رواية ورد الحته الفصل الثاني 2بقلم نورا نببل حصريه في مدونة قصر الروايات
رواية ورد الحته الفصل الثاني 2بقلم نورا نببل حصريه في مدونة قصر الروايات
ورد الحته الفصل الثانى
رجع الورشة، لقى صابر مستنيه وقاعد على الطرابيزة الخشب، بيشرب شاي وباين عليه إنه عنده كلام.
"كنت فين؟" قالها وهو بيرفع حواجبه.
حسن رمى نفسه على الكرسي الحديد وقال:
"وصلت ورد."
صابر ابتسم ابتسامة جانبية وقال:
"آه، واضح إن الموضوع بقى رسمي بقى."
حسن بصله بنظرة تحذير وقال:
"بلاش هري، البنت دي مش مستحملة مشاكل، وسيد مش هيسيبها في حالها."
صابر هز راسه ببطء وقال:
"وأنت مش هتسيبها برضه… صح؟"
حسن فضل ساكت، بس جوه قلبه كان عارف إن الإجابة واضحة.
في الوقت ده…
سيد كان قاعد في القهوة، بيقلب كباية الشاي في إيده وعينيه فيها لمعة خبيثة. التفت لصاحبه اللي جنبه وقال:
"الحكاية سهلة… حسن فاكر نفسه البطل، صح؟ يبقى نخليه يقع من فوق."
صاحبه رفع حاجبه وقال:
"تقصد إيه؟"
سيد ابتسم وقال:
"هتعرف بكرة… لما الحارة كلها تتفرج."
تاني يوم…
الحارة كانت هادية في الصبح، بس الهدوء ده كان خادع. حسن كان في الورشة، شغال على عربية قديمة، بس عقله كان سرحان. الإحساس اللي جواه إن فيه حاجة مش تمام كان مسيطر عليه، وكل شوية يبص حواليه كأنه مستني حاجة تحصل.
وفجأة، صابر دخل عليه بسرعة، ووشه مقلوب:
"حسن، تعال بسرعة!"
حسن رفع راسه بسرعة وقال:
"في إيه؟"
صابر قرب منه وقال بصوت واطي بس حاسم:
"سيد لعب لعبته."
في نفس اللحظة…
ورد كانت واقفة في نص الحارة، وحواليها ناس كتير متجمعين، والوشوش كلها فيها استغراب ووشوشة. هي نفسها ما كانتش فاهمة إيه اللي بيحصل، لحد ما سمعت واحدة من الستات بتقول:
"إنتي متأكدة من الكلام ده؟!"
التفتت ورد بسرعة على مصدر الصوت، ولقت واحدة من الجارات بتتكلم مع ست تانية كبيرة في السن، والست الكبيرة بتقول بصوت واضح:
"أنا شوفت بعيني… شوفتها طالعة بيت حسن بالليل!"
الحارة كلها اتجمدت. الكلام انتشر بسرعة زي النار في الهشيم. ورد حسّت كأن الأرض بتلف بيها، مش مصدقة اللي بتسمعه
"إيه؟!"
وفي اللحظة دي، حسن وصل…
دخل وسط الناس، وعينيه كانت بتدور على ورد، ولما شافها، فهم كل حاجة من نظرتها. قلبه اتحرق.
بص حواليه، وشاف سيد واقف بعيد، وإبتسامة خبث باينة على وشه.
حسن ضم ايده بغصب وراح ناحيته بخطوات تقيلة. لما وصلله، قال بصوت هادي بس فيه تهديد:
"إنت اللي عملت كده؟"
سيد ضحك ضحكة مستفزة وقال:
"عملت إيه؟ أنا مجرد واحد سامع كلام الناس."
حسن ماضربوش… لا، لسه. بس عينيه كانت بتولّع نار.
"إنت فاكر إنك هتوقع بيني وبينها بكلمتين؟" حسن قالها بصوت واطي، بس كل اللي حواليهم حسّوا بمدى الغضب اللي فيه.
سيد قرب أكتر وهمس:
"مش مهم أوقع بينكم… المهم إن الحارة تصدق."
حسن في اللحظة دي كان قادر يدفنه في مكانه، بس لا… سيد عاوز كده، عاوزه ينفعل، عاوز المشاكل تكبر أكتر.
حسن أخد نفس عميق، وبصله نظرة وعد… نظرة معناها إن الموضوع لسه مخلصش.
أما ورد، فكانت واقفة مكانها، الدموع محبوسة في عينيها… وعقلها بيصرخ بسؤال واحد:
إزاي هتطلع من المصيبة دي؟!
الحارة كلها كانت مقلوبة، الهمس والوشوشة شغالين، وكل واحدة من الستات عاملة نفسها عارفة الحقيقة. ورد واقفة وسطهم، رجليها مش شايلينها، والدم في عروقها بارد. إزاي؟ إزاي الكلام ده بيتقال عليها؟
سيد، اللي كان واقف بعيد ومبسوط باللي حصل، رفع حاجبه وقال بسخرية:
"إنت بتدافع كده ليه يا حسن؟ لو مظبوط اللي بيتقال، يبقى ردك ده…"
حسن لف ناحيته بسرعة، وخطواته كانت تقيلة وهو رايح عليه. الناس بعدت، وكأنهم عارفين إن اللي جاي مش سهل.
"لو مظبوط؟" حسن قالها بصوت واطي بس كان زي السكين.
سيد ابتسم ابتسامة جانبية، ولسه هيتكلم، بس حسن قاطعه:
"أنا ممكن أعدّي غلطتك دي، بس أوّل ما تفتح بُقّك بكلمة تانية، ساعتها مش هرحمك."
سيد ضحك ضحكة مستفزة وقال:
"شكلها تهمك أوي…"
حسن كان خلاص، أعصابه وصلت لآخرها، وقبل ما سيد يكمل كلمته، كانت قبضة حسن في وشه، وقبل ما حد يقدر يستوعب اللي حصل، سيد وقع على الأرض، والدم نازل من شفته.
الحارة كلها شهقت، والناس وقفت مكانها، مستنية تشوف اللي هيحصل بعد كده.
ورد بصت لحسن بصدمة، مش عارفة إيه اللي ممكن يحصل تاني، بس كانت متأكدة من حاجة واحدة…
الليلة دي مش هتعدي على خير.
سيد مسح الدم اللي نازل من شفته، وبص لحسن بنظرة كلها غضب وحقد، بس برضه كان فيه لمعة غريبة في عينه… كأنه كان مستني اللحظة دي.
وقف على رجله وهو بيضحك ضحكة مستفزة، وقال بصوت مليان خبث:
"أهو كده، هو ده حسن اللي نعرفه… راجل الحارة اللي بيمد إيده أول ما حد يتكلم!"
الناس بدأت تتهامس تاني، وكأنها لقت حاجة جديدة تتكلم عنها، بس حسن ما كانش مهتم بيهم. كل تركيزه كان على سيد، اللي واضح إنه مش ناوي يسيب الموضوع يعدي.
"إنت عارف إني ما بضربش حد من غير سبب." حسن قالها بصوت هادي، لكنه تقيل كالصخر.
سيد ابتسم وقال:
"وأنا قلت حاجة؟ بس يا خسارة… شكلك وقعت في اللي أنا عاوزه بالظبط."
حسن رفع حواجبه،بغيظ وحسّ إن فيه حاجة غلط. سيد عمره ما كان غبي، ولو هو مستفزه بالشكل ده، يبقى أكيد مخبي حاجة.
وفجأة، واحد من العيال اللي شغالين مع سيد دخل يجري وسط الزحمة، ووشه مليان هلع وهو بيقول:
"سيد! البيت عندك فيه ناس بتكسره!"
الناس كلها لفّت، وسيد اتصدم للحظة، قبل ماياخد نفس عميق ويجري ناحيته، بس وهو بيعدي من جنب حسن، همس له بكلمة واحدة:
"لعبت معايا… لعبت معاك."
حسن فهمها فورًا. سيد كان عارف إنه هيضربه، وكان مجهز الرد من قبل ما يحصل. بدل ما يرد الضربة بضربة، قرر يوقع حسن في مصيبة.
ورد كانت لسه واقفة مكانها، مش قادرة تفهم كل حاجة بتحصل بسرعة كده. بصّت لحسن، لقت وشه متغيّر وعينيه فيها غضب مميت.
صابر قرب منه وقال بصوت واطي:
"واضح إنه مش هيهدى، وإنت دلوقتي بقت عندك مشكلة أكبر."
حسن ضم ايده بغضب وسأل:
"إيه؟"
صابر زفر وقال:
"الحارة كلها شافتك بتضربه، ولو حصل له حاجة في بيته… الكل هيقول إنك السبب."
حسن حرك رقبته، وكأنه بيحاول يهدّي الغضب اللي جواه، قبل ما يقول بجملة واحدة بس:
"مش هسيب حقي، ولا هسيب ورد في القذارة اللي عملها سيد."
...بإستفزاز، لكن حسن ما استناش، قرب أكتر وقال بصوت واضح قدام كل اللي بيتفرجوا:
"ورد شريفة وبنت ناس، واللي يشكك في ده، يبقى بيشكك فيا أنا كمان."
الهدوء نزل على المكان، لكن التوتر كان واضح في العيون. سيد لسه محافظ على ابتسامته، بس في لمعة غيظ في عينه. حسن ما ادّلوش فرصة يرد، كمل بصوته القاطع:
"وأي حد هيتكلم عنها تاني، هيتكلم معايا الأول."
بص حواليه، والتفت ناحية ورد اللي كانت وشها محمر من الغضب والإحراج، لكن في نفس الوقت، عنيها كان فيها لمعة امتنان وخوف. خوف من اللي جاي، وامتنان لأن حسن ما سبهاش لوحدها في المواجهة دي.
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا