رواية الغيره( انتي واقفه مع اخويا لوحدك ليه) الفصل الرابع 4 بقلم سارة علام حصريه في مدونة قصر الروايات

رواية الغيره( انتي واقفه مع اخويا لوحدك ليه) الفصل الرابع 4 بقلم سارة علام حصريه في مدونة قصر الروايات 

رواية الغيره( انتي واقفه مع اخويا لوحدك ليه) الفصل الرابع 4 بقلم سارة علام حصريه في مدونة قصر الروايات 

"٤"

مرت أيام وأنا مش قادرة أستوعب اللي حصل

كل يوم كنت بصحى على وجع فظيع جوايا... زي حد بيصحيني من عز النوم عشان يفكرني إني خسرت كل حاجة فجأة.

المكان الجديد اللي روحنا سكنّا فيه، كان بعيد عن كل الناس اللي أعرفهم... عن كل الذكريات اللي بتحاصرني كل ما أغمض عيني.

ماما كانت بتحاول تسليني... تخليني أخرج من الأوضة... تحضرلي أكل بحبه، تحكي معايا، بس أنا كنت جسد موجود... وروح تايهة مش لاقية مطرحها.

ومروان...

كنت بحاول أمنع نفسي كل لحظة إني مامسكش الموبايل وأبعتله رسالة، أو حتى أطمن عليه من بعيد.

بس كنت بوقف نفسي... بفكر إنه دلوقتي أكيد عايش حياته، يمكن حتى مرتاح إني اختفيت من حياته ومن مشاكلها.

وفي يوم

وأنا قاعدة على طرف السرير، ماسكة ميدالية صغيرة كان جبهالي مرة في عيد ميلادي... سمعت صوت ماما بتنده عليا:

ـ لين، في حد على الباب بيسأل عليكي.

استغربت... مين هيعرف مكاني هنا أصلًا؟

قومت وأنا قلبي بيدق بسرعة غريبة... مشيت بخطوات بطيئة ناحية الباب...

ولما فتحته...

لقيته واقف قدامي.

وشه متغير... تعبان زيي

وعينه أول ما شافتني، دمعت في ثانية.

قالي بصوت مبحوح:

ـ ليه مشيتي كده يا لين؟ ليه سبتيني من غير ما تودعيني حتى؟، هو دا وعد لولي القمر لـ مارو حبيبها؟.

وقفت مكاني مش قادرة أنطق

الدنيا كلها لفت بيا فجأة من تاني.

حسيت بالدموع بتلمع في عيني وضحكت ضحكة خفيفة اول ما قال الإسمين دول، إفتكرت وعدنا لبعض زمان اننا عمرنا ما هنبعد عن بعض مهما حصل... بس الدنيا طلعت أصعب من إنها تخلينا نوفي بوعودنا.

قرب مني خطوة...

ورفع إيده، ولمس خدي بحنية وقالي بعيون بتلمع:

ـ لسه لحد النهارده، لما بتضحكي، بترجع لولي القمر اللي كانت بتجري ورايا في الشارع.

وكمل بصوت حزين مكسور:

ـ أنا دورت عليكي في كل مكان... مش قادر أعيش وانتي مش معايا... لين، تعالي نبدأ من جديد وخليكي معايا 

متبعديش عني تاني، إنتي مش عارفة أنا بحبك قد ايه طيب؟ دا أنا مستنيكي تخلصي السنة دي علشان تبقي معايا وحبيبتي قدام الناس كلها.

سكتت لحظة، وجوايا حرب... بين خوفي على مشاعر حبيبه، واشتياقي لمروان... حبيبي وصاحبي اللي عينيا مشافتش غيره.

رفعت عيني وبصيتله، وهمست له:

ـ طب وحبيبه؟.

ـ أنا فهمت كل حاجة متأخر... حبيبه بتحبني اوي أنا كل حاجة في حياتها، غصب عنها حست إنها هتخسرني واني هبعد عنها.

لما قولتلها إني بحبك مشاعرها دخلت في بعض وتاهت، كل تصرفاتها دي ناتجه عن خوفها بس هي بتحبك جدًا انتي عارفه... ارجعي يا لين، خليكي معايا وأنا أوعدك هحل كل حاجه بس ابقى متطمن إنك معايا.

سكت، وبصلي بنظرة مش هنساها طول عمري...

نظرة حد فقد كل حاجة، ومسك في آخر أمل ليه.

وقتها قولتله وأنا ببكي:

ـ أنا تعبت يا مروان... تعبت اوي ومش عايزه أبعد عنكوا.

ضمني لحضنه بهدوء... وقالي:

ـ وإنتي معايا مش هتتعبي تاني... بوعدك.

بعدها مروان قعد مع ماما وفهمها الوضع كله واترجاها أننا نرجع معاه تاني لـ بيتنا.

وماما شافت حُبه ليا وصدقه في كلامه ووافقت إننا نرجع 

إتفقنا إننا مش هنقول لـ حبيبه حاجه دلوقتي، لحد ما نخلص امتحانات وبعدها نقعد معاها ونتكلم.

الأيام بتدعي في هدوء، حبيبه معملتش اي رد فعل لما شافتني رجعت تاني ولا فكرت تكلمني مع إن عينيها كانت بتقول عكس كل دا، علاقتي بـ مروان كانت بتقوى كل يوم

رجعنا لأيام زمان لما كان يجي ليا بالليل لما الكل ينام يخبط على باب الشقه ولما افتح ألاقي شنطة مليانه شوكولاته وايس كريم ووردة مكتوب على الكارت بتاعها "من مارو إلى حبيبته لولي القمر".

بدأنا امتحانات وكان مروان طول الوقت بيني وبين حبيبه

بيحاول يطمنا إحنا الاتنين.

وفي آخر يوم لنا خرجت قبل حبيبه بشوية وقت وكان مروان كالعادة واقف مستني بره، استغليت انها لسه مخرجتش وجريت عليه وأنا بضحك وهو مبتسم ليا بحنان

وقفت قدامه وانا بقوله بحماس وفخر:

ـ خلصت والامتحان كان حلو وسهل اوي.

لمس خدي وهو بيقولي بحب:

ـ لازم يبقى حلو، حبيبتي أشطر بنوتة وذاكرت وتعبت كتير.

مسكت ايده وانا بقوله بامتنان: كله بفضلك يا مروان، لو مكنتش موجود مكنتش هعرف اعدي كل دا لوحدي... أنا بحبك أوي.

ـ وأنا بحبك يا حياة مروان.

قالها وهو بيلمس على شعري وأنا مبتسمة له، كشر فجأة وهو باصص ورايا فـ عقدت حواجبي وانا بلف راسي مكان ما بيبص، شوفت حبيبه واقفه ورانا وبتبص لنا بهدوء وملامح جامده...

يتبع...

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا