رواية طعنات الغدر الفصل الثالث 3 للكاتبة داليا منصور الفرجاني حصريه في مدونة قصر الروايات

رواية طعنات الغدر الفصل الثالث 3 للكاتبة داليا منصور الفرجاني حصريه في مدونة قصر الروايات 

رواية طعنات الغدر الفصل الثالث 3 للكاتبة داليا منصور الفرجاني حصريه في مدونة قصر الروايات 

زقها جامد ولكن يزن لحقها: 

- أنت بتعمل ايه بدل متاخد اختك في حضنك تعمل فيها كدا هو ده السند االي بتقولوا عليه نصيحة بلاش تغلط غلكتي هتندم.. 

إبراهيم بصله وهو بعصبية : 

- مفيش غير واحد زيك يقولي اربي اختي إزاي. 

يزن اتعصب من إبراهيم وكان بيبص على نسمة اللي مستخبية وراه وماسكة في هدومه كأنه طوق النجاة.. 

سهى وسميرة قربوا من إبراهيم وسهى قالت.. 

- بقى بتشك في نسمة يا إبراهيم دي مكنتش بتصدق عليك الهوى دي كانت لم بتيجي سيرتك كانت بتفضل تدعيلك أنا عمري متخيل أن السند يبقى كدا.. 

إبراهيم بعصبية كأنه مغيب عن الواقع: 

- عوزاني أعمل أيه ها سيرتي بقت على كل لسان  في البلد غير مرات عمي اللي بتقطع فروتي وأجي علشان اثبت برأت أختي القيها في اوضة مع اتنين واحد مغمى عليها والتاني خارج معاها من الحمام اقول ايه بعد مشوفت النظر ده.. 

كانت ريهام واقفة على جنب وبتبتسم بشماته وبتبعت لأمها كل اللي بيحصل، بس شافها يزن وهي مش منتبه ليه وماسكة التليفون قال في نفسه... 

- معقول تكون صحبتها واقعة في مصيبة وهي مندمجة مع التليفون غريبة.. 

نسمة سابت هدوم يزن وقربت من إبراهيم وقعدت على الأرض وقربت من رجليه وهي دموعها نازلة وبتقول.. 

- عمري مكنت اتوقع في يوم يحصلنا كدا أنا بعتبرك سند ليا واخويا وأبويا.. 

الكل بصلها بحزن من كلامها وأولهم يزن لأنه عارف حاجة ومش عارف يقول عليها والا يسكت دلوقت وخصوصا لم شاف عصبية اخوها ممكن يعمل بلوة ويتأذى فيها.. 

-تعرف يا إبراهيم أنا كنت بصلي دايما وبقول يارب خليه ليا لأني معنديش غيره كنت لم اروح الجامعة وحد يكلمني اشوفك قدامي ابعد علطول ليه يا إبراهيم تشك فيا كدا.. 

إبراهيم ملامحة لانت وحس بزعل ونزل ليها وهي ماسكة رجليه علشان يواسيها بس فجأة بعدها عنه وهو بيقول.. 

- من النهاردة أنتي موتي خلاص ولا أنتي أختي والا أعرفك وهقول لأمي بنتك ماتت خلاص.. 

سميرة: 

-أنت بتعمل ايه يا إبرهيم ده كلام عاوز ترمي اختك في الشارع للي يسوى وميسواش.. 

إبراهيم بعصبية: 

- متقوليش أختي خلاص وسابهم وخرج وأول مخرج ريهام ضحكت بشماته وهي بتقول: 

- سوري يابنت عمي أنا قولت لإبراهيم مكانك علشان احميكي ولو عارفة أنه هيقاطعك مكنتش قلتله وسيبتك تلعبي بديلك.. 

سهى كانت هتضربها بس بس سميرة مسكت اديها على أخر لحظة وهي بتقول.. 

- سيبك منها يا سهى دي واحدة حقودة بانت على حقيقتها دي بتنهش في لحموبنت عمها مبالك هتعملنا ايه، بس أعرفي يا ريهام أن رب الحق مش بيسيب حق المظلوم وهتقعي في شر أعمالك في يوم.. 

ريهام سابتهم وخرجت ونسمة وقعت على الأرض وهي بتصرخ وتقول: 

- يارب سامحني أنا بشكيلك مش من باب العتاب بس قلبي مكسور من أعز الناس موثقش فيا يا رب أنا عمري معملت حاجة غلط طول عمري بخاف منك وبعمل لديني حساب بس ليه حصل فيا كدا، يا رب أنا قلبي مكسور من كل الحمول اللي جت مرة واحدة خسرت أغلى اتنين على قلبي شرفي وأخويا اروح فين بعد كدا.. 

سهى وسميرة قربوا منها وخدوها في حضنهم وفضلوا يعيطوا هما التلاته يزن كان شايف كل حاجة بتحصل ومستغرب كل حاجة بتحصل.. 

~~~~~~~

كانت قاعدة في اوضتها وبتصلي وبتدعي وتقول: 

- يا رب احميلي بنتي وابعدها عن عيون الناس الوحشة يا رب ابعد ريهام وأمها عن طريق بنتي وخليك جنبها.. 

سمعت خبط الباب جامد سلمت وقامت تفتح وهي بتقول: 

- ماشي جاية براحة في ايه بتخط كدا ليه.. 

فتحت الباب وهي بتشوف مين لقت اللي بيزقها ويدخل.. 

- غوري من وشي وانتي اكيد شبه بنتك الخاطية أنا خلاص بحمد ربنا أنه نجاني من نسوان زيكم.. 

صباح استغربت من كلام عامر وهي بتقول بعصبية: 

- قطع لسانك لو نطقت على بنتي حرف بنتي اشرف من الشرف.. 

سماح ضحكت بشماته وهي بتقول: 

- ايه أشرف من ايه هو المعدول ابنك مقلكيش على اللي حصل. 

وايه اللي حصل يا سماح علشان تيجي تتكلمي في عرض بنتي كدا.. 

-اصل إبراهيم معزور يقولك أنه شاف اخته مع شابين في اوضت النوم والا يقولك انه اتبرى منها.. 

نزل الكلام على مسمع صباح بصدمة وهي بترجع لورى وماسكة قلبها جامد وبتردد وتقول: 

- بنتي لاء بن....... 

وقعت بعديها وقطعت النفس... 

سماح اتخضت وهي بتبص لأبنها: 

- هو في ايه يا عامر هي وقعت كدا ليه.. 

قرب عامر وهو بيقول باستهزاء: 

- زمانها بتمثل علشان نبطل كلام مش اكتر وزقها برجله وقامتش نزل بسرعة عند وشها وحط صوبعه قدام انفها علشان يشوف النفس ملقاش نفس.. 

- ينهار اسود ياما الحقي.. 

- في ايه يا واد مالك مخطوف كدا اليه.. 

- اصل... اصل م.... مرات عمي مش بتتنفس خالص قطعت النفس.. 

سماح لطمت على وشها وهي بتقول: 

- يلهوي هنعمل ايه يا بني أحنا هنلبس مصيبة.. 

عامر ابتسم بشر وهو بيقول: 

- مصيبة ايه بس ياما دي فرصة العمر علشان اتجوز 

نسمة..

- مش فاهمة يعني ايه.. 

- يعني صرخي ياما بصوت عالي وقولي انها وقعت وانتي بتكلميها فجأة.. 

-ماشي يابن بطني  ... 

الحونا يا خلق الولية طبت وهي واقفة وقعت يا عالم.. 

الكل اتجمع واللي بقى يشيلها وعم حامد وهو بيردد: 

- لا حول الا قوة إلا بالله العلي العظيم إن لله وإنا إليه راجعون.. 

إبراهيم كان جاي على أول الشارع وكل اللي يشوفه يقول "لا حول ولا قوة إلا بالله" إبراهيم استغرب من الكلام بس دخل على أول شارعهم وهو حزين على اخته ومش عارف يقول لأمه ايه قرب من بيتهم شاف لامه كتير فـ اتوقع ان مرات عمه بتدايق امه زي كل مرة جرى علشان يشوف ايه اللي بيحصل واول مدخل البيت الكل بقى يوسعله وشاف مرات عمه بتعيط وابن عمه قاعد قدام جثة وبيدور على امه مش لاقيها.. 

سماح باصطناع البكاء: 

- ربنا يكون في عنونك يابني اختك ضاعت منك بسبب عمايلها وامك ماتت.. 

سمع إبراهيم طلمة ماتت وبقت تتردد كتير في عقله وهو مصدوم.. 

....؟ 

~~~~~~~~

عند نسمة كانت قاعدة وهي مش في وعيها بس سهى بتقومها وبتقول: 

- قومي يا نسمة خلينا نرجع السكن ياحببتي احنا معتش لينا غير بعض وبس.. 

يزن اتكلم بسرعة: 

- خليني اوصلكم.. 

كانت سميرة هتعترض بس حالة نسمة وهي ساكته كدا مخلياهم قلقانين.. 

-تمام ماشي...

وفعلا نزلوا وركبوا ونسمة كانتفي الكرسياللي ورى مع سهى وسميرة ركبت قدام ويزن ساق العربية في اتجاه سكنهم... 

وبعد دقايق بسيطة نزلوا ونزل يزن وهو بيساعدهم وهما داخلين من باب البرابة بتاعة السكن الجامعي.. 

اسف ممنوع دخول انسة نسمة هنا واحدة منكم تدخل تلم هدومها.. 

الكلمة نزلت على الكل بصدمة... 

ياترى ايه اللي هيحصل مع إبراهيم بسبب وفاة امه؟ وهل فعلاً اتوفت والا ده كلام؟ ونسمة هتروح فين بعد ميكرشوها من السكن الجامعي؟  الأحداث الجاية نار

تكملة الرواية من هناااااااا