رواية سم الدجال كامله جميع الفصول

رواية سم الدجال كامله جميع الفصول 

رواية سم الدجال كامله جميع الفصول 

#سم_الدجال 

#الجزءالأول

قبل ما ابدأ قصتي احب اعرفكم بنفسي انا سليم كامل عندي 27 سنه بشتغل مهندس في شركه كبيره من الشركات المشهورة جدا في مصر..... انا من القاهره وعايش مع والدي ووالدتي.... خاطب بنت اسمها ميار وخلاص هنتجوز قريب..... ليا صاحب مقرب ليا اسمه عمر.... عمر انا بعتبره اخويا ويمكن هو الي معوضني عن اني مليش اخوات.... عمر بيشتغل رسام بصراحه لو فضلت اتكلم عليه مش هوفيه حقه...... الحمدلله حياتي مستقره لحد كبير وحالتي الماديه كويسه جدا خصوصا اني مدير فرع من فروع الشركه...... قصتي بتبدأ من يوم كنت في الشركه واتصلت بيا والدتي... الو ايوه ياماما.. الحقني يبني ابوك تعبان وعايز يشوفك بسرعه... قولتلها تعبان ازاي.. كانت بتبكي وقلتلي مش عارفه ماله تعالي بسرعه يبني ابوك هيروح مني...... نزلت من الشركه بسرعه وركبت عربيتي وطلعت علي البيت كل تفكيري والدي ماله تعبان من اي.... خليني اعرفكم علي والدي.. الاستاذ كامل العوضي بيشتغل محامي وليه اسمه ومكانته... والدي الي في الفتره الاخيره كان متغير وعصبي ودايما كان بيحذرني من مجهول وبيوصيني علي امي....... قطع تفكيري وصولي البيت طلعت بسرعه ودخلت وفي الاوضه كان ابويا علي السرير بياخد نفسه بالعافيه وامي قاعده جمبه بتعيط...... قربت منه وانا بقوله مالك يا ابويا سلامتك مالك في اي... رد عليا وهو بيتكلم بالعافيه ومبرق سليم خلي بالك من نفسك ومن امك عشان مش هيسبكم هيأذيكم..... قولتله هو مين يا ابويا فتح بوقه عشان يتكلم لكن بدأ يتحشرج ويتشنج وخرج من بوقه رغوه بيضه..... طلعت تليفوني واتصلت بالاسعاف... ابويا كان فقد الوعي وجيه الاسعاف واتنقل المستشفى.... كنت مش عارف الي وصله لكده وهو كان يقصد مين....... خرج الدكتور وقال عملنا كل الي علينا لكن للاسف مقدرناش نلحقه..... قولتله يعني اي...... البقاء لله..... صراخ وعياط حزن مش مصدق ان ابويا مات....... دخلت للدكتور عشان اخلص تصريح الدفنه... قلي استاذ سليم من الافضل اننا نشرح جثه والدك.... قولتله ليه... قلي سبب الوفاه مش معلم كان فيه انهيار في اجهزه الجسم.... وافقت بصراحه لاني عاوز اعرف فيه اي...... سبته ورجعنا البيت كان فيه اعتراض من امي علي موضوع التشريح... لكن انا كنت مصمم...... حاولت اهرب من حزني بالنوم دخلت اوضتي ودموعي مغرقه وشي رميت نفسي على السرير ونمت...  صحيت علي صوت رنه تليفوني كان الي بيتصل الدكتور رديت عليه.... قلي استاذ سليم ممكن تيجي المستشفى ضروري... رغم اني تعبان تحاملت علي نفسي وقومت بصيت في الساعه  انا نمت 15 ساعه ازاي.... لبست ونزلت ورحت المستشفى..... الدكتور قالي انا عاوزك تتماسك احنا لما شرحنا جثه والدك لقينا فيها ماده غريبه وسامه.... قولتله سم... قلي ايوه بس مش من السموم الي نعرفها بس الماده هي السبب في موت والدك...... قولتله يعني اي يعني انا والدي مات مقتول طب ازاي..... وطلع ازازه فيها ماده غريبه كده وقلي خدها ووديها اي معمل تحاليل يكون كبير يمكن يعرفوا اي ده...... اخدت جثه ابويا من المستشفى ودفناها كنت واقف قدام قبره  وجمبي عمر صحبي وميار خطيبتي وكانوا بيحاولوا يوسوني ويهونوا علياوهو بيدفن ومش مصدق..... بدأت ادعيله وابكي واقوله سبتني لوحدي ليه...... عملنا عزا  كنت واقف ولسه مش مستوعب ان ابويا مات ومش بس مات ده مات مقتول..... بعد العزا وديت الماده دي تتحلل في معمل تحاليل كبير ومعرف وقلولي بكره تستلم النتيجة  رجعت البيت تعبان مرهق الصداع هيفرتك دماغي دخلت سريري ونمت... وشوفت نفسي ماشي وسط المقابر لحد ما وصلت لقبر ابويا الي كان مفتوح لقيت نفسي بدخل جوه وانا مسلوب الاراده وبقرب من الجثه وبكشف وشها اعوذ بالله اعوذ بالله ملامح الفزع والرعب علي وش ابويا  لكن فجأه الجثه اتحركت وابويا اتكلم وقال انقذني انقذني...... صحيت من النوم مش فاهم حاجه.... اتصلت بعمر وقولتله قابلني في كافيه ونزلت ركبت عربيتي في الطريق عديت علي إشارة مرور ووقفت وسرحت فوقت علي صوت خبط علي الازاز بصيت اتجمدت في مكاني الدم نشف في عروقي الي واقف قدامي ده كان ابويا.... انقذني انقذني......

#الخوف_كله_هنا

#الــراويه_اوتار

فوقت على صوت امين الشرطه الي بيقولي فوق يا استاذ الاشاره فتحت وانت واقف.... اعتذرت واتحركت وانا مش فاهم ايه الي بشوفه ده... وصلت الكافيه قعدت مع عمر وبدأت احكيله كل حاجه قلي دي تهيؤات عشان انت لسه بس مصدوم من موت والدك.... قولتله وموضوع السم.. قلي استني وشوف المعمل هيقولك اي...... وانا بتكلم معاه تليفوني رن وكان المعمل قولتله سبحان الله المعمل بيتصل..... رديت رد عليا الدكتور وقلي استاذ سليم ممكن تشرفنا في المعمل دلوقتي.... ورحت المعمل وجيه معايا عمر..... واتكلمت مع الدكتور خير يا دكتور..... قلي بصراحه مش خير ممكن سؤال... قولتله اتفضل... قلي والدك كان ليه علاقه بشغل السحر والدجل؟.... قولتله لا طبعا ليه بتقول كده..... قلي لان الماده دي فعلا سامه بس بيستخدمها السحره والدجالين وبتموت بالبطئ..... مكنتش عارف ارد اي علاقه والدي بالكلام ده.... قلي عموما انا هكلمك تاني لو عرفت حاجه..... مشينا ورجعت البيت بعد ما عمر وصلني مكنتش قادر اسوق من التفكير..... قعدت مع امي الي كانت من صدمه موت ابويا دموعها مش بتجف وبدأت اتكلم معاها واخفف عنها...... لكن تليفوني رن تاني كان الدكتور بتاع المعمل تاني رديت... استاذ سليم ياريت تجيلي بسرعه في حاجه مهمه لازم تعرفها... كان بيتكلم بطريقه وكأنه اكتشف حاجه... نزلت بسرعه ركبت عربيتي وطرت علي المعمل... وصلت مكتب الدكتور خبطت مره لكن الباب كان مفتوح دخلت وكانت الصدمه...... يتبع الجزء الثاني 

#سم_الدجال

#الجزءالتاني 

دخلت واتصدمت الدكتور مشنوق مشنوق في السقف... رجعت لورا لا اله الا الله لا اله الا الله..... ولقيت علي الارض مفاتيح اخدت المفاتيح وحطيتها في جيبي.. مفيش دقيقه لقيت الشرطه داخله من الباب واتقبض عليا... ولقيت نفسي متهم بقتل الدكتور مكنتش عارف اقول ايه كل الي كنت بقدر اقوله اني مقتلتهوش.... اتسألت سبب تواجدك في مسرح الجريمة... رديت ان الدكتور كلمني وقالي عايز اشوفك ضروري...... واي سابق معرفتك بيه.... مكنش عندي حل غير اني احكي وحكيت ابويا مات ازاي والي اتقلي ان الماده السامه هي الي قتلت ابويا.....وازاي تم تشريح الجثه من غير اذن نيابه......قولتلهم انا معرفش ممكن تسألوا دكتور المستسشفي ..... استدعوا دكتور المستشفى والي كان اسمه الدكتور مصطفى والي اكد علي كلامي وقال ان كنت مستني الاستاذ سليم يأكدلي المعلومة عشان ابلغ النيابة بوجود شبهه جنائيه..... وللاسف الدكتورمصطفي اتحفظوا عليه لانه شرح الجثه من غير اذن نيابه..... افرجوا عني بسبب شهادة الدكتور وتوقيت المكالمة ووصولي.... وخرجت ورجعت البيت مش مصدق الي مريت بيه واني كنت متهم بالقتل......... تاني يوم اتصلت بيا ميار وقلتلي انها عاوزه تشوفني ورحت قابلتها في كافيه.... قلتلي انت لازم تخرج نفسك من الي انت فيه حرام عليك نفسك.... وعرضت اننا نتجوز في اقرب وقت عشان تكون جمبي بصراحه شوفتها انسانه انانيه مش بتفكر غير في نفسها.... لكن هيا قلتلي انا عارفه انت بتقول ايه دلوقتي لكن انا كل هدفي اكون جمبك واهون عليك الايام دي..... سبتها ورجعت البيت ووعدتها اني هفكر وقولت لامي الي قلتلي وافق يبني واتجوز انت محتاج تخرج من الي انت فيه ده وتشوف شغلك وتعيش حياتك..... قولتلها حاضر يا امي... ودخلت انام بس انام ازاي من غير كوابيس.... شوفت نفسي ماشي بين المقابر من تاني والقبر المفتوح تاني نزلت لكن المره دي كان الكفن الي متكفن بيه كان اسود بدأت الجثه تتحرك والايدين بدأت تقطع الكفن..... سلام قول من ربي رحيم.. سلام قول من ربي رحيم...... ابويا كان وشه اسود وكانت عينيه بيضه... قرب مني قولتله انت هتعمل اي.... انت هتعمل ايه عايز مني اي...... عايز اتحرك انا اتشليت في مكاني.... وشاور علي حاجه في ركن القبر بصيت كانت جثه تانيه متكفنه..... حرك ايده نحيته واتزاح الكفن عن وشها..... امي الي ميته.. جثه امي.... اعوذ بالله من الشيطان الرجيم...... صرخ ولقيت نفسي بصحي من النوم.... قررت غريب شويه قررت اني هروح المقابر ازور قبر والدي الله يرحمه وادعيله.... نزلت ركبت عربيتي وطلعت علي المقابر.... وصلت جوايا مشاعر كتير متضاربه ما بين حزن وخوف وقفت قدام القبر وقريت الفاتحه وبدأت اكلمه واقوله سبتني لوحدي ليه اي الي انت كنت مخبيه عليا.... جاوبني وريحني من الحيره الي انا فيها دي انا تعبت وبدأت ابكي..... لقيت صوت من ورايا بيقولي استاذ سليم كويس انك جيت...... بصيت ورايا كان عم علي التربي..... قولتله خير يا عم علي..... قلي بصراحه مش خير خالص يبني... من ساعه ما ابوك مات وانا بسمع اصوات صراخ جايه من جوه القبر وحاولت اتواصل معاك مش عارف اوصلك..... قولتله صراخ ازاي يعني..... قلي متأخذنيش يبني هو ابوك كان بيعمل ايه في حياته...... قولتله انت بتقول ايه يا راجل انت.. انت اتجننت........ قلي يا استاذ سليم الي بيحصل ده مش طبيعي فكر  في الموضوع لانه مش سهل...... سبته ومشيت ويارتني ما رحت عشان حريتي زادت...... لما رجعت سألت امي هو بابا كان ليه علاقه بالسحر والدجل... قلتلي لا طبعاً  اي الي انت بتقوله ده لاحظ انك بتتكلم عن ابوك.... قولتلها انا هتجنن يا امي هتجنن وحكتلها كل حاجه.... امي كانت بتسمع ومصدومه.... قلتلي عشان كده طلبت تشريح الجثه...... قولتلها ايوه...... مش عارفه اقولك ايه يبني لكن ابوك كان بعيد كل البعد عن الكلام ده........ سبت امي ودخلت اوضتي لقيت ميار بتتصل قلتلي قررت.... قولتلها موافق..... وفعلا بعد اسبوع واحد تمت الجوازه كنت حاسس انها ممكن تطلعني من الحاله الي انا فيها..... من اول يوم دخلت ميار فيه البيت قلتلي انها مش مرتاحه.... البيت ده فيه حاجه خنقاني... رغم ان امي كانت بتعملها كويس جدا وزي بنتها..... لحد ما في يوم نزلت الشركه وبلغوني ان فيه اجتماع لجميع الموظفين دخلت وحضرت الاجتماع والصدمه انهم استغنوا عن نص العاملين وانا علي رأسهم كان خبر صادم ليا والسبب عجز في دفع المرتبات........ خرجت من الشركه مخنوق جدا يعني اي خلاص انا بخسر حياتي الي قعدت ببني فيها... وانا واقف تايه جالي تليفون من مراتي رديت كانت بتصرخ وبتقولي الحق ماما بتموت.... ركبت عربيتي وطرت على البيت.. وصلت والمنظر جوه كان صعب امي ميته في الحمام ومبرقه على الاخر.... سألت مراتي حصلها اي كانت كويسه...

#الخوف_كله_هنا

#الــراويه_اوتار

قلتلي معرفش هيا طلبت مني قهوه عملتها شربتها وبعدين دخلت الحمام ولما اتأخرت دخلت عليها لقيتها كده.. فضلت ابكي وجات الاسعاف ونقلت امي وانا في حاله صعبه مش مصدق..... لسه مش قادر استوعب صدمه وراها صدمه والمره دي صدمتي كبيره انا واقف قدام قبر مفتوح المفروض هيدفن  فيه اقرب الناس ليا هتدفن فيه امي...... امي الي مليش غيرها ماتت بشكل غامض اتقال انها خنقت نفسها في الحمام ولحد دلوقتي انا حاسس ان فيه حاجه غلط..... الشيخ اتكلم وقال كل نفس ذائقه الموت.... وفضل يدعيلها... نزلت الجثه القبر جثه امي وانا ببكي وكان معايا التربي حطيت الجثه علي الارض وجيت اخرج ايد امي مسكت ايدي اتجمدت في مكاني واترعشت وبصيت علي الجثه وكانت الصدمه..... الجثه بتتحرك بصيت للتربي وبقوله الجثه بتتحرك خرجني بره وقلي اطلع يا استاذ سليم لا اله الاالله الراجل مخه فوت كتر خيره...... لقيت عمر في وشي اترميت في حضنه وفضلت ابكي..... طبطب عليا وقلي شد حيلك يا صحبي...... رجعت البيت انا وميار لقيت الفنجان الي امي شربت فيه القهوه في وشي.... حاجه جوايا بتقولي خد الفنجان ده وحلل الي جواه.... اخدته ورحت لمعمل تحاليل وطلبت تحليل الي جوه الفنجان واستلم النتيجة دلوقتي ومستعد ادفع اي حاجه...... والنتيجه سم ايوه سم.... يعني اي يعني ميار هي الي قتلت امي طيب ليه..... بقيت مش مصدق ركبت عربيتي ورجعت البيت فتحت الباب وكانت الصدمه 

......... 

يتبع

#الجزءالثالث_والاخير

دخلت البيت لقيت ميار واقعه علي الارض وبتحاول تبعد حاجة عن رقبتها وكأنها بتتخنق جريت عليها بحاول افوقها.... كانت ايديها متشنجه ومليانه عروق سوده..... وبيطلع منها صوت صراخ بس ده لا يمكن يكون صراخ مراتي.... بدأت ازعق واقول اعوذ بالله من الشيطان الرجيم... اعوذ بكلمات الله التامات من شر ما خلق.... برقت علي الاخر وخرج من بوقها رغاوي سوده وفقدت الوعي.... حاولت افوقها مبتفوقش نزلت حطيتها في العربيه وطلعت بسرعه علي اقرب مستشفى..... وهناك قلولي انها اتعرضت لهبوط حاد في الدوره الدمويه وكانت هتموت..... هيا هتفضل يومين تحت الرعاية في العنايه المركزه... سبت اهلها في المستشفى ونزلت تعبان حاسس اني لوحدي حاسس اني عايز اقرب من ربنا..... ركبت عربيتي ورحت جامع في منطقه الحسين... دخلت الجامع صليت ودعيت وانا ببكي وقولت يارب ساعدني يارب ساعدني انا مغلوب علي امري.... انا عارف اني بعيد عنك عارف اني عاصي لكن دايما بلجئلك ومش بتردني.. المره دي انا جايلك وانا تايه وتعبان وعارف انك مش هتردني يارب انت ارحم الراحمين.... ارحمني يارب........ شيخ الجامع لاحظ اني ببكي فجالي وقلي سلم امرك لله يبني مالك بس.... قولتله تعبت يا مولانا... قلي طيب تعالي احكيلي وقولي مالك..... قومت مع الشيخ وقعدنا شويه كده في اخر الجامع وبدأت احكيله... كان بيسمعني بتركيز شديد وشويه كان يهز دماغه وشويه احسه قلقان... لحد ما وصلت للجزئيه بتاعت مراتي لقيت الشيخ ابتسم وقلي اسمع يبني الكلام ده كويس انت بتتعمل مع جن خبيث بيتعامل علي انه يخليك تشك في اقرب الناس ليك ويبعدك عن الحقيقه واخرتها هتتجنن.... شياطين الجن مقدور عليهم رغم خبثهم... الي مش مقدور عليهم شياطين الانس ودول كتير يبني.... قولتله انا مش عارف اعمل ايه يا مولانا ومش عارف مين الي بيعمل فيا كده وانا اذيته في اي.... الشيخ رد عليا وقلي هو اكيد ليه اسبابه وممكن يكون حاقد او كاره.... قولتله يعني ايه يا شيخ انا مراتي مظلومه.... قلي ممكن طبعا اول ما مراتك تخرج من المستشفى انا هاجي وازوركم وان شاء الله الموضوع محلول... شكرته وقومت مشيت قد اي القعدة في بيت ربنا مريحه للنفس... رجعت المستشفى قلولي مراتك فاقت بس هيا مش فاكره حاجه..... دخلتلها وقعدت معاها.. قلتلي هو حصل ايه انا مش فاكره حاجه قولتلها انا رجعت كان مغمي عليكي ونقلتك المستشفى.... بصراحه مش قادر اقولها اني شاكك فيها هستني لما نرجع البيت...... بعد 3 ايام خرجت من المستشفى ورجعنا البيت....... اتصلت بالشيخ وقولتله اننا رجعنا البيت وياريت يشرفنا.... بعد ساعه الشيخ كان عندنا اول ما دخل من باب الشقه قال لا اله الا الله انتوا هنا.. قلتله هما مين قلي بيتك مش مريح بيتك ساكنه الجن... قولتله طيب وبعدين.. قلي فين مراتك كانت خارجه من الاوضه وقلتلي مين ده يا سليم.... رد الشيخ وقالها انا عمك حامد شيخ جامع الحسين.... رديت قلتله اهلا وسهلا اتفضل هعملك شاي... قالها لا اعمليلي قهوه..... مراتي ابتسمت كده بتوتر ودخلت المطبخ... قولتله انت عايز توصل لأيه يا عم الشيخ قلي استني.... خرجت مراتي بفنجان قهوه قالها ساده ولا مظبوط قلتله مظبوط قالها نسيت اقولك اني بشربها ساده..... قلتله خلاص هعملك غيرها..... رديت عليها وقولتلها اشربيها انتي لقيتها اتوترت وقلتلي مليش نفس.... الشيخ قام من مكانه وقالها من امتي.... ردت عليه وقالتله من امتي اي..... قاله انت معاها من امتي..... مراتي بصتلي وقلتلي ماله الراجل ده... وهتسبنا الرشيخ مسكها من ايدها وقال على فين.... مراتي حاولت تذوقه حط ايده علي دماغها وقال.... بسم الله الذي لا يضر مع اسمه شيء في الأرض ولا في السماء وهو السميع العليم 

بسم الله الرحمن الرحيم 

اللَّـهُ لَا إِلَـٰهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَّهُ مَا فِي السَّمَاوَاتِ وَمَا فِي الْأَرْضِ مَن ذَا الَّذِي يَشْفَعُ عِندَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ

صدق الله العظيم 

بسم الله الرحمن الرحيم

وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحر

صدق الله العظيم

اعوذ بالله من كل شر ومن كل سوء.... بسم الله ارقيكي من كل شئ يؤذيكي....... ميار كان بيخرج منها صوت لا يمكن يكون صوت بشر صوت صراخ مخيف.... وبعدها فقدت الوعي... الشيخ كان عرقان جدا وقال الحمدلله يبني الي علي مراتك خرج... مراتك مظلومه كانت تحت تأثير الجن..... قلي بس الجن لسه موجود في بيتك فوق مراتك وخليها تروح بيت اهلها وانت هتاجي معايا مشوار.... قولتله فين قلي هنروح المقابر..

قولتله ليه.. قلي انت مش عايز تخلص من السحر ده يبقي تسمع كلامي... قولتله حاضر حاضر..... فوقت مراتي وقولتلها تروح بيت اهلها ونزلت مع الشيخ ورحنا المقابر.... وصلنا عند تربه ابويا والشيخ نزل بأيده وحفر حفر لحد ما طلع عضمه... ايوه عضمه كبيره وعريضه ومكتوب عليها طلاسم كتير..... الشيخ فضل يستغفر كتير ولفها في قماشه وقلي الي عملك العمل كان عايز يموتك بالبطئ السحر الي معمول قوي وعتيق عموما... ارجع لمراتك وحياتك وانا هتصرف في العمل ده

....... 

مرت سنه كامله وحياتي رجعت كويسه الحمدلله ورجعت شغلي ومراتي خلفت عمر ايوه سميته علي اسم اخويا وصديق عمري الي دايما كان جمبي وبيساعدني........ قررنا انا وميار اننا نعمل سبوع لعمر... نزلت من بيتي ورحت ازور صحبي عمر عشان اعزمه... خبطت علي باب الشقه فتحلي واول ما شافني ازيك يا سليم تعالي اتفضل... دخلت وقولتله اي مش هتاجي تشوف عمر الصغير قلي هو السبوع امتي... قولتله بكره وانا جاي اعزمك رغم انك مش محتاج عزومه.... قلي تشرب قهوه معايا... قولتله ياريت لاني مصدع دخل يعمل القهوه وبدأت انا اتفرج على اللوحات بتاعته.. لفت انتباهي لوحه متغطيه بقماش.... قربت منها وكشفتها وكانت الصدمه اللوحه كانت فيها راجل وست وطفل.... الطفل هو عمر والست والدته والراجل هو ابويا... ايوه ابويا... مكنتش مستوعب.. غطيت اللوحه وقربت من المطبخ ولقيت عمر بيفضي ماده غريبه ماده انا عارفها كويس في الفنجان بتاعي السم.. وبيقول اقسمت عليكم يا ملوك الجن الاربعه وبحق القرابين الاربعه وبحق سم السحره تسلطوا عليه خرابا هالكا عذابا...... اتسحبت ورجعت مكاني..... خرج عمر بالقهوه وقال احلي فنجان قهوه يا عم سليم... قولتله متشكر يا صحبي... تليفون عمر رن ودخل البلكونة استغليت ده وبدلت الفنجانين ببعض وخرج عمر وبدأت اجريه في الكلام عشان يشرب الفنجان وفعلا شربه... قومت وكشفت اللوحه وقولتله اي ده يا عمر..... ابتسم ابتسامه مصطنعه وهو بيقول عايز تعرف الحقيقة هقولك.... زمان واحد ضحك علي واحده ست وفهمها انه بيحبها صدقته وحبته لكن هو مطلعش قد الوعد الي  وعده ليها لما الست دي رحتله وقلتله انها حامل منه قالها بكل بساطه نزليه... رفضت تنزله وخلفت طفل... الطفل ده يبقي انا..... انا الي عرفت الحكاية وواجهت ابوك بيها انكرها وطردني بره البيت وقلي ابعد عنك هددته اني هقولك... وفي نفس الوقت رحت لدجال اداني سم اسمه سم السحره ده بيموت بالبطئ.... ابوك اضطر يجيلي عشان يترجاني مقولكش عملته بطيبه وعملتله احلي فنجان قهوه فيه سم طبعا لكن بكميه قليله وبعدها رجعت للدجال تاني وعملتلكوا سحر بالخراب عشان ادمر حياتكوا زي ما دمرتوا حياتي..... حتي فنجان القهوه الي انت شربته فيه سم.... ابتسمت وقولتله تعرف ربنا الهمني وعرفت الحقيقه قبل ما اشرب القهوه ومن عند ربنا الهمني في المكالمة الي جتلك وقدرت ابدل الفنجانين ببعض..... قلي يعني اي... قولتله يعني انت الي شربت السم..... كنت شايف الصدمه باينه عليه.... قولتله حتي لو كان ابويا غلط فكل الي اقدر اقولهولك انك مريض ومختل... واهو انتقام ربنا منك بايدك انت سميت نفسك...... في الوقت ده بدأ تظهر عليه اعراض السم فضل يصرخ ويقولي انقذني ابوس ايدك انقذني.... خرجت من الشقه وسبته واخدت معايا اللوحه ومشيت.... علي قد ماالحقيقه كانت صعبه وعلي قد ما انا مصدوم في ان الي عمل كده صاحب عمري... لكن الحمدلله انتقام ربنا منه ورحمته بيا ده المهم 

..... 

#تمت 

#الخوف_كله_هنا

#الــراويه_اوتار 

....... 

اتمني اسمع رأيكم في القصة والناس تتفاعل عشان انزل قصه جديدة 

وبشكر الناس علي الدعم 🤍