رواية الصقر المتمرد الفصل الأول1 بقلم إيمان جمال حصريه في مدونة قصر الروايات
رواية الصقر المتمرد الفصل الأول1 بقلم إيمان جمال حصريه في مدونة قصر الروايات
مراد الألفي: أب البطل واخواته وله شخصية وكلمة مسموعة من الصغير قبل الكبير، عمره 75 سنة هو طباعه مصرية وصعيدية لان اصله صعيدي بس ساب بلده وجه قعد في القاهرة عشان تعليم ولاده، عنده محل عطارة كبير في السيدة زينب وهو تاجر معروف في التجارة وكل تاجر بيعمله ألف حساب
بيحب ابنه صقر جداً وبيخاف عليه من اخواته الكبار اوي، اتجوز مرتين اول زوجة خلف منها بنتين وولد، فريدة وعلي دول الكبار توأم بس بيكرهوا صقر جداً بس بيحاولوا يتعاملوا ادامه كويس عمرهم 55 سنة ، والبنت التانية اسمها جميلة بتحب صقر جداً هي اصغر منه بتمن سنين عمرها 20 سنة، تاني زوجة اتجوزها ومراته التانية لسة على زمته بس حبها اوي وقرر يتجوزها وخلف منها صقر بعد جوازهم بحوالي خمس سنين واتوفت وهو عمره سنتين
طلق مراته الاولى عشان طمعها واكتشف انها بتخونه
صقر الألفي: بطل الرواية، شاب عنده 28 سنة
اتجوز من بنت عمه اللي هي حب عمره من وهو عمره 23 سنة بيحبها جداً وهي كمان بتحبه، شخصيته قوية بس طيب جداً ولما بيحب حد بيديله كل الحب والحنية اللي عنده، بشرته خمرية ووسيم جداً شعره أسود ناعم وعيونه عسلي، اتخرج من كلية التجارة
ناريمان صالح الألفي: بنت عم صقر وحبية قلبه وحب عمره، عنده 28 سنة هي في نفس سنه ودخلوا سوا الجامعة كلية التجارة، بنت جميلة وطيبة وبتحبه أوي متجوزين من خمس سنين، بشرتها بيضا وعيونها عسلي فاتح وشعرها بني وتقريبا في نفس طول صقر يعني قصيرة عنه حاجات بسيطة
تقى: بنت بسيطة جداً بنت الدادة بتاعتهم،الدادة اللي جات معاهم من الصعيد واتجوزت من واحد في مصر وفضلت معاهم من وقت ماكانوا في حي السيدة زينب لحد ما نقلوا للڤيلا اللي قاعدين فيها دلوقتي، امها كانت ست طيبة اوي وكانت بتحب جوزها جداً اتجوزت وخلفت بنتها تقى واتوفت هي وجوزها في حادث عربية لانه كان السواق الخاص بمراد الألفي وكان من الصعيد بارذوا، وقت الحادث كان واخد مراته تجيب طلبات الڤيلا وماتوا في الحادث دا، مراد كان بيحبهم جدااااا لان فاطمة والدة تقى كانت انسانة جميلة، ورغم صغر سنها بس كانت متربية معاهم في الصعيد في البيت الكبير هناك، وعشان كدا مراد صمم انه يجيبها معاهم لمصر، وبعد وفاتهم مراد اعتبر تقى واحدة من العيلة وعمره ما اتعامل معاها بإنها مش من العيلة بالعكس بيحبها جداً ودايما قريبة منه وبيحب يتكلم معاها اوي
هي بنت هادية ودايما بتحاول تتعامل بحدود معاهم عشان هي عارفة اصلها ايه، تقى كانت شبه باباها وواخدة لون بشرته البرونزية وعنيها خضرا يعني ليها جمال خاص كدا، عمرها 21 سنة في آخر سنة في كلية الزراعة
فريدة وعلي:
فريدة انسانة طماعة دايما شايفة ان صقر مايستحقش يكون أخوهم ولا يورث معاهم، اتجوزت من عماد ابن عمها أخو ناريمان بس اتوفى من خمس سنين وعندها ولد وبنت بس قريبين من صقر و مالهمش دعوة بالعداوة اللي بين امهم وصقر وبيحبوه جداً
البنت اسمها ليلى ودي صاحبة تقى المقربة وزميلتها في الجامعة ونفس سنها، بنت جميلة ورقيقة وبتحب تقى اوي، شعرها قصير ولونه أصفر وهي بشرتها بيضا وعيونها عسلي
اما الولد فاسمه آدم اكبر من ليلى بتلات سنين، يعني سنه 23 سنة اتخرج من كلية الهندسة وفاتح مكتب هندسة خاص بيه، شاب وسيم وبيحب الهدوء ودمه خفيف بس حياته هادية وبيحب تقى وهي ماتعرفش، طويل بشرته بيضا وشعره اسود وعيونه بني غامق
نيجي لعلي أخو صقر، علي مايتخلفش عن أخته مش بيحب صقر باردوا وشايفه باردوا انه مايستحقش ياخد اي ورث نهائي ولا له الحق في فلوس أبوه بعد مماته وشايفين ان امهم اتظلمت وام صقر هي اللي عاشت في النعيم، بيشتغل مع صقر في تجارة الخشب هما عندهم شركة كبيرة لتجارة الأخشاب، وكمان صقر بيفتح فرع جديد بس شركة تكون خاصة بالأدوات الصحية (ذي الأحواض والحنفيات والأدوات الخاصة بالحمامات والمطابخ)
وطبعا علي هيطق من اللي صقر بيعمله دا عشان بيحقد عليه، علي متجوز من واحدة من بارة عيلتهم اسمها (نادية) بس هي طيبة ودايما بتكون مضايقة من حقد جوزها على أخوه وبتتخانق معاه بسبب كدا واتفقت معاه انها ملهاش علاقة بالعداوة دي لا هي ولا ولادها، عندهم بنتين واحدة اسمها منه وسنها 19 سنة في كلية الحقوق، اختها اسمها منال اتخرجت من كلية الطب سنها 25 سنة وبيحبوا صقر جداً
البارت الاول
حلقتنا بتبتدي في ڤيلا الألفي، دا وقت الصبح خلاص يعني كله هيصحى بس هما لسة في الأوض
أوضة تقى وليلى (الاتنين مع بعض في نفس الأوضة)
ليلى دايما اللي بتصحى بدري ولازم تعمل دوشة في الأوضة وتصحي تقى
تقى بصتلها بغضب: يابنتي نفسي مرة تسبيني انام براحتي
ليلى واقفة وايديها في وسطها: قومي يا اختي عشان عندنا تمارين لازم نعمله ولا انتي نسيتي الخطة اللي ماشيين عليها
تقى قامت من السرير: لا مانستش ياختي ما انا اللي جبته لنفسي كان لازم يعني اقولك اننا نلعب تمارين كل يوم الصبح
ليلى طبعا لابسة ترنج رياضي عشان تنزل: بصي انا هسبقك على الجنينة
ليلى نزلت وسابتها واقفة وخرجت البلكونة بتتنفس هوا الصبح وغمضت عنيها وشعرها طاير في الهوا
في البلكونة اللي جمبها دي بلكونة اوضة آدم اللي متعود كل يوم الصبح يصحى بدري ويقعد يشرب قهوته فيها
آدم شافها: صباح الخير
تقى فتحت عنيها وبصتله بإبتسامة جميلة: صباح الخير
آدم: صاحيين بدري يعني
تقى: هننزل نعمل شوية تمارين
آدم: امممم ودا من امتى بقى؟
تقى: انا قولت لازم نخس شوية
آدم ابتسم: بس انتي كدا جميلة
تقى ابتسمت بخجل: شكراً، انا هنزل بقى
تقى سابته ونزلت وهو واقف مكانه سرحان في جمالها اللي بيخطف قلبه على الرغم انها مش بشرة بيضا بس بشرتها البرونزية دي لوحدها جمال رهيب، وعيونها الخضرا
في أوضة صقر وناريمان
صقر صحي على صوت ناريمان وهي في الحمام بتستفرغ وقام مفزوع جري عليها
صقر سندها: حبيبتي انتي كويسة
ناريمان بصتله بتعب: شكلي خلاص ياصقر
صقر بغضب: قولتلك بلاش كلامك دا
صقر شالها وخرج بيها للسرير ونيمها عليه وقعد جمبها: لازم نروح نشوف الدكتورة النهاردة
ناريمان بصتله بدموع: هتقول نفس كلام كل مرة ان خلاص الايام اللي باقية قليلة
صقر بصلها بغضب: انتي ليه مصممة تتعبيني كل شوية بكلامك، انا قولتلك ان شاء الله ربنا مش هيتخلى عننا
ناريمان بإنهيار: انا عارفة اني خلاص ياصقر انا بموت
صقر بغضب وصوت عالي: كفاية بقى واتفضلي معايا نروح للدكتورة
في الأوضة اللي جمب صقر اوضة أخته فريدة وسمعت صوته وهو عالي وكلامه كان واضح واتكلمت بكل غل: يلا خليها تموت ونخلص منها والحمدلله انها مخلفتش عشان الورث
في اوضة علي، صحي ودخل الحمام يتوضى ويصلي ركعتين ومراته قاعدة على السرير بتبصله بإستغراب
علي: بتبصيلي كدا ليه؟
نادية: اللي يشوفك وانت بتصلي ومش بتسيب ولا فرض مايشوفكش وانت بتحقد على اخوك وجواك غل له
علي: اسمعي يانادية انا قولتلك قبل كدا مالكيش دعوة باللي بيني وبين صقر وانتي نفسك قولتيلي انك مش هتدخلي مابنا
نادية وقفت واتكلمت بهدوء: ياعلي صقر والله طيب والولاد كمان بيحبوه اوي وهو قريب منهم جداً اقرب منك ومني
علي: هو انتي فاكرة ان شويتين الطيبة اللي بيعملهم على ولادي دول هيدخلوا عليا لا، هو بيعمل كدا عشان الكل يكون في صفه ومعاه انا اللي فاهمه وعارفه بيفكر ازاي
نادية بصتله بيأس: براحتك ياعلي بس حاول تكسب اخوك قبل فوات الآوان
منه ومنال في اوضة واحدة رغم ان منال عاوزة اوضة مستقلة ليها ودا فعلاً اللي جدها بيعملوا الفترة دي
منه: منال انا هنزل للبنات تحت
منال: ماشي ياحبيبتي وانا هغير لبسي وانزل معاكم
منه نزلت للبنات اللي واقفين في الجنينة بيعملوا رياضة ووقفت تتمرن معاهم
ليلى: فين الهانم اختك؟
منه ضحكت: هتغير هدومها وتنزل
تقى: اجهزوا لتمارين اليوجا
منه: يووه مش كل يوم بقى مش هستحمل ساعة ساكتة
ليلى ضحكت: مش كل يوم تقولي كدا يلا
تقى لمحت صقر وناريمان خارجين وسرحت
منه بصتلها: انتي ياست هانم
تقى فاقت من سرحانها وبصتلها: نعم؟
منه: يلا عشان نخلص
قعدوا يعملوا اليوجا وصقر ومراته مشيوا
بعد حوالي نص ساعة الفطار كان جاهز على السفرة ومراد الألفي قاعد على اول الترابيزة
مراد بيبص لفريدة: فين الولاد؟
فريدة بغيظ: البنات مع الهانم تقى بارة في الجنينة
مراد بصلها بغضب: شيلي تقى من دماغك عشان ترتاحي
علي: ماهو يابابا باردوا انت مصمم من سنين انها تعيش معانا وهي اصلا مش من العيلة
مراد بغضب: اياك اسمع الكلام دا تاني
آدم قاعد وبصلهم: انا بجد مش عارف هي عملت فيكم ايه
فريدة بغضب: خليك انت كدا حنين
آدم قام وبص لجده: انا رايح شغلي ياجده
مراد: والفطار؟
آدم بص لأمه ولخاله: نفسي اتسدت
آدم سابهم وخرج والبنات دخلوا عشان يفطروا
مراد: يلا ياحلوين الفطار
تقى قربت منه وباست ايديه: صباح الخير
مراد: مجاتيش ليا ليه ذي كل يوم؟
تقى: صحينا بدري قولت اكيد حضرتك هتبقى لسة نايم
مراد بص لمنه وليلى ومنال: فين صقر
فريدة اللي ردت بس ردت بشماتة: راحوا للدكتورة اصل السنيورة مراته بتودع
ليلى بصتلها بحزن: على فكرة ياماما دي عمتي وكمان اخت جوزك يبقى ليه بتكرهيها اوي كدا
مراد اللي رد: معلش يابنتي امك الغل ماليها وعاميها عن حاجات كتير بس هيجي الوقت اللي تفهم وتعرف انها غلطانة هي وخالك بس ساعتها الآوان هيكون فات خلاص
تقى قعدت تفطر بس هي عارفة ان علي وفريدة مش بيحبوها ولا بيحبوا وجودها معاهم بس هي موجودة معاهم عشان خاطر مراد وبس لانه هو اللي مصمم على وجودها
مراد: راحين الجامعة؟
تقى: ايوا ياجدو
فريدة بصتلها برفع حاجب: جدك منين
مراد بغضب وصوت عالي: فريدة كلمة كمان وهتشوفي وش تاني
تقى بصتلها بحزن وقامت سابت الفطار وطلعت اوضتها
ليلى وقفت وبصت لأمها: نفسي مرة تحبيها وتعتبريها واحدة مننا، تقى مافيش اطيب منها
البنات قاموا ورا تقى عشان زعلوا عشانها وهي دخلت اوضتها وقعدت على السرير منهارة وبتعيط
منال: انتي يعني تايهة عن عمتو وكلامها
تقى بإنهيار: انا طلبت ان امشي من هنا وجدو اللي رفض كدا وانا بجد مش قادرة استحمل والله انا تعبت ونفسيتي تعبت
منه قعدت جمبها: احنا كلنا بنحبك وازاي هتسبينا وتمشي، انتي اختنا ياتقى
ليلى: انا اسفه ياتقى
تقى بصتلها: وانتي ذنبك ايه
ليلى: ذنبي انها امي وانا بجد مخنوقة من تصرفاتها ومش بس معاكي لا كمان مع خالو صقر
تقى مسحت دموعها: يلا نروح الجامعة عندنا محاضرات مهمة
ليلى حبت ترخم عليها: ايوا وعندنا كمان دكتور ماجد العاشق الولهان
تقى ضحكت غصب عنها: بطلي رخامة بقى
منال قعدت جمبها: ليه ماتوافقيش تتخطبيله؟
تقى: هو دكتور في الجامعة وانا بنت السواق والخدامة
منال بزعل: ليه شايفة نفسك قليلة انتي غالية اوي ياتقى، قيمة الانسان مش بعيلته ايه، قيمة الانسان بروحه وأدبه واحترامه لنفسه
تقى: بس انا مش عاوزة ارتبط بيه انا شايفاه دكتوري وبس
منال: يبقى بتحبي حد تاني
تقى بتوتر: لا حد تاني ايه بس يامنال
منال ابتسمت: هقولك نصيحة وانتي حرة تسمعيها ولا لا، انسي اللي في قلبك لانه مش شايف غيرها ومش حاسس بيكي انا زعلانة عليكي، حتى لو انتي عندك أمل فالأمل دا بعيد اوي ومش عشان شايفة نفسك قليلة لا عشان انتي عارفة انه مش بيفكر بالطريقة بتاعة بابا وعمتو
تقى بصتلها بتوتر: تقصدي ايه؟
منال: انا ذي اختك وعارفة انتي حاسة بإيه بس اعتبريني معرفتش اي حاجة وادي فرصة للدكتور ماجد
في الجامعة دكتور ماجد وصل الجامعة عشان عنده محاضرة مع دفعة تقى كمان ساعة وقعد في الكافتيريا يفطر (دكتور ماجد عنده 30 سنة بيحبها من اول يوم درسلها وهي شايفة اهتمامه بيها بس هي بتحب صقر، شاب وسيم جداً ومن عيلة كويسة وحالتهم المادية كويسة جداً، طويل وبيدخل الجامعة بيخطف الأنظار ولابس نضارة نظر وبشرته بيضا وشعره اسود غامق وسايح وعنيه لونها بني)
قاعد بيشرب قهوته وسعيد زميله جه قعد جمبه
سعيد: جاي بدري ليه؟
ماجد: أبداً لاقيت نفسي زهقان قولت اجي اشرب قهوتي هنا
سعيد: جاي باردوا عشان زهقان ولا عشانها
ماجد بصله واتكلم بتنهيدة: وحشاني ياسعيد ونفسي بجد اصارحها بمشاعري
سعيد: يعني ياماجد انت عاوز تفهمني انها مش حاسة بيك
ماجد: انا عارف انها حاسة بيا بس انا مش عاوز اضغط عليها وسايبها براحتها
سعيد: يبقى هتفضل واقف مكانك ومش هتتحرك
سعيد لمح تقى جايا من بعيد ومعاها ليلى: اهي جات
ماجد بص عليها وجايا من بعيد لابسة بنطلون چينز وعليه بلوزة بيضا وشعرها الاسود الطويل الناعم بيحركه الهوا ولابسة كوتشي ابيص وشايلة شنطة على ضهرها صغيرة لكتب الجامعة وحاجاتها اللي هتستخدمها وشايلة البالطوا الابيض وخصوصا انها في زراعة والبالطوا دا بيستعملوه في العملي وماشية تتكلم مع ليلى
سعيد: انا هسيبك عشان عندي محاضرة ربنا معاك
ليلى شافت ماجد بيبص عليها تقى: العاشق الولهان عينه عليكي
تقى: واخدة بالي بس مش هبص
ليلى: اديله فرصة ياتقى
تقى بحزن: مش قادرة ياليلى واسكتي بقى عشان هو جاي علينا اهو
ماجد قرب عليهم: صباح الخير
ليلى: صباح الخير يادكتور
ماجد بص لتقى: عاملة ايه؟
تقى: الحمدلله
ليلى حد من اصحابهم نده عليها ومشيت وسابتهم واقفين
ماجد: محتاج اتكلم معاكي شوية ممكن؟
تقى بتبص في ساعتها: فاضل نص ساعة على المحاضرة
ماجد ابتسم: عارف وبعدين دي محاضرتي يعني ماتقلقيش
تقى: ماشي
ماجد اخدها وقعدوا سوا في الكافتيريا
ماجد: تحبي تشربي ايه؟
تقى: أبداً مش عاوزة
ماجد طلب من جرسون الكافتيريا يجيب ليهم عصير برتقال
ماجد: ممكن تسمعي كلامي للآخر من غير ماتردي
تقى: حاضر
ماجد: احنا لسة في اول ترم في آخر سنة ليكي وهتتخرجي، فأنا عارف انك حاسة بمشاعري ليكي ياتقى وانا مش بضغط عليكي انا بس عاوزك تديني فرصة ومعاكي لآخر ترم في السنة وانا مستني رأيك
تقى بصتله: انا بس عاوزة اقول حاجة
ماجد: مش عاوز اسمع منك اي حاجة دلوقتي انا بس عاوز فرصة وصدقيني ياتقى لو حسيت انك مش قادرة هبعد لوحدي بس مش هعمل كدا غير في آخر السنة عشان اكون اديتك وقتك بس ممكن اطلب منك طلب؟
تقى: اتفضل
ماجد: ممكن لو اخد رقمك ابقى اطمن عليكي، محتاجك تعرفيني اكتر
تقى كانت مترددة تقبل ولا ترفض: سبني فرصة افكر بخصوص الرقم
ماجد ابتسم: حاضر
طبعاً العصير جه بس تقى قامت وراحت لصحابها
ليلى اول ماشفتها جايا عليها قربت منها: كان بيقولك ايه
تقى: هقولك بعدين يلا نحضر المحاضرة
صقر وناريمان عند الدكتورة، والدكتورة طلبت ان ناريمان يتركب ليها محاليل
صقر قاعد مع الدكتورة في اوضة الكشف بعيد عن ناريمان…….صقر: ايه الاخبار يادكتورة؟
الدكتورة بحزن: الاخبار ماطمنش خالص، الحالة بتسوء اكتر من الأول
صقر بدموع: طب مافيش اي حل؟
الدكتورة: انا قولت لحضرتك من الاول ان حالتها متأخرة وللأسف هنكمل كيماوي لحد مانشوف النتيجة ايه
صقر دموعه نزلت على حب عمره اللي بتموت ادامه ومش قادر يعملها حاجة: يعني فيه امل؟
الدكتورة بصت للأرض بحزن: مقدرش اوعدك بحاجة انا مش متأكدة منها، هي نفسيتها وحشة ودا بيأثر على الدوا
صقر: هي خلاص شايفة انها مش عايشة وان الايام بتعدي يوم ورا التاني وكلها مسألة وقت وبس
الدكتورة للأسف معتش عندها أي رد وصقر خرج من عندها راح الأوضة اللي فيها ناريمان بس قبل مايدخل مسح دموعه وبيحاول يتماسك
صقر دخل بإبتسامته: الدكتورة طمنتني
ناريمان: ماتحاولش تكدب عليا ياصقر انا عارفة كل حاجة وخلاص انا راضية باللي ربنا كاتبه ليا بس عاوزة اطلب منك طلب واعتبره اخر طلب هطلبه منك في حياتي
صقر: طلب ايه؟
ناريمان: انك تتجوز
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا