رواية عمارة حنان الفصل التاسع 9بقلم ميادة يوسف (حصريه في مدونة قصر الروايات)

رواية عمارة حنان الفصل التاسع 9بقلم ميادة يوسف (حصريه في مدونة قصر الروايات)

رواية عمارة حنان الفصل التاسع 9بقلم ميادة يوسف (حصريه في مدونة قصر الروايات)

الفصل التاسع من روايه عمارة حنان
بقلم ميادةيوسف
على :  ماما استاذ ايهاب عايزك برة انا قعدته فى الصالون
شروق :  خير فيه ايه طب؟؟ قدم له حاجه ساقعه وانا هغير هدومى وجايه
على :  نسيتى الحاجه🤔🤔 الساقعه مقاطعه هعمل له فنجان قهوة بس بسرعه خلصى.

بعد وقت قصير

شروق :  اهلا مستر ايهاب خير فيه حاجه ؟!
ايهاب قام وقف يسلم على شروق.

شروق  : حضرتك عارف كويس انا مابسلمش على راجل اتفضل اقعد.
ايهاب :  والله ياشروق انا راجل عملى وانتى عارفه انى احب ادخل فى الموضوع على طول ؛ بصراحه ياشروق انا عايز اتجوزك انتى اول حب لى وعمرى مانسيتك وفرحت قوى لما عرفت انك أطلقتى بس احنا حنتجوز فى السر فترة يعنى وبعدين هنعلن الجواز لما امهد لمراتى انتى عارفه انا اتجوزت وخلفت وبصراحه هى شريكتى فى المشروع بتاعى وأم اولادى وماحبش اخسرها وكمان ولادى ....

شروق شاورت له بمعنى اسكت..

ايهاب :  نعم فيه ايه بتشاورى بأيدك كدة ليه

شروق :  اسمع يا مستر ايهاب انا شاكرة حضرتك قوى انك فكرت فيا بس للحقيقه انا بقى مابفكرش ولا هفكر ويوم لما انوى افكر لازم يكون على عينك يا تاجر بس الحقيقه( على ) ابنى واخد كل تفكير ى وعمرى مافكر ادخل حد علينا انا وهو حضرتك شربت القهوة اتفضل علشان عايزة اريح بعد يوم شغل متعب.

ايهاب :  فكرى ياشروق والا هتندمى !
شروق : هندم على ايه بالظبط ؛  حضرتك شرفتنى وانا مابتهددتش بالسلامه.

ايهاب خرج من عند شروق وهو خارج من شقه شروق قابل حنان واكرم وكان شكله متعصب ووشه احمر من الغضب.

حنان  :  مستر ايهاب اهلا مالك فيه حاجه شروق فيها حاجه ؟
ايهاب :  بيمشى صوابعه على لياقه قميصه وبيدعك قورته لاء ابدا يااستاذة حنان كان موضوع كدة مع مدام شروق بعد اذنك الاسانسير
حنان :  اه اه اتفضل
اكرم : مالها شروق عايز ايه منها دة؟!
حنان : وانا ايه عرفنى هاروح اشوف فيه ايه وانت ادخل جوة روح انت رايح فين وشدته من دراعه ناحيه شقتهم.
شروق :  اهلا يااستاذة حنان اتفضلى.
حنان : انا جايه اهو وانا جايه انا واكرم قابلنا مستر ايهاب وكان شكله كدة مقلوب خير فيه ايه؟
شروق.:  هههههه الاستاذ جاى يطلب ايدى للجواز وفى السر اصل انا ناقصه
حنان : وانتى رديتى عليه باايه
شروق : اخصى عليكى يا استاذة حنان انا برضوا اتجوز تانى وفى السر ربنا يقدرنى على تربية الود على أعلمه وافرح بيه
حنان :  ليه انتى لسه صغيرة وحلوة والف من يتمناكى بس هو مستر ايهاب جه يطلبك كدة الجواز على طول هو لسه عارفك من مدة بسيطه ولا ايه الحكايه

شروق :  ده معرفه قديمه واحنا فى الكليه بس بابها شافنى انى مش قد المقام ولما عرف إن بابا الله يرحمه مسجون حتى مااستناش يعرف أنه برئ ولا لاء وأمى بتبيع خضار فى السوق كان القاضى والجلاد لى بس  وبعد السنين جه يقولى اول ما شوفتك تانى حصل وحصل ومش عارفه ايه لاء وعايز يتجوزنى فى السر كرشته برة يالا بالسلامه.

حنان : جدعه يابت ياشروق شاطرة بالا فى السر قال .
شروق : يوه صحيح؛ ع عملتو ايه عند العروسه!
حنان : هاتى عدة القهوة وتعالى احكى ليكى اللى حصل .....
################################
بعد اسبوع عند عادل ونيفين

نيفين  :  ايه ياعادل بتقول ايه عايزنى اروح اسكن فى برج حنان ليه وشقتنا؛ ولا انت بتفكر فى ايه اه تلاقيك عايز تكون جنب حبيبه القلب!
عادل :  حمدلله على السلامه خفيتى يعنى رجعتى للنكد اهو؛ وعلى العموم الشقه بتاعتنا بقت فحم وماينفعش نرجع فيها وعايزة قد كدة وماتنسيش كل اللى حلتى انا وضبت الشقه بيه السنه اللى فاتت والباقى ادينى بتاجر فيه فى تصدير الموالح ولسه بقول يارب؛ ولسه علاجك ؛ عايز شئ وشويات تجميل ومش عارف ايه اتصرفى!
نيفين :  ناوى على ايه ياعادل قولى وخليك صريح؟
عادل :  الصراحه بقى كدة انا ناوى على انى ارجع شروق انا مش عارف اعيش من غيرها وعلى صعبان عليا يعيش من أمه حبه ومن غير أبوه حبه لازم نرجع لبعض، الوقت وكفايه مرمطه .
--- انا مش باخد رأيك بس دة الصح، وبعدين فيه حاجه الدكتور هيقولك عليها وانا جنبك ومش هسيبك انتى مرتى وام بنتى .
الدكتور : ازيك يا مدام نيفين احنا عملنا اللى علينا وكل الأشعة والتحاليل بتقول لازم بتر الساق.
نيفين : يالهوووى ايه وليه كدة ودخلت فى حاله هستريه وبكى.

----------------------------------------------------- عند حنان راحت لشروق شقتها.
شروق :  اتفضلى يااستاذة حنان تعالى اقعدى كلك كرم والله كنت ريحالك عماله كيكه قدرة قادر وكنت عايزكى تدوقيها

حنان :  ادينى جيت، بس عايزكى فى موضوع تانى خالص ومش عارفه ابدأ من فين؟!!!
شروق : اتفضلى قولى قلقتينى خير فيه ايه عنيا اومرى!!!!
----- حنان :  بصراحة اكرم اخويا عايز يتجوزك دوغرى كدة.  بقلم ميادةيوسف

شروق :  هههههه عايز ايه معلش استاذة حنان بس ماينفعش( اكرم) اخويا وعايزه يتجوز واحدة تكون هى أول بخته يعنى بنت بنوت.

حنان :  يعنى ايه بترفضى اكرم
شروق : المهندس اكرم الف مين يتمناة بس انا لاء اللى انا....يتبع

تكملة الرواية من هناااااااا