رواية عفريتة المساء الفصل التاسع 9 بقلم ساميه السيد (حصريه وجديده في مدونة قصر الروايات)

 رواية عفريتة المساء الفصل التاسع 9 بقلم ساميه السيد (حصريه وجديده في مدونة قصر الروايات)

رواية عفريتة المساء الفصل التاسع 9 بقلم ساميه السيد (حصريه وجديده في مدونة قصر الروايات)

♡عفريته المساء ♡

              ♡ الجزء التاسع♡

نظرت إليها محاولة إخفاء ما بداخلها، ثم ابتسمت بهدوء وقالت:

متاخذيش في بالك، حبيبتي.

لكن ملاك رمقتها بتردد قبل أن تقول:

أماني... بجد ممكن تحكيلي؟ أنا ارتحتلك بصراحة، ونفسي أسمعك.

أعادت نظرها إليها للحظة، ثم نهضت من مكانها واتجهت نحو المرآة قائلة:

صدقيني، مفيش حاجة.

ابتسمت الأخرى وقالت بمزاح:

براحتك، أنا أصلاً مكنتش حابة أسمع.

                    ♡في مكان آخر♡

كان يجلس أمام الشيخ، الذي أخذ يتلو عليه القرآن بصوت هادئ جميل، صوت يبعث في النفس راحة لا توصف.

وحين انتهى، نظر إليه وقال:

متخافش، مش هتأذيك، لأنها ملهاش مكان.

رفعت عيناي بذهول  ثم  قولت :

مخافش إزاي؟ دي حرقت البيت بتاعنا!

ابتسم الشيخ وقال بهدوء:

حاول تضحك عليها، اقنعها إنك موافق، كل يوم قولها عذر، لحد ما تخلص مدتها... وقتها هتختفي للأبد.

نظر  له  بحيره  ثم  قال: 

يعني مش هتظهر تاني أبداً لو محصلتش على روح؟

هز الشيخ رأسه قائلاً بثقة:

إن شاء الله. بس بنسبة تسعين في المئة تكون هي.الضيفة  بتمثل علشان  توصل لهدفها.تاخذ روح... 

♡في مكان آخر♡

كانت أم ملاك تنظر إلى  اماني  بحزن وهي تقول:

أنا مقدرة موقفك، بس للأسف عندنا ضيوف... وكمان شباب. ميصحش تقعدي معانا."

رمقتها الفتاة بغضب، لكن سرعان ما سيطرت على ملامحها، ثم قالت بهدوء مصطنع:

يعني حضرتك لو بنتك كانت في مكاني، كنتِ تتمني تعيش نفس الشعور؟ تلاقي نفسها في الشارع من غير مكان؟

أخذت أم ملاك نفسًا عميقًا وقالت بابتسامة باهتة:

ربنا ما يكتبها على حد... بس ممكن تاخدي سكن، مش لازم تقعدي مع حد.

ابتسمت الفتاة بخبث وقالت:

للأسف، مش معايا فلوس، وبرضو مش بآمن السكن... وبعدين، أنا بقعد ومش بخرج، متخافيش مني.

ضيّقت أم ملاك عينيها وقالت بنبرة حازمة:

لو سمحتي، قدري كلامي وامشي. اتفضلي الفلوس اللي محتاجاها.

ألقت إليها المال، لكن  نظرت إليها بعينين تملؤهما شرارة خفية، ثم قالت ببرود:

"مش عاوزة، عموماً همشي."

قبل أن تتحرك، دخل كريم وهو يبتسم وقال بهدوء:

ليه تمشي؟ وبعدين، يا حماتي، ميصحش كده... تخلي الضيفة تزعل مننا

نظرت إليه بحزن مصطنع، كأنها تتقمص الدور ببراعة، وقالت:

لا، متشكرة جداً... بعد إذنكم، أنا همشي.

سارت باتجاه غرفتها، بينما كان كريم يراقبها بصمت. ثم التفت إلى أم ملاك وقال:

يا حماتي، ليه كده؟

ابتسمت  أم ملاك له وقالت بحزم:

أحسن وبعدين مينفعش تقعد وانتوا قاعدين... ولا حضرتك ليك رأي تاني؟!

تكملة الرواية من هناااااااا