رواية طفلة في عصمة صعيدي الفصل الثامن وعشىرون 28بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الثامن وعشىرون  28بقلم رحمه حوالــــه (حصريه وجديده في مدونة قصر الروايات)

رواية طفلة في عصمة صعيدي الفصل الثامن وعشىرون  28بقلم رحمه حوالــــه (حصريه وجديده في مدونة قصر الروايات)

الفصل  28

_ شكرا انك وافجت تعمل اكده يا دكتور اياد. اني ممتن ليك بخصوص موضوع فريده 

قالها عصام بامتنان وهو قاعد قدام دكتور اياد وبيبصله بابتسامة واسعه 

كمل عصام كلامه بابتسامه... وشكرا انك مجولتلهاش اني اتكفلت بفلوس الچلسات 

_ اني سعيد جوي ان اني شايف دلوك جدامي شخص واجف چار حبيبته حتي لو هي ما تعرفش بديه. 

_ فريده مش مچرد حبيبتي يا دكتور ديه اكتر من اكده بالنسبة ليا، اني نفسي بس تحس بيا وتثق بيا

_ فريده بجت زين كتير عن اي مرة، المهم دلوك تطمنها وتعرفها انك متچوزتش. 

هز عصام راسه بتفهم ومد ايده وودعه وومشي

.......... 

وعند فريده فتحت باب اوضتها ولسه هتدخل لكنها وقفت مصدومه لما شافت محمد قاعد علي السرير ومستنيها 

بصلها محمد بابتسامه، اما فريده غمضت عنيها وخدت نفس عميق وقفلت الباب وقربت منه

_حبيبت ابوها، اتوحشتك جوي يا بتي 

فتحت فريده عيونها وبصتله بكره مليان في قلبها من نحياه لكنها في لحظه خفت الكره ده وقربت منه بابتسامه واسعه واترمت في حضنه

_اتوحشتك جوي يا ابوي، اني جلجت عليك جوي انت كنت فين؟! 

خدها باباها في حضنه ورسم علي وشه ابتسامه واسعه مزيفه

_الحكومه اچت اهنيه علشان اكده، اني مشيت وچيت تاني، خابريني عنيكي انتِ زين؟! 

قامت فريده من حضنه واتملت عيونها بالدموع، حطت راسها في الارض بكسره... عصام يا ابوي الشحص الوحيد اللي حبيته كسرني واتزوچ واحده غيري، وعرفت كمان ان بتول وحمزة اتفجوا وياه كان ممكن يساعدوني اني ويوصلوا لاهل سلمي بس معملوش اكده، 

طبطب عليها محمد وبصلها بحزن، فكملت فريده بدموع.... اني بكرهم هما التلاته وعرفت دلوك انت ليه مبتحبهمش، كان وياك حج يا ابوي 

بصلها محمد برافعة حاجب ومصدقش كلامها وقال بشك.... يعني افهم من كلامك انك رايده تبجي ويايا ضدهم يا فريده 

هزت فريده راسها بالايجاب.. ليه اني شايفه في عيونك نظرة الشك، بتشك في بتك يا ابا؟ اني مستعده اعمل اي حاچه علشان تصدجني 

بضلها محمد وحط ايده علي راسه بتفكير... لو رايداني اصدجك يا فريده يبجي تثبتيلي انك فعلا بتكرهيهم ورايده تبجي ويايا، ومستعده تعملي اي حاچه،واني هثج فيطي ومش اكده وبس لاه،اني هجولك سر خطير جوي محدش يعرفه غيري. 

_ اني مستعده اثبتلك ديه، بس جولي رايدني اعمل ايه 

محمد بخبث... تسجطي بتول، تمو ـتي ابنها اللي في بطنها وبأي طريجه انتِ رايداها 

فريده بصتله بصدمه، عمره ما هيتغير ولسه خببث زي ما هو، ولسه بيفكر بابن بتول 

بصتله فريده لثواني قبل ما تهز راسها بالايجاب، وبعدها خرجت بسرعه من الاوضه 

غير محمد وضعيته وفرد رجله وابتسم بمكر... عارف انك مش هتعملي حاجه وانك بتكذبي يا فريده 

....... 

وعند فريده اللي كانت ماسكه جردل فيه مياه وصابون وبتكبه علي السلم، خلصت فريده اللي بتعمله وبعدين رجعت اوضتها مرة تانيه وقعدت جمب محمد

_اني عملت اللي انت رايده وشوية هتعرف ان بتول سجطت

بصلها محمد بشك لكن الشك زال لما سمع صوت صويت بتول، جرجت فريده وطلعت برا الأوضة ومحمد طلع وراها ووقف عند الباب علشان محدش يشوفه واتفاجئ لما شاف بتول وهي واقعه علي الارض وماسكه بطنها وبتصوت 

محمد بص لفربدة برافعة حاجب وفىيده ابتسمتله بفخر وهمست في ودانه... دلوك بجي واثج فيا يا ابا؟! 

محمد هز راسه بالايجاب كذا مرة وفريده ابتسمت، اما عند بتول كانت بتصوت وهي بتستنجد في حمزة، اجي حمزة وعصام وسلمي علي صوت صويتها واتصدموا من اللي شافوه ،اما حمزة كانت صدمته اكبر وفضل واقف متصمر في مكانه وهو شايف بتول واقعه علي الارض، جري عليها بنظرات مليانه خوف

_ايه اللي حصول يا بتول، ايه اللي حصول

بتول بدموع... الحجني يا حمزة، ولدنا يا حمزة ولدنا

شالها حمزة بخوف وجري بيها نحية باب الفيلا، وقبل ما يخرجوا بصت بتول لفريده وغمزتلها، وفريده غمزتلها هي كمان بابتسامة. 

خرج حمزة وهو شايل بتول علي ايده وحطها في العربية وراحوا معاه عصام وسلمي. 

اما محمد قعد علي الكنبة في الريسيبشن وبيبص لفريده بخبث

_برافو يا فريده دلوك بجي هجولك انك بت ابوكي

ضحكت فريده وقاعدت جمبه.. دلوك يا ابا هما رايحين المستشفي، جولي بجي عجبال ما ييچوا ايه اللي ممكن نعمله وانت بتفكر في ايه

_اني كنت بفكر في لاول اني اجتل حمزة كيف ما امجد رايدني اعمل، لاني لو مجتلتش حمزة امجد هيرچعني للسچن، بس اني دلوك مبفكرش في جتل حمزة

فريده باستغراب... وايه السبب؟! 

_اني لو جتلت حمزة هفضل دايما عبد عند امجد، وكل يوم هيزيد طلباته ليا، محمد اعمل اكده، محمد اجتل ده، وعلشان اتخلص من الحياه ديه، لازمن اجتل راس الافعي 

كانت بتسمعه فريده بصدمه كبيرة ومش متخيلة انها قاعده قدام شيطان

_ جصدك ايه بالظبط؟ 

_ جصدي اني لازمن اجتل امجد، هجتله وههرب، وهسافر من اهنيه، واني دلوك بظبط رحله هتنجلني لدولة تانية عن طريج البحر وهعيش حياة جديدة هناك 

قالها محمد بابتسامه وهو باصص علي صدمة بنته وتفاجئها من كلامه

_ واني هاچي وياك يا ابا، مطرح ما تروح اني هروح 

......... 

قدام الفيلا وخاصة في العربية، كانوا قاعدين الاربعه قدام بعض 

حمزة مكان السواق وبتول جمبه وسلمي وعصام وراهم وبيفتكروا كل اللي حصل

فلاش باك «نفس اليوم»

بعد مامثلت فريده علي محمد انها بتكرهم كلهم،واتفقت معاه علي انها هتسقط بتول خرجت من الاوضة وخبطت فريده علي اوضة حمزة وبتول ودخلتها وهي بتفرك ايديها بتوتر

_اني رايده اجولكوا علي حاچه 

بصلها حمزة وبتول بترقب فاتكلمت قريده وهي واقفه قدامهم.... ابويا رچع 

قام حمزة وقف بصدمه... ايه؟! ابوكي! قصدك محمد؟! كيف ديه هو في السجن

_ايوه بس هو هرب، وهرب كمان من وجت كبير وكان عنديا في الاوضة واني بصراحه مجولتلكوش من بدري علشان كان بيضحك عليا

_يعني كان عايش ويانا اهنيه وانتِ مجولتلناش يا فريده

قالها حمزة بصدمه ممزوجه بضيق، اتملت عيون فريده بالدموع وحطت وشها في الارض... للاسف ايوه، اني صدجته لما جالي انه هرب علشاني وخفت اجولكوا تبلغوا عنيه، بس طلع بيضحك عليا وچاي له نوايا

بتول... وساكته ليه يلا نبلغ عنيه

فريده وهي بتهز راسها بالنفي... لاه، ابويا عرف سر واني رايده اعرف ومش هعرفه منيه غير لما يثج بيا، لازمن اخليه يثج بيا وريداكوا تساعدوني، خاصة انتِ يا بتول

...... 

باك

حمزة... محمد ديه ليه لحد دلوك بيفكر يإذينا وحاطط عنيه علي ولدنا اللي لسه مچاش علي الدنيا 

طبطبت عليه بتول واتنهدت بحزن... منه لله مش كفاية اللي عمله 

عصام... احنا هنعمل ايه دلوك يا حمزة

_هنستني ساعه اكده وبعدين نرچع وفريده هتعرف محمد ان مفيش حاچه حصولت للطفل ولازمن محمد ميشكش في حاچه، اني دلوك هچيب واحد صاحبي دكتور هييچي يطمن علي بتول لان بعد الحادثة لازمن كل شوية نطمن علي بتول والجنين. 

............... 

وعند ملك اللي كانت بتكلم مروان في الموبايل في اوضتها 

كانوا بيتكلموا عادي لحد لما قالها مروان.... بما ان والدك ووالدتك هييچوا بكره من العمرة اني هكلم والدك علشان اچي اتقدملك

حطيت ملك ايديها علي بؤها بصدمه... انت بتتكلم چد يا مروان؟! 

ابتسم مروان وكانت ملك قادرة تحس بابتسامته حتي من ورا الموبايل وقال مروان... ايوه يا ملك هكلم والدك بكره، وهتفج وياه علي وجت مناسب وهچيب اهلي وهاچيلك، بس دلوك اجفي اكده في البلكونه يا ملك

وقفت ملك في البلكونه واتفاجئت بمروان وهو واقف تحت بيتها، حطت ايديها علي قلبها واتملت عيونها بالدموع

مروان من الموبايل.... بتبكي دلوك ليه بجي يا ستي؟! 

_يعني بجد يا مروان هتتجدملي وهبجي ليك؟! 

هز مروان راسه بالايجاب كذا مرة وهو بيأكدلها انها هتبقي ليه

_نزلي السبت يا ملك چايبلك حاچه

نزلت ملك السبت ومروان حط حاجه في السبت، وطلعته ملك واتفاجئت بدبدوب احمر ومعاه شيكولاتات كتير وورد

رفعت ملك حاجبها وحطت ايديها علي قلبها

_انت بتهزر يا مروان، كا دول علشاني اني،  طب بمناسبة ايه؟! 

مروان... امال هيكون علشان مين يا ملك، انتِ نسيتي ولا ايه ديه النهارده عيد الحب

ملك بصدمه... يلهوي ديه اني نسيت خالص 

ضحك مروان وهو بيبصلها من تحت... وانتِ هتفاكري ازاي وانتِ عجلك مشغول فيا يا ملك. 

ضحكت ملك بخجل وبصتله في عيونه مباشرةً بهيام، ومروان بادلها نظرات الهيام والحب. 

.......... 

وفي الفيلا، كانت بتول في اوضتها مستلقية علي السرير وقدامها الكل متجمعين الا فريده اللي كانت في اوضتها، وعندهم الدكنور صاحب حمزة اللي حاي يطمن حمزة علي بتول والجنينو يفحصها اكتر. 

........ 

_يعني ايه محصولش اي حاچه للجنين، هو ده بسبع ارواح! اني زهجت متي بجي هيمـ ـوت

فريده... اني عملت اللي انت رايده حتي لو منچخش بس اني حاولت جولي ايه السر بحي اللي محدش يعرفه غيرك

_ سر بخصوص حمزة بس مش هجوله دلوك يا فريده استني شوية 

نفخت فريده بغيظ وسابته ومشت ودخلت اوضة بتول وعرفتهم ان محمد بجي يثج فيها 

وقفت فريده جمب عصام وغمضت عيونها وهي حاسه بإنه امانها،وكانت مرتاحه وهي واقفه جمبه وقالت لنفسها 

_ده شعوري بش واني واجفه چارك امال شعوري يبجي كيف لو حضنتك او اتكلمت وياك او بجيت من نصيبك يا عصام، بس للاسف انت مخلتش فيه احتمالات للشعور ديه 

وشط افكار فريده حست بحد بيزقها وكانت سلمي اللي زقتها ووقفت هي جمب عصام 

فريده بصتلها برافعة حاجب... ايه شغل الاطفال ديه

قالت فريده كلامها بهمس وراحت وققت جمب سرير بتول. 

كتب الدكتور معاذ روشته وكان لسه هيديها لحمزة لكن سلمي اخدتها منه علشان تديها لحمزة علشان هي الاقرب

وهي بتاخدها منه ايديها اجت علي ايد الدكتور بالغلط، بعدت سلمي ايديها بسرعه وابتسملها معاذ وسلمي حطت راسها في الارض بخجل 

وبعد دقايق مشي الدكتور وبص عصام لسلمي.... تعالي يا سلمي اني محضرلك مفاجئة

بصتله فريده بغيظ وعصام بصلها لثواني قبل ما يبعد نظراته من فريده ويبص لسلمي بهيام وسابهم ودخل مرة تانيه الاوضه وهو ماسك بوكس كبير، واداه لسلمي

سلمي بصتله بابتسامه واسعه وخدته منه بحماس وفتحته

ولقيته مليان شيكولاتات كتير وسلسله فخمه، مسك عصام السلسله ولف ورا سلمي ولبسهالها 

سلمي بصتله بصدمه وبفرحه كبيرة، اما فريده كانت هتموت من الغيظ، فلت تبص لعصام بغيظ وغيرة وخبطت رجليها في الارض وخرجت وسابتهم، وفضلوا هما الاربعه يضحكوا علي غيرتها بالذات عصام اللي طلع وقف عند الباب وابتدا يراقبها وهي بتخبط رجليها في الارض بغيظ، لكن ابتسامته راحت لما شافها بتعيط بوجع.

يتبع.... 

طفلة في عصمت صعيدي 

بقلمي/رحمه حوالـه

♡ايه السر اللي محمد مخبيه بخصوص حمزة؟! 

♡ عصام هيقول امتي لفريده انه متجوزهاش وهي هتعمل ايه؟! 

♡هل محمد هيقـ ـتل اكرم؟ 

 تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا