأها وكان مكتوب فيها:لو بتقرأي الرساله دي دلوقتي ياحبيبتي يبقى انا مبقتش موجود في الدنيا بس قلبي فضل موجود معاكي انا قبل كده وعدتك ان قلبي وروحي هيبقوا فداء ليكي ليوم الدين يايارا ودلوقتي انا وفيت بوعدي ده ومش عاوزك تزعلي عليا لاني ممتش بل بالعكس انا هعيش للابد معاكي قلبي هيفضل ليوم الدين معاكي وده كان اكبر حلم ليا والحمد لله انا قدرت احققه فأرجوكي ياقلبي ماتزعليش عليا لان كل دقه هيدقها قلبي جوه صدرك هتفكرك ديما بيا سلام ياحب عشت عمرى احلم بيه وفي النهايه قلبي فاز بيه

خلصت قرأت الرساله والدموع منشفتش من عنيها وحضنت الورقه بقوه ونهيار وهي بتقول:هتفضل ديما معايا وكل نفس انا بتنفسه هفتكرك فيه ياحب عشت عمري كله احلم بيه وفي النهايه روحي فازت بيك

حور كانت بتراقب اللي بيحصل بدموع سعاده لرجوع امها وحزن في نفس الوقت على فراق ابوها

وبعد هذه الاحداث مرت سنه كمان على ابطالها بخير وسعاده لغايه مافي يوم في الكافيه كان يوسف وحور قاعدين سوى

ويوسف قال:حور انا عارف انه مش وقته بس بصراحه مش قادر اصبر اكتر من كده فاتت سنه وانا بحاول امنع نفس بس بصراحه مش قادر اصبر تاني

قال كده تحت نظرات حور اللي كانت مركزه معاه وبعدها كمل:حور انا من ايام الجامعه بحبك وانتي كمان بتحبيني وحابب دلوقتي يجمعنا بيت واحد انا هكلم بابا النهاردا وهقوله وبعدها هاجي اطلبك من مامتك قولتي ايه؟!

حور كانت بتبصله بسعاده لانها منتظره اللحظه دي من زمان فقالت بكسوف وبتسامه:انت عارف ردي ايه يايوسف ومن زمان كمان انا بحبك اوي وبدعي ربنا كل يوم يجمعنا في بيت واحد

يوسف سمعها وحس بسعاده الدنيا كلها بسبب كلامها ده فقال بسعاده كبيره:وانا بموت فيكي ياقلب يوسف انا هكلم بابا النهاردا وبكره بأذن الله هنكون سوى عندك

حور ابتسمت له بسعاده وقالت:ماشي وانا هكون في انتظارك

وفي الليل في منزل حازم بعد ماخلوا العشاء

حازم قال:مالك يايوسف من وقت مارجعت وانت مش على بعضك ليه يابني في حاجه

يوسف بصله بتوتر وقال:بصراحه ايوه فيه يابابا موضوع مهم عاوز اقولك عليه

حازم بصله بتركيز ويوسف كان بيفرك في ايده بتوتر وقال:انا احم بصراحه فيه بنت بحبها من ايام الجامعه وحابب دلوقتي اتقدم لها رسمي واجوزها وده بعد موافقه حضرتك طبعا يابابا

حازم ابتسم على توتره قدامه وقال:امم وانت من امتي بتخبي عليا موضوع مهم زي ده يايوسف

يوسف بتوتر وخوف:لا والله انا مش كنت حابب اخبيه عنك بس كنت مستني اتأكد من مشاعر تجاها الاول يابابا قبل مااقولك

حازم ببسمه:تمام يايوسف ودي تبقى بنت مين بقى

يوسف حمحم بأحراج وقال:احم هي بنت رجل اعمال توفي السنه اللي فاتت دي ومعاه مصنع ملابس واسمه..

قاطعه حازم بسرعه وسعاده:ماشي انا موافق ووقت ماتحب انا هروح معاك

يوسف فرح اوي بكلام حازم وقرب حضنه بقوه وسعاده كبيره وهو بيقول:بجد يابابا شكرا شكرا انا بحبك اوي

حازم بادله الحضن وقال:وانا كمان بحبك اوي

… وعلى ناحيه الاخرى في المطبخ دخلت بنت في العشرين من عمرها بملامح جميله اوي شبه الاجانب وهي بتقول بحزن ودموع: الحقيني ياخالتي حبيبه يوسف بيحب بنت تاني وطلب من عمو حازم يروح يخطبها معاه كمان

حبيبه بصت لها وقالت بحزن عليها:نور ياقلبي انا قولتلك قبل كده يوسف لو كان حبك كان طلبك من زمان خلاص ياحبيبتي ربنا شايل لك نصيب احلا منه

نور قربت منها بدموع وهي بتقول:بس انا بحبه ياخالتي من الطفوله كمان وهو عارف كده وبرضو مصر يجرحني

حبيبه حضنتها بحنان وقالت:طيب اهدي ياقلب خالتك ده نصيب يانور وهو لو نصيبك اكيد هيبقى من حقك انتي وبس

نور عيطت في حضنها بس من جواها قالت:لا ياخالتي انا من الطفوله وانا بحلم باليوم اللي هيبقى فيه يوسف من نصيبي انا واكيد انا هخليه من نصيبي برضو حتي لو هعمل ايه

وعلى الجهه الاخرى في منزل يارا

دخلت حور غرفه امها يايار بتوتر وهي بتقول:ماما انا حابه اتكلم في موضوع مهم

يارا فتحت لها ايدها بحب وقالت:تعالي ياقلب امك وقولي هنا في حضني

حور جرت حضنها بقوه وبعدها قالت بتوتر وارتباك:احم بصراحه ياماما انا يعني فيه شاب كده بحبه من ايام الجامعه وهو قالي انه هياجي يطلب ايدي هو وابوه منك بكره

يارا سمعتها للنهايه وبعدها قالت:وانتي من امتي بتخبي عليا موضوع مهم زي ده ياحور

حور بعدت عنها وبصت لها بتوتر وقالت:لا والله ياماما انا مستحيل اخبي عنك حاجه بس كنت منتظره اتأكد من مشاعري تجاهه الاول وبعدها اقولك

يارا ابتسمت لها وقالت:تمام ياقلبي خلاص انا موافقه وهشوفه بكره وبعدها اللي فيه الخير يقدمه ربنا

حور فرحت اوي وقربت حضنتها بقوه وقالت:شكرا ياماما انا بحبك اوي اوي

يارا بادلتها الحضن وقالت:وانا كمان بحبك اوي يابنتي

وفي اليوم التالي يوسف وحازم جهزوا نفسهم ويوسف كان متحمس اوي وسعيد جدا لانه اخيرا هيحصل على حب حياته

وبعد ماوصلوا لمنزل حور رنوا الجرس ففتحت لهم حور اللي كانت لابسه فستان وردي وطويل وعليه خمار من نفس اللون وبصت ليوسف بكسوف وهي بتقول:اتفضوا جوه في الصالون وماما بس بتاخد الدواء بتاعها وهتاجي حالا

يوسف كان مركز اوي معاها ومنبهر بجمالها قدامه وبعدها دخلوا وقعدوا في الصالون

وهنا حازم قال: بسم الله مشاء الله قمر يابنتي ومن حق يوسف يبقى ملهوف عليكي كده

حور اتكسفت اوي من كلامه ويوسف بصلها بأحراج من كلام ابوه قدامها ولسه هيتكلم معاها سعموا كلمهم صوت يارا وهي داخله عليهم ببسمه وبتقول:انا اسفه ياجماعه اتأخرت عليكم بس كنت باخد الدواء بتاعي و

سكتت بصدمه بعد ماعنيها وقعت على وش حازم قدامها وحازم وقف كمان في مكانه بصدمه وزهول لما لقاها واقفه قدامه وقال:لا مستحيل يارا انتي تبقى ام حور؟!

ويارا مكنتش صد..متها اقل منه وقتها وقالت بصدمه وزهول:حازم ابو الوفي هو انت تبقى ابو يوسف؟!

وهنا وقف يوسف وحور كمان بينهم بعدم فهم وقالوا سوى:هو فيه ايه انتوا تعرفوا بعض منين؟!

يتبع…بقلم نور محمد

#النصيب

ومن هنا عزيز القارئ وخيرا عرفنا النصيب مقصود بيه مين في روايتنا بس ياترا في النهايه النصيب هو اللي هيفوز ام عداوه الماضي هتغلبه ده كله هتعرفه في الاحداث القادمه واللي جاي غير اللي فات كله دمتم سالمين ولي داعمين

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا