رواية عهد الاسود حلقه خاصه 2بقلم زهرة الربيع (حصريه وجديده في مدونة قصر الروايات)

رواية عهد الاسود حلقه خاصه 2بقلم زهرة الربيع (حصريه وجديده في مدونة قصر الروايات)

رواية عهد الاسود حلقه خاصه 2بقلم زهرة الربيع (حصريه وجديده في مدونة قصر الروايات)

كنت عايز تعتدي عليا في نهار رمضان واتقولي مش قصدك... ليه كان حد غيرك معايا في الاوضه وانا معنديش خبر...اسمع اللي بتعمله ده مش هيفيدك بحاجه هتطلق يعني هتطلق

 غالب حاول يقرب منها وقال ...والله يا وعد انا ...

 وعد رجعت لورا بسرعه وقالت بغضب ...اخرج من هنا يا غالب اخرج بدل ما هنادي لهم تحت وافضحك واقول لهم على كل اللي عملته

 غالب قال بغضب ....يا بت هو انا عملت ايه ...دي يا دوب محاوله بوسه فاشله هو انا كنت  اغتص..بتك 

وعد قالت بغضب شديد ...ما انت كنت عايز تعمل كده لولا اني جريت وقفلت عليا باب الحمام 

غالب ضحك وقال ...انتي هبله يا وعد ..والله هبله..هو انا  امتى غصبتك على شئ او عملت اي حاجه بدون رضاكي..ما انتي عرفاني وعارفه اني مستحيل اذيكي او ازعلك بقصد مني

وعد اتنهدت بضيق وحاولت تهدى وقالت....اسمع يا غالب احنا كبار ومتحضرين ولازم نستوعب بعض...ونفهم ان...احم ان  ارتباطنا كان غلط من الاول ...احنا مش مناسبين لبعض نهائي افكارنا مختلفه واهتماماتنا مختلفه..يعني الللي  انا بشوفه كبير جدا انت ممكن تشوفه شيء بسيط...لا انت هتتغير ولا انا هقدر اتغير ف كفايه قوي كده امساك بمعروف أو تسريح باحسان.... انا عايزه حد يساعدني على عباده ربي اكثر ويقويني عليها ياخد بايدي معاه للجنه مش العكس 

غالب نزل عيونه فالارض وقال بحرج ...وانا مش الشخص ده طبعا يا وعد شايفه اني مش مناسب ليكي... بعد كل اللي عملته لسه شايفه اني مش مناسب ليكي 

وعد  بعدت عيونها عنه وقالت بحزن.... حاول تفهمني يا غالب انا مش حابه افضل عايشه كده وانا بلم في اخطائك واعديها انا عديت لك كتير من اول ما اتجوزنا يا غالب وبقول ربنا يهديه وبكره يبقى احسن بس بجد الموضوع بقى صعب عليا 

غالب بصلها بحزن شديد وقال....و هيبقى سهل عليكي نطلق 

لمعت الدموع في عيونها وقالت ....وجع ساعه ولا كل ساعه

 غالب  ابتسم بحزن وسخريه وقال..... ساعه ...فراقنا هيوجعك ساعه وبس

وعد ما قدرتش ترد وهو قرب منها وقال ....جايز فعلا يوجعك لفتره مؤقته .. بس لو بعدتي عني انا هعيش عمري كله موجوع مش ساعه ولا سنه حتى... يرضيكي تكملي حياتك وانتي دمرتي حياتي 

 وقربها ليه قوي وقال هو بيبص لعيونها.... انا بعشقك مدمن عيونك انتي كل حياه غالب كلها ما عنديش حياه من بعدك علشان خاطري يا وعد اديني فرصه اخيره عشان خاطر ابننا 

وقرب منها اكتر وهيه استسلمت بين ايديه بس اول ما قال الجمله دي دفعته بسرعه وقالت بغضي....مهو علشان ابننا ده بالذات لازم اعيد حساباتي مش هينفع يطلع نسخه منك يا غالب مش لازم واحده تانيه تبتلي بيه مش عايزاه يطلع صوره منك مستحيل استنى لحد ما تخليه زيك وصلت كده

غالب بصلها بدهشه وهيه قالت بحزم..... انا مصره على الطلاق اتفضل اخرج بدل ما انادي لهم واعمل دوشه ملهاش لازمه 

تحت بقى  كان الوضع اسوء اسد كان في قمه غضبه لما حس ان الجميع بيحاول يمنعه انه يطلع فوق عند وعد قال بغضب شديد ....انا عايز حد حالا يفهمني في ايه وعد فين وليه مش عايزيني اطلع لها...وده مغمى عليه ليه جوزك ماله يا روز ما تنطقي انتي كمان 

 روز كانت قاعده وبتملس على شعر نديم اللي كان كل ما يفوق يحس بدوخه مره ثانيه وقالت بحزن وقلق.... مش عارفه والله يا بابا يمكن كتر في كحك العيد عمل معاه مشاكل في الضغط او حاجه 

جبران قال بسرعه.... فعلا هو كتر في كحك العيد عيل طفس اصلا

اسد بصلهم بغيظ وقال... كحك العيد اه مصدقكم طب وابن عمك فين بقى بياكل كحك هو كمان

 جبران قال بتوتر بيحاول يخفيه... ابن عمي.. ابن عمي مين مهو فارس قدامك اهوه 

اسد بصله بغضب وقال.... ياصبر ايوب يارب...غالب فين يا جبران

اسامه قال بسرعه ...يوووه ما تخلي عندك سنس يا محاسن وعد مش موجوده وغالب كمان هيكونو فين يعني ..اكيد  في اوضتهم ..سيبهم براحتهم ياجدع  احنا خارجين من رمضان وكل سنه وانت طيب

 اسد بصله بضيق وقال....اقطع دراعي لو مكانش عامل مصيبه وانتم بتداروا عليه.... ابنك عامل ايه يا ضرغام اكيد مش هتكدب عليا انت كمان

ضرغام اتنهد وقال.... علمي علمك والله انا زيي زيك ما اعرفش حاجه

 فارس قال بسرعه ....ما فيش حاجه يا عمي انت تاعب نفسك ليه كده انت جاي من سفر وما لحقناش نتكلم معاك ووحشتنا قوي

 اسد اتنهد وقال... انت كمان وحشتني يا فارس 

وابتسم بخبث وقرب من نديم قعد جنبه على الكنبه وقال... انت كمان وحشتني يا جوز بنتي الغالي...قولي  بقى يا حبيبي غالب ووعد ليه قاعدين فوق

 نديم بص لجبران بخوف اللي شاور له على رقبته بمعنى هيدبحوا لو اتكلم 

بلع ريقه بتوتر وقال ...قاعدين  عادي يا عمي ما فيش حاجه ما تخافش

 اسد بصله بشك وقال ...حتى انت مفطمينك طيب انا بقى هطلع لهم انا عزول بحب اخنق الناس وهطلع لهم

اسامه وقف قدامه بسرعه وقال... يا ابني ما هم شويه وهينزلوا خلي عند امك دم ما تبقاش محاسن قوي كده

 اسد قال بغضب... ابعد من قدامي يا اسامه ما تدخلش في اللي ملكش فيه 

ولسه هيطلع نتالي قالت بحرج... بس هو اسامه معاه حق يا اسد... يعني الاحسن نستنى ينزلوا 

اسد قال بحزم...خليك انتي هنا يا روحي انا ما عنديش دم وطالع

 وطلع بسرعه من غير ما يسمع لحد

بقلم....زهرة الربيع

  جبران كان عمال يتصل على غالب بقلق بس مش بيرد عليه بص لاسامه بيأس وقلق

اسامه اتنهد ولسه هيتحرك ضرغام وقف قدامه وبصله بخنقه وقال..... هتقول لي في ايه ولا هتستنى اعرف دلوقتي لما ينزل 

اسامه اتنهد وقال...هحكيلك

اما جبران كان عايز يطلع ورا اسد بس اتفاجئ باللي شده بقوه على جنب بص بزهول واتنهد لما لاقاها حنين وقال بضيق... نعم في حاجه 

حنين قالت بحرج ...انا..اه انا كنت عايزه اسال على غالب هو في حاجه يعني غالب عمل حاجه مع وعد

 جبران قال بضيق... استعجل... استعجل في حاجه ما كانش المفروض يستعجل فيها ابدا ..ودايما في العجله الندامه

 ولسه هيمشي مسكت ايده بسرعه وقالت.... انا عارفه ان قصدك عليا بس والله انا بعمل كده علشان ..

بس قاطعها وقال بسرعه ....عشان بتحبيني و بتغيري عليا الاسطوانه اللي بتعمليها كل ما بتعملي بلوه من بلاويكي ما كلهم في البيت متجوزين وبيحبوا بعض وبيغيروا على بعض ده مش حب يا حنين دي قله ثقه ...انا حلفت لك اكتر من مره ووعدتك وفهمتك بدل المره مليون اني من وقت ما ارتبطنا ما بقاش في حياتي كلها غيرك انت وبس.. كون انك مش مصدقاني دي ما تبقاش غيره ...تبقى عدم ثقه

 حنين قالت بدموع.... انا كنت هعرف منين يعني ان انت محضر العشا علشاني افتكرت انك رايح مع واحده تانيه ما كنتش اعرف انك عامل لي مفاجاه كنت هعرف ازاي يعني لو كنت قايلي

جبران ضحك بيأس وقال... احضر لك مفاجاه واقول لك عليها... طيب حاضر كويس انك فهمتيني معلومه جديده ان المفاجأت بيتقال عليها مقدم.. عشان ابقى اطبق الموضوع ده مع مراتي الجديده عشان ما يبقاش عندها شك فيا 

ولسه هيمشي مسكت ايده بغضب وقالت.... ايه مراتك الجديده دي 

جبران قال قاصد يغيظها... زي ما سمعتي هتجوز واحده تفهمني وتثق فيا من غير ما تفكر عايز واحده ما تخنقنيش وتبطل تقول لي كنت فين وجيت منين واعدلها  ساعات اليوم ساعه ساعه ودقيقه دقيقه... عايزه ابطل اعمل جدول يومي لتصرفاتي وكلامي عايزه احط موظفين بنات معايا عادي جدا زي ما كل الناس بتعمل فيه حجات كتيره نقصاني ..وانتي عايزه تفضلي معايا خليكي مش عايزه الباب يفوت جمل

 حنين كانت بتبصلو  بشراسه ومسكتو من هدومه بغضب شديد وقال.....ده انا اقتلك واقتلها واقتل نفسي انت ليا انا وبس فاهم...لو فكرت في غير كده اخلص عليك بايدي اموتك ومش بهزر يا جبران تبات في تربتك احسن ما تبات في حضن غيري سمعت و

بس قطعت كلامها و شهقت بزهول لما شدها ليه بدون مقدمات وقرب منها بقوه وجنون في لحظه جميله سرقت انفاسهم 

شويه وبعدو عن بعض و هي لسه في حضنه وعضت على شفتها بخجل وقالت.... احنا في الصاله يا مجنون افرض كان حد شافنا

جبران بص لعيونها اللي بيعشق لمعتهم في قربه وقال.... مراتي وبعاقبها على كيفي وفي اي مكان ووقت ما احب

حنين ابتسمت وقالت.... يعني سامحتني خلاص.. حقك عليا والنبي ما تزعلش

 جبران اتنهد وقال... و انا من امتى بزعل منك يا هبله ..انا  كل ما اتخنق شويه من جنانك ده ادوب فيكي اكتر والاقي نفسي مش عايز ازعل غير في حضنك ...وحياة عيونك عندي انتي اول واخر واحده عدت على القلب ده

حنين ضمته بقوه وقالت....بس مش اول واحده عدت على الحضن ده ...وده اللي بيوجعني قوي 

جبران ضمها ليه وقال بابتسامه ....عشان مجنونه ماشي انتي مجنونه اللي فات نسيته خلاص انتي كمان انسيه مهو مش هنعيش عمرنا كله كده ....ابننا بيكبر مش عايزه يشوفنا بنتخانق كل شويه.... هتوعديني تبقى اخر مره 

حنين هزت راسها بالرفض

و هو ضحك وقال ...ليه

حنين بصتلو بحرج ةقالت.... عشان مش هقدر.. مش بايدي 

جبران هز راسو بيأس منها وضحك بخفه وقال...مفيش فايده...بس اعمل ايه بحبك...وبموت في جنانك ده...و قربها ليه اكتر 

حنين قالت بتوتر.... يا جبران احنا في الصاله

 بس كان بيقربها منو وكانو مش سامعها وهيه بتقول ....بقول لك احنا في الصاله يا جبران

 بس قاطعهم اسامه لما سحبوا من قفاها وقال...ما بتقولك في الصاله ...ده وقت نحنحه خلينا نلحق الغلبان اللي فوق وابقى سبل براحتك 

حنين اتكسفت جدا وجريت على المطبخ

وجبران  اتنهد بخنقه وقال ...اتفضل قدامي هو انتو ورايا وهعرف اسبل ولا اتهبب

وليه هيطلعو  ضرغام قال بغضب....برضو فضلت تلف وتدور ومقولتش فيه ايه ..ايه اللي حصل يا اسامه متخلنيش اقلب عليك

اسامه قال بغيظ منه.... هيكون حصل ايه يعني غير ان ابنك عامل له بلوه زي العاده

 ضرغام قال بغيظ ...ياااه حاجه جديده مكنتش اعرفه...وبصلو بنفاذ صبر وقال...ادخل في الموضوع  ايه هي البلوه اللي عاملها

اسامه اتنهد وقال.... مش مهم دلوقتي بعدين بعدين

 ولسه هيطلع ضرغام قال.... طب انت طالع  ليه  واحد رايح لبنتو انت مالك سيبهم

اسامه قال بغيظ منه....طالع اعمل رياضه ..بتقوي عضلة الفخد

 هاكون طالع ليه يعني هروح اشوفه طبعا ...هي كده الدنيا ناس تعك براحتها ...وناس تلم زبالتها

 اطلع يا ابني قدامي

 عند غالب كان واقف متوتر جدا ومش راضي يفتح الباب لما سمع صوت اسد

 وعد قالت بهمس وغضب.... يا غالب هات المفتاح بابا على الباب ده لسه راجع من السفر وتعبان مش هينفع نسيبه واقف كده 

غالب بصلها بتوتر شديد وقال ....مش هتقوليله حاجه صح وحياتي عندك وحياة ابننا

 وعد اتنهدت بخنقه وقالت ...يا غالب هات المفتاح بقولك

 غالب قال بتوتر اكبر.... لا..لا  لو فتحتي هتحكي له انا عارفك 

وعد قالت بغضب وهبه بتحاول توطي صوتها....ايوه هحكي له يا غالب اكيد مش هتطلق من وراه

غالب قال بغضب.... طلاق مش هطلق 

وعد قالت بغضب اكبر ....لو مجبتش المفتاح دلوقتي هصرخ واخليه يكسر الباب وانت عارفه

غالب اتنهد بيأس وطلع المفتاح وهو متوتر جدا 

وعد سحبت المفتاح منه وجريت تفتح الباب وهو قعد على السرير بياس شديد وحاسس ان كل حاجه انتهت

وعد اول ما فتحت الباب حضنت اسد وبقت تبكي بشده

اسد ضمها بخضه وهو بيطبطب عليها وقال.... اهدي يا قلبي في ايه في ايه يا حبيبتي عمل فيكي ايه المجنون ده 

وعد بصت لغالب اللي قاعد على السرير بحزن وقالت بدموع ...بابا انا ...انا

بس قاطعها اسد لما بص لغالب و قال بزهول ....ايه اللي انت لابسه ده يا اهبل انت 

غالب بص لنفسه وافتكر انه قاعد بالعبايه قال بسرعه ...ده ده اصل 

اسد بصله باستغراب وقال... اصل ايه... لابس كده ليه ايه اللي بيحصل ما تتكلمي يا وعد 

غالب قلع العبايه بسرعه وقال ....حمد لله على السلامه يا عمي ...مش كنت جاي بالليل

 اسد قال بغضب.... قلبي ما كانش مريحني وعشان كده جيت دلوقت.... اتكلمي يا حبيبتي في ايه وكنتي بتعيطي ليه

 اسامه وصل وقال بسرعه قبل ما تتكلم ...ما فيش هيكون ليه يعني واحده شافت ابوها بعد السفر ده كلو طبيعي تعيط هيه البنات كلها كده 

ايد نفخ بزهق وقال ....انت جاي ورايا ليه خد ابنك وانزل

اسامه اتنهد وقال.... عيب يا محاسن ده انت حتى واحشني 

اسد قال بزهق شديد...بس انت بالذات مش واحشني والله ما وحشتني ابدا

 اسامه قال بابتسامه بارده ....حبيبي والله القلوب عند بعضها 

اسد نفخ بزهق منه وشد وعد ومشي بيها دخل اوضته وقفل الباب عشان ما حدش يروح وراه ويعرف يفهم من بنته كويس 

جبران جذب شعر لورا بتوتر شديد وغالب اتنهد بياس وقال ..انا انتهيت خلاص مفيش فايده 

اسامه حط ايده على كتفه وقال ....ما قدرتش تقنعها 

غالب قال بحزن....ملحقتش  كنت بحاول بس ما ادانيش فرصه 

اسامه قال بضيق....هو كده طول عمره قارفنا 

وعدى الوقت رغم انها كانت دقايق معدوده لكن عدت على غالب كانها سنه كان واقف قدام باب الاوضه زي ما يكون مستني قدام اوضه العمليات رايح جاي بتوتر شديد 

اسامه قال بغيظ ...يا ابني خيلتني هي امك بتولد جوه..اترزع  بقى خلاص واللي عايزه ربنا هيكون 

في الوقت ده خرج اسد وقرب من غالب وهو بيبصله بسخريه وقال ....وعد حكتلي اللي حصل 

غالب نزل عيونه في الارض وقال بتوتر.... والله العظيم انا..

قاطعو اسد وقال ....و انا مش مصدق اي حرف من اللي قالته 

غالب بصله باستغراب وهو قال... بتقول انك مزعلها عشان الكل جات لهم هديه العيد وهي لا ..وانا متاكد انها  بتداري عليك في حاجه... بس انا قاعد لك  ومسيرك هتغلط ويا ريت تغلط..  كل سنه وانت طيب يا ابن الغالي 

قال كده ومشي وسابه واقف بزهول شديد

جبران جري عليه بفرحه وحضنه جامد وقال  جامد يلا عملتها يا برنس 

غالب ضحك بسعاده وهو مش مصدق نفسه واسامه حضنه وجبران جري على السلم صفر لفارس ونديم وقال... تمت المهمه يا اسود يا ولاد الاسود 

فارس نط بسعاده وحضن تاره وشالها وبقى يلف بيها بسعاده قدام الكل ونديم كمان حضن روز بس هو قاعد مكانه وقال بزهول ....الحمد لله انا مش مصدق 

روز ضحكت وقالت.... ياه هي المشكله كانت كبيره للدرجه دي 

اتنهد وقال ....هي المشكله مش كبيره بس ابوكي بقى عامل لنا عقده ياروز انا مش قادر اقف على رجلي من الخضه 

روز ضحكت جامد وضمتو بحب

ضرغام بقى يبص لهم باستغراب من فرحتهم دي كلها وضحك واتنهد بياس على عمايلهم اللي مش بتخلص 

فوق عند غالب جري على اوضة وعد و قفل الباب 

وعد وقفت وقالت بارتباك... على فكره انا ما قلتلوش علشان ما ابوظش يوم العيد عليه و 

بس قاطعها لما قرب منها وحضنها وشالها وبقى يلف بيها بسعاده وهو مش مصدق نفسه 

وعد مسكت فيه وضحكت غصب عنها وقالت.... بس يا مجنون  هتوقعني 

غالب بص لعيونها وقال .....ده انا اللي وقعت في حبك ولا حد سما عليا.... سامحيني يا وعد ارجوكي.. اخر مره يا وعدي

وعد اتنهدت وقالت... هاحاول اصدقك يا غالب مقداميش حل غير اني اصدقك...انا...انا من امبارح بموت كل ما احاول افكر اننا ممكن نبعد قلبي بيتحرق....بصراحه كنت بفكر نبعد فتره عشان اقرص على ودنك شويه زي ما روز بتقول بس..

 قاطعها وقال بسىعه...اختك دي ما تسمعيش منها ابدا ما تسمعيش لاي حد اصلا ....محدش يعرف اللي في قلوبنا غيرنا 

وعد قالت بسرعه ....بس برده اللي انت عملته غلط وهتتعاقب عليه...و اسبوع كامل مش هتقرب لي ابدا

 غالب اتسعت عنيه بزهول وقال ...ايه.... ليه مش عيدنا خلاص 

وعد قالت باصرار....هو كده علشان تتادب... كده ولا نادي لبابا اقول له

غالب قال بغيظ..وعلى ايه...حاضر ربنا يخليلك بابا 

ابتسمت وقرصت خده بلطافه وقالت... امين يا رب ويخليك ليا يا حبيبي 

غالب ابتسم وقال...ويخليكي ليا..انا بعشقك..اوي..اوي يابت ولسه هيقرب بعدت بسرعه وجريت ناحية الباب وقالت.... معايا شغل النهارده كفايه طنشتهم من امبارح ابقى خلي بالك على اسد الصغنن لو صحي شيلو

قال بغيظ...محمد ابني اسمو محمد كفايه علينا الاسود اللي في البيت اللي كرهتنا في عشتنا

وعد ضحكت جامد وقالت...اسد ولا محمد في النهايه ده ابننا  ابن وعد حبيبتك 

وبعتت له بوسه مع الهوا وجريت نزلت تحت

غالب ضحك بخفه على حركاتها ورفع ايده للسما وهو بيحمد ربه وبيقول... اللهم لك الحمد يارب...يالطيف..يا غفور  انا اسف يا رب اسف جدا ...انا مهما اذنبت انت مبترفعش سترك عني ولا بتسبني لوحدي اللهم لك الحمد والشكر استغفر الله العظيم واتوب اليه

بالليل كانو متجمعين ومبسوطين جدا في احتفال كبير جدا بحضور الاهل والقرايب والاصدقاء

كان الجو مليان محبه وكل واحد جايب لمراته هديه بيقدمهالها بمناسبه العيد

واكتملت البهجه بدخول ليالي اللي جريت على باباها وهيه بتحضنه بقوه وسعاده وهو بيحضنها بلهفه ومحبه 

واتبادلو السلام مع الكل وشوق سلمت على مرتضى 

مرتضى كمان راح سلم على اسامه اللي قال بضيق زي العاده ... جايباه معاكي ليه ده 

بقلم....زهرة الربيع.

شوق داست على رجله بغضب وهو قال بسرعه..ااه..  قصدي منورنا حبيبي طبعا منورني 

مرتضى بص لليالي بياس وتقدموا الشباب كلهم حضنوهم وضرغام سلم عليه بحراره وبقم يحتفلوا كلهم بجو مليء بالسعاده 

اسامه اخد ابنهم من مرتضى وقال بحب ....عامل ايه يا سمسم يا صغير جدع يا واد جبت ملامح جدك كنت خايف تطلع لابوك ما هو دي مش سحنه تطلع لها برده

 ضرغام قال بسخريه...ما تتعبش نفسك عموما ما حدش هيطلع لك ابدا انت نسخه واحده في الدنيا ولا اتكررت ولا هتتكرر 

اسامه بص له بطرف عينه وقال.... ده مدح ولا ذم اصل الكلام في وادي والطريقه في وادي تاني خالص

 ضرغام ضحك وقال.... انا اقدر مدح طبعا يا حبيبي

اسامه قال..اممم بحسب

 وبص للليالي وكانت واقفه مع مرتضى  وبيوشوشها وبيضحكو

بصلهم بغيظ وقال ....ماتضحكونا معاكم ولا دي نكت اخر الليل 

ليالي اتحرجت ومرتضى كمان

ولسه هيتكلم شوق شدت اسامه بغيظ وقالت....عن اذنكم  يا جماعه هاخد جوزي حبيبي عايزه اقضي معاه باقي يوم العيد وشدته ومشيت بيه وهو بيبص لمرتضى وبيقول ....هقضي العيد وراجع لك عيني عليك

 الشباب ضحكوا كلهم ووقفوا جنبه وغالب قال بخنقه... ما تزعلش نفسك  في عيله الثابت الحمى اسوء من الحمايه 100 مره اسالني انا 

نديم قال بغيظ...واسالني انا معاه 

وشاور له على اسد اللي كان قاعد ومقعد بناته الاثنين حواليه وبياكلهم ومانعهم انهم يقفوا مع جوازهم زي كل اللي في الحفله 

مرتضى ضحك وهما كمان ضحكو من قلبهم على الموقف اللي هما فيه

على جنب كان اسامه واقف مع شوق وقال بمشاكسه ... وحشتك يا جميل ولا ايه

شوق  قالت بغيظ منه ....لا ما وحشتنيش...مالك و مال البنت 100 مره قلت لك دول خلاص متجوزين ومعاهم ولد دلوقت ما تسيبهم في حالهم ايه ده

 اسامه شدها لحضنه وقال ...ده كلام برده تكلميني فيه يوم العيد بدل ما تقوليلي كل سنه وانت معايا

شوق ابتسمت بياس وقالت... كل سنه وانت معايا يا مجنون 

اسامه سند جبينه على جبينها وقال.... كل سنه واسامه وشوق اسم واحد ما يتفرقش مختوم على القلب زي النقش على الحجر

اما ضرغام كان واقف مع وعد ولبسها خاتم جميل قوي جابه لها  وباس ايدها بحنيه وقال ....عيد سعيد على قلبي

وعد  ابتسمت بحب و قالت ....ربنا يحلي اعيادي دايما بوجودك

ضرغام ابتسم وقال... امين يا رب ويخليكي ليا يا ضي قلبي انتي يا عهدي اللي عمري ما اتخلى عنه

 ومسك ايدها بقوه وهما بيبصوا على اولادهم بسعاده

 فارس كان واقف مع تاره ومعاهم بنتهم وبيضحكوا سوا مبسوطين جدا 

وحنين كانت واقفه زي العاده بتحاول تشغل جبران عن كل البنات اللي في الحفله بس هو اصلا ما كانش بيبص غير ليها و بيرقص معاها رقص رومانسيه جدا

 والاجمل كمان ان نديم وغالب قررو اخيرا  ياخذو موقف وجريو على طاوله اسد وكل واحد سحب مراته وجري بيها بسرعه

اسد كان لسه هيمنعهم بس نتالي شدته بسرعه وقالت.... يلا نرقص يلا وحشني الرقص معاك يلا واخذته على ساحه الرقص  بالعافيه

 وحتى مرتضى بقى يرقص مع ليالي بسعاده

اما اسامه وضرغام  وشوق وعهد قعدوا على زاويه كلهم وحتى اسد وليالي انضموا ليهم و كانت مهمتهم في الحفله انهم يلاعبو الأطفال ويخلو بالهم منهم علشان يدوا مجال للشباب ينبسطوا باحتفاليه العيد 

ورغم كل اللي حصل لكن كانو مبسوطين جدا وهما شايفين اولادهم مرتاحين وبيضحكو مع زوجاتهم  بؤلفه ومحبه

 وايه ممكن يحتاجوا الاب والام اكثر من كده❤️

كده انتهت ااحلقه الخاصه وانتهى العيد مع اولاد الثابت كان يوم طويل ومليان خلافات بس الحب بيتخطى كل العقبات لو كان حقيقي ونابع من القلب ❤️

اتمنى تكونو استمتعو معاهم  وانتظرو الجديد والشديد روايه جديده و قويه باذن الله تعجبكم 

وحابه اقولكم كل سنه وانتو في سعاده ويجعل كل ايامكم اعياد وفرحه ...هيه صحيح متأخره جدا بس انتو عارفين مش بالأيد 

🥰

لمتابعة  الروايه الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هناااااااااا

الرواية كامله الجزء الاول من هناااااااااا

الرواية كامله الجزء الثاني من هنااااااااا

مجمع الروايات الكامله اضغط هناااااااا