رواية شبة أنثى الفصل السادس والسابع والثامن والتاسع والعاشر بقلم حنان حسن
رواية شبة أنثى الفصل السادس والسابع والثامن والتاسع والعاشر بقلم حنان حسن
الجزء السادس
بعدما ..ما خرجت فريدة تصرخ
من غرفة زيدان بيه...
وتقول الحقوني ...
يادي المصيبة...
يادي المصيبة
روحنا بسرعة انا والست ام فريدة نشوف في ايه؟
ولما دخلنا الاوضة
لقينا زيدان بيه والست نسمة
واقعين علي الارض
وهما غارقنين في دمهم
وبسرعة اتصلت الست فريدة بالاسعاف...
لكن علي ما الاسعاف وصلت
كانت الست نسمة فارقت الحياة
وزيدان بيه كانت حالتة صعبة
وعلي مشارف الموت
لكن الاسعاف اخدتة بسرعة
عشان يسعفوة في المستشفي...
وطبعا وصل رجال المباحث
وفضلوا يحققوا مع كل الي في البيت
وطبعا حققوا مع حسان طليقي
وزوحاتة الثلاثة
لان حسان هو حارس العمارة
وطبعا الضابط... كان بيحقق مع حسان وزوجاتة الثلاثة
في شقة الست فريدة
...وانا كنت مرعوبة...
لان الظابط
الي كان بيحقق
كان بيسال كل الي في البيت عادي ...
لكن كان عمال يحقق معايا انا
بالذات بزيادة ...
لما هراني اسالة ...
وانا كنت...مرعوبة من الضابط ...ومن طريقة نظراتة
الي كانت بتتهمني باني ليا ايد في الموضوع
وواضح ان حسان طليقي
لاحظ كدة
هو كمان ...
وعشان كده قرب مني وهمس في وداني وقالي...
انتي شكلك انتي الي هتروحي فيها يا غلبانة
اتفزعت من كلامة
وسالتة..
قلت...يسلام ؟
ليه يعني؟
وانا اروح فيها ليه يعني؟
انا مليش دعوة بحاجة
ولا حتي اعرف مين الي قتلهم
استغل حسان انشغال الضابط بالكلام مع الست فريدة
وهمس في وداني
قال..الظابط هيسالك وهيقولك
انتي كنتي فين ساعة ما تمت الجريمة؟
هتقوليلة ايه؟
قلت..هقولة اني كنت نايمة
قال..يا خايبة...
يا جاهلة
اوعي تقولي للضابط كده
قلت...ليه يعني بتقول كدة؟
قال...لازم حد يشهد معاكي انك كنتي في مكان تاني وقت المصيبة دي ما حصلت
قلت..ايوه بس انا مقتلتوش
هيشك فيا انا ليه؟
قال...اول واحدة بيشك فيها البوليس هي الشغالة
وعلي ما يوصلوا للقاتل الحقيقي
فيها سنين
ويا عالم... هيوصلولوا ولا لا؟
وعلي ما ده يحصل هتكوني انتي اتبهدلتي يا ولداه
قلت..هو انت ليه عايز ترعبني؟
وسالتة؟
قلت...طيب مفروض اعمل ايه؟
يعني منا كنت نايمة هقولهم كنت فين؟
قال...اسمعي يا بت انتي غلبانة
وانا حاسس اني مسؤال عنك
عشان انا الي جيبتك من البلد
وانا السبب في الي انتي فيه دلوقتي
عشان كده...
احنا هنقول اني رديتك لعصمتي تاني
من غير ما حد يعرف
ولما الضابط يسالك
انتي كنتي فين
ساعة الجريمة دي ما تمت؟
قوليلهم..انك كنتي بايتة معايا في اوضتي وفي الوقت ده
وانا لما يسالوني
هقول ايوه
كانت معايا
وساعتها الضابط هيشيلك من دماغة
ومحدش هيسالك تاني
في حاجة
قلت...ان شاء الله ربنا هيستر
وهيلاقوا الي عمل المصيبة دي
ومنضطرش نكدب
قال...علي العموم انا قلتلك الحل
الي هينقذك من الي انتي فيه
وشوفي هتعملي ايه وابقي قوليلي
انا طبعا مكنتش ناويه اوافق علي الهبل الي قالهولي حسان طليقي ده
لكن لما لقيت الظابط ساب الكل بره
ودخل قعد في الصالون وقالهم هاتولي البت الشغالة
وبمجرد ما سمعت كلمة (الشغالة)
لقيتني بقول لحسان
خلاص يا حسان انا هقول للضابط الي انت قولتهولي
وفعلا دخلت للظابط
ولما سالني انتي كنتي فين ساعة وقوع الحادثة؟
قلت..انا كنت بايتة مع جوزي حسان في اوضتة
وبعد ما الضابط خلص اسالة
خرجت من عنده
وانا مش عارفة ان كان الي عملتة ده كان صح ولا غلط؟
لكن اهو الي حصل
بقي
وكنت بصبر نفسي
وكنت بقول... ان ربنا هيشفي زيدان بيه
وهو الي هيثبت برائتي لما يقولهم مين القاتل الحقيقي
وكنت منتظرة كل يوم ان زيدان بيه يقوم بالسلامة..
اصلة كان في العناية المركزة
ورايح في غيبوبة
وكنت بدعي ربنا يقومة بالسلامة
عشان هو الوحيد الي هيثبت اني مليش صلة بالي حصل
وخصوصا ان الست فريدة ...بدات تشك فيا
من ساعة منا قلت اني كنت بايتة في الليلة دي مع حسان
وكان باين من معاملتها السيئة ليا
هي وامها انهم شاكين فيا
ان يكون ليا يد في محاولة قتل زيدان بيه
وبدات اعرف اني كنت غلطانة
لما كدبت
وقلت لنفسي
انا ايه الي خلاني اكدب بس؟
ده حتي بيقولوا في الامثال..
لو كان الكدب بينجي فا الصدق خير
وفي يوم...لقيت الست فريدة بتسالني
قالت..هو انتي ليلة الحادثة كنتي بايتة مع حسان في الاوضة
عنده ؟
وقفت ادام سؤالها مترددة
و مش عارفة اقولها ايه...
لكن لقيت نفسي مضطرة اني اكدب تاني
وقلت...ايوه يا ست فريدة
اصل حسان ردني لعصمتة من فترة
وفي اللحظة دي
الست فريدة مردتش عليا
لكن فضلت تبصلي بطريقة اكدتلي انها شاكة فيا
وسابتني ومشيت
بعدها
وكان واضح انها كانت زعلانة مني ...ومش طايقة تشوف وشي
وتاني يوم
لقيت حسان بيشاورلي من شباك المطبخ
وهو بيقولي...تعالي عايزك
قلت..ماشي
ولما روحتلة لقيتة في الاوضة لوحدة
وبيقولي...ادخلي يا عروسة
قلت...ايه عروسة دي؟
اتكلم واخلص قول انت عايز ايه؟
قال..انتي نسيتي انك قولتي للبوليس اني رديتك لعصمتي؟
يعني انتي مراتي في ورق رسمي
قلت..خلص يا حسان وقول انت عايز ايه؟
قال..عايز ثمن ما نجدتك من حبل المشنقة
قلت..حبل مشنقة ايه يا عم انت انت اهبل؟
منتا عارف اني مليش اي صلة بالي حصل ده
قال..خلاص
روحي بقي قولي للبوليس
انتي ليه كدبتي
عليهم ؟وقولتي انك كنتي معايا ؟
واننا اتجوزنا بالرغم من ان كل ده كدب ومحصلش
قلت...انت بتقول ايه
انا مش فاهمة حاجة؟
وبعدين انا مقتلتش حد
وزيدان بيه مسيرة يقوم بالسلامة
وهو الي هيقول مين الي عمل كده
قال.. زيدان بيه حالتة اصبحت ميئوس منها
لدرجة ان الدكاترة قالوا لامة انهم هيشيلوا الاجهزة الي مخلياه بيتنفس...
عشان معدش في امل انه يعيش
لكن امة هي الي عايشة علي الامل ومصممة انهم يخلوه تحت الاجهزة
وبما ان زيدان بيه هيموت
يبقي انتي كده ممكن تتشنقي بتهمة قتل زيدان بيه ومراتة
وخصوصا لو انا قلت انك كنتي بتكدبي ومكنتيش معايا وقت وقوع الجريمة
قلت...انت عايز ايه يا حسان وتقصد ايه؟
بصلي حسان ولؤم الدنيا في عينية
وقال... انا مطلوب في القسم بكرة عشان استكمال التحقيقات
وبصراحة بقي
انا مش هقول انك كنتي معايا
الا اذا.....
قلت..الا اذا ايه؟
قال...الا اذا سمعتي كلامي في كل الي هطلبة منك
قلت...عايز ايه؟
قال...عايز القبض الشهري بتاعك كله
يبقي في ايدي كل شهر
بصيتلة بغيظ...ولقيتني مفيش في ايدي غير اني اقولة
قلت..هو ده طلبك بس
قال...لا وكمان عايز نتمم دخلتنا
قلت..دخلة ايه؟
قال..عايز نتمم الدخلة الي متمتش بسبب الولية المجنونة
قلت..دخلة ايه يا راجل يا اهبل انت ؟
انت ناسي انك طلقتني؟
قال..لا مش ناسي
بس انتي الي ناسية انك اعترفتي لضابط
اني رديتك
يعني انتي مراتي في ورق رسمي
قلت...تصدق انك راجل..........
قال...ايوه انا راجل فيا كل الي انتي بتقولي عليه ده
وعشان كده
لو مسمعتيش كلامي في كل حاجة هطلبها منك
هروح اشهد عليكي بكره الصبح
واقول انك انتي الي قتلتي زيدان بيه والست نسمة
بصيت لحسان وفضلت اعيط ...واتوسلة
لكن هو كان قلبة حجر ومصعبتش عليه
بل بالعكس كان عمال يشد في هدومي بالعافية
ويقولي....
يلا اخلصي ..واقلعي
قبل ما النسوان يرجعوا من بره
انا مصدقت وزعتهم الشوية دول
ولما لقيته بيهجم عليا بطريقة البهايم بتاعتة دي
عشان يغتصبني
خوفت منه
و حاولت اقاومة
لكن هو كان اقوي مني
وفضل يحاول معايا
وهو بيضربني بالاقلام علي وشي
وانا بالرغم من اني كنت مش قادرة عليه
لكن كنت بحاول ابعده عني
علي اد ما اقدر
واثناء ما كنت في عز ضعفي
وفي احتياجي لحد ينقذني منه
افتكرت الخاتم و(مصروم)
فا دوست علي الخاتم
بسرعة
كام مره ورا بعض
لكن طبعا
كنت عارفة ان مصروم مش هيجي
لانه اختفي من حياتي خلاص
فا حاولت ادافع عن نفسي ..بنفسي
لكن للاسف مقدرتش
وكنت فعلا هسلم
لحسان
لولا ان باب الاوضة اتفتح مره واحده
ولمحت النقاب الاسود بتاع الست فريدة...
وحمدت ربنا اول ما شوفتها
لاني فعلا كنت فقدت كل قوتي
ولما دخلت ..الست فريدة...
شدت حسان من عليا
ورمتة علي الارض
ومسكت راسة
وفضلت تضرب دماغه في الارض
بقسوة... لغاية ما حسان بقي جثة هامدة
تحت منها
ولما الست فريدة شافتة مش بيتحرك
اخدتني من ايدي وخرجنا من الاوضة عنده
ودخلتني لشقتها من غير ما تكلمني كلمة واحدة
ولما دخلنا لشقتها
سالتها..
قلت...هنعمل ايه في جثة حسان
ياست فريدة؟
وانتظرت ان الست ترد عليا
لكن الست فريدة
بصتلي ... وسابتني وخرجت
من باب الشقة
بدون ما تتكلم ولا كلمة
فا وقفت وانا مش عارفة هعمل ايه
وبقيت اقول لنفسي
يا يلهوي انا
ايه الي بيحصلي ده ؟
انا اتورطت في جريمة قتل حالا
وبكره لما حسان يجي يطلبوه عشان يحققوا معاه
هيكتشفوا انه اتقتل
وطبعا الضابط هيشك فيا
بما اني قلت للضابط اني مراته
انا مش عارفة اعمل اية في كل المصايب الي بتحصلي دي؟
واثناء ما كنت واقفة في الصالة ...
لقيت باب الغرفة الخاصة بالست فريدة بيتفتح ...
ولقيت الست فريدة خارجة من غرفتها
وسالت نفسي
قلت..طيب ازاي؟
هي مش الست فريدة لسه خارجة من باب الشقة حالا
بعدما دخلتني هنا؟
وبصيت للست فريدة
وحسيت ان عيني احولت وانا ببصلها
وبقيت اسال نفسي..
هو في ايه بقي ؟
ايه الي بيحصل ده؟
واثناء ما كنت واقفة ادامها ببصلها وانا متنحة؟
لقيتها ..بتسالني
قالت انتي واقفة كده ليه؟
بصيتلها باستغراب
وسالتها؟
قلت...هو مش حضرتك كنتي معايا من شوية؟
ولسه انا وانتي داخلين من بره ساعة ما........
وقبل ما اكمل كلامي
لقيتها بتقولي...
كنت معاكي بره فين
ان شاء الله؟
..وانتي كنتي بره بشعرك المنكوش كده ازاي؟
فا حطيت ايدي علي راسي
ولما حطيت ايدي علي راسى
اكتشفت ان طرحتي وقعت عند حسان في الاوضة
فخرجت بسرعة وروحت علي اوضة حسان
لاني افتكرت اني طرحتي وقعت مني في الاوضة
اثناء ما كان بيهجم عليا
لكن لما روحت بسرعة لاوضة حسان
عشان اجيب الطرحة
لاحظت ان في حد في الاوضة
لان الباب كان مفتوح
وكان في حركة جوة الاوضة
واول لما بصيت جوه الاوضة
اتفاجئت بحاجة مش هتصدقوها.......
الجزء السابع
بعدما رجعت لغرفة حسان
عشان اجيب طرحتي الي وقعت مني
اثناء ما كان حسان بيحاول يغتصبني...
لاحظت وجود حد في اوضة حسان..
فا وقفت علي الباب
عشان اشوف مين الي جوة؟
لكن اتصدمت
لما لقيت عديلة زوجتة هي الي في الاوضة
فا بصيت بسرعة علي الارض
لكن ملقتش جثة حسان
ولما عديلة شافتني
فضلت تبصلي من فوق لتحت
وكان واضح انها متدايقة من وجودي في المكان
وكنت هسالها عن جثة حسان؟
لكن لقيتها بتقولي...
خير ايه الي جايبك راجعة تتنطي وتتمسحي في حسان تاني ليه ؟
هو مش طلقك يا بت؟
طبعا كان واضح من طريقة كلامها
انها متعرفش حاجة عن اي حاجة
فا حاولت استدرجها في الكلام..
عشان اعرف منها جثة حسان فين؟
قلت...متظلمنيش يا عديلة
انا وحسان خلاص
بقينا زي الاخوات
وانا كنت جاية اسالة
هو هيروح القسم الصبح الساعة كام
عشان البوليس
كان مستدعيني انا كمان
في قسم الشرطة
فا قلت اروح معاه
قالت..معرفش هو فين
انا جيت من بره ملقتهوش
من طريقة كلام عديلة كان باين فعلا انها متعرفش حاجة عن جثة حسان
وممكن تكون وصلت للاوضة
بعد ما الجثة اختفت..
بس انا كان لازم اتاكد بنفسي
انها فعلا مش مخبية الجثة
ومش بتنكر وجود حسان
بس عشان اتاكد لازم ادخل جوه الاوضة
وطبعا انا كان لازم ادخل للغرفة لسببين
اولا... عشان اتاكد ان كانت مخبية الجثة تحت السرير ؟
وبتنكر
ولا لا ؟
وثانيا..
عشان ادور علي الطرحة بتاعتي
واخدها قبل ما هي تاخد بالها
من وجود طرحتي في غرفتهم
فا سالتها..
قلت..
الجماعة الي انا بشتغل عندهم
خرجوا كلهم عشان يكشفوا علي الست ام فريده
وانا كنت بشتري حاجة ورجعت ملقتهمش ...
هو انا ممكن ادخل اشرب معاكي كوباية شاي يا عديلة؟
لغاية ما يرجعوا من بره؟
بصتلي عديلة بقرف
وقالتلي...
ادخلي...
وفعلا دخلت
واتعمدت ...اني اروح اقعد
في المكان الي حسان هاجمني فيه
عشان اشوف الطرحة فين؟
وبعد ما قعدت
فضلت ادور بعيني
علي الطرحة
لكن للاسف
ملقتهاش ....
فا سيبتني من الطرحة
وعملت نفسي بشوف الجرح الي في صباع رجلي
بسبب الشبشب
فا وطيت وبصيت تحت السرير
لكن بردو ملقتش اي اثر لجثة حسان
فا قعدت شوية
لغاية ما عديلة عملت الشاي ....وشربتة
ومشيت من غير ما استفاد باي حاجة..
ولا لقيت الجثة
ولا لقيت الطرحة
ورجعت لشقة الست فريدة
ورنيت الجرس..
ولقيت الست فريده بتفتح وبتبصلي بغضب
وهي بتسالني
قالت..ممكن اعرف انتي كنتي فين كده؟
قلت.. معلش يا ست فريدة
اصلي اكتشفت بعد ما جينا من عنده
اني نسيت طرحتي هناك
فا رجعت اجيبها
بصيتلي الست فريدة باستغراب
وسالتني
قالت...طرحة ايه ؟
وهو مين؟
الي انتي بتتكلمي عليه؟
لما شوفت الست فريدة بتتكلم معايا بعصبية
وناسية الي حصل
عرفت ان الحالة الي عندها اشتغلت
فقلت ..بلاش اتكلم معاها دلوقتي
فا قلتلها...
معلش يا ست فريدة سامحيني
لو كنت اتاخرت شوية اصلي
كنت قاعدة مع عديلة شوية
بصيتلي الست فريدة بغضب
وقالتلي
طيب ادخلي ومتكرريهاش تاني
قلت..حاضر
ولما دخلت كنت
هتجنن
لاني مكنتش عارفة ..جثة حسان راحت
فين؟
ولا طرحتي كمان ؟
معرفتش اختفت
فين؟
ولقتني بسال نفسي
ياتري الست فريدة بتدعي النسيان ؟
ولا هي ناسية بجد ؟بسبب
الحالة الي بتجيلها؟
وفضلت قاعدة في المطبخ
لغاية ما الست فريدة تطلب العشاء هي ومامتها
واثناء منا كنت بنتظرها
فضلت افكر في كل الي بيحصىل
وانا محتارة ومش فاهمة حاجة
وفي عز ما كنت سرحانة
لقيت الست فريدة واقفة ادامي
وهي بتقولي ...
انتي قاعدة كده ليه؟
قلت...انا مستنية احضر لكم العشاء
قبل ما انام
ردت الست فريدة
بحزن
قالت..لا ملوش لازمة العشاء
ماما خلاص نامت
وانا كمان
هدخل انام
عشان هصحي بدري بكره
عشان اروح المستشفي انا وماما
لزيدان اخويا
وسالتها؟
قلت..هو زيدان بيه عامل ايه دلوقتي؟
بصيتلي الست فريدة وفي عنيها شك من ناحيتي
وسالتني
قالت...بتسالي ليه؟
قلت...عايزة اطمن علي البية
قالت..تطمني علي
البية ؟
ولا تطمني علي السر الي مع زيدان بيه؟
قلت..مش فاهمة؟
قالت..مش لازم تفهمي
كفاية انا فاهمة
وبعد ما الست فريدة رمت الكلمتين الي زي الدبش دول
سابتني ودخلت نامت
وفضلت انا قاعدة لوحدي افكر
وافكر
ولما فكرت في النوم
دخلت لغرفة مبروكة
عشان انام...
وبمجرد ما دخلت الغرفة
اتفاجئت بالست فريدة ادامي في الغرفة
وهي لابسة النقاب بتاعها
ولفت نظري انها ماسكة الطرحة بتاعتي
ولقيتها حطت الطرحة علي السرير
وكانت ناوية تسيبني وتخرج بعدها
فسالتها
قلت ممكن سؤال
يا ست فريدة؟
وفضلت الست فريدة تبصلي شوية
وبردوا مردتش عليا
قلت...يا ست فريدة انتي بتعملي معايا كده ليه؟
هو انا مش من شوية كلمتك عن الطرحة
وقلتي انك مش فاهمة انا ىتكلم عن ايه؟
وبعدين ليه حضرتك لابسة النقاب في
البيت؟
ولبساه ليه ومفيش رجالة هنا اصلا؟
ياست فريدة ردي عليا ابوس ايدك
انا خايفة اوي وحاسة اني لوحدي
وفي اللحظة دي
سمعت صوت( مصروم)
وهو بيقول...متخافيش يا نعمة
انتي مش لوحدك
انا معاكي..
وكان واضح ان الصوت صادر من ناحية الست فريدة
واتاكدت من كدة
لما قلعت النقاب ولقيتة مصروم
فرحت اوي اول ما شوفتة
ولقيتني بقولة..
مصروم؟؟؟
انت كنت فين؟؟؟
وليه سايبني لوحدي في الي انا فيه ده ؟؟؟
انت مش وعدتني انك هتفضل جنبي وهتحميني؟
رد مصروم
قال..وانا عند وعدي وجنبك علي طول
قلت..فين الكلام ده؟
منا دعكت الخاتم لما كنت في محنة
وانت مسالتش فيا
قال...منا جيتلك
قلت..لا انت مجيتش
قال..امال مين الي خلصك من حسان ؟
وخلصك كمان من جثتة؟
قلت..هو انت الي.....؟
قال...ايوه
انا امال انا جيبت الطرحة ازاي؟
قلت..طيب دلوقتي حسان مات
وهما ممكن يلاقوا جثتة ويتهموني انا في قتلة
قال..لا متخافيش مش هيلاقوا جثتة
قلت..ليه انت ودتها فين؟
قال..مش اتفقنا مفيش اسالة
قلت..لكن اختفاء جثتة فيها ضرر عليا
قال..بالعكس..
حسان لو كان راح للبوليس
كان هينكر انك كنتي معاه
عشان يورطك
وممكن كمان ... كان يقولهم انك انتي الي قتلتي زيدان ومراتة
واختفاءة افضل
ودلوقتي ممكن رجال البوليس يفتكروه هرب
ويبداوا يشكوا فيه
هو
قلت..طيب وانا دلوقتي حسان مش حيروح بكره للضابط
وانا كده معرفتش
اكد اني كنت موجوده مع حد
في وقت ارتكاب الجريمة؟
يعني ممكن اروح في ستين داهية؟
ابتسم مصروم
وهو بيقول..وانتي هتروحي في داهية ليه؟
هو انتي قتلتي حد فيهم؟
قلت..لا
بس حسان فهمني كده
رد مصروم
قال...مفيش الكلام ده انتي محدش هيقدر يجي جنبك
وبعدين زيدان حالتة استقرت
يعني صحتة في تحسن
ويوم ولا يومين
والبوليس هيحقق معاه وهيقول
علي المجرم الحقيقي
طبعا انا بمجرد ما سمعت الكلام الجميل ده
بدات اتنفس تاني براحة
وقلت...الحمد لله دنا كنت هموت من الخوف والقلق
رد مصروم
قال..مش انا قلتلك متخافيش طول منا جنبك
قلت..منتا سيبتني
وسالتة
قلت...ممكن اعرف انت سيبتني ليه واختفيت؟
هو انا عملت حاجة زعلتك؟
قال...لا
قلت...امال سيبتني ليه واختفيت؟
قال..قلتلك الاسالة ممنوعة
قلت..طيب انت هتمشي تاني وتسيبني؟
قال..طول منتي محتاجة لوجودي معاكي هتلاقيني جنبك
بصراحة مصروم كان
واحشني اوي
فا فضلت بصالة
فا سالني
قال...مالك بتبصيلي كده ليه؟
قلت...انا عندي اسالة كتير
لكن انت بتقول الاسالة ممنوعة
قال..انتي فضولية اوي
وعايزة تعرفي
كل حاجة
عن كل حاجة
وده ممنوع
لكن انا عايزك تعرفي حاجة واحدة بس
قلت..ايه هي الحاجة دي؟
قال...انا هفضل جنبك مهما حصل يعني (اطمني)
ومتخافيش من اي حاجة
قلت...يارب ديما جنبي
ابتسم مصروم..
وقالي
يلا نامي عشان انا همشي
قلت..هتمشي تاني ليه؟
قال...عايزاني ليه؟
قلت...انا بطمن وانت جنبي
قال...همشي عشان تعرفي تنامي
قلت...بس انا بخاف
ابتسم مصروم
وقال... وهو بيضحك
بتخافي ليه ؟
هو انتي طفلة ؟
ايوه بخاف..
زي الاطفال ما بيخافوا وهما بعيد عن امهم
وبخاف من الضلمة
وبخاف وبخاف من
الوحدة
وبخاف حتي وانا وسط الناس
ومش بطمن غير وانت جنبي
ابتسم مصروم بسعادة
وسالني
قال..في حد يطمن
وهو مع (العفريت)؟
قلت..انا بطمن وانت جنبي
وعايزة ابقي معاك
و لو كنت شيطان...
او مارد ....او حتي من جن ازرق
عايزة اقولك ان احيانا
في بني ادمين
بتكون خايف وانت معاهم
اكتر ما تخاف وانت مع العفاريت
ابتسم مصروم
وهو بيقولي...
طيب اتفضلي نامي
وانا هقعد جنبك لغاية ما تروحي في النوم
فرحت اوي لما قلي هقعد معاكي
وطلعت علي السرير بسرعة
ونمت وغمضت عيني
وانا سعيدة انه قاعد جنبي
لكن فتحت عيني بسرعة
وقلتلة...مصروم؟
قال..نعم؟
قلت..انا في حاجة عايزة اقولك عليها من ساعة ما شوفتك..
لكن مكسوفة
قال.. اوعي تكوني عايزاني احكيلك حدوتة قبل النوم؟
قلت..لا
قال..امال عايزة ايه؟
قلت...نفسي اعرف يعني ايه مصروم؟
وفي اللحظة دي
بصلي مصروم..
بغيظ
وهو بيقولي...تصدقي انك بتستظرفي كتير ؟
وانا غلطان اني قاعد جنبك لغاية ما تنامي؟
قلت...لالالا خلاص
مش عايزة اعرف بس خليك جنبي
وبالفعل...فضل مصروم جنبي طول الليل
وهو بيتكلم معايا
لغاية ما النوم غلبني
وروحت في النوم بالفعل
وصحيت الصبح
علي صوت نونوة قطط كتير
جنبي علي السرير
فا قمت مفزوعة لما شوفتهم ملمومين حوليا
واستغربت ان ست فريدة مش معاهم
لكن قبل ما استوعب الي بيحصل
سمعت صوت ست فريدة
وهي بتنادي عليا وبتقولي...
تعالي بسرعة يا نعمة الحقيني
فا خرجت اجري من الاوضة
واول ما خرجت للصالة اتفاجئت ب........
الجزء الثامن
بعد ما صحيت من النوم مروعوبة
على صوت القطط..
إلى كانت حوليا على السرير
لقيت الست فريدة بتستغيث بيا
وهي بتقولي... الحقيقي يا نعمة
فخرجت أجرى ولما طلعت للصالة
اتفاجئت
بالست الكبيرة
(ام فريدة) واقعة على الأرض
وهي فاقدة الوعي
فاصرخت...
وانا بقول...
يالهوى.... مالها الست الكبيرة؟
كفانا الشر
ردت الست فريدة
وهي بتلطم على وشها
وبتقولي
امي يا نعمة... مش عارفة مالها
بحاول افوقها مش عايزة تفوق
وحاولت تتصل بالأسعاف
لكن مكنش في شبكة في الصالة
و كان لازم تدخل الاوضة
إلى فيها شبكة
عشان تتصل بالاسعاف
ولقيت الست فريده
بتقولي...
تعالى حاولي تفوقي امي
لغاية ما اتصل بالأسعاف من جوه
وتركتني الست فريدة ودخلت.. تتصل بالاسعاف
ومسكت انا ايد الست ام فريدة
وحاولت افوقها..
لكن ايديها كانت باردة زي التلج... ووشها كان لونة مزرق
وكنت بحاول اهز فيها عشان تفوق
لكن بدون فايده
واثناء ما كنت بحاول افوقها... سمعت صوت جاي من ورايا
بيقول..
متتعبيش نفسك القطط زادت واحد
انتفضت بمجرد ما سمعت الصوت
ولما بصيت ناحية الصوت
لقيت مبروكة الخدامة هي الي بتتكلم
قلت... انتي جيتي امتى
وتقصدي اية بكلامك ده؟
قالت... ريحة الموت في المكان
والقطط زادت واحد
يبقى خلاص
أمر الله نفذ
بعد ما سمعت كلام مبروكة
رجعت ابص ع ست الحاجة.. ام فريدة تاني
وفعلا كان شكلها ماتت
بجد
فا قلت لمبروكة...
يلهوي... تصدقي فعلا باين كلامك صح؟
وفضلت اعيط
وانا ماسكة ايد الست الكبيرة
وبقول
يا عيني عليكي يا ست الحاجة
وسالت مبروكة
قلت.. طيب وهنقول الخبر ده لست فريدة ازاي؟
دي البنية راحت تتصل بالأسعاف
وفاكرة أن امها مغمى عليها ؟
وانتظرت أن مبروكة ترد عليا
لكن مردتش
فا التفت لها
عشان اشوف هي مش بترد عليا ليه؟
لكن لقيت مبروكة اختفت
فا فضلت ابص حوليا لكن... مكنش ليها اي اثر
وبعد شوية
لقيت الست فريدة راجعة
بعد ما اتصلت بالاسعاف
فاسالتها؟
قلت.. هو ايه الي حصل للست الكبيرة بالظبط؟
وايه إلى وقعها كده؟
قالت... معرفش
انا خرجت من الحمام
لقيتها واقعة في الأرض وغايبة عن الوعي
زي ما هي كده
زي منتي شايفة
بصيت لست فريدة
وقلت...
مش عارفة اقولك ايه؟
لكن في حاجة انا عايزة اقولهالك؟
قالت... حاجة اية؟
وكنت لسه هتكلم
لكن قبل ما اقولها على إلى مبروكة قالتة
موبيل الست فريدة رن
فا ردت الست فريدة
وكان واضح أن إلى كلمها في الموبيل
كان حد مستفز
لأنها اتعصبت جدا
وفضلت تصرخ
وهي بتقول...
انتي بتعملي معايا كده ليه؟
انتي عايزة مني اية؟
انا قرفت منك
ومن ابنك...
وبعد ما سكتت شوية
الست فريدة
لقيتها بتقول...
اول ما يكلمك قوليلة يطلقني انا خلاص مبقتش عايزة اعيش معاه
وفهمت من كلامها ان الست فريدة بتتكلم عن جوزها.. وتقريبا الست إلى بتكلمها دي حماتها
ولقتني بقول لنفسي
بصراحة الست فريدة عندها حق
الراجل جوزهها ده
شايل ايده من كل حاجة ليه كده؟
إنا حتى من ساعة ما دخلت البيت ده.. لا شوفتة جه...
ولا حتى سمعته بيكلمها في التليفون
ده حتى مجاش ولا سال لما اخوها اتقتل هو ومراتة..
بجد انا مش عارفة ايه الي يخليها تصبر على راجل زي ده؟
حتى لو كان سابها
عشان نفسيتها تعبانة
بردوا راجل بارد وَمعندوش دم... انه سايب
مراتة لوحدها كده
المهم... فضلت الست حمايتها تكلمها وتحرق دمها
وبعد مكالمة دامت كام دقيقة
لقيت الست فريدة بتسب.... وتلعن في الست إلى كانت بتكلمها
وكانت.. في منتهى العصبية
وبعد المكالمة..
لقيت الست فريدة اتحولت وبقت عصبية جدا
وطبعا مكنش ينفع اقولها اي حاجة
من الي سمعتة دلوقتي
من مبروكة
المهم.. فضلت قاعدة ساكتة
وقلت بلاش خبر وفاة امها يجي عن طريقي انا
و اكيد بتوع الإسعاف هيقولوا لها أن امها ماتت
وفعلا.. وصلوا بتوع الاسعاف
وعرفوها ان امها ماتت
وقالولها انهم لازم يبلغوا البوليس
لأن في اشتباة في أن الوفاة
أن يكون فيها شبهة جنائية
فا وقفت الست فريدة زي التمثال
وكانت مصدومة طبعا يا عيني
لأن الست امها كانت لسه معاها امبارح
بليل
ومتفقين انهم يروحوا لزيدان بيه المستشفى الصبح
قلبي عليكي يا ست فريدة
فعلا الصدمة جامدة
ومبقتش عارفة ازعل ع الست ام فريدة؟
ولا ازعل ع الست فريدة؟
إلى خلاص مبقلهاش حد
ولا احمل هم نفسي
لان بقى في قتيلة جديدة
و هيحققوا معايا تاني بسببها؟
وبعد شوية
وصل رجال الشرطة تاني
وعملوا كل الي عملوه ساعة ما اتقتل زيدان بيه ومراتة
ورفعوا البصمات... وحققوا
مع كل الي موجودين..
لكن المرة دي... مقدرو ش يحققوا مع حسان لأنهم ملقهوش
وانا طبعا... فضلت واقفة
رجليا تخبط في بعض كا العاده
ومستنية الحتة بتاعة
البيه الضابط لما يقولهم
(هاتوا البت الشغالة)
لكن الغريبة المرة دي حضره الضابط ملحقش يكمل التحقيق
ولا يطلب الشغالة
لأن في تليفون مهم جالة
والتليفون ده...
غير مجرى الأمور خالص
والي فهمتة بعد كده
ان زيدان بيه فاق و اعترف... على القاتل الحقيقي
والمفاجئة...
أن القاتل طلع هو
(حسان)
واتاري حسان لما كان بيطلب مني اقول اني كنت معاه في الاوضة
كان بيوجد لنفسه حجة يثبت بيها تواجده في مكان تاني
وقت وقوع الجريمة
عشان ياكد للبوليس انه كان
مع حد تاني وقت ما ارتكاب الجريمة
وطبعا دلوقتي لما زيدان بيه اعترف على حسان
والبوليس ملقهوش في أي مكان
فا اتهموة بانه هو الي قتل زيدان بية... ومراتة وام الست فريدة...
كمان...
وهرب بعدها
لكن وقفت اسأل نفسي
قلت... حسان لية فكر يقتل زيدان بيه؟
ده مفيش سرقة تمت أثناء عملية القتل؟
يعني القتل مكنش بهدف السرقة؟
امال يا ترى
حسان كان بيقتلة ليه هو ومراتة؟
والسؤال التاني... إلى كان محيرني اكتر
هو... أن مصروم قالي انة قتل حسان.....
وخفي جثتة
طب لما حسان اتقتل؟
امال... مين الي قتل الست الكبيرة؟
(ام فريدة)
وقلت في نفسي
السؤال ده مش هيجاوب عليه غير مصروم
لأنه هو قالي قبل كده
انه بيعرف كل حاجة بتحصل في البيت
هنا
وكمان بما انه عفريت فا اكيد... هيبقى عارف سر (مبروكة)
إلى
واضح انها مخاوية مية عفريت
مش عفريت واحد
بدليل أن هي الي
قالتلي أن الست الكبيرة ماتت
والقطط زادت واحد...
فا لازم اقابل (مصروم)
عشان اعرف منه ايه حكايه مبروكة دي؟
وايه حكاية البيت الملعون ده
وليه كل أصحاب البيت بيتقتلوا واحد ورا التاني
وبيتحولوا لقطط
لكن قلت لنفسي
بس هقابل مصروم ازاي؟
وإنا قاعدة مع الست فريدة ليل ونهار وملزماها من ساعة ما امها ماتت
اصلي مكنتش بسيبها خالص
وكنت بنام معاها كمان
بسبب حالتها النفسية يا حبة عيني
بس دلوقتي انا مرعوبة
من مبروكة
ومن الي عرفتة عن موضوع القطط
القطط الي في الحقيقة هي...
روح الناس الي اتقتلت في البيت ده
وقلت في نفسي
اكيد في لعنة نزلت على أهل البيت كلهم
واللعنة..
حكمت عليهم بانهم يتقتلوا... واحد ورا التاني
وبعد ما يموتوا
يتقلبوا لقطط
والمشكلة دلوقتي
أني بدأت أشك أن مبروكة
مش انسانة زينا...
وحاسة انها من الجان إلى بينفذ اللعنة...
واكيد مبروكة...
بتساعد على قتل الناس الي في البيت
وبتحولهم لقطط
وطبعا... معدش فاضل في البيت
غير ثلاثة...
وهما...
1_ زيدان بيه وده حاولوا يقتلوه فعلا
وهو دلوقتي بين الحياة والموت
2_ والست فريدة...
و3_ و (انا) ...
وواضح
اني قربت انونو قريب انا كمان
أن شاء الله 😂
ودلوقتي فات شهر على وفاة الست الكبيرة
ولسة الست فريدة
قافلة على نفسها
ولا بترضي تاكل...
ولا تشرب...
غير لما بتحايل عليها
يا قلبي
اصلها حزينة على امها
واخوها
وبصراحة انا بدأت اخاف عليها
لان هي الي فاضلة
من العيله إلى
في البيت ده
وممكن يكون الدور عليها
ده لو مبدأوش ب
يا انا يعني؟
عشان كده فكرت أخد الست فريدة
ونمشي من البيت ده
بس ازاي؟
معقولة... اسيب البيت الي فيه مصروم؟
هو انا هقدر اسيب مصروم وامشي؟
هو صحيح مصروم اختفى تاني
من يوم ما الست الكبيرة اتقتلت
لكن انا عارفة انه هو في المكان....
وموجود حوليا
زي ما قالي
و انا لازم اقابل مصروم دلوقتي
عشان اعرف منه ايه موضوع مبروكة
واشوفة هيقولي اخد الست فريده وامشي؟
ولا أفضل في البيت؟
ورجعت افكر بيني وبين نفسي
قلت... لكن.. مصروم قالي مدعكش الخاتم؟
الا... لما اكون في حالة صعبة.... أو في ورطة..... اومحتجالة
وانا دلوقتي َفي ورطة حقيقية
فا قررت ادعك الخاتم
عشان انادي على مصروم
وبالفعل...
دعكت الخاتم
وقلت اروح لغرفة مبروكة
عشان انتظر مصروم هناك
وفعلا دخلت غرفة مبروكة
وبعد شويه
لقيت الباب بيتفتح
ولما بصيت على إلى دخل عليا الاوضة
اتصدمت
لأن إلي دخل عليا شخص مش ممكن تتوقعوة
الجزء التاسع
بعدما دعكت الخاتم عشان
استدعي مصروم
روحت انتظرة في غرفة مبروكة
.. وبعد شوية
الباب اتفتح في غرفة مبروكة
وكنت فاكرة أن إلى هيدخل عليا
هو مصروم؟
لكن..
اتفاجئت.. بأن إلى داخل عليا هو..
الضابط (شريف)
إلى ماسك القضية
وكل شوية... يقولهم
(هاتوا البت الشغالة)
واستغربت من دخول الظابط عليا
مره واحدة كده
وكمان كان واقف يبصلي من غير ما يتكلم
فسالتة
قلت.. أي خدمة يا بية؟
قال... انا جاي ادردش معاكي شوية يا نعمة
وسألني..
قال.. مش انتي اسمك نعمة بردوا؟
قلت.. اسملة علي دماغك يا بيه
ايوه اسمي نعمة
قال.. اسمعي يا نعمة
انا هدخل في الموضوع على طول
عشان تعرفي انا عندك هنا ليه دلوقتي
قلت.. اتفضل يا بيه
قال.. انتي طبعا عرفتي
أن حسان هو الي قام بمحاولة قتل زيدان بيه وزوجتة نسمة؟
قلت.. أيوه عرفت
قال.. وياتري عرفتي كمان ان عقوبة القتل مستنياه
وانه هياخد اعدام؟
قلت.. ايوه عرفت
قال.. للأسف يا نعمة انتي كمان متهمة بالقتل زي حسان
بالظبط
قلت.. يلهوي انا متهمة؟
قال.. طبعا متهمة
وممكن تتعدمي معاه
بعد ما سمعت كلام الضابط..
قلبي وقع في رجليا
وفضلت اعيط
وانا بسالة
واقوله.. ليه يا بيه؟
وانا مالي بالي عملة حسان؟
والختمة الشريفة
انا ماليا اي دعوة بموضوع القتل ده
بصلي الضابط بمكر
وقالي.. ازاي بقي يا نعمة؟
مش انتي قولتي في التحقيق
أن حسان كان معاكي في الوقت إلى حصل فيه جريمة القتل؟
وشهادتك دي ملهاش غير معنى واحد
وهو.. انك شريكة لحسان في الجريمة
قلت... لا ابوس ايدك يا بيه..
اهدي عليا كده
وانا هقولك على كل إلى حصل بالظبط
سحب حضرة الضابط كرسي
وقعد عليه
وهو بيقولي..
ايوه بقى منا جاي هنا دلوقتي
عشان اعرف ايه الي حصل بالظبط؟
وقال.. احكي يا نعمة
قلت.. بص يا بيه
انا اتجوزت حسان
وانا معرفش عنه أي حاجة
لأنه جه اخدني من البلد على هنا..
ومكنتش اعرفة
وأول ما جيت هنا اتفاجئت
انه متجوز غيري ثلاثة
وكان عايز لامؤخذه يعني يا بيه
يدخل عليا أدام زوجاته الثلاثة
ويعيشني معاهم في نفس الاوضة
فا استغثت بالست ام فريده
الله يرحمها
وهي إلى نجدتني منه
وحكمت بيني وبينه
وهو خاف منها وقبل انه يطلقني
ومن يومها وانا عايشة عندهم هنا
وبخدم في البيت..
لغاية يوم الحادثة
إلى اتقتل فيها زيدان بيه
ولقيت حسان بيقولي
أن البوليس ممكن يقبض على الشغالة
لأنها اول واحده بيشكوا فيها
وخصوصا لو مقدرتش تثبت انها كانت في مكان تاني وقت وقوع الجريمة
وانا ساعة وقوع الجريمة كنت نايمة لوحدي
فا حسان فكر انه ينقذني من الورطة دي
فا اقترح عليا
اني اقول اني كنت معاه ليلتها
وهو كمان هيشهد بأني كنت معاه
عشان ميقبضوش عليا واتبهدل
لغاية ما الحقيقة تظهر
عشان كده انا قلت لحضرتك يومها
اني كنت عند حسان في اوضتة...
صدقني يا بيه والختمة الشريفة هي دي الحقيقة كلها
بصلي الضابط شوية
بعد ما سمعني للاخر
وقال...
انتي عارفة انك بكده تبقى شهدتي شهادة زور وضللتي العدالة؟
والتهمة دي لوحدها كفيله انها ترميكي في السجن
فترة كبيرة؟
فضلت اعيط واتوسل
واقول...
ابوس ايدك يا بيه...
انا مكنتش اعرف أن إلي انا قلتة ده غلط
ارجوك يا بيه انا مش عايزه اتحبس
بصلي الضابط
وهو بيفكر
وقالي...طيب اسمعي يانعمة
انا ممكن اعتبر الأقوال الزور
إلى انتي قولتها في المحضر
كأنها متقالتش
لكن ده مش هيحصل غير في حالة واحدة
قالت.. ايه هي يا بيه
الحالة دي؟
قال...انتي عارفة ان حسان هربان
وانا عايزك... تساعدني اني اجيب حسان
قلت.. ايوه يا بيه
بس انا معرفش هو فين؟
قال.. زوجاتة الثلاثة اكيد يعرفوا هو فين
أو حتى يعرفوا حد يعرف هو فين
انا بقى عايزك تدخلي وسطهم
.... وتتشقلبي
لغاية ما تعرفي حسان فين
ويا اما ترشديني عن حسان
يا اما تتعرض للسجن بتهمة تضليل العدالة
وممكن كَمان تهمة القتل تتلزق فيكي
وتشيلي انتي الليلة
وبعد ما قال الضابط إلى هو كان جاي عشانة
خرج شريف بيه كارت من جيبه
ومد ايده بيه ناحيتي
وهو بيقول...
كل الي عليكي تعمليه بس
انك تتصلي بيا على الرقم ده
بمجرد ما تعرفي مكان حسان
وادامك مهلة اسبوع
ولو مجاش حسان
ربنا يتولاكي انتي بقي
وتركني الضابط وخرج من الغرفة
وانا حسيت اني قلبي وجعني من الرعب
بسبب إلى قالهولي الضابط
وقعدت اعيط
وانا بقول لنفسي...
يعني انا لو َمجيبتش حسان هشيل الليلة؟
طيب هجيب حسان انا منين دلوقتي بس ياربي؟
وفضلت.. اعيط
وانا بقول... انت فين يا (مصروم) سايبني ليه؟
وفجاءة
سمعت صوت مصروم بيقولي..
انا هنا جنبك يا نعمة
اول ما سمعت صوتة
حسيت اني زي الغريق إلى كان بيموت
وفي لحظة
لقيت طوق النجاة
إلى كان بمثابة النجدة
إلى هتنجدني من الغرق
قلت... تعالي يا مصروم الحقني
وشوف إلى حصلي
رد مصروم
وقالي
ايوه انا سمعت كل حاجة
وسالتة
قلت... وعرفت أن الضابط عايزني اجيبلة حسان؟
قال.. ايوه سمعت
قلت.. طيب وبعدين هعمل ايه؟
قال.. انا مش عايزَك تشيلي هم
واعتبري الموضوع اتحل
قلت.. اتحل ازاي بس؟
قال.. قلتلك متخافيش طول منا جانبك
ومتشليش هم حاجة
قلت.. ايوه بس البوليس عايز يقبض على حسان حي
عشان يعترف بأنه هو الي قتل
وحسان دلوقتي مات
ممكن تقولي هتحلها ازاي دي كمان؟
قال.. هو احنا مش قولنا ممنوع الاسالة؟
قلت.. معلش منا لازم اسأل
لأن الضابط مديني مهلة اسبوع
يعني انا كده ممكن اروح في (ام الدواهي)
قالي.. هتروحي فين؟
قلت.. في( ام الدواهي)
يعني هروح في اكتر من داهية
ابتسم مصروم وقالي
لا متخافيش
من بكرة هيكون حسان في قبضة رجال البوليس
ومعاهم اعتراف مسجل بصوتة كمان
انه هو الي ارتكب الجريمة لوحده
ولما هيحققوا معاه هيتاكدوا من انك بريئة
قلت.. تقصد أن حسان لسه عايش؟
طيب ازاي؟
دنتا قتلتة ادامي؟
بصلي مصروم بغيظ
وهو بيقولي
انا مش عارف انتي ليه ديما بتنسي ان ممنوع
الاسالة؟
قلت.. ماشي مش هسال عن حسان
لكن في حاجة لازم أسألك عليها
ولازم تجاوب
عشان انا مرعوبة منها
قال.. حاجة ايه؟
قلت.. مبروكة
عايزة اعرف مين مبروك دي؟
وحكايتها ايه؟
ويأتري هي انسان زينا؟
ولا زيك من الجان؟
بصلي مصروم
وسالني
قال.. انتي ايه الي خلاكي تقولي انها من الجان؟
قلت.. لأن لما الست فريدة كانت ملبوسة
دخلت مبروكة تعالجها
و بمجرد ما مبروكة بصت لعين الست فريدة
الست فريدة خفت وبقت زي الفل
ده غير أن مبروكة قالتلي
أن الست الكبيرة ماتت مقتولة... قبل ما بتوع الاسعاف يجوا
ويكشف ا علي الست الكبيرة
يبقى ده ايه؟
بصلي( مصروم) شوية من غير ما يتكلم
وسالني
قالي..انتي شوفتي مبروكة امتي؟
قلت.. بعد ما الست الكبيرة ماتت على طول
شوفت مبروكة
وهي الي قالتلي أن الست الكبيرة ماتت
و القطط زادت واحدة
واختفت بعد كده
على طول
فضل مصروم يبصلي وهو سرحان
وبعدين قال..
انا عايزك تاخدي بالك من مبروكة
وعايزك كمان متنميش لوحدك هنا
خليكي مع فريدة في غرفتها
قلت.. منا ببات مع فريدة
بس انت ليه خايف من مبروكة اوي كده؟
رد... مصروم
قال.. عشان انا من الجن الطيب
لكن َمبروكة من الجن المؤذي
قلت.. يا صلاة النبي
يعني كمان من الجن المؤذي؟ مش من العادي؟
قال.. ايوه مبروكة مش هتغادر البيت
الا لما تقتل كل الي في البيت
ويبقى كل الي فيه قطط
قلت.. تقصد أن الدور عليا
انا والست فريدة؟
قال.. ايوه
وعشان كده لازم تحذري منها
ومتديهاش الامان
قلت... بقولك ايه
طيب ماخد الست فريدة ونمشي من هنا احسن؟
لان مبروكة من الجن وانا مش هقدر احمي نفسي
ولا احمي الست فريدة منها
رد... مصروم
قال.. مبروكة
هتوصلكم لو روحتوا لأي مكان وهتقتلكم بردوا
فا متسبيش البيت
قلت... يلهوي يا امة
طيب وبعدين ايه الحل دلوقتي؟
قال.. بمجرد ما تشوفي مبروكة ادامك
ادعكي الخاتم
هتلاقيني جنبك
وانا هعرف اتعامل
معاها
قلت.. يا عم هو انا لسه هدعك؟
ما تخليك معايا وتبات هنا؟
قال.. اخليني معاكي فين؟
قلت.. هنا..
قال.. وانام فين؟
قلت.. نام معايا هنا والنبي احسن انا خايفة
قال.. انتي شايفة انه ينفع
اني انام انا وانتي في اوضة واحدة؟
قلت.. اه ينفع عادي والنعمة
قال.. لكن كده عيب ومينفعش عشان انتي ست وانا راجل
ابات معاكي ازاي؟
قلت.. يا عم انا واحدة سفلة... وقليلة الأدب انت مالك؟
بات معايا وحياة ابوك
قال... قلتلك مينفعش
ابات معاكي
لكن اوعدك
بمجرد ما هتحاجيني هتلاقيني ادامك
بمجرد ما هتدعكي الخاتم
المهم.. بعد ما سابني مصروم ومشي
رجعت اقعد تاني لوحدي في اوضة مبروكة
لكن في الوقت ده
كنت حاسة بالرعب من وجودي في الاوضة
وخصوصا... بعد إلى قاله مصروم عن مبروكة
وقررت اسمع كلام مصروم
وارجع اقيم مع الست فريدة
في اوضتها
لكن قبل ما اوصل لاوضة الست فريدة
سمعت اتنين بيتكلموا في اوضة الست فريدة
واستغربت... لأن مفيش في البيت غيري انا والست فريدة
فا وقفت ورا الباب عشان اسمع
الست فريدة بتتكلم مع مين؟
واتفاجئت...
لما سمعت الست فريدة
وهي بتتكلم مع واحدة معاها في الاوضة
واتصدمت لما سمعت الست فريدة...
وهي
بتهدد الست الي معاها في الاوضة
وهي بتقول
انا لازم اقتلك
عشان
اخلص منك انتي كمان
فا استغربت من الي سمعتة
من الست فريدة
وكان لازم ادخل عشان اشوف هي بتتكلم مع مين؟
ولما دخلت للاوضة
اتفاجئت...
أن إلى مع الست فريدة جوة كان....
لو عايز توصل لباقي أحداث القصة
صلى على رسول الله
ضع عشر ملصقات
مع متابعة صفحتي الشخصية
مع تحياتي هشام
@ متابعين
( حلم انثى)
الجزء العاشر
بعدما ما اترعبت من المعلومات إلى عرفتها عن مبروكة
قررت ارجع بسرعة لغرفة الست فريدة
لكن قبل ما اوصل لباب اوضتها
سمعتها بتتكلم مع واحدة وتقولها..
انا لازم اقتلك انتي كمان
واخلص منك
زي ما قتلتة
فا دخلت بسرعة..
فا دخلت بسرعة عشان اشوفها بتكلم مين؟
وللأسف..
اتفاجئت أن الست فريدة
بتكلم نفسها
لاني ملقتش حد معاها في الغرفة
فا صعبت عليا...
وقلت في نفسي
مسكينة ست فريدة واضح ان نفسيتها تعبانه
لان كل الي حصلها وحصل لأهلها مكنش قليل
وواضح انها متحملتش الصدمات
وعقلها تعب
وفي اللحظة دي
قربت من الست فريدة وسالتها؟
قلت.. انتي بتكلم مين يا ست فريدة؟
قالت.. بكلم مين؟
انا مش بكلم حد
قلت.. امال كنتي بتقولي لمين انك هتقتليها هي كمان؟
قالت.. ايوة انا كنت فعلا بخوفها
و بقولها كده عشان تبطل تهددني
كل شوية انها هتفضح السر
قلت.. سر ايه؟
قالت.. انتي غبيه؟
انا بقولك سر
يبقى ازاي عايزاني اقولك عليه؟
عرفت طبعا ان الست في فريدة عقلها لسع وبدأت تخرف
فا بدأت اتعامل معاها زي ما بنعامل الأطفال
واخدها على اد عقلها
قلت.. صح انا فعلا
انا غبيه
طالما سر يبقى مينفعش اعرفه
وفي اللحظة دي
لقيت الست فريدة قربت مني
وهي بتترعش
وكانت عاملة..
زي الطفلة
إلى بتتحامي فيا
قالت.. انا خايفة يا نعمة
اخدتها في حضني
وقلتلها..
متخافيش..
وحدي الله يا ست فريدة
انا معاكي...
ومش هسيبك....
وهحميكي بعمري
كمان
بصتلي الست فريدة وعيطت
فا طبطبت عليها
وقلتلها.. اطلعي على السرير وحاولي
تنامي شوية
قالت.. انا خايفة انام لانها ممكن تيجي وانا نايمة
وتاذيني
ارجوك يا نعمة خليكي معايا
قلت متخافيش انا معاكي
ومسكت ايدها واخدتها للسرير
عشان تنام شوية
وقلتلها... انا هفضل معاكي في الاوضة صاحية
ومش هنام
وهفضل احرسك طول الليل
وطلعت الست فريدة على السرير
وحطت رأسها على المخدة
وبمجرد ما اطمنت اني جنبها
راحت في النوم
اتاري الست فريدة كانت خايفة تنام يا قلبي
وقمت قفلت باب الغرفة علينا بالمفتاح..
.. ونمت جنبها للصبح
وصحيت من النوم
على صوت الموبيل
بتاع الست فريدة
ولقيتها لسه نايمة
فا خوفت ليكون زيدان بيه جرالة حاجة
وحد من المستشفي بيتصل
بالست فريدة
فا قلت ارد علي الموبيل
وبمجرد ما قلت
الووو
سمعت صوت واحدة ست..
بتضحك
وهي بتقولي..
انا عارفة انك مش عارفة تنامي
وانا مش هخليكي تنامي تاني
لاني هوصلك...
وهقتلك
زي ما قتلتية
وحرمتيني منه
وبعد الكلام الغريب إلى الست دي قالتة
اتقفلت المكالمة
وطبعا كان واضح ان الكلام
كان موجه للست فريدة
واستغربت
و بدأت اسأل نفسي
مية سؤال
ياترى مين الست دي؟
وليه بتتكلم مع الست فريدة بأسلوب التهديد ده؟
ومين الشخص الي الست فريدة
قتلتة؟
وفهمت ساعتها أن الست فريدة مكنتش بتتوهم...
لما قالت إن في واحده بتهددها
وأنها خايفة منها
لكن ليه الست فريدة ساكته
علي الست دي؟
وليه متبلغش البوليس؟
وافتكرت لما الست فريدة قالتلي...
انها خايفة احسن الست تفتش السر
فقلت.. سر ايه؟
معقولة الست فريدة تكون قتلت حد فعلا؟
وسألت نفسي
قلت.. طيب وبعدين هعمل ايه في المصيبة الجديده دي كمان؟
بصراحة.. انا مكنتش ناوية... اني اقول... على المكالمة دي للست فريدة
عشان نفسيتها التعبانة
لأنها لو كانت سمعت المكالمة
كانت ممكن تتعب اكتر من كده
المهم اخدت الموبيل
وبعدتة عن الست فريدة
واستنيت لما الست فريدة تصحى من النوم
واخدتها معايا
و روحنا للمطبخ
فطرنا
وبعد ما شربنا الشاي
لقيت الست فريدة بتقولي
هاتي الموبيل يا نعمة
عشان
اتصل بالمستشفى
واطمن على حالة زيدان اخويا..
فا روحت جيبتلها الموبيل
ولما بصت في الموبيل
سألتني؟
قالت.. انتي رديتي على الرقم
الي كان بيتصل بيتصل بيا ده؟
قلتلها
ايوه
اصلي افتكرتة اتصال من المستشفى
وحضرتك كنتي نايمة
فا رديت
ولقيتها واحدة ست
لكن ملحقتش تعرف انا مين
لأنها رمت كلمتين
وبعدين قفلت قبل ما ارد عليها
وسالتني
قالتلي.. هي قلتلك ايه؟
قلت... هي افتكرتني حضرتك فضلت تهدد...
وتقول كلام خايب
وسالتها
قلت.. دي باين عليها ست محراث شر
هي مين الست دي يا ست فريدة؟
دمعت فريدة ومردتش عليا
فا اقتربت منها
وقلت.. يا ست فريدة احنا دلوقتي مفضلناش غير بعض
ودي باين عليها ست سوو
وانتي مش هتقدري تقفي أقدامها لوحدك
قوليلي مين دي؟
وخليني ابقى معاكي في الصورة
عشان انتي واضح ان نفسيتك تعبت
من الي انتي حقناه في نفسك
وبعدين جربي تحكيلي
مش يمكن اقدر اساعدك؟
بصتلي فريدة برعب
وقالت..
الست دي تبقي حماتي..
وبتتهمني اني قتلت ابنها
قلت.. وهو جوزك فين اصلا
يا ست فريدة؟
قالت.. كان مسافر في دولة في الخليج
وفجاءة
اتقطعت اخبارة...
وبطل يتصل بيا
ولا بيها....
ومن ساعتها وهي بتتهمني...
اني قتلتة
وكل شوية بتهددني زي ما سمعتيها كده
قلت.. طيب وانتي تفتكري جوز حضرتك راح فين؟
قالت.. معرفش...
معرفش... معرفش
ولما لقيتها بدأت تتعصب تاني
قلتلها.. خلاص.. خلاص
هوني على نفسك
ومن النهاردة تبطلي تردي علي الست دي
ولا اقولك؟
مترديش على أرقام غريبة خالص
قالت.. مقدرش
لو مردتش عليها...
ممكن تبلغ البوليس
وتقول اني قتلته
وممكن يصدقوها
قلت.. وايه المشكلة
لو بلغت؟
ابقى قولي انك متعرفيش هو فين
قالت.. لما الزوج بيتقتل أو بيختفي..
الزوجة بتكون اول المشتبه فيهم
وانا كل الناس كانوا شاهدين
على المشاكل الي بيني وبين جوزي
ده غير اني هددتة كتير بالقتل
أدام الناس
لما كانت اعصابي تعبانه
قلت.. معلش
هو الموضوع هياخد وقت
بس البوليس مسيرة يوصل لمكان جوزك
قالت.. انا مش على استعداد اتبهدل لغاية ما يعرفوا مكانه فين
قلت.. على العموم متعصبيش نفسك
وربنا هيحلها
بإذن الله
المهم بعد ماخلصنا من الكلام عن حماتها وجوزها..
اتصلت الست فريدة...
بالمستشفى
عشان تطمن على زيدان بيه
ولما عرفت أنه خرج من العنايه المركزة
فرحت جدا
وبقت نفسيتها في السما
لما عرفت ان اخوها سندها بقى كويس
فا قامت الست فريدة بسرعة
تلبس هدومها عشان تروح لزيدان بيه المستشفي
فسألتها..
اجي معاكي؟
قالتلي.. لا
خليكي انتي هنا يا نعمة
اعملي الاكل
الي زيدان اخويا بيحبة
عشان انا هجيبة من المستشفي
ويكمل علاجة هنا في البيت
قلت.. ماشي
وفعلا سابتني الست فريدة وخرجت
وقعدت انا في البيت لوحدي
وحسيت اني مرعوبة
فا قلت..
اقوم ادخل المطبخ
واشغل نفسي في تجهيز الغداء
لغاية ما الست فريدة ترجع
لكن لما دخلت المطبخ
اتفاجئت.. (بمبروكة)
وهي واقفة في المطبخ
فا اترعبت
وأول ما شوفتها
دوست على الخاتم
عشان مصروم
يجي
وقلت اخد وقتي معاها في الكلام
عشان اعطلها لغاية ما يوصل
فا سألتها..
قلت.. انتي دخلتي هنا امتى؟
وازاي؟
قالت.. سيبك من الاسالة العبيطة دي
واهربي من هنا
انتي غلبانه
وملكيش ذنب في إلى هيحصل
وحرام تروحي في الرجلين
بذنب فريدة
قلت.. وهي فريدة عملت ايه؟
قالت.. فريدة قتلت
ولازم تتقتل
بصيتلها في عينها وواجهتها
قلت.. انا عارفة انك انتي الي ورا جرائم القتل
إلى بتحصل في البيت ده
قالت... صدقيني
كل الي كانوا في البيت
يستاهلوا القتل
قلت.. طيب ممكن اعرف ليه؟
قالت.. فريدة
وعيلتها كلهم مجرمين
وعشان كده لازم يموتوا
وقبل ما ارد عليها سمعت جرس باب الشقة
فا تركت مبروكة في المطبخ
وخرجت افتح الباب
ولقيتة الظابط شريف
فا قلتلة
اهلا يا بيه
لو كنت جاي تسأل عن
الست فريدة
فا هي.. خرجت
قال.. انا جاي عشانك انتي يا نعمة
قلت في نفسي
يادي النيلة السودة
هو انت مفيش وراك حد غيري؟
استر يارب
ولقتني بقولة..
اؤمرني يا باشا؟
انا تحت امرك
قال.. مبروك
لقينا حسان
قلت... طيب الحمد لله
قال.. ومش كده وبس
دا احنا لقينا معاه موبيله
وعليه تسجيل بصوتة
بيعترف فيه
أنه هو الي حاول يقتل زيدان
وقتل نسمة مراتة
قلت... يعني القضية خلصت يا باشا؟
قال.. خلصت ازاي يا نعمة؟
والحاجة ام فريدة
مين الي قتلها؟
حسان اعترف انه قتل زيدان ومراتة فقط
وبعدين في حاجة غريبة حصلت
لحسان
قلت.. خير يا بيه ايه الي حصل؟
قال... حسان صحيح معترف
في شريط فيديو
على نفسة
بالصوت والصورة
لكن من ساعة ما قبضنا عليه
وهو في حالة صمت
غريبة
والأطباء النفسيين إلى شافوة
قالوا انه أتعرض لصدمة عصبية
افقدته النطق
قلت.. طيب ايه؟
حضرتك شايف ايه؟
قال.. انا شايف ان في حد اتسبب
في أنه يعرض حسان لصدمة
والحد ده من مصلحتة أن حسان ميتكلمش
ونفس الشخص ده
هو الي قتل الحاجة أم فريدة
بصتلة شوية
وسالتة
قلت.. حضرتك شاكك في حد معين؟
وفي اللحظة دي
لقيت الظابط بيحط ايده على كتفي
وهو بيقول...
انا مش شاكك بس
دنا حطيت ايدي عليه كمان
قلت في سري
يا عم اتهد بقى؟
هو مين الي حطيت ايدك عليه؟
اللهي يجيلك ويحط عليك يا بعيد
وطبعا بعد اسلوب الإثارة و التشويق
إلى عمله لي الضابط شريف
حسيت بالرعب من كلامة
إلي فيه تلميح بالاتهام
فا قلت..
معلش يا بيه ممكن توضح اكتر؟
قال..
انا متأكد... ان إلى قتل ام فريدة
هو نفسة...
الي سلم لينا حسان
عشان نشك أن حسان هو الي قتل الجميع
ويهرب هو بجريمتة
قلت.. ايوه يعني
هو مين الشخص ده؟
قال.. الكاميرات إلى أدام البيت هنا
رصدت امرأة منتقبة
بتدخل للبيت وتخرج في أوقات كتير
وأغلب الأوقات
إلى بتدخل فيها للبيت
بتكون بعد منتصف الليل
قلت.. وبعدين؟
وقبل ما الضابط يكمل كلامة
سمعنا صوت حركة في المطبخ
وسألني الضابط
هو مش انتي قولتلي
أن الست فريدة
مش هنا؟
قلت.. ايوه
الست فريدة راحت للمستشفي
فا رد الظابط
وهو بيبص ناحية المطبخ
وسالني
قال... انتي معاكي حد جوه؟
وقفت ساكتة ومردتش عليه
فا خرج المسدس بتاعة
من الجراب
وتركني واقفة
ودخل بسرعة على المطبخ
وبعد ما الضابط دخل المطبخ
سمعت صوت رصاص
فا روحت بسرعة
على المطبخ
واتفاجئت بحاجة
لا يمكن تتخيلوها..........
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق
فضلا اترك تعليق من هنا