رواية طعنات الغدر الفصل الأول1 للكاتبة داليا منصور الفرجاني حصريه في مدونة قصر الروايات

 رواية طعنات الغدر الفصل الأول1 للكاتبة داليا منصور الفرجاني حصريه في مدونة قصر الروايات 

رواية طعنات الغدر الفصل الأول1 للكاتبة داليا منصور الفرجاني حصريه في مدونة قصر الروايات 

-بقى انتي يا ولية يا حرباية جاية تتكلمي على بنتي وتقولي عنها كلام وحش دي نسمة بنتي ستك انتي وبنتك. 

سماح بغيرة وكره: 

- ستك ايه يا وليه تعالي شوفي بنتك وهي دايرة على حل شعرها.. 

ورمت الصور في وش صباح.. 

- بنتي شافت بنتك في الجامعة ومعاها شاب عوزاكي بقى تقوليلي ايه مبرراتك دلوقتي عرفتي تربية مين الوسخ.. ة. 

صباح حست بحزن انها شايفة بنتها اللي الكل بيحلف بأحترامها وادبها ومليون شاب يتمنى يتجوزها واقفه مع ولد في الجامعة، هي واثقة في تربيتها بس محروق دمها أن ريهام بنت سماح صورت بنتها كدا وجاية تشمت فيها اتكلمت بحزن واضح ... 

-تعرفي يا سماح أنا عمري متخيلت أنك تكوني بالوساخة دي... جاية انتي وابنك تفرجوا الناس علينا وتقولي كلام في حق بنتي للدرجة دي وصلت بيكي. 

سماح بشردحة: 

- بقولك ايه يا ست أنتي مش هتبقى بنتك غلطانة وتيجي ترمي علينا بلوتها بنتك اللي عملالنا فيها الخضرة الشريفة اتكشفت على حقيقتها خلاص.. 

عامر اخو ريهام كان واقف وبيسمع اللي ببحصل ومش بيتكلم بسبب هو ببحب نسمة جداً واتقدملها كذا مرة بس هي كانت بترفض بسبب سمعته الوحشة وكمان هي في كلية هندسة فكان مفكرها رفضته بسبب تعليمها، فحب يشمت فيها ويخالي مرات عمه راسها في الأرض بسبب بنتها ويعلم ابن عمه ابراهيم الادب علشان هو اللي كان بيشجع نسمة ترفضه فاتكلم بخبث.. 

- هنعمل ايه بس يا ماما هما طالعين السما بتعليمها ده بس ميعرفوش انه ده نقمة مش نعمة عليهم، بنتهم ماشية على حل شعرها ومفهماهم إنها محترمة ومتربية. 

سماح ضحكت بشماته وهي بتقول لكل الناس اللي بتتفرج: 

- اتفرجوا يا عالم علشان بس تعرفوا أن بنتي أنا المحترمة وهما اللي بيتبلوا عليها وقال ايه بنتي بتغير من بنتها .. 

وكملت بخبث وهي بتعمل نفسها بتبكي: 

- مش عارفه والله ليه واخدين نقرهم من نقر بنتي الغلبانة.. 

التهامس بين الناس بداء يزيد وصباح كانت واقفة قدام بيتها بحزن وبتتمنى الارض تنشق وتبلعها بس فجأة الكل سكت على صوت خلاهم يبطلوا كلام.. 

- جرا ايه منك ليه ليها في ايه هو انتوا ما بتصدقوا جنازة وتشبعوا فيها لطم امشوا من قدام بيتي أنا أختي اشرف من الشرف وبكره اوريكم ده بعنيكم.. 

ابراهيم اخو نسمة وهو يعتبر اللي مربي نسمة وعارف اخلاقها. 

راجل من اللي واقفين: 

- أنت مش شايف يا ابراهيم نسمة واقفة مع واحد يعني كلام مرات عمك صح. 

ابراهيم بعصبية: 

- صح إزاي أنا عمري مشكك في أختي أبداً ولو شفت ده بعيني نسمة دي أنا مربيها وعارف اخلاقها كويس والا ايه يا عم ماجد هو مش حضرتك أنت كمان عارف نسمة أختي.. 

عم ماجد بحزن: 

- انا واثق فيها بس دي صور غصب عننا يابني بنشك فيها.. 

إبراهيم: 

- أنا هثبتلكم أن أختي بريئة وعمرها متعمل كدا وبكره هروحلها الجامعة واعرف منها مين اللي واقفه معاه في الصورة ده. 

الكل بداء يمشي وسماح شمتانة فيهم وهي بتقول لأبنها.. 

-يالا يابني نمشي من قدام البيت ده أصل الناس تفكرنا لينا علاقة بيهم أصل الواحد ملهوش غير سمعة. 

ابراهيم كان هيروح لمرات عمه بس أمه مسكت ايده وهي بتقول: 

- سيبها يابني ربنا ياخدلنا حقنا منها أهم حاجة أختك دلوقت.. 

~~~~~~~~~~~~

تاني يوم... 

كانت بتجري في السكن لأنها متأخرة عن المحاضرة.. 

- سميرة سهى قوموا أنا بقالي ساعة بنده عليكم وانتوا مش راضين تفوقوا.. 

-في ايه يا نسمة هي الساعة كام يعني.. 

نسمة بصتلهم وربعت اديها بتكبر وهي بتقول: 

- الساعة 8 بس يعني متأخربن. 

سميرة بخضة: 

- يلهوي أتأخرنا.. 

سهى بهزار: 

- انتي لسة هتتخضي قومي البسي بسرعة.. 

نسمة بضحك: 

- أنا صليت ولبس وهخرج قبلكم علشان المحاضرة متفوتناش ويكون في حد فينا لحقها من أولها وأنتوا متتأخروش.. 

سهى: 

- اشطا يا صاحبي.. 

نزلت نسمة وراحت الجامعة وهي داخلة من باب الجامعة. 

-أه مش تحاسبي. 

-اسفة مخ.. أنتي. 

-ايوه أنا يا بنت عمي ايه مش متوقعة تشوفيني في الجامعة ياعني. 

نسمة باستغراب وهي شايفة بنت عمها كانت لابسة فستان وطرحة غير عادتها اللي بتلبس بناطيل وبتطلق شعرها فاتكلمت وهي بتحاول تستوعب ده وتمشي من قدادمها علشان اتأخرت على المحاضرة.. 

- براحتك.. 

وسابتها ودخلت المحاضرة بتاعتها وريهام كانت بتبتسم إبتسامة خبث وهي بتبص للي حط ايده على كتفها. 

-شاطر نفذت إللي قولتلك عليه.. 

-اي خدمة ياستي أهم حاجه متنسيش هديتي.. 

غمزتله وهي بتقول: 

- هديتك في الحفظ والصون أهم حاجة تخدمني علشان إبراهيم جاي النهاردة عاوزك تخليه يتبرى منها.. 

سامح باستغراب: 

-بس في حاجه محيراني هي مش دي بنت عمك إزاي تعملي فيها كده الصراحة النوتيلا دي حرام يتعمل فيها كده... 

ريهام بغيرة: 

-لاء والله عجباك قوي.. 

-توء مين دي اللي تعجبني ياجميل هو حد يكون معاه الفرس ويروح للخيال.. 

وكان بيقول جواه: 

- هفضل وراكي بس علشان افوز بقلب نسمة مش اكتر أصل مين هيبص في وش واحدة ذيك.. 

~~~~~~~~

في القاعة بتاعة المحاضرات.. 

-بت يا نسمة شوفتي اللي شوفته.. 

نسمة بصتلها وهي مستغربة وبتقول: 

- ايه اللي شوفتيه يا سميرة.. 

سميرة بهزار: 

- شوفت بنت عمك بس كانت ايه حاجة جمدان كده ومحجبة ولابسة طرحة هي خلاص ربنا تاب عليها.. 

-احنا ندعيلها وبس يا سميرة مش عايزة حد ياخد مني حسنات يابنتي ربنا يثبتها ويهديها.. 

وانتبهوا للمحاضرة.... 

~~~~~~~~~

كان ماشي بكل هيبة وفخر ببدلته السودة وجسمة الرياضي وعيونه الخضرة،  كان مدير الحسابات في الشركة بيجري وراه وهو بيقوله بامر.. 

- جبت كل الحسابات بتاعة السنة دي... 

-جبتها يا يزن بيه.. 

وساعتها اتكلمت سكرتيرة مكتبه بسهوكة وهي بتجري وراه: 

- كلمت كل العُمله يا يزن بيه وعرفتهم تفاصيل الشغل وأنك رجعت بعد سنة وطالبهم كلهم في إجتماع.. 

بصلها بصة برود وهو بيقول: 

- طب كويس أنك بدأتي تاخدي بالك من الشغل بس خفي شوية أنا مش من النوع ده.. 

مدير الحسابات ضحك بس بصوت واطي وبعدها سابهم ودخل مكتبه بعديها بصلها عمر وهو بيقول: 

- ههه والله ضحكت عليكي بجد قولتلك يا شوشو بلاش يزن بس الظاهر أن طبعك بيغلب عليكي قدامه.. 

شوشو بصتله وهي مدايقة وبتقول: 

- ياريت تبطل بقى والا علشان محدش معبرك غيران.. 

بصلها بقرف ومعالم وشه ظاهرة: 

- أنا أغير من واحدة زيك ليه اتجننت.. 

وسابها ومشى وشوشوا كانت مدايقة جداً.. 

~~~~~~~

- أخيراً المحاضرة خلصت أنا تعبت جداً. 

نسمة وهي بتضحك: 

- يابنتي أنتي معملتيش حاجة غير انك قاعدة تبصي على الدكتور وبس.. 

- يابت يا سماسم أما عليه جمال يهبل.. 

سهى بهزار: 

- والله يا سميرة مهتجبيها لبر إحنا هنا علشان نتعلم وبس مش علشان نحب خدي بالك..  

- مش يالا بينا والا ايه. 

سهى وسميرة: 

- يالا بينا بس ايه رأيك نروح الكافيتريا نشرب حاجة علشان دماغي هتفرقع من الصداع.. 

سميرة: 

- والله يا سهى أنا كمان دماغي بتوجعني.. 

نسمة: 

- تمام يبقى نروح نشرب حاجة ونمشي علطول... 

اتوجهوا الكافتيريا اللي قدام الجامعة وقعدوا علشان يشربوا حاجة.. 

-انسة نسمة ممكن كلمة.. 

نسمة وصحابها بصوا على صاحب الصوت: 

- سامح عاوز ايه وبتنده عليا كده ليه هو أنت محرمتش.. 

- لاء مش اللي في دماغك بس أنا ندمت على اللي عملته معاكي وجيت اقعد معاكم.. 

نسمة: 

- انا اسفالك مش بقعد حد معايا أنا وصحابي وأسفك مقبول.. 

سامح بمكر: 

- طب طلاما كده أنا هعزمكم والله ومش هقعد معاكم.. 

نسمة بصت لأصحابها وهما هزولها دماغهم بأه.. 

- تمام.. 

وفعلا جاب المشروبات ليهم وحط في كباية الفراولة اللي طلباها نسمة برشام.. 

- اتفضلوا وانتي يانسمة خدي الفراولة بتاعتك.. 

نسمة مدت إديها و.... 

ياترى فعلاً نسمة هتشرب والا حاجة هتحصل، وبالنسبة لأبراهيم فعلاً هيثبت برأة اخته والا ده مجرد بداية.. 

تكملة الرواية من هناااااااا