رواية عمارة حنان الفصل الثامن 8 بقلم ميادة يوسف (حصريه في مدونة قصر الروايات)

 رواية عمارة حنان الفصل الثامن 8 بقلم ميادة يوسف (حصريه في مدونة قصر الروايات)

رواية عمارة حنان الفصل الثامن 8 بقلم ميادة يوسف (حصريه في مدونة قصر الروايات)

الفصل الثامن

من عمارة حنان بقلم ميادة يوسف 

شروق : خلاص يا مستر ايهاب هو هيمشى يالا ياابو على امشى مش عايزة فضايح!

عادل : ماشى ياشروق مستنيكى عند على سلام خلصى بسرعه وتعالى .

ايهاب :  ايه ياشروق انتى كاتبه انك مطلقه مش كدة هنا مكان شغل واكل عيش مش مكان لقى الاحبه نحافظ على لقمتنا ولا وقفه السوق واحشكى؟ 

شروق : خلاص يا مستر ايهاب خلصنا الموضوع خلاص ما اروح اشرب قهوه وقت الاستراحة عن اذنك

ايهاب : ماشى ياشروق روحى؛ وبيقول فى نفسه هتروحى مينى فين ودينى لاجيبك حاضر واللى حصل زمان مش هيحصل دلوقتى

*** فلاش باك

ايهاب : بقولك ايه يابابا عايز أخطب واحدة زميلتى معى فى الكليه بصراحه بحبها قوى ونفسى تكون مراتى وام عيالى نخطب دلوقتى وبعد لما نخلص السنه الأخيرة نتجوز قولت ايه!

ابو ايهاب : ومالو ياحبيبى هو وراى مين غيرك دلوقتى انت اخر العنقود وهو شقتك فوق تعتبر جاهزة وأخواتك عمر ومحمد هاجروا كندا وسبونا ونفسى افرح بيك قبل ماقابل وجه رب كريم بس هات اسمها وهى بنت مين اسأل عليها.

ايهاب : حاضر والله بنت محترمه وبنت ناس غير كل اللى معى هناك فى الكليه

ابو ايهاب : اللى فيه الخير يعمله ربنا.

بعد اسبوع 

ابو ايهاب: ايهاب تعالى اقعد هنا انت تعرف ايه عن شروق دى بالظبط

ايهاب : زميلتى فى الكليه ويتمه ابوها مات من كام سنه وعايشه هى وامها لوحدهم .

ابو ايهاب : يعنى تعرف ان ابوها مات فى السجن وكان مسجون فى قضيه اختلاس 

ايهاب : ايه لاء ازاى كدة اكيد فيه حاجه غلط!

ابو ايهاب : طب تعرف ان امها بتبيع فى السوق اه الشغل مش عيب بس كل واحد ياخد اللى يليق بيه ومن مقاموا الموضوع دة تنساها خالص دانا كنت مدير إدارة تعلميه كبيرة وأخواتك واحد دكتور والتانى مهندس فى ميكروسوفت اصحى وفوق كدة.

ايهاب : يابابا انا بحبها وشغل امها مش عيب اما موضوع ابوها لازم نتأكد يمكن مظلوم اكيد فيه حاجه غلط!!!!!! 

ابو ايهاب : انتهى الكلام وخلصنا الموضوع ده مافيش فيه كلام تانى وركز فى دراستك فاهم انا نازل الجامع اصلى العشا يلى علشان نروح نصلى سوا

* باك.   " بقلم ميادة يوسف" 

ايهاب : الله يرحمك يابا اهو ابوها طلع مظلوم والمحكمه برأته وامها مش عيب شغلها بالعكس دى ست جدعه أنها ربت بنتها بالحلال بس هى اتجوزت على طول بقى ودة نصيبنا ياعالم يمكن يكون لسه لينا نصيب🤔🤔🤔🤔🤔🤔

عند حنان

حنان : بقولك ايه يااكرم خلص لبس بقى أهل العروسه مستنين كفايه تأخير لسه هنعدى نجيب جاتو والطريق هياخد وقت خلص.

اكرم : بقولك ايه بلاش جاتو يمكن مايحصلش نصيب دى اول مرة نروح يعنى ليهم يمكن اترفض؟!

حنان :  ايه تترفض ايه دانتا ماشاء الله عليك ادب واخلاق وتعليم مهندس ديكور قد الدنيا وشقتك موجودة هما يطولوا يالا ياحبيبى 

بعد ساعه ونص عند العروسه....

ابو العروسه :  اهلا وسهلا ياجماعه نورتنا وشرفتونا يامرحب.

حنان :  الشرف لينا والله اومال فين العروسه عايزين نشوفها ونسلم عليها.

ابو العروسه:  ثوانى وانادى عليها دخلت العروسه وسلموا عليها

حنان :  الله اكبر ماشاء الله عليها وميلت على اكرم ووشوشته حلوة ياود ايدك فى الحليب الله اكبر

اكرم  :  هز راسه بمعنى تمام وابتسم ابتسامه غامضه 

حنان فى سرها😏😏😏😏😏😏😏دا مالوا دة وخبطت اكرم فى رجله علشان يتكلم مع ابو العروسه.

اكرم ياااا استاذ محمد انا جاى اطلب ايدك بنت حضرتك وتقدر تسأل عليا براحتك ومستعد لكل طلبات حضرتك حسب الأصول والعرف المتبع وياريت ترد علينا فى أقرب وقت وكل حاجه عنى اظن حضرتك عرفتها.

ابو العروسه :  والله نسبكم شىء يشرف وإن شاء الله مافيش اختلاف فى حاجه وزى كل البنات يعنى 

اكرم :  طب من باب المعرفه برضوا طلبات حضرتك ايه

حنان : ايه باشمهندس نسيب الجماعه يفكروا وياخدوا وقت وبعدين كل الكلام دة هنتكلم فيه بعدين.

ابو العروسه : احنا ملناش طلبات يعنى لو المهندس اكرم عايز يعرف احنا ياسيدى عايزين ٣٠٠جرام؛ دهب و٨٠٠الف قايمه ؛ ومؤخر٥٠٠ الف بس.

حنان واكرم بصوا لبعض بس بس

حنان : قرصت اكرم فى ركبته بمعنى تسكت ومالوا حيث كدة احنا كمان لينا طلبات عايزين التلاجه ام ١٥٠الف جنيه ؛ وعايزين ٦شاشه عرض وعايزين؛ سجاد ايراني ؛ ونجف ..  "بقلم ميادة يوسف "

اكرم  : شدها من أيدها يالا قومى حضرتوا مفكر انى التركى ال الشيخ قومى الطلبات دى عايزة مصباح علاء الدين مش شاب لسه فى بدايه حياته عن اذنكوا اعتبروا أننا كنا جين ومش جينا سلام ربنا يرزقها بثرى عربى اقومى ياحنه

----- فى الطريق وهما مروحين ههههههه اكرم بتضحكى اخ من مجايبك دى اخ 

حنان :  كان نفسى اجوزك وافرح بيك بس ولا يهمك فيه الف واحدة تانيه تتمنى تراب رجليك الراجل فكر أنه اللى عنده مش عند غيروا اهو اللى زى دة يوقف حال الشباب وبعد شهرين بنته ترجع له تانى المفروض نسهل على بعض واللى يقدر على حاجه يجبها عايزين نبنى حياة مش فشخرة كدابه التساهيل وبقولك طلباتنا بسيطه

اكرم :  هدى نفسك العروسه عندى بس ماحبيتش ازعلك وقولت اريحك.

حنان :  مين العروسه وطب وسايبنى أهرى وانكت ليه وهى عندك مين فرح قلبى!؟  "بقلم ميادةيوسف "

اكرم : شروق ام على.

حنان : مين شروق يالهوى دى مطلقه ومعها ولد!

اكرم : مش عيب فيها دى واحدة جدعه وبنت اصول واللى حصل معها غصب عنها وتستاهل كل خير والواحد عايز حد يشاركه الحياة ويخاف عليه وبعدين دى فرس وحلوة.

حنان : احترم نفسك ياود ولم نفسك واتأدب فاهم ولا ايه وسيبنى افكر ولا رأى مش مهم

اكرم : انتى الكل فى الكل ياحنه وانا لازم اتأكد منها برضو "بقلم ميادة يوسف "

حنان : يعنى هى ماتعرفش حاجه صح!!!!!!

اكرم :   صح

################################################################

عند شروق 

شروق :  بتجرى ورا( على) والنعمه ياعلى ما انا سيباك تعالى هنا علشان تبقى تحكى لابوك كل حاجه هو انت معى ولا عليا هو انا كنت غلطت فى ابوك هه مش هو اللى باعنى واتجوز عليا بنت خالتى لاء وبهدلنى لما اتطلقت وخلانى أتنازل عن كل حاجه البجح ابوك دة  ولولا انك والزفته نيفين مابتسريحوش مع بعض كان زمانوا حرمنى منك انت كمان بس علشان يريح نفسه بيخليك تيجى عندى ولولا خالى الله يرحمه كتب لى الشقه دى كان زمانى مرميه فى الشارع وقعدت تبكى .

على : ياماما هو اللى اتصل عليا وكان عايز يعرف انت ليه ماروحتيش السوق فأنا قولت له بس والنبى علشان خاطرى ماتبكيش انا بحبك وعارف كل حاجه انا مش صغير 

شروق :  روح افتح الباب شوف مين على بال ما اغسل وشى روح 

على : دخل على شروق وهى بتغسل وشها ماما مستر ايهاب برة عايزك

شروق ايهاب عايز ايه دة كمان.....يتبع ياترى ايهاب عايز ايه من حنان