رواية حماتي الفصل الأول والثاني والثالث والرابع والخامس بقلم الكاتبة أميرة سليمان
رواية حماتي الفصل الأول والثاني والثالث والرابع والخامس بقلم الكاتبة أميرة سليمان
بعد عرسي ب ثلاثه ايام بس في اسبوع عرسي و اني عروسة قعده جتني حماتي جابت ولدها كانت تبكي و زعلانه على خاطر راجلها طلعنا من الاستراحة امتاعها
بعد ما عطتها لينا هدية العرس جتني قاتلي شوية و نجي قعدت مع الولد ندير ليه في حاجات في مطبخ لين جاني هاتف راهو حماتك ماتت مش عارفه كيف حتى بنقول
للولد ابديت نرعش مع بعضي خديت الولد و طلعت بيه بسرعة و الصدمة كانت
راجلي قالي اختي شانقه روحها و ألقيت العياط و الدنيا خاشه بعضها و شرطة جتنا صدمة مش عارفين شن سبب ب الزبط
رفعوا راجلها و فتحوا تحقيق فات شهر و شهرين من عرس خشيت في عزاء و حزن لين اقعدت أربعة شهور و اني عروسة في حوش عزوزتي حتى حوشي معاش امشيت
لين فاتوا خمسة شهور راجلي خلاني في حوش أهله بحكم هي كانت رأس بنت و أمه بروحها فجأة جاني راجلي قالي هي نروحوا روحت لي حوشنا و طريق كلها كان زعلان و مضايق وصلت للحوش كيف جيت ب نضم الحوش كله غبرة قالي راهو سيبي مش وقته قالي راجل اختي يبي يأخد اختك اني طول توترت و عرفت أنه الموضوع حساس راجلي تحسس خاصة أخته ليها خمسة شهور بس 💔 لاكن أم راجلي عزوزتي قالت اختك كويسة و ياريت تكون هي أم ل صغار بنتي خير من حد ثاني فعلا اخديه اختي الصغيرة و اختي دارت عرس بس بسيط و صغير روحت قعدت نقلب في الحوش امتاعي جبت عاملة جتني تجري قاتلي ماما هذا تليفونك تفكرت هاتف حماتي كان عند الولد لما جاني و قعد ملوح تحت صالون اخديته حطيته في دولاب قلت توا نعطيه ل راجلي لاكن وين مقعمزة جاني فضول نفتحه حطيته في شحن و من أهنا ن صدمت صدمت حياتي تابع
.الحلقة (2)
من #مسلسل
#حماتي
#الكاتبة
#أميرة_سليمان
اني كيف شديت هاتف حماتي لي ماتت بعد ما اقعد هاتفها عندي ملوح في الحوش حطيت الهاتف في شحن قلت بلكي نعرف علاش انتحرت و شنقت روحها قلت بلكي فيه حاجه الهاتف جيت ب نفتحه ألقيت فيه رمز كنت نعرفه لأني ديمه معاها بحكم هي صديقتي كانت حاولت نتفكر بس شي 💔 حطيت الهاتف في دولاب لين فجأة تتصل بيه اختي لي اخداها راجل حماتي أبدت تبكي و ترعش مش فاهمه منها شي صوتها كان يرجف ما قدرت نفهم منها 💔 شي منها اقعدت نراجي في الصبح أمتي ايجي حطني راجلي عندها القيتها بروحها في حوش و معاها ولد حماتي صغير لي هو نفسه ولد راجل اختي قعدت نقوللها شن فيه قاتلي شن معناها الراجل لما يقولك كنت نحلم بيك ليه فترة شايفك و معجب اعجبني كل شي فيك من قبل حتى تموت مرته هو وين شافني خيره هذا بعتالي قالي نبصر عليك ما عمري لا شبحت شعرك و لا شبحت شي اني قعدت مصدومة بحكم نعرفه كان يحب حماتي و كانت علاقتهم كويسة نضت قتلها هو يموت كان في مرته و يحبها و يدلع فيها ناض ولد حماتي صغير قالي لا بابا كان يضرب في ماما و ي كشخ عليها نضت قتله حبيبي ولدي سمح تعرف رمز هاتف ماما شن كان قالي ديمه كنت نلعب بيه كان رمز امتاعه عيد ميلادي قتله باهي قعدت شويه نساير في اختي و روحت و طريق كلها نفكر في كلام اختي و كلام ولد حماتي و لا مرة حماتي قاتلي راجلي ضربني روحت للحوش طول امشيت نجري ل دار النوم بنطلع الهاتف راجلي قالي نبي قهوة اني سكتت درت ليه قهوة و خليته مقعمز في صالة يشرب في قهوته و اني اخديت الهاتف من دولاب و خشيت نجري للحمام صكرت الباب كتبت رمز و خشت على المحادثات و نعيط عيطة في الحمام لين جيت طايحة منين شبحت الصدمة😧😧
.الحلقة (3) #احداث_خاصة
من #مسلسل
#حماتي
#الكاتبة
#أميرة_سليمان
اني كيف خشيت للحمام و كتبت رمز اول ما انفتح الهاتف و خشيت على الماسنجر عيطت عيطة منين ألقيت راجل اختي لي كان كان راجل حماتي كاتب لي حماتي الله يرحمها تقولي ليهم حاجة اني لي راح نقتلك و نفرغ فيك كل جربي تفضحي السر و تخلي سمعتي ضيع بين الناس دورت في الهاتف ما ألقيت شي غير رسالة هاذي بس 💔 طلعت نجري ألقيت راجلي واقف قدام الباب و يقولي خيرك علاش تعيطي خيرك نخلعت طلعت وريته الهاتف و شن فيه راجلي قالي ما تقوليش لي حد اني راح نتصرف و توا نعرف شن كان بينهم ب طريقتي قعدت ليل كله و اني سهرانه و خايفة على اختي لي معاه مش عارفه شن هو سر لي وراءه الراجل هذا قعدت في ليل كله نتفكر في كلام اختي كيف قاتلي قاللها كنت نحلم بيك منين شبحتك كلمة هاذي قعدت نخمم و نبكي للصبح لين مع اذان الفجر نضت صليت و ندعي ربي يحفظ اختي لين الصدمة فجأة النوم اخداني نضت الصبح ساعة 10 ألقيت راجلي مقعمز يدخن و يكلم في حد يقوليه نبي تقرير ضروري و صكر قتله اي تقرير قالي نبي نطلع جميع مكالمات ل دارتهم اختي في اليوم لي ماتت فيه و قبله راح ندفع بمبلغ مقابل الخدمة هاذي قتله باهي كيف خشيت نغسل في وجهي الباب ابديه يخبط ب القوة افتح راجلي ألقاه راجل اختي جايب صغار حماتي و خش بيهم الولد و البنت قاليه خليهم عندك اني و المرآة طالعين و الولد كان يبكي ب القوة و امشي راجلي كان معصب منه اسكت و سايره كيف دخلت الصغار اني هو اركب سيارته و امشي و الولد يبكي قتله خيرك قالي بابا معصب من صبح كلمت اختي ألقيت هاتفها مصكر استغربت قعد بالي مشغول جاي ظهر و العصر و اني نتصل مش مرتاحه لين قلت لي راجلي حاسه في حاجة قالي باهي هي خلي نمشوا حكم ركبت حفيانه ركبت صغار بسرعة و امشينا القينا سيارته مهناش نزلت زي مجنونه قلبي دقات امتاعه سريعة ما القينا حد في الحوش ناض الولد قالي راهو اختك خلاها في الاستراحة و جابنا عندكم امشي راجلي يجري بينا سبحان الله اول ما أنزلنا.......الباقي أنزل أهنا ممسلسلات أميرة سليمان
الحلقة (4) #حماتي
#الكاتبة
#أميرة_سليمان
#احداث_خاصة
احنا كيف وصلنا أنزلنا نجروا سبحان الله كان حاسس قلبي اختي مش كويسة لين فجأة القيناها ضاربه روحها ب مسدس و طايحة تنزف طول راجلي وخر السيارة و اني ابديت نجري زي مجنونه و نعيط و توترت و خفت و معاش قدرت نمشي و الناس جت نجري ل يسكنوا جنب المكان رفعوها مع راجلي و اني ركبت حفيانة مع أمراة في سيارتها تسكن جنب الاستراحة
أمشت تجري فيه تلحق في راجلي في طريق قاتلي الاستراحة هاذي اصلا ما فيش حد راضي عليها قتلها شن تقصدي قاتلي من الاغاني و دوشة كل ليلة اني سكتت كنت مش واعيه و مركزة لين وصلنا للمصحة نجروا ب اختي عيلتي كلها جت و بوي و أمي يعيطوا في لحظة جاي دكتور هكي 💔 بكل سهولة بكل برود قال لينا البنت توفت الكلمة هاذي هزتني و كرهت كل شي منين سمعت كلمت اختك توفت 💔 البنت الصغيرة لي قعده عروسة و فرحانه بطير فجأة شدوا راجلها و قعدنا نستنوا في تقرير الشرعي حرفيا صدمة و فاجعة صابت العيلة كلها لين طلع تقرير حالة انتحار توا حماتي انتحرت معاه و توا اختي انتحرت شن قصته الراجل هذا 💔 قال اني امدايرن ليه شوره عمل و قعد محجوز مؤقت بعد العزاء قعدت الاستراحة مصكرة من الأمن كان قبل راجل اختي يأجر فيها لي الاعراس امشيت اني و راجلي و تفكرت المرأة لي قاتلي الكلام في سيارة امشيت دقيت عليها 💔 قاتلي ديمه كان يضرب في حماتك و نسمعوا في العياط امتاعها استغربت كيف وافقتوا تعطوه اختكم امشينا لي الاستراحة ألقيت مفتاح امتاعها في حوش اختي فتحنا و خشينا قعدنا ندورا اني و راجلي و نفتشوا ما فيش شي بكل شفت هاتف اختي ما فيه شي بكل 💔 ما فهمتش علاش انتحرت اختي ما كان فيها شي 🥺 قعدت في دوامة عايشة لين فقدت طعمت الحياة حماتي بعدها اختي حاولت نبحث و نفهم بس مافيش امل لاكن سبحان الله اطلع كل شي مع الوقت ما فيش حاجة ت قعد غامضة كل شي يطلع من الوقت و يحليلي بس 💔 منين سمعت و شفت بعيني و عرفت السبب فكرت حتى اني نطيح روحي حاجة كارثه منين في يوم مقعمزة مع ولد حماتي صغيرون يلعب في هاتفي ناض قال لي خاله لي هو راجلي نبي اي باد
قاليه حاضر توا اليوم نشري ليك قاليه لا ماما عندها واحد كان بس اخداته و صكراته و داسته و قالت لي بابا الاي باد تكسر و لوحته اطلعت جري اني و راجلي ركبنا الولد و امشينا لي حوش حماتي الله يرحمها راجلي يقوليه عبودي وينه ترا قولي وينه القيناه ملوح خلف تسريحة طول راجلي اخداه حطه في شحن و قعدنا نراجوا و اني نرعش نتفكر في حماتي و اختي الله يرحمهم لي سكنوا هذا الحوش و طلعوا منه ميتين 💔💔🥺 قعدت على اعصابي لين انفتح فجأة راجلي طاح من طوله و اني قعدت نعيط لين امشيت نجري نقوليه خليني با الله عليك اني معاش نقدر نعيش راجلي يرعش مع بعضة كل شي توقعته الا نشبح ...تابع كان ألقيت تفاعل نزلها توا
شويه و نعرفوا السر
.الحلقة (5) #حماتي
#الكاتبة
#أميرة_سليمان
#احداث_خاصة
كل شي توقعته الا راجل حماتي حاط كاميرات مخفيه في الاستراحة امتاعه و كان اي حد يخش لي الاستراحة و يأجرها يشبح في كل شي نرجعوا لي الأحداث قبل عرسي امشينا درنا في حفلة توديع العزوبية اني و اخواتي و حماتي و امشينا للمسبح و درنا حفلة فيه على أساس إمتاع حماتي و ثقة و شوره منها شاف اختي 💔 و حماتي لما عرفت شنقت روحها و بعد فترة من وفاتها أخديه و تزوج اختي و اختي لما عرفت بكل شي و شن كان يدير قتلت روحها ب مسدس امتاعه خاصة منين شافت تفاصيل اختها إمتاع عرسي منين روحت على أساس هدية عرسي 💔💔 ما كانش ساعتها عارف هو لأنه حماتي خلاته سافر و أعطتها لينا هدية كانت نيتها صافية 💔 مش عارفه راجلها شن قاعد يدير راجلي منين شبح كل شي محتفظ في أي باد طاح من طوله رغم هو صغير م 28 بس انصدم صدمت عمره شي هذا خلى تجيه جلطة و يطيح طول كلمت بوي و اهلي و ناسي و طول رفعوه جماعة الأمن و حجزوا الاستراحة مش عارفه كيف قدر يدير هكي 💔💔 حرفيا مصدومة و راجلي في العناية من صدمته كيف اقعد يشبح لي فيديو مصور كل شي و كل تفاصيل و اني نقول علاش يبي اختي 💔💔 في لحظة لي اقعدت مصكرة على روحي الدار و نبكي و نبكي لين تعبت و نفسيتي تعبت اختي ما قدرتش تتحمل لما شافت و عرفت الحقيقة لين راجلي طلع من العناية و تحسن و طلعوه لي حوش أهله نضت نلم في ملابسي و حاجتي مش بنمشي لي حوش أهله بنقعد غادي لين يولي كويس نضت اخديت شنطة إمتاع نضم في ملابسي و حاجتي جاي بوي قالي يا بنتي ما فيش داعي تلمي شي قتله علاش شن فيه صار ليه حاجة مات صح ما تبيش تقولي بوي قالي ب الحرف الواحد راهو بوه جاني و قالي الراجل معاش يبي يكمل اني قعدت تضحك قتله مستحيل راجلي و نعرفه غير بلكي زعلان على خاطر قعدت عندكم و هو مريض في مصحة بوي قالي مش فاهم اني اني قتله ما دخليش في أهله دخلي فيه هو هي يا بوي خلي نلم حاجتي و ارفعني بوي ركبني في عز ليل و امشينا و نفسيتي تحسنت منين سمعت هو صحته كويس و باهي وصلنا أنزل بوي قعد يدق افتح بوه الباب قالي خيرك قتله شن خيرني جايه ل راجلي قالي بوك ما قالش ليك قتله نبي راجلي قالي عنده ضيوف اطلع من مربوعة جاني و كل شي في الدنيا توقعته الا الحاجة هاذي منين وقف قدامي و قالي.....
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا