رواية عشق الحور من الفصل السابع وعشرون والثامن وعشرون والتاسع وعشرون والثلاثون بقلم نسمه مالك (حصريه في مدونة قصر الروايات)

رواية عشق الحور من الفصل السابع وعشرون والثامن وعشرون والتاسع وعشرون والثلاثون  بقلم نسمه مالك  (حصريه في مدونة قصر الروايات)

رواية عشق الحور من الفصل السابع وعشرون والثامن وعشرون والتاسع وعشرون والثلاثون  بقلم نسمه مالك  (حصريه في مدونة قصر الروايات)

27-28❤️‍🔥29-30

عزه ياحبيبتي لازم تنزلي ترحبي بالضيوف دول في بيتك 

جاسر بليز متضغطش عليه 

هز كتفه وتنهد بارتياح 

لاء يازوزه انا مقدرش اضغط عليكي ...انا نفسي زهقان بس اعمل ايه .... انا حجزت حاجه سوليتير هتعجبك اوي هروح اجيبها بعد اسبوع 

اعتدلت علي الفراش وقالت بلهفه 

بجد يابيبي

طبعا يازوزه هو انا عندي اغلي منك ...انا نازل بقي ميصحش اسيبهم سلام 

سلام ياجاسر 

تحرك جاسر للخارج وزفر بقوه مهمها 

انا مش فاهم انا كنت بحبك ازاي صبرك عليا ياعزه ان ماطلعت القديم والجديد علي جتتك مبقاش انا جاسر 

قال جملته ونزل للاسفل وجد عائشه تنزل الدرج مسرعه 

تعالي هنا يابت انتي انتي فين من الصبح 

كنت في الاسطبل ياابيه 

امممم طب ايه الورق اللي في ايدك ده 

دي الاشعه والتحاليل بتاعه مرجان هوريها لسليم قصدي الدكتور سليم 

ابتسم اه قلتيلي سليم طب هاتي يااختي انا هديهاله وابعتي حد يصحي غيث 

اعطته الملف وقالت باحباط 

انا كنت عاوزه اعرف رايه 

ليه هو رايه مهم اوي كده 

طبعا ياابيه دا معاه دكتوراه 

 اه يعني دكتور مرتين 

لاء يعني استاذ دكتور دا ليه ابحاث تحفه في الخيل وامراضها النادره .... اتنشر في كذا مجله اجنبيه 

داانتي متبعه بقي 

عائشه بارتباك 

عادي يعني دا مجال تخصصي وووعشان هكمل دراسات 

لدغ خدها الاحمر وقال 

ماشي ياست عيشه عدي ادامي 

تحركت امامه الي الداخل لتقابله عيون حوريته البندقيه .... التي تمتليء غيظ جعلته يبتسم رغما عنه كانت تجلس وبجوارها بسمه وخلفها تتحدث خديجه الي والدته تقدم ناحيه سليم وجلس بجواره لتجلس عائشه بجوار يونس ناوله الملف وقال 

خد يادكتور مش عارف احنا عزمينك علي الغدا ولابنستغلك بصراحه 

سليم باسما  لاء ازاي متقلش كده 

يونس بالحاح ايه دا ياابله عيشه 

عيناها معلقه علي الاوراق التي يقرائها بتركيز ولاباس من خطف نظره لعيناه الزيتيه الداكنه برموشها الطويله  ... المراقبه ورؤيه بذور الحب شعور رائع يجعلك دوما تتذكر ما يعنيه الحب بحياتك ودون وعي يذهب بصرك حيث تكون لتصتدم النظرات فيعرف انها تراقب مثله ترك سليم الاوراق وقال بجديه كامله 

هي الاشعات دي كانت من اد ايه تقريبا 

عائشه بسرعه من حوالي سنه 

سليم هنبقي محتاجين اشعات وفحوصات جديده بس مبدايا رايك صح علاجه الوحيد في الجراحه 

عائشه باختناق طفولي 

شوفت ياابيه .... صدقت 

جاسر موضحا  ياحبيبتي دا حصان غيث وانت عارفه كويس اوي غيث متعلق بيه اد ايه مكنتش اقدر اتصرف فيه وهو مش موجود القرار ده غيث اللي ياخده مش انا 

وغيث موافق قرار ايه بقي 

جاسر بلهفه غيث 

اعتنقه جاسر في حين قال غيث بمرح وهو يشير الي الطفل علي ذراعه 

معلش يايحيي عمك جاسر عامل زي القطر مبيعرفش يفرمل 

تطلع جاسر للصغير علي ذراعه وقال باسما 

معلش يايحيي حقك عليه 

قال جملته وطبع قبله علي راسه ليبتعد الصغير ويحتضن غيث جاسر 

تعالي اما اعرفك علي الجماعه ،،،،الحج محمود والد حور ..والحاجه خديجه والدتها ودا الدكتور سليم اخو حور الكبير ودي بسمه 

قاطعه مامه يحيي 

جاسر  انتو اتعرفتوا 

غيث مقبلا يحيي اصل الاستاذ يحيي اجا صحاني من النوم 

تقدمت خديجه منه وقالت عنك ياابني معلش تعبناك 

غيث مفيش تعب ولاحاجه دا يحيي دا عسل واحنا صحاب صح يايحيي 

غيت  اوبح ديجه كخ 

غيث سيبيه انا كمان مبسوط معاه 

عادت خديجه مكانها فاكمل جاسر 

ودا بقي يونس 

غيث جهاز الانذار 

تشارك الجميع في الضحك وقال يونس بتذمر 

كده برضه ياابله عيشه فضحتيني 

حور ضاحكه وانا اللي بشغله 

احاط جاسر كتفيها بذراعه وقال 

دي بقي حور 

رمقها غيث بنظره فضوليه بحته همس جاسر باذنه 

نزل عينك بدل مااخرمهالك 

غيث الله اكبر ابو الهول نطق 

اقتربت عائشه وامسكت يده واجلسته وقالت برجاء 

انت وفقت ان انا اعالج مرجان صح ياغيث 

غيث باهتمام مرجان ماله 

جاسر وهو يجلس بجواره 

من حوالي سنتين اجتله حاله رمد عاديه كان البيطري اللي عندنا بيعالجه  ..بعد اسبوعين حسيت ان الحاله بتسوء مرجان ديما هايج بعت جبت اكبر بيطري في البلد طلب اشعه وفحوصات ..وللاسف مرجان اتعمي وكل الدكتاره قالوا مفيش امل الاعيشه قالت علاجه الوحيد في جراحه ...بس طبعا انا مستحيل اعرضه لحاجه زي دي وانت مش موجود ...بس سليم دلوقتي بيقول نفس الكلام اللي قالته عيشه ..... سليم استاذدكتور ولسه راجع من بره 

نظر غيث الي سليم التي تشتعل عيناه غضب لايفهمه 

يعني يادكتور شايف ان ممكن العمليه دي تخليه يشوف 

سليم باقتطابه 

ده هيعتمد علي التحاليل والفحصوات لان الحاله كان المفروض تتلحق علي طول 

عائشه بغيض شوفت ياابيه دي نتيجه عدم ثقتك فيه بس غيث بيثق فيه صح ياغيث 

ربت علي كتفها وقال 

طبعا ياشوشو بثق فيكي جدا بس مش في عنين مرجان ياحبيبتي 

هبت عائشه واقفه وقالت بغيض 

حتي انت ياغيث ماشي ... شوف مين بعد كده هيهتملك بيه 

جاسر ضاحكا طب خلاص ياعيشه متزعليش ابقي ساعدي الدكتور سليم في علاجه دا لو وافق طبعا 

هو فقط يريد الرحيل من هذا المكان قال بضيق 

ربنا يسهل الامر ان شاء الله 

عائشه بحماس 

من بكره ان شاء الله هبدا في التحاليل و هجيبهم لحضرتك 

سليم بعصبيه ان شاء الله

مال غيث علي اذن جاسر وهمس 

ماله دا ،،،،،هو كده طبيعي 

ابتسم جاسر وقال 

لاء هفهمك بعدين ....معلش ياجماعه انا نسيت اعرفكوا غيث بن عمي ...  واخويا  

وكما توقع جاسر كان السؤال من نصيب سليم 

اخوك ازاي يعني ..

ثم وكانه تدارك سؤاله قال انا اسف 

جاسر  لامفيش داعي غيث اخونا من الرضاعه  .... 

غيث ضاحكا  اتحسبوا عليه اخوات اونطه ...  

عائشه اونطه في عينك انت تطول ولابلاش تطول دي انت جايب السقف خلقه 

غيث ناظرا ليحيي 

عجبك كده يايحيي ... عيشه 

يحيي مزمجرا عيته كخ 

قبل راسه وقال 

شوف يابني كل الناس عدوينك مفيش غيري انا نافع حبيبك 

تشارك الجميع بالضحك جلسه عائليه مميزه دافئه بدفيء اصحابها وحبهم لبعضهم ... اجتمعوا علي مائده الطعام لتقول زينب 

جاسر هي عزه مش هتتغدي معانا 

جاسر تعبانه شويه ياامي 

مالت حور علي اذنه  كداب ياحبيبي 

همس في اذنها 

انتي بس اللي بتفقسيني ياحبيبتي 

بسمه هاته حضرتك عشان تعرف تاكل 

غيث ياستي هو انا اشتكتلك ... انا هاكله متخفيش 

بسمه هو مش هياكل هو هيبهدل الدنيا 

حور عادي يابسمه دا طفل وبعدين ابيه غيث واخد باله منه 

غيث بحنق ابيه ليه كده ياحور  داحتي جوزك اكبر مني بشهر 

عائشه لاء هي حور كده .... دي بتقول لعزه ياابله 

ضحك الجميع ليقول غيث 

طب بلاش ابيه دي لحسن بتعملي حساسيه 

جاسر بغيض  هتفضل ترغي متبص قدامك بقي 

علاء معلش ياجماعه انا مضطر امشي بس عشان ابني تعبان شويه 

خديجه ربنا يطمنك عليه 

انسحب علاء ليتبادل غيث وجاسر النظرات ... كان غيث يطعم الصغير بضوضاء عاليه والغريب ان الفتي المشاغب كان ياكل باستمتاع يونس 

هو انت مينفعش تبقي تيجي تاكله علي طول ...  دا بيطلع عيني وعين امه وامي وابويا عشان ياكل 

قبل غيث راسه وقال 

ليه بس دا حتي يحيي شطور خالص وبيسمع الكلام 

يونس باسما وهو ينظر لبسمه 

دا يحيي غير ابنك طبعا 

ولكن بسمه كانت بعالم اخر عالم لم يعد يدل عليه الاذلك الطفل الضاحك بين احضان رجل غريب يحيي لم يري اباه ولم يعلم اباه بوجوده  .... لم تري فرحه عيناه باول مولود لم يحضر ولادته .... تحمل فقط ذكري لشهر واحد رحل قبل ان  تعتاد عليه ....رحل قبل ان تعرف معني الزواج والحب ....انتشلها من افكارها صوت حور 

بسمه انتي مش بتكلي خالص 

رفعت عيناها لحور ... ابتسمت بفتور 

انا اكلت ياحور  ... عن اذنكوا 

قالت جملتها لتخرج من غرفه الطعام زينب 

هي مالها ياخديجه 

خديجه هي كده متشغليش بالك ...

تنهدمحمود بمراره علي حال ابنته ....تبعها عيون سليم وغيث

خديجه  عن اذنك يابني يحيي هينام عشان اغسله 

رفعه غيث وقال باسما 

عنك ياامي ارتاحي انتي  .... كملي اكلك 

تحرك غيث للخارج  ... رغما عنه عيناه تبحث عن الملتشحه بالسواد ذات العيون الخضراء الدامعه راي جانب وجهها وتلك الدموع المتلئلئه علي خدها  .. انها حزينه يشعر بها فهو يقاسي من نفس المراره يتجرعها يوميا يعيشها .. لعل اكثر انسان يستطيع ان يخفف عنك يكون غريب ولكن لديه نفس مأساتك سماه رحلت عن عالمه بجنينها قبل ان يراه وهي تلك البسمه الحزينه رحل عنها اخر ولكن ترك ذكراه حيه .... ترك لها يحيي ..... لعلها لاتشعر بنفس وحدته القاتله ولكن شرودها ودموعها تثبت هذا كان يتاملها بشرود اخرجه منه جبرا صوت غراب اسود ينعق 

ايه دا ياغيث انت اشتغلت بيبي سيتر ولاايه 

التفتت صاحبه العيون الدامعه واقتربت خطوه فقال ببرود اه عقبال عندك ياعزه ...  اهو 

تتلاقي حاجه تشغلك بدل ماانتي عماله توزعي سمك علي الناس 

عزه بعصبيه انت ازاي تتكلم معايا بالطريقه دي 

بغضب  برد علي كلامك ياست عزه ....  

عزه بتافف اووووف انت ايه اللي رجعك 

قاطعها قاعد في بيتي ياعزه هانم ...وكلمه زياده الله في سماه الموضوع ماهيعدي 

غيث ايه اللي حصل 

التف الي جاسر الذي يقف بهيبته عاقد ذراعيه غيث بعصبيه 

لم مراتك ياجاسر .... وخليها تتكلم بطريقه عدله 

عزه وانا هتكلم معاك ليه اصلا 

جاسرعزه .. اتكلمي عدل ... 

اشاحت بيدها وتحركت للاعلي ليقول غيث 

دلعك فيها اللي عمل فينا كده ياجاسر 

احتضن جاسر كتفه وقال 

خلاص بقي ... انا نفسي افهم انتوا مبطقوش بعض ليه 

غيث وهي دي تطاق داانت ليك الجنه ياحبيبي 

جاسر خلاص بقي اهدي شويه روح نيم الواد ده وتعالي نلحق قبل ماعزه تضرب كرسي في الكلوب وتخليها دندره 

حدق غيث بوجهه وقال 

جاسر بن الناس الكويسيين .... يقول كرسي في الكلوب ودندره انت اخلاقك فسدت ياجاسر 

تنحنحه محرجه جعلت الرجلان يلتفتان لها بسمه بخجل وهي تنظر بالارض 

احم احم ...معلش انا اسفه.  بس كنت عاوزه يحيي 

قرب بلمسه غير مقصوده وهو يناولها الفتي النائم لتسحب يدها الصغيره الناعمه بشده ويكاد الفتي يسقط منها ...ويشتعل وجهها لحظه مرتبكه متوتره جعلت شيء ما بداخله يتحرك ... شيء ساكن بداخله منذ رحلت سماه التي تظله بالعشق لم ينتبهه الاعندما نزعت الفتي وتحركت من امامه هامسه بارتباك 

شكرا لحضرتك 

التف الي جاسر الذي يرفع احدي حاجبيه وعلي وجهه ابتسامه سخيفه اشاح وجهه وقال 

ايه في ايه 

اقترب منه وقال في ايه انت 

هز كتفيه مفيش حاجه هيكون في ايه يعني 

ربت علي كتفه   قدمنا الليل طويل ..  بس يلا احنا سيبين الضيوف لوحدهم هما خلصو وطلعوا الجنينه 

تحرك ليتحرك خلفه جاسر الذي توقفت عيناه علي عيون حوريته الدامعه وعزه تتحدث معها بعيدا عن الجميع  اقترب ليستمع لجزء من الحوار 

لاء متخديش راحتك اوي ياشاطره دا مش بيتك انتي حته واحده جوزي اشتراها عشان تجيب بيبي مش اكتر متتعديش حدودك .... انتي واهلك اللوكل دول 

عزه 

التفتت اليه لتقترب منه نفس الموقف يتكرر مره اخري لقد حجمها وجود اهلها ان تتحدث ولكن هذه المره مختلفه بالامس القريب جاسر كان ملكها اما الان تابعت اقترابها منه لترفع ذراعيها وتتعلق بعنقه يمسك جاسر يديها وينزلها هامسا في اذنها ثم يبتعد لتصعد هي الي البيت يقترب منها لينحني ويرفعها بين ذراعيه ويهمس 

انتي واقفه ليه هاه 

نزلني يامجنون 

تحرك ليريحها علي الاريكه بجوار والدتها ويقول 

فهميها ان مينفعش واقفه ومجهود وحرق دم عشان بنتك مبتسمعش الكلام 

خديجه  جوزك بيتكلم صح ياحور 

شدت حور يده ليسقط جالسا بجوارها وقالت بغيض 

يعني انا عملت ايه دلوقتي ... شوفتني شوهت وشها مسحت بشعرها النجيله عضتها في ااا ولابلاش انا مؤدبه  

صوت ضحكات غيث الواقف 

بالقرب منهم جعلتهم ينظروا اليه 

يخرب عقلك ياحور انا بقالي سنين ماضحكتش  كده  اللي يشوفك ميقلش كده خالص 

وقف جاسر بجواره ليوكزه بقوه 

واللي يشوفها يقول ايه بقي 

غيث متاوها اه يعني بنوته كيوته وهاديه 

خديجه تصدق يابني مش انا اللي مخلفاها كنت فاكره كده برضه 

بسمه  مين دي ياماما اللي هاديه انتي بتصدقي ....دي الروح الشريره لاولاد الدسوقي 

حور بقي كده يابسبوسه بالطرشي انا روح شريره طب اختفي بقي بدل مااكل ابنك ده 

غيث ضاحكا لاء كله الايحيي 

حور بمكر لاء بس انت اتعلقت بيه اوي ياابيه 

غيث  بلاش ابيه دي ...  وبعدين يحيي اصلا يتحب اوي 

حور اه كيوت وطيوب وعنيه ملونه ....

غيث  مش بالشكل ياحور بس يحيي روحه طيبه 

حور باسما 

زيي انا ويونس بالظبط واحنا صغيرين صح يابسمه 

نظرت بسمه عليها ثم علي الصغير النائم بين ذراعيها وقالت بسخريه 

لاء انت ويونس كنتوا ملايكه باجنحه هو كان في زيكوا اعوذ بالله 

سليم ضاحكا كانوا هادييييين بشااااااااكل فظيع .... دي ماما كانت بتربطهم من رجليهم في الكنبه عشان ميعملوش كوارس ولما مايتلقوش حاجه يعملوها يعقدوا يتخانقوا مع بعض 

تشاركوا جميعا بالضحك 

غيث انا وجاسر كنا كده واحنا صغيرين كنا بنعمل كوارس

جاسر بحنق اسمها كنت بعمل كوارس 

غيث صراحه اه كنت اعمل الكارثه وهو اللي يضرب ...اصل انا مكنتش بتضرب انا يتيم 

كان بابا يضربه ويقوله انت الكبير العاقل مش عارف ليه مكنش مقتنع انه اكبر مني بشهر واحد بس ... بس الحق جاسر كان طول عمره هادي 

محمود زي سليم .. انا محستش اني خلفت عيال الاماتولد جوز القرود دول 

يونس بحنق  طب هي قرده انا زنبي ايه 

عائشه  داانتو نسخه كاربون يايونس .....مقولتليش بقي نويين علي ايه في الدراسه 

يونس انا هدخل هندسه مجموعي يجبها مرتاح 

نظرت عائشه لحور وانتي ياحور 

نظرت حور الي جاسر بحيره 

جاسر ايه مش عارفه تقرري 

حور بهمس هو ينفع اكمل يعني عشان الحمل و

جاسر ايه مش هتقدري وبعدين تقريبا هتولدي في 

الاجازه 

حور يعني انت موافق 

جاسر  طبعا 

صفقت بيديا كالاطفال وخطفت قبله من خده 

ربنا يخليك ليه ... يبقي هندسه 

يونس  يووووه ورايا ورايا 

جاسر ودي حاجه كويسه عشان ابقي مطمن عليها جوا الكليه ..... يبقي هاخد الاوراق واقدملكوا انتوا الاتنين مع بعض 

سليم لاء خليك انا كده كده كل يوم في الجامعه لما ينزل التنسيق هقدملهم الاتنين 

جاسر تمام كدا انا مش ناسي هديه النجاح يايونس 

حور بحنق طفولي 

ياسلام اشمعني يونس بقي انا مجموعي اكتر منه 

تامل جاسر وجهها الطفولي الحانق ممتعه تلك الصغيره يونس بغيض 

انتي مالك يارزله مش كفايه المرمطه اللي انا فيها من يوم مااتجوزتي 

اشاحت بيدها هو انا جيت جنبك

غيث بتساؤل مرمطه ايه يايونس 

يونس بغيض

 يعني واحده وبتحب جوزها انا مالي تصحيني من احلاها نومه واترزع قدام الباب خمس سعات في الطل واتصل تكنسل وقال ايه اصله مش بيرد علي التليفون وفي الاخر يبقي الباشا سايب تليفونه في المكتب ....مرمطه دي ولامش مرمطه 

حور انت اللي بتحشر نفسك هو انا كنت اشتكتلك يابارد 

يونس  ياريت بتشتكي كنت قفلت السكه في وشك ولاهعبرك 

سليم وجاسر بااااااااس .... 

جاسر ضاحكا خلاص بقي يايونس 

يونس والله انا مستحملك عشان خاطر الراجل ده بس 

حور ياشيخ اتلهي هو انت تعرف تعيش من غيري 

يونس لخديجه يعني مكنتيش عارفه تجيبي كل واحد فينا لوحده 

خديجه اعقل يالا فضحتنا 

بسمه لوعقل ميبقاش يونس 

يونس بغيض  مجنون انا بشد في شعري صح مافي مليون تؤم في البلد وعيشين فل .....

اشمعني انا اللي مربوط بالبتاعه دي تتخنق هي اعيط انا 

محمود ضاحكا دا وهما صغيرين كانوا اسوء من كده ....حور كانت مناعتها ضعيفه  بس حموله ومبتتكلمش 

سليم ضاحكا  تبقي هي اللي تعبانه تقوم وتروح المدرسه ودا مشتح في السرير .... كان بيضرب ضرب ويحلف والله تعبان بس انا كويس ... محدش كان فاهم الحكايه دي الااما حور دخلت تعمل اللوز 

خديجه اه يوميها اخدو مني حور واول مابدات العمليه راح دا مغمي عليه ...الدكتور يقولي مفهوش حاجه هو كويس بس مش فاهم مغمي عليه ليه 

بسمه احلي حاجه بقي لما فاقت حور بقي يونس يصرخ من زوره لاء وصوته مبحوح 

جاسر طب وحور 

حور كنت بتفرج عليه .... مهو كان بيتوجع بدالي 

غيث ضاحكا 

انت كارثه ياحور .....حقيقي ياجماعه انا مبسوط جدا ... اني اتعرفت بيكوا ...

محمود احنا اللي زدنا شرف يابني ...وبجد كان اليوم جميل وربنا يجعله عامر بحسكوم يارب .... مش يلا بقي ياجماعه حور لسه تعبانه ولازم ترتاح 

يونس لاء دي زي القرده اسالني انا 

غيث  حلوه الحكايه دي ياجاسر مراتك تتعب تسال يونس

سليم فعلا اليوم كان جميل بس يادوبك بقي نلحق نروح عشان ورانا شغل كتير 

غيث هو يحيي مش هيصحي عشان اسلم عليه 

داعبت بسمه شعره الاشقر فقالت خديجه 

طالما نام دلوقتي يبقي مش هيصحي الانص الليل ...يومك طويل يابسمه 

تقدم سليم وحمل الفتي النائم وتحركوا جميعا للخارج تابعهم عيون غيث وعائشه حور ...

الفصل الثامن والعشرون (مهموم)

بس قلي ياابيه انت بتشتغل ايه 

يابنتي بلاش ابيه دي ربنا يهديكي .... انا ياستي كنت بشتغل معاهم في الشركه قبل ماسافر 

جاسر مكانك محفوظ ياغيث 

غيث تمام انا عملت مبلغ كويس في الكام سنه اللي عدوي وهحطهم في المصنع عشان نجدد المكن ايه رايك 

تمام ... ادخلي انت نامي شويه ياحور وانا هروح مع غيث المكتب ليه معاه شويه كلام 

عائشه تعالي ياحور هوصلك واطلع انا كمان انام عشان عندي فحوصات وتحاليل كتير لمرجان الصبح 

ترجل جاسر وغيث الي المكتب جاسر 

طمني ايه اخبارك 

جلس غيث علي المقعد 

اهوه عايش ياجاسر .. ايام وبتعدي بالطول بالعرض اهي بتعدي وخلاص 

ربت علي كتفه اللي يشوفك وانت بتضحك وتهزر ميشوفش كميه الياس اللي بتتكلم بيها دي 

تنهد بقوه والناس ذنبها ايه اشيلها همومي. .. الدنيا معدلهاش طعم ولامعني اهي ايام بنقضيها وخلاص ياجاسر  راحت وخدت كل حاجه حلوه معاها 

جاسر  انا عارف انت كنت بتحبها اد ايه بس مش معني كده انك توقف حياتك ياغيث لازم تفكر تتجوز يبقي جنبك واحده مش بقولك انسي سما لاء بقولك متفضلش لوحدك 

زفر غيث بضيق وقال 

سيبك مني دلوقتي ... انا مش مرتاح لعزه 

طب وايه الجديد ماانت طول عمرك مش مرتاحلها 

لاء الكلام اللي قلته ماما وظهور بيان في الصوره بعد السنين دي بيقول ان في حاجه 

زفر بقوه  بيان عايزه توصل لورق بيعها للبيت عن طريق عزه 

تمتم غيث بسباب وقال بغضب 

وانت عارف دا ولسه سيبها علي زمتك ازاي يعني 

اهدي واسمعني .... انا ربطت الخيوط ببعض بس لسه معنديش دليل ... 

انت لسه فاكر انك بتحبها مش كده 

زفر بقوه لاء بس عايز لما اخرجها من حياتي مندمش لحظه اني ظلمتها .... عشان كده بحاول اقرب منها اليومين دول بس خايف 

قطب من ايه 

خايف علي حور .... انت مش متخيل كانت عامله ازاي لما قضيت مع عزه ليله واحده بس كانت بتموت بجد ولما نامت جتلها حمي من كتر ماضغطت علي اعصابها .... 

ابتسم غيث انت بتحبها 

هز راسه نفيا 

بعشقها .... عمري ماتخيلت ان في حاجه كده في الدنيا ... عيله صغيره اوي بس بتنسيني الدنيا كلها .... بتشيل همومي في لحظه ... انا عشت مع حور اللي معشتوش في عمري كله بس مرعوب وخصوصا بعد ماعرفت بموضوع الحمل دا 

قاطعه بسعاده 

هي حور حامل 

هز راسه موافقا وقال 

بس علاء ميعرفش عشان ايناس مراته صاحبه عزه وانا خايف بيان لو عرفت هتلوي دراعي بيها 

اخرج غيث علبه لفافات واشعل واحده جاسر 

انت بتدخن من امتي 

من خمس سنين المهم دلوقتي انا عايزك تحكيلي علي موضوع عزه من اوله 

قص عليه كل شيء بدا من 

اعلان عزه وتصريحها بالزواج انتهاء بالهديه التي وعدها بها غيث 

اسمع بقي انت هتصورلي كل الالماظ اللي عند عزه اسبوع واحد وهجيبلك صوره منه 

قصدك ابدله بمضروب ازاي يعني ياغيث 

جاسر اللي عملته عزه مش قليل والله طلعت مظلومه وانا اشك ابقي رجعه لكن تبيعك بالفلوس يبقي هي اللي تطلع خسرانه ياخويا فاهم 

اراح جاسر راسه للخلف وقال 

مكنتش اتمني توصل لكده ايا كان عزه امانه عمي في رقابتي 

وهي باعت الامانه دي يبقي منبقاش عليها ...

هب جاسر واقفا وازاح احد الصور ليفتح الحزانه المخبئه خلفها اخرج بعض الاوراق وقال 

دي الاوراق بتاعه البيت 

والارض ودا تنازل بيان ودا تنازل عمي مراد .... انا مينفعش اودي الاوراق دي المصنع خليهم معاك عشان هبدا اسيب مفاتيحي عند عزه  

تناول الاوراق وقال بتفكير

هعينهم في خزنه بيتي بس معني كده انك هتروح لعزه 

لازم اطلع ااقولها كلمتين حلويين بعد الكلام الزفت اللي قالته لحور 

هب واقفا وقال بغيض 

انت عايز تجنني ياجدع انت يعني عزه قالت كلام وحش لحور فانت هتطلع تصالح عزه 

يااخي افهم انا سمعت عزه وطردتها تقريبا ...

خفي غيث الاوراق بملابسه واتجه للخارج  .... اغلق جاسر الخزانه وكان في سبيله للخروج عندما انفتح الباب لتطل عزه منه جلس خلف المكتب 

اهلا ياحبيتي غريبه نادر اوي لما بتيجي المكتب 

التفت لترتفع علي طرف المكتب وقالت 

وحشتني قلت اجيلك انا غلطانه يعني 

ربت علي خدها 

لا ابدا ياحبيبتي بس استغربت مش اكتر وعلي العموم انا كنت طالعلك عشان اقولك متزعليش عشان اللي قلتهولك في الجنينه بس انتي عارفه انها كان ممكن ترد ومنظري هيبقي وحش قدام اهلها 

تلمست شفتيه واقتربت هامسه 

علي فكره انت وحشتني مووووت ياحبيبي .... 

نظر في عيناها وقال 

غريبه داانا كنت لسه معاكي اول امبارح مش طبعك يعني 

قبله علي شفتيه ومحاوله اثاره فاشله تقوم بها عزه لم يمنعها ولكن لم تحرك به شيء ابعدها قليلا وهب واقفا ربت علي خدها 

حبيبتي احنا في المكتب 

تلمست بشره صدره الساخنه 

اوكيه يلا نطلع قوضتنا .... 

ابتسامه زائفه 

طيب ياحبيبتي اطلعي انتي وانا شويه وهحصلك هخلص بس الشغل اللي عندي 

طبعت قبله علي خده 

اوكيه ياحبي هستناك متتاخرش عليه 

قالت جملتها وانصرفت تري الاما تخطط بهذا القرب الغير منطقي ...والغريب ان جسده يتمرد عليه ...والادهي كيف سيتصرف مع حمقائه الصغيره ذهبت عيناه للشباك الذي يتركه مفتوح لتصتدم عيناه بعيون بنيه لدقيقه ثم تغلق النافذه وتسدل الستائر بوجهه ... الصغيره تعطيه رساله انها رات ماحدث الصغيره ستبكي مره اخري لن يضمن رد فعلها هذه المره اسرع للغرفه ليجدها جالسه علي الفراش تدفن راسها بين ذراعيها 

مش هعمل حاجه ياجاسر اطلعلها 

تجمد للحظه ثم جثا علي ركبتيه امامها ليرفع يديها ويري دموعها التي شقت الطريق علي وجهها 

تاني ياحور احنا مش اتفقنا 

اعتدلت جالسه لتمسح دموعها بظاهر يديها وقالت 

مفيش حاجه انا كويسه جدا ... اتفضل روحلها ..

مسحت خده وقالت بغضب 

بس يكون في علمك لوجتلي بعد كده باي حاجه تخصها مش هيحصل طيب فاهم 

وقف امامها وقال 

طب ممكن تهدي شويه 

بانفاس متسارعه قالت انا هاديه جدا وهاخد انيس في حضني وانام 

قالت جملتها لتحتضن بطنها وتتمدد علي الفراش جلس بجوارها وداعب شعرها 

يعني هتاخدي انيس وتسيبي عشق 

قالت بغيض 

مفيش عشق ...هما انيس ويونس 

قال بمشاغبه مش عايز يونس انا رجعيه انا عايز عشق 

قالت برجاء 

بص انا تعبانه اوي وعاوزه انام بجد خدني في حضنك خمس دقايق لحد مانام 

تمدد بجوارها ليشدها بين ذراعيه 

متجوز طفله هنيمها كمان 

احتضنت خصره 

ان كان عجبك 

طبع قبله في مفرق شعرها 

عجبني اوي .... خليكي عارفه ومتاكده ... انا مش عاوز غيرك ياحور ...... انتي وبس 

همهمت بنعاس 

انا بحبك اوي .... يارب خفف عني الوجع ده 

احتضنها بقوه ليدفنها علي صدره صغيرته تتالم لمجرد اقتراب عزه منه .... عقله منشغل من سبب اقتراب عزه تري ماذا تريد ... تاكد من نومها ليرفع عليها الاغطيه وينسحب ببطء ليصعد للاعلي ...

لوسمحتواتعليق 30ملصق ليصلكم باقي الحلقات تحياتي للجميع بحبكم في الله😘😘

29&30

الفصل التاسع والعشرون (الحب يداوي الجروح)

حرباء متلونه اعتقد يوما انه يهيم بها عشقا اي نوع من العشق كان يربطه بها كعادتها تقترب بنعومه لمحاوله اغواء جسد متمرد يطالب بوصال صغيره ناعسه بالاسفل تملك اثارثه بنظره همسه لمسه 

اووووف في ايه ياجاسر مالك 

انتبه لعزه التي لاحظت جموده 

مفيش حاجه ياعزه بس تعبان بقالي يومين منمتش 

قالت بضيق 

كنت بتعد مطبق بالاسبوع وعادي يعني ..... 

كلاماتها اثارت غضبه برغم انه يعلم انها محقه 

في ايه ياعزه من امتي يعني القرب المفاجيء ده 

قالت بضيق 

في ايه انت معتش حاجه عجباك ....ااقرب مش عجبك ابعد مش عجبك ... انت عاوز ايه 

زفر بضيق وتمدد علي الفراش 

مش عاوز حاجه ياعزه .... قلتلك مرهق وتعبان وانتي اللي مش عاوزه تقدري ده 

مررت يدها علي صدره لتهمس 

خلاص ياحبيبي خد حمام سخن وغير هدومك وتعالي 

تحرك ليخرج احد منامته القطنيه ويتجه ناحيه الحمام اغلق الباب وزفر بقوه 

اوووف ... داانا ولاعيل صغير بيهرب من الواجب ...يارب اطلع اتلقاكي نايمه ياعزه واخلص بقي 

خرج بعد قليل لم يتحكم بزفره الضيق التي انطلقت منه فور رؤيتها .... اقتربت منه لتقول 

انت معنتش بتحبني ياجاسر 

تحرك ليجلس علي طرف الفراش 

ايه اللي بتقوليه ده ياعزه عشان بقولك تعبان يبقي مش بحبك 

جلست بجواره 

لاء مش عشان كده .... انا عارفه ياحبيبي انك مش 

بتتلاقي راحتك الامعايا 

اعتدل في مواجهتها عزه ستكشف اوراقها قال بحذر 

طبعا بحبك ياعزه ايه اللي خلاكي تقولي كده 

داعبت سترته وقالت 

عشان نسيت الحاجه اللي طلبتها منك 

قطب حاجه ايه مش قلتلك الهديه 

وضعت اصابعها علي شفتيه وهمست 

توء ... انا ااقصد الجنينه الشرقيه ... حبيبي قالي انه هيكتبها باسمي 

قال بتفكير 

قلتيلي الجنينه الشرقيه .... هو انتي متعرفيش ياعزه ان الجنينه الشرقيه بتاعه ماما 

قالت بصدمه اييه ازاي يعني الجنينه الشرقيه كانت بتاعه بابا وهوااا

ابتسم سكتي ليه كملي  ... هو بعها لبابا وهو كتبها باسم ماما يا عزه بس طبعا مامتك متعرفش الحكايه دي 

قالت بعصبيه 

بس انت قلت هتفكر يعني كنت بتاخدني علي اد عقلي 

ربت علي خدها ليه بس يازوزه 

ابعدت يده بقوه وقالت بغضب 

متحطش ايدك عليه انت فاهم انت بتلعب عليه ياجاسر ... بعد كل اللي استحملته معاك والسنين دي بتستغفلني 

انا مش فاهمك ياعزه استحملتي ايه وبستغفلك ازاي يعني .... 

عقدت ذراعيها وقالت بغضب 

ايوه استحملت انت واحد مبتفكرش غير في السرير وبس 

صفعه قويه طرحتها علي الفراش قرب وجهه منها وقال بغضب 

فوقي ياعزه .. انتي اتعديتي كل الحدود .... اوعي تكوني فاكره اني مش فاهم ولانايم علي وداني..... انا مش عبيط يابنت عمي ... ويمكن هو ده اللي مخليني باقي عليكي لحد دلوقتي .... وان كان علي علاقه السرير متلزمنيش ياعزه ....مش عاوزها .....

قال جملته وترك الغرفه وانصرف صافعا الباب خلفه بقوه ..... لينزل مسرعا غير مبالي بمن حوله يريد فقط استنشاق الهواء ... ترجل للحديقه ليري بيت غيث مازال مضيء هو مختنق .... كلمات عزه تتردد في اذنه ... هل من الممكن ان يكون هكذا بالفعل،،،، رجل تحركه رغباته ليفرغها وحسب ... هل هذا ما يجمعه بحور ...اغمض عيناه بقوه وخر جالسا علي الارض ...  الصغيره كادت تموت بين ذراعيه في اول لقاء بينهما  ....هل تراه هكذا ايضا .... كيف حكمت عزه وطعنته وهو كان يكبت رغبته دوما .....  تلك الرغبه التي اخرجتها الصغيره من محبسها ... لتنساب بسلاسه .....  سؤال يلح هل تراه الصغيره هكذا رجل يسعي خلف شهواته ..ولكن لوانه هكذا كيف اكتفي بعزه لسنوات برغم انها لم تكفي احتياجاته الرجوليه يوما .... كان يرتضي بما يراه حب بينهما ......الصغيره اثبتت هذا رغبته بها شغفه المجنون معها كانت هي الاولي ان تقول هذا مهلا لقد قالتها  .... عند الساقيه حلالك اللي بترتاح معاها ..... كلا الصغيره كانت تتحدث عن الحب وليس شيء اخر ....

لو كانت طلعت من قلبك مكنتش عرفت تجرحك تاني 

التف ليري الصغيره تقف خلفه كلماتها اصابته بالصميم  .. انها محقه لما مازالت كلمات عزه تؤثر به لكن لوتعلم انه فقط اراد معرفه رايها هي وحسب انه

لاتعنيه كلمات عزه بقدر مايهمه كيف تراه هي تنهد بقوه 

انتي ايه اللي صحاكي 

جلست بجواره لتضم ساقيها اليها وتحتضنها بذراعيها 

سمعت صوت خطوتك وانت نازل علي السلم 

رمقها بنظره سريعه ونظر امامه 

بلاش كدب ياحور 

ماشي سمعت صوت رزع الباب 

انتي كنتي نايمه 

لاء منمتش انا مش بعرف انام بعيد عن حضنك اول ماقمت صحيت ..... هو ليه الحب اناني وطماع كده 

اعتدل في مواجهتها 

مش فاهم قصدك ايه 

هزت كتفيها وقالت 

انا اول ماحبيتك كنت بقول ان كفايه عليه اوي انك تشوفني ولو لشويه صغيرين بعد كده بقيت اتمني يبقي ليه حته في قلبك ...اي حاجه من مشاعرك حتي لوكانت حب صاحب حب بنتك ... حب علاقه 

قاطعها 

وهو انتي شايفه علاقه السرير حب 

تنهدت هو انت ينفع تقرب من واحده من غير ماتحس نحيتها بحاجه  .... اكيد لاء ... القرب حب .... عشان انت اول جوازنا مش كنت شايفني لكن لما بقالي مشاعر جواك لمستني ... بس الطمع وحش اوي ....  ليه دلوقتي بقيت طمعانه في قلبك كله مش مستحمله تفكر في غيري تلمس غيري  .... حتي الجرح مش مستحمله ان كلامها لسه بيجرحك .... ليه الحب طماع اناني ....

الصغيره بحكمه لايعرف كيف تخرج منها تعطيه ابجديه كل شيء .... ان تحركه المشاعر ... تترجم حيرته واضطرابه تداوي جروحه دوما بيدها الشافيه 

امسك يدها وقال بانفعال 

عشان الحب يعني واحد يسلمك قلبه راضي ويتوجهك ملكه عليه .... ولما تملكي قلب انسان يبقي بتملكي حياته كلها الحب ميجرحش ...الحب يداوي يحط امل ويزرع ورد ... انا اتعلمت الحب منك انتي 

قبل كفيها المستكينه واكمل 

عشان محدش غيرك يستحق قلبي ياحور ..... انتي فهمتي غلط انا مجرحنيش كلامها اد ماجرحني انك تكوني شيفاني زيها ...وترجمي مشاعري غلط  

انتي صحيتي جوايا حجات كانت مدفونه من زمان ...حجات محستهاش غير معاكي انتي وبس ...خفت تفسري قربي منك زيها اني مفكرش غير في علاقه وبس 

احتضنت وجهه بكفيها الصغيره وهمست 

انا حبيت قلب جاسر اللي كان مليان بواحده غيري حبيت جاسر الاب اللي طبطب عليا واخدني في حضنه داوي قهرتي  اول يوم ...حبيت جاسر الاخ الكبير اللي كان بيعد يذكرلي ... حبيت جاسر العيل الصغير اللي كان بيفرح لما نسرق الاكل من المطبخ .... وكنت بحلم بجاسر الزوج ....ولما شوفته عشقته اكتر .... عشان هو اللي بيكملني الحب مش رهبنه ومش علاقه سرير وبس ... هو كل حاجه واي حاجه كلمه حلوه تخفف الوجع ضحكه تطلع من القلب تشيل الهم طبطبه في وقت ضيقه ..الحب هو الجاسر بتاعي وبس 

صغيره تمنحك كل شيء لتفقد معها كل شيء حتي انفاسك المختلطه بانفاسها الدافئه ..لقد عشق حتي انفاسها  .... القرب حب مشاعر دفيء ...قلبه يصرخ بعشقها وعقله علي وشك الانسحاب بالكليه وهو يسحق الصغيره المتاوهه بجسده للارض يشتاق والقرب يزيده شوق ...جنون ...شغف .ثم قطرات مياه ضربت وجهيهما بقوه جعلته يفتح عيناه ويعتدل ليفرك جبهته ويزفر بقوه .........

نظر حوله لقد فتح احدهم رشاشات الماء التي تسقي 

الارض ....تطلع حوله ليري بيت غيث مازال مضاء ولكن بابه مفتوح هو من فعلها اذن يمكنه شكره في الصباح هب واقفا ليرفع الصغيره المبتله بين زراعيه وينطلق ركضا للغرفه 

دخل غيث بيته وهو يضرب كفيه 

الواد جاسر ضرب ... لاء دا لسع حور هبلته 

ارتمي علي الاريكه وانفجر ضاحكا 

يخرب عقلك ياجاسر ....في الجنينه .... كويس ان انا اللي شفته بدل ماكانت بقت فضيحه بجد ....

تمدد علي الاريكه وهمس 

وحشتني اوي ياسما ....عارفه الوحده هتقتلني .... انا مخنوق اوي ..... شوفتي الواد يحيي مش عارف انا حبيته اوي ليه كدا .... عارفه حسيت وهو معايا اني وخدك في حضني .... امه كمان مكسوره زي حلاتي .... عينيها علي طول مدمعه .......بسمه حزينه ...اراح راسه للاعلي وعاودته دموعها عندما اطلق عليها هذا اللقب ..قبل نزول الغراب المحلق لقد اثرت به دموعها لمعه عيونها الخضراء ...لمسه غير مقصوده اثرت به ........نفض راسه وفتح عيناه لتطالعه صورته مع سما 

عمري ماهفكر في غيرك ... هتفضلي جوا قلبي وعنيا ياسما 

ترددت كلمات جاسر في اذنه 

لازم تتجوز ياغيث مش لازم واحده تحبها 

كيف يفعل هذا ... لن ينكر ان الصغير احيا بداخله حلمه بدسته اطفال ... يعشق الصغار بشده ..ان تلك اللمسه حركت شيء ما بداخله .... شيء لم يتحرك بداخله سوي لسما فقط  انه فقط يحتاج لمن يخرجه من تلك الوحده الجاسمه علي صدره تلك الوحده التي ملئها طفل اشقر بعيون خضراء تشبه عيون والدته وبسمه حزينه للحظات تمني دفن حزنها علي صدره ............. دون سبب ...

الفصل الثلاثون (عيون الغزال)

 عبرت ممر الكليه بسرعه سعيده بشده تحمل بيدها نتيجه فوحصات مرجان التي اجرتها لتوها والتي تؤكد ان حالته 

ملائمه للجراحه  فتحت الاوراق لتلقي نظره اخيره علي التقرير فارتطمت بقوه باحدهم انحنت علي الارض تلملم الاوراق دون رفع عيناها حتي 

معلش ان اسفه جدا 

من اين تظهر تلك العائشه في كل اماكنه نظره علي الاوراق المنثوره ثم اليد البيضاء التي تجمعها بترتيب يتردد نفس السؤال لما هي بالذات تحمل فتنته لقد اصبح موقن انها طريقه لدخول الجحيم ... عند هذا الحد توقف تفكيره وبدا يتمتم بالاستغفار اعتدلت واقفه لتقول بسرعه 

انا اسفه للمره التانيه 

كادت ان ترحل ولكن تحرك لسانه الذي يستحق القطع 

جيتي ازاي 

عادت مره اخري للوقوف امامه ولكن تلك المره كانت تنظر له 

دكتور سليم كنت بدور علي حضرتك انا عملت فحوصات مرجان اتفضل 

رمق الاوراق ولاباس لنظره واحده فقط لعيون مكتحله وقال 

بالسرعه دي 

تناول الاوراق فقالت بحماس 

انا هنا من سبعه الصبح اخدت اذن ودخلت المعمل وعملت التحاليل ...عمليه ذي دي هتبقي محتاجه تجهيزات هنعملها فين 

لما راقته صيغه الجمع لايدري ولكنه ابتسم وتطلع للاوراق 

داانتي حددتي ان العمليه هتتعمل 

قالت بغيض استشفه من نبره صوتها 

حتي انت يادكتور علي العموم النتايج مع حضرتك 

كان ينظر الي النتائج بانبهار انها مجتهده بالفعل اغلق الملف 

تمام يادكتوره يبقي هندي فيتامين أ لمده اسبوع وهنعمل اشعه قبل العمليه 

لمعان سعاده يمليء عيناها 

انا مش عارفه اشكرك ازاي يادكتور انا هبلغ جاسر وغيث بس برضه هنعملها فين 

في العياده بتعتي 

انت عندك عياده هنا 

ايوه ورا البيت بتعنا ... وفيها تجهيزات كامله للجراحه جيبها من بره 

قالت بترقب 

يعني حضرتك بتعمل فيها عمليات لوحدك 

لاء لما بيبقي عندي عمليه باخد شويه متدربين من الفرقه الخامسه 

قالت بحذر 

والمتخرجين ملهموش نصيب 

لما حد بيطلب بسيبه يحضر دا علم يادكتوره وربنا بيكتب بيه ثواب 

طب ااااا مينبوكش ثواب وتخليني احضر عمليه قبل عمليه مرجان 

حسنا لقد اغفل اهم تفصيله ان جميع من يحضر معه من الشباب وانه لم يسمح لاي انثي بالدخول لعيادته تنحنح بقوه 

اصل ااا كل اللي بيحضروا معايا بيبقوا ذكور 

تمتمت بكلمات لم يسمع منها شيء 

بتقولي حاجه يادكتوره 

قالت بغيض اه بقول حضرتك مثال رائع للعنصريه المستبده 

هل سبته للتو حسنا يجب ان يرعد ويبرق لما تلك الابتسامه البلهاء المرتسمه علي وجهه 

الله يكرمك 

زفرت بقوه 

اي خدمه ... يعني حضرتك دلوقتي في المشرحه بتشرح علي رجل حمار مثلا بتلم حوليك شباب الدفعه والبنات الي الجحيم ياامراه 

هي قادره ان تستخرج منه ضحكه عاليه لوراه احد تلامذته الان سيظنه فقد عقله ... جيد ان الطلاب قليلون الان فالدراسه لم تبدا بعد استغفر وتمالك ضحكاته العابثه 

لاء طبعا بشرح للشباب واسيبهم يتعاملو 

قالت بحنق 

ماشاء الله عليك ... لاء برافو يادكتور يعني حضرتك بتبعد نفسك عن الفتنه وترمي فيها دفعه بحالها 

قطب بين عيناه 

مش فاهم تقصدي ايه 

عقدت ذراعيها وقالت بتحدي الجمه 

طبعا حضرتك فاكر كويس ان الكليه دي عمليه وان العلاقه بين بناتها وشبابها المفروض بتبقي عاديه في التعامل لانهم بيتعاملو مع بعض في العملي .. 

ايوه انا عارف دا كويس جدا عشان كده 

قاطعته 

عشان كده حضرتك بتشجع زياده الاختلاط ده يعني بدل ماواحده تسال زميلتها بتضطر تسال زميلها اللي الدكتور بيشرحله ولومفهمتش من واحد تضطر تسال التاني اللي حضر المحاضره ودول شباب في سن بعض يعني بدل مانحجم احنا

الاختلاط بتفتحه حضرتك علي البحري .... عشان سعادتك خايف علي نفسك ... وطبعا حضرتك متعرفش الشباب دا بيوصل المعلومه كامله ولالاء ..  ولو بيوصلها بيوصلها زي ماانت شرحتها ولازي ماهو فهمها .... اتقي الله يادكتور دا سيدنا عثمان حرق المصاحف اللي فيها كلام ربنا عشان يوحد نطق 

الايات ...... وحضرتك بتوصل المعلومه لفئه وهتنزل عليها 

الامتحان وانت مش ضامن المعلومه دي وصلت للكل ولالاء 

انها محقه في كل ماقالته وتذكر زمجره الفتيات في محاضره التشريح ... ....انها المرة الاولي التي يري بها امراه محقه بالكليه ورغم حرجه الاانه لم يستطيع تحجيم اعجابه بها 

اللهم اجعلنا من المتقين عندك حق فعلا ... انا ماختش بالي من النقطه دي .. بس ان شاء الله هتلقلها حل 

قالت بسرعه 

مش عارفه ليه حاسه انك هتقول اعتذر عن دروس التشريح خالص 

هي التي تجبر نظرة ان يتمعن فيها ورغما عنه ابتسم فهذا هو قراره بالفعل 

وايه المشكله مش كده افضل 

قالت بتحدي 

افضل في ايه ...انا سمعت شباب بيتكلموا في المعمل عن طريقه شرح حضرتك السلسه السهله جدا ... يبقي تمنع علمك عشان البنات يبقي معلش حضرتك فاهم الدين غلط 

قطب وقال بغضب 

انتي زودتيها اوي 

اشاحت بيدها 

انت اللي خلتها خل يادكتور ... معلم الامه كان بيقعد مع النساء ويعلمهم ومقلش دول فتنه لازم الواحد يستخبي ويتجنبها ... دينا مش كده ..... دينا سمح 

للاختلاط في حدوده واهم حدوده طلب العلم ...والا كان حرم العلم علي النساء .... 

تلك العائشه تحاصره هو مقتنع برأيه ولن تزحزحه عنه ولكن المنطق البحت في حديثها هو مايجذبه نقاشها العملي البحت  

بس الافضل ان احنا نبعد عن الفتنه ونتجنب الشبهات 

امممم نبعد عن الفتنه .... حور قلتلي ان حضرتك دارس علوم شرعيه .... فاكيد عارف حكايه الراهب اللي واحده وصلته للكفر 

اديكي قلتيها واحده وصلته للكفر 

طب تفتكر الراهب دا لوكان بيعبد ربنا وملتزم برضه بس بيتعامل مع الناس عادي بيشوف نساء وبيتعامل معاهم عادي .. كان هيقع بالبساطه دي 

حدقها ببلاهه فاكملت 

اكيد لاء عارف ليه لانه كان هيقدر ببساطه يفهم اللي قدامه ويفرق بين عمل الخير والاغواء بس لانه معزول قدم النيه الطيبه من غير مايعمل حذره ان في نفوس مريضه عشان ببساطه ميعرفش ... وعلي فكره يادكتور 

رفعت ساعه يدها وقالت بابتسامه 

 حضرتك بقالك ساعتين واقف بتتكلم معايا عادي جدا والحكايه لافيها فتنه ولاشبهه ... .. والله الغني عن التعليم تحت ايدك ... خلي علمك محصور علي الرجاله وبس ...عن اذنك 

قالت جملتها لتنصرف من امامه تابعها حتي اختفت في الممر ودخل مكتبه  ليدفن راسه بين ذراعيه ... عمه زرع بداخله التدين منذ كان صغير ... حذره كثيرا من فتنه النساء ... ومايراه اولي به الحذر والبعد لقد عاش لاربع اعوام بباريس حافظ فيهم علي دينه ولم يخالط اي فتاه ولكن هي .... عائشه ....  الف خط احمر تتعداه وتخترقه من دون ان يملك رد واحد مقنع ... كان يجب ان يدافع عن معتقده الراسخ بداخله كجبل عتيد هزته هي بكلمات بسيطه عجز عن الرد عنها ....  هل بالغ في رسم الحدود بينه وبين الجنس الاخر بالتاكيد نعم فهو لايتعامل باريحيه الامع محارمه فقط حتي حور عندما رأها شبت وضعها خلف دائره المحذور برغم انه مازال يشعر انها ويونس اطفاله الصغار .....علي الرغم انها ظلت تتحدث مطولا يشهد لها بالاحترام الكامل ..... مخطئه هي بوصفها انها تحدثت معه ببساطه بعيدا عن الفتنه اه لو تعلم انها فتنته هو دون غيرها من النساء ... انها تستحوذ علي تفكيره بطريقه اربكته هو شخصيا للتعامل معها ...  انها 

الانثي الوحيده التي حركت رجولته نحوها ..... وانها اصبحت ترافق احلامه ليكشف ماستر منها عند هذا الحد اعتدل وهمس بضيق 

استغفر الله العظيم ،،،،،،ابعدي عن دماغي بقي انا كده ومش هتغير 

رنين هاتفه باسم جاسر جعله يزفر بضيق 

السلام عليكم ورحمه الله وبركاته 

وعليكم السلام ورحمه الله ازيك يادكتور 

الحمد لله تمام 

انا مش عاوز اعطلك كنت بس عاوز اسالك علي قرارك في موضوع مرجان لان عيشه قلتلي انها هتخلص الفحصوات وتشوف رايك وانا حابب اعرفه وهي مش بترد علي التليفون 

عائشه مره اخري انها تحاوطه من كل اتجاه 

ممكن يكون مفيش شبكه ولاحاجه هي ورتني التحاليل وكده العمليه هتبقي علي اول الاسبوع الجاي وخلال الاسبوع دا هنحضره للعمليه 

هي عيشه هتحضر معاك العمليه فعلا ... بس هي معندهاش خبره 

 الخبره بتيجي مع التجربه ... وهي فعلا مجتهده ومخرجه الفحوصات بدقه .... وااااا ممكن تبقي تحضر كام عمليه الاسبوع ده عشان تدرب 

تمام طالما انت شايف كدا انا بثق في رايك الدكتور عبد الحميد كان كلمني كتير انها تدرب عنده بس بصراحه انا اللي اترددت ... قلت كفايه عليها الزريبه والاسطبل عشان متبقاش مضغوطه زي ايام الكليه  .. بس واضح ان هي اللي غاويه شقي ومذاكره ... 

الايمكن ان يقطع لسانه المتسرع هذا 

انا عندي تلت عمليات الاسبوع ده منهم اتنين لخيل ممكن تيجي تدرب في العياده بتعتي 

ابعد الهاتف وهمس بغيض 

ايه الهبل ده 

دكتور سليم انت معايا 

وضع الهاتف علي اذنه 

ايوه انا معاك ... الدكتور عبدالحميد دكتور ممتاز

والله انا هبقي مطمن عليها عندك اكتر .... بس قلي علي المواعيد وانا هبعت معاها غيث ويبقي يستناها 

في عمليه النهارده الساعه سته بليل 

اوكيه يادكتور سليم عن اذنك 

اغلق سليم الهاتف والقاه علي المكتب 

هو انا ببعد ولابدبس نفسي بزياده .... يارب ابعد عني الفتنه ...

 تكملة الرواية من هناااااااا