رواية أزهار الفصل التاسع عشر 19بقلم نرمين قدري حصريه في مدونة قصر الروايات

رواية أزهار الفصل التاسع  عشر 19بقلم نرمين قدري حصريه في مدونة قصر الروايات 

رواية أزهار الفصل التاسع  عشر 19بقلم نرمين قدري حصريه في مدونة قصر الروايات 

الفصل التاسع عشر 

قطعت كلامه ازهار بحده لانهاء الحوار وقالت: 

مبروك يا باشمهندس مش ده اللي  كنت عاوز تسمعه اديني قلتها لك

ثم حاولت جاهده ان تخفي دموعها وتأثرها بكلامة وتصنعت القسوة  :

- بس انا كمان اتغيرت ما عدتش ازهار اللي عرفتها ازهار البنت البريئه الساذجه اللي لسه جايه من بلدهم هربانه بتتحامى في ايد تطبطب عليها انا اتغيرت كثير 

ازهار   اللي انت ذبحتها ماتت في نفس الليله اللي انذبحت فيها اللي قدامك دي ازهار استاذ الادب الاسباني في كليه اللغات والترجمه انسانه كل حياتها كتب ومراجع ومحاضرات حبر على ورق وبس انسانه ممكن تقراها لو وصلت للمستوى المكتوب جواها لكن ما تقدرش تتعامل معاها بالمشاعر مهما كانت المشاعر دي ندم حب غفران

ثم انسابت الدموع من عينيها فلم تقدر علي التماسك أكثر من ذلك وقالت بصوت مصحوب بالبكاء:

-خلاص ازهار القديمه ماتت و اتدفنت زمان وانت بنفسك اللي اشتريت ليها الكفن اللي دفنته بيها الكفن كان فستان الفرح اللي لبستة علشان الكل يضحك عليها 

ثم ارتفعت حده صوتها :

- اي مشاعر هتقدمها لي دلوقتي مش هتنفع عارف ليه الحاجه بسيطه جدا لان اللي ميت ما بيصحاش اللي مات خلاص راح عمرك شفت ميت قام من قبره وصحى انا كده خلاص مشاعري ماتت كل حاجه فيا حلوه ماتت والبركه فيك

يقول ماجد بعصبية مفتعله وهو يحاول جاهدا اقناعها:

=ما تضحكيش على نفسك يا ازهار انت لسه جواكي مشاعر ليا نظره عينيك اول ما دخلت الدموع المتعلقه في عينيك وخايفه تنزل قدامي رعشه ايدك نظره الخجل اللي في عينيك اللي انا حافظها كويس بس الانسان اللي من حبر على ورق زي ما انت بتقولي مش هيكون جواه كل المشاعر دي

ثم يحاول جاهدا إثبات صدق كلامة فيقول مؤكدا :

-ازهار بصي لنفسك في المرايه و  انتي   هتعرفي انك 

لسه بتحبيني كل حاجه كل حاجه جواكي بتصرخ وبتقول.بحبك

ثم التفت ينظر لها ويضع  يده على كتفها ويقول: 

ازهار انا بجد بحبك و ندمان اني ضيعتك من ايدي

تصرخ ازهار وتدفع يده وتبدا الدموع تنهمر من عينيها وتبدا تنهار وتقول له بحده :

-اوع ايدك دي تلمسني تاني اياك تتجرا وتحط ايدك عليا تاني انا بكرهك اطلع بره اطلع بره انا بكرهك بكرهك وبكره نفسي معاك على سازجتي وكل ما افتكر قد ايه كنت هبله و صدقتك واظن كده انت انتقمت مني كويس قوي واخذت تارك كمان

يقولو لها وهو يحاول إخفاء دموعه:

-  اهدي يا حببتي انا مقدرش استحمل اشوفك كده حقك عليا يا نور عيوني

انا جاي ابلغك ان مكانك في الشغل محفوظ بينا وكلنا في انتظارك

= انت ناسي ان خلاص ما بقاش ليا مكان بينكم

قطع كلامها 

-لا ازهار مكانك محفوظ في الشغل وكلنا بجد.

قالت له بحده:

= من فضلك ما تجمعنيش معاكم انا كلها يومين وسايبه البلد كلها و رجعة  اسبانيا مستنيه بس احول الفلوس وارجع تاني   وهسافر على طول

التفت لها ماجد وقال بحده وقد بدأ ينفذ صبرة  :

-بس انا همنعك من السفر همنعك انك تسافري واظن ده حقي 

=اي حق ده اللي يخليك  تمنعني ويخليك  بتتكلم بثقه دي كلها 

-اه يا ازهار  بتكلم بثقه انك لسه على ذمتي وان انا جوزك من حقي امنعك  

تضحك ازهار وتقول:

-وهي دي حاجه تتنسي حد ينسى اليوم اللي اتذبح فيه صدمتي فيك كانت فوق احتمالي كانت كبيره قوي بس الحمد لله صدمه فوقتني وعلمتني

تاخد ازهار أنفاسها وتكمل كأنها بقهر :

-لا يا باشمهندس لا ما حدش بينسى اليوم اللي اتذبح فيه صدمتي فيك كانت فوق احتمالي كانت كبيره قوي بس ما تقلقش يا باشمهندس انا دلوقتي بجري في اجراءات الطلاق واقل محامي هيعرف يطلقني منك اصلها بسيطه جدا يا باشمهندس ورقه بسيطه تثبت ان انا لسه انسه واحنا داخلين تقريبا علي سنة  متجوزين عادي يعني بسيطه مش هتاخد في المحاكم اسبوع وحطلق  للضرر وهسافر واعيش حياتي واقفل صفحه الماضي دي خالص وانساك وانسى اي حاجه تربطني من البلد دي

يضحك ماجد بشده ثم يكشر فجاءة  ويقول:

  -لا يا ازهار اي خطا في الدنيا دي مهما كان حجمه  مش ممكن يقضي الحب الكبير اللي بينا وانا مش هسمح لك تسافري وعادي يا ستي لو على جوازنا انا مستعد اتمامه ودلوقتي خلي بالك يا زهره انا ممكن اعمل اي حاجه في سبينل انك  ما تضيعيش مني تاني و  خدي بالك

انا مجنون وممكن اعمل اي حاجه اللي ما تخلينيش اني انا اخسرك تاني

تضحك ازهار وتقول بحسرة:

=خطا ولا جريمه انت بتسمي اللي انت عملته خطا لا دي جريمه يا باشمهندس

-سميها زي ما تسميها اي جريمه بنت خطا

-صح اي جريمة بنت خطا بس اي جريمه ممكن تتنسى الا قتل  الروح يا باشمهندس وانت قتلت روحي بسكينه تلمه 

ثم تنهار قواها وتجلس علي اقرب كرسي و كان روحها بتنسحب منها فقتل الروح اكبر من قتل الجسد و تكمل كلامها :

-قتلتني وقتلت كل حاجه جوايا ما رعيتش اي حاجه    ولا حتي أن انا بنت يتيمه وحيده فقدت اهلها كلهم وكنت انت ليها الاهل والسند والصحبه بس انت خذلتني خذ بالك يا باشمهندس البت اللي تبقى لوحدها وتستحمل فقدان ابوها وامها واخواتها في ثانيه وتقاوم وتعافر وتحفر بضوافرها في الصخر علشان تعمل نفسها كيان تقدر تنساك بجره قلم علشان مشاعري بقت ازاز اه يا باشمهندس بقت ازاز قابل لتهشيم في اي وقت قلبي بقى بلاستيك كل حاجه بقى بلاستيك كل حاجه فيا بقت بلاستيك قلبي وروحي ومشاعري كل حاجه بقت صناعيه انا زي ما تحديت ظروفي لوحدي هقدر كمان اتحدى اني انساك عادي زي ما قلت على ابويا الله يرحمه هقول عليك كمان الله يرحمك ومع الوقت جرحك ليا  هيهدى  انت مش  اخر حد في الدنيا 

ثم قامت واقفة ولفت ذراعها حول بعضها تحاول احتواء نفسها وقد ارتجف قلبها وقالت : 

- هقدر اقوم بعدها وهعافر وهعمل نفسي من جديد زي ما عملت ازهار استاذه الادب الاسباني بعد ما كانت ولا حاجه بنت عاديه جايه من الصعيد فلوسها وقعت منها اشتغلت كل حاجه لحد ما ثبتت نفسها مع انا ابويا كان معودني على عزه النفس صحيح كان معانا فلوس كثير بس كان مخليني اعتمد على نفسي الله يرحمه هو اللي خلاني كده قويه لنفسي مش بفلوسي عشان انا اللي كنت بعملها مش هي اللي عملتني  لكن انا طز في الفلوس انا كنت مستعده أتنازل عن كل حاجة لعمتي وابنها واعيش معاك انا اخترتك انت ورميت كل حاجة ورا ظهري 

ثم تنهدت واغمضتت عيونها وكأنها تواسي روحها المفقوده وتقول بقهر :

  بس انت مقصرتش  كسرتني قدمهم قوي حتي لو انت برئ بس انت اتاخرت عليا قوي

ثم تتنهد وقد رق قلبها فتقول بهدوء : 

الحب اللي حبيته لك كله يا ماجد انا ما عدتش بحبك

وضع يده علي فمها وقال :

= لا يا ازهار مش انتي  بس اللي قاسيتي  انا قاسيت اكتر منك ايوه يا ازهار ما فيش الم في الدنيا اصعب من الاحساس بالندم احساس مر كئيب بيخنق اي فرحه او امل احساس ملازمني ليل نهار بيفكرني قد ايه انا كنت حقير احساس الذنب ده صعب جدا كل ما افتكر لحظاتنا الحلوه مع بعض بصرخ جوايا واقول انا اللي ضيعتها من ايدي بحس جوايا بصراع بحس جوه صدري بحاجه خنقاني كان نفسي اريح ضميري واطلقك واقول مرحله وعدت لكن ما قدرتش ما قدرتش يا ازهار حبك كان محتل كل كياني محفور جوايا حبك بيصرخ جوايا انا بحبك يا ازهار كل حته فيا بتصرخ وتقول بحبك يا ازهار

قطعت ازهار كلامه بصراخ:

-كذاب كذاب انا مش مصدقاك وعمري في حياتي ما هصدقك اللي باعني مره ممكن يبيعني 1000 مره ازاي هستأمن نفسي عليك ازاي ازاي حنام وانا مأمنه لك تفتكر يا باشمهندس ان انا هعرف انام هعرف احط راسي على المخده كده جنبك وابقى حاسه بالأمان بالعكس انا هبقى كل شويه صاحيه خايفه الغدر يجي لي منك في اي لحظه صدقني مش قادره مش قادره اسامح مش قادره انسى اللي حصل فيا حتى لو بحبك هدوس على قلبي

يصرخ بصوت عالي: 

= انا مابعتش والله مابعتك يا  ازهار مش ذنبي ده ملعوب اتلعب عليا ومليش يد فيه   ما كنتش عاوز ااذيكي ما كنتيش مقصوده اللي حصل خارج عن ارادتي  فجاه لقيت حياتي كلها بتتهد شركتي بتضيع حياتي مهدده بالافلاس وانت ما تعرفيش انا تعبت قد ايه وحاربت قد ايه عشان اوصل للمركز اللي انا فيه ده الضغوطات كانت اكبر من احتمالي عارف ان انا غلطت  أن مرحتلكيش بعدها علطول اطلب منك السماح واشرحلك اللي حصل بس الدنيا اتلغبط كلها فوق دماغي والمكتب كان مهدد بالافلاس

ثم يجلس يحاول التقاط انفاسه ويقول بندم :

-معترف بدا ندمان بس انا عمري ما كذبت في مشاعري معاكي في يوم كل اللي عملته معاكي وانت بتسميه كدب وخداع كان بعيد عن حبي ليكي والله كان بعيد عن حبي ليكي انا حبيتك وقلبي دق ليكي 

تصرخ ازهار بعنف وتقول:

-ايه منطق جديد ده اخترعته المشاعر ما بتتجزاش حلو قوي منطقك الجديده اعمل كل حاجه باسم الحب اكدب باسم الحب اضرب باسم الحب اقتل باسم الحب اضيع ناس باسم الحب لا يا باشمهندس المشاعر ما لهاش تجزئه يا بحب يا بكره وعمري اللي بيحب بيعرف يؤذي لكن انت اذيت يبقى انت عمرك ما حبيت

تترفع نبرة صوته أكثر موضحا لها 

= انا ماذتكيش افهمي بقا انا مش بكذب عليك والله ما بكذب عليك انا فعلا حبيتك وكل لحظه مشاعر عشتها معاكي كانت بجد عمرها ما كانت خدعه اتعمل علينا احنا الاتنين مؤمرة وكنا احنا الاتنين ضحايا كل غلطتي أن تاخرت عليكي وسبتك تواجهي اهلك لوحدك كل ده علشان كنت عاوز ارجع وفي ايدي دليل برأتي اني مخلتش بيكي 

تقطع كلامة بصوت باكي :

وايه اللي يخليني اصدقك ايه اللي يخليني ارجع لك تاني واستأمنك على نفسي بعد ما طعنتني وغدرت بيا طعتني وانا جنبك وفي حضنك وغدرت بيا الا يخليني اصدقك بتهيأ لي صعبه صعبه قوي يا باشمهندس ان انا اصدقك تاني وارجع امن

=لحظه واحده بس يا ازهار لحظه راجع كل تاريخك معايا لو لقيتي نقطه واحده بيضاء تبقى بدايه امل جديد لينا ونحاول عشانه ندي نفسنا فرصه ثانيه يمكن بريق النور النقطه البيضاء تكون شعاع امل لينا وبدايه جديده لينا

تكملة الرواية من هناااااااا