رواية أشواق الفصل الخامس 5 بقلم ساره بكري (حصريه وجديده في مدونة قصر الروايات)

 رواية أشواق الفصل الخامس 5 بقلم ساره بكري (حصريه وجديده في مدونة قصر الروايات)

رواية أشواق الفصل الخامس 5 بقلم ساره بكري (حصريه وجديده في مدونة قصر الروايات)

#أشواق

#الحلقة_5

وقفنا الحلقة لما أشواق بصت لقته بيلمس زراير البيجامة فقالت ينهار اسـ ـود! 

و راحت زقته و قامت بسرعة تجري ف مسكها و قال،، ايه اللى حصل يا ملاك يا حبيبتى انا ضايقتك؟؟ 

أشواق،، يا دي ملاك اللى طلعت لى في البخت بص بقي يا عمر عشان نبقي كويسين و حلوين تقولى يا أشواق... شوشو... كل ده حلو و زى الفل اما ملاك و الاسم الملزق ده مش عاجبنى

عمر أندهش جدا،، مش ده إسمك يا حبيبتى... رغم انه اسم ملاك ده الأقرب لـ قلبي بس ماشي... شوق عمر حلو الاسم ده

أشواق،، ده أولا... ثانيا بقي ما تقربش منى زى دلوقتي سيبنى بس أخد على الوضع

عمر رفع حاجبه،، ايه يا مل.. يا شوق ما كنش شهر اللى خدك فيهم جاسر  

معقول البعد ما يزيدكيش شوق و حب 

ليا

.

قال كده و هو بيقرب منها لحد ما بقت اقـ ـرب ما يكون ليه،، و لسة هيبوسها تانى كانت حاطة إيديها على شفايفها و مغمضة،، و في لحظة عمر أتحول

بقي يضرب فيها زى الوحش الثاير و يشتمها.. 

عمر،، بترفضينى انا عمر سلمان ده انا هخليكى تتمنى المـ ـوت... قولى انك بتحبينى قولييي

أشواق كانت بتعيط بحرقة و فجأة صوت خبط عمر برق و وقع على الارض

أشواق بصت لقت فوزية اللى ماسكة عصاية و ضربته.. 

فوزية،، قومى تعالى ورايا قبل ما يفوق 

أشواق قامت وراها و سابت عمر،، دخلت أوضة فوزية و هي منهارة

إشواق،، انا عاوزة أفهم فيه ايه انا مش قادرة أكمل التمثيلية دي!! 

فوزية قعدت و حطت رجل على رجل ولعت سيجارة،، مش بمزاجك يا أشواق 

انا هنا اللى أقول إمتى و فين زى ما انا برضوا قولت ل ملاك امتى تكمل و لما عصتنى بعت اللى مـ ـوتها... اصل اللى ملوش خير فيا يستحمل اللى يجرا له

أشواق،، و اللى مـ ـوتها إنتي مش جاسر جوزى ؟؟ 

فوزية ضحكت ضحك هستيرى و مرة واحدة اتكلمت جد،، هو انتي فاكرة ان جاسر كان جوزك.. هههه انتي مغفلة أوى... عشان أريحك لاء مش جاسر اللى عمل كده...  شوفى يا شوق انا اللى بحرك الدايرة كلها و زى ما أكون عاوزه بيحصل... و انتي هتفضلى هنا

أشواق،، ليه انا عرفت من عمر انك مش أمه ليه تبقي خايفة عليه كده يعنى!!؟ 

فوزية نفخت سيجارتها،، عشان عاوزة كده و طلاما قولت يبقى خلااص.. المرة دى أنقذتك من تحت ايد عمر 

و خلي بالك عمر عنده فصام فى الشخصية يعنى لو عصبتيه و حضرتي حالته هيـمـ ـوتك

أشواق سابتها و هي بتقول،، طب ايه العمل يا رب بس انا ايه اللى رمانى على الناس دى و صح ازاى.. ازاى جاسر مش جوزى انا هتجن

تاني يوم أشواق كانت واقفة في المطبخ بتعنل كوباية قهوة لفت إنتباهها الخدامة ماسكة تليفونها.. 

راحت ناحيتها بسرعة و قالت،، بقولك اى ما تدينى ثانية بس تليفونك الله يكرمك

الخدامة بسرعة أدت لها التليفون و قالت،، ده انتي تؤمرى يا ست ملاك

أشواق فتحت السيرش و بحثت عن قضية جاسر و فجأة وشها أترسم عليه ملامح الصدمة..!! 

و قالت في سرها،، القبض على رجل الاعمال عادل الباشا في قـ ـتل ولده 

.... يعني ايه.. يعنى انتي براءة يا بت يا اشواق

#اه براءة يا أشواق... انتي فاكرة انى هسيب عليكى دليل بعد ما طاوعتينى و سمعتى الكلام

أشواق بصت لقت فوزية اللى دخلت و وقفت قصادها،، تهمة زى دى كانت هتلبس فيكى بس خلاص أشواق ماتت من كل السجلات و حتى سيرتك أتقفلت ما بقاش فيه غير ملاك حرم عمر سلمان 

أشواق،، بس انا مش ملاك ولا عنر ده جوزي 

فوزية دخلت تصب القهوة ببرود،، بس انا قررت يا شوشو و طلاما انا قولت حاجه تقولوا ايه... تقولوا آمين 

فجأة ظهر صوت خشن،، احم احم ايه في ايه مالكوا... ايه يا ملاك صحيتى بدرى يعنى

عمر جاه و حضن اشواق و باسها على خدها.. 

فوزية،، ما فيش يا حبيبى مراتك كانت صاحيه تحضر لك القهوة و الفطار... اومال انت رايح فين كده

عمر،، الشركة و مشوار تانى هقول لك عليه بعدين... ايه هتفضلى واقفة كتير يا امى عاوز المدام فى كلمتين

أشواق كانت مخنوقه و خلاص هتعيط

عمر بص لها و قال،، حبيبى زعلان ليه 

.. لااه ده شكل الموضوع كبير مين زعلك

أشواق أستغربت ان اللى حصل ليلة امبارح هو نساه و أفتكرت كلام فوزية 

.. 

اشواق،، ما فيش انا بس حاسة انى اتحبست من ساعة ما رجعت و انا مش بطلع

عمر،، انا مش مانعك خدي فوزية و روحوا... فوزية يا فوزية 

أشواق اتضايقت و لسة هتقول له لاء لقت فوزية جات و عمر قال لها،، خدي شوشو و روحوا النهاردة اعملوا شوبينج و انتى يا ملا... يااا شوق خدي دى الفيزا كارد بتاعتى عقبال ما اشغل بتاعتك

...... 

و بليل في مكان تاني قصر الباشا كان الحال غير الحال البيت فيه اسود.. عزا.. ناس بتبكى و ناس بتشمت.. 

بعد ما العزا خلص دخل المحامى و قال،، انا جيت زى ما طلبتوني يا مدام كريمة

كريمة،، ايوة بس انا ما طلبتكش يا استاذ محي بعدين لسة بدري على إعلام الوراثة خصوصا ان الوالد ما توفاش

محي،، انا مش جاي في اعلام وراثة 

سلوى قالت بلؤم،،، اومال جاي ليه يا متر

#جاي عشان يطردكوا... من قصري

الكل بص لمصدر الصوت لقوه عمر!! 

كريمة،، ايه اللى جابك يا عمر يا سلمان مش كفاية انك السبب فى اللى حصل 

المحامى رد،، حسب العقود الاستاذ عادل الباشا كتب كل ما يملك ل عمر بيه بيع و شرا يعنى هو المالك الفعلى لكل أملاك الباشا

سلوى أبتسمت إبتسامة خفية و حطت كفها على رقبتها بخبث و كريمة طبت على الارضمن الصدمة.. 

عمر بص لرجالته،، انت يا ابنى انت و هو نضف لى القصر ده عشان أبقي أسلمه هدية لمراتي.. 

سلوى ملامحها أتغيرت لضيق و بصت له قوى لكن هو ساب رجالته تطردها.. 

و في الوقت ده تليفون عمر رن و كانت فوزية اللى قالت،، إلحق يا عمر.. كارثة

... البت أختفت 

عمر وشه أتقلب،، انا جاي 

سلوى جريت وراه و هي بتناديه،، عمر إستنى... استنى يا عمر... انا عملت كل اللى أتفقنا عليه و اخرتها ترمينى الرمية دى

عمر،، اخفي من وشي الساعة دي... انا مش ناقصك!! 

زقها و طلع بالعربية و هي قعدت على الارض و قالت،، ماشي يا عمر و رحمة امى لأندمك

رنت على تليفون،، الو... خلص!! 

..................... 

اما في مكان تانى أشواق بتفوق بتلاقي نفسها مربوطة في مكان ضلمة

شكله فخم.. 

أشواق،، عمررر... يا عمررر

الباب اتفتح و دخل واحد و كان صدمة لأشواق تعرفوا هو مين............. يتبع! 

تكملة الرواية من هناااااااا