رواية اللعب مع الشياطين الفصل السادس 6 بقلم منال عباس حصريه في مدونة قصر الروايات
رواية اللعب مع الشياطين الفصل السادس 6 بقلم منال عباس حصريه في مدونة قصر الروايات
#اللعب_مع_الشياطين بقلم #منال_عباس
السادس
بعد أن بدأ الشك يملأ قلب احمد من تلك الفتاة الغريبه أخرج هاتفها من جيبه واعطاها إياه وهو يستح*قرها وكاد أن يغادر
ليجد خلفه مصطفى ومعه فتاة
مصطفى وأحمد فى نفس واحد : انت ايه اللى جابك هنا ..لينظر كلاهما بتعجب
اما تقى فكانت أشد تعجبا منهم ..
تقى : سارة ..اتأخرتى ليه ومين اللى معاكى دا ....
احمد : فى ايه يا مصطفى ...
سارة : اتفضلوا جوا ما ينفعش الكلام على السلم
تقى بغيظ من اختها الصغيرة : يتفضلوا فين انتى ناسيه أننا لوحدنا ...
سارة : آبيه مصطفى مش غريب دا اخو خديجة ...لينظر مصطفى إليها ويقول فى نفسه آبيه !!! هى دى اخرتها ...
احمد : هو فى ايه بالظبط
دعتهم تقى إلى الداخل خوفا من يراهم الجيران ويسئيون فهمهم
تقى : اتفضلوا ..بقلم منال عباس
دخلوا جميعهم وجلسوا
سارة الحكايه وما فيها :....... وقصت كل ما حدث لها وكيف أنقذها مصطفى ...
احمد : يبقي انتى اللى اتصلتى على الفون
سارة : كنت عايزة اطمنك يا تقى عليا
بعد أن تفهمت تقى ما حدث شكرت مصطفى كثيرا ...ولم تنظر الى احمد حتى ولو نظرة خاطفة فهو أساء فهمها ....
احمد : صدفه غريبه بجد ...بس ليه انتم عايشين لوحدكم اكيد ليكم أقارب ..وجودكم هنا لوحدكم خطر عليكم ..
لترد تقى بحدة : احنا نعرف نحمى نفسنا كويس ومحدش يقدر يتجاوز حدوده معانا ...
ليرد مصطفى : انا كمان رأيي من رأي احمد
انتم بنتين حلوين ومطمع لأى حد
شعر احمد ببعض الغيرة من حديث مصطفى ...ليكمل مصطفى حديثه
مصطفى : ماما واختى خديجة عايشين لوحدهم وانا بروح ليهم كل فين وفين بسبب انشغالى ...ممكن تتفضلوا تعيشوا معاهم ...واطمنوا مش هتشفونى غير للضرورة ...
تقى : اشكرك بس احنا هنا فى امان اطمنوا ...
سارة ،: لا يا تقى مش فى امان ولا حاجه واللى حصل ليا النهارده ممكن يتكرر تانى وتالت .وهمست لأختها ولا انتى ناسيه علاء وزنه كل شويه ...على الأقل نخلص منه ..
تقى : طب سيبونى افكر وارد عليكم ...
كان احمد يفكر كيف أن يطلب هو الآخر أن تظل تقى بجانب والدته أو بالأصح بجانبه هناك شئ غريب يشعر بداخله أن تلك الفتاة مسئولة منه ... بقلم منال عباس
كانت تقى مشوشه من أحداث اليوم وبدأت تشعر بالصداع ..
سارة : مالك يا تقى شكلك تعبان
تقى : شويه صداع
سارة بعفوية : من قله الاكل علشان ما اتغدناش ...انا كمان جعانه ....
ليبتسم احمد على تلقائيتها ..
احمد : طب استاذنكم نجيب عشا ويبقي عيش وملح ..ونظر ل تقى وعلى الأقل اقدم اعتذارى لسوء الفهم ..
تقى : مفيش لزوم هنا كل حاجه ..
سارة : فعلا تقى بتحضر كل حاجه قبل ما تروح الشغل ...استريحى وانا هسخن الاكل ونتعشي كلنا سوا ..
لتنظر تقى لأختها بتوعد
ولكن سارة لم تعيرها اى اهتمام ونظرت إلى مصطفى ممكن تساعدني يا آبيه مصطفى
مصطفى : اه طبعا وبصوت هامس لها وهو يمشي خلفها مفيش داعى من كلمه آبيه
لتلتف إليه بابتسامه رقيقه خطفت قلبه
سارة : أومال اقول ايه ...
مصطفى وهو منجذب لتلك الفتاة الشقيه
: قولى مصطفى وبس ...ودخلا المطبخ لإعداد العشاء
عند احمد وتقى
احمد : بجد انا اسف لسوء الفهم اللى حصل
ولو تحبي نبدا صفحة جديدة ومد يده إليها
مدت تقى يدها على خجل منه ...ثم سحبتها بسرعة ..
احمد : ليه بتلبسي النقاب ..وانا شايفك هنا من غيره ..
تقى : الحقيقه ماكنتش عايزة حد يعرفني
احمد : انا عارف ان دى خصوصيات بس اتمنى اعرف منك السبب الرئيسي لشغلك وانتى زى ما أنا شايف وضع اجتماعى كويس ...
تنهدت تقى تنهيدة طويلة وبدأت تقص له ما حدث لهم .....بقلم روايات منال عباس
فلاش بااااااك
تلتف كل من تقى وسارة حول والدهم بالمستشفى
صادق ( والد تقى ) : اسمعينى يا تقى ..سارة امانه فى رقبتك ...انا اسف يا بنتى مقدرتش احميكم من غدر الزمان ..
تقى ،: ما تقولش كدا يا بابا حضرتك بكره تخف وتعوض كل اللى فات وابن عمى دا بكره يدفع تمن خيانته ...
اسمعى بس يا تقى : اول ما تروحى هتلاقي. مفتاح الخزنه فى المكتب ..افتحيها هتلاقي عقد الشقه اللى فى مصر الجديدة باسمك
وكمان العربيه ...لان الحيوان ابن عمك نقل كل املاكى باسمه ..
عودة من الفلاش
وبصوت مختنق أكملت تقى : وبعدها بابا مات وبقينا لوحدنا وابن عمى اخد كل حاجه لنفسه والحمد لله أن الشقه دى موجودة كان زمانا فى الشارع ...اما بالنسبه ليه بشتغل الشغل دا ...علشان المعاش مش بيكفى
وسارة مسئولة منى وداده ام فتحى كانت بتيجى تنضف عندنا وهى اللى دلتنى عليكم ..
النقاب سترنى من عيون الناس ..بس للاسف الدنيا صغيرة واهو حضرتك عرفت كل حاجه بسرعة ...
نظر إليها بندم : اسف يا تقى ..كان بداخله يريد أن يضمها إليه كى يعوضها ما حدث
استقرت عينيه على وجهها الجميل البريئ
احمد : تصدقى اختيارك للنقاب دا كان افضل اختيار ..انتى جميلة اووووى يا تقى ...
تقى : بحرج هقوم اشوف سارة اتأخرت ليه
احمد بابتسامه : وانا هاجى معاكى
وبدأ الاربعه فى رص الاطباق على السفرة
شعرت تقى بالأمان الذى فقدته منذ وفاة والدها ...
جلسوا الاربعه لتناول العشاء
مصطفى : الاكل طعمه تحفه تسلم ايدينا
سارة : انت هتصدق اننا عملنا حاجه ..تقى اللى عامله كل حاجه واحنا يا دوب سخنا الاكل ...
ليضحك احمد وينظر ل تقى بجد تسلم ايديكى ....
ليرن جرس الباب فجأة
احمد : انتم منتظرين حد ؟
تقى : لا
سارة : تلاقيه البواب
وقامت بفتح الباب ...لتجد فى وجهها ....علاء ابن عمها
سارة وقد ظهر عليها الارتباك علاء !!
علاء : ايه مخوضه ليه كانك شوفتى عفريت
سارة : انت جاى عايز ايه يا علاء
أزاح علاء يدها ودخل وهو يتحدث عايز اشوف الهانم اللى بتتهرب منى وما فيش رد منها لحد دلوقتي ليقف متسمرا لرؤيته
احمد ومصطفى ...
احمد : علاااااء !! انت. ايه اللى جابك هنا
علاء : قولى انت ايه اللى جابكم هنا ونظر إلى تقى باستحقار ...
علاء : وقال عملالى فيها الخضرا الشريفه وكل ما اقربلك تسمعينى محاضرة
وفى الاخر مقضياها مع كل واحد شويه ...
طب على الأقل انا أولى بيكى يا بنت عمى المصون كفايه أن بسببك ديما بابا بيعايرنى بيكى وبتفوقك يجى يشوف الهانم القدوة ...وانقض عليها يمزق ملابسها وهى تصرخ وتحاول أن تبعده عنها لكن دون جدوى وكاد أن يفترسها ليجد فجأة من يمسك به ويلكمه لكمات متعددة ليترنح ويقع أرضا ....
تصرخ سارة وتجرى على اختها تدارى ثيابها الممزقه ...
مصطفى : سيبه يا احمد هيموت فى ايديك
احمد : وهو يمسك ب علاء اياك حسك عينك تبص ولو بصه واحدة ل تقى ...
علاء : بصفتك ايه دا انت كدا مجرد زبون عند الحلوة ...بقلم منال عباس
احمد : اخرس يا حيوان ...بصفتى خطيبها ويلا من هنا واعمل حسابك أن حسابك تقل اوووى معايا ...وجذبه ورماه خارج الشقه
مصطفى : ما ينفعش تقعدوا هنا لوحدكم
يلا معايا حالا ...
ليرد احمد : اعذرنى يا مصطفى انسه تقى وانسه سارة من اللحظه دى مسئولين منى
ونظر إلى تقى ليفاجئها تقبلى ........يتبع
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا