رواية طفلة في عصمة صعيدي الفصل الثاني وعشىرون 22 بقلم رحمه حوالــــه (حصريه وجديده في مدونة قصر الروايات)

 رواية طفلة في عصمة صعيدي الفصل الثاني وعشىرون  22 بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الثاني وعشىرون  22 بقلم رحمه حوالــــه (حصريه وجديده في مدونة قصر الروايات)

الفصل 22

دخل عصام الفيلا وشاف سلمي قاعده في الريسيبشن بتبصله بترقب كإنها كانت مستنياه ييجي واول لما شافته قربت منه برافعة حاجب.... في حاجه انت لازمن تعرفها حاجه كبيرة جوي

_ اتكلمي يا سلمي معنديش اي وجت جولي رايده تجولي ايه 

_ استني لاول تعالي ناكل حاچه ويا بعض، اني حضرت وكا هتحبه جوي

عصام بصلها ونفخ بضيق... سلمي هتجولي في ايه ولا امشي

مسكت سلمي ايده وهزت راسها بالايجاب، وعصام بص لايدها بضيق وبعد ايديها عن ايده.. حركاتك ديه يا سلمي مجفوشة جوي ابعدي عنيا احسن

_ليه دايما بتحاول تبعدني عنك يا عصام، عصام انت مش حاسس باللي اني حساه

وقف عصام وسند راسه علي الحيطه وبصلها برافعة حاجب.... وايه بجي اللي انتِ حاسه بيه يا سلمي

سكتت سلمي شوية وبعدين بصتله في عيونه مباشرةً، كانت بتفرك ايديها بتوتر وبتحاول تجمع الكلام من علي لسانها... عصام انا... انا بحبك

قرب عصام منها وكان مصدوم من اللي قالته... ايه اللي انتِ بتجوليه ده، انتِ عارفه معني كلامك ده ايه؟! 

_ايوه اني خابرة زين اللي اني بجوله، اني بحبك يا عصام بحبك جوي 

_ انتِ مجنونه يعني ايه بتحبيني، اني بحب فريده وانتِ خابرة اكده زين، واول لما الاوضاع بينا تتحسن اني هخطبها

بصتله سلمي واتملت عيونها بالدموع وشاورت علي نفسها بوجع.. طب واني يا عصام هو اني متحبش؟! چرب بس اكده تحبني ، والله اني استاهل اتحب، اني يا عصام من اول ما شوفتك واني اتعلجت بيك ورسمت حياتي وياك، علشان خاطري خليك ويايا اني وانسي البت فريده

متأثرش عصام من دموعها مكنش شايف قدامه غير فريده اللي بيحبها وبعد خطوتين عنها.... بصي يا بت الناس، طول وجودك اهنيه تنسي كل اللي انتِ جولتيه ديه، اني مش هجدر احبك اني بحب فريده

سلمي بصتله واتحولت تعبير وشها من الحزن للحقد واخدت لابتوب من علي الطربيزة وقربت منه.... فريده فريده، كل كلامك عن فريده، فريده ديه عجربة انت متعرفش عنيها اي حاجه 

بصلها عصام بغضب ورفع ايده لكنه نزلها تاني قبل ما يعمل حاجه او يضربها.... متچبيش سيرة فريده مرة تانيه علي لسانك انتِ فاهمه؟! 

مرتدش عليه سلمي وفتحت الابتوب علي فيديو 

_شوف بعنيك فريده عملت ايه، البت اللي انت مش شايف غيرها، شوف المصيبه اللي عملتها

بص عصام للفيديو بصدمه ومكنش مصدق اللي بيشوفه. 

............ 

وعند اوضة فريده في المستشفي كانت بتبص لحمزة اللي قاعد جمبها بنظرات كلها حزن، قربت منه واتنهدت بحزن.... ربنا هيجوم بتول وولدك بخير، بتول طيبه وعلي نيتها وعمرها ما اذت حد واصل، وانت يا حمزة عمرك ما أذيت حد وطيب جوي وعلشان اكده ربنا هيجوملك بتول بخير ويحفظ ولدك

حمزة بصلها وهو بيحاول يكتم دموعه ويتماسك وقال بتنهيده... كيف هجدر اعيش من غيرها يا فريده، مش هجدر واصل، بتول مالية عليا الدار، هي اللي سنداني وعايش كل حاجه زين بسببها

نزلت دموع حمزة اكتر وقام من جمبها وطلع وقف قدام اوضة العمليات وبعد شوية طلع الدكتور فجري عليه حمزة بقلق

_طمني يا دكتور ايه اخبار مرتي وولدها 

بصله الدكتور وحط ايده على كتفه بابتسامه... مرتك والجنين بخير، جدرنا نوجف النزيف الداخلي والجنين بخير ومرتك شوية وهتفوج، تجدر تدخل تطمن عليها

بصله حمزة بعدم تصديق وابتسم بفرحه وحمد ربنا وشكر الدكتور دخل اوضة بتول وهو بيمشي بخطوات كلها فرحه وعدم تصديق، مكنش مصدق ان مراته وابنه كويسين ومحصلهمش اي حاجه، دخل الاوضة وقرب من بتول بنظرات كلها دموع من فرحته، قعد جمبها ومسك ايدها اللي فيها الكانيولا وباسها وكان مستنيها تفوق. 

_ حاسس اني كنت ميت لما عرفت اللي حصولك وروحي اتردتلها مرة تانيه، الحمد لله، الحمد لله انك بخير يا بتول انتِ وولدي

......... 

وعند عصام كان ماسك الابتوب وشايف فيديو تسجيل كاميرا للمكان اللي قدام الفيلا اللي بيظهر كانت فريده قدام الشاب اللي بيمثل انه بيقطع الفرامل

بصت سلمي بمكر لعصام اللي كان مركز علي الفيديو بنظرات كلها صدمة 

_شوف، شوف يا عصام فريده عملت ايه، اني عارفه ايوه انها ركبت مع بتول وعملت وياها الحادثة بس هي اللي خطت للحادثة وركبت وياها علشان تبعد اي شكوك عليها، كانت متأكده ان الجنين اكده هيموت وكانت خابرة انها ممكن تعيش فخاطرت بحياتها علشان تجهض بتول، اني كلمتك علشان تيچي تشوف تسجيل كاميرة المراجبة

عصام بعد عيونه من الفيديو وبص لسلمي... امشي من وشي يا سلمي روحي اوضتك

مشت سلمي وهي بتخبط رجليها في الارض وبص عصام للفيديو باستغراب ومسحه

- مستحيل تكوني عملتي اكده يا فريده، مستحيل تعرضي حياتك للخطر انتِ وبتول والطفل 

......... 

وعند محمد كان قاعد جمب سلمي اللي بتحكيله عن اللي عصام عمله

_متجلجش اني عملت كيف ما انت اتفجت ويايا ومجولتش لعصام انك موچود ومسحت تسجيل الكاميرا اللي بيثبت انك عملت حاجه

في العربيه

- زين انك مسحتي الفيديو وزين انك حطيتك يدك بيدي

- انت ليك هدف ورايد توصله واني ليا هدف، هتوصلني لهدفي هساعدك واوصلك لهدفك، كيف ما اني ساعدتك انت لازمن تساعدني

ابتسم محمد وهز راسه بموافقه.

........ 

وبليل في اوضة فريده كان قاعد محمد وهو حاطط رجل علي رجل وبيغني

_الطفل مات، طفل بتول مات، ومبجاش موچود

ضحك محمد وهو بيقوم من علي السرير وبيدخل البلكونه 

_ديه الكلام اللي انت هتيچي تجوله وانت منهار وبتبكي، وجتها يا حمزة اني هبجي مبسوط جوي لما هخليك تتحسر علي ولدك اللي لسه مجاش علي الدنيا، وللاسف اابت فريده هتروح فيها بس مش المهم دلوك البت فريده العبيطه المهم اني اسمع خبر اجهاض بتول

وفجأة وهو بيكلم شاف نفسه حمزة اللي كان جاي بعربيته وببركنها، نزل حمزة من العربية وهو ماسك ايد بتول ووراعهم كانت ماشيه فريده وباين علي ملامحهم الضيق، محمد طلع من البلكونه شوية علشان محدش يشوفه وطلع من اوضة فريده اللي كانت فوق، وقف علي السلم ونزل راسه علشان يتأكد ان بتول اجهضت من غير ما حد يشوفه

بص لحمزة اللي كان واقف قدام عصام وسلمي

سلمي قربت من بتول وبصت لشكلها المجهد... طمنوني ايه اللي حصول؟! 

حمزة بص لسلمي وابتسم... ولدنا ابننا بخير الحمد لله جت سليمه ومحصولش اي حاجه عفشة لولدي

محمد فضل في مكانه متصمر بصدمه وبعدين دخل اوضة فريده وخبط ايده في الحيطه بغيظ.... كيف، كيف يوحصل ديه، كيف ولدهم بعيش بعد اللي حصول

خبط ايده مرة تانيه وجز علي اسنانه بغضب... لاه لاه مستحيل اللي بيوحصل ديه، اني كنت رايد اجهرهم علي ولدهم 

في الوقت ده دخلت عليه فريده وجرت عليه واترمت في حضنه... يا ابا اني عملت حادثة اني كنت خايفة جوي

بصلها محمد لعد اهتمام وابتسم ليها... لما سمعت باللي حصول، جلبي وجع، خفت عليكي جوي يا فريده الحمد لله انك زين. 

ابتسمتله فريده وقاعده تفكر بالكلام اللي قالهولها عصام وخوفه الكبير عليها اللي شافته في عيونه

في نفس الوقت كان قاعد عصام في اوضته وبيفكر في الفيديو اللي شافه كان عايز يتكلم مع فريده ويفهم منها اللي حصل لكنه مرضاش يتكلم معاها وهي تعبانه

............. 

طلع حمزة وهو شايل بتول لاوضتهم ونزلها بشويش على السرير 

_دلوك تجعدي ترتاحي ومتجوميش واصل واني اي حاجة رايداه هجدمهالك

بتول بصتله وهي حاطه ايديها على بطنها... الحمد لله يا حبيبي ان محصلش اي حاجة عفشه للبيبي

_والحمد لله ان محصلش اي حاجة عفشه ليكي

بتول بحزن... اني عرفت من الممرضة اللي انت حولته اصل هي جالتلي انك كنت خايف عليا جري لدرجة انك جولتلها انجذوا مرتي حتى لو مش هتنجذوا الطفل، للدرجة ديه حياة الطفل ولدنا الأول مش مهمه بالنسبه ليك

هز حمزة راسه بالنفي وقرب منها ومشي ايده علي شعرها

_لاه مش اكده اني كنت خايف عليه جوي بس خوفي عليكي كان أكبر 

بتول حطيت ايديها على وسطها بصتله بضيق... مكنش المفروض تجول اكده اني الطفل بالنسبالي اهم حتى من حياتي ولو كان حصل حاجه بسبب جملتك ديه اني مكنتش هجدر اسامحك يا حمزة

حمزة يصلها برافعة حاجب... بتول، انتِ لسه طالعه من عمليات وتعبانه ومش عارفه انتِ بتجولي ايه، لما تكوني زين نتكلم 

_لاه اني مش رايده اتكلم، سيبني اهنيه لوحدي يا حمزة، روح نام في اوضة يوسف

حمزة اتنهد وطلع من الاوضة وكان مقدر تعبها وحزنها وراح أرضك يوسف 

........ 

في نص الليل كانت قاعده سلمي في اوضتها بتكلم مامتها فيديو كول

ضحكت بسمله تعي بصه لمامتها... وجت جصير وهوصل للي اني رايداه يا اما وهجيب حج اختي

_متى هترجعيلنا يا حبيبتي احنا مستيينك واختك مستيناكي

_حطي الكاميرا باتجاه اختي يا اما رايده اشوفها اني اتوحشتها جوي

هزت مامتها راسها بالايجاب ومسكت الموبايل باتجاه اختها، بصت سلمي لاختها بحزن وهي شايفه حالتها كانت قاعده على كرسي متحرك وفاقده النطق، كانت جسد من غير روح

عيون سلمي اتملت بالدموع، قامت وقفت وقالت بحقد... خلاص اني جربت اوصل لعصام وهنتجم منيه، اني هرجعلك حجك منيه بعد اللي عمله فيكي،مش هنسا اللي حصول مش هنسي انك بجيتي اكده بعد صدمتك باللي عمله وياكي.

قفلت سلمي المكالمه بسرعه لما شافت الباب بيتفح، التفتت نحية الباب لاقيته محمد اللي دخل الاوضة وقفل الباب وراه وقرب منها وهو بيضحك

_هه ده انتي طلعتي شايله ومعبية جوي يا سلمي

مسحت سلمي دموعها وقعدت على السرير... اخد من اختي أغلى حاجه عنديها ورماها وهي فقدت النطق والحركه بسبب الصدمه اللي اتعرتضلها

_ومين جالك ان عصام هو اللي عمل؟!

اتنهدت سلمي بدموع وهي بتفتكر اليوم اللي قلب حياة اختها

حطيت ايديها على راسها وبدإت تحكيله

_كل حاجه بدإت لما جالنا مكالمه من المستشفى، جرينا للمستشفي وعرفنا من الدكتور ان سلمي اتعرضت لاعتد*اء، صدمتنا كانت كبيرة وقتها وصدمتها هي كانت أكبر ومن صدمتها مبقتش بتتكلم وكل لما نجيب سيرة عصام جدمها تتشنج وتتحول نظراتها لغضب، وعصام سابها وبعد عنيها ومكلمهاش من وجتها، ووجتها اني اتأكدت انه هو اللي عمل اكده.

بصلها محمد برافعة وهز راسه... ااااه وانتي بجي جاية علشان اكده تنتجمي

_ايوه ودلوك بعد ما انت عرفت حكايتي واني عرفت حكايتك وساعدتك ومسحت تسجيلات الكاميرا وانت لتبوظ الفرامل يبجي تساعدني

فكر محمد شوية وبعدين هز راسه بموافقه... ماشي انتِ ساعديني واني هساعدك بحاجة هتحججلك انتجامك في ثانية واحده، بس المرة الجاية الدور عليكي تساعديني

هزت سلمي راسها بالايجاب وابتدا محمد يقولها على خطته، بصت سلمي لمحمد بصدمه فضحك محمد

_هه متنصدميش اكده، انتِ لسه شوفتي حاجة! يلا دلوك اعملي اللي اني جولتلك عليه اني رايح انام وخطتنا نتيجتها هتبدأ من بكره

قال كده ومشي محمد وطلعت سلمي من الاوضة ونطراتها كانت كلها مكر

..........

تاني يوم 

كانت قاعده فريده في اوضتها بتفكر في كلام عصام وهمسه بحبه ليها، حضنت المخده بهيام، في الوقت ده صحي محمد وبصلها برافعة حاجب

_ها؟ ايه النظرات ديه؟انتِ بتحبي يا حبيبة ابوها؟

ابتسمت فريده وحكتله عن كل حاجه، عن عصام وعن حبه ليها، وحكتله عن سلمي

فقال محمد.. لاه يا فريده عصام بيحبك ويمكن انتِ فاهمه غلط، روحي يا فريده صالحيه

لكن يا بابا.... 

_لاه من غير لكن، روحي اتفاهمي وياه وحلوا مشاكلكوا يمكن اللي حصول ديه مجرد سود تفاهم 

فكرت فريده شوية بعدين هزت راسها بالايجاب وراحت لأوضة عصام علشان تتكلم معاه وتحكيله عن خوفها من الخيانه وانها مش هتقدر تجرب الشعور مرة تانيه لو في حاجه بينه وبين سلمي

فتحت الباب وهي بتجهز كلام مليان حب لعصام وبتهيأ نفسهاانها تعتذرله علي شكها له بعد الكلام اللي قالهولها، كانت لسه هتدخل لكنها فضلت واقفه متصمرة في مكانها من الصدمه وهي شايفه سلمي اللي نايمه جمب عصام 

يتبع..... 

طفلة في عصمت صعيدي 

بقلمي رحمه حواله

🔺محمد بدل ما يكون سند بنته بيخطط ضدها علشان يوصل لاهدافه

🔺سلمي اعترفت لعصام بحبها لكن كل الكلام ده كان كذب

🔺اللي عدي علي فريده قبل كده من خيانه محمد ونانسي لحمزة شافته مرة تانيه 

🔺ايه ردة فريده باللي شافته 

🔺خطة سلمي علشان تفرق عصام وفريده كبيرة والصدمه علي فريده هتبقي اكبر 

🔺هرمونات بتول هتتعب حمزة معاها 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا