رواية ساكن الروح الفصل الخامس 5 بقلم الكاتبه ميادةيوسف كامل (حصريه في مدونة قصر الروايات)
رواية ساكن الروح الفصل الخامس 5 بقلم الكاتبه ميادةيوسف كامل (حصريه في مدونة قصر الروايات)
#### الفصل الخامس
#### رواية ساكن الروح
#### بقلم ميادةيوسف الذغندى
☆☆☆☆ فى الجامعة
سارة :: هنا بقى ياستى المدرج بتاعنا،،وهناك هنا الورش اللى هنشتغل فيها،، الا انتى اشمعنا جيتى متأخرة ،يعنى اقصد ماجيتش من اول اسبوع ليه؟
سلمى :: اصل انا الأولى على المحافظة( دبلوم صنايع) مش ثانويه ،فعملت معادله علشان اجى تربية نوعيه فنون جميله،ومقدمه فنون تطبقيه، على فكرة ومنتظرة الرد،، ولو ماجتش مش مشكله ، هنا حلو برضو.
سارة :: طريقه كلامك من الريف؟
سلمى:: بفخر ، طبعا من الريف، ارض الخير والعز والجدعنة،وو
سارة :: حيلك حيلك ،بابا وماما من هناك بس لما اتجوزوا جم المدينه هنا واستقروا، واحنا فى المناسبات بنروح لجدو وتيتا وخالتي وعماتى وعمامى وكدة ، وبنحب الريف وجمالو اومال.!!
سلمى :: اه بفتكر ،ههههه، طب هنبدأ من فين بقى؟
سارة :: تعالى بقى سكشن دكتور معتز حاجه كدة ايه استغفر الله العظيم، الدقه والانتظام، والإنتاج الجيد، بسرعه بقى قبل لما يدخل الاول، اصل ممكن يطردنا برة يالا!؟
سلمى:: 😏😏 للدرجه دى، يالا!!
☆☆☆☆عند أمينة
شاهين :: خير ياامينة مالك فيه ايه ؟ متصله عليا ،وتعالى بسرعة تعبانه ولحجنى، مش جادرة، مالك؟
أمينة:: مش عارفة حاسة بتعب شديد وجسمى واجعنى جوى، ومش جادرة اتحرك، ابعت لدكتور ( زين) يجى هنا مش جادرة اروح فى حته؟!
شاهين :: 🤔🤔 للدرجه دى،، ماشى هتصل عليه، الف سلامة.
///// بعد وقت
شاهين :: خير يادكتور طمنى مالها امينة؟
الدكتور :: والله ياحاج من الكشف الظاهر ى كدة دى علمات حمل، ممكن بعد رحلة العلاج تكون مدام أمينة حامل؟
___ لازم نعمل تحاليل ، واشعه ونتأكد الاول، ودى الروشته اصرفها وجيب العلاج ونقول يارب، استأذن انا وبعد اسبوع كدة نعمل التحاليل ونتأكد لو الدورة الشهرية منزلتش؟!
السلام عليكم.
شاهين :: سعديه خدى هاتى العلاج دة، ماادخل انى لامينة.
سعديه :: خير ياحاج طمنى؟
شاهين :: والله كله خير ، وربنا دايما بيجيب الخير، الحمدلله على كل شيء، وله فى ذلك حكم، معقول بعد العمر دة والسنين دى ؟
سعديه :: يوه هو الحاج مالو بيكلم فى نفسه ولا ايه وانا مالى ماروح اجيب الدوا، وهبجى اعرف كل حاجه بعدين؟!!
أمينة :: خير ياشاهين طمنى ؟ جال ايه الدكتور ؟ جول انا جلجانه جوى؟
شاهين :: مش عارف اجول لك ايه؟ ولا ابدأ من فين؟ بس الف مبروك مبدأيا بيجول احتمال حمل بعد رحلة العلاج بتعتك؟!
أمينة :: والنبى جول تانى ،سمعنى كلامك الحلو دة، وحديتك العسل، كريم يارب ،مافيش حاجه تيجى من عند ربنا وحشه ،كلو حلو، الحمد لله ،الحمدلله.
شاهين :: على مهلك اومال استنى، بيجول بعد اسبوع ،لو الدورة الشهرية ماجتش نعمل تحليل ونتأكد اصبري.
أمينة:: حتى لو كدب سبينى انبسط شويه، افرح من جلبى ، من زمان الفرح مازارش بابى، ولاخبط على دارى، خلينى افرح وكانت بتتكلم وهى بتبكى، وراحت ارتمت فى حضن شاهين ، وشاهين اخدها فى حضنه،وهو مستعجب الحال وصعبان عليه أمينة وفرحتها، وخايف يكون مافيش حمل!!
أمينة :: انت مش فرحان ولا ايه ياشاهين؟
شاهين :: ازاى تجولى كدة فرحان طبعا، بس اجعدى وريحى نفسك،واوعى تتحركي، والبت سعديه تحت رجلك، هوصل مشاور كدة وجاى!
أمينة:: هتيجى وتبات معى النهاردة صح؟
شاهين :: طبعا ،بس كان عندى ميعاد ،مصلحه كدة هخلصها وجى.
سعديه :: بتخبط على الباب
____ اجى ياست امينة؟
شاهين :: ادخلى ياسعديه ، وخلى بالك من الست أمينة، وحطيها فى عينك، فاهمه ولا اية؟
سعديه :: هى فى عينى ياحاج من غير توصية، الف سلامة عليكى ياست أمينة مالك فيه اية؟
أمينة:: حامل ،حامل يابت ياسعديه.
سعديه :: اية حامل الف بركه ، لولوووووووى .
أمينة:: على صوتك اكتر واكتر يابت ،النهاردة يوم فرح.
☆☆☆☆☆ عند سميرة
شاهين ممدد على السرير وحاطط ايدو ورا راسوا،، وشارد ، دخلت عليه سميرة.
سميرة :: اللى واخد بالك ياضى عيونى، حلوة على كدة😉😉 مدد رجلك فى الماية الدافيه، والنعمه التطوير حلو السخان الكهربة دة اختراع، رحمنا من الوابور والجاز، يخليك لينا يارب، يوه ايه واخد عجلك كدة بكلمك ياحاج؟!!
شاهين :: سامعك ياروحى، بس اللى حصل برجل لى عقلى ،وخلاني تايه شويه، ومش مصدج والله، واللهم لا اعتراض ،بس كيف؟!
سميرة :: هههه☺️😉 كيف برضو هو انى اللى هجولك المرا تحمل كيف؟ ازاى؟ طب دانت سيد الرجاله، هات رجلك هنا مدها وريح أعصابك تعالى.
شاهين :: طب تصدجى ياجمر انتى ،اهو ردك دة واسلوبك ،هو اللى محيرنى؟
___ ومخلينى اتلخبط، فكرت لما اجول لك تجلبيها دندرة، وتجلبى عليا؟!!
سميرة :: اخس عليك ، انت لسه عارفنى؟
____ طب دانا فرحت لها جوى والله، ربنا يتم جميلو معها ويجبر خاطرها، ويدوجها ما يحرمها، بص ياحاج شاهين انا لما اتجوزتك كنت عيله وصغيرة ومعرفتش يعنى حب وجواز الا فى حضنك ومعك، وانى متجوزاك وانت متجوز أمينة، يعنى هى واقع وموجود ماجدرش انكروا، ووارد يحصل بينكم حاجات ماهى حلالك ، واللى يعترض يخالف ربنا وأعوذ بالله، ويحصل حمل وارد برضو أمينة مش كبيرة
ممكن، واللى جاى اخو او اخت ولادى، وليهم عندك حق، واللى يزعل من الحق يكفنا شرو، واه بغير عليك من هدومك، وبحبك موت، بس احب اشوفك فى المكان الصح فى كل حاجه.
شاهين :: اهو عجلك ولسانك الحلو دة سبب حبى فيكى ، شيلتى من على جلبى هم كبير، ربنا يخليكى لينا ياام جمال.
سميرة :: بس هما دول سبب حبك لى؟
___ ماشى على العموم هى الست ايه الا كلمه حلوة ولقمه حلوة وفرشه حلوة وو
شاهين :: خلها بتتكلم وشدها لحضنه بسرعه ،اجولك انا بجى الباجى تعالى........
¤¤¤¤¤¤¤ بعد وقت
سميرة :: الله بتلبس رايح فين كدة ،مش هتاكل لقمه؟
شاهين :: وعدت أمينة هبات عندها،، معلش اسمحى لى النهاردة بيومك، وهظبط الدنيا وجاى الصبح نفطر سوا ان شاءالله، هاتى خدك 🥰🥰 عسل انا ماشى استودعكى الله ،هعدى اشوف سحر وسلمى، انا اتصلت على جمال مش هيعرف ينزل الاسبوع دة ، وجاى الخميس الجاى بإذن الله، سلام.
سميرة :: واقفه بتسمع له وهى😯😯 هو اه مالو مستعجل كدة ليه ، داحتى خد الدوش بتاعوا بسرعة، ماشى يمكن فرحان بأمينة حجو ،ياوجع جلبى من بعدك ونومتك فى فرشة غيرى!!
سلمى :: خبطتها على كتفها ، طب كنتى حسيسه بغيرتك دى ، بدل ماانتى كدة ممشيها حجك وحجها، وانتى صحيح بتغارى على ابوى يااما ؟!
سميرة :: خضتينى يابنت اللذين ،انتى سمعتنى وانا بكلم ابوكى؟
سلمى :: صوتك اللى كان عالى ، وكنت جاية اجولك انى جيت من الكليه، صحيح مرات ابويا حامل؟
سميرة :: الاول الغيرة دى فى دمى، حامل مش حامل مش هيفرج معى فى شى،ثانيا انا مش عايزة ابوكى يوم العرض يوم القيامة يجى وضهروا مقسوم ،علشان مش عدل بين حريمو، ثالثا . هى من حجها تفرح وجوزها جنبها، حتى لو جلبى فيه نار اوعى تصدجى ان جلبى هادى لا والله ، وبعدين تعالى احكى لى عن يومك،جولى بجى ايه حصل بالتفصيل ، تعالى اغير ملاية السرير ونجعد ناكل لقمه
¤¤¤¤¤ عند أمينة
شاهين :: انتى نايمة ياامينة؟
أمينة:: لاء ولا نايمة ولا حاجه، تعالى ،اتأخرت يعنى ؟
شاهين :: ابد ولا اتأخرت ،ولا حاجه، سعديه، جهزى الاكل جعان وعايز اكل.
أمينة:: فكرتك روحت لسميرة، وكلت هناك؟!
شاهين :: يعنى اروح لها واكل ،عادى انا ماشى.
أمينة :: لاء بهزر والنبى تعالى اجعد ،ياسعدية جهزى الاكل.
//////////// بعد وقت
أمينة:: يوه هتنام على الكنبة ليه؟ السرير واسع اهو، تعالى هنا جارى وخدنا فى حضنك.
شاهين :: انا جولت اسيبك تاخدى راحتك ، هنا احسن ،خلينى بعيد.
أمينة:: فرحان انى حامل؟
____ ولا يوم حمل سميرة كنت فرحان اكتر؟
___ انا فاكرة يومها مسكت ودبحت العجل بايدك، وكانت الفرحه بتنط من عينك، بس النهاردة حاسه انك مش فرحان؟؟
شاهين :: ازى بجى ،فرحان طبعا، بس الحج انا استغربت ،بس مافيش حاجه ،بعيد عن ربنا، وبعدين انا برضو عايز اتأكد، اذا كان الدكتور بيجول اسبوع، لو الدورة ماجتش نروح نعمل تحليل، مش عايز نتسرع،ونجول يارب.
أمينة :: طب انا لى طلب، ومش عايزة تكسفنى!!
شاهين :: خير اطلبى ،ماتخفيش!!
أمينة:: انا عايزة دار جديدة زى سميرة، انت عملت لها فيلا كبيرة وجنينه وعربيه جديدة، وسمعت انك شارى لها دهب، فيه ناس شافوك وانت عند الصايغ!! بقلم ميادةيوسف
شاهين :: 🤨🤨 احنا في ايه ولا ايه ، وبعدين انا لما تجوزت سميرة كنت فى البيت الطين الجديم ، وانتى رفضنى تيجى هنا فى الدور التانى، وانا جولت افصل بينكم بعيد احسن، علشان مايبجاش فيه مشاكل كل شويه، وهى الحج الست مش اعترضت وصبرت معى سنين لما اشتريت بيت المهندس وكان صدفه انى اشتريه، والعربيه كانت بتعت ابوها الله يرحمه،وانا جددتها،والدهب من مكسبها فى المصنع والمحجر وهى بتشتري بيه دهب، ولعلمك لما عوزت اكبر المصنع مارفضتش واديتنى دهبها ابيعوا واكبر بيه المصنع والمحجر فكرتها، يعنى لو طلبت عينى والله مااتأخر عليها، سميرة دى فرش وغطا، تصدجى انا غلطان انى سبت يومها وجت لك نامي ياامينة نامى.
____ اجولك انا طالع اشرب حجر برة ،كان زمان الحجر والجوزة جاهزين لوحدهم من غير مااطلب!
¤¤¤¤¤ بعد كام يوم عند غنيمة
غنيمة :: لولوووووووى الف مبروك ياعبدالله مرات ابراهيم حامل ، وهتبجى جد.
ابراهيم :: واش عرفك ياوليه؟
غنيمة :: يوة دى حاجات ستات بجى، وعلى العموم هاروح بكرة المستوصف للدكتورة واكشف عليها.
¤¤¤▪︎¤¤¤▪︎¤¤¤ تانى يوم فى المستوصف
الدكتورة :: مبروك انتى حامل، بس انتى عندك كام سنه؟
أمينة:: بتبكى ،معلش يادكتورة اصل انا متجوزة لى عشرين سنه ومش مصدجه؟
____ ومن جلجى ،جولت اجى هنا اتأكد، انا عندى ٤٣سنة، وخدت علاج كتير.
الدكتورة :: على العموم لازم تتابعى الحمل،، وتاخدى فيتامينات ومقويات، والراحه اول تلت شهور، بس لازم اعرفك للأمانة الحمل فى السن دة بيبقى خطر، واحتمال تشوهات، ودلوقتي طبعا الطب أتقدم وفيه سونار نقدر نعرف بيه كل حاجه.
أمينة:: لاء والنبى ،تشو هات ايه بس،تفى من حنكك يادكتورة، انا نفسى فيه جوى! بقلم ميادةيوسف
الدكتورة :: اتفضلى استريحى ،وانا هكتب لك عنوان دكتور شاطر تتابعى معه، علشان انا مسافرة لجوزى السعودية كام شهر ولما اجى هنا ابقى تعالى .
أمينة:: ماشى بس لازم المتابعة دى يعنى؟
الدكتورة :: ضرورى للأمانة الطبيه لازم متابعة، وهنا المستوصف محتاج أجهزة حديثه ومش متوفرة حاليا، وانا لازم اتأكد بس مش تعملى الاشعه دى الا فى الشهر الرابع وانا هكون مسافرة .
_ بصت الدكتورة للممرضة دخلى الحالة اللى بعدها. بقلم ميادةيوسف
أمينة وهى خارجه قابلت غنيمة
غنيمة :: ايه دى أمينة خير ياحبيبتى تعبانه ولاايه مالك؟
أمينة :: ابدا ياحبيبتى ، حامل باركى لى ،اومال فيه ايه مالها مرات ابنك؟
غنيمة :: يعنى الكلام صح، الف مبروك ياحبيبتى، هاتى بوسه تعالى، زمان ضرتك متاغظه وغيرانة احسن خليها تولع؟
أمينة :: لاء والله جات وباركت لى ،وتطمن عليا كل شويه، حقيقى صدمتني بردة فعلها !!!
غنيمة :: شغل حريم عالى ،هى فيه واحدة تحب ضرتها برضوا حكم؟
وسعى ياختى الدور علينا.
الدكتورة :: تعالى اتفضلى، استنى هو مين اللى هيكشف
غنيمة :: مرات ابنى دى!!
الدكتورة :: عندك كام سنه انتى صغيرة لسه؟
غنيمة :: ولا صغيرة ولا حاجه ،طلعنها من تانية اعدادى وجوزنها، البنات فى البلد هنا كدة البنات كلهم ؟!😏😏
الدكتورة اووووف😟😟😟 للأسف دة غلط المفروض ، تكمل تعليمها، وبعدين تتجوز، الجواز مش هيطير، حتى يكون عندها بنيان عقلى وجسمانى يتحمل الجواز، مش تبقى ضعيفه وصغيرة، ولما تحمل تبقى قد الحمل والولادة، إنما عيله وتخلف ،طب هتراعوا مين فيهم؟
____ اللى بيحصل هنا دة والله حرام احنا بتقدم، ولا بنتأخر؟
غنيمة :: بجولك ايه يادكتورة اكشفى وطمينينا، هى حامل ولا لاء ،مش وقت وعظ وحكم؟
الدكتورة :: تعالى خدى هاتى حبة بول هنا، نشوف فيه حمل ولا لاء😡😡 وانت ذبك ايه الذنب ذنب الكبار!؟!
وبعد وقت بسيط ¤¤▪︎¤¤¤
الدكتورة :: حامل، والله حرام ودى جريمه فى حق البنت دى حرام عليكم.
غنيمة :: شكرا يادكتورة عملت اللى عليكى، سلام.
محمد :: ايه يامنال فيه ايه تانى ؟
منال :: ايه يامحمد فيه ايه، هو انا مش اختك يعنى ولازم تساعديني؟
محمد :: عايزة ايه منى قولى وبسرعه ، عندى محاضرات، ماتنسيش هناقش الماجستير كمان كام شهر ولازم اركز فيه؟
منال :: اخر مرة هتروح الكليه وتجيب لى بيان النجاح ، علشان ابعتوا لجوزى فى المانيا، عايزة اخلص الورق واسافر واريحك منى .
محمد ::😃😃😃 الكليه اه ومالو اروح هو انا عندى كام منال، صواريخ اخد دوش واحلق دقنى ، وطلعى لى القميص الاسمر والبنطلون الجينز ، والجزمة الجديدة، وانا هعملك اللى انتى عيزاة.
منال :: ايه كل دة؟
_ دة ورقه هتجيبها مش فرح بنت خالتك؟🤔🤔 وبعدين ايه الفرحه دى كلها؟
محمد :: روحى بس جهزى لى الهدوم روحى.....يتبع
ياترى ايه حكايه محمد؟
وامينة ايه اللى هيحصل معها؟
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
 رواية ساكن الروح الفصل الخامس 5 بقلم الكاتبه مي…){kind=link}
تعليقات
إرسال تعليق
فضلا اترك تعليق من هنا