رواية جنة الظالم الفصل السادس والسابع والثامن والتاسع والعاشر بقلم سوما العربي كامله
رواية جنة الظالم الفصل السادس والسابع والثامن والتاسع والعاشر بقلم سوما العربي كامله
الفصل السادس
كان يتمادى ويتعمق بقبلته والتى طال انتظاره لها وتخيلها كثيرا.
جنته الجميله هى من معه الأن ويشعر بها.
وهى صدمت اولا..لاول مره يحدث معها شئ من هذا القبيل... لاول مره يمسها أحدهم من الأساس.
بعزم مابها من قوه وغضب دفعته بعيدا... حتى أنه تعثر بحافة اليخت وسقط من عليه فى مياه النهر.
صرخت بخوف وفزع... لقد أسقطته فى المياه.
ظلت تصرخ وتضرب خديها وهى لا تراه حتى أمامها.
تحركت بقدميها التى ترتعش تتحدث بخوف وجنون:غرق.. غرق... مات.. مووته... قتلتلى... قتلتى يا جنه... يانهار اسود... موته... موت بنى ادم يانهار اسود ومنيل موته... يستاهل... لااااا بس مش لدرجة اموته يانهار اسود يانهار اسود.. موته.... هروح إزاى دلوقتي... هرجع للبر ازاى.
استمعت لصوت خلفها يقول:هو ده كل اللي فارق معاكي... هتروحى إزاى!!
نظرت خلفها بلهفه وهلع وجدته يقف بثيابه المبتله يبتسم ويرجع شعره للخلف بيده وكم بدى وسيم وبجسد رياضى.
وقفت تتفقده بفم مفتوح مزهوله جدا.. تراه وكأنه كان يسبح بعطله يستجم مثلاً وقد عاد لتوه.
ملابسه المبتله والملتصقه عليه تظهر عضلات جسده ببراعه.
تحدثت باعين متسعه جعلتها فاتنه ومغريه:انت عايش ماغرقتش؟!
ابتسم عليها بحب يضمها له على غفله يطمئن حاله أنها باحضانه.
دفعته بعيدا تقول :غرقتنى... هدومك مبلوله.
ابتسم باتساع وقال:بس ايه ده... كنتى زعلانه عليا وبتعيطى... اد كده بتحبينى ياجنتى.
ردت عليه ببديهيه:لأ طبعا بس اصل احنا... احنا الى هو الناس الطبيعيه يعنى.. بالنسبة لنا قتل النفس حاجة صعبه.. مش زيكوا عادى القتل عندكوا زى صباح الخير.
اقترب منها اكثر بخطوات بطيئه مدروسه:ولما هو كده... موافقه تقتلينى ليه بحبك.
مع كل خطوه منه كانت تعود هى للخلف تحذره:لو قربت منى تانى مش عارفة انا ممكن اعمل إيه... اديك شوفت الى بيقرب منى بعمل فيه إيه.
مد يده يملس على خصلات شعرها قائلاً باعجاب:شوفت... وفرحت.
تحدثت باستنكار ترفع شفتها العليا تردد :ايه الفرحه فى كده.
حاصرها بين يديه واحد الأركان يردد:عشان محافظة على نفسك ليا.. وانا اول راجل فى حياتك... وآخر واحد اكيد.
كان يتحدث بثقه كبيره تجعل من يواجهه يصاب بجلطه او ارتفاع ضغط الدم.
نطرت له من أعلى لاسفل ثم تحدثت بلا مبالاه :طب روح غير روح... شكلك استهويت.
اعتدل بوقفته يخبرها:خايفه عليا... بتموتى فيا.
نفذت كل طاقتها... تحدثت بعصبيه شديدة :خلص بقا.. انا عايزه ارجع بيتى.
رفع حاجب واحد وتحدث بهدوء مرعب وهو يمرر يده بشعرها الجميل :انا بحبك اه... لأ ده انا بموت فيكي.. بس صوتك مايعلاش عليا تانى يا جنتى... سامعه؟
صمتت ولم تجيب او تهتم فكرر سؤاله بحده :سامعه؟
أجابت وهى ترفع كتفيها:وحد قالك انى اترشيط.. سامعه.. وانا من ناحيتى بأكدلك أنى مش هعلى صوتى عليك تانى ابدا ابدا ابدا
رفع حاجب واحد مترقب لحالة الرضوخ التى لم يعتاد عليها منها.
وبالفعل وجدها تكمل بسماجه :لانى بإذن الله مش هشوفك تانى.
تجهم وجهه وقال بعدما ابتعد :هنشوف يا جنه.. هنشوف.
تحرك تاركا لها المكان واختفى بالداخل قليلاً.
وهى أخيراً تنفست الصعداء.. رغم استغرابها لصمته.
مرت دقائق حتى شعرت برسو اليخت على احد الضفاف.
وظهر امامها من جديد.. بدون اى حديث وبنفس تجهم الوجه مد كف يده يسحبها خلفه.
مزيج من القوه.. من الغضب.. ومعه الحنان.
يحبها رغم غضبه منها.. من رفضها ومن فجاجتها معه.
وهى مستغربه امره ووضعه بشده... فقد اجلسها بسيارته.. يمطئن لجلوسها بارتياح ثم اغلق الباب واستدار يجلس لجوارها يقود بصمت.
أمره غريب اليوم ام هكذا طبعه.. غريب ومتناقض.
وصلا للبيت.. أخيراً.. زفرت بصوت مسموع جعله يغمض عينه بغضب.
فتح عينه وهو يسمع صوت فتح الباب بجوارها.
تحدث وهو لاينظر لها:اطلعى فوق واقفلى على نفسك كويس.. اهلك لسه ما رجعوش من الفرح.
جنه:وانت عرفت منين؟
سليمان :اطلعى وانا مستنيكى لحد ما تشاوريلى من البلكونه.
جنه:مش مشاوره لحد.
سليمان:براحتك... خلينى بقا واقفلك هنا لحد ما الحاره كلها تشوفني... انا مش همشى غير لما اتطمن عليكى.
زفرت بضيق وصوت مسموع جعله رغماً عنه يبتسم يدير وجهه للناحيه الأخرى كى يخفى ابتسامته عنها.
بالفعل استجابت لحديثه وصعدت لبيتها وفتحت الشرفه تطل منها عليه.
وأخيراً تنفست الصعداء بعدما نفذ وعده وغادر المنطقه كلها.
مرت أيام والأحوال تسير بسلاسه.. لم تخلو ابدا من مكالماته وتعليماته الصارمه.
جلس خلف مكتبه ييعيد التدقيق على أوراق آخر صفقاته .
وجد الباب يفتح فجأة فعلم انه والده.. لا احد يستطيع فعلها غيره.
بالفعل دلف شوكت والى جواره زياد وتقدما حتى جلسا امامه ينظران له بصمت.
تحدث مبتسما:شوكت باشا فى مكتبى ده ياصباح السعادة جدا.. المكتب نور بقدومك يا باشا.
تبادل زياد مع جده النظرات ليتحدث شوكت بتنهيده:مانا ماقبلتكش النهاردة على الفطار...هو تقريبا احنا مابقيناش نشوفك الشغل مقصر فيه... كل حاجه فى النازل.. وكده مش نافع.. احنا بكده هنقع.
ابتسم يتحدث بأريحية شديدة :لا مافيش الكلام ده. كله الا الشغل ياباشا.. انا مركز فى كل حاجه ماتقلقش.. مافيش اى وقوع والى جاى دلع... دلع الدلع.
نظر شوكت لزياد يتبادلان نظرات الاستغراب من التغير الجذرى لحاله.
منذ متى وسليمان يتحدث بهذه الطريقه من الأساس.
ابتسم يعود للخلف يلقى القلم على المكتب ويقول وهو يمسح عينه:مبروك يا زياد.. هجوزك تهانى.
احتدت أعين شوكت فى حين تهلل وجه زياد ووقف عن مقعده واستدار خلف مكتب سليمان يسأله بلهفه وفرح:بتتكلم بجد.. يعنى هتجوز انا وهى خلاص.
سليمان :وهى دى حاجة فيها هزار.. يالا روح.. روح فرحها.
خرج زياد سريعاً لا يصدق نفسه ولولا نظرة خاله التى يعلمها جيدا لما صدق ما قيل.
انتظر شوكت وكبت غضبه حتى غادر زياد واغلق الباب ثم التفت لسليمان يقول بحده من بين أسنانه :ايه.. الى انا.. سمعته.. ده؟
اعتدل سليمان فى جلسته يتناول قلمه يوقع على بعض الأوراق يجيب :زياد ياسيدى... مش راضى يسكت وعايز يتجوزها.. قولت اجوزهالو وهو شويه وهيزهق منها ويرميها.
كان شوكت مرتكز بعينه الخبيره عليه يسأله دون حديث.
حسناً لا مفر... والده ويعلمه جيدا ولا مجال للتمثيل.
القى القلم من يده وناظر شوكت يقول:مافيش فى ايدى حل تانى.. وانت قولت انك مستعد تعملى اى حاجه بس ابوها يوافق.. صح؟
شوكت :ايوه.. بس مش لدرجة انى اجوز واحدة زى البت دى لزياد.. انا لما وافقت انك تتجوز حتة العيله دى.... قاطعه سليمان يعترض بغضب:بااابااا.
شوكت :بلا بابا بلا بتاع.. اسمع منى.. انا موافق على جوازك منها لأنها شاغله عقلك...لكن مهما راحت ولا جت ماتجيش فيك نقطه فى بحر وانت الى هتفضل متحكم لكن الى اسمها تهانى دى لأ... دى تقدر بسهوله تتحكم فى زياد... لكن انت لأ مافيش ولا واحده تقدر تعمل فيك كده... كل الحكاية ولهفتك عليها لأنها عجبتك ومش عارف تطولها.. اول ما تتجوزها وتدوق طعمها هتشبع وبعدها نفسك تجزع انت ابنى وانا عارفك لكن البت الى اسمها تهانى دى لأ... دى لو اتجوزت ابن اختك هتتمكن منه اكتر واكتر.
اغمض سليمان عينه... يتنمى ان يكن حديث والده صحيح.. يتمنى ان يشبع منها ويتخلص من ذلك المرض الذى يغزو كل خلاياه حتى اقترب على العجز أمامها... يتمنى ذلك من كل قلبه.
فتح عينه وتحدث ينهى النقاش والأمر معا:خلاص يا باشا مافيش قدامى حل غيرو... اتجوز جنه وبعدها انا هعرف ازاى اخرج الى اسمها تهانى دى من البيت وبفضيحه كمان.
شوكت بنفاذ صبر:انا بس عايز اعرف ايه علاقه جوازك والبت الى اسمها تهانى دى.
سليمان :ماهى تهانى... تبقى بنت عم جنه.
شوكت :اممم.. فهمت.. ياريت نخلص ونفوق لشغلنا.. مفهوم؟
ابتسم سليمان يستدير بكرسيه يمينا ويسارا براحه :اعتبره حصل ياباشا.
غادر شوكت وهو غاضب بشده وغير راضى عن كل مايحدث.
بينما سليمان وقف عن مقعده يصفر... يدندن بإحدى الاغانى الشعبيه الرائجه يتناول جاكيت بذلته من على ظهر المقعد وارتداه بمزاج عالى جدا يهندم ربط كرافتته اكثر واكثر... اخذ نفس عمييق يردد:جايلك يا جنتى.
______________________________
جلست تهانى امامه بالسياره فى احد الشوارع متصنمه... لم تظن يوما أن الأمر سيكن بتلك السلاسه.. ولن يحتاج منها لمخططات جديدة جهنميه.
فقد تفاجئت باتصال من زياد يطلب مقابلتها سريعاً حتى وسط دوام العمل.
والآن تجلس امامه صامته ساكنه تحاول ان تستوعب فقط ماقاله.
اخذت تردد بصدمه وزهول:ده إزاى؟!
ابتسم لها زياد بحنان وحب :ايه اللي إزاى ياحبيبتى... مش ده اللي كنا بنحلم بيه... اهو سليمان باشا الظاهر بنفسه الى هيجوزنا وهيشهد على عقد الجواز.
التمعت عينيها بانبهار سيتحقق كل ما حلمت به لليالى ورددت دون وعى منها:وهعيش معاه فى نفس البيت.
زياد :إيه؟
انتهبت على ذلتها سريعاً تصلح خطئها بابتسامه مائعه مهتزه:أأقصد بعد ما كان ممرمتنى فى الشغل عنده جه اليوم الى هبقى انا وهو متساويين وعايشين كمان تحت نفس البيت... ايوه عشان يعرف ان كلنا ولاد تسعه ومافيش فروق مابينا.
مرت عليه كذبتها... فهو يراها فتاه ينقصها جناحين.
ابتسم لها بحنان بالغ:ايوه يا حبيبتي.. وهتسيبى كمان الشغ.. قاطعته سريعاً لاتريد ترك اى فرصه من الممكن أن تقربها منه وقالت :لأ لأ يا زيدوو.. شغل إيه الى اسيبه.
زياد :ايوه طبعا تسبيه انتى هتتجوزى زياد بيه خلاص وهتبقى هانم يبقى تسيبى الشغل ده.
ابتسمت بدلال تقول :اتجوز زياد بيه يبقى اترقى وابقى مديره مثلاً... مش تقولى سيبى الشغل.
استصاغ الفكره كثيراً وقال :تترقى يا قلبى وماله.
ابتسمت بطمع وهو كان يتحدث عن تخيلاته لعرسهم وشهر العسل وأشياء عده يريد فعلها معها.
وهى ليست معه من الأساس... هى شارده بحلم عمرها والذى اقترب منها كثيرا... فأخيرا هى وسليمان ببيت واحد.
________________________________
خرجت جنه من غرفتها تحاول فتح عينها من شدة التعب والإرهاق فقد اقترب موعد امتحانات الثانويه.
جلست على احد المقاعد تستريح قليلاً لكنها انتفضت وهى تجد صوت امها من خلفها تردد وكأنها وكيل نيابه:سبتى مذاكرتك ليه؟
نظرت لها وهى تجاهد لفتح عيناها:تعبت قولت افصل شويه.
داليا:تفصلى ايه ياعين امك... وقت الدلع خلص... قومى كملى.
جنه بنبره تقترب على البكاء:يا امى واقسم بالله عينى زغللت.
رفعت داليا رأسها بشموخ وثقة ام مصريه اصيله:الحل عندى... هو مافيش غيرو.
جنه:الى هو؟!
داليا:الجزر... بيقولوا الجزر بيقوى النظر.
جنه :بيقولوا.. هما مين الى بيقولوا نفسى اعرف.
داليا :ماعرفش بس هو مفيد.
جنه:ماما مافيش الكلام وانا متأكده ان الى طلع المثل ده كان عنده بيعة جزر وقربت تبوظ.
داليا :بس يابت.. انا هدخل دلوقتي اقشرلك حبه حلوين تاكليهم.
جنه بتذمر:مش عايززززه مش عايزه.
كتفت داليا ذراعيها حول صدرها وقالت :خلاص انا الحق عليا كنت هخليكى تاخدى بريك فى الوقت الى هقرشلك فيه كذا واحده وعلى ما تاكليهم يعنى فيها بتاع نص ساعه بس خلاص... شكلك مش عايزه بريك روحى كملى يالا يا روحى.
تحدثت جنه سريعاً بلهفه :لأ لأ ده الجزر بيقوى النظر الحقينى بيه بسرعه الله يكرمك.
تحركت داليا بخيلاء ناحية المطبخ تقول :ما كان من الاول.. واقولك... شغليلك التليفزيون حبه على ما اجى... بس وطيه عشان ابوكى نايم.
ألقت لها جنه قبله فى الهواء وقالت :والنبى احلى ام.
بعد عشر دقائق كانت تجلس وهى ترتدى جلباب بيتى قصير حتى ركبتيها من البينك مرسوم عليه ارنوب وتحتضن لها صحن به كميه من الجزر تمسك أحدهم بيدها تقضمها بنهم.
ليدق جرس الباب وتذهب لتفتح الباب وهى تحتضن الصحن بين إحدى يديها وصدرها وباليد الأخرى تقضم جزره اخرى فتملئ فمها كله وتنصبغ شفتيها بلون الجزر.
وكانت المفاجأة من نصيب عاشقها.. الذى جاء اليوم على حسب خطته ينظر لها بقلب ملتاع ومتعب من العشق.. لتخطفه اكثر واكثر بهيئتها تلك يردد وهو يفرك شعر رأسها بيده :ارنوبتى الحلوه.
ابعدت رأسها عن مرمى يده تقول ببغض: أبعد إيدك... وايه ارنوبتى دى؟
ابتسم وعينه تفيض حب واحتواء بل انبهار أيضا يقول :مانتى الى زى الارنوب الابيض.
قضم وجنتها يؤكد :وبخدودو اهو.
نظر لما بيدها يقول :جزر؟ بتحبى الجزر ياروحى.. هشتريلك فدان جزر لو عايزه.
جنه بتأكيد :واقسم بالله ماعايزه غير إنك تمشى من هنا.
ابتسم لها بثقه مستفزه :قصدك نمشى... نمشى ياروحى.. ناديلى بابا يا ارنوبه.
هزت رأسها بغباء تردد:نمشى.. وانت بتجمع ليه.. احنا مافيش حرف نون يجمعنا ابدا.
ضحك عليها يقضم وجنتها مجددا يقول بتلذذ وهو يقضم شفته السفلى :عسل.. عسل يا ارنوبتى...بس مش عايزك تقلقى ولا تستغربى... احنا هيجمعنا حاجات كتير.. ناديلى بابا بقا قبل ما اكلك كلك على بعضك بطبق الجزر كمان يالا.
ذهبت سريعاً بعدما شعرت بالخوف فنظرت عينه تؤكد أنه دقيقه وسينفذ ماقاله حقا.
دلف للداخل بكل ثقه وغرور يعلم أنه لن يذهب اليوم صفر اليدين.
جلس على احد المقاعد يضع قدم فوق الأخرى ينتظر محمود والذى وجده يخرج من غرفته سريعاً بغضب وعلى وجهه أثر النوم.
تقدم يقف امامه يسأل بحده:انت إيه الى جابك بيتى تانى... هو انت مابتحسش.. ماقولنا طلبك مرفوض.
ابتسم بثقه وتشفى يقول :طبعا انا بعتذر على الزيارة المفاجئه دى بس انا خلصت شغل قولت اعدى اخد جنه فى طريقى عشان نروح بيتنا.
بجج بجاحه فجه ومستفزه جعلت محمود عاجز عن الرد او التعبير يرفع يده يسدد له لكمه قويه عنيفه تحمل كل ما بصدره من غضب لكن الآخر تفادها بقوه يقول :بلاش احسن.. واسمع الى جاى اقولو.. لانه عرض فى ساعة روقان وصفا وممكن مثلاً فى يوم يبقى مودى وحش ف اغير رأىى فاسمعنى احسن ليك.. واكيد ليا بردو.
محمود بغضب كبير واشمئزاز:ده ايه الثقه المستفزه دى.
سليمان :اصل جنه هاخدها هاخدها سواء النهاردة او بكره او بعد سنين مش هسيب اكيد حد يقرب منها غيرى لكن... الى انا جايلك عشانه النهاردة انت ولو فضلت سنين مش هتقدر تعمله ف زى ما قولتلك... اسمع منى احسن.
ظل محمود على وضعه رافض حتى سماع مالديه.
لذا دخل بصلب المووضوع سريعاً يخبره:مش انت ليك بردو بنت اخ اسمها تهانى عبد الرحمن قنديل وشغاله كول سنتر فى شركه كبيره.
نظر له محمود بترقب يقول:ايوه مالها وانت تعرفها منين اصلاً.
هز سليمان رأسه وكأنه متأثر يكمل:للأسف بنت اخوك ماشفتش بربع جنيه تربيه.
محمود بحده :اخرررس.
سليمان :للأسف هى دى الحقيقة المره... بنت اخوك غلطت مع شاب طايش من بتوع اليومين دول وحامل منه كمان.
اتسعت أعين محمود بصدمه وسليمان يكمل عليه:فضيحة كبيره... هتواجه الناس إزاى بأنها مش بنت لأ وكمان حامل.. هتودى وشك من الناس فين وانت عارف.. مصر كلها اوضه وصاله.. مابالك بقا فى منطقه شعبيه.. ولاااا.. هتسيب المنطقه وتمشى وتهرب من الفضيحه.
ابتسم بشر شيطانى يكمل:وحتى لو.... هبعت وراك الى يشنع بسيرتك فى كل حته.
ناظره محمود بغضب وقهر لا يخلو من الذل وقلة الحيله :انت ايييه.. جنس ملتك ايييه... مستحيل تكون بنى ادم زينا... مستحيل... صدق الى سماك ظالم.
سليمان :ظالم ظالم... بس اخد الى انا عايزه.
رفع محمود رأسه يقول :وانت إيه دخلك بكل الى بيحصل اصلاً ولا فى ايدك الحل إزاى... ايه هتشتريه بفلوسك؟!
اشعل سليمان سيجاره ينفسه بفخر وكبر :هو انا ماقولتلكش.. مش الى هى غلطت معاه ده يبقى ابن اختى.
اتسعت أعين محمود وهو اكمل:امممم... ابن اختى... الحقيقة الولد كان بيتسلى وانا ضغطت عليه جامد عشان يوافق ويسترها ويسترك معاها.
لاول مره يشعر محمود بالخزى و ان رأسه منحنيه امام أحدهم.. حتى عندما قطع رزقه ورفده من عمله واصبح عاطل لم ينحنى له رأس...لكن بفعلة ابنة اخيه الشنيعه تلك أحنت رأسه وسأل وهو لا يجد اى حل يشعر انه بين المطرقه والسندان:مقابل؟!
اخرج سليمان دخان سيجاره من انفه وقال :جنه... تتكتب على اسمى النهاردة.
وقف محمود كمن لدغه عقرب:إيه... مستحيل.. بنتى ذنبها ايه تدفع تمن غلطت غيرها... انا ربتها وعلمتها وخليتها مؤدبه والكل بيشهد بأدبها وتربيتها عشان هى تدفع تمن قلة أدب بنت عمها.. ده اسمه ظلم وانت فعلاً ظالم.
سليمان :ماعنديش مانع.. بس بردو هاخدها وانا ماشى.
كل ذلك كانت داليا وجنه تسمعانه من خلف الباب تشعر كل منهما بالصدمه والعجز.
فخرجت داليا سريعاً تصرخ به:مش هتاخدها يعنى مش هتاخدها.
ثم نظرت لزوجها تخبره بقوه :ارفع راسك يا محمود. لا عاش ولا كان الى يحنى رقبتك كده... دى مش بنتك ولا تربيتك... احنا بنتنا أيه فى كتاب مالناش دعوه بغيرنا.
محمود بعجز :وهى بنتى ايه وبنت اخويا إيه... العار هو هو يا داليا.
داليا :وهى ست تهانى ام عين بجحه تغلط وبنتى انا الى تدفع التمن وتشيل الطين فوق دماغها؟
بينما هو يتراقص فرحا خصوصا وهو يستمع لتأكيد الكل على ادب واخلاق جنته.
ليتحدث بملل:خلصتوا.. تحب تجيب المأذون.. ولااااا.
رفع محمود رأسه وقال :تهانى حكايتها تخلص الأول.
سليمان :لاهو انت الى هتتشرط عليا مثلاً؟!
محمود :ده الى عندى...تهانى تتجوز الأول بعدها نبقى نشوف.
سليمان :مافيهاش نشوف والا انت عارف... انا ممكن عادى جدا اخلى ابن اختى يطلقها فى الصباحيه ويقول فيها حاجات كتير اوى وساعتها الفضيحه هتبقى على اكبر... دى هتبقى متجوزه فى عيلة الظاهر يعنى مش على اد منطقتك بس لأ ده كل حته فى مصر هتعرف حكايتها.
عند تلك اللحظه خرجت جنه ترحم والدها من الذل والانكسار تردد بقوه:انت فعلاً ظالم وماتستحقش غير الكره والرفض... انا موافقه يا بابا.
حاول تجاوز ما قالت ولكن لن ينكر.. ذلك اللقب منها له زلزله كليا.. والأكثر تلك النظره التى تنطلق من عينها وتستقر داخل عينه.
لو تعلم ان تهانى فعلت كل ذلك مسبقا وقبلما يعرفها من الأساس.
لو تعلم ان هذا ما ظلت تخطط له تهانى لأيام طويله.
لو تعلم أنه فقط استغل الوضع واستغل خطت تهانى ليقترب منها.
ولكن لا يهم الآن... ليتزوجها اولا وبعدها سيعيد صياغه كل شئ.. بل سيعيد تشكيلها كالصلصال من اول وجديد فهى مازالت صغيره بالعمر وسيسهل عليه تشكيلها واللعب بها.
لا يعلم من سيلعب بمن.
خرج اخيرا من البيت بعدما اتفق مع محمود على ان يتم زواج تهانى أولا ليضمن كل شيء
__________________________________
مر يومين لا أكثر وجاء زياد مع شوكت ووالدته فريال.
ومعهم سليمان يتمم كل شئ كى يستطيع الحصول على صغيرته.
وقد نفذ كل أوامر محمود ولم يخبر سليمان أحدهم بما فعلت تلك الحقيره.
حتى أن محمود للآن لم يتحدث معها أو يعاقبها ويعنفها حرصاً على صحة ارملة اخيه فهى مريضه بالقلب ولن تتحمل... صمت حتى تخرج من البيت وسيحاسبها حساب عصير.
بينما وقفت تهانى ترتدى فستان زفاف قصير مكشوف تتزين امام مرأتها.
فى البداية لم يعجبها انها ستتزوج دون عرس فخم وضخم ولكن صمتت فى سبيل الوصول سريعاً لمخدع سليمان فهى أصبحت لا تطيق الانتظار.
فقد اسرع سليمان من لهفته على جنه باتمام كل شئ سريعاً لذا حكم بأنه وكى يسمح بزواج زياد ممن أراد الا يصنع عرس او اى ضجه وان يتم كل شئ بين عشية وضحاها وإلا فلن يتزوجها.. فوافق زياد سريعاً وايضا تهانى.
مازالت تقف امام مرأتها تضع احمر الشفاه بكل كبر وغرور ومن خلفها بسمله وجنه.
بسمله بابتسامه مجامله :مبروك يا تهاني.. قمر يا حبيبتى ماشاء الله.
تهانى بغرور:طبعا قمر... مش قولتلك كل الى عايزاه هيتم وهبقى من هوانم بيت الظالم.
نطرت لجنه تربط على كتفها بكبر :اتجدعنى بقا يا جنه وانا هبقى اتوسطلك تشتغلى اى شغلانه عند زياد بيه جوزى.
قالت جملتها الاخيره وخرجت من الغرفه نهائياً جاهله جهل شديد بان صاحب ووريث كل امبراطورية الظاهر يتمنى لتلك التى اهانتها وقللت منها الرضا كى ترضا.
ولو طلبت تلك الشركه بموظفيها سيفعل ربما تحنو عليه.
خصوصا فى ظل صمت جنه والذى اوصاه به والدها فهو لا يريد فضائح.
اقتربت بسمله من جنه تقول بحنان:ماتزعليش ياجنه.. وسيبك منها الله يسهلها... والله انا ماجبنى النهاردة غير العشره لكن أصلا زكريا محرج عليا اكلمها تانى.
كانت تهانى لم تغادر بعد واستمعت لكل شيء.. لكنها استمرت فى الخروج لهم.
لا تهتم سوى بأموال الظاهر وأنها أخيراً أصبحت قريبه من سليمان.
لا تعلم أن قلب سليمان بل أنفاسه أصبحت تحت رحمة الفتاه الوحيده التى عشقها... جنه.
الفصل السابع
جلس بسيارته يدندن إحدى الاغانى الرائجه باستمتاع شديد.
نظر فى ساعته يرى أنها تأخرت كثيرا.
وأخيراً تهلل وجهه لا إرادياً وهو يجدها تخرج من سنتر الدروس الخاص بها.
ولكن امتعض وجهه مجددا وهو يرى احد الصبيا يقترب منها يناديها :جنة... جنة.
غلى الدم بعروقه.. معها يتحول كل شئ ويصبح شخص متهور ومتناقض.
اندفع من سيارته يترجل منها ويسير سريعاً حتى توقف امامهما.
سرعته كانت بمعدل سرعة حديثهما فقد تقدم منها وهو يسمعها تجيب عليه بعدما استدارت تلبى نداءه:نعم.
ابتسم لها شاكرا وهو يمد يده لها بأحد الأقلام :اتفضلى القلم بتاعك شكراً جدا.
توقف يحول بينهما وهو على وشك ارتكاب جريمة ووضعها خلف ظهره يسأل بحده :هو إيه الى بيحصل هنا بالظبط انا عايز افهم
قال الاخيره وهو يقبض على مقدمه ملابس ذلك الشاب فجعله ينفعل جدا ويجيب بانفعال:ايه ده ايه ده فى ايه انت مين وازاى تمد إيدك عليا كده.
اقترب من وجهه يجيب بحده اكبر والغيره تنهش قلبه كأسد ضارى:انا جوزها يا ***امك.
صدم الصبى وفتح فمه يزيد الأمر سوء وهو يتحدث باستنكار :جوزها ازاى جنه مش متجوزه ومن سننا يعنى لسه صغيره ثم إنك كبير اوى.
التهبت عيناه يندلع منها الشرر وهو يجده يتكئ على نقاط ضعفه بقوه.
فما كان منه سوى ان سدد له لكمه قويه اخرسته.. رد فعل لا يدل على قوته أبدا إنما يدل على عجزه وقلة حيلته لذا لجأ للعنف خصوصا وهو يدرك وقوفها بينهما تستمع لما يقال.
وهى كانت تقف تستمع لما يقال باستمتاع وشماته.. اصبح لديها متعه كبيره بذله.. وازدادت اكثر بعدما فعله مع والدها.. فقد قدم لبيته كى يأخذ ابنته عنوه.. كسره وقام بذله.
منذ ذلك اليوم وهى تجد متعه كبيره بذله... بل تتفن كى ترى عذابه.
بعدما لكم الصبى حذبها من معصمها خلفه كى يتجه للسياره لكنه عاد خطوه للوراء ينذره قائلاً بوعيد:لو قربت منها تانى هنهيك انتى فاهم.
عاود التحرك مجددا وهو يجرها خلفه جرا وهى تسير غير مباليه سعيدة لما يحدث معه.
كان يقود وهو يغلى من الغضب والغيره علاوه على شعوره بالنقص... وانه اكبر منها بكثير.
شئ لا يمكن إصلاحه... لابيعه ولا شراءه بالمال.
تحدث بعصبيه شديدة تنم عن كم الغيره بداخله :انا عايز اعرف مين ده ويقف يكلمك بتاع ايه.
رفعت حاجب واحد تبتسم وتنظر من النافذه للجهه الأخرى.
فزاد صوته حده يسأل :ردى عليا انا بكلمك.
نظرت له ولم تكلف حتى نفسها بأن تخفى ابتسامتها الشامته تجيب عليه بتلذذ :زميلى ومعايا فى السنتر...نسى قلمه.. اديته واحد... فيها ايه دى... انا شايفه ان مافيهاش اى حاجه.
نظر لها يضرب مقود السياره يفرغ به غضبه وغيرته :فيها كتير... فيها انك لازم تراعى ان فى واحد ميت فيكى.. وانك بقيتى بتاعته ومش بيستحمل حد ييجى جنبك ولا يكلمك انتى سامعه.
اشاحت وجهها عنه تقول :انا الى اقرر انا بتاعتك ولا لأ او انى بتاعت حد ولا لأ... فكرك عشان انا اصغر منك يبقى خلاص لأ مش بالسن وانا لا بتاعتك ولا هبقى بتاعت غيرك... انا جنه وهفضل جنه مش بتاعت حد انا بتاعت نفسى واهلى وبس... اهلى هااا... اهلى الى انت هنتهم وذليتهم بحاجه هما مالهمش ذنب فيها.. واهلى بردو هما اهل منطقتى الى انت ذاللهم ومطلع روحهم فى الشغل والى بيتعب بترميه... لا تكون مفكرنى مش عارفة حاجة... انا اعرف عنك حقايق تخليني ماطقش ابص فى وشك مش بس ارفض ابقى بتاعتك.
توقف بالسياره يقول :ياااه.. كل ده فى قلبك ليا.. بتقابلي كل حبى ده بالكره.
جنه:والله دى الحقيقة انا لأ غشيتك ولا ضحكت عليك وانت الى مصمم تكمل.. احنا لسه فيها ممكن ماترضاش بكل ده على نفسك وتوقف كل حاجه.
نظر لها بعمق ثم قال :انا عايزك يبقى هاخدك... ومافيش واحده تشوف سليمان الظاهر وماتتمناش تبقى جنبه... وكل الى قولتيه ده فيا ومش هنكره.. بس كل واحد بيشوفها بطريقته انتى شايفه انى ذليت اهلك وانا شايف انى كنت بضغط عليهم عشان اوصلك بعد ما كل الطرق الوديه اتقفلت فى وشى منهم وده عشان بحبك وانا صعب احب حد... وبردو انتى شايفه انى برمى العمال بس انا واحد مشغل ناس.. الناس دى تعبت انا مال اهلى انا عايز شغلى يمشى... يروح يتعالج ويرجع انا مش فاتحها مستشفى الدمرداش .. هبقى عايز امشيه واجيب غيرو يمشى الشغل المتعطل ده... وبردو شايفه انى راضى على نفسى الى بتعمليه عشان انا ناوى اخليكى تحبينى وتبقى هتتجننى عليا زى مانا هتجنن عليكى كده.... انا عمرى ماهسيب عمرى يضيع فى حالة حب من طرف واحد وبما انى مافيش واحدة خلتنى احبها زيك كده يبقى مافيش حل غير إنك هتحبينى وانا عارف هعرف اعمل كده ازاى بس نتجوز بس.
كانت تستمع له بتركيز تنظر بعمق وعلى جانب شفتها ابتسامة ساخره ثم قالت :احبك؟! ههه ضحكتنى والله... انت عارف فى الكام جمله الى فاتوا قولت كام انا؟
نظر لها باستغراب شديد فأجابت هى:اكتر من ١١مره... ماشاءالله.. ال انا عندك مالهاش حدود.
صمت يحاول فهم قصدها يسأل :مش فاهم عايزه توصلى لأيه؟
جنه:تفتكر حد زيك وشخصيتك دى الى انت رافض تماما أنها تتغير هيتحب.. انت غير قابل للتغيير حتى وكمية انا رهيبه عندك.
نظر لهل وابتسم... كأنه يرى بها جانب آخر.
مد يده وجذبها له يحتضنها قائلاً :تعرفى ان حتى الجدال معاكى حلو.
خرجت من احضانه تنظر له باستغراب فقال :ايوه ماتستغربيش... عارفه انا اول ماشوفتك عجبتينى... بت قمر كده ومقلوظه وملفوفه... وش طفله بجسم ست.. لمضه لماضه تخطف كده.. بس مع الوقت وكل مانتقابل بشوف فيكى حاجة جديدة والنهارده اكتشفت ان عندك عقل تقيل وانا بحترم جدا الشخص الى كده خصوصا لما تبقى واحدة تحسى ان ليها طعم كده.
اعجبها حديثه عنها... أرضى جزء ما بداخلها.. فمهما كان... الأنثى تعشق المدح و الغزل.
لكنها اشاحت بوجهها عنه تقول بكبر وهى ترفع انفها:ماجبتش جديد... لأنى كده فعلاً.. عسل.
ضحك بصخب وحب عليها يضمها له مجددا وهى تحاول الإبتعاد عن احضانه.
مسح على شعراتها يقول بحنان :طب يالا ننزل.
نظرت حولها تدرك انها فى وسط جدالها معه لم تسأله عن وجهتهم ولما توقفا هنا أمام ذلك المبنى الضخم.
جنه:انزل فين احنا بنعمل ايه هنا واصلا انت جيتلى ليه عند السنتر.
ابتسم يمسح باصبعه على وجنتها الرقيقه قائلاً :جيت عشان اخد مراتى الصغنونه ونجيب فستان الفرح.
هزت رأسها تحاول الاستيعاب مردده:لأ ثانيه بس... مرات مين انا مش مرات حد.
عاود غرس يده بشعرها يكمل بتلذذ وقشعريره:انتى مراتى ياحبيبتي مش انا قولتلك انى قررت.
جنه باستياء واستنكار:ماشاءالله... وفستان ايه ده كمان؟
سليمان :هيكون فستان إيه... فستان فرحنا ياروحى... يالا بينا ننزل.
فتح الباب سريعا يستدير ناحيتها يفتح لها الباب سريعاً وهو سعيد للغايه.
دلف بها لذلك السوق الضخم يضمها له بتملك رهيب يملى عليها قواعده:اختارى كل الى يعجبك وعينك تقع عليه... فلوسى كلها تحت امرك بس تختارى فستان كويس ومناسب مش عايز حاجه تبان منك اوكى.
جنه :اوكى.
صعق كليا... مصدوم حقا من رضوخها ورضاها... بل حتى نبرة صوتها وهى تجيب عليه بالموافقه كانت هادئه وراضيه... لاول مره يستمع منها لتلك النبره الهادئه وكأنهم زوجين يتفقون على امر ما بمنزلهم... دائما كانت نبرتها معه هجوميه وحاده واخرهم منذ قليل.. ترى مالذى بها.
بل الاغرب هو انها ذهبت معه لكل المحال التجاريه بذلك المول... تنتقى معه بهدوء فستان زفاف يعجبها.
هناك بعينها لمعه جعلته يحلق فوق السماء... مجرد لمعة عين دونما اى حديث يذكر منها فعلت به كل هذا.. تبا لها وللشئ المسمى بالعشق.
فهو الآن لا يمكن وصف شعوره... سعيد سعيد سعيد.
فقط ينظر لها بانبهار فرح لأنها وأخيراً منٌت عليه.. يتمنى لو تظل هكذا.
وقفت فجأه تجذب يده بالحاح قائله وهى تتشبث به وتقفز كطفله صغيره مع والدها تشترى الباربى.. فقد تمسكت بقميصه تقول بانبهار وهى تنظر لاحد الفساتين المعروضه :الله... هو ده... هو ده الفستان الى بحلم بيه.. انا عايزه ده.
مصعوق من تصرفاتها معه... وكأنه فى اجمل ايام حياته وهو يجدها أخيراً تتعامل معه بأريحية وتقبل... تطلق العنان لشخصيتها الحقيقة... لتجعله اسعد رجل على الارض يتمنى لو يقف الزمن والعمر هنا طويلاً.
تعالت دقات قلبه يبتلع لعابه وهو ينظر لها يتأمل كل انش بوجهها الجميل ثم يضع احدى خصلات شعرها خلف اذنها ويقول بتخبط من كثرة تزاحم المشاعر التى اشعرته بها بحركتها البسيطه تلك:حاضر... هو خلاص بقى بتاعك.
جنه :بجد.. طب تعالى اقيسه.
جذبته من يده سريعا وهو منقاد خلفها يفعل ما تريد وقلبه يتراقص فرح وغبطه.
فتحت باب غرفة القياس وخرجت منه بعدما ارتدت الفستان جعلته يفتح فمه بانبهار.
وأخيراً جنه بفستان ابيض ترتديه له... مظهرها هكذا خطف لبه وقلبه.
جعله يتقدم منها يضع كفيه على وجنتيها ينظر لكل جزء بها بانبهار مردد:تجننى.
ضحكت بفرحه وهى تدور حول نفسها بالفستان قائله:انا عارفه... حلو عليا صح؟
هز رأسه... لسانه عاجز عن الحديث.. واى حديث هذا الذى سيوٌفيها حقها.
اى حديث بالاساس سيصف فرحته برضاها عنه وتعاملها الودى معه.. تتحدث معه وتجيب.. وليس الغضب والنفور.
وحينما يعجز الوصف يلجأ للفعل... اقترب منها واخذها باحضانه يخبرها دون اى حديث عن مدى حبه وعشقه لها وكم هو سعيد اليوم بطريقتها معه.
اظطر لاخراجها من حضنه وهو يستمع لصوت إحدى العاملات من خلفه تردد:بسم الله ماشاء الله.. ربنا يخليكوا لبعض.
سليمان :يارب.
ابتسمت الفتاه لجنه تمازحها :ماشاءالله شكله بيحبك اووى.. عنده حق انتى تبارك الله قمر.
ابتسمت جنه بخجل تقول:شكراً.
الفتاه :طب ايه عجبك ولا تحبى تجربى حاجة تانيه.
قطع سليمان الحديث وحسم الأمر :لأ.. هناخد ده خلاص.
الفتاه :تمام... مبروك عليكوا.
ذهبت مع جنه تساعدها بخلع الفستان.
بينما ذهب هو كى يدفع الثمن... وكانت هى قد انتهت من كل شئ وخرجت لتصعق وهى تستمع لسعر الفستان وتجد سليمان يخرج بطاقته الائتمانيه يدفع باعتياد فقالت :لأ استنى... ده غالى اووى.
ابتسم لها سليمان يقرص وجنتها ودفع الثمن واخد الفستان وهو يضمها له قائلاً :مافيش حاجة تغلى عليكى يا روحى... انتى حبيبة سليمان الظاهر يعنى كل ده مش حاجة اصلاً.
نظرت له لثانيه وصمتت.. وهو رأى بعينها انعكاسات كثيره وتضارب أفكار.
فجأه دق هاتفها لتشهق قائله :ياخبر... ده بابا.
كان سيتحدث لكنها لم تعطيه اى فرصه وفتحت الهاتف تخبره أين هى.
اغلقت الهاتف معه بعد محاولة طمئنته وارضاءه لتقول :مش خلصنا.. يالا نروح بقا.
لا يريد للوقت ان يمر او ينقضى..
سليمان :ازاى احنا جبنا الفستان بس... شوفى عايزه تجيبى ايه تانى... عايزك تشترى كل اىى نفسك فيه بس اشوف الفرحه والرضا دول فى عيونك.
استدارت تقف امامه تواجهه قائله :مش فلوسك الى هتخيلنى ارضى وافرح انا مش كلبة فلوس ولا التغيير ده عشان اتفجعت وعايزه اشترى كل حاجه لأ انت مش فاهم حاجة... كل الحكايه انى اول مره هلبس الفستان الأبيض وممكن تكون آخر مره ودى الحاجه الى بتحلم بيها كل بنت فحبيت انسى كل حاجه و كل الظروف.. كل الذل الى انت ذاله لينا واخرج من اى قيود وافرح وافرّح نفسى لأنى مش عارفة ايه الى جاى ولا انا داخله على ايه وممكن مافرحش تانى خالص.. فحبيت افرح نفسى... فهمت.
اغمض عينه لثواني ثم نظر لها قائلاً :فهمت.. بس عايز اقولك حاجه.
اقترب منها اكثر يخبرها بهوس:انتى فعلا آخر مره هتلبسى فيها الفستان الابيض يا جنه...والى جاى كله فى إيدك... بصى وشوفى انا بحبك اد ايه وانتى هتعرفى.
جنه:حبك هينتهى بمجرد ما تملكنى وابقى فى ايدك.
هز رأسه بأسى يردد:اتمنى.
__________________________________
فى باريس... وبناء على رغبة ودلال السيدة تهانى سافر بها إياد لتمضية شهر عسل كامل فقد طلبت منه الذهاب لباريس كى تقم بالتسوق هناك.
جلست فى احد المطاعم المشهوره هناك بعدما تعبت من التبضع وقررت تناول الطعام والراحه قليلاً كى تستطيع مواصلة التسوق.
تتذكر بعد سهو منها ان زياد معها وأنها تريد التدلل عليه كى يقم بترقيتها كمديره.
تركت الشوكه من يدها تتحسس كف يده فابتسم لها قائلاً بحنان كبير:مبسوطه يا حبيبتي؟
تهانى :اوى اوى يا روحى... بس.. قطعت حديثها تتصنع الحزن ليسأل هو بلهفه وطيبه:إيه يا حبيبتي مالك.
تهانى :شكلك نسيت توتو حبيبتك.
زياد :وانا اقدر..إيه الى طلبتيه ونسيتوا.
تهاني :عايزه ابقى مديره زى ما وعدتنى.
ابتسم لها بحب وحنان لا تستحقه وقال:اول ما نرجع هتبقى مديرة الكول سنتر في فرع سته أكتوبر.
تحدثت سريعاً كمن لدغها عقرب تقول :لأ لأ.. انا عايزه ابقى فى الفرع الرئيسى.
زياد بجهل شديد :ليه بس ياحبيبتى... المفروض تبقى معايا فى الفرع اللي انا فيه لكن الفرع الرئيسي انتى عارفه... خالى سليمان هو المسؤول عنه وهو مدير كل مديرين الأقسام اللى هناك.
اخذت تردد فى ذهنها بوله :ماهو ده المطلوب ابقى معاه... امال انا عماله اشترى كل اللبس ده ليه... ما عشان البسهولوا.
خرجت من أحلامها القذره سريعاً على صوت فرقعة اصابعه بعدما لاحظ شرودها يقول :ايه يا توتو سرحتى فى ايه؟
تهانى :هااا.. معاك معاك... كنت بتقول ايه؟
زياد :كنت بقولك بلاش الفرع الرئيسي.. خالى سليمان تقريباً كل يومين نافخهم اجتماعات واوامر.. الشغل معاه هيكون صعب.
تصبغت كالحرباء تقول بمكر:ماهو ده المطلوب...انا عايزه ابقى هناك عشان يعرف اني جد فى شغلى وعايزه اعمل حاجة مش طمعانه فيك.. وكمان ماتنساش انا بقالى كتير فى الفرع ده وعارفه كل حاجه وكل الموظفين يعنى مش لسه هتعلم.. وبعدين انت عارف ان المدير فى الفرع الرئيسي حاجة والى فى اى فرع تانى حاجة تانيه اقل صح؟
زياد :صح ياحبيبتي... هعملك كده ماتقلقيش.
فى تلك اللحظه دق هاتفها يعلن عن اتصال من القاهره.
وقف زياد يقول :مين؟
تهانى :دى اكيد ماما.
ابتسم لها وقال :طيب سلميلى عليها... انا رايح الحمام.
بالفعل ذهب للمرحاض وهى فتحت الهاتف تجيب وجدت والدتها تقول :كل ده يا بنتى عشان تردى... جنه كلمتك امبارح فوق المتين مره.
كانت جنه تقف بجوار والدة تهانى واخذت منها الهاتف من شدة غيظها كى توبخها على اهمالها فسمعت حديثها البغيض تقول بتقزز واشمئزاز:ماما بقولك ايه انا مش عايزه اكلم البت دى...تلاقيها لما عرفت بالاملى الى بقيت فيها جايه تتمحك عايزه اى حسنه او وظيفه عند زياد وانا مش ناقصه جو شحاته وقرف قدام اهل جوزى.. والبت دى هتعرنى وتكسفنى بشحاتتها وجو التماحيك ده... انا مش عايزه اى حاجه تربطنا بالماضي بقا اول ما ارجع هطلب من زياد إنك تيجى تعيشى معايا ونقطع علاقتنا بقا بقرايبنا الشحاتين دول.
صدمت جنه.. بل بكت.. بكت بعجز ومهانه.. لم تشعر يوم بما اشعرتها به هذه الحقيره.
كسرت خاطرها...تحدثت بصعوبه من بين دموعها وشقهاتها بصدمه :انا شحاته يا تهانى.. انا بتمحك فيكى عشان شغل ولا خدمه انا.
قلبت تهانى عينها بملل تقول :اووووه.. هو انتى الى رديتى... عايزه ايه اخلصى... واه بقولك من اولها بس عشان توفرى شغل الرخص ده... قرايب جوزى معندهمش عرسان تانى عشان عارفه انا جو الشحاته ده ها.. انا كل شهر هبقى اشوفك بحاجه ولا بلبس من عندى بس فى المقابل تختفوا من حياتى نهائى سامعه انا مش ناقصه وانتى وامك وابوكى تعروا بلد اصلاً.
لم تستطع... لم تتحمل... إهانه خلف إهانه... كلام صعب.. صعب على اى شخص تحمله خصوصا مع نبرة تهانى المتعاليه والمشمئزه
تركت الهاتف سريعا وغادرت تبكى بحرقه.
لتتلقف منها والدة تهانى الهاتف تقول :بت.. شحاته ايه الى بتقولى عليها... منك لله البت مشيت معيطه... حرام عليكى دى هى الى بتشقر عليا وبتدينى الدوا... تقومى تكسرى بخاطرها كده... اتقى حتى الله ده يمهل ولا يٌهمل.
تهانى :ماما... سيبك منها خالص.. وانا هجيبلك واحدة ت.... قاطعتها والدتها بحرقه وغضب:مش عايزه منك حاجة. .. مش عايزه حاجه... هقول ايه.. ماقدرش ادعى عليكى بس هقولك ربنا يهديكي... ربنا يهديكى قبل فوات الأوان ده كله الا كسر الخواطر.. كله الا كسر الخواطر يابنتى.
اغلقت الهاتف بوجهها تبكى على مدى الألم والانكسار الذى رأته بوجه تلك الفتاه الطيبه.
اما تهانى فاغلقت الهاتف بملل تكمل طعامها وهى تشعر بمدى اشتياقها لسليمان وانه يكفى سفر بعيدا.
فى نفس الوقت عاد زياد من المرحاض وورده اتصال من القاهره فقال لتهاني :ده خالى سليمان.
تهلل وجهها وتعالت دقات قلبها وهو فتح الخط ليقول سليمان ببرود :اهلا اهلا بعريسنا.
ابتسم زياد بحب :اهلا بالباشا.
سليمان :هممم.. مش كفايه كده بقا ونرجع نشوف مصالحنا وشغلنا.
زياد :كفايه ايه بس ياباشا ده احنا يادوب عشر ايام فى باريس.
سليمان بسخريه:يازيدو ياحبيبى ده انت معاك تهانى... يعنى كبيرها اسبوع و فى جمصا مش باريس.
زياد:طب ليه كده بس... ده انا عريس.
سليمان :عريس ايه بس انتو هتعيشوا ده انت داخل عليها من قبلها بكتير وبعدين هو الحق بقى يزعل دى تهانى يعنى هو ده تمامها اسبوع وفى جمصا.
صوت سماعات الهاتف كانت عاليه فاستمعت لكل شئ وهى تتميز غيظا...لكنها لم تنتطق.
ولكن بالفعل وبناء على رغبتها أيضا عادوا للقاهره ومع بداية يوم جديد ذهبت للعمل كمديره فى الفرع الرئيسي مع سليمان الذى وافق على رغبة زياد مؤقتاً كونه غير راغب بأى نقاش الآن هو فقط منشغل بتحضيرات عرسه على جنته.
علمت جنه بعودة تهانى وأنها تعمل فى نفس المكان مع سليمان.
ارتدت فستان من اللون الوردى الهادئ وجمعت شعرها بضفيره فرنسيه تعشقها وتعلم انها تكن بغاية الروعه عليها مع وجهها الطفولي المستدير.
ارتدت حذاء رياضي ابيض مع حقيبه مناسبه واتجهت تتبع جوجل ماب حيث مقر شركات الظاهر. حتى وصلت لهدفها المنشود.
ولأنه الله.. الحق العدل.. خدمتها الظروف بطريقه غير عاديه.
فقد كانت تهانى فى اجتماع مع سليمان هى وكل رؤساء الأقسام تنظر له بوله شديد تتحين اى التفاته منه.
وبالخارج لم تكن السكرتيرة موجوده فقد طلب منها سيدها الإنضمام لهم للمساعدة ببعض التدوينات.
لذا دلفت جنه للداخل بعدما سألت اكثر من موظف عن مكتبه وارشدوها رغم دهشتهم واستغرابهم.
ذهبت وهى على درايه بمدى هوسه وعشقه لها وماذا سيفعل لو رآها الأن وعنده بمكتبه تقسم ان تجعله يمر بها من امام تهانى كى تثأر لنفسها.
ولكنها ليست مضطره فتهانى سترى كل شئ الآن.
فقد فتحت جنه الباب تدلف منه بكل ثقه وسليمان يستعد كى يعنف من دخل هكذا فجأة دون استئذان.
ليصدم ويتهلل وجهه وتتغير معه كل تعابير وجهه للنقيض يقف عن مقعده بسرعه ويذهب بخطوات سريعه إليها يحتضنها له لا يصدق انها جاءت له بمكتبه.
اخذها باحضانه يشير بكبر وامر للبقيه ان ينصرفوا الآن ففعلوا.
إلا تهانى المتيبسه صدمه... هل هذه هى جنه ابنة عمها محمود وهل هى التى انتفض لها سليمان بكل تلك اللهفه وهو من بادر بجنون يضمها لاحضانه... ومن اين يعرفها.
وكيف تجروء على الاقتراب منه واخذ تلك المكانه والمكان الذى تريده و تحلم به هى لليالى وفعلت من اجله الكثير.
ادرك سليمان وهو مازال يضم جنته له ان تلك النكره لم تغادر بعد وتنظر لهم بدقه.
حدثها بنبره لاذعه وآمره وهو مازال يحتضن جنه بجنون:انتى لسه هنا... يالا برااا.
جاهدت للخروج من صدمتها تقول :إيه الى جاب جنه هنا وتعرفها منين وازاى تاخدها فى حضنك كده.
وقفت بغل تنوى نزعها من حضنه وهمت لتهجم عليها لكن سليمان صرخ بها بنبره مفزعه:قولت اطلعى بررره... انتى غبيه... وايه انتى هتقربى منها ولا ايه انتى اتجننتى فى مخك هتقربى من ستك... امشى اطلعى برااا.
تصنمت بموضعها اكثر وهو يقول هذا فنهرها مجددا باحتقار :قولت برااا ايه اترشطى... يالا بلاش قرف... برااااا.
خرجت من عنده بخطوات ضائعة.. مجنونه كأن كل جدران العالم تنهار وتسقط فوق رأسها.
وقررت حرق كل شئ ستذهب لعمها كى توشى بجنه ليبعدها عن طريق سليمان ويبقى لها.
وأيضاً كى تشمت وتتشفى به فلطالما عنفها واخبرها انها غير مؤدبه ولم تتربى جيدا وانه غير راضى عن كل أفعالها.. إذا جاء يومها وليذهب ليربى ابنته اولا.
اتجهت لبيت عمها مباشرة.. وهى من ذهبت له بعدما كان يتحين الفرصه لمعاقبتها.
فتح لها مازن الصغير وهى اخذت تصيح وتهلل باعين متبجحه وكأن حقها رد لها اخيرا وجاء يومها:تعالى... تعالى يا عمى يالى كنت فالح بس قارفنى فى الداخله والخارجه مش عاجبك تربيتى وبتقول عيارى فلت...تعالى شوف بنتك الأول وبعدها ابقى اتكلم.
خرجت داليا من المطبخ سريعا وبداخلها نار كبيره من تلك التى كانت السبب لما يحدث مع ابنتها تقول بغضب:قطع لسانك يا.... قاطعها محمود الذى خرج من غرفته يقول :ادخلى المطبخ انتى يا داليا.
وقف وابتسم نصف ابتسامة لتهانى التى تناظره باعين قويه واسعه تملأها الشماته.
ولكن تغيرت ملامحها وهى تجده يفكك حزام بنطاله ويذهب لباب الشقه يغلقه ويستدير لها وهو يثنى الحزام بيده وعينه كلها وعيد لتربيتها من جديد وهى تسأل بخوف ماذا هناك...
الفصل الثامن
اجتمع الجيران يدقون الباب وهم يستمعون لصوت صراخ أحدهم.
والتى لم تكن غير تلك البومه تهانى.. بومه خربت مستقبل ابنته بل حياتها كلها وجلبت لهم العار.
صمت عليها كثيرا وهى كانت دائمة التبجح ولكن للصبر حدود.. وصمته لم يكن الا مراعاة لمرض ارملة اخيه يعلم علم اليقين انها لن تستطيع التحمل ما ان تعلم.
ولكن هى من قدمت اليه اليوم بقدميها وهو يشكر الظروف لذلك.
مع كل صرخه منها تستفزه اكثر وتذكره بالمعاناه التى ستعانيها صغيرته بسبب عهرها وقلة حياها.
يضربها بكل ما اوتى من قوه.. كل غله من ذلك المتجبر الظالم أخرجه عليها عنف وسحق.
فقد سحق عظمها بالمعنى الحرفى... اصبح جسدها كما يقال فى المثل الشعبى الشهير'' عضم فى قفه "
علاوه على تلك الكدمات بذراعيها وقدماها واخرى على جانب فمها.
انتهى بعدما خارت قواه رغم صحته العفيه ينظر لها وهو يلهث أنفاسه متسارعه.
وهى ترتجف بألم لكنها مازلت تنظر له بغل من شدة الألم غير قادره حتى على الحديث.
بصق عليها وبعدها ركلها بقدمه مرددا :حتة كلبه زيك ماتربتش اجبرتني اوافق على جوازة بنتى من ابن الكلب ده وانا عينى مكسوره... بعد ما كنت رافض وانا رافع عينى فى عينه الند بالند... خرسنى... خرسنى بيكى وبفضيحتك.
نست الألم الناجم عن ضرب مبرح واتسعت عينيها بصدمة العمر تدرك وتربط الخيوط ببعض.
لا تصدق حتى.. فهل فعل سليمان كل هذا فقط كى يقترب من تلك البغيضه.. وهو من كان يركض خلفها يتمنى الرضا.
تتلقى أعظم صدمه بعمرها تفسر كل ما رأته في مكتبه ومحمود يكمل:كسرتى رقبتي.. مسكنى من ايدى الى بتوجعنى... خلانى ماليش عين اتكلم... انا ضحيت ببنتى عشان استرك... غصب عنى وعن اهلى انتى لحمى... لحمى اللى اخويا سابهولى... الحمد لله انه مات ولا كان يعيش يوم فى العار الى حسيت بيه... امشى اطلعى برااا من هنا ورايح انا ماليش بنات آخ.
هجم عليها يجرها يمسح بجسدها ارضيه المكان ثم فتح الباب وسط تجمع الجيران يلقيها كالحثاله ويغلق الباب.
وقف الجميع يتطلعون لها بصمت دون اى نظرة اشفاق او غطف خصوصا و أنها بالاساس فتاه متكبره عليهم من صغرها تتعامل مع كل اهل المنطقه على أنعم رعاع وأنها مجبره على العيش وسطهم ودائما ماكانت تمنع وتحرج على والدتها من التعامل معهم... وكونهم على علم بخصال محمود الطيبه فبالتأكيد قد فعلت شئ كارثى جعلته يخرج عن شعوره ويبرحها ضربا هكذا.
تركوها ملقا ارضا وتحرك كل منهم الى شقته يغلق الباب بوجهها لتجد نفسها ممزقة الثياب من شدة ضربات "حزام" محمود والتى كانت كالسوط او شد قسوه فمزقت ثيابها... جسدها كله كدمات حمراء من ركلات عمها العنيفه فلا يوجد اشد مرارة من عار الشرف.
لم تسطيع النهوض على قدميها.. فضطرت للزحف على الارض بتدنى كأنها حشره.
ظلت تزحف وتزحف وهى تتمسك بجدران السلم حتى هبطت لآخر الدرج تخرج هاتفها كى تتصل بزياد.
لتدرك ان عمها ألقاها خارج الشقه وبقيت حقيبتها الثمينه بمتعلقاتها بالداخل.
ثوانى ووجدت أحدهم يلقى حقيبتها من فوق.. نظرت لاعلى لترى بتشوش داليا زوجة عمها وهى تقذفها بها ثم تبصك عليها هى الأخرى وتختفى داخل شقتها.
صكت أسنانها بغل تتوعد لهم ثم اضطرت للزحف بجسدها المنهك كى تصل لحقيبتها.
سبه نابيه خرجت من بين أسنانها وهى تفتح حقيبة يدها وتجد هاتفها كسر لاكثر من قطعه وتوقف عن العمل.
لتوقن انها اصبحت حبيسه هنا ولن تستطيع الوصول لزياد... متأكده ان ولا شخص هنا سيبادر ويساعدها.
زحفت مره اخرى تستند على احد الجدران تنتظر كى تسعفها قدميها قليلاً وتستطيع السير حتى توقف اى سياره أجره.
____________________________
اما في الشركه عند سليمان وبعدما خرج الجميع و وبخ تهانى.
خرجت من احضانه تبتسم براحه ونصر... ليبتسم سليمان بعدما قرأ معالم وجهها التى يعشقها بوضوح يسأل :إيه؟ تمت المهمه بنجاح؟!
اتسعت عينيها ثم حاولت كبت ابتسامتها تعطيه ظهرها وهى تردد :إيه الى بتقولو ده؟
استدار كى يقف أمامها هو يرفع ذقنها بيده كى تنظر لعينه غامزا بعبث:إيه الى بقولو ده؟! على بابا بردو؟!
تحدثت سريعاً تخفى تلعثمها وهى تحاول مدارة كذبها :بابا إيه... انت مش بابا.
ابتسم بثقه يخبرها :لأ بابا اقولك بأمارة إيه؟
رفعت حاجب واحد تردد بعند كبير:إيه؟
سليمان بثقه منقطعة النظير:هقول بس لو طلع صح هتحلفى انى بابا.
جنة بثقه اكبر وقوه :ماشى.
رفع يده يمررها على وجنتها باستمتاع رهيب وهو يخبرها ببساطه :الحيزبونه الى اسمها تهانى دى كانت مضيقاكى اوى اوى يعني فجيتى النهاردة تحطى عليها.. صح ولا لأ؟
كانت تستمع له باعين وفم مفتوحين تردد بزهول :عرفت منين؟!
سليمان بسخريه وتحسر :من كتر ما انتى بتموتى فيا ياروحى... ماهو مافيش اى داعى او سبب يخليكى تتنازلى وتجيلى هنا.. بلص... ان اصلاً وانتى داخله عينك مش عليا لأ عليها.. عينك كانت على هدفك يا حبيبتي... هممم... ابقى بابا ولا مش بابا؟
كانت تنصت له بزهول وكيف حلل الأمر بدقه... فطوال الطريق وهى تبحث عن سبب لقدومها لعنده وتتحجج به... هذا الرجل غير هين على الإطلاق.
مظهرها وهى متسعه العين فاتحه فمها بزهول جعلها ذات جمال خاص وساحر أجبره على أن يبتسم بحب ويقترب منها يقبل وجنتها وهو يغمض عينه باستمتاع كون شفته على وجنتها وانفه مشبعه برائحتها الخفيفه تتغلغل داخل حنايا صدره تفصله عن الزمان والمكان.
لتحرمه هى تلك اللذه وهى تحاول أن تبعده عنها بعدما استفاقت على ما يفعله.
ليقاوم يدها ومازال قريب من وجهها وهى تعنفه:ماتلم نفسك ابعد عنى.
سليمان :مش هبعد غير لما تنفذى الشرط الى عليكى.
جنه:الى هو؟
سليمان:تعترفى انى بابا.
جنه بعند :لأ.
سليمان بتلاعب راقص لها حاجبيه:خلاص خلينى كده.
صرخت فى وجهه تعترف:خلاااص.. انت بابا.. اوعى بقا.
ابتعد عنها يبتسم قائلاً :يالا بينا.
جنه:على فين؟
سليمان :هنتغدى برا.
كتفت ذراعيها ترفض مردده:لا طبعا مافيش الكلام ده.
سليمان :اخدتى غرضك منى يعنى وهترمينى؟
حاولت مداراة ضحكتها أثر مظهره وهو يتقمص الشخصيه تدير وجهها قائله:ايوه.. ماخلاص تمت المهمه بنجاح.
ابتسم وصدره ينشرح بسعادة.. وأخيراً بدأت الاخذ والرد معه بشخصيتها الحقيقه دون الرفض والكره اللذان لم يذق غيرهما منها.
يدعو الله لو تظل هكذا كثيراً... فلا حلم له غير قرب محبب منها... ان تتقبله ولو قليلاً.
بادر هو بجذب يدها له يسحبها خلفه بحماس قائلاً :لأ هتيجى معايا.. يالا بينا.
تحركت خلفه وهو لا يترك لها اى مجال للرفض.
فخرج من المكتب وهو يسحبها كطفله يخشى عليها من الضياع وسط الزحام.
هى أيضا كانت تشعر بذلك... خصوصا بعدما قدمت لشركته لأول مرة.. عالم جديد وغريب عليها... ولكن الشعور الأكثر هو أن هذا العالم كبير عليها... الشعور الاعظم كان الضييااع.
وربما هذا ما جعلها تنصاع لحديثه سامحه له بأن يسحبها خلفه وهو يمسك على يدها بقوه.
خرج بها حتى وصلا للمصعد الذى وصل بهم للطابق الأول.
فانطلق منه وهو مازال يمسك يدها حتى اوقفه احد الموظفين قائلاً :سليمان بيه سليمان بيه.
كان مازال مستمر للسير كى يصل للسياره وهى معه مما اضطر الرجل ان يتحدث وهو يساير خطواته وبيده ملف ما قائلاً :موضوع مهم يا باشا.
وقف على مضض يضعها خلف ظهره يسأل بملل:هممم؟
تحدث الرجل وهو يلهث :ياباشا دى ليسته بمجموعه عمال فى مصنع العاشر وكلهم مش بيحضروا كتير وأيام كتير متغيبين عن العمل.
سليمان بوجهه الذى لم يريه لجنه حتى الآن :هو انت غبى... هى التفاصيل الصغيره دى من اختصاصى انا؟! حد قالك عليا شغال ريس عمال؟
ابتلع الرجل رمقه بصعوبه يقول بخضوع:العفو ياباشا العفو.. وانا عمرى ما كنت هوصلك الموضوع إلا إذا كانت الحكاية كبرت اووى... تقريباً تلت اربع العمال بالوضع ده.. وكله من زيادة عدد ساعات العمل وقلة الجوده وحتى مش بياخدوا اوڤر تايم على الساعات الزياده الى بيشتغلوها دى... الكيماويات الى شغالين وسطها ليل ونهار أثرت على صدرهم وجابتلهم المرض.
كانت تقف خلفه مصدومه.. على علم بكونه ظالم.. ولا احد يحبه... ولكن... ان تستمع لبعض التفاصيل باذنها كان بمثابة الصدمه الكبرى.
خصوصا وهى تؤمن بالمثل القائل "وما خفي كان اعظم"
لم يسعها التوقيت تتلقى الصدمه الأولى وتستوعبها حتى قذفت فى وجهها الصدمه الاكبر.
وجه الظالم على حق.
فقد تحدث بفظاظه يقول :وانا مال اهلى... هو انا هوجع دماغى كمان بالى تعب والى عيى... مايغوروا فى ستين داهيه.
ليسأل الرجل بحيره :ولما يغوروا مين يشغل المصنع.
ارتفع صوت سليمان بعصبيه شديدة يصرخ به :هو انت غبى مابتفهمش.
بهت وجه الرجل خصوصا وهو يكبر سليمان فى السن بأكثر من عشرة سنوات.
ليكمل سليمان بحده مهينه:الى يتعب يترمى برا وييجى من الصبح اتنين مكانه وبنفس المرتب كمان... انت سامع مش عايز الشغل يقف ثانيه.
تحدث الرجل ببهوت:ايوه يا باشا بس...قاطعه سليمان بعصبيه :مابسش نفذ الى قولته.. المفروض اصلاً كنت تتصرف كده على طول من غير ما تقعد كل ده معطل الشغل.. انت عارف اليوم الى بيعدى من غير شغل ده بيكلفنى كام؟
ليتحدث الرجل ببعض النخوه:ايوه يا باشا بس دول عمال على باب الله شغالين عندك من زمن الزمن وتعبوا من ضغط وجو الشغل يعنى انت ملزم بعلاجهم ده غير ان كل واحد فيهم فاتح بيت وفى رقبته كوم لحم حياتهم كلهم قايمه على المرتب الى بياخدوا منك.
تقدم ذلك الظالم خطوه يسأل وهو ينظر له نظره شموليه:انت اسمك ايه؟
الرجل :حسنى ياباشا.
سليمان بلا تردد ودون اى يرمش له جفن:انت مرفود يا حسنى.
ضرب على كتفه عدة مرات بطريقه مهينه يأمره:حالا تروح تسلم عهدتك وتخلص ميزانيتك... الى زيك ماينفعش فى الشغل معايا.
تحرك يترك الرجل وكأنه لم يقطع عيش أحدهم بل اسره بأكملها اليوم.
وكل ما فعله لم يمنعه بأنه مازال يرغب بتمضية يوم رائع يقطر حب ورومانسيه مع الوحيده التى اسرته وعشقها
ليرغم على التوقف عن السير وهو يشعر بتيبس جسدها وان قدميها تخشبان على الأرض.
استدار يسأل وهو حقا لا يعلم ماذا بها.. بالطبع فكل ما فعله الآن لهو اقل من العادى بالنسبة لشخصيته الظالمه.
فسألها بجديه لا تخلو من اللهفه:مالك يا حبيبتي؟!
كانت كل خلاياها تنتفض بتقزز ونفور.. كل شئ بادى بوضوح على وجهها.
تحدثت بصدق كبير :انت ماتستحقش فعلاً غير الكره.
شعر بتوقف العالم وانسحاب الدم من جسده... فطريقتها بالحديث وخصوصا عيناها كانت اكبر واشد قسوه وقوه من كلمتها تلك.
ليردد ببهوت وقلب متعب:الكره يا جنه؟!
جنه:حتى الكره بس شويه عليك...انا بكره اليوم الى جمعنى بحد زيك وخلاني اعرف ان فى بنى ادمين كده فى الدنيا وكمان تخليني مجبره انى اتعامل معاك... لأ والاسوء انك جابرني اكمل عمرى معاك.
تركته تغادر سريعاً معلنه اشمئزازها ونفورها منه و اللذان لن يفارقاها ابدا طوال عمرها معه حتى لو استطاع ارغامها على تمضية حياتها معه.
ظلت تركض وهو ركض خلفها ولكنها ولحسن حظها استطاعت إيقاف إحدى سيارات الأجرة.
لتصعد بها سريعا وتطلب من السائق ان ينطلق سريعاً.
وهو عاد سريعاً يصعد لسيارته يقودها خلف تلك السياره التى تقلها.
طوال الطريق وهو خلفها ولم يستطيع وسط زحام العاصمه قطع الطريق وايقافها.
لتصل لبيتها وهو يتوقف بسيارته يترجل منها بعصييه شديدة يناديها وهى لا تجيب.
فى نفس الوقت الذى واخيرا استطاعت تهانى الوقوف على قدميها تجر جسدها جرا للخارج لتصدم بجنه المندفعه للداخل دون سابق إنذار.
مما جعل جسدها يرتد للخلف على أثر التصادم ويختل توازنه فتقع على الارض مجدداً وهى تسب وتلعن تلك الجنة.
اما جنه ولأول مره من شدة غضبها واشمئزازها تفعل ذلك مع أحدهم ولكنها فعلت.
فقد توقفت لثانيه امامها قبلما تصعد السلم وبصقت عليها بنفور مما جعل تهانى تناظرها باعين مغتاظه ومتوعده.
حاولت النهوض مجددا والخروج من البيت لتفقد توازنها مره اخرى وتقع ارضا على أثر اصطدامها بجسد اشد صلابه وقوه وهو سليمان المندفع بلا هواده خلف جنته.
كان سيصعد الدرج خلفها ولكن توقف على صوت زكريا والذى لاحظ كل شئ وهو يقف امام مطعم المعلم سلطان فحضر سريعاً ليرى ماذا هناك.
زكريا:خير يا كبير فى ايه؟
سليمان بعنجهيه لكزه فى صدره :بس يا حبيبي.
اتسعت أعين زكريا يدرك مدى الاهانه يردد بهدوء ما قبل العاصفه :حبيبك.... تعالى بقا اوريك زكريا لما يحب.
قبض على قميصه وخرج به وسط الحاره يهم بضربه لولا تدخل سلطان قائلاً :جرى ايه يا زيكااااا... هدى دنيتك فى ايه الراجل مهما كان ضيف فى حتتنا.
زكريا :ده رجل هزوؤ يا معلم وعايز الى يربيه
سليمان بحده وهو يبعد يد زكريا عن قميصه:تربى مين يالا... اصحى كده وفوقلى بدل ما اوريك مين سليمان الظاهر على حق.
زكريا لسلطان :شايف يا معلمى.
تدخل سلطان بتروى يحسد عليه:بردو عييب.. عييب يا زكريا... ده ضيف عندنا... حتى لو كان هوزوء وابن و***.
كبت المتجمهرين حولهم ضحكاتهم وكذلك زكريا ليصرخ سليمان غاضبا:لااا ده انتو سوقتوا فيها اووى و محتاجين تتربوا.
سلطان بتعصب وهو يشمر عن ساعده الغليظ:يا أهلا بالمعااارك.
هم كل طرف منهم بالاشتباك مع الاخر لولا تدخل محمود من نافذة بيته بعدما خرج على أثر الشجار يقول :خلاص يا معلم... عندى انا دى.
سلطان وهو يزيل يده من على سليمان:يكرم لأجل عيونك يا ابو جنه.
محمود :تشكر... ماهو ده العشم بردو.
بعدها وجه انظاره لسليمان يقول :اظن كفايه اوى كده ولحد اما الموضوع يتم مش عايز شوشره حوالين بيتى لأن ده اصلاً الى مخلينى اوافق على طلبك.
فصمت سليمان يدرك أن محمود رضخ وسيزوجه جنة تجنبا للفضائح وهو من يفتعلها بنفسه الآن... كذلك تيقن ان قوة سلطان وزكريا لا تقل عنه شئ.
ليعدل عن فكرة الدخول معهم فى عراك وهو يهندم ملابسه يبتسم :انا كمان بقول بلاها خناق.
لينظر لاعلى حيث محمود ويكمل باستفزاز:اصلى كلها يومين وابقى عريس جديد ومش عايز اى خدش كده ولا كده فى وشى.
غادر بخطى واثقه وثابته امام الكل ليصل سيارته ويجد تهانى قد وصلت إليها وجلست بها بهيئتها المزريه تلك.
فتحدث بفظاظه شديده :انتى بتعملى ايه هنا يا روح امك.. انتى هتستهبلى انزلى حالا مش ناقصه رخص على المسا.
تحدثت بهدوء ترغب بجذب عطفه :عمى ضربنى... بهدلنى...عضمى كله كسرو.
سليمان :تسلم ايده والله... بيفهم...مش عارف ليه اصلا سابك عايشه بس تقريبا هو من الناس بتاعت قتل النفس حرام وبتاع مش عارف ازاى شايفك نفس.. ده انتى تهانى يعنى.
تحدثت تثير شفقته:هتفضل كده مش شايفنى ابدا؟
سليمان بنفى قاطع :لأ خالص مين قالك كده.. مانا شايفك اهو.. برص.
تهانى :ايه؟؟!!
سليمان بنفاذ صبر:برص... وكده كارمك كمان... يلا اتزفتى انزلى اخدتى وقت اكتر من اللازم.
بهت وجهها من اهاناته المتتاليه ليكمل عليها بوعيد:ابعدى عن جنه يا توتو احسنلك.. انا شايف انك تتلهى اليومين دول بمنصب المديره الجديد ده عشان انا اول ما اخلص موضوعي مع جنتى هفوقلك ومش هتفضلى فيه كتير وعلى فكره.
ابتسم بشماته يضحك:البونيه الى على خدك هتاكل من وشك حته... يالا... يالا انزلى ما تتنحيش انزلى.
فتح الباب بقوه والقاها بلا اى اهتمام وتحرك لتبقى هى فى وسط الشارع امام الماره والكل يضحك عليها.
وصلت بيت الظالم وهى تتوعد له لتدخل البيت ويستقبلها زياد بصدمه ولهفه:ايه ده.... مالك يا روحى.
لم يتحرك أحدهم من اجلها... فنهله لم تتقبلها يوما وغاده ترى أنها دون المستوى.. وفريال والدة زوجها من الأساس مرغمه على هذه الزيجه.
كذلك شوكت والذى كلما رآها يخبرها صراحة انها عار على عائلته العريقه.
لتقرر التنفيس عن نفسها قليلاً وهى تبكى باحضانه:عمى.. عمى محمود ضربنى.
لم تجد اى رد فعل منهم سوى زياد... لتكمل بغل وهى تتصنع البكاء :وكل ده عشان روحت اقوله بلاش يوافق على جواز بنته من سليمان بيه.
وقعت الجمله على الجميع كالصدمه واولهم نهله التى وقفت تسأل تهانى ببهوت:إيه الى بتقوليه ده؟!!!
تهانى وهى تتصنع البراءه :زى ما قولتلك والله.
لتتحدث غاده متسائله:الكلام ده بجد يا اونكل.
فريال:رد يابابا.. ومالك كده مش متفاجئ وكأنك كنت عارف.
شوكت :ايوه طبعا مافيش اى حاجه ممكن تحصل بدون علمى.
تأكيد شوكت كان بمثابة القشة التى قضمت ظهر البعير لنهله فركضت لغرفتها مقهوره باكيه...
الفصل التاسع
وقفت امام مرأتها تتمعن النظر لانعكاس صورتها بصمت قاتل تسأل.
من تلك التى ترى صورتها فى المرأه؟ أهى نهله؟ تلك الفتاه المفعمه بالحيويه والنشاط عقلها يضج من كثرة وتزاحم الأفكار التى تود ترجمتها لصوره حيه على ارض الواقع؟!
أهى نفسها نهله التى كانت لا تجد ساعات كافيه للنوم بسبب انشغالها بأشياء تفعلها وأمور اخرى تود فعلها... نهله الاتربى والتى كانت تحلم بالوصول للعالميه... ان تصبح قدوه لكل فتيات جيلها وللأجيال الأخرى من بعدها... حلم حياتها أن تصبح مصدر الهام ومثال يحتذى به فى النشاط والنجاح.. حتى عندما قدمت على لقب ملكه جمال مصر فعلت فقط باعتبارها خطوه كى تصل بها للناس.. ان توسع قاعدة معارفها وثقافتها وأيضاً اعتبرتها تحدى جديد وخطوه جيده لذا سعت وقدمت وبالفعل فازت باللقب.
ابتسمت بمراره تدقق النظر وهى تتحسر فاللتى أمامها ماهى الا مسخ.. سيده ملونه... تمثال... حولها سليمان لقطعه تحفه انتيك يزين بها منزله.
طوال الوقت وهى تعلم لما تزوجها لم يعشقها ولم تعشقه هو تزوجها لأنها ملكة جمال مصر... فمن تليق بأن تصبح زوجة لابن الظاهر غير ملكة جمال الكل يحكى ويتحاكى عنها.
وهى تزوجته لأنه شاب جيد مقبول الهيئه ثرى جدا مناسب لعمرها... قوى الشخصيه. حلم فتيات كثيره.. دائما ما كانت تستمع لاخباره... ظنت انه بالعشره سيتحول التفاهم بينهم لحب وعشره لذيذه.
ولكن.... لم يحدث... لم تجد اى شئ بينهما يمكن ان يتفقا عليه... منعت بأمر من شوكت الظاهر شخصيا عن معظم نشاطاطها لانه مقتنع اقتناع شديد ان كل من يفعلن ذلك يفعلنه من أجل السعى وراء المال ونساء بيت الظالم ملكات.
ممنوع ممنوع.... و أموال اغدقت بها حتى تحولت لما هى عليه الآن... ثلاثون عام بدون اى انجاز يذكر.
وبالنهايه تزوج عليها... جلست على المقعد خلفها لا تلوم الا نفسها.. سليمان لم يخطئ وحده... لقد ساهمت معه بكل شئ.
لا تعلم هل هى تشعر بالغيره حتى ام لا
حتى اجابة هذا السؤال البديهى لم تستطع إيجاد اجابه حازمه ودقيقه له.
بكت بندم... ترى كيف دارت بها الايام وفات عمر كامل.... ثلاث سنوات حولتها من فتاه مثال للنشاط والعقل النير الى فتاه حقا مثيره للشفقه رغم رصيدها البنكى.
ثلاث سنوات كان من الممكن فعل الكثير فيهم وتحقيق العديد والعديد من الانجازات كرفقاتها.
تمددت على فراشها ومن كثرة البكاء غفت.
_________________________________
يقف فى مكتبه غير مستقر او مرتاح.. يحمل هاتفه بيده وهو يقف تاره عند النافذه وتاره أخرى عند المكتب يحاول منذ فترة طويلة مهاتفتها وهى لا تجيب.
اخذ نفس عمييق يحاول كبت غضبه الناجم عن اشتياقه.... تبا لليوم الذى رأها فيه لتفعل به كل هذا ولا تبالى.
هو حتى لا يعرف ان كان سعيد لانه عرفها ام لا... ولكنه الآن متعب.. مشغول البال... يتعذب ببطئ قاتل.
قبلما يعرفها كان مرتاح... يمتلك العالم كله... لا يشتاق لأحد ولا يتلهف على احد.
سعادته بيده وليست بيد شخص آخر... يعجب الجميع وهو لا يهتم... أكم من نساء يوددن مقابلته او تجمعهم اى مناسبه وهو؟!
هو أصبح اسير فتاه تحب كل الناس إلا هو.. تعشق الحياه الزرع الشجر وكل دابه تسير على الارض إلا هو.
لم يعد يتحمل او يطيق... استنفذت كل طاقته.
ثار وأصبح عصبى للغايه... عصبى اكثر من اى وقت مضى بسببها.
بعصبيه شديدة وغضب فتح هاتفه واتصل على والدها الذى فتح الخط بعد فتره يقول ببغض:افندم.
اغمض سليمان عينه من تلك الاسره التى تكرهه بهذه الطريقه... طريقة الحديث لا تعجبه.. لا تليق به ولا بمقامه الرفيع.. لم يسمح لاحد عمره كله ان يحدثه بهذه الطريقة...بالأساس لم يذق للرفض او الاهانه طعم الا منذ عرفها.
لكنه لن يتحملهم كثيرا وان كان يستحملها لأنه يعشقها لكنه ابدا لن يتحمل أحد غيرها.
فتحدث بغضب ونفاذ صبر من بين أسنانه :عايز احدد يوم لكتب الكتاب والفرح.
محمود باقتضاب:مش دلوقتي.
سليمان بردود سريعه لأنه فقد صبره حقا :امتى؟
محمود بتسويف:ربنا يسهل.
سليمان وهو يشيح بيده بعصبيه:لا ماهو ربنا يسهل دى حبالها طويله وانا راجل خلقه ضيق... انا نفذت اتفاقى معاك وجوزت بنت اخوك الى كان مستحيل تدخل عيلة الظاهر ابدا... انت بقا فين اتفاقك معايا... وخلى بالك قبل اى رد منك...حكم عقلك كويس واعرف انى ممكن انفذ تهديدى خالص... انا اصلاً ممكن اخدها بمعرفتى واتجوزها مش هفضل كتير مستنى جنابك.
ليتحدث محمود بثقه:ومعاملتش كده ليه ووفرت كل ده على نفسك... لولا إنك عارف ان بنتى متربيه واستحاله تعملها وترضى تتجوزك بدون علم ونوافقة اهلها... مش كل الناس تهانى يا ابن الظاهر.
سليمان بهدوء خطر :عندك حق... عندك حق جدا بس..
صمت يثير أعصاب محدثه واكمل بهدها بتهديد هادئ:انت عارف انهم مسمينى الظالم... آخر ما هزهق هاخدها غصب... مش بس غصب عنك تؤ تؤ تؤ لأ... ده غصب عنها هى شخصيا... مانا مش ملاك بجناحات انا سليمان الظالم... لأ وممكن ساعتها يكون من غير جواز... فامتختبروش صبرى كتير... لانه اصلاً نفد... النهاردة التلات فرحى على بنتك الجمعه وده آخر كلام عندى لاني صبرت عليكوا كتير وانا اصلاً مش كده.
ليغلق الهاتف بوجهه بعدما انتهى من إلقاء أوامره وقراراته.
يغمض عينه يتنتظر.... بات على علم ببعض الجوانب من شخصيتها ويتوقع القليل من رودود الأفعال... وجنه ستحادثه بعصبيه بعد دقائق من الان.
مرت دقائق ليبتسم بثقه وهو يراها تتصل به.
ليقرر التلاعب بها قليلاً بعدما فعلت معه تركها تتصل وتعيد الاتصال عدة مرات الى ان فتح الهاتق ذات مره و اول ما استمع لصوتها وهى تتحدث بعصبيه قائله :انت فاكر نفسك إيه... هى حصلت بتهدد بابا.
رغماً عنع اخذ نفس عميق لرجل غارق بالعشق حد الثماله وقال :وطى صوتك وانتى بتكلمينى.
اتسعت عينها من التناقض بين صوته المتيم بها وحديثه الأمر بحسم.
واكمل بهدوء وهو يتلاعب بالقلم فى يده :وحشتينى.
اصبحت قاب كوسين او أدنى من الجنون.. متناقض ورهيب.
رددت ببلاهه :انت برج الجوزاء مش كده.
ابتسم يجيب بتلاعب:لأ اسد يابت.
جنه:إيه بت دى ماتتحرم نفسك.
سليمان بتسليه وسعادة :لما تكلمى الى اكبر منك تتكلمى بأدب يا ارنوبتى
هزت رأسها بتيه... كلما تحدثت اليه يدخلها فى متاهته... متاهه خاصه به.
حاولت الخروج منها والعوده لسبب اتصالها به تعيد السؤال من جديد:بقولك ايه ماتتهونيش... انا عايزه اعرف ازاى تعمل الى عملته ده.
ابتسم عليها يقول :ولسه هتوهك اكتر واكتر... قولتهالك قبل كده...انتى الى ابتديتى.. هتوهينى.
اخذ نفس اكثر عمق وتحدث بتلاعب كبييير:هتوهك.
لم يدع لها فرصه فى الحديث إنما قال :فرحنا خلاص يوم الجمعه... لازم اخلص حاجات كتير ورايا عشان عايز اخد اجازه كبيره وافضالك فا.... قاطعت سيل قراراته قائله :بعد اذن السيادة بس هزعج معاليك... حبيت افكرك فى وسط القرارت العظيمه الى بتاخدها يعنى انى عندى امتحانات ده لو مش هيضايق جنابك.
ابتسم يعتدل بقعده يستريح ويعود بظهره للخلف متكئا باستمتاع.
اى حديث منها جميل ويسعده حتى لو كانت تجادله... يعجبه بها ان حتى الجدال معها ذو طعم.. كأنه يحتوى على بهارات حاره جعله مختلف.
لكنه جاوب بغطرسه:مش مهم الامتحانات دلوقتي.
جنه :لأ ماتقولش... هتأجل الثانويه العامه؟!! ولا هتلغيها!!
سليمان :واثقه فى قدراتى اوى كده
جنه :مانت الظالم بقا.
سليمان :بحب ظالم دى منك اوى.
جنه :لا مانت ساعتها مش هتبقى ظالم بقا انت هتلغى الثانويه العامه.. يعنى نص الشعب هيبات يدعيلك.
سليمان :همممم... هفكر فيها دى... اخلى نص الشعب يدعيلى بما فيهم البنات يمكن تغيرى.
جنه :شوف انا بتكلم فى ايه وهو بيتكلم في ايه.
سليمان :اسمعى الكلام يا ارنوبتى مش عايزك تفكرى فى اى حاجه غير فرحنا وشهر العسل وبس... اه صحيح.. تحبى تقضى شهر العسل فين.
فاض الكيل بها وردت بحده وغضب :طب اسمع بقا... انا من يوم ماعرفتك وانا سكتالك وعماله اعدى اعدى بس لحد مستقبلى واستوب.. بكافيه اوى ان نصه اتدمر بجوازى منك كمان... كمان عايز تدمر النص التانى وتضيع مستقبلى... اسمع لما اقولك... قاطعها بهدوء وبرود حقا مستفز :ششششش.... مش عايز اسمع اى كلام دلوقتي... انا عريس وفرحى كمان يومين ومش ناوى اتخانق دلوقتي... اتصلى بيا كمان شويه يمكن يكون جالى مزاج للخناق.
أعطاها قبله فى الهاتف ثم أغلق الخط دون اى مقدمات.
يبتسم باتساع وهو مغمض عينه براحه ومازال متكئ بظهره للخلف يعلم علم اليقين انها تدبدب فى الأرض غيظا الآن...حسنا ليتعذبها معه قليلا فهى تفعل به الكثير منذ رأها.
___________________
استيقظت نهله من نومها تدرك انها غفت وهى تبكى.
لتعتدل فى جلستها كى ترى الساعه و تصادف بأن ترى انعكاس وجهها على شاشه الهاتف المعتمه لتقف دقيقه صمت.
صمت تام تسأل ماهذا.... ما هذا الوضع و الأهم الى ماذا ستصل بل اين تريد الوصول.
هيئه مزريه ببشره شاحبه مع هالات سوداء حول العين... فحتى بريك عينها انطفئ.
اغمضت عينها طويلاً تفكر بل تبحث.... تبحث عن مستقبل... عن احلام ومخططات ستصل لها على المدى القريب او حتى البعيد.
فتحت عينها على كارثه... هى بلا مستقبل بلا خطط.
ماذا ستفعل وماهى ردت فعلها على زواج زوجها... هل سترضى بالأمر الواقع ام ترفض.
وان رفضت هل سيفرق الأمر مع سليمان الظالم...بالتاكيد لا وهى تعمله جيدا.. لقب ظالم لم يأتى من فراغ ابدا.
ابتسمت بتهكم... هل كانت مغيبه.. هل حياة البزخ والطرف اعمت عينها عن أفعاله وغلاظة قلبه... لم تحاول يوما تغييره وهى تعلم بظلمه وجبروته.
كانت من اسره ميسورة الحال الى حد كبير ولكن عائلة الظاهر غير... هم فقط يسبحون فى بحار من المال... طرف وبزخ لدرجه مبالغ بها جدا.
لدرجه جعلت نهله الاتربى ذات العقل الذهبى النير تغفل وتلتهى بكل ذلك وتنسى ان تعمل على حالها وتطورها.
الان فقط ادركت انها لابد وان تبدأ من الصفر مجددا ولكن... هذه المره ستستغل نفوذ سليمان... لا ضرر من ذلك فقد اضاع الكثير من أحلامها... بالاساس اى زوجه تستغل نفوذ زوجها... ستفعل ما أجلته لسنوات.
انتفضت بقوه من على الفراش وذهبت للمرحاض تأخذ دش سريع ثم خرجت وتأنقت بثياب عصريه وحملت حقيبتها وخرجت تغادر القصر.
لكنها تقابلت مع غاده التى وقفت تنظر لها بشماته قائله :رايحه فين يا ملكة جمال مصر... مش فى فبيتنا فرح ولازم نستعدله... لازم توجبى مع جوزك فى فرحه بردو.
نظرت لها بصمت تام مقره انها معها كل الحق... تدرك انها حتى كان معها كل الحق طوال السنوات التى مرت وهى تختلق اى مشكله معها لتسخر منها... غاده محقه كل الحق قماذا فعلت هى بذكاءها او جمالها.
تخطتها مغادره تترك لها المكان كله وقد قررت الا تهدر طاقتها فى الجدال او الاخذ والرد... بالاساس الطاقه التى تملكها محدوده لذا قررت توجيهها كلها ناحيه مخططات جديدة.
مخططات ستخلقها هى من العدم فقد قررت انقاذ ما يمكن انقاذه.
__________________________
خرجت جنه من مركز الدروس بحزن شديد لما كتب عليها.
لم تقف حتى مع رفقاتها كالعادة إنما تجاوزتهم مغادره.
لكنها توقفت باعين متسعه على صوت تعرفه جيدا يناديها :جنه.
استدارت تنظر أرضا... كأنها خانته لا تقوى على رفع عينها به.
ليقترب منها حتى وقف امامها قائلا :ماتبصيلى... مش عارفه ترفعى عينك فيا ليه؟
حاولت الحديث وهى مازالت تنظر أرضا :كريم انا...
قاطعها يسأل :انتى صحيح هتتجوزى؟!
اغمضت عينها بألم ليسأل مجددا بوجع:هتتجوزى بجد يا جنه...وهتتجوزى مين!! سليمان الظاهر... انتى ازاى كده!!
اتسعت عينها تنظر له مصدومه ليكمل بغباء شديد :اتاريه جه يوم الإفتتاح وكان متعصب عشان واقف بكلمك.. كل ده وانا مش فاهم... كنتى راسمه على كبير اوى كده يا جنه؟! وانا الى.... قاطعته بانفعال تفرغ به كل غضبها بما يحدث :انت؟! انت إيه ها.. انت إيه؟! ها قولى... انت جيت مره تقولى ولا تصرحلى بأى حاجة ده انا الى كنت بختلق اى عذر عشان اشوفك... ولا ويوم ما جه وضربك كنت فين من كل ده ها... ده انت كنت فى ايده زى البطيخه الى شايلها موظف وهو راجع من شغله... طب بلاش هقول فرق أجسام مع ان الرجوله تقول ان يكون ليك اى رد فعل... تعمل اى منظر حتى على الاقل قدامى.. بس ماشى.. قولى انت بقا بعدها عملت إيه هممم؟! لسه اصلاً فاكر تسأل... مش مصدقاك... لا بجد مش مصدقاك.. وبعد كلللل ده جاى تتهمنى انى كنت بشاغله وبرسم عليه... طب تصدق هو يستاهل على الاقل عايز حاجه وبيدافع عنها لحد ما وصلها... لكن انت... عايش على الحجج والاعذار والاتهامات.. جاى تتهمنى بتهمه زى دى... بدل ما تسأل نفسك ايه الى جبرنا على كده... لوى دراعنا بأيه... بس عارف.. خليك كده... تستحق إنك تفهم كده.
حاول الحديث بعدما صدمته بحديثها الصحيح مئه بالمئه يوقفها :جنه... استنى... ايه اللي حصل ويعنى ايه لوى دراعكوا.
نظرت له بغضب وتحركت مغادره لا تنوى النظر خلفها وهو مازال يناديها وهى اغلقت الموضوع على الاقل بالنسبة لها تنوى نسيان شخص اسمه كريم.
__________________________
مرت ايام حتى جاء يوم العرس.
صنع عرس تاريخى.. تحضيرات هنا وهناك والكل منشغل.
فجلست تهانى التى لم تشفى جراحها بعد ترتدى فستان اسود كأنها تعلن حالة الحداد.
تهز قدميها وهى تتميز غيظا... كل هذه التحضيرات وهذا العرس الاسطورى الذى حلمت ان تحظى به جهز لأجل تلك الصغيره جنه... دقيقه اخرى وستصاب بالشلل.
لتتظر لاياد الجالس بجوارها وتقول بغل :كل ده ليه أن شاء الله.
إياد :بصراحة انا نفسى مستغرب.. ده حتى في جوازته الأولى ماعملش كده... وايه الفرحه الى هو فيها بقاله يومين ده... شكلها ايه الى عملت فيه كل ده؟
لتتسع أعينها وتحمر غضبا تقول :نعم؟
زياد بجديه شديدة :لأ بتكلم بجد والله...مين دى الى عملت فى خالى سليمان كل ده؟!
ليصمت تزامنا مع دخول العروسين ينظر بانبهار ناحية مقدمة القاعه بفكين مفتوحان بزهول... مثله مثل الجميع وقد خيم الانبهار عليهم ينظرون ناحية جنة الظالم.
وهى تتقدم معه مرغمه... مرغمه على حياه فرضت عليها ويحسدها الآخرين لذلك.
ترتدى فستان ابيض كأنه مصنوع لها باكمام مرصعه بحبات من الؤلؤ الصغير تضفى ضى على وجهها الطفولى الناعم.
ترفع شعرها البنى الكثيف لأعلى بتسريحه منمقه وبسيطه.
يحتضنها سليمان له يحاول اخفاءها ولكن نظرات الكل تخترقها.
ليردد زياد بلا وعى وهو مسحور :يانهار ابيض... له حق خالى يستقتل عليها.. دى جميله اووى.
فصرخت فيه تهانى بغل :ايه اللي بتقولو ده.
استدرك حاله سريعاً يستفيق قائلاً :اااا.. اتا بوصف الى شايفه مش اكتر ياحبيبتى.. انا عينى مش بتشوف غيرك وانتى عارفه.. بس بصى حواليكى كده... شوفى كل الناس مبهورين ومصدومين حتى الستات ياروحي.
بالفعل اخذت تدور بعينها على الجميع ترى انسحار بأعينهم المسلطه عليها لا تتزحزح.
ليزاد غليل قلبها اكثر ويزداد معها سعير نيران قلبها وهى ترى سليمان يقف فى المنتصف يضمها له يتمايل معها على انغام الموسيقى بتناغم واستمتاع.
لحظه حلمت بها هى وجاءت ابنة عمها تنزعها لنفسها وتحظى هى بسليمان حلم حياتها.
تقسم الا تتنازل عن حلم حياتها ولا بأى شئ حلمت به وفعلت لأجله الكثير.
اما سليمان
فالدنيا تدور من حوله والكل عينه مسلطه عليه وهو منعزل... منعزل عن العالم كله يضمها له أخيرا.
بداخله الشئ ونقيضه فقد رغب وأصر على صنع فرح كبير ليعلن زواجه منها وأنها خاصته وأيضا لم يعجبه نظرات الكل التى ستلتهمها.
فصغيرته جميله جمال ينعش الروح كأنها نسمة صيف لطيفه تجدد الروح والحياه.
يزداد فى ضمها له اكثر وهى لم تبدى للان اى اعتراض... تتناغم هى الاخرى على نغمات الموسيقى.
ليتذكر حديثها انها تريد ان تحيا اللحظه وتفرح بالعرس وفستان الزفاف كأى فتاه لا تريد أن تمثل دور الضحيه تقتنص فرحتها من الدنيا نزعا فيعجب بشخصيتها اكثر واكثر.
دقائق وصفق الحضور مع انتهاء رقصة العروسين الأولى.
ليصدم ويبتسم بفرحه وزهول وهو يفاجئ بها ترقص مع انغام موسيقى شعبيه اندلعت على الفور ورفقاتها من نفس عمرها التفوا حولها يتراقصن معها.
يتابعها بفرحه وزهول غير مصدق... سعيد جدا لاتسعه الدنيا.
حتى وجد احدى زميلاتها تجذبه كى ينضم لهم ويرقص مع جنه التى لم تمانع... بل ظلت تتراقص بمرح شديد وهو حقا طائر لا يستطيع الاستيعاب خصوصا وهى تتمايل عليه ترقص بحماس شديد بجمال لا يوصف وفستان سيأكل منها قطعه.
كل ذلك يتابعه اعداد كبيرة جدا من عائلة جنه وصفوة المجتمع ورجال الأعمال.
وشوكت الذى وقف ينظر بانبهار وفرحه لتلك الدرجه من السعاده التى ولأول مره يرى ابنه بها... لاول مره يراه يرقص.
وكذلك تهانى وقفت تراقب كل شئ بنار الغيره التى تأكل صاحبه ان لم تجد ما تأكله.
اما ماهر فوقف يتابع بغضب كل هذه النفقات والتكاليف التى صرفت على هذا العرس يحدث غاده الواقفه لجواره منبهره:كل دى مصاريف فى الارض كده بس عشان سليمان باشا يعمل فرح.
نظر لها وجدها تنظر بزهول لسليمان وهو يرقص بحماس وفرحه لم يسبق ورآه احد بها.
ليكمل بغضب :انا مش بكلمك... فى ايه
غاده :مصدومه يا ماهر... عمرنا ما شوفنا سليمان... سليمااااان يرقص كده ويبقى ولا شاب فى أولى جامعه.
ماهر:شكلها جننته.
لترفع عاده حاجب واحد تكمل بشماته:تفتكر نهله مختفيه فين... هموت واشوف شكلها ايه دلوقتي... تلاقيها مقضيها عياط.
لتختم حديثها بضحكات خبيثه شامته شاركها بها زوجها.
لا تعلم مايحدث بمكان آخر.
وان نهله تجلس آلان امام مدير إحدى القنوات بعدما صافحها بحماس شديد :اهلا اهلا مدام نهله.... القناه عندنا هتزيد نور بحد شاطر زيك.......
الفصل العاشر
بدأ الحفل ينتهى وهو لا يسعه العالم من الفرحه.
ومحمود قدماه لا تتطاوعانه على ان يذهب ويتركها هنا.
بكاء داليا يزيد همه اكثر وأكثر لتقترب منه جنه تربط على كتفه وهى تمسح بيدها الأخرى دموع والدتها:روح يا بابا... ماتقلقش عليا.
نظر لها بحزن وقال :مش عارف انا اتصرفت صح ولا غلط... وياترى هييجى عليكى يوم تكرهينى فيه وتحملينى الذنب ولا لأ.
نفت بقوه تقول :انت عملت الصح يا بابا... لو ماكنش خدنى بالزوق كام هياخدنى بالعافيه ودى الى ماكنتش هستحملها فعلاً اهو على الاقل اسمه اتجوزنى رسمى وبفرح.
نظرت تجاه تهانى وأكملت :خبطتين فى الراس توجع.
صمتت ثانيه تنظر ناحيته وهو يقف يقهقهه بسعادة كبيره مع احد اصدقاءه و اكملت بحزن شديد :ويظهر كده انه قدرى ومافيش مهرب منه.
حاولت الابتسام فى وجههم تقول:يالا خد ماما ومازن وروحوا... ماتقلقوش عليا انا هتعامل.
احتضنتها داليا بقوه لا تريد إخراجها من بين ضلوعها تردد باكيه:لو اقدر ادخلك جوا صدرى واقفل عليكى اخبيكى من الدنيا كلها... بس ما باليد حيله.
خرجت جنه من احضانها وقالت وهو تبتسم بدموع:حبيبتي يا ماما ماحدش بياخد غير نصيبوا.
نظرت لوالديها تقول وهى تمسح دموعها وتأخذ نفس عميق :بس خلونا نبص لنص الكوبايه المليان.. بصوا البيت عامل إزاى.. والفرح.. اتعملى فرح كبير وان شاء الله تكون العيشه هنا كويسه بردو... مش كده؟؟
كانت تتحدث وتسأل بنفس الوقت تريد أن يؤكد احدهم حديثها ليريح قلبها.
لتجيب امها بدموع :كده يا حبيبتي... كده... خلى بالك من نفسك.
اتسعت أعين داليا تزامنا مع صدور شهقه عاليه من جنه عندما شعرت بأحدهم يحملها على ذراعيه فى الهواء.
ولم يكن غير سليمان الذى ما عاد يطيق صبراً يقول ببجاحه شديدة :ماعلش بقا يا حمايا مش قادر امسك نفسى عن بنتك اكتر من كده.
محمود بتقزز:إن لم تستحى فصنع ماشئت.
سليمان بسعادة كبيرة :هصنع حاضر... عن إذنك بقا هطلع اصنع فوق.
انهى كلمته وهو يسير يطلق ضحكه عاليه سعيده ومتبجحه فى نفس الوقت غير مبالى بنظرات محمود ولا حتى الجميع او حتى اعتراض وحرج تلك التى يحملها بين يديه.
لكنه اجبر على الوقوف بعد سماعه صوت والده يناديه بحزم:سليمان.
لا يريد التوقف وماكان ليقف الا عندما تقدم شوكت يقف امامه يمنعه عن السير ينظر لتلك الصغيره بين يديه ثم له وقال :ايه الجنان الى بتعمله ده... بقا سليمان الظاهر يعمل كده... ايه قلة القيمه دى؟! ايه لحست عقلك خلاص!!
قلب سليمان عينه بملل وتخطى والده يزيد من ضم جنه له يقول وهو يصعد الدرج:الفرح مافيهوش ولا صحفى التصوير اتمنع يعنى براحتى... مافيش حاجة هتخرج برا.
ترك والده غير راضى ابدا ابدا عما يحدث واتجه يحملها الى غرفته الجديدة معها.
عينه لا تنظر للردهه امامه إنما مثبته عليها تتأمل ملامحها وصمتها واستكانتها بين ذراعيه.
دلف للغرفه يغلق الباب بقدمه يقول وهو مازال يحملها سعيد :ايه عجبك الحضن.
ابتسمت بثقه تجيب :لا عجبتنى الشيله... شكرا على التوصيله.
رفع حاجب واحد يبتسم باعجاب:حلوه.
ليكمل :وانا بحب اللعبه الحلوه.. وانتى كل حاجه فيكى يوم عن يوم بتعجبنى.. حتى الخلاف والردود.
نزلت عن ذراعيه تقول :شكرا.
نظر لها باعجاب شديد يقول :الفستان هياكل منك حته.. خليه ياكل حته وانا اكل الباقى.
نظرت له بجانب عينها بلا اهتمام لمزحته تراها سخيفه من شخص سخيف ودارت فى المكان تتأمله.
تجاوز عن عدم تجاوبها مع مزاحها وغزله يتودد لها اكثر وهو يسير خلفها حتى الصقها به تماما يحتضنها من ظهرها ويضع يديه على كتفيها يزيد من اعتصاره لها مضيفا:عجبتك الاوضه؟ انا الى اخترت كل حاجه فيها بنفسى حتى اصغر التفاصيل.. شوفي السرير مريح جدا مارضتش اجيب حاجه كلاسيك قولت اكيد بتحبى المودرن.. واللدريسنج روم كمان والكنب وجبتلك شيزلونج مريح وياخدنا احنا الاتنين على فكره.
قال الاخيره يغمز عابثا لتشيح بوجهها عنه ثم يكمل وهو يشير على الوان المفارش والحوائط :وكمان الفرش كله والحيطان عملتها تكنى كلار عشان تناسب سنك عارف السن ده بيحب الالوان الى زى كده.
ابتعدت عن احتضانه لها تتجاهله وهى تتأمل كل ما قاله تقول دون النظر له :والله كويس انك عارف انى صغيره.
صمتت تتوقف عن السير تنظر داخل عينه تقول بعناد كبير :وانك اكبر منى وفى فرق كبير مابينا.
ابتسم بثقه ياخذ نفس مرتاح يخبرها بثقه اكبر :ده انتى بس الى شايفه كده... لعلمك... انتى فيكى كتير منى.. حتى لو انتى نفسك انكرتى ده.. نفس المخ.. نفس الردود.. نفس القوه... ممكن انا فيا اختلاف بسيط عنك بس بردو نشبه لبعض كتير ويمكن ده سر انجذابى ليكى.
ابتسمت تثنى على حديثه الواثق بان اغمض عينها وقلبت شفتها لاسفل ثم قالت بسخريه:غريبه والله.
سليمان :ايه اللي غريب؟!
ضحكت باستهزاء تجيب:طلع عندك اراء ونظره فلسفيه... كنت فكراك عايش للأكل والتزاوج بس.
ابتسم باعجاب على حديثها وبنفس طريقتها بالضبط يغمض عينه باسما مع زم شفتيه على بعض.
صمت دقيقه ينظر لها ثم تحدث مبتسما يخبرها بنبره ساخره:التزاوووج؟!!
ظل ينظر لها بصمت مجدداً ثم أخبرها :انتى تعرفى ان انا ماليش اى علاقات كتيره كده؟
ضحكت غير مصدقه تشيح بوجهها للناحيه الأخرى.
فتقدم منها يكمل قائلاً مع كل خطوه:حقك ماتصدقيش.. مانا سليمان الى مسمينوا الظالم.. ماشى ماختلفناش بس انا نفسى مش حلوه... بمعنى اصح ماليش فى الرمرمه.
كان قد اقترب منها يميل عليها يود تقبيلها وهو يقول:مش اى حاجة تعجبنى.. وحتى الاعجاب درجات... بس مافيش ولا وحده قدرت توصل للى انتى وصلتيلوا.
انهى كلمته يهم بتقبيلها فابعدته تقول وهى ترفع حاجب واحد :انت هتعمل إيه يا نجم!!!
سليمان بابتسامة عابثه:هسلم على القمر عايزه فى موضوع مهم.
ابعدته اكثر تقول باصرار:انسى.
سليمان :انسى إيه بالظبط؟!
كتفت ذراعيها حول صدرها تقول:الى فى دماغك وناوى عليه.
مد يده وغرسها بشعراتها يقول :ده انتى الى تنسى يا روحى.
نظرت له باعين مهتزه تسأل :انسى إيه؟
ابتسم بثقه :الى بتحاول او فاكره انك هتقدرى تعمليه.. مش قولتك فيكى منى كتير ما صدقتيش.
صمت ينظر لها يشتت ثباتها عن عمد واكمل :فكرة انك توافقى تتجوزيني عشان تكسبى وقت وتهديدى بموضوع تهانى مايبقاش له لازمه ده انسيه تماما.
اتسعت عينها بزهول فكيف علم بما تفكر به.
لتزيد ابتسامته من رؤية زهولها وقال :مش هتعدى الليله دى إلا وانتى مدام سليمان الظاهر.. ولا خليها سليمان الظالم بحبها منك اكتر.
بقيت على صمتها تستوعب ليقترب منها يضمها له بتملك شديد ويكمل بما لا يوصف الا بالهوس:وياريت زى ما عملتى مع الفستان الفرح تحاولي تستمتعى بالشعور الجديد ده لأنك بردو مش هتجربيه فى حياتك كلها غير معايا انا وبس.
بقيت على صمتها وصدمتها ليكمل يحاول اللعب بافكارها يقنعها:مش هتندمى يا جنه.. انا بحبك اوى.. جربى تعيشى معايا بجد... مش يمكن تتقبلى الحياه دى... جربى.. لأن ماعندكيش اى اختيار.
اغمضت عينها وهى تشعر بشفيته تقتحم خصوصية جسدها تسأل او تتمنى أن يكون صادق وتعجبها الحياة معه فكما قال... هى لا خيار لها.
صباح يوم جديد
استيقظ يتمتأ بكسل وخمول يبتسم لا إرادياً.. نظر لجواره وجدها غافيه شعرها يغرق وسادتها ويخفى وجهها.
تعالت انفاسه يبتسن بحب وسعادة وهو يتذكرها كيف كانت ليلة امس تلك الصغيره الفاتنه.. وكيف استطاعت الاطاحه بعقله كليا بعد اكتشافه لها وأنها رائعه فى الأحوال والجوانب.
مد الخشنه يده يزيح شعراتها من على ملامحها الرقيقه التى عشقها.
يتنهد وهو يبتسم بهدوء وراحه فهو وأخيراً امتلكها... كأنه كان يعدو فى مراثون وبالامس فقط ربحه.
ظل يعبث بشعراتها بلا ملل حتى فتحت عينها بتشوش... ثانيه واخرى.. ثلاثة ثوانى حتى بدأت تستوعب... أين هى وماهو وضعها... خصوصاً وهى تشعر وترى يده على وجهها.
انتفضت جالسه تغطى جسدها كله بشرشف الفراش ترمش بأهدابها.
وهو تركها لثواني تستوعب يرفع يديه الاثنين علامة الاستسلام ثم قال :ها افتكرتى؟
هدأت انفاسها قليلاً وقد تذكرت وهو اكمل :ايوه.. إحنا اتجوزنا إمبارح.
رمشت بأهدابها مجددا ثم قالت بصوت مبحوح :صباح الخير.
ابتسم بسعادة كبيره لتقبلها للوضع الجديد وقال وهو لا تسعه الدنيا :صباح النور يا حبيبتي... نمتى كويس.
اماءت برأسها دون ان تتحدث فابتسم عليها يضمها لاحضانه قائلا بسعادة بالغه:تعالى ياروحى.
اعتصرها داخل احضانه وهى مازالت غير مرتاحه او معتاده عليه ثم قال :ثوانى وهطلبلك احلى فطار.
_______________________
جلس شوكت على طاولة الافطار يسأل بغضب:امال فين نهله.
نظر الكل لبعض بصمت لتبتسم غاده بشماته قائله :مش عارفين والله يا عمى... من امبارح مش باين لها أثر.. الصدمه يا حرام كانت كبيره... خايفه والله تكون عملت فى نفسها حاجة بفكر اقوم اروحلها اتطمن عليها.
لتصمت بصدمه وهى تستمع لذلك الصوت القوى يردد بتحدى:لا ماتتعبيش نفسك يا غاده ياحبيبتي... انا جايه برجليا.
اتسعت أعين غاده تتميز غيظا وهى ترى نهله تسير بزهو برأس مرفوع تنقر بكعب حذاءها على الأرض يقطع صمت المكان من رناته.
تنظر باعين الكل كأنها تقول "ياجبل مايهزك ريح"
تتقدم بخطوات متزنه... كأنها مخططه لكل خطوه... مخططه لما هو قادم ايضا... تقسم الا تظل ضحيه كثيرا... الى هنا وكفى.
كان الكل بلا استثناء مزهول من رد فعلها حتى شوكت نفسه.
وتهانى أيضا.. كانت تتابع كل شئ بترقب وزهول.. بالتأكيد لم تحب نهله يوما فهى كانت تقارن حالها بها دوما فى السابق حينما كانت زوجة سليمان وحدها.
اما الآن فقد جاءت تلك الحقيره جنة.. ابنة عمها الصغيره واخذته على الجاهز ودون اى عناء.
كذلك كانت فريال تتابع ما يحدث لجواره ماهر وابنيته وزياد أيضا... الكل مندهش من قوتها.
كل ذلك وشوكت يفكر... ترى بماذا تخطط فصمتها هذا لم يمرؤ عليه مرور الكرام.
لكنه يفضل الصمت وتهدئة الاجواء قليلاً لا يريد اى مشاكل او زوبعه يمكن ان تثار هذه الأيام... وأيضاً كى يهنئ ابنه بأول ايام عرسه.
جلست تشعر بانظار الكل تخترقها تعلم ما يدور بخلدهم لكن وكما قررت... فليذهبوا للجحيم جميعاً وأولهم ذلك الظالم... القادم لها. أيامها فى هذا المتحف معدوده...لكن كما فكرت.. لا بأس من الإستفادة من نفوذهم وسلطاتهم قليلاً.
تعلم علم اليقين انه لولا كونها من بيت الظاهر وزوجة سليمان نفسه ماكانت لتحظى بذلك العمل وبتلك السرعه.. حتى ولو كانت ملكة جمال.. لكنها سابقه... والمسابق دائما فى طى النسيان علاوه على كونها من أسرة متوسطه... لا تملك تلك القوه التى يمتلكها سليمان.
ابتلعت طعامها بصعوبه عقلها يردد جمله واحده "مر الكثير وما بقى غير القليل"
لتنفض يدها عن الطعام وتمسحها فى منديل السفره وتنهض قائله بلباقتها المعتاده :بالهنا والشفا... عن اذنكوا.
تحدث شوكت بهدوء يسأل :رايحه فين يابنتى.
جاوبت كاذبه :شوبنج.. شوبنج مع واحده صاحبتى.
شوكت:وجوزك عارف؟
ابتسمت تجيب بثقه واحب مرفوع :تفتكر هو فايقلى اصلاً يا عمى... سيبوا ماتشغلوش بيا هو دايما كان بيسبنى على راحتى وعمره ماخنق عليا... عن اذنكوا.
حياتهم بابتسامه سمجه وغادرت تردد بدخلها :ولاد كلكوا وتستاهلوا بعض... وانا لازم الحق انفد بجلدى.
غادرت تنوى تنفيذ كل ما خططت له وشوكت ينظر لاثرها بعدم رضا.
اما غاده فتحدثت بتهكم يخرج به مدى غلها وغيظها:ههاهه.. قال يعنى البت مش هاممها.. لابسه اخر شياكه وخارجه على سنجة عشره تعمل شوبنج.
لتبتسم فريال تكمل عليها قائله:ههههه.. بس هى فعلاً حلوه ودايما شيك مش النهاردة وبس يا غاده.
ليكبت الكل ضحكاته وهى تنظر لهم جميعا تشعر بالدونيه تدرك كم هى مكشوفه أمامهم تتجه عينها تجاه ماهر كأنها تتمنى اى رد فعل ينصفها ويرفع رأسها ولكن كما اعتادت عليه صامت ساكت بقلة حيله وعجز.
_____________________
دلفت نهله بجمالها الأخاذ واناقتها المعهوده داخل ذلك الصرح الكبير والذى لم يكن سوى القناه الفضائيه التى ستعمل بها مذيعه لبرنامج إجتماعى.
ابتسمت بكياسه وهو تتواجه مع مدير القناة يسلم عليها باحترام شديد وحبور:اهلا اهلا.. برافو من اولها مواعيدك مظبوطه... اتمنى تفضلى كده على طول.
نهله :ان شاء الله اكون عند حسن ظنك يا استاذه فؤاد
ابتسم لها بمجامله بعد ردها المقتضب يقول :ان شاء الله.. طيب.. النهاردة هنعمل تيست كاميرا.. وشويه ومدير التصوير يكون معاكى.. كمان هتقعدى مع معدين البرنامج... كل ده هيستمر لمدة شهر.. تمام ولا سليمان بيه هيمانع.
ابتسمت بتهكم تسأل هل لم يصل له للان خبر زواجه ام انه يستهزأ بها علنا وعن قصد.
نظرت له بضيق مع رفعة حاجب جعلته ينظر لها بريبه يسأل ترى ما بها وهى قالت بثقه لا يهمها شئ:لا مش هيمانع... عن اذنك اشوف الإعداد عشان ماضيعش وقت.
غادرت تسبه وتلعنه بسرها:بيتريق عليا بكل بجاحه ابن الكلب قال يعنى ماوصلوش الخبر وهو رئيس قناه اخبار... ماشى.. ماشى.
بينما هو ينظر عليها وهى تسير يردد بنفور:يخربيت تناكة اهلها.. تغور الحلاوه عشان كبرها ده.
لتمر ايام على الجميع
محمود وداليا بلا راحه حتى بعدما حرصت جنة على طمئنتهم عليها بمكالمه واحدة.
فسليمان تقريباً لا يتركها ولا يريدها ان تهاتف احد او تنشغل بأحد غيره.
اما نهله فى مستمره بدأب وإصرار على تعلم كل شئ وان تتخلى عن رهبة الكاميرا التى لازمتها فتره حتى تخلصت منها نهائيا... تعلمت اشياء كثيره واصبحت قريبه من تحقيق هدفها وترك بيت الظالم بلا راجعه.
وشوكت يتابع بنفسه الصحافه فهو ابدا لا يحب تداول الكل لأخبار عائلته يرى أنها تؤثر على اعماله ومشاريعه لذا يضعها فى الظل دائما... بإستثناء سليمان ولكن اى مناسبه عائليه او اجتماعيه فلا.
جلس الكل على طاولة الطعام وماهر يسأل بغضب مكبوت كالعادة :جرى أيه يا عمى هو سليمان هيفضل أجازه كده كتير... فات اكتر من اسبوع وهو حتى ماخرجش من أوضته.
نظرت غاده له بجانب عينها تخبره ان الكلام لا يفيد ولكنها تفاجئت من تاكيد شوكت لحديث زوجها يقول بغضب :فعلاً كده كتير اوى وشغلنا كله متعطل.
زياد :بصراحة ياجدى فى حاجات كتير مهمه متوقفه على امضة خالى لانه الوحيد الى ليه حق التوقيع.. حتى المرتبات مش قادرين نصرفها.
أشار بيده لأحد الخدم الواقف بعيد قليلاً وقال :تليفون.
ليخبره ماهر ساخرا:انت ماتعرفش ولا ايه يا عمى.. الباشا قافل تليفونه.. مش عايز حد يقاطعه تقريباً.
ضحك الجميع عدا تهانى ونهله.... كذلك شوكت زاد غضبه يأمر :هاتلى تليفون بيوصل لاوضته.
فى غرفة جنه وسليمان
كان يجلس وهو يحتضنها يشاهد أحد الأفلام الرومانسية (على عكس ذوقه وطبيعته)
وهى تحاول الخروج من احضانه فانتبه عليها يسأل :إيه يا حبيبتي.
جنه بضيق:زهقت من الحبسه دى.
سليمان :بس انا مازهقتش خالص بالعكس انا نفسى نفضل كده على طول.
جنه :انت بقا انا مش متعوده على كده ابدا.
حاولت الوقوف ليجذبها له قائلاً :رايحه فين... دى البطله خلاص هتقول قربت تقول للبطل بحبك اهو.
جنه:لأ مش هتقولوا.
سليمان :مين قالك.
جنه :ده فيلم قديم وشوفتوا قبل كده اكيد ١٠٠مره وبقولك مش هتقولوا.
سليمان :احمم.. اصلى ماليش فى الرومانسي.. كنت دايما اتفرج على امريكى.. اكشن ورعب...طيب هتقولوا امتى؟
جنه :مش هتقولوا.
وقفت مره اخرى لجذبها مجددا يقول :رايحه فين خليكى معايا.
تحدثت بضيق بعدما ضاق صدرها:هروح البلكونه... اشم هوا.. هواا.. عايزه هواا.. هتمنع الهوا كمان.
هم يجيب عليها يخبره انه نعم ولكن قاطعه اتصال والده جعله يتركها يجذبها له أكثر بيد والأخرى يجيب على الهاتف الأرضى لجوراه.
سليمان :الو.
شوكت:ياريت الباشا يفتح تليفونه يشوف المصالح المتعطله كفايه اوى كده.
سليمان بضيق:مش عايز افتحه دلوقتي...انا حر.
شوكت :الاسهم فى البورصه طالعه نازله وانت لوحدك الى ليك حق القرار وانت تقولى مش عايز.
زياد لجواره:ومرتبات الموظفين ياجدى .
تغاضى شوكت عن تلك النقطه فهى ليست من أولوياته يكمل لسليمان :سوق الاسهم مابيستناش حد لو غفلت هتتاكل.. افتح تليفونك ورد على الميل.
اغلق الهاتف بضيق يبحث عن هاتفه المحمول وهى استغلت الفرصه وفرت تفتح الشرفه تستنشق بعض الهواء أخيراً.. ملت من رائحته التى تملئ الغرفه وكل الأركان حتى ملابسها وجلدها لم تتركه.
وهو تفاجئ بتراكم اشياء كثيره كان غافل عنها كلها فى غاية الاهميه والخطوره.
لم يكن يوما متكاسل او مقصر ولكنها انسته العالم بما فيه.
نظر عليها وهى بالشرفه الهواء يداعب شعرها الجميل... اصبحت الحياه تتمحور حولها
ظن انه بعدما يمتلكها ستتشبع روحه ويصبح الأمر عادى.
لم يكن ظننا على قدر ما كان تمنى... فقد تمنى ذلك بدلاً من ذلك التعلق المريب بها.
لتكن الكارثه الأكبر والتى اكتشفها انه قد جن جنونه بها فلم ولن يسأم منها بل الأمر يوما عن يوم يزداد سوءا.
وهى غافله غير منتبهه على كل ما يحدث يعرف انه ورغم صمتها لم تحبه او تبادله اى شئ... ولا يعلم حتى متى ستتقبل.
لكنه مكتفي بتقبلها له وباتمام زواجه بها يكفيه انها معه بنفس المكان فهذه المرحله افضل بكثير عن ذى قبل.
وقفت فى الشرفه تسحب اكبر كمية من الهواء داخل رئتيها تسأل بحيره يا ترى ما القادم...وهل كتب عليها ان تبقى هنا ويجب أن تتأقلم ام سيأتي يوم عليها وتخرج عن هذه الدائره.
اغمضت عينها تحاول الهدوء لتفتح عينها تشهق بعدما فاجأها بوقوفه خلفها يسأل :انتى ليه مش كاتبه على صفحتك انك متزوجه؟؟؟ وليه مش منزله ولا صوره للفرح مع انك بتحطى صورك عادى.
تلعثمت فى الحديث... بما تخبره.
ضغط عليها أكثر يقول بغيره :ردى عليا.
جنة:مش عايزه حد يعرف اني اتجوزت حتى لما عزمت عزمت كام واحده من صحابى الباقى لأ.
اقترب منها بخطوره يقول :نعم؟ بتقولى إيه؟! يعنى ايه مش عايزه حد يعرف؟ ومش عايزاهم يعرفوا ليه؟
جنه :عشان حاجة تكسف.
وقع قلبه بين قدميه يردد ببهوت:حاجة تكسف!
استدارت تبكى وهى تقول بصوت عالى :البنات من سنى بيستعدوا للامتحانات بيخرجوا ويتفسحوا... ينزلوا يشتروا لبس الجامعه.. يتمشوا فى الشوارع ويضيعوا وقت.. مش تبقى مدام لرجل أعمال مانع عنها حتى الهوا.
زادت فى بكاءها ونهله تقف فى الشرفه المجاوره تستمع بصدمه لما يقال لا تعلم هل تكرهها ام تتعاطف معها.
لم يتحمل دموعها رغم قسوه ماقالته عليه فضمها له يهدهدها بحنان.
حملها وذهب لفراشهم يضعها عليه بعدما غفت.
نظر عليها يمشطها بعينه وبوجه كله اصرار فتح هاتقه يصنع مكالمه مع احدهم حتى اتاه الرد مرحبا بحبور:اهلا اهلا سليمان بيه.. ده أنا امى دعيالى النهاردة عشان معاليك تكلمنى
سليمان:ومش اى دعوه يا صفوت.. ده انا جايلك بخبر هايل.
صفوت بجشع:قول وفرح قلبى يا باشا.
ابتسم يقول بثقه وخبث:خبر جوازى يا صفوت.
صفوت:ده بجد؟! كان امتى انا ماعنديش خبر.
سليمان :مانت مش هيجيلك خبر إلا لو انا أمرت بكده.
صفوت بحيره:طيب إيه انا لسه مش فاهم.
سليمان بثقه وانتصار :عايز خبر جوازى من جنة محمود قنديل يملى كل الجرايد والسوشيال ميديا وخصوصاً فيسبوك وانستجرام... فاهمنى يا صفوت.
صفوت بابتسامه خبيثه:طبعا يا باشا.
سليمان:اقفل هبعتلك الصور.
اغلق الهاتق بوجهه ينتقى بعدها عدد من أفضل صورهم معا ويرسلها إليه.
وبعدها يغلق الهاتف ويقترب منها يشاركها الفراش يغلق الانوار ويغمض عينه بسلام وراحه وهو يحتضنها إليه بعدما أتم ما أراد.....
تكملة الرواية من هناااااااا
تعليقات
إرسال تعليق
فضلا اترك تعليق من هنا