رواية حصنك الغائب الجزء الثاني الفصل الثالث وخمسون والرابع وخمسون بقلم دفنا عمر

رواية حصنك الغائب الجزء الثاني الفصل الثالث وخمسون والرابع وخمسون  بقلم دفنا عمر

رواية حصنك الغائب الجزء الثاني الفصل الثالث وخمسون والرابع وخمسون  بقلم دفنا عمر

الفصل الثالث والخمسون

------------------------------

يا عظيم الرحمة قدمت قرباني ألا تقبل؟

ياغافر الزلات ابديت ندمي 

ساجدا ذاكر باكيًا ألا تقبل؟

بحق ما جعلت نيران إبراهيم بردًا وسلامًا 

بحق ما شققت البحر بعصا موسى ونجى بقومه

بحق ما عصمت يوسف من امرأة العزيز

وملكته عرش مِصرَ وخزائنها

أجعل لحبيبتي من الجحيم مخرج..

واخلق لي سبيلا إليها.. 

----------------

لا شك أن للموت هيبة

والاحتراق جحيم لا يُحتمل 

حتى لو أقدمنا عليه طواعيةً

ظل يصرخ عليها بلوعة وعجز

ليته سامحها وعاد إليها..

ليته ما تركها لتلتهمها أفواه اليأس..

ليته مد لها يد العون بدلًا من الخذلان

ليته كان جوارها وحال بينها وبين الموت.

كيف سيعيش بهذا الذنب؟

والأهم كيف سيتحمل خسارتها؟

الآن..

الآن فقط أدرك قيمتها في حياته

أدرك مشاعره وأنه بالفعل يُحبها 

يُحبها رغم كل شيء فعلته

رغم تاريخهما الأسود 

خسارتها ستظل ندبته الغائرة

التي لن تطيب ابدا

لن تطيب!! 

______________

+

" تيمااااااء" 

صرخته زلزت سكون محيطه وهو يفيق هادرًا بأسمها فزعًا من نومه، جبينه متعرق بقطرات زحفت على سائر وجهه.. كان حُلمًا..لا.. بل كابوس..كابوس لعين.. الحمد لله انه مجرد كابوس..زوجته بخير.. لم تحترق.. لم تمت أمامه بالبشاعة التي رآها..تيماء لم تمت.. مرر كفيه على وجهه مستعيذا من الشيطان الرچيم مستغفرا الله لعل اثر ما رآه يزول في نفسه ويهدأ.. أنفاسه بدأت تنتظم نوعًا ما داخل صدره لكن مازالت تلك القبضة الغامضة في قلبه تؤلمه..هناك أمر سيء يلوح في سماءه يراه ببصيرته..

+

هل تحتاجه وتأخر عنها؟

هل فات الوقت ليصلح ما مضى بينهما؟

أم مازالت هناك فرصة لتشيد أوصر جديدة؟

بالطبع هناك فرصة

مازال الأمل معقودا

‏وهي بخير لم تحترق أو تموت

أما هو 

‏ألم يعفه الله من الخطيئة بين جنبات ذاك الملهى؟

ألم يُجنبه الانزلاق في هذا البئر مرة أخري؟ 

ألم يبعث إليه ذاك الرجل الطيب ليبث فيه الأمل ويحسه على التوبة ونفض غبار اليأس والقنوط عنه؟

ألم يرسل لأذنيه صوت الطفلة لتلفت انتباهه قبل أن يسقط؟ وقبل كل هذا.

ألم يمنحه رحمة؟

صغيرته الحبيبة دافعه الأكبر للتغير والصمود

لأجلها سيعافر..

ولأجل تيماء.. زوجته.. قدره.. 

لن يتخلى عنها..

مثلما استقوى بالله واستعصم به

سيقويها ويحميها من اليأس

مثلما شاطرها الذنب 

سيشاطرها طريق التوبة

‏ 

‏الفرصة سانحة ولم يفت القطار بعد

ولن يتركه يغادر قبل أن يضمهما بين جنباته

ليعقد معها ميثاق مختلف بعد أن رمم القليل من نفسه، ربما الآن أصبح لديه قوة وطاقة كي يؤازرها

نعم الآن أخذ قراره..لن يتركها..كابوسه لم يزوره عبثا

‏هو إنذار إن لم يدركه خسر كل شيء وهلك

‏وهو تعلم أن يفهم رسائل القدر التي يرسلها الله له..

‏مهما كانت ذنوبهما هناك باب توبة يمكن طرقه في أي لحظة.. الله لا يوصد أبواب غفرانه..ينتظر عباده ليتضرعوا ويندموا على أعتابه ليمنحهم رحمته التي تسع كل شيء..كل شيء. 

‏

الآن سيذهب ويحضرها مع الصغيرة.. 

سيقول لها انه سامحها لأنه ليس أفضل منها..

هو كان الشيطان الأكبر كما نعتته قبلا

هو من علمها البغاء وفنون المعصية

وهو من سيعصمها بقوته ويحميها من قنوطها 

+

بتلك الومضات الإيمانية التي غمرت روحه بضوئها أزاح غطائه ونهض ليستعد لتنفيذ قراره وهو يهمس( يارب ساعدني..خايف وعايزك تطمني.. يارب ما يحصل لمراتي وبنتي حاجة وحشة) 

+

رنين الهاتف اجفله بقوة..!

لتنقر مطارق مؤلمة في قلبه بذات اللحظة

بيد مرتعشة التقط هاتفه وبصر رقم منزلها..

رد سريعا فإن كانت تيماء سيقول لها

يقول ماذا؟

ليست هي من تتحدث! 

ليست هي

بل الصغيرة "ضي" هي من تصيح باكية

لتزداد القبضة.. ولوهلة تدور به الأرض قبل أن يتماسك ثانيًا مستمعا لاستغاثة شقيقتها: 

+

"ألحقني يا عمو رائد.. اختي رودي مش موجودة في أوضتها.. هي قالتلي نيمي رحمة معاكي.. رحمة كانت بتعيط وهي مش راضية تاخدها.. قالتلي خديها عندك واتعلمي تسكتيها.. بس.. بس.."

+

وصمتت الصغيرة تلتقط انفاسها الهاربة ثم واصلت حديثها بنفس البعثرة وكلماتها متقطعة( أختي.. اختي مش هنا..سابت جواب لحضرتك عليه أسمك.. معرفش مكتوب فيه ايه..خايفة اصحي ماما عشان تقراه.. أنا خايفة ياعمو.. أنا حاسة ان اختي مش هترجع تاني.. كان كلامها غريب معايا.. كانت سامعة رحمة بتعيط ومش راضية تسكتها..ورحمة لسه بتعيط سامعها؟ أرجوك تعالى بسرعة ياعمو قبل ما ماما تصحي.. أرجوك تعالى!! )

+

لم ينتظر ليكتمل ندائها..

كابوسه لم يكن عبثا..

كابوسه المخيف انبثقت مخالبه القاتلة

وطلت من نافذة واقعه تلوح له ساخرة..

تيماء مازالت في دائرة القنوط واليأس

هو من دفعها للموت..ودفعها للجحيم

إن فقدها لن يسامح نفسه ما بقي له من عمر.. 

+

هبط الدرج وشق طريقه گ صاعقة لا يوقفها أحد، الهاتف مازال علي أذنيه، فقال وهو يلهث: ضي.. متخافيش انا جاي، حاولي تسكتي رحمة وانا دقايق وهكون عندك..وهرول يسابق الريح حتى وصل إليها.. وبعد طرقات متلاحقة قوية شُرع الباب امامه ليجد " ضي" تحمل صغيرته الباكية، فتمزق قلبه وحملها سريعا وراح يهدهدها حتى انقطع بكائها على صدره، فأعادها لضي والتقط منها الجواب..

+

بدأ يقرأه وكلما طاف على حروفها شحب وجهه حد الزُرقة القاتمة وارتجفت يده هلعا مما يطالع!! 

+

" رائد.. أنا بكتبلك وصوت بكاء بنتي سكاكين بتقطع قلبي.. بس خلاص أنا مبقاش عندي حاجة تنفعها..هسيبها لضي لحد ما انت ترجع تاخدها.. ومتخافش مش هكون موجودة.. هريحك مني.. هريح كل العالم من لعنة تيماء..مش هأذي حد.. ولا حد هيأذيني..عارفة إن اللي بعمله ده حرام وانتحاري هيكون اكبر خسايري لأني هموت كافرة.. بس هو انا عملت ايه ينجيني ويشفعلي عند ربنا؟ أنا بكره نفسي اوي يا رائد.. كان نفسي اكون واحدة تانية. . كان نفسي من الأول ابقى رودي الطيبة الملاك اللي حبتك وانت حبيتها.. بس انا مش هكدب على نفسي أنا عارفة من جوايا اني تيماء مش رودي.. بس صدقني سواء كنت دي او دي أنا حبيتك..قولتلك اننا شبه بعض بس انت ماقدرتش تصدق وتفهم.. كان نفسي حبي الكبير ليك يشفعلي عندك وتتقبلني في حياتك بكل عيوبي وتبدأ معايا صفحة جديدة..قولتلك إني ضعيفة فوق ما تتخيل من غيرك.. كان نفسي تساعدني زي ما ساعدتك زمان وانت فاقد الذاكرة.. لكن انت اتخليت عني وعن بنتنا..عاقبتها ببعدك عنها زي ما عاقبتني وهي مالهاش ذنب..رحمة كانت طوق نجاتنا الوحيد..يمكن لو كنت قررت تفضل معانا وربيناها سوا كان بقى فيه امل..بس انت روحت تدور على الامل بعيد عني يا رائد.. قولتلك لو سبتني هموت.. واديني اهو بموت من حزني ووحدتي..بموت كل اما ابص في المراية لأن بشوف مخلوقة مشوهة.. بشوف حقيقتي في عيونك وعيون الناس، خلاص مبقاش ليا مكان في الدنيا ولا حياة.. انت كنت حياتي نفسها.. يمكن اكون حبيتك غلط..وخدعتك وضللتك عشان احافظ عليك..بس هو ده حبي.. 

على فكرة أنا عندي ليك اعتراف اخير قبل ما اختم رسالتي..ما انت كده كده بتكرهني.. انا كنت كل يوم بدوبلك في العصير علاج يأخر عودة ذاكرتك..كنت خايفة لو رجعت وافتكرتني تكرهني وتسيبني.. طبعا مش هطلب منك تسامح ولا تفهم.. انت خلاص سبتني..رائد.. دموعي بتزيد ومبقتش شايفة اكتبلك.. بنتي عمالة تعيط.. نفس اروح احضنها.. بس لو عملت كده مش هقدر اسيبها.. وانا لازم ابعد عشان تعيش.. رائد..هتزعل عليا؟ هتدعيلي؟ معتقدش..عموما كل اللي طالباه منك تربي بنتنا كويس ..قولها اني كنت بحبها.. قولها ماما كانت بتحبك اوي..أكدب عليها وقولها ماما كانت طيبة ونضيفة..علمها اللي انا وانت كان لازم نتعلمه في الدنيا..استثمر فيها باقي حياتك وأوعي تتخلى عنها يا رائد..اوعي تخليها تيماء تانية وتتجوز وتنساها..شبعها بحنانك ورعايتك..ودلوقت خلاص مافيش حاجة باقية عشان اقولها تاني..وأكيد لحظة لما تقرا الجواب ده هكون وسط الجحيم بموت

ده القربان اللي هينجي بنتي..

لعنتي هتنتهي في نفس المكان

اللي بدأت فيه خطيئتي الأولى..

‏مش هيفضل مني غير رماد

‏ محدش هيشوفه..

‏ولا هيحس به.."

+

نفس الكلمات اللعينة التي قالتها في كابوسه

أهذا كل شيء؟!

انتهت تيماء ولن يراها ثانيا؟

أين هي لينقذها من جحيمها المستعر

أين يجد حمقائه ليغمسها بين ضلوعه

ويؤدبها على صدره

كيف السبيل إليها الآن؟

أي طريق يسلك ليعيدها؟

+

جعد الرسالة بقبضته حتى تكومت بعشوائية وقذفها بعيد وهو يدور حول نفسه گ المختل معتصرا عقله عله يعلم مكانها..أين يجدها.. أين.. أين؟؟؟؟

+

وبينما هو يدور منفعلا يحدث نفسه تتابعه الصغيرة " ضي" بهدوء تام وگأنها تفسح له مجال التفكير وداخلها تدعو أن تعود شقيقتها، لتُجفَل بغتة علي وقفته المفاجئة وقد اتسعت عيناه بشدة والتقط سريعا رسالتها التي قذفها منذ دقائق..وراح يفك تجاعيدها ومرر عينه سريعا على أخر سطر كُتب فيها ( لعنتي هتنتهي في نفس المكان اللي بدأت فيه خطيئتي الأولى.. )

+

المكان اللي بدأت فيه؟

+

وهنا وثب گ الليث يركض متوجها حيث ظن بنسبة تفوق التسعين بالمئة أنها هناك..استقل السيارة وقادها بسرعة جنونية ثم برق بعقله خاطر ما نفذه علي الفور وهو يلتقط هاتفه ويضغط عدة أرقام.. 

+

لا يدري ما فعله سيفيد أم لا.. لكنها محاولة.. فإن صدق حدسه انها هناك، ربما تصل سيارة الشرطة او المطافي قبله وتنقذها إحداهما.. أما لو لم تكن هناك فسيكون عليه أن يستعد لرثائها الأخير بعد فقدها للأبد..وهلاكه المؤگد.. وبشفاعة كل ركعة وكل ذكر عكف عليه الفترة الماضية راح يدعو أن يجدها وتكون بخير.. وإلا لن ينتظره سوى الهلاك.. 

______________

+

بمنتصف الغرفة تقف ونظراتها جامدة گ المواتى.. فاقدة للحياة.. تنظر لفراشهما معا..الفراش الذي شهد على أول هزائمها..يوم فقدت كرامتها قبل عذريتها التي منحتها له باعتقاد عقيم انها بهذا تكسب قلبه.. منحته اغلى شيء لأنه كان الأغلى..لكنها الآن أيقنت كم كانت مخطئة..لم تكسب حب رائد بل حصدت احتقاره لها.. لم تكن في عينه سوى غانية.. لم تنال احترامه فضلا عن حبه..

رهانها عليه كان خاسر.. خاسر.. خاسر.. 

+

بسطت على الفراش قميص نومها المدنس جوار كنزته السوداء بلون تلك الليلة الحالكة والأخيرة لها في هذا العالم..وگ المغيبة صارت ترص قطع ملابسهما أرضا..انتهت ووقفت تتأمل ما صنعت..لقد صنعت بملابسهما قلبًا..ضحكت بهستريا تشوبها الجنون وهي تهذي ( قلبي اهو يا رائد على الأرض.. هيتحرق معايا.. وانا وانت هنتحرق جواه.. هنتبخر.. بس هنرجع تاني.. روحنا خلاص هتنضف.. هنحب بعض بس مش علي الأرض.. أرواحنا هتتلاقى في السما) 

+

وبهدوء غريب راحت تنثر قطرات سائل مقيت الرائحة حولها..صنعت بيديها بوابتها الأسرع للجحيم..جزاءً وِفاقًا لما اقترفته..بعد قليل ستبتلعها النيران علها تمحي أثار خطيئتها الأولى وكل خطاياها..خائفة؟ لا.. أو ربما تشعر بالخوف وترتجف وهي تُشعل عود الثقاب.. لهيبه يتراقص بعينيها ويصنع ظلال مخيفة على وجهها.. لو رآها أحدا سيصيبه الرعب..أغمضت عينيها وراحت تهمس بكلمات خافتة غير مسموعة.. ثم شرعتهما وبنظرة ثابتة قذفت عود الثقاب على الفراش فالتهمت النيران ملابسها فوقه، والقلب الذي رسمته بقمصان لياليها المشينة..النيران تزحف بسرعة البرق تجاهها.. وهي لا تتحرك.. لا تبتعد..صامدة تنتظر مصيرها الذي اختارته..ومضات خاطفة من حياتها تتابع لذهنها.. ومضة مع أبيها.. وثانية مع والدتها.. ومثلها مع رائد..وأخرى مع بلقيس..وأخيرا ابنتها 

+

بدأ جبينها يتعرق مع جسدها وهي تنظر لجحيمها بخوف..كأنها لم تعي لحالها إلا الآن.. 

+

_ ماما..

لا تعرف كيف انبثق جسد صغيرتها من وسط النيران وهي تبكي وتمد يدها الصغيرة نحوها.. لتصرخ تيماء بلوعة (حاسبي يا رحمة.. أبعدي عن النار.. ابعدي يابنتي.. إلا انتي.. إلا انتي.. أنا حرقت نفسي عشانك.. عشان ماتتحاسبيش بذنبي.. انا خسرت نفسي وخسرت ابوكي بس مقدرش اخسرك.. ابعدي يا رحمة عن النار ..اهربي يا رحمة.. أهربي يابنتي) 

+

واختفت الصغيرة من فوق الفراش المحترق 

لكن انبثقت من بقعة أخرى وهي تنادي وتمد يدها

+

_ ماما

لتعود تيماء وتصرخ عليها..(جيتي تاني ليه يا بنتي.. أبعدي عن النار .. اهربي.. ده مصيري لوحدي بلاش يكون مصيرك يابنتي..ابعدي.. اهربي) 

+

أوهامها تجسد لها ابنتها تحترق أمامها وهي تطالعها بلوم كأنها تخبرها أنها تؤذيها ومخطئة بقرارها.. وستحترق معها.. 

+

بدأت النيران تزحف إليها گ وحش كاسر

لا يُردع تقدمه شيء..

تصرخ

تدور حول نفسها بجنون والنيران تلتهم ملابسها..

تحرق قدميها..

وتعلو لتنال من جسدها الأكثر

جانب ظهرها

ذراعها، كتفها

وهي تصرخ

ومازالت رحمة تقف وسط النيران تناظرها بلوم 

دموعها تزحف ولم تعد تصرخ

تحترق بصمت

ثم تلاشت بغتة! 

هل نجت ابنتها؟ 

هل أتي رائد وأنقذها؟

نعم

هو هنا

رائد يحطم الباب ويبصرها

هو أيضًا ينادي عليها

لكن هل رآي الصغيرة خلف الباب؟

وهل سينقذها مثلها؟

لا تعرف

ربما لا

بل أكيد لن يفعل

هو يكرهها ولن يحزن لأجلها

سيعيش بعدها ويتقلب على صدور النساء گ عهده

+

بدأت تختنق وألام الاحتراق تنال من قوتها

لكنها تعافر.. تريد الاطمئنان علي الصغيرة

رحمة، مازالت تبكي بصمت.. تعاتبها

كلما حاولت الاقتراب منها

طالت المسافة بينهما ثم تتلاشى

+

وفجأة سقط الباب بدفعة قوية

شلال من المياة الباردة بدأ يمطر حولها

لا تعرف مصدره لكن النيران بدأ لهيبها يخبت بخزلان 

بعد أن كان متغول عليها منذ لحظات

وجسد الصغيرة يبتعد رويدا رويدا

ورائد يقترب.. 

لكنها تسقط في اللا وعي

تنادي عليه دون صوت

شفتيها لا تتحرك

عيناها تُسدل على صورته

الكون يدور بها

يدور بشراسة

روحها تنسحب منها

قدميها تتهاوى

ثم توقف كل شيء

وأخر ما شعرت به

ذراع قوية تتلقفها وصاحبها يصرخ

+

تيمااااء

أسدلت جفنيها وانقطع تواصلها بهدا العالم

من ضمن الاحياء هي! 

أم أصبحت بين عداد الموتى؟

لا تدري! 

فلم تعد تشعر أو تسمع شيء!! 

________________

+

"ازاي عرفت ان مراتك هتحرق نفسها في المكان ده؟"

أجاب وهو شارد تحت تأثير ما شاهده: عرفت منها هي! 

المحقق: أزاي.. وضح أكتر 

( لعنتي هتنتهي في نفس المكان اللي بدأت فيه خطيئتي الأولى.. )

عاد صدى جملتها الأخيرة يتردد بدهاليز عقله وهو يستعيد في مخيلته لحظة وصوله إليها بالتزامن مع سيارة المطافيء بينما تخلفت الشرطة عنهما گ عادتها دائما لا تصل إلا متأخر.. ما أن وصل حتى وجد النيران ينعكس ضوئها علي النافذة.. نافذة الغرفة التي كان يلتقيها بها..في ذات المنزل الذي يتوسط منطقة شبه مهجورة.. منزل من طابق واحد إرثا من أبيه له هو وشقيقه.. شيد قبل وفاته عمدانه الأولى.. كان ينوي تأسيسه لبناية كبيرة، لكنه توفى بعد اكتمال أول طابق.. وظلت الجدران بعده كئيبة بسطحها القاسِ ولونها الرمادي.. وإضاءتها الباهتة..فتركت والدته الحال على ما هو عليه إلي أن يواصل هو وأخيه بنائها لهما ولعائلتيهما مستقبلا.. لكن لم تعلم انه أختار هذا الطابق المنعزل وكرا لقذارته دون أن تدري.. دنسه مصطحبا تيماء معه أول مرة حين أدرك رغبتها فيه دون حدود أو حواجز، جاء بها إلى هنا..اختار مكان لم يعرفه رفاقه.. لم يُحضر فيه فتاة سواها..لا يعرف حين خصها بتلك الميزة الفريدة بمقابلتها بعيدا عن أيادي رفاقه كان يميزها أم لا.. هل امتلكت تيماء جزءً من قلبه دون أن يشعر أم لا.. ربما كانت تمتلكه وفقدته مع أو لحظة تسليم منها له..نزلت من عينه وتساوت بمن مثلها من الغانيات.. لكنه رغم ذلك ظل يلتقيها هناك بعيدا عن ذئابه الذي كان هو زعيمهم الأكثر قذارة منهم.. 

+

ولم يكن صعب عليه تخمين مكانها بعد جملتها الأخيرة.. تيماء أختارت أن تموت في نفس المكان الذي فقدت فيه كل شيء..

+

نفذ صبر المحقق وهو يعيد سؤاله: بقولك عرفت ازاي ان مراتك هناك وقررت تحرق نفسها وتنتحر؟؟

_ أحنا لما بنتخانق بتروح هناك، ولما سابتلي رسالة بتقول انها ناوية تنتحر عرفت مكانها عشان كده اتصلت بالمطافي وبيكم بسرعة عشان حد يلحقها لو ماقدرتش اوصل قبلكم.. 

+

حدجه المحقق بقوة يحلل تعبيرات وجهه الشاردة فبدا له شخص ضائع..مصدوم .. خائف.. يكاد يجزم انه غير مستقر نفسيا..واضح انه يحب زوجته هذه كثيرا.. تهكم بصوت ضميره ( لما بتحبها كده زعلتها ليه) 

+

_ عموما كده مافيش قضية أصلا.. مراتك حاولت تنتحر بس الحمد لله المطافي وصلت قبلنا وقدرت تنقذها.. والحروق اللي اتعرضت ليها أعتقد مهما كانت فداحتها ممكن تتعالج بعمليات تجميل فيما بعد.. ثم ختم قوله بشكل روتيني بارد: امضي على أقولك عشان نقفل المحضر واتفضل مع السلامة..

............ .

غادر متجها حيث تقبع هي..

وصل ليجد جسدها يرقد بسلام نالته أخيرا..

وأنبوبات طبية تتصل بها بعضها يمنحها أنفاس صناعية والأخرى لتزودها بالغذاء

غائبة عن الوعي كما أرادت

وقف يطالعها والحروق احتلت الكثير من ذراعها وكتفها وجانبها الأيمن.. 

هل ما حدث لها هو القربان الذي اقدمت به لتتطهر؟

كما حاول هو لولا أنقذه ذاك الرجل الطيب.. 

هل حين تفيق وتبصر ما أصابها ستتحمل؟

+

لمعت عينه بنظرة قوية وهو يردد لنفسه بعزم

"ستتحمل" هو معها لن يتركها تعاني وحدها.. 

سيُقبل بشفتيه جلدها المحترق هذا كل يوم.. كل ساعة..سيعلمها كيف تحب نفسها وتحب الحياة من جديد.. خسارة جلدها الناعم ربما هو ربحها الأعظم.. هو أخر ما تبقى من قناع وجهها القاسي

سينبت لها جلد جديد.. نظيف.. طاهر

حينها ستكون أجمل بمقلتيه

ستعود رودي كما عادت تيماء 

سيجتمعان ومعهما ابنتهم رحمة

ولن يفترقا بعد الآن..

لن يفترقا..!

____________

راح يفرك عينيه وأثر النوم يكحلها، بصر توقيته المتأخر نوعا ما وتعجب، لينتفض قلبه ما أن علم ماهية المتصل، بدأ المكالمة وقبل أن يتفوه بحرف، اندفعت هي تصيح بصوت متهدج وجمل متسارعة: 

+

ياسين.. أخويا اتكلم.. اخويا خلاص خف.. قرأ لبابا الفاتحة ، أنا مش مصدقة، لو تشوف ازاي قرأها زي طفل لسه بيتعلم الكلام.. وفضل ماسك الخاتم بتاعه لحد ما نام كأنه شاف بابا فيه.. أنا فرحانة اوي يا ياسين لدرجة خايفة انام اكتشف ان ده حلم.. أنا كنت حزينة علشانه أنا واختي وفرحتنا كانت ناقصة..بس ربنا أستجاب لدعانا.. أخويا رجع يتكلم..انت متخيل.. اخويا حبيبي اتكلم. 

+

ألقت كلماتها دون ان تلتقط أنفاسها من كثرة انفاعلها، أما هو استمع لحديثها المنفعل والمفعم بالفرح وروحه تحلق في وادٍ أخر..اتصالها التلقائي عليه لتتشارك معه فرحتها هو أكثر غنائمه معها إلى الآن..احتياجها له دون غيره لتصب في أذنيه مشاعرها دون حسابات لا يعني سوي أنه اصبح يحتل في قلبها مكانة تفوق كثيرا ما تظهرها امامه، أرتجف قلبه واشتعلت به الرغبات التي لم تتحرك يوما لسواها، فعلتها العفوية تزن في نظره أقوى تصريح للحب تمناه..عصفورته طارت بجناحيها وأختارت أن ترسو على غصنه.. أدركت أنه سندها.. وسارعت تقص له موقف شقيقها، صوتها الباكي فرحا ربما أعذب لحن سمعه..ليته هناك في المنصورة حتما كان سيذهب إليها ليراها.. 

+

_ مبروك ياحبيبتي..مبروك.. 

+

همس بكلماته وهو يهنئها بنبرة كأنها غُمست في نهر جاري من حنانه وفرحته لأجلها، وهي الظمئ لقطراته كي يروي جوف روحها المتشقق..وبعد برهة فاقت على إدراك اندفاعها، شعرت بحرارة تنبع من داخلها، نظرت للساعة لتصطدم انها تعدت الثانية بعد منتصف الليل..اتسعت عيناها دهشة وخجل.. هل كانت مغيبة وهي تتصل به في هذا الوقت؟ كيف فعلتها..؟ كيف تجرأت هكذا وتخلت عن رزانتها وتحفظها..توترت وتحشرج صوتها وهي تحاول الحديث وفشلت، فأدرك حالها واستيقاظ طبيعتها الخجولة معه، ابتسم هامسا: لو تعرفي تصرفك العفوي ده فرحني قد ايه يا بسمة؟ لو قولتلك إني روحي طايرة في السما يمكن ماتصدقيش..انتي من غير ماتحسي محيتي كل المسافات والحدود بنا وسلمتي الدفة لسلطان قلبك يمشيها..كبيرة عندي أوي إني اكون اول واحد تفكري تشاركيه فرحتك، ده يساوي عندي ألف كلمة بحبك نفسي اسمعها منك..

+

صمتت تستوعب مافعلت وما قاله..لم تخطط لشيء وأكثر منه تصيبها الدهشة..كل ما وعته بمجرد أن انتهى احتفالهما وسهرتهما مع الصغير، خلت بنفسها داخل جدران غرفتها وهاتفته وهي تصرخ بمشاعرها، في تلك اللحظة لم تجد أقرب منه.. هذا ما وعته جيدا.. ياسين أميرها.. فارسها ..رجلها.. سندها بعد الله.. صارت له تلك المكانة حتي قبل أن تكتشفها هي، دمعت عيناها لما تحياه بعد محنتها..عوضها الله بمثله وازداد سخاءه بشفاء أخيها.. كيف تشكره علي كل هذه النعم.. 

+

_ بسمة.

+

مازالت صامتة، لن تقدر على الحديث وتلبية ندائه والخجل يقتلها..لكنه لم يصمت والفرصة أتته گ أجمل ما يكون ليهمس لها باعترافه الأول.. اعتراف فتت بقايا تماسكها وأسقط دموعها العالقة بطرف أهدابها،خط باعترافه عنوان اسطورتهما معا

أسطورة هذا الزمان "الأمير والسندريلا "

+

_ بحبك.. 

+

أهكذا مذاق اعترافه رغم البعد؟

ماذا لو ضمها وتشبعت بحروفه أذنيها؟

ماذا لو ولفحتها أنفاسه الدافئة وهو يهمسها قريبًا؟

ماذا لو غمرتها عينيه بنظرة زاخرة بعشقه؟

+

أغمضت عينيها بقوة تحبس تلك اللحظة داخلها كي لا تهرب..الآن فقط علمت أين مآواها.. 

مآواها ليست جدران.. مآواها قلبه.. 

قلب غدى عالمها..ووحده يكفيها.. 

________________

+

قال وهو يرتشف بعضا من فنجان قهوته: 

_ شوفتي حكمة ربك يا كريمة، كنتي بتخططي عابد ياخد بسمة، أهي طلعت من نصيب ابن أختك

_ أديك قلت حكمة ربنا ومشيئته، وأنا خلاص رضيت وبحمده على كل حال، مدام ابني مبسوط خلاص، هو انا عايزة ايه غير كده، وبسمة راحت لابني التاني وماراحتش بعيد.. 

_ ربنا يسعده ويطمنا على الكل

_ اللهم امين.. بالمناسبة كام يوم كده وهروح انا وعبير مع فدوى عشان نتسوق مع بسمة والبنات ونشتري لوازم كتب الكتاب.. 

_ وماله، ابقي خدي معاكي فلوس بزيادة واعملي والواجب مش هوصيكي طبعا ( واستطرد) والله البنتين دول صعبانين عليا، بقوا أيتام ومالهمش حد

_ ماهو عشان كده رايحة معاهم انا وعبير، لولا كده ماكنتش اتحركنا وكان كفاية البنات معاهم، بس عشان نحسسهم ان ليهم عزوة.. ياسين ده ابني مش ابن اختي وفرحانة عشانه فوق ماتتصور.. 

+

ربت علي كتفها: ما انتي اللي ربتيه يا كريمة. 

وواصل بسرد مشاعره: ياسين غالي عليا أنا كمان هو وناجي، طول عمره أخ لينا مش بس زوج اختك.. 

+

ابتسمت وهي داخلها راضية بتدبير الله كل الرضا، من يعلم ربما لو تم ما أرادت وتزوج عابد بسمة، ما وجد راحته كما نالها مع ابنة عمه..رب العالمين دبر الأفضل للجميع..هذا يقينها الآن.. 

_______________

+

ألقي بجسده فوق وفراشه والنوم يداعبه بقوة، لكنه تذكر انه لم يحدثها منذ بضعة أيام وهي بالمثل ويجزم انها غاضبة، فامسك. هاتفه واعتدل قليلا وضغط رقمها وانتظر صوتها: 

+

_ السلام عليكم

‏_ وعليكم السلام يا حبيبة قلبي.. وحشتيني

‏هتفت ببرود: شكرا

‏_ نعم؟! شكرا؟ ده رد برضو؟؟؟

قد يعجبك ايضا

منذ عام

رواية صغيرتي زين ونبض الفصل السابع 7 بقلم اماني المغربي

منذ عام

رواية صغيرتي زين ونبض الفصل الثامن 8 والاخير بقلم اماني...

منذ عام

رواية عصيان انثي الفصل الثالث 3 بقلم حنان ماهر

صمتت وتيقن من ضيقها فقال بنبرة لينة: ملاكي زعلان مني ولا ايه؟

_ وهزعل ليه وانت عملت حاجة تزعل؟

تنهد وهو يعتدل ليسترخي أكثر علي فراشة وغمغم: والله ياجوجو غصب عني مش لاقي وقت مشغول جدا الفترة دي بسبب ضغط الشغل.. 

+

وجدها صامتة فواصل: طب هو انا بعمل كل ده لمين ؟ مش عشانك وعشان مستقبلنا؟

+

_ ربنا يعينك ياعامر

_ عامر بس؟ مافيش حبيبي ولا عموري حتى؟

طب افتحي الكاميرا ياجوري عايز اشوفك

_ لأ معلش عايزة انام، بكره اكلمك

_ جوري..بقولك افتحي الكاميرا.. 

تنهدت وبعد برهة قالت: اقفل دقيقتين وهتصل بيك

+

اغلقت ونظرت لهيئتها البسيطة في المرآة وهي ترتدي طقم بيتي برسومات مبهجة، وتقسم شعرها على شكل جديلتين.. همت بتحريرهما ثم توقفت وقالت: والله ما هفك ضفايري.. وان كان عاجبه استاذ مشغول ده

+

ثم اتصلت به وما ان رآها حتى ابتسم وراقه طفولتها وقرر أن يشاغبها قائلا: أنا عايز جوري خطيبتي لو سمحتي يا أمورة، روحي ناديها

_ ماعندناش غير اللي قدامك دي

_ بس انتي عيلة أنا خطيبتي كبيرة ومزة تملى العين

_ برضو مافيش غيري

غمزها بإحدي عيناه: طب هاتي بوسة كبيرة لعمو.. 

كتمت ضحكتها بأعجوبة وقالت: لأ.. 

_ مش عيب بنوتة مؤدبة زيك تكسف واحد زي باباها؟ 

هتفت بعبوس مزيف وداخلها مستمتعة بمزاحه معها: 

_ ومش عيب تبقي كبير كده وتطلب بوسة من عيلة صغيرة؟

_ عندك حق.. المفروض اطلب من خطيبتي حبيبتي

_ مش لما تصالحها الأول

_ انصحيني اصالحها ازاي؟ اصلي مقدرش على زعلها

_وهتنفذ طلبها مهما كان ومش هترجع في كلامك؟ 

+

تردد لحظات ثم رمقها بحنان وشوق حقيقي وقال بنبرة دافئة: عايزة ايه يا جوري وانا هعمله

+

نفذت نبرته الحانية لقلبها..لكنها لن تتنازل عن طلبها فقالت: تيجي بكرة الجمعة تقضيه معايا ونروح النادي مع اخويا ومراته ونتبسط سوا..بقالنا كتير مش اتقابلنا ياعامر وانت مشغول عني خالص حتى مش بتتصل.. عايزة احس اني مخطوبة واني بوحشك.. 

+

صمت يطالعها وهو يفكر في اقتراحها بجدية، وقته لا يسمح قط بتلك العطلة الآن، هو وظافر يستعدان لافتتاح مطعم جديد، هذا غير القاعة التي يتم تجهيزها لإقامة حفل عقد قران شقيقته إيلاف ومفاجأة بلقيس زوجته في ذات الوقت..أما اعباء الأداراة وتنظيم مواعيد الأوردارات الهامة فهي قصة أخرى..وقته مشحون لأخره..

+

_ خلاص ياعامر واضح انك مش فاضي فعلا، نتقابل لما تفضي.. ودلوقت تصبح على خير عشان عايزة انام والله.. 

+

قلبه لا يطاوعه أن تغلق محبطة، لكن ماذا بيديه، صعب ذهابه الآن.. 

_ عامر بقولك خلاص ومتخافش مش زعلانة 

قال بامتنان: شكرا ياحبيبتي انك قدرتي ظروفي.. وهعوضك قريب جدا

_ ماشي منتظراك.. تصبح على خير 

_ مش هتقوليلي كلمة حلوة

_ خد بالك من نفسك وربنا يعينك

_ يعني مستخسرة تقوليلي بحبك وهتوحشني

لم تتجاوب معه وهي تقول متجاهلة استجدائه العاطفي لها: معلش مش فايقة والله، تصبح على خير يا عامر، انت اكيد تعبان ومحتاج ترتاح، بكرة كلمني لما ترجع من شغلك..

_______

+

اليوم التالي في النادي! 

+

_ زمزم، تيجي تتمشي معايا؟

_ لا ياجوجو بلاش، مانمتش كويس وحاسة بكسل كبير وجسمي مكسر، حابة اقعد مع طنط وماما وبابا جايين بعد شوية، وكمان عشان اخد بالي من مهند اللي شقاوته زادت الايام دي، مش عايزة اغفل عنه

_ ماشي يا زوما براحتك، شوية وراجعة( ثم حدثت والدتها) عايزة حاجة يا ماما؟

_ لا ياحبيبتي، بس ما تتأخريش كتير ، شوية وعابد يجي مع ابوكي وعمك ومراته عشان نتغدى كلنا.. 

_ حاضر مش هتأخر.. 

...... .

تسائلت كريمة. بعد ذهابها: هي جوري مالها يا زمزم؟ شكلها مش عاجبني من الصبح. 

_ والله ما اعرف يا طنط، مش قالتلي حاجة خالص، بس ولا يهمك بطريقتي هخليها تحكيلي مالها، اطمني

_ ربنا يطمني عليكم كلكم يا بنتي. 

_____________

+

تسير شاردة وعيناها تتجول على ما تمر به دون. تركيز.. كانت تتمنى حضوره رغم مشاغله..داخلها تمني أن يأتي لأجلها ويثبت لهفته عليها..خاصتا انها تفتقده بشدة..لكن على ما يبدو لم يشتاق إليها.. لو كان كذلك لوجد وقتا لها مهما كانت أعبائه..تنهدت زافرة بما يعتمل بقلبها وجلست على الحشائش الخضراء بعد أن توجعت قدميها من السير الطويل، وأهتز هاتفها وبصرت رقمه فردت بلهفة: عامر انت جاي صح؟ ثم تداركت أمرها: قصدي عامل ايه؟

_ الحمد لله ياحبيبتي، أنا بكلمك من شغلي وقلت اصبح عليكي

قالت بلمحة احباط بصوتها لم تُخفى عليه: ربنا يقويك ياعامر وصباحك ورد..

+

_لو "ورد" شبه اللي في البلوزة بتاعتك اللي انتي لابساها دلوقت يبقى ضمنت إن يومي جميل.. 

+

جحظت عيناها بذهول وهي تتلفت حولها لتصطدم به يقف خلفها مبتسما ووسامته تتألق بجاذبية جمة، ترقرقت عينيها فرحة لقدومة، فجثى وجلس جوارها وهمس بنبرة دافئة: رغم تعبي معرفتش أنام طول الليل لأنك زعلانة، وانا ما يهونش عليا زعلك يا ملاكي.. وحشتيني اوي.. وانهاردة هقضيه كله معاكي..

+

ثم قبل ظهر كفها وغمغم: مبسوطة؟

همست وقلبها يرفرف لمفاجأته التي جبرت بخاطرها وأعلمتها كم هي غالية عنده: مبسوطة اوي انك جيت وماهونتش عليك..انت كمان وحشتني، وحشتني بجد يا عامر.. 

+

منحها نظرة مفعمة بحبه مكتفيا بالصمت، لتبادله مثلها وأكثر واعدة نفسها بيوم مميز بصحبة حبيبها الذي أتاها رغم انشغاله..

+

وبعد تواصل بصريهما بحالمية مشاعرهما قال: 

انا عديت على اخوكي ووالدك والكل سلمت عليهم وعرفتهم انك هتكوني معايا باقي اليوم وهرجعك بالليل وانزل القاهرة بعدها..أظن كده هبقي صالحتك ومالكيش حجة تزعلي..

+

اندفعت تقول: بحبك ياعموري.. 

فاقترب هامسا بأذنيها: يابنت اللذينا نفسي تقولي الكلمة دي في حتة فاضية عشان اعرف ارد بطريقتي.

+

ضحكت بانطلاق:

أنا كده احب الهيصة والأماكن الزحمة ياعمري.. 

...............

+

مضى الوقت متجولا معها في شتى الأماكن التي اختارتها بين أرجاء النادي وتشبعا أحاديثا وشوقًا انضما لعائلتها، وانقضى اليوم بأجمل مما تمنته..رغم انه بدأ بحزن، انتهى بحصيلة ذكرات رائعة ستضاف لرصيد لحظاتهما معا.. 

____________

+

أنهت المكالمة وجلست جوار شقيقتها تغمغم: 

+

_ سلوي بتأكد علينا عزومتهم لينا بكرة، وعلى فكرة هي مش راضية تيجي معانا واحنا بنجيب فساتين كتب الكتاب الأسبوع الجاي لما عرفت ان نسايبك جايين يا بسمة، حاولت اقنعها اننا هنكون بنات مع بعض مافيش فايدة..

+

لم يبدو عليها أنها سمعتها مع شرودها في ذات الأمر، لم تشأ أن يذهب معهم أحد من أهل ياسين.. هي وشقيقتها يرتادو أماكن متواضعة لشراء لوازمهما بأسعار مناسبة، هل يناسب جوري أو عطر وزمزم ما يناسبهم؟ بالطبع لا.. لما إذا يضعوها بهذا المأزق؟

+

_ مالك يابسمة مابترديش عليا ليه وشكلك مضايق؟

+

امتلأ صدرها بالهواء ثم زفرته: مش عاجبني حد يجي معانا ياحنين.. انا وانتي هنروح نجيب لوازمنا من اماكن معينة، واكيد مش هتناسبهم.. 

_ ياستي لو لقيناهم هيروحوا اماكن غالية، نستأذن منهم ونروح نجيب من مكان مايعجبنا..سهلة يعني.. وبعدين انا ببصلها من زاوية تانية خالص، واضح انهم عايزين يلغوا المسافات بنا ويحسسونا انهم مش اغراب عننا.. الناس دي بجد محترمة اوي يابسمة وتصرفاتهم نابعة من أخلاق عالية..

+

_ وانا معاكي في كل كلمة.. بس مش عايزة حد يكون له فضل علينا زي ما اتربينا.. احنا لينا ظروفنا اللي لازم نقتصد عشانها..انتي ناقصك حاجات كتير لأزم تتجاب في جهازك، وياسين عايز كسوة صيف وشتا كاملين..فأنا هجيب حاجات مناسبة ومش غالية، لكن وهما معانا هتأيد شوية.. 

+

_ ماتقلقيش كله هيعدي على خير.. وعلى فكرة احتمال يكون خطيبك هو اللي وصاهم يبقوا حواليكي عشان يعوضوا غيابه..الشاب ده راجل أوي وبيحبك جدا يا بسمة.. حتي وهو بعيد بيراعيكي.. والله ده دعوة امي وابويا ليكي..وانا فرحانة عشانك اوي لأنك تستاهليه يا اختي.. 

+

تعانقا دامعين ثم غمغمت حنين: شوفي حالنا من كام شهر كان ازاي ودلوقت بقى ايه؟ كنا حاسين اننا لوحدنا ومافيش لينا في الدنيا سند.. بس ربنا خلاني اعرف قيمة خطيبي واحبه اكتر بعد وقفته جمبي هو واهله.. وانتي بعتلك ياسين بكل عزوته وصيته وحبه اللي مافيش عين تنكره.. انتي سندريلا اللي فازت بالأمير.. 

+

ابتسمت وهي تجفف دموعها: طول عمرك كنتي مهوسة بقصتها.. بس امنيتك اتحققت فيا انا. 

_ بالعكس، أنا كمان بعتبر نفسي سندريلا.. صحيح أميري فقير ومعندوش قصور بس عنده الأهم..الحب، الاحتواء،الحنية..الرجولة، أنا اكتشفت إن عبد الرحمن بيحبني اوي.. وانه راجل أصيل يابسمة.. لما الدنيا مالت بيا كان ضهري، سترني انا وانتم وحافظ علينا، ولسه كل يوم بيكبر في عيني وقلبي.. هو اميري..

ثم مازحتها: انا سندريلا 2020 نسخة مختلفة من قاع الحارات مش من اعالي القصور..

+

ابتسمت قليلا لدعابتها وقالت: ربنا يهنيكي ياحنين ويسعدك.. 

_ اللهم امين، المهم تعالي بقى نتعشا وننام بدري عشان نكون فايقين بكره، احنا هنروح عند حماتي من الصبح، وعبده هيعدي ياخدنا.. 

_ طب اخوكي فين؟

+

_ "ياسو" أكل سندوتش جبنة مع كوباية لبن ونام.. 

_نوم العافية، طيب أنا مش جعانة ياحنة، بس عايزة حبة شاي من ايديكي الحلوة.. 

_ شاي بس؟ لا أنا هعمل معاه سندوتشين صغيرين لينا ومافيش اعتراض.. دقايق وجاية..

+

تركتها فعاد عقلها يعج بأفكاره وحساباته وفيما يخئبئه الغد..!

_____________

+

صاح وهو يسير جواره: 

_ في تشكيلة بدل في مول "... " تجنن يا ياسين، تعالى نختار واحدة منهم ونظبطك ياعريس. 

_ لا انا محضر طقم بسيط يا احمد، انا عايز بس شوز وذراير وبرفان

يزيد: طب ليه يا ابني مش هتشتري بدلة؟ ده كتب كتابك يا ياسين مش يوم عادي

_ عارف والله بس مش حابب ابالغ في مظهري، في احتفال الدُخلة هبقي اخد راحتي واجيب حاجة فخمة.. 

+

تبادل مع أحمد نظرات متعجبة لمنطقه، لا يعلمان أن سر تصرفه هو أن يبدو بمظهر بسيط كي لا يستعرض أمام عبد الرحمن بثراءه لأن الأخير سيشاركه ذات الاحتفال.. هو عريس مثله ومؤكد لن يشتري بدلة فخمة يحضر بها.. 

+

_ طيب مادام في حاجة انت مجهزها ومرتاح ليها تمام، تعالى نكمل اللي ناقصك عشان نسافر المنصورة انا وانت بدري.. ثم واصل يزيد محدثا احمد: برضو مش ناوي تجيب أمونة وتيجي؟ يابني ليكم مكان هناك والله 

_ والله لولا حالة حملها اللي متطلب الراحة كنا حضرنا عادي، معلش خليها للزفاف واهو هيكون في القاهرة يعني اقرب، وتكون مراتي حالتها استقرت اكتر

ياسين: ربنا يقومها بالسلامة يا ابو حميد، خلاص تتعوض في الليلة الكبيرة. 

_ تسلم يا سينو، بإذن الله.. طب يلا ننطلق على بركة الله نشوف هنشتري ايه.. 

_____________________

+

مستلقية برأسها على ذراعه صامتة على غير عادتها لم تثرثر او تقص له ما فعل مهند، فارتاب في أمرها وتسائل: زوما، مالك متغيرة انهاردة وتقريبا ماسمعتش صوتك، ايه شاغلك كده، اعتدلت تنظر له نظرة طالت ثم مررت أناملها على وجهه هامسة: فرحانة

اعتدل وقال: عشان بكرة هنعمل عيد ميلاد مهند يعني؟

_ أيوة.. بكرة يوم مهم في حياتنا..

ابتسم وعاد يستلقي وضمها: بأذن الله نعمله حفلة جميلة، بس لو تسمعي كلامي ونحتفل برة بدال ماتتعبي. و

_ لأ.. أنا اللي هعمل كل حاجة بإبدي.. 

ثم ارتفعت قليلا عنه لتعلو وتنظر لوجهه ثم قبلت جبينه قبلة مطولة وهمست: أوعدك ان بكره هيكون يوم له ذكرى ماتتنسيش

+

حاوط وجهها وتأملها مليا: أنا حاسس ان فيكي حاجة غريبة. 

ابتسمت وعادت تحتل صدره: بيتهيئلك.. يلا بقي ننام عشان بكره عندي حاجات كتير هعملها.. 

_______________

+

ربما للمرة العاشرة تتفقد ما صنعته قبل عودة زوجها..الطعام، قالب التورتة.. الأطباق المميزة..الفناجين.. كاسات العصير..الزينة.. كل شيء صار جاهزا لاستقبل عيد الميلاد المميز..اليوم ستدون تفاصيله بدفترها الخاص..اليوم ستحيا لحظة جديدة گ عهد كل شيء تعيشه مع عابد حبيبها.. قطعة القلب والروح.. 

............. 

+

صدح صوت وهو يضع ما جلبه معه من هدايا: 

_ زوما.. مهند انتو فين

-خليك واقف اوعي تتحرك..

+

هكذا صاحت عليه قبل أن يدخل لغرفة الاحتفال وغممت عيناه بوشاح.. وجذبته برفق عده خطوات ثم بحرص فكت عنه رباط وشاحها ليرمش قليلا ثم بدأ بصره يستقر على طاولة مزينة بشكل مبهر..قالب التورتة المزين بعجينة السكر الملونة. مرسوم عليها شيء ما لم يدركة من الوهلة الأولى و... ..

صمت يتأمل رسمة القالب بتركيز أكتر.. هو يعرف هذا الشيء جيدا، إنه...

+

اتسعت عيناه بعد أن أدرك ماهيته أخيرا، التورتة مزينة باختبار حمل يحمل شرطتين باللون الأحمر،.ثم بصر فوق الطاولة كارت صغير مكتوب عليه عبارة " موعدنا بعد سبعة أشهر" الآن أدرك كل شيء..زمزمه تحمل طفلهما الآن..حبيبته حامل.. حبيبته ستجعله أبًا..سيصبح لديه قطعه تشبهه.. قطعه تخصه ويحملها بيديه بعد سبع شهور.. 

+

التفت ليجد وجهها غارق بالدموع، فجذبها إليه بعنف لم يقصده وغمسها بين ذراعيه داسا وجهه في عنقها يكتم بكائه.. لكنه لم يقاوم كثير وبكي.. ربما لم يحدث أن بكى من قبل بتلك الطريقة.. ولم تكن افضل منه حالا.. هي ايضا تبكي..رب العالمين منحهما هدية ونعمة علمت بها منذ يومان فقط.. لذا قررت ان تقيم حفل عيد ميلاد مهند ليتشاركا نفس الذكرى.. اليوم تحتفل بطفليها معا.. وبعد أشهر ستكبر عائلتهم بقدوم فرد جديد..الفرحة تذيبها بين ذراعيه وهي تتمتم بكلمات الشكر.. وأخيرا حررها ليحتوي وجهها ويقبل شفتيها ليعبر عن فرحته بطريقته..ثم ابتعد عنها هامسا: عشان كده كنتي متغيرة

أجابت: أيوة.. كنت عايزة افاجئك.. ومحدش لسه يعرف غيرك ياحبيبي.. 

ضمها إليه: الحمد لله يارب.. حلمي اتحقق.. اولا ارتبطت بيكي ودلوقت منتظرين طفلنا

_ بعد سبع شهور بأذن الله.. نفسك في ولد ولا بنت

_ مش هتفرق.. المهم يجي بالسلامة وانتي تكوني بخير

+

ابتعدت عنه لتنظر لمهند الذي كان يراقبهما بدهشة وعيناه الصافية متسعة وفمه منفرج لا يفهم شيئًا، فضحكت: شوفت مهند مذبهل وفاتح بقه ازاي؟

تركها والتقطه وراح يقبله وهي يقول: هايجيلك اخ صغير يامهند تلعب معاه.. فرحان؟

الصغير مرددا خلفه بكلمة منقوصة الحروف ( فحان) عاد يقبله وقال: وانا كمان فحان يا روحي..ثم استأنف بحماس: خلينا بقي نركز مع ابني حبيبي اللي عيد ميلاده انهاردة.. عشان افتحله الهدايا الكتير اللي جبتهاله..وتمت مراسم احتفالهم بالصغير الذي لم تنقطع ضحكته وعابد يمزح معه ويطعمه من الحلوى بيديها

+

ثم نظر لها مواصلا: في هدية كنت شايلها لابني الأول ودلوقت جه آوانها.. 

قالت وهي تملس على موضع جنينها: 

بس ابننا لسه بدري علي ما يجي.. 

+

نظر لها مليا مدركا أنها لم تفهم مقصده فضمها قائلا: لا.. ابني الأول هو مهند يا زمزم.. ولا انتي فاكرة خبر حملك هيغير معزته ومكانته في قلبي؟ مهند اول فرحتي وفرحتك.. ثم صمت وجذبها جوار صندوق كبير مطبوع عليه رسومات مغرية للعين لاحظت انه جلبه معه بالفعل

كشف محتواياته فوجدت كتب صغيرة الحجم لتشهق گمن عثرت على كنزا: مش ممكن.. دي كل مجموعة روايات مصرية للجيب.. سلسلة رجل المستحيل وملف المستقبل وغرناطة و..

أكمل معها: وماوراء الطبيعة للغائب الحاضر دكتور أحمد خالد توفيق..كل اللي اشتريته وقرأته ورافقني في طفولتي وشبابي هنا.. 

+

_ الله يا عابد.. ده انا هتسلى عليهم كلهم وهعيد قرائتهم تاني، خصوصا ان فيهم ريحة طفولتك ياحبيبي.. 

+

قبل رأسها( حبيبة قلبي ) وجلس جوار الصندوق ففعلت مثله هي ومهند الذي يتوسطهم وعيناه تتأمل محتويات الصندوق بفضول ويده تعبث بهم بشكل ينذر بالخطر

فصاح عابد: لا يا هوندا اوعي تقطعهم..دول هديتي ليك لما تكبر شوية..ساعتها هنقعد نقرأ سوا في الجنينة

+

وواصل وهو يعبث بشعره: تعرفي يا زمزم ياما اتمنيت لما يكون عندي ابن أورثه شغف القراءة.. واعتبرت كتبي القديمة دي حاجة خاصة وغالية من رصيد ذكراياتي عشان كده كنت محافظ عليها جدا.. ومهند هو اللي هينقلها لأخواته ، بس بما إنك بتحبي القراءة انتي كمان قلت مش خسارة فيكي تشاركينا.. 

+

اختزلت كل مشاعرها في بنظرة مفعمة بحبها..عابد اعتبر طفلها هو الذي سيورثه كتبه التي حملت عبق طفولته.. كل يوم يثبت لها أنه أبيه قلبا وقالبا.. ماذا تفعل لتكافئه.. لا تجد شيء يليق به.. لا شيء.. قبلته قبل أن تهمس: كل يوم بتخطف قلبي زيادة وتزيد احترامي ليك يا عابد..

+

ثم حاوطت خصره ودست رأسها على صدره قائلة: 

ربنا يخليك لينا يا بودي ومايحرمناش انا وولادنا منك.. 

+

قلدها الصغير بغيرة وهو يقتحم صدره وينحشر فيه بجسده الصغير متمتما: آبد.. 

+

ضحكا سويا لغيرته وظلا يداعبانه لتكتمل في حياة ثلاثتهم ليلة مميزة..وبعد أشهر قليلة سيكون رابعهم قابعُ في ركنٍ ما يشاركهم لحظة مماثلة..

__________

+

بتوقيت مبكر گ عادتها هي وزوجها مؤخرا، جلسا في الحديقة يتناولان الشاي مع بعض المعجنات الخفيفة..ليقطع هدوئهم صوت مهند: 

+

_تتة..ددو ..إيما.. تتة

+

لمحت كريمة الصغير يهرول تجاهها هي وأدهم، فنهضت متلقفة إياة بحب: حبيب تيتة إيما.. صباح العسل والسكر.. 

وجدته يمنحها ورقة وهو يقول بكلمات مبعثرة: 

_ماما.. آبد..بي بي..

+

_ حبيبي؟ عابد حبيبك يعني.. طب وانا وجدو أدهم؟

_ ددو.. إيما

ضحكت قائلة: بموت في اسمي منك يا واد يا مسكر انت

+

وأخذت الورقة منه ووضعتها على الطاولة وراحت تقبله لتشبع منه فصاح أدهم وهو يجذبه منها: هاتي اصبح عليه انا كمان قبل ما امشي، وتحدث وهو يدلل الصغير فوق قدمه: 

_صباح الخير يا روح جدو.. ده انا حظي حلو او انك صاحي بدري انهاردة.. يلا أدي جدو ادهم بوسة هنا

+

لثمه الصغير قبلة ناعمة علي خده، فقالت كريمة: فين زمزم وعابد يا هوندا.. مش نازلين معاك ليه؟

أشار بيده تجاه شرفة والديه: آبد.. زمم.. 

أدهم: لسه فوق يعني.. يعني نزلت لوحدك ياشقي انت

_ أدهم! 

صاحت عليه وعيناها تطوف علي الورقة وهي دامعة، لا تصدق ما أدركته..صمتت بشكل أوجس زوجها فتسائل: 

مالك يا كريمة بتبصي للورقة كأنك شايفة حاجة عجيبة، وريني كده فيها ايه؟

+

والتقطها من بين أناملها ليأخذ دوره في الذهول الذي تدرج لفرحة أدمعت مقلتيه هو الأخر وهو يهتف بصوت متهدج: مرات ابني حامل.. زمزم هتجبلنا حفيد يا كريمة

+

لم تجيبه وانفعالها بالخبر جعلها تبكي ليظهر عابد وزمزم جوارهما ويتعانقوا معهما تباعا متشاركين فرحة هذا الخبر السعيد، لتقول زمزم بعد هدوء عاطفة عناق كريمة: مهند كان بيقول لحضرتك "بيبي" يعني نونو بس مافهمتيش قصده.. أنا قلت مافيش احسن منه يوصلكم الخبر ده.. وانا اللي رسمت الرسمة اللي في الورقة عشان اوضحلكم الخبر اكتر.. 

+

عابد وهو يضم رأس والده لصدره: مبسوط يا دومي.. هنغرقلكم البيت أحفاد.. بس محدش يرجع يشتكي ويقولي ولادك بيلعبوا في كل حاجة ومقطعين ورد الجنينة.. 

ربت أدهم على ظهره ومازال منفعلا بالخبر: ده يوم المني اما عيالكم يطنططوا حوالينا.. عقبال يزيد وجوري يارب

زمزم: بإذن الله ياعمو.. هانت ويزيد يتجوز هو وجوجو وتفرحوا بولادنا كلنا ويبارك لينا في عمركم .. 

عابد: اللهم أمين، أمال هي فين البت دي؟ 

كريمة: لسه نايمة، دي هطير من الفرحة وتوقع منها رد فعل مجنون زيها..

ثم جذبت زمزم جوارها وقالت: اسمعي بقى من هنا ورايح انا اللي هشرف على أكلك.. مافيش اي مجهود من اي نوع.. مافيش شاي وقهوة وكابيتشينو.. هتاكلي المفيد وبس ..

+

تألقت عين عابد براحة جمة وهو يرى اهتمام والدته وفرحتها بخبر حمل زوجته، تذكر سريعا موقفها السابق وتعجب تقلب الأحوال، لكنه حمد الله على كل ما حصده، وبينه وبين ربه الكثير الذي سيقدمه ليشكر له نعمته وفضله الواسع.. 

+

_ عرفت اخوك يا عابد وفرحته؟

_ لسه يا بابا، زمزم قالتلي الخبر ده بالليل، وبصراحة حبيت اعرفك انت وماما الاول وهروح اهو اتصل بيه وهنكلم طنط عبير وعمو محمد.. الدنيا كلها هنعرف

+

صاحت كريمة: طبعا كله لازم يشاركنا فرحتنا

أدهم: أنا هقوم اقول لمحمد ومراته يجوا ونقولهم احنا ونقضي اليوم كلنا سو ونحتفل احتفال صغير كده.. 

+

كريمة: خلي مهند يقولهم بنفس الطريقة، هيفرحوا اوي

زمزم: طيب حفظي بقي مهند هيقول ايه ..

_ اي حاجة هيقولها عبير هتفهمها، انا اللي لسه بتوه في كلامه.. 

عابد: يبقي هصورهم هما كمان زي ما صورت رد فعلك انتي وبابا فيديو من أول ما مهند جري عليكم وقالكم.. عشان نحتفظ به للذكرى.. 

أدهم: يادي الفضايح، طب والدتك عادي، لكن انا هتخلي حفيدي يشوفني وانا بعيط.. لا مش ممكن.. 

+

لثم عابد رأسه بحنان وقال: بالعكس يا بابا.. فرحتكم دي احسن حاجة شوفتها..ربنا يقدرني انا واخواتي ونسعدكم دايما ويديمكم لينا طول العمر يا غاليين.. 

+

الفصل الرابع والخمسون

----------------

لا تنخدع حبيبي في بريقُ المُقل. 

هي غالبًا زخاتُ دمعٍ عنكَ مخبئة. 

فلو أخبرتك يومًا أني بخير. 

لو ضحكت لدعابتك وكذبت ثانيا. 

فضلا لا تصدق! 

أكثر وقتًا سأكون بحاجتك. 

حين أدعوك لتركي وحدي

كذبني وقتها ولا تترك يدي. 

فحتمًا لن أكون بخير! 

----------

تعانقها جوري وهي تدور بها صارخة بفرحة عارمة:  هبقى عمتو يا بشر.. هبقي عمتو.. 

تضحك زمزم وعابد لرد فعلها بينما تصيح كريمة:  براحة على مرات اخوكي يامجنونة وبلاش تلفي بيها كده عشان ربنا يسترها دي لسه في الأول.. 

+

_ فرحانة يا كيما.. هبقي عمتو يا ناااس.. 

+

_ أمتو.. 

قالها مهند مقلدا لها وهو يراقبها ثم مد يده لها كأنها يطالبها بحمله والدوران به مثل والدته زمزم فانحنت واحتضنته ونثرت على وجنتيه القبلات قائلة:  ياحبيب عمتو.. هبقي عمتو تاني ياهوندا.. وهايجي بيبي تلعب معاه بالكوره بتاعتك يا مسكر انت وهنقلب الجنينة ملاهي

+

_ أورة تاعتي أنا

+

ضحكت لكلماته المنقوصة:  ايوة ياعم عارفين ان الكورة بتاعتك والله.. بس هتلاقي حد يلاعبك بيها.. 

أدهم: ده انا هملي الجنينة كور وهلعب معاكم

‏كريمة: ومين عارف يمكن نجيب عرايس كمان لو زمزم جابت بنوتة..ساعتها انا اللي هلاعبها.. 

‏عابد مصفقا بمزاح: برافو ياجماعة استمروا في التخطيط المستقبلي لأشبالي القادمين ان شاء الله.. عايز كل واحد يحدد هيجيب ايه.. وعلي ما بنتي ولا ابني يتولدوا يكونوا اتكسوا وجت كل لوازمهم.. عيشوا بقى.  

جوري متخصرة:  امال انت هتجيب ايه لابنك يا ناصح؟؟

+

_ أنا جبته هو نفسه! 

احمرت وجنتي زمزم وضحكت كريمة بينما نكزه أدهم في مؤخرة رأسه وقال بتوبيخ خافت:  اتلم واختار كلامك ياغشيم عشان اختك.. 

مال عليه واجاب بنفس الخفوت المرح:  ما هي اللي  أسئلتها غبية يا بابا اعمل ايه.. 

+

ضيقت عينيها بتحذير وهي تشير له بإصبعها:  مين دي اللي غبية؟ ها؟ أنا غبية يابتاع زهور البرسيم ؟؟؟

+

وهمت بقذفه بالماء تحت مراقبة البقية وضحكاتهم، فلحقها وكبل يدها قائلا:  نفسي تتكلمي على قدك ياقصيرة..وبتاع البرسيم ده ممكن يعلقك على الشجرة اللي ورى بابا دي زي الفارة الهبلة

+

حررتها زمزم منه وهي تضحك وظلت جوري تتوعده بحنق والجميع مازال يضحك.. لينضم إليهم بعد قليل محمد وعبير.. 

+

_ صباح الخير ياجماعة.. ايه صوت ضحككم واصلنا من واحنا عند البوابة فرحونا معاكم.. 

أدهم:  محنا اتصلنا بيكم تيجوا عشان نفرحكم يامحمد..الفرحة تخصكم زينا.. 

+

اتسعت عين عبير وهي تفهم سريعا تلميحه وحادت تجاه ابنتها لتري الجواب جليا علي وجهها المبتسم.. ترقرقت مقلتيها وعانقتها بقوة عاجزة عن قول شيء.. ومحمد يطالعهم غائبًا عن إدراكه ما فطنته زوجته..ليربت على كتفه شقيقه الأكبر قائلا بطريقة عاطفية أثارها الحدث السعيد:  طول عمرك اخويا الصغير اللي كان نفسي يرجع يعيش وسطينا ونتشارك سوا ايام حلوة..والحمد لله امنيتي اتحققت بأكتر منها.. أنا وانت يامحمد هنكون جدود لبذرة واحدة من ولادنا..زمزم بنتنا حامل.. 

+

قالها وتلقفه بين ذراعيه محتويا مفاجئته التي جحظت لها عيناه بفرحة غامرة.. ابنته تبدأ كل شيء في حياتها من جديد.. وكأن القدر يعيد عليها كل لحظة قضتها بحزن..حين حملت بمهند لم تكن الفرحة كاملة..والحزن برحيل زوجها أطفأ فرحتهم ..أما الآن تبدلت الظروف.. قرة عينه تنتظر طفلا أخر لتقوي أواصر المحبة بينه وبين شقيقه الاكبر..تعهد داخله أن يقيم الليل يصلي حتى تئن قدمه شكرا لله ساجدا علي عطاياه الكثيرة.. 

+

_ مبروك يانور عيني.. ربنا يقومك بالسلامة

+

قالتها عبير اخيرا بعد ان وجدت الكلمات على لسانها، ليحين دور أبيها بعناق وتهنئة حارة لا تخلو من دمعات فرحة غالية.. لتصيح جوري عليهم: 

+

_ جري ايه يابشر انتو هتقلبوا الموضوع دراما ليه كده.. مش هنحتفل ولا نعمل اي منظر انهاردة؟ وبعدين لازم نتصل بيزيد ومحمود وبلقيس ونعرف الكل بالخبر ده..

+

زمزم وهي تجفف دموع فرحتها بتفاعل الكل مع حملها: 

ايوة فعلا هنكلمهم.. وبلقيس انا هتصل بيها لما ترجع من برة هي وجوزها، عشان ناخد راحتنا في الكلام.. 

عابد:  ويزيد انا هكلمه دلوقت

محمد:  وانا هتصل بمحمود اهو

+

جوري: طب على ماتخلصوا مكالمات وتتبادلو مشاعركم الجياشة سوا.. هروح اتصل بعطر تيجي.. ومهند معايا هلاعبوا بالكورة شوية..سلام. 

……………… 

" انت بتتكلم جد يا عبودي؟ زمزم حامل؟"

لمس فرحة شقيقه في صوته فأجاب:  اه والله يا يزيد عرفت امبارح بحملها.. هتبقي عمو رسمي يا زيزو

_ حبيب زيزو ألف مليون مبروك وربنا يقوم مراتك بالسلامة ويجعله ذرية صالحة.. طب هي فين اباركلها؟

_ هي تحت مع الكل بيكلمو محمود فيديو وانا انسحبت وقلت اكلمك هنا براحتي..

_ خلاص هبقي اكلمها انا اباركلها لها.. 

+

ثم تحدث بصوت بدى جديا أكثر: عابد..  عارف ان كلامي ده مش وقته.. او يمكن وقته مش عارف بس حبيت الفت نظرك لحاجة مهمة.. زمزم غصب عنها ومهما كانت ثقتها وحبها ليك هتترقب وتقارن دايما معاملتك مع مهند خصوصا لما يجي له أخ.. اوعي تكسر خاطرها وتقصر في حق الأمانة وتجرح الولد اليتيم.. اكيد ابنك من صلبك هيكون له معزة مختلفة و…

_ ابدا.. 

لفظها قاطعة مواصلا:  مهند صحيح مش من صلبي بس هو ابني.. واللي جاي ده هيكون ابني التاني مش الأول.. مستحيل اتغير يا يزيد في معاملتي.. انا بحب مهند ومش ممكن اجرحه او اجرح زمزم.. 

+

_ انا عارف قلبك الابيض وحنيتك ياعابد.. لكن ممكن بدون ماتحس يحصل اي موقف يتفهم غلط فحبيت انبهك.. خليك بس حريص وربنا يفرحك ويسعدك دايما.. صدقني فرحتي انهاردة ماتتوصفش.. واعمل حسابك اول حاجة هيلبسها البيبي أنا اللي هجيبها.. لا ده انا هجيب كسوة سنة كاملة لحبيب عمو اللي جاي

+

عاد لمزاحه:  والله انا سايب كل ده لذوقك وضميرك.. المهم تهيص الواد واوعي تنسى تكثف البامبرز.. 

قهقهة له:  لا ماتقلقش هفاجئك وابهرك

_ عقبالك ياحبيبي ما افرح بيك انت والقردة عطر

_ احترم نفسك وبطل تقول قردة بدال ما اجيلك

_ والله هي واختك صعب اغير لقبهم بس اوعدك احاول.. المهم هستناك تيجي في الويك إند

_ هاجي بس علي كتب كتاب ياسين.. 

_ هو اشترى كل لوازمه؟

_ ايوة انا واحمد ظبطناه ماتقلقش.. 

_ على خيرة الله..مش هعطلك انا بقي وهنزل للجماعة عايز حاجة؟

_ شكرا يا عبودي.. وانا شوية وهتصل انا بزمزم اهنيها

_ براحتك ياغالي

_______________

+

فرحة الجميع بالأمس أورثتها فرحة طاغية لم تكن تتخيلها..وظلت تردد الحمد لله حتى غفت بين ذراعي زوجها.. والآن يجب ان تحادث بلقيس لتفرح معهم.. تمطت قليلا ثم تفقدت الصغير فوجدته مازال نائم.. فابتعدت بحرص خارج الغرفة وضغطت رقمها.. 

+

_ صباح الخير يا ملكة

_ صباح العسل.. عاملة ايه والكل عندك

_ الحمد لله ..بس عندي ليكي خبر حلو

واستطردت سريعا:  أنا حامل يابلي

+

شهقت بفرحة من المفاجأة: بتتكلمي بجد؟! مبروك يا زوما ألف مبروك يا حبيبتي.. والله كنت حاسة اني هسمع عنك خبر حلو انهارده

_ حبيبة قلبي عقبالك ، بس ليه توقعتي تسمعي خبر يخصني؟

_ حلمت بيكي حلم كده ساب جوايا اثر حلو اوي لما صحيت، وانا اعرف ان احساسنا بالحلم جزء كبير من تفسيره.. وقلت اكيد في حاجة جاية في السكة.. 

_ تسلمي يا بلي والفرحة الكبيرة لما انتي كمان تبشريني حبيبتي

_ ان شاء الله يا زوما.. وعابد وطنط كريمة وعمو ادهم رد فعلهم كان ازاي احكيلي.. 

_ ياااااه مش قادرة اقولك على فرحتهم.. وبالذات طنط كريمة، وعابد طبعا منعني انزل المزرعة معاه واتعب نفسي في اي حاجة

_ طبيعي يابنتي حملك لسه جديد

+

_ مين اللي حامل؟؟

التفتت بلقيس لوالدة زوجها:  دي زمزم يا طنط، عرفت انها حامل واتصلت تعرفني

_ ما شاء الله، طب هاتي اباركلها

ألف مبروك يا بنتي.. ربنا يقومك بالسلامة ويتربي في عزكم ويجعله ذرية صالحة.. 

_ اللهم امين ياطنط..وعقبال بلي قريب بإذن الله 

_ يارب يا بنتي انا مستنية بفارغ الصبر اسمع الخبر ده ..المهم خدي بالك على نفسك، اول تلات شهور محتاجين تكوني حذرة كفاية وتهتمي بأكلك و… ..

+

شردت بلقيس عن باقي حديثهما بعد جملة والدة ظافر.. ربما هي مجرد تمني عفوي ومنطقي لأم تريد رؤية أول احفادها.. ورغم هذا ترك تلميحها أثرا سيء في نفسها لكنها  أخفته سريعا مع قدوم إيلاف تصيح من خلفها: 

_ إيه ياجماعة المباركات اللي سامعاها دي فرحوني

هدي:  أخت محمود خطيبك حامل

شهقت قائلة وهي تخطف الهاتف:  بجد.. مبروووك يا زومتي مبروك.. يعني هتجيبلنا ولد سكر زي هوندا

_ الله يبارك فيكي يا ايلي وعقبالك في بيتك.. وبعدين مش يمكن اجيب سكرة؟

_ مش هتفرق المهم انك هتجيبي كائن كده نلعب معاه ( واستطردت) طب بقولك ايه اتصلي فيديو وهاتي مهند اكلمه واحشني اوي اوي، محمود بيغيظني انه بيكلمه كل يوم وبيقوله خالو حبيبي.. 

ضحكت زمزم: خلاص يبقي تغظيه انتي كمان، هخلي مهند يدلعك ويقولك كلام حلو دلوقت.. اقفلي ثواني اصحيه واتصل بيكم فيديو.. 

+

وبعد قليل أجرت معهم مكالمة مرئية وتجلى الصغير عليهم بوجهه البريء الجذاب لتلقنه زمزم:  قول يامهند ازيكم

_ أيكم

_ طب قولهم وحشتوني كتير كتير

فأعاد الصغير جملتها بحياء:  وشتوني تير تير

_ قول تيتة هدى

_ تتة أودى

فصاحت عليه بحنان:  يا روح تيتة هدي انت

ايلاف بتبرم:  طب وانا.. خليه يكلمني

فعادت زمزم تلقنه: قول ياهوندا.. بحبك يا إيلاف

_ حبك لاف

صاحت إيلاف تدلله:  قلبي يا نااااس..عايزة ابوسك دلوقت اعمل بس.. هو ماينفعش تيجو القاهرة قريب يا زوما

_صعب دلوقت والله.. بس انا هخلي محمود يجيبك تقضي يوم كامل معانا.. وطنط هدى وبلي كمان يجوا ونتجمع مع الباقي هنا ويبقي يوم مميز.. إيه رأيك يا بلقيس؟

+

كانت مازالت بدائرة الشرود عن حديثهم، لكنها أجابت بوقت مناسب:  بإذن الله.. هشوف الأول ظروف ظافر ونبقى نزوركم كلنا.. 

+

وانتهت المكالمة ولم يلاحظ أحدا أي تغير طرأ على الأخيرة التي توارت بغرفتها وصدى جملة والدة زوجها تتردد بعقلها ونظرة الشوق بعينيها تجرحها بشكل ما.. فراحت تحدث نفسها بعين شاخصة:  أنا اتجوزت قبل زمزم ليه مش حملت انا كمان؟ وامونة اتجوزت بعدي باسبوع وهي كمان حملت على طول..يارب مايكون عندي مشاكل وترزقني عشان افرح حبيبي ومامته..ماما كمان نفسها تفرح بالخبر ده.. بحس هي وبابا منتظرينه بفارغ الصبر.. يارب فرحنا قريب.. 

ثم تحسست موضع بطنها وهي تنظر لتاريخ اليوم في لوحة معلقة علي الحائط :  يمكن قريب!

_______________

مضى أسبوع وهي تترقب حدوث روتينها الشهري بتوتر.. كل صباح تستكشف حالها فلا تجد شيء.. فقط ألام في أسفل الظهر والبطن وأمور أخرى غريبة على جسدها.. لم تريد محادثة أحد وتركت الأمر لبضعة أيام وبعدها ستأخذ خطوة حاسمة في هذا الشأن.. عل الفرحة قريبة اكثر مما تتصور..

+

في صباح يوم جديد بدت متعبة بشكل مريب أثار قلق وتساؤل والدها في الشركة حين بصر شحوبها إن كانت تشكوا من شيء، فضللته أنها بخير وهو بدوره خاف أن يتدخل أكثر معها فتظن انه يلمح لشيء ما..فأوصى ظافر بالهاتف عليها لينتبه لحالها دون إخبار والدتها..ولم يغيب عن ذهنه افتراض شيء سار وسعيد في الطريق.. صمت داعيًا أن ينعم عليه الله بما يتمني.. 

………… .

في المساء في جناحهما الخاص.. 

_ بلقيس.. انتي تعبانة؟؟ وشك دبلان كده ليه يا حبيبتي؟

ابتسمت وهي تميل على صدره فوق فراشهما:  اطمن ياحبيبي انا كويسة، بس مانمتش كويس امبارح عشان كده وشي تعبان.. 

عاتبها:  قولتلك بلاش تسهري كتير مع إيلاف وتتفرجوا علي اجنبي وفي الأخر مش بتشبعي نوم.. 

_ خلاص انا فعلا عرفتها اني مش هنزل انهاردة وهنام بدري..أنا فعلا مش قادرة افتح عيوني وجعانة نوم.. 

+

ضمها إليه وقبل وجنتيها برفق:  طب يلا أنا اللي هنيمك في حضني، ومش هتضحكي عليا وتنزلي بعد ما انام زي كل يوم.. ودثرها جواره بالغطاء ومع لمساته تحركت رغبته بها لكنها بطريقتها الغير مباشرة أوهمته بحاجتها الشديدة للنوم، هي تأخذ احتياطها تحسبا للأمر.. ربما هناك شيء مخبأ في أحشائها واجتماعهما يؤذيه.. وبهذا الخاطر أغمضت عينيها بالفعل فشدد هو في عناقها مكتفيا بهذا القرب بعد أن لمس عدم تجاوبها وتعبها الواضح.. 

+

بعد وقت لم يعلمه وهو غافي جوارها شعر بارتجافها بشكل غريب، أشرع عينيه ينظر لها قائلا بصوت واهن:  مالك ياحبيبتي بترتعشي كده ليه؟

همهمت ووعيها شبه غائب:  بردانة! 

+

احكم عليها الغطاء أكثر وضمها وهو يربت على ظهرها:  بلقيس انا حاسس ان فيكي حاجة غريب.. الجو طبيعي مايستاهلش شعورك بالبرد ده كله.. انتي تعبانة؟

+

_ بردانة أوي

قالتها وأسنانها تصطك ليزيد بضمها ويدفئها بحرارة جسده وبالفعل بعد قليل غطت بالنوم وهدأت ارتجافتها، فاعتدل ينظر لها بقلق.. زوجته ليست على مايرام..غدا سيضع حدا لتلك الهواجس ويذهبا للطبيب.. 

___________________

+

أشرقت الشمس وأغرقت الغرفة بضوئها وكانت هي من استيقظت قبله.. ألم شديد أسفل البطن أيقظها..ذهبت للمرحاض تقضي حاجتها ربما يهدأ الألم.. فانتظرتها مفاجئة لم تتوقعها..كانت تمنى نفسها اليوم بابتياع اختبار حمل بعد أن مضى أكثر من عشرة أيام على موعدها الشهري، فجسدها لا يخلف عاداته بهذا الشأن ابدا.. ظنت نفسها قريبة من إعلان خبرها السعيد على الجميع.. لكن تلك البقعة الحمراء نسفت ظنها ووئدت فرحتها المنتظرة.. 

+

اغرورقت عينيها وكادت تبكي في المرحاض لكنها تماسكت وأخذت حماما وخرجت لتجد زوجها مستيقظ وجالس نصف جلسة وما أن رآها حتي ابتسم هاتفا:  صباح الخير ياحبيبتي.. عاملة ايه دلوقت؟ 

اجابته بهدوء طامسة حزنها: صباح الخير يا ظافر.. الحمد لله كويسة

_ طب تعالي قربي 

اقتربت فعانقها بحنان هامسا:  اميرتي كانت تعبانة بالليل وبترتعش بشكل غريب..ايه رأيك نروح لدكتور يطمني عليكي

+

انتفضت بغتة وابتعدت تصيح:  وايه لازمته الدكتور ياظافر منا كويسة قدامك اهو

تعجب نفضتها وعصبيتها الغير مبررة، فقال بهدوء:  طيب انتي اتعصبتي كده بس؟ انتي بقالك كام يوم مش مظبوطة.. وبالليل كنتي غريبة وبردانة وحسيت انك تعبانة فقلت اطمن عليكي.. ده يزعلك في ايه؟

تنهدت وحاولت التحكم في موجة الكآبة التي تتشعب داخلها وتريد البكاء بشدة وقالت:  أسفة مش قصدي اتعصب.. عموما انا كويسة ماتقلقش.. وعشان تطمن مش هروح الشركة انهاردة عشان ارتاح

+

ابتسم برضا لاقتراحها:  ان كان كده موافق.. ثم عاتبها بحنان:  طيب مش هتصبحي عليا؟

+

ابتسمت رغما عنها وقد استفز عاطفتها نحوه فاقتربت وقبلته وعانقته هامسة:  معلش يا ظاظا اتعصبت عليك غصب عني.

_ ولا يهمك.. ايه رأيك اجي بدري انهاردة واخرجك انتي وإيلي ونروح الكورنيش اللي انبسطي فيه اخر مرة؟ او اي مكان تختاروه معنديش مانع.. 

+

نظرت إليه بتقدير لمحاولته التسرية عنها رغم مشاغله التي تعلمها جيدا، فربتت على جانب وجهه الحليق هاتفة:  مافيش داعي أنا عارفة انك مشغول ياحبيبي. 

+

قبل كفها المستكين على وجهه وقال بنبرة اخترقت روحها:  لو حاسس انك محتاجاني مافيش حاجة هتشغلني عنك وتكون اهم منك.

+

ترقرقت شمسيها ثانيا.. هذا الصباح دمعتها قريبة بشكل مبالغ فيه ، نفسيتها غير مستقرة على شيء.. تريد البكاء وفي ذات الوقت تريد ان تضحك.. لكنها حزينة.. جائعة جدا..تشعر بالبرد فجأة ثم تشعر بعدها بحرارة في جسدها.. الأفضل لها اليوم أن تعتزل الجميع حتى تمر تلك الحالة النفسية العجيبة على خير.. 

+

_ انتي بتعيطي؟

تسائل بدهشة حقيقية وهو يطالعها بريبة، فاغتصبت ابتسامة زائفة:  لا يا حبيبي ماتحطش في بالك، اتأثرت بحنيتك وكلامك الحلو.. ربنا يخليك ليا.. ثم جذبته من الفراش وقالت بمرح:  يلا قوم خد حمامك عشان ننزل نفطر مع طنط وإيلي.. وبخصوص الخروج خليه أخر الأسبوع في الويك اند.. 

+

خدعه مرحها الزائف فاستجاب وحصل على حمام دافيء ثم هبط معها لتناول الأفطار ومن بعدها غادر لعمله.. أما هي فاستأذنت بعد ذهابه وصعدت جناحها لتفعل الشيء الذي تكبته من الصباح.. البكاء..ظلت تبكي خيبة أملها بعد عشمها الكبير ان تكون حامل.. كانت ترى بعين خيالها فرحة زوجها ووالدته وإيلاف ووالديها.. كانت تعد السيناريوهات بكيفية إخبارهم.. لتموت فرحتها المرتقبة مع نزول تلك النقطة الحمراء.. ببساطة هي ليست حامل..لكن لماذا؟ من تزوجوا قلبها أعطاهم الله.. هل يمكن أن يكون لديها مشكلة ما؟ هل يمكن ألا تنول تلك النعمة؟ هل كما تسمع دائما لا احد يأخذ كل شيء.. هي جميلة بشطر ليس هين، ذات حسب ونسب ومستقبل واعد وزوج مخلص ناجح، هل يكون هذا فقط نصيبها من الدنيا وتحرم من الذرية؟.. مجرد افتراض الخاطر أثار دموعها فظلت تبكي وتبكي ومظاهر الاكتئاب تحاصرها مع عزلتها.. وبعد وقت كبير من البكاء لاحظت أن ألم بطنها هدأ قليلا وغفت لتعوض أرق الأيام الماضية، وظلت دموعها على وجهها ولم تشعر بشيء.. حتى جاء ظافر من عمله يحتله القلق لعدم ردها على الهاتف طيلة اليوم.. وما ان رآى والدته قال: 

_ السلام عليكم يا ماما عاملة ايه؟

_ الحمد لله ياحبيبي، جيت بدري انهاردة يعني

_ حسيت ان بلقيس مضايقة الصبح، قلت اجي اخرحها شوية ..هي فين يا ماما؟

_ والله يابني انا لقيتها بعد خروجك بنص ساعة بتستئذن تطلع تنام عشان سهرت بالليل.. مانزلتش من وقتها.. وانا قلت اسيبها براحتها يمكن هتنام شوية وتصحي تكلم والدتها ماحبتش اقلقها يعني.. لكن معرفش انها تعبانة. 

+

غمغم لها بكلمات مطمئنة:  ولا يهمك يا ماما.. هي فعلا مانامتش كويس امبارح.. عن اذنك هتطلعلها

_ ماشي ياحبيبي، ولو حابب تتغدا معاها لوحدكم مافيش مشكلة انا وايلاف هنتغدا لوحدنا عادي

_ لا ياحبيبتي هنتغدا معاكم بس هطلع اطمن عليها واجيبها وانزل.. 

+

صعد ليجد الغرفة مظلمة وغير مرتبة.. وهي راقدة متلحفة بالغطاء ولا يظهر منها سوى أطراف شعرها المتدلي على طرف الفراش.. تعجب ان تنام بهدا التوقيت، المغرب آذن وهو في طريقه إلى هنا.. دنى منها وحاول إيقاظها بربتات هادئة:  بلقيس..حبيبتي فوقي المغرب آذن ايه النوم ده كله

+

فتحت عينيها بصعوبة وشعرت بحرقة بها من أثر بكائها منذ ساعات، ليهتف بجزع:  مال عينيكي يابلقيس وارمة كده ليه كأنك كنتي بتعيطي؟

+

التفتت لترى وجهها في المرآة الجانبية وبصرت بالفعل انتفاخ عينيها وشعرها الغير مهذب وهيئتها الكلية بدت مزرية للغاية، فاعتدلت وهي تحاول تجنبه:  عادي من أثر النوم، هقوم اخد حمام وافوق.. 

+

همت بالنهوض، فأمسك رسغها وصاح بحزم:  بلقيس مالك؟ انتي شكلك مش طبيعي وكنتي بتعيطي.. وليه حبستي نفسك هنا طول اليوم وقاعدة في الكآبة دي.. وبعدين اتصلت بيكي كتير ماردتيش ولا مرة

+

بأعجوبة تماسكت عن الصراخ وقالت بهدوء:  أكيد ياظافر تليفوني فصل وانا نايمة.. ومافيش كآبة كل الحكاية اني كنت جعانة نوم.. وعيوني وارمة بسبب كده ومافيش حاجة تانية،  سبني بقي اقوم اخد حمام. 

+

لكنه ظل قابض على يدها عيناه تكذبها متسائل بصرامة:  انتي هتقولي مالك ولا لأ؟ في ايه انتي بقالك كام يوم مش مظبوطة فهميني مالك. 

+

_يا سيدي ما قولتلك مافيش حاجة سبني في حالي انا مش ناقصة.. هو استجواب؟!.. ايه المشكلة اني انام طول النهار مش فاهمة؟؟؟

+

أخيرا أطلقت العنان لصراخها وهي تصيح عليه غاضبة بصوت عالي لأول مرة منذ تزوجا.. فظل يرمقها بنظرة مبهمة وهو قاطب الجبين ثم ترك يدها ونهض وقال وهو يشير للمرحاض: اتفضلي خدي حمامك براحتك وانا هنزل تحت واطلع بعد شوية..  

+

قالها وغادرها وهي تراقبه بصمت وألم شديد في البطن ودوار يكتنف رأسها مع شعور بالغثيان رغم معدتها الفارغة تقريبا عدا وجبة إفطار صغيرة جدا معهم في الصباح الباكر.. 

زرفت عبرات صامتة على وجنتها وشعرت انها تغرق بكآبة غريبة.. لم عاملته هكذا؟ لما تستسلم لحالتها تلك؟..لما يغلف روحها اليأس بتلك الضراوة؟.. إن لم يحدث هذا الشهر ربما يحدث في القادم.. لما تتعامل كأنها لا سمح الله لن ترزق بأطفال؟ هل نظرة والدة زوجها السبب وتمنيها بسماع خبر الحمل منها؟ أليست هذه أمنية طبيعية؟ لم أخذتها بمحمل جارح وضخمت الأمر؟

+

بصرت هيئتها ثانيا في المرآة ووجدت كم هي بشعة..يجب ان تنفض عنها تلك الروح الكئيبة الدخيلة عليها وتستعيد حيويتها ومرحها مع زوجها.. لكن لو يهدأ هذا الألم والدوار اللعين لأصبحت أفضل!! 

……… 

انتهى حمامها الدافيء وخرجت وهي تجفف شعرها المبتل مستعيدة جمالها ورونقها لتراه جالس على الفراش ينتظرها..لمعت عينيها باعتذار واقتربت منه بخجل وهمست:  أنا أسفة

+

ظل يحاصرها بتلك النظرة الغامضة دون رد فواصلت:  حقك عليا لأني اتعصبت عليك.. ماتزعلش مني عشان خاطري والله غصب عني ماكنتش في وعيي.. 

+

_ ليه مش في وعيك؟ ايه مشكلتلك بالظبط؟ 

+

تنهدت وقالت:  مافيش ياظافر كنت تعبانة ودلوقت بقيت كويسة.. ثم اقتربت تقبل جبينه وهي تحوط وجهه براحتيها:  بالله عليك ماتزعل مني.. 

+

رائحتها.. وجهها الناعم.. شعرها المبتل بالقرب من وجهه.. جسدها الفواح حين ازدادت اقتربا جعله يحتضنها وهو يتشمم شعرها هامسا بخفوت:  مش زعلان بس عايز اعرف مالك.. 

لبثت صامتة مستكينة على صدره.. الآن لا تحتاح شيء اخر.. ليت الزمن يقف هنا.. ليت الكلمات تموت ولا يجبرها احدا ان تتحدث.. تريد تلك الجرعة الدافئة من احتوائه الصامت فقط.. 

+

ولأنه تؤام الروح أدرك حاجتها لهذا الاحتواء الحاني.. فدسها بصدره أكثر وتحلى بالصمت وهو يداعب خصلات شعرها وهي مسدلة جفنيها باسترخاء ممتع..اي نعيم أكثر مما هي فيه الآن..لن تفكر بشيء.. أي شيء.. 

+

كم مر من الوقت وكلا منهما يحتوي الأخر، لا يعلمان.. حتى تململت هي وقالت:  خلينا ننسى اللي حصل انهاردة ولو عايز نخرج انا وانت وإيلي موافقة.. 

+