رواية انتقام عاشق الفصل السادس عشر والسابع عشر بقلم ميفو السلطان حصريه في مدونة قصر الروايات

رواية انتقام عاشق الفصل السادس عشر والسابع عشر بقلم ميفو السلطان حصريه في مدونة قصر الروايات

رواية انتقام عاشق الفصل السادس عشر والسابع عشر بقلم ميفو السلطان حصريه في مدونة قصر الروايات

#حكايات_mevo 

#انتقام_عاشق #

البارت السادس عشر ..........قامت نيران بعد مده لتبتعد بقهر فهيا استسلمت له وهو لم يتركها الا هيا له لتقوم وتنتحب ليقوم هو بعد فتره تنهد واقترب منها واحتضنها ممكن اعرف بتعيطي ليه. ليزداد نحيبها شدها يحتضنها اللي حصل بينا معناه ان خلاص اللي بينا كبير وكبير قوي وقلتلك خلاص هنتخطي كل حاجه وهسامح وهتبقي ليا انت عايزاني ماتكدبيش.

رفعت عيونها بوجع.. وانت عايزني ازاي هاه عايزني بشروطك وبس مش مصدقني ولا عايز تصدق ...انتقامك وبس احنا مش ممكن نكون مع بعض عارف ابويا هيفضل بينا وكدبك عليا وانتقامك هيفضل بينا انا انطعنت منك وماستاهلش ده.

شدد عليها... ننسي ننسي وقلتلك هسامح في حقي. وهتتعاملي ملكه عايزه ايه طيب والله ماحد هيمسك ولا يزعلك رغم اي حاجه والله عايزك

لتقوم وتبتعد... عارف دي مشكلتك انك مش عايز تصدق الا نفسك وبس وانا تعبت ونفسي ابعد بس مش عارفه اعمل ايه.

اقترب ....لا ماهتبعديش وقلت خلاص انت عايزاني وجواكي عايزني.. اسمعي يا نيران احنا هنبتدي من جديد علاقتك بابوكي هتنتهي وهتقفي قدامه وتقوليله انك عايزاني انا ومفضلاني.

لتنظر اليه بسخريه.. اه بتكمل انتقام يعني ان انت خدت بنته وبنته فضلتك مش كده. بس احب افهمك ابويا لو اترميت الف مره ماهيهموش.

صرخ.. ما تبطلي كذب بقه كل حاجه انكشفت . انت ليه كده انسي اللي شربتيه من ابوكي بقه ..

لتهتف بحسره..  . كمل كمل ربنا يعينك علي نفسك اديني موجوده تحت اديك لحد ماتزهق. لتستدير وتخرج .

وقف محصورا...... طب ايه وبعدين مانا قلت هتنيل اسامحها عايزه ايه دي بتكون بتخطط لحاجه تاني انت بقيت اهبل يا يونس وهيعملوك مدعكه .. طب اسيبها شويه واتجاهلها جايز قلبها يحن انا متأكد ان جواها مشاعر ليا ليه مابتعرفش تبعد عن ابوها ونعيش هحاول انسي. ليتنهد يجلس مقهورة لا يعلم ماذا يفعل.

نزلت نيران لتكمل خدمه وتجد عمه يونس.. تعالي ياختي ابوكي عايز يكلمك.

لتتجمد نيران... مسكت التليفون.. ليهتف ناظم.. والا وعرفتي توقعي يونس يا نيران ماكتش اعرف انك تعبان كده عموما خير لد ما نخلص الصفقه تنيميه وبعديها نطلقك ونجوزه داليا وانت تتجوزي عاصم.

لتهتف نيران...بجد انا مش لاقيه كلام يوصفكو انتو مش بني ادمين لترمي التليفون لتاخذه عمه يونس وتفتح الخط كانت قد سجلت لها لتسمع ما سجلته ابتسمت بخبث واخذت الجزء اللذي قاله ناظم الجميل  وتقف تنظر اليها بشماته فهيا قد رأت يونس يلين لها

لتقف وتهتف.. لتكوني فاكره انك لفيتي يونس في جيبك.

نظرت اليها نيران بغضب لتهتف.. انتو بجد مش طبيعين انا لا عايزه يونس ولا عايزه افضل في دنيتك وقريب همشي وافرحو ببعض يا رب تموتو بعض كلكو.

سمع يونس... ايه عايزاني انا وابوكي نموت بعض مش هتزعلي.

لتهتف عمته بخبث.. تزعل تزعل ازاي دا متخطط يا ابن اخويا لتفتح التليفون وتسمعه جزء من ما قاله ناظم اشتعل هو يقترب منها ويصرخ.. يعني برضه فوق اسامحك ونازله تخططي مع ابوكي تمشيني شورابه خرج وعاصم مين يا روح امك اللي هتتجوزيه ليه شايفني مركب قرون ليدور مهتاجا يكسر ماحوله فهو يريدها ان تكون له لتصرخ عمته.. بطل بقه دي ماتسواش ارميها.

ليشتعل ويهتف.. لا ما هارميهاش ماهارميهاش.

صرخت نيران..... انت ايه حرام عليكي انتو ارحموني وتركتهم وهربت. 

صرخت عمته ..شفت ..هتبقي مسخه ودلدول للهانم .

صرخ ..يا عمتي ارحميني والله اموت نفسي نيران اتملكت مني ومش هسيبها وانت خلاص خرجيها من دماغك بقه واستدار مقهورا وخرج ..

قررت نيران ان تهرب  ولكنها صعدت الي حجرتها  وخلعت السلسله ووضعتها علي فراشها كانت تتخلي عن حبه ولا تريد ان تكمل في هذا العذاب  ظلت تراقب المكان لن تتحمل كونه يريدها ولا يصدقها لن تتحمل كل ذلك الوجع دي اخرتها يا نيران تمشي من سكات اه بيحبك وبيعشقك بس مافيش ثقه خلاص استدارت وتسللت وجدت احد العربات فاندفعت وركبت فيها من الخلف ركبت وانتظرت ان تخرج تلك العربه من الفيلا .

صعد يونس كان يريد ان ياخذها الي الكوخ لعلها تحس به ظل يبحث عنها ولكن قلبه انخلع فقد وجد سلسلتها عالفراش ..اهتاج وظل يدور بجنون فلم يجدها ظل يصرخ فيهم ويبحث عنها بجنون ولكن دون جدوي اتصل بناظم فلم يعلم عنها شيئا احس بهياج في قلبه اين تكون ذهبت ولماذا لم تذهب لابيها جلس في الحديقه يشعر بالقهر راحت فين دي ماتعرفش حد ظل جالسا نزلت دمعه من عينه..قلبي هموت انت فين يا عمري .. هب مره واحده اندفع الي العربه وركبها واندفع بها كانت هيا في تلك العربه وراته فانكمشت بداخلها ظلت تنصت اليه كان يقود بسرعه جنونيه ليتوقف مره واحده ليصرخ باعلي صوته ،،،ليييه ليه يتعمل فيا كده قلبي مش قادر ركن علي العربه وظل يخبط علي المقود راحت فين فين كانت مرتعبه من حالته..ليه يا عمري ليه دانا بعشقك والله بعشقك كان يبكي وهيا تنتحب بصمت ..يونس اندعك وشه واتمرط نفسه وانذل وانهان واخرتها دنيته تكمل روحه تروح..ليه ماتحبنيش زي مابحبك دانا هتجنن ليه ليه ظل يبكي بقهر وهيا تشعر انها ستموت عليه ...مسك سلسلتها ..سيبالي دي تقطع فيا سيبهالي ليه عملت ايه يا رب يتعمل فيا كده .اشوف موت ابويا وتشردي في الدنيا اليتم قطع قلبي ولما قلبي اتملي بحبيبي ينخلع كده ايه الوجع ده اعمل ايه والله تعبت ..يا رب ردهالي هعيشها في قلبي والله هكون تحت رجليها ...عايزاني اتخلي عن انتقامي جايز ابوها مش عايزاني اذيه اعمل ايه اتسي ابوها راخر يا حرقه قلبي ارجعيلي يا عمري هعملك اللي تعوزيه ..قاد العربه و ذهب الي الكوخ الذي عاش فيه اجمل ايام حياته وقف امامه وسقط ارضا ينظر الي مكان حبه رفعت هيا راسها وجدته جالسا عالارض محني الراس خفق قلبها من هيئته همست انت اللي اخترت يا يونس انت السبب فتحت الباب بهدوء وانسلت منه واستدارت تتسحب تبتعد عنه ،،كان هو يجلس وقلبه ينهشه فقام وصرخ باعلي صوته نيرااااااان .

كانت هيا تمشي بهدوء فظنت انه يناديها فارتعبت وصرخت وانطلقت تعدو استدار هو فجاه بعد ان سمع صوتا هنا انخلع قلبه فحبيبته التي اماتت قلبه تعدو امامه اندفع باقصي قوه وهيا تجري وتنتحب برعب خوفا منه الا انه كان يجري  لتصل الي مكان عالي  ويتوقف الطريق ليندفع وينظر اليها بعشق ،،كده يا نيران من الصبح وانت مش قدامي اقترب منها فصرخت ماتقربش هرمي روحي ،

رجف قلبه وهتف طب اهدي اهدي حبيبتي هنتفاهم والله هنتفاهم .

صرخت ..لا مش عايزه مش عايزاك ارحمني بقه .

اخرج السلسله وهتف ....عايزه تروحي ودي مش علي قلبك نظرت لسلسلتها ونزلت دموعها كانت نقطه ضعفها اقترب بهدوء اهدي والله هنشوف حل .

هزت راسها فهتف طب خدي سلسلتك خديها نظرت اليه بغلب ورفعت يدها تاخذ السلسله فهيا روحها ليندفع ويشدها اليه وهيا تصرخ وهو يكلبش فيها بقهر ليشدها ويحملها وهيا تصرخ  ويذهب بها الي ذلك الكوخ الذي قضي فيه معها اول ليله لتبهت هيا فقد عاد الكوخ لما كان عليه قبل الحريقه .شدها ودخل بها و هيا تنتحب بقهر لتصرخ.. جايبني هنا ليه انت ايه جاحد.

اندفع يحتضنها.. كنت عايزه تروحي فين وتسيبيني ....جايبك عشان تحسي بيا وبمشاعري جايبك عشان تنضفي من عيلتك الزباله جايبك وماهترجعيش الا انت ليا وقلبك ليا وناسيه كل حاجه عن عيلتك. ارحميني بقه عايزه ايه عايزاني اموتك واموت روحي مش عارف اخرجك من حياتي انت زي الدم مش عارف ليندفع ويشدها.. بتخططي تاني معاه ليه انام وانت في حضني وتقومي تتفقي معاه ..حاسس بذل رهيب بس مش قادر ابعد .. قلتلك هسامحك واعيشك احلي عيشه وانسي حياتك وهصب عليكي فلوس مش ده اللي يهمكو بس تكوني ليا كوني ليا.

لتنظر اليه بحسره... فلوس عايز تقعدني بالفلوس

صرخ .......أمال اقعدك بايه قولي ليقترب ويشدها اليه هاتفا بعشق.. فاكره اول ليله لينا هنا فاكره كتي عامله ازاي فاكره... انا عايز الليله دي ترجع بكل مافيها عايز انسي عايز اعيد الزمن والليله دي ترجع عايزك نيران اللي عيشتني احلي ليه هتجنن.

لتسيل دموعها لتهتف.. انا ماعتش هنا يا يونس معاك

ليقطب جبينه لتهتف.. اللي عيشت فيه اتحرق يا يونس. اليوم ده راح مع النار الي شبطت فيه. فاكر لما قلتلي اللي حصل هنا هيفضل هنا فاكر.. هو فعلا فضل بس اتحرق هترجع ازاي هنا ماتت نيران اللي انت قلت عليها روحك  اللي ادتك قلبها وانت قمت الصبح تخلع قلبها يا يونس. قلي هترجع اللي مات ازاي.. اللي مات اندفن مع الرماد.

صرخ.. لا ماندفنش هنرجعه هنرجعه بس تنسي عيشتك وابوكي . ليندفع انت عايزاني وبتحبيني.. وانا اهوه بقلك عايز حبك ده ليه بترجعي تتفقي ليه اعمل ايه احبسك لحد ماتعقلي وتعرفي اني اللي ليكي.

هتفت بقهر... تحبسني ليه كلبه هو انت مابتفكرش الا في نفسك وبس يونس وبس.

صرخ.... اعمل ايه عايز اخرجك من بيئتك الزباله بس انت مش راضيه قلبي هيموتني.

نظرت اليه بقهر.. طب لو خرجتي وعشنا مع بعض.. هتأمن ليا مثلا والا هتفضل شاكك عمرك اني  بلعب عليك قول يا يونس.

هتف بقوه.... ساعتها هنكون عملنا عيله وماهتقدريش تبعدي او تخونيني.

لتحس بألم رهيب... قصدك اني اخلف منك ولو عملت حاجه ترميني صح تهددني بعيلتي صح اعيش تحت طوعك زي ماتحب  او ترميني. طب ماجاش في دماغك ليه ده كله ان ممكن اكون مظلومه.

صرخ....... بطلي النغمه دي بطلي بقه ماتسوديهاش اكتر ماهي سوده انا عمري ماهصدقك انتو فاكرني اهبل ابوكي يموت ابويا واختك تضحك عليا وانت تيجي تلفي عليا وتوقعيني انتو ايه مابتشبعوش تمثيل ايه العيله دي يا ريتني ماحبيتك لو اقدر اخلع قلبي اخلعه بس مش قادر .

لتسيل دموعها وتهمس.. يعني انا هفضل تحت رحمتك متهدده بوجودي في حياتك لحد ماحبك ده ينتهي وساعتها ترميني.. ايه الحياه الجميله اللي هنعشها دي.

هتف.. عشان من غيرها اموت ماقدرش اسيبك وافهمي انت ماقدرش اسيبك لو هموتك.

هتفت.. طب مانا مت هتعمل ايه بجثه قدامك.

هتف.. لا انا قادر اخليكي تحبيني انت بين ايدايا مابتتحمليش.

لتتراجع وتهتف.. اه يعني لما تحب تقرب تخليني الين ليك مانا سهله انجاب عشان مشاعري وبعدها عادي تفكيرك يكمل فيا ماتحسش ان مشاعري ممكن تتوجع اد ايه. انت مش مامن ليا وانا خلاص تعبت علاقتنا فاشله يا يونس ارحمني بالله عليك وسيبني لا هروح لابويا ولا هفضل معاك وهتنساني كرهك لابويا هينسيك كل حاجه.

اقترب واحتضنها وهتف بقهر..... مش عارف انساكي مش عارف ومش قادر ومش عايز. اعقلي  والله هعملك كل اللي تعوزيه بس تبقي ليا.

لتهتف... طب يا يونس. انا قدامك اهوه ليك وماهنطقش خلاص اعمل مابالك هعيش دنيتك لحد ما ربنا يخرجني منها انا متأكده انك في يوم هترميني الانتقام وألغل مالوش علاج.

اقترب وشدها.. مالكيش دعوه بس ابقي ليا ونعيش ونعمل عيله انا عايز عيله كبيره عايزك تبقي ام أولادي في أقرب وقت نيران انا عايزك

لتهتف.. اه بتامن يعني بتربطني بعيل صح.

تنهد ....ماعنديش حل تاني

صرخت..... ماتصدقني يا اخي دا الحل صدقني.

اغمض عينه بقهر لتتنهد وتعلم انه لن يصدقها لتهمس..... يا ريت كان حبك اكبر من انتقامك يا ريت بس بجد انا ماعتش لاقيه كلام.

ذهب يحتضنها..مين قلك ان حبي مش اقوي يونس كان استحاله يترجي بنت ناظم بس اهوه مش بس بيترجي دا هاين عليه يركع تحت رجلك ..احتضنها بقوه .. طب نجرب اهوه انا بقلك عايزك نجرب يا نيران.

لتهتف.. طب مانت قلتلي الصبح كده ونزلت هيجت لما ابويا كلمني.

صرخ.. عشان بتتفقو تاني.

هتفت........ وانت متأكد اني اتفقت منين والا سمعت كلام عمتك وخلاص.

اي غلطه ليا هتعيشنا جحيم يا يونس انا عايزه ابعد لاني تعبت ووجعي ماعت متحمله.

هتف... بعد مش هتبعدي يا نيران وهضبط اموري واخلص مع ابوكي واخد حقي ونعيش بعدها.

لتضحك.. اه اما تكمل انتقام صح وبعدين بقه اهي موجوده تحمد ربنا .

هتف.. مانت ماهيبقالكيش حد ولا حته تروحي فيها.

هتفت.. لا ليا انا معايا فلوس اقدر استغني عنك  يا يونس.

ليبتعد ويجلس ويهتف.. لا مانا خدتهم وانت مضيتي عليهم ومستني ايام وانفذ  اخدهم.

بهتت ونظرت ابيه.. بتقول ايه تاخد فلوسي.

هتف... اه هتعوزيهم ليه دول بتوع ناظم الجميل لازم احرق قلبه وانت ساعتها تبقي بتاعتي.

لتشعر بذبحه في صدرها..

انت بتاخد فلوسي عشان تذلني يا يونس  مايبقاش ليا حد الا انت اجري عليه. ليه عملت لك ايه. انت ازاي كده انت جاحد ليه كده

هتف... انا بحميكي من اي تصرف اهبل ممكن تعمليه انا بعرض عليكي حياه محترمه وعيلة ماتحلموش تناسبوها انتو سمعتكو زفتت وبعرض عليكي حبي وقلبي واسمي  واني اخرجك من الوسط الزباله اللي منقوعه فيه. وفلوسك امانه في رقبتي انا مش حرامي يا نيران وهحطلك فوقهم اضعاف لو عايزه شركاتي خديها انا انت عندي بالدنيا انا بعشقك .

لتهتف.. بتعرض عليا حبك.. هو كده حب.. ياخي منعول ابو ده حب. تذلني وتفرض عليا حياه بالعافيه وصورتي قدامك في عقلك مشوهه ولا عمرك هتصدقني.. بس تصدق انا فعلا مش عايزاك تصدق يا يونس ماعتش يهمني اعمل ما بدالك بس اخرتها هخرح من حياتك وهتشوف

اقترب يشدها يحتضنها.. ماتقوليش حاجه استحاله تحصل انت مراتي بتاعتي حبيبتي وانا هعمل المستحيل عشان نكمل انا هاخدك ونسافر بره  ابعدك عن هنا هتخلي عن كل حاجه بس ترضي هحطك بعيوني انت عايزه ايه تاني غير انك تعيشي مع واحد بيحبك وعايزك ليرفع وجهها والله عايزك وهموت عليكي يا نيران ماعتش قادر اقاوم روحي اكتر من كده حاولت مش قادر تعيش بقه ارجوكي أقبلي  وانت اصلا ماقدمكيش غير انك تقبلي

لتستكين بقهر فهو أوضح ماهو ناوي عليه سيجعلها تعيش معه يفعل بحياتها مايشاء تنجب منه حتي يامن لها وتفكيره سيظل كما هو لن يصدق ابدا ان ليس لها ذنب في اي شئ كان وجعها شديد لتستكين وتصمت ليعتصرها بيت يديه كانت كالجثه بين يديه ليحملها ويريحها عالفراش يقبلها قبلات حانيه كان يعاملها برقه الا انها لم تكن تحس بشئ احست ان الحب لابد له ان يكون عن ثقه وصدق ويونس لن يثق بها ابدا يونس خلع قلبها مره وعندما أدرك انه يحبها اراد ان يعود ويكمل خلعه قلبها بأن يكمل معها بشروط كلها تنهش قلبها.. فليربطها بالاولاد حتي لا تخونه فلياخك مالها حتي لا تخونه فهو منتظر الغدر منها في اي لحظه ،،،،،اي عيشه واي مرار بانتظارها اتوافق علي طلبه وتعيش الحب المهدد اتسامح علي خلعه قلبها الا انها لم تستطع كان يحاول ان يجعلها تستجيب الا انها كانت ميته ليقوم مبتعدا ويصرخ.. انت بتعملي فيا كده ليه بتعذبيني ليه عملتلك ايه. هو ده اللي بتخططو ليه من زمان صح تذلوني عشان بحبك وبعشقك صح هو ده ليشدها انطقي بتعملي فيا كده ليه انا هاين اوطي علي رجلك ابوسها  كانت تنظر اليه بقهر ولا تنطق ليصدح تليفونه ليبتعد ليجدها الخادمه تخبره ان عمته سقطت مريضه ليستدير ويخرج من سكات لتلحقه وتهتف رايح فين هتسيبني هنا.

ليهتف.. فكري هسيبك تفكري وترجعي لنفسك كويس وتقرري هتكملي معايا لانه انا فاتحلك قلبي تخشيه من غير مؤامرات واي حاجه  قذره اتربيتي عليها ليتركها ويقفل الباب وهيا مقهوره لا تعلم لما يفعل بها ذلك وهيا التي عشقته بلا حدود لماذا يقهرها ولا يثق بها.

كان ناظم جالسا دخلت عليه ليلي ..انت هتفضل ساكت كده وبنتك هناك هتجيبها امتي عشان بنتي تتجوز بنتي رفضت الكل عشان يونس وقالتلهم انها ماشيه معاه وسمعتها كلو بيقول انهم مع بعض واتفضحنا والموضوع طول وبيلسنو عالبت انت هتسكتلي .

هتف .،يا ليلي سيبيني بس الشحنه قدمها ايام اخد حالي ونخلص انا متداين لناس جاحده .

هتفت انا مالي بالهم ده ،

صرخ مالك ازاي بقلك لو ماردتش الفلوس هنقتل دول ما بيهزروش ومش هيسيبوكو انت متخيله ايه انت ماعتش معاكي اي مجوهرات وبقينا عالحميد لو حصل حاجه هنتشرد كلنا مش هقدر ازعل يونس سيبيني بس انا فيا كتير وجمال المرابي لسه مكلمني وبيقلي لو حصل هخلع رقبتك انت وعيلتك. 

صرخت ليلي .،وانا مالي يا اخويا دا هم ايه ده .

نظر اليها ناظم مالك ازاي مش ماضيه معايا انت اتجننتي .

نظرت اليه وصرخت ..نعم با اخويا انت قلتلي دي شكليات انت عايزني اتبهدل .قامت وصرخت انت مضتني علي ايه انطق .نهار اسود والبت والواد مضو معاك .

نظر اليها بخوف ..ولم ينطق .

اقتربت ومسكته من ملابسه .،لا انت تقلي مضتنا علي ايه .

هتف ناظم ..اننا نبقي تحت امره في اي حاجه ومانفتحش بقنا .

صرخت ليلي يا سوادك يا ليلي انت وولادك هتشغلنا عنده ايه في بيوت الدعاره والا هيقطعونا اعضاء .

صرخ .،انت بتقولي ايه انا هرجع الفلوس بطلي انت بومه يا ساتر . وفيه حاجه في دماغي تانيه ناوي عليها اهمدي بقه ....

جلست هيا مغلوله تشعر بالخوف فجمال شخص سمعته علي الاشهاد في الافعال المشينه

عند نيران ... مر الوقت ونيران جالسه تفكر في عشقه وقلبها يؤلمها عليه  لتسمع صوتا بالخارج لتظن انه عاد لتقوم لتتفاجئ عندما ....

مين يا حزينه ...خزان احزان اقسم بالله ...

#حكايات_mevo 

#انتقام_عاشق 

البارت السابع عشر.......كانت نيران جالسه في الكوخ  سمعت دق  لتظنه يونس لتقوم وتفتح لتبهت وترتعب فامامها ابوها وابن زوجته عاصم دخل ودفعها لتخاف وترتعش.. هتف ناظم ايه  كت فاكره ان يونس هتفضلي معاه بعد ما لعبتي عليه وادتيه رخصك يا زباله يا خطافه الرجاله.

اقترب وضربها بعنف لتصرخ...

ليدفعه عاصم.. بطل هتموت في ايدك

صرخ ....تموت والا تولع.. اقترب وشدها من شعرها ليهتف.. لتكوني فاكره انه هيسيبك علي زمته يا رخيصه هاه دا بيستفاد بس منك اهو حاجه جتله بلاش.

لتصرخ ....بطل بطل حرام عليك عملتلك ايه تكرهني كده ابعد هو قالي عايزني.

صرخ ناظم.. نعم يا روح امك هو مين اللي عايزك امال بعتنا هنا ليه نربيكي.

لتبهت وتخاف.. ايه بعتك يونس بعتك ليه انا ماعملتش حاجه حرام عليكو انتو بتعملو فيا كده ليه عملتلك ايه.

هتف ناظم بغل.. هات يا عاصم الورق.. خدي تمضي عالتنازل بتاع الوديعه.

بهتت وخافت.. لتهتف.. ماعتش معايا حاجه والله

صرخ ناظم... بت انت الوديعه كلها شهرين وتتفك.

لتصرخ ....ماهو يونس خدها ومضيتله.

هتف.. نهار ابوكي اسود ادتيله فلوسك للدرجادي واقعه فيه ورخيصه يا زباله ايه هتموتي عليه عشان يقعدلك صح وتخطفيه من داليا بنتي

لتصرخ.. مانا بنتك انت بتعمل كده ليه. حرام عليك ابعدو عني وسيبني يونس مش هياذيني هو قال كانت خائفه من ابيها وان تعود اليه ..

ليندفع عاصم.... بقي سي يونس مش هياذيكي بقي دي اخرتها ياخدك مني وانا اللي صبرت سنين عشان اخدك لينهال عليها ضربا ليغمي عليها.. ليهتف ناظم .....نهار اسود هنعمل ايه الفلوس راحت.

هتف عاصم لا..... مش هتروح انت ابوها فكر. 

هتف ناظم..... ولو جرالها حاجه هورث فيها.

بهت عاصم.. بتقول ايه انت اتجننت.

هتف ناظم.... لا انا مديون وهروح في داهيه يبقي لازم استفاد. ليشد نيران يزحفها عالارض وعاصم مذهول من كلامه ليخرج بها ظل يدور حوله ليجد احد الحفر ليهتف هات سجاده من جوه.صفحه حكايات ميفو.

ليهتف..... عاصم ليه ناوي علي ايه.

هتف.... مالكش دعوه هات ليحضر له عاصم السجاده ليلفها بالسجاده ويشدها الي احد الحفر ويلقيها فيها ليرتعب عاصم ويخاف ...هتف ناظم يلا ساعدني اهيل عليها التراب.

وقف عاصم مذهولا كان شرا ولكنه لم يتخيل شيطانيه ابيها أيعقل ان يقتل ابنته ابتعد عاصم خوفا ليشتمه ناظم ويبدا في هيل التراب عليها ظل يهيل التراب لفتره لتغطي معظمها ولم يظهر الا طرفا بسيطا سمعا صوت عربه تاتي من بعيد .

صرخ عاصم مرعوبا.. هنتمسك هنروح في داهيه.. ذهب مسرعا للعربيه وشغلها واندفع عاصم اليه ليقف وياخذه ويهربا من المكان.

******

نعود للخلف... كان يونس قد ذهب الي عمته قلقا عليها دخل عليها وقبل يدها.. مالك يا حبيبتي قالولي انك تعبانه.

لتتنهد.... كويسه يا يونس ماتقلقش.

قطب جبينه.. امال بعتولي ليه فيه ايه.

هتفت...... ومانبعتلكش ليه واخد البت اللي فوق دي وموديها فين هاه راجع الكوخ ليه يا يونس البت لحستلك عقلك.بس لا مش عليا .

بهت.هو..... عمتي فيه ايه.

صرخت.... فيه ان بنت ناظم الجميل لحستلك عقلك وضحكت عليك. عقربه زي ابوها بت مفضوحه بتتجاب بالعرفي.

ليصرخ.. عمتي متقليش علي مراتي كده.

صرخت.. مراتك عملتها مراتك مش دي اللي ضحكت عليك وهترميها لابوها وننتقم منه.

هتف.. هنتقم من ابوها بس مش هرميها يا عمتي. نيران خرجت بره القصه .

لتبهت العمه.. نهار اسود انت بتقول ايه.

هتف اللي سمعته يا عمتي.. انا هسامح نيران وبحبها وبعشقها وهاخدها واسيب هنا خالص ابعدها عن ابوها

لتهتف عمته.. ايه ايه.. بعد ماضحكت عليك تاخدها

ليهتف.. مش مهم انا حاسس اني اقدر اخد قلبها وابعدها واخرجها من اللي هيا اتربت فيه عمتي انا بحبها وعايزها.

لتصرخ.. يادي المصيبه هتاخد بنت اللي قتل ابوك.

هتف.. مش ذنبها انا بحبها يا عمتي ارحميني انت هنتقم من ناظم بس هيا لا وبطلي.

لتهتف ....ابطل.. ليه اسيبك للزباله دي لا ابدا انا مش هسيبك هيا تغور زمان ابوها خدها وناخد فلوسه وننتقم منهم.

قطب جبينه.. زمان ابوها خدها.. خدها منين انت بتقولي ايه.

هتف.. بقول اللي المفروض يحصل البت دي تخرج من حياتك انا بعته ليها ياخدها وقلتله ربيها بعيد عننا علي ماتتجةوز داليا.

ليبهت... بعتي ناظم لمراتي  هناك.

هتفت.. ايوه وقلتله ان انت اللي بعته.

صرخ.. ليه ليه حرام عليكي دانا كت بحاول أقرب منها وقلتلها مش هياذيكي ليه تبعتيه لها زمانه هيموتها من غله ليه تحصريني لينفعل ويستدير ويخرج كالمجنونه يذهب الي الكوخ .

وصل الكوخ اندفع يبحث عنها فلم يجدها ليدور كالمجنونه.. ايه خدها عاصم خدها.. خد حبيبتي.. ايه هيعمل ايه هيأذيها صح اه ماهو مغلول طب خدها وهيا راحت معاه عادي عايزه تسيبني اه ماعادتش عايزاني من اللي عملته فيها ليتهالك وتنزل دمعه من عينه ليه تسيبيني دانا كت هحطك في نن عيني والله ليه تروحيله وترجعي للزباله اللي كتي عايشه فيها ليه وانفجر في البكاء ..ظل فتره يبكي رفع وجهه بقهر  ليحني راسه فتره ليقطب جبينه فقد لاحظ حذائها ليقوم بهدوء .. ويمسكها ليجد فرده حذائها استعجب ليدور يبحث عن الاخري فلم يجدها.. فهتف.. هيا راحت بفرده واحده ليلاحظ عدم وجود السجاده.. قطب جبينه استدار فوجد وشاحها بجانب السرير وسلسلتها عالارض خفق قلبه فهيا لا تفارقها هتف مرتعبا .. هو فيه ايه فتح الباب ينظر حوله لاحظ خط آثار زحف نيران والسجاد رجف قلبه ليتتبع الأثر  ظل متابعة ليصل الي مكان الركام ابتلع ريقه فاثر السجاده يظهر من التراب اقترب برعب وجلس ينظر الي التراب اندفع يزيح التراب كالمجنونه ويصرخ.. لا لا مش جوا نيران مش جوا .. لتظهر السجاده شدها مرتعبأ بجنون  فتحها مسرعا ليهوي قلبه فمعشوقته تنام بلا حول ولا قوه اندفع صارخا.. لا لا والله لا لا يا روحي لا ماتسيبنيش ماعرفش اعيش من غيرك فتحي عيونك يا قلبي فتحيلي. نيران ماتخليش قلبي يقف والنبي يا قلبي ماتحمل انا زباله حقك عليا والله هعملك اللي عايزاه هكون تحت رجلك بس فتحيلي عيونك ليضع يده علي رقبتها يستشعر نبضها.. الحمد لله يا رب بتنبض اهيه ليحملها ويذهب بها الي الفيلا ليصعد بها ويستدعب الطبيب ليخبره انها بخير . ليجلس ويكلبش فيها .

مر الوقت لتفيق هيا لتنظر اليه بوجع وتتذكر كلام ناظم انه بعثه لها لتنكمش وتسيب دموعها.

همس.... طب بتعيطي ليه قلبي وجعني.

لتهمس ....ابعد وسيبني بقه بتعمل فيا كده ليه.

شدها بقوه.. ابعد انا كت هموت مين عمل كده ابوكي مش مصدق يعمل كده ليه.

هتفت.. مش بعته ليا عايز ايه انت. 

صرخ..... يمين بالله مابعت حد وحق الله مابعت حد دي عمتي وبهدلتها  دانا انحصرت وكت هموت فيها خلعتي قلبي والله خلعتي قلبي.

همست.....هو ايه اللي حصل انا ماحسستش بحاجه.

تنهد يونس ولم يحكي لها فليس هناك اب يفعل بابنته كان مدهوشا لماذا فعل ذلك.هتف.. هو ايه اللي حصل احكيلي.

لتحكي له.. ليشتعل يونس.. كل ده عشان الفلوس دا فاجر قوي يعمل كده.

هتفت...... عمل ايه.

هتف.. دا مش بني ادم ويمين الله لاهخلع قلبه بس يصبر

لتنكمش ليحتضنها. لا ماتخافيش والله ماتخافيش انا تحت ايدك اهوه والله ماهاذيكي خلاص نيران والله مسامح اي حاجه عملتيها وخلاص مش هسيبك ليه دا فاجر قوي والله ددانا كت هموت.

لتسيل دموعها فهو مستمر فيما يفعله ليقبلها وينهال عليها ليهتف.. نيران انا مجنون بيكي يا قلبي كتي هتحصريني الحيوان ده كان هيموتك  انا مش مصدق ان اب يعمل في بنته كده ليحكي لها ما حدث لتنذهل من جحود والدها وتسيل دموعها شدها اليه.. لا يا عمري لا خلاص والله كل حاجه هتبقي كويسه. بصي احنا هنبتدي من جديد وهنسي كل حاجه والله ولا هنطق بس تبقي ليا حبيبتي. ونسافر ونمشي من هنا مش هخلي حاجه تقف مابينا ابدا خلاص انت تنسي وانا هنسي.

لتهتف بقهر.. هتنسي يا يونس... هتنسي اني خنتك ولعبت عليك زي مابتقول. هتنسي اني اتفقت مع ناظم الجميل هتنسهالي.

صرخ ....هحاول انسي ماقداميش حاجه تانيه عشان لو مانسيتش هتجنن واموتك واموت روحي. انت ليه بتعيدي اللي فات وتفتحي جرحي انا قلتلك خلاص هنبتدي من جديد وانسألك كل حاجه.

لتنظر اليه وتبتسم وتهتف.. لا كتر خيرك بجد كتر خيرك انا برضه ماليش حق.. واحده خاينه وبتاعه فلوس واتكشفت وخلاص حبيبها قرر يسامحها.. انا ازاي كده لازم تحمد ربنا برضه لازم انضف مش كده. لتنطلق ضاحكه ليبهت من ضحكها

هتفت.. عارف يا يونس انت ماتفرقش عن ابويا حاجه اه والله انتو زي بعض قربكو بيوجع قرب يموت.

صرخ .....انت بتشبهيني بالحيوان ده.

هتفت... الحيوان ده بيجري ورا الفلوس واضح وصريح. انت بتجري ورا انتقام انا ماكنش ليا ذنب فيه وكملت فيه ودست ودعست وجاي تقلي احمدي ربنا وانضفي ماهو انا في نظرك زباله وهفضل طول عمري زباله خسيسه وخاينه وبتاعه فلوس.طب ماجاش في بالك خالص اني ممكن اكون مظلومه. ماوردتش علي بالك خالص يا يونس. بس فعلا مش هتورد لأنك عمرك ماحبيتني.

صرخ... انت مجنونه بقلك هسامجك ابقي ماحبتكيش.

هتفت.... وانا مش عايزه المسامحة دي. انت لو حبيتني كنت وثقت فيا وصدقتني عايزني أأمن ليك وانا في حضنك وانسي قولي انسي ازاي وانت حضنك غدر عايزني انسي ايه قول... انسي بعشقك يا نيران وانت اماني والصبح تخلع قلبي وترميني لوحدي في حته مقطوعه. انس ايه انسي اللي حصل وشوفي حياتك. قولي انسي.. انسي رمي عالارض وضربي واهانتي وخدمتي ليكو انسي قلبي انهري من حبك حبك ده موته ليا اسكت بقه وسيبني في حالي طلقني يا يونس ابوس ايدك. لتضحك.. حتي دي سهله ورقه هتقطع ماني في نظرك رخيصه واتاخدت بالعرفي. لتقوم ودموعها اسيل.. انا همشي يا يونس كفايه وجع لحد كده.

صرخ.. انت مجنونه مفيش فايده هتمشي تروحي فين برضه هترجع ليه عشان يموتك  ليندفع ويشدها انت مش هتمشي ومش هترجعي لناظم واسمعي بقه عشان انا جبت اخري ومعنديش استعداد قلبي ينحرق تاني اخر كلام انت مراتي وهتفضلي مراتي وتعيشي معايا هنا بره زي ماتختاري رجوع لناظم لا بعدان عني لا فاهمه عيشي وارضي بحياتك معايا وانا هرضي ونخلص من الوجع ده. يونس ماهيعيش متعذب عشان غلطه انت عملتيها ومش هعذب روحي عشان انت بنت ناظم الجميل انا قلبي انحرق انهارده وعرفت انك مهما بعدتي هفضل مجنون بيكي يبقي كده خلاص مشي عيشتك يا بنت الناس وطلباتك أوامر ويونس هيبقي ليكي زي ماتحبي شوفي انت كت داخله هنا ناويه ايه وانا هعمله هكتبلك اللي عايزاه هغرقك فلوس انا مايهمنيش.

لتنهار من البكاء ليسمعا خبطا لتدخل عمته لتهتف... فيه ايه ياسي يونس واقف تترجاها وانا سامعه كل حاجه انت اتجننت بنت ناظم الجميل هتديها فلوسك بتحايل عليها بعد ماخططت هيا وابوها.

ليهتف.. خلاص يا عمتي اللي فات فات وهبتدي من جديد.

صرخت عمته.. انت لحستلك عقلك عملت فيك ايه مش دي بنت اللي قتل ابوك هتامن ليها هاه دي تنطرد وتلبس نصيبه زي ابوها اعقل يا يونس هتخرب عليك بعدين يا حبيبي ماتامنش ليها وابوها هيفضل واقف مابينك. 

صرخ ....مش قادر مش قادر ارحميني بقه

لتصرخ امامه .....لا تقدر. طب قلي هاه بعد ماحبك يهدي وتعدي سنه واتنين مش هتفتكر ناظم مش هتفتكر رميه ابوك عالارض مش هتفتكر  لما ركع قدامه مش هتفتكر سنين الملجأ هتنسي ازاي هتنيمها في حضنك ازاي هتامن ازاي الخاين يخون الف مره ودي مش بس خاينه دي داخله ومربطه ومخططه

ليهتف.. وخلاص يا عمتي كشفتها وهسامح ومش هديها فرصه تعمل حاجه.

لتصرخ .....النجس هيفضل نجس والشر مزروع جواها .

صرخ.... اعمل ايه يعني مش قادر كفايه بقه .

هنا لم تحتمل نيران كل ذلك فهذا فوق طاقتها...كانت نيران تسمعهم وكيف يوصمونها بما ليس فيها لتصرخ... بس بس يا كفره انتو ايه ظلمه ليه كده.. ايه حد قالك اني عايزه اقعد بتلقفوني لبعض ايه فاكرني ايه زباله قوي كده هرضي باللي تدهوني مانا كلبه فلوس... انتو ازاي كده يا خساره حبي ليك يا خساره كل حاجه بتمني اموت ولا ان ابقي لحظه واحده في حياتك

لتصرخ عمته.. وليكي عين ايه البجاحه دي.

هتفت نيران.. اه ليا عين والف عين لاني مظلومه انظلمت من الدنيا انظلمت من ابويا وانظلمت من ده.. اكتر واحد وثقت فيه واديتله روحي. ظلمتوني كلكو وعايزني اقعد وارضي.. هتديني فلوس يا يونس بيه هتفضل تكب عليا فلوس ولما تحس بغدر تزود فلوس مانا كلبه فلوس بتاخد واسجاب.

لتصرخ عمته... ايوه كلاب فلوس وكل اللي احنا فيه ده عشان الفلوس.

صرخ.... يونس خلاص يا عمتي خلاص بقه انا تعبت تعبت ماعتش قادر.

صرخت نيران انتو عالم جاحده كل اللي في دماغكو انتقام وبس الحب مش مع الانتقام الحب بيزيل الغل وانتو غلكو طاغي وانا عارفه ان يونس مش هيسيب انتقامه يونس اتربي علي غل ابويا ابويا ظالم وظلمه وهو قلبه اتعبي قهر انا عارفه يونس حاسس بايه بيتقطع عشان حبه وانا حاساه بس انا ماليش ذنب .

صرخت عمته ..اه عايزاه ينسي ذله وابوه اللي مات صح وتقعدي وتتحكمي في الواد .

هتفت ..انا مش عايزه حاجه نظرت اليه مش عايزه حاجه ومش عايزاك فاهم نتشت سلسلتها فمسك قلبه خلاص كده خلصت انتو قلوبكو ميته طلقني دي علاقه تموت واستدارت اندفع واحتضنها عايزه ايه وتقعديلي قولي وانا هنفذه .

شعرت بالقهر اللي انا عايزاه انت ماتعرفش تعمله .

كلبش فيهل..لا هعمل قولي عايزه ايه قولي وااله هعمل نيران يرضيكي مني ايه .

صرخت عمته..... نصيبه لتكوني عايزاه يسامح ناظم .

هتفت نيران ..اللي انا عايزاه هو مش هيعمله كانت تقصد ان يصدق كونها بريئه  ..ابتعدت واندفعت تبتعد عنه مسك صدره وهو يراها تبتعد عنه نيران هتسيبني لا ....مش هتقعد دانا اموت دانت روحي ليندفع يصرخ بحرقه ماجعلها تنشل مكانها عندما......

هتقول ايه يا واد ...اللي هيفتح بقه ويزعل ابننا بعد كده هعلقه عالشلاحات ..ابننا غلبان يا ظلمه عاااااا

تكملة الرواية من هناااااااا